-- صــــــــح ولا غــــــلـــط ؟؟ -- [الأرشيف] - بوابة الثانوية العامة المصرية

مشاهدة النسخة كاملة : -- صــــــــح ولا غــــــلـــط ؟؟ --

Rien

07-09-2008, 06:03 AM

السلام على من اتبع الهدى
اسعد الله اوقاتكم بكل خير ،

النهاردة .. عايزة نتناقش مع بعض ف موضوع مهم اوى بالنسبة لى
وبداية تفكيرى ف الموضوع ده كانت بسبب موقف حصلى
واكيد الموقف ده بيحصل كتير مع ناس كتير مننا وبيتكرر كل يوم
وعشان اعرض عليكم الموضوع .. هاحكيلكم الموقف ده ..
---
من 4 ايام قبل الفطار .. كنت راجعة من الدرس انا واتنين اصحابى
فيه واحد ( تقريبا من سننا او اصغر شوية ) وقفنا وادانى انا وواحدة من البنتين دول ورقتين فيهم اذكار
صاحبتى اخدتها ومشيت ( كانت فاكرة انها دعاية لحاجة معينة )
قام وقفها وقال انه طالب مساعدة مادية مننا ... وكلام تانى ( مش فاكرة بالظبط .. لان الموقف كان رخم اوى )
اول ما قال كدة انا نزلت الشنطة وكنت باستعد انى اطلع اى فلوس معايا
لقيت صاحبتى بتديله الورقة تانى وبتقوله : لاء شكرا
وبتشدنى من ايدى عشان امشى معاها .. استسلمت للموقف واديته الورقة انا كمان
مارضاش ياخدها وحسيت من نظرته بحزن جاامد وانه فعلا محتاج حد يساعده ف شيلت الورقة واديته جزء من الفلوس اللى كانت معايا
وبسرعة ديرت وشى ومشيت معاهم وانا حالتى غريبة
---
كدة الموقف انتهى
لكن بعد اللى حصل ده .. حسيت بحاجات كتير جوايا
احساس بالرضا - نوعا ما - لانى قدمت للشخص ده اى مساعدة ولو بسيطة وماسيبتهوش ومشيت
احساس بالغضب لانى شايفة انه قادر يشتغل ووممكن يساعد نفسه
احساس بالخوف انى ممكن اكون ساعدت حد مش يستاهل او مش يستحق كدة
احساس بالحزن عليه للموقف اللى اتحط فيه وللظروف اللى اجبرته على كدة
احساس بالنرفزة من كلام صاحبتى اللى فضلت تلومنى على اللى عملته
لانها شايفة انه مش يستاهل وكان مبررى ان اكيد ماحدش هايحط نفسه ف موقف زى ده الا لو كان مضطر يعمل كدة
حاجات كتير اوى كانت متلخبطة جوايا وماكنتش فاهمة اللى عملته صح ولا غلط
وقعدت افكر ف الموضوع كذا يوم ولحد دلوقتى الموضوع ف دماغى
انا كنت صح ولا غلط ؟!

يا ترى الشخص ده فعلا محتاج للمساعدة ؟ مع انه لو فكر يشتغل اكيد هايقدر يساعد نفسه !!
ايه الظروف اللى ممكن تجبره يحط نفسه ف موقف زى ده ؟
هل الشخص المحتاج للمساعدة بتكون عنده الجرأة يطلب من الناس اللى ماشية ف الشارع ؟ ولا دول مجرد نصابين عايزين فلوس وخلاص ؟!
ممكن يكونوا بيشتغلوا لحساب ناس معينة وده سبب انهم مجبرين على كدة ؟

فى انتظار آرائكم ،

C A N D Y

07-09-2008, 06:25 AM

بصى
اولا الموضوع دا بجد مستفز جدا
الاطفال دول بيستفزونى
و بيحطوكى فى موقف بايخ ان انتى لازم تديهم حاجة
اللى بيستفزنى اكتر تصرفاتنا
لان انا عشان اخلص منهم و عشان ساعات بيصعبو عليا بديهم اى حاجة
و بعدين برجع احس انهم استهبلونى:(
و بردو اللى ينرفز تصرفات غيرى
فى ناس بيبهدلوهم
دا بجد حرام دول مهما كانو صغيرين و الظروف اللى اجبرتهم على كدا
و ناس تانية بتتجاهلهم
طب ما ممكن بكل بساطة تساعدوهم بنصيحة او شغل او اى حاجة
دول ظروفهم كدا
سواء فقر او جهل او اسرة مشتته
بس اللى خلاهم كدا ان مفيش حد بيوجههم للطريق الصح
لو لقوا اللى يهتم بيهم و ينصحهم اكيد هيتغيرو
و هيكونو سعداء بالتغيير دا كمان
بس لو اتسابو كدا هيكبرو كدا
بلا هدف فى الحياة
عايشين و خلاص عبء ع المجتمع
و ساعتها مش المفروض نلوم حد غير نفسنا لاننا سيبناهم
و عايزة اقوللك حاجة
غالبا المحتاجين مساعدة بجد مش بيطلبو
اللى فى الشارع دول كلهم بيستعبتو
بس للاسف عمر ما حد فكر يدور ع المحتاجين المتعففين اللى بيتعبو و راضيين بقضائهم
دول اللى اتقال فيهم اية
"يحسبهم الجاهل أغنياء من التعفف تعرفهم بسيماهم لا يسألون الناس إلحافاً "
ثانكس ع التوبيك يا جميل بجد بجد فكرته جامدة
بس تانى مرة مش تخلى دول يأثرو فيكى
و بردو متزعليهمش
لو مش عرفتى تنصحيهم يبأى تجاهليهم و خلاص
...و بس:)

براءة

08-09-2008, 04:10 PM

الشفق الباكي

08-09-2008, 10:13 PM

الله اعلم ان كان محتاج اولا
انتى عملتى اللى املاه عليكى ضميرك واحساسك فاكيد مش غلط

CoMMaNdo

08-09-2008, 10:44 PM

هوا انتى عملتى الى عليكى
ونيتك طيبه
فانتى شيفاه يستحق المساعده فعشان كدا ساعدتيه
حكاية بقى انه منافق او بيكدب دى الى يعلمها ربنا
بس انتى عملتى الصح وربنا يباركلك

!!!دمعة حزن!!!

08-09-2008, 10:58 PM

ربنا يبارك فيكى

بس مش كل اللى بيمدوا ايديهم فى الشاعر بيبقوا محتاجين
معظمهم بيبقوا متسولين والمفروض اننا منساعدهم
لانهم ممكن يشتغلوا ويسعدوا نفسهم بنفسهم(ومتقوليش مفيش شغل فى البلد
بلدنا فيها شغل بس شبابنا متطلع)
وفيهم اللى بجد محتاج للفلوس واحنا مش بنعرف نفرق

_GUIDE_

09-09-2008, 07:59 AM

بصي انتى ملكيش دعوه بالشخص ده اذا كان محتاج او او او
انتى بتعملى الصح وحاطة ف نيتك ان
أحب الأعمال إلى الله عز وجل سرور تدخله على مسلم،
أو تكشف عنه كربة، أو تقضي عنه دينا، أو تطرد عنه جوعا.... الى اخره
حاطه فى نيتك ان ده انفاق
والفلوس دى مش رايحاله هو دى منك لله سبحانه وتعالى

صح كده
انتى مش بتديله هو انتى بتاجرى مع الله
فى ناس ساعات بتقول الكلمة الطيبة صدقة
وممكن تدى الشخص المسكين ده اللى تقدرى عليه واللى تكون نفسك راضيه عنه
انما نطعمكم لوجه الله لا نريد منكم جزاء ولا شكورا

happ_cat7

09-09-2008, 05:02 PM

مستر محمد فرج

16-09-2008, 12:44 AM

عزيزتى منى كل سنة وانت طيبة يارب تكونى بخير وفى احسن حال ..
الصدفة البحتة هى الى جعلتنى اقرأ هذا الموضوع ولانى اعرفك جيدا قرأته للاخر , اما بخصوص سؤالك انتى صح ولا خطأ ....
انتى صح مليون فى المية لماذا ؟؟؟ لان الرسول صلى الله عليه وسلم قال .. اعطوا السائل ولو اتاكم على فرس ...
وانتى عملتى اللى انتى عايزة تعمليه وهو الخير وبعدين انتى مش مفروض تعملى تحرى عن هذا الشخص علشان تعرفى انه يستاهل ولا لأ جزاءه عند ربنا .. جعلك الله دائما نبعا للعطاء والجود والكرم كما عهدتك من العام الماضى , وان شاء الله تكونى معنا هذا العام فى مادة المستوى الرفيع ( جغرافيا ) ..
ملحوظة .. ياريت يا منى تقوليلى عملتى ايه العام الماضى وجبتى كام وخاصة فى التاريخ ..

بحر الاحزان

16-09-2008, 02:07 AM

انا فى راى انك اكيد طبعا صح

وكمان كل انسان بيطلع صدقه او حاجه لله بيكون بنيه انها لله سبحانه وتعالى وحده بعيدا عن اى حاجه تانيه

وحتى كمان سيدنا محمد كان قال حديث شريف فيما معناه انك لو جالك سائل متردوش حتى لو كان راكب خيل

لكى منى كل التقدير

ENG:3assoma

16-09-2008, 02:20 AM

والله انا شايف ان حسب اللي قدامك لو شايفاه راجل كبير في السن او امرأه عجوز او شخص به مرض مثل الشلل او غيره (ربنا يحفظنا) اللي بيبقوا قاعدين على كراسي متحركه دول يعني اعتقد انك تديله ... انما لو شاب وفي سننا كمان لا
وطبعا انتي في كلا الحالات هتاخدي صواب لان نيتك ان الفلوس طالعه لله انما يستاهل او ميستهلش دي بينه وبين ربنا بقى .
وربنا يجزينا جميعا الصواب

SmSm Basha

16-09-2008, 04:39 AM

MohammeD el_SadaT

16-09-2008, 05:30 AM

بصى هو فعلاً الموضوع ده محير جداااااً
الشخص اللى قدامك بيبقى قادر وعاقل يعنى يقدر يشتغل ومع ذلك بيفضل " الشحاته "
ليه الله وأعلم هل لأنا طريقه سهله جداااً للحصول على المال
ولا هو مجبر على فى ذلك لأسباب لا يعلمها إلا الله

يعنى أنا فيه مواقف حصلت قدامى كتير
منها
إحنا عندنا أرض زريعين فيها " عنب " فى موسم الجمع بتلاقى ناس الله وأعلم هما منين بنات صبيان حريم ورجاله بيلفو على الأراضى بيطلوبو المساعه
فالشغل فى الجمع بيبقى عباره عن أولاد بيقصو العنب والبناط بتشله تطلعه بره
الشغل حوالى 2 ساعه بيخدو فيهم من 10ل 15 جنيه
هو يعتبر مش شغل أد ما هو تسليه

المهم
واحده جت تسأل " تشحت يعنى " فراحت ماما قايللها تعالى إشتغلى مع البنات اللى بيشتغلو وأنا بدى للبنت منهم 15 جنيه فى الساعتين دول هديكى إنتى 30 راحت البنت راده عليها بكل بجاحه 30 جنيه إيه ياأم 30 جنيه إنتى دا أنا أعملهم فى نص ساعه خلى فلوسك فى جيبك وراحت ماشيه

وحده تانيه ونفس الموقف
بس دى بقه ماما مقلتلهاش تعالى إشتغلى وأديكى الأجر مضاعف ماما لقت الست شايله عيل صغير على كتفها والواد هيموت من الحر فبتقولها مش حرام عليكى اللى إنتى بتعمليه ده والواد ممكن يموت فيها
راحت الست معيطه وقالت والله غصب عنى أنا لو بإيدى أشتغل وآكل بكرامتى ولا أعمل كده هو إنتى فاكره سهل على الواحده مننا اللى هى بتعمله ده ياحجه واللى الناس تعمله فينا والشباب اللى بيطمع فينا وما إلى ذلك
فماما بتقولها وإنتى إيه جبرك على كده
قالت أنا متجوزه واحد متجوز عليا 3 مخلف من كل واحده فينا قورتت عيال ومسرحنا كلنا اللى ترجع فى اليوم معاها أقل من 100 جنيه بيكسر عضمها
فبتقلها وإنتى إيه جابرك على العيشه معاه قالتلها ولادى ولو إطلقت مش هيسبنى فى حالى

وحكاوى من دى كتير من دى حصلت قدامى لو حكيت مش هخلص
فدلوقتى ياترى الناس دى فعلاً مذنبه ولا ضحيه المجتمع والظروف الله وأعلم

سـهيـلـة

16-09-2008, 09:46 PM

انا عايزة اقول لك ان الشحاتين كتروا اوى وبقت ديه شغلتهم ومعظمهم والله اعلم بيبقوا اغنية مش فقرا بس ديه بقت شغلتهم والغالبانين بيبانوا على وشهم هما محتاجين فعلا ولا لا فلو انتى كنتى حسيتى ان الولد ده فعلا محتاج فافرحى انك دخلتى على قلبه الفرح ومتزعليش

سـهيـلـة

16-09-2008, 09:50 PM

Rien

18-09-2008, 04:59 AM

مع احترامى لكل الردود اللى بجد ريحتنى اوى
وباشكر اصحابها جداا على مرورهم
لكن للاسف فات وقت الرد
وماينفعش اعلق على اى حاجة
لكن سبب ردى ده هو انتى شوفت رد استاذ محمد
عزيزتى منى كل سنة وانت طيبة يارب تكونى بخير وفى احسن حال ..
الصدفة البحتة هى الى جعلتنى اقرأ هذا الموضوع ولانى اعرفك جيدا قرأته للاخر , اما بخصوص سؤالك انتى صح ولا خطأ ....
انتى صح مليون فى المية لماذا ؟؟؟ لان الرسول صلى الله عليه وسلم قال .. اعطوا السائل ولو اتاكم على فرس ...
وانتى عملتى اللى انتى عايزة تعمليه وهو الخير وبعدين انتى مش مفروض تعملى تحرى عن هذا الشخص علشان تعرفى انه يستاهل ولا لأ جزاءه عند ربنا .. جعلك الله دائما نبعا للعطاء والجود والكرم كما عهدتك من العام الماضى , وان شاء الله تكونى معنا هذا العام فى مادة المستوى الرفيع ( جغرافيا ) ..
ملحوظة .. ياريت يا منى تقوليلى عملتى ايه العام الماضى وجبتى كام وخاصة فى التاريخ ..
كل سنة وحضرتك بخير يا مستر
شكرا جدااا على مرور حضرتك وقراءة موضوعى
بجد ده شرف ليا
والحمد لله بجد استفدت جدا من الردود
وان شاء الله هاقول لحضرتك على درجاتى اول ماكلم حضرتك
اما بالنسبة لوجودى السنة دى
للاسف مابقاش ينفع
باشكر حضرتك مرة تانية على كل شئ
جزاك الله كل الخير وجعله بميزان حسناتك استاذى الفاضل
:)

KHALOOOD

21-09-2008, 11:22 PM

Rien

29-09-2008, 09:27 PM

بما ان فترة بقائى ف المنتدى امتدت شوية
يبقى ارد على الناس اللى عبرونى
:d
---
بريشيوس
براءة
الشفق الباكى

ميرسى كتيير على مروركم الجميل ده
نورتونى
:)

بصى
اولا الموضوع دا بجد مستفز جدا
الاطفال دول بيستفزونى
و بيحطوكى فى موقف بايخ ان انتى لازم تديهم حاجة
اللى بيستفزنى اكتر تصرفاتنا
لان انا عشان اخلص منهم و عشان ساعات بيصعبو عليا بديهم اى حاجة
و بعدين برجع احس انهم استهبلونى:(
و بردو اللى ينرفز تصرفات غيرى
فى ناس بيبهدلوهم
دا بجد حرام دول مهما كانو صغيرين و الظروف اللى اجبرتهم على كدا
و ناس تانية بتتجاهلهم
طب ما ممكن بكل بساطة تساعدوهم بنصيحة او شغل او اى حاجة
دول ظروفهم كدا
سواء فقر او جهل او اسرة مشتته
بس اللى خلاهم كدا ان مفيش حد بيوجههم للطريق الصح
لو لقوا اللى يهتم بيهم و ينصحهم اكيد هيتغيرو
و هيكونو سعداء بالتغيير دا كمان
بس لو اتسابو كدا هيكبرو كدا
بلا هدف فى الحياة
عايشين و خلاص عبء ع المجتمع
و ساعتها مش المفروض نلوم حد غير نفسنا لاننا سيبناهم
و عايزة اقوللك حاجة
غالبا المحتاجين مساعدة بجد مش بيطلبو
اللى فى الشارع دول كلهم بيستعبتو
بس للاسف عمر ما حد فكر يدور ع المحتاجين المتعففين اللى بيتعبو و راضيين بقضائهم
دول اللى اتقال فيهم اية
"يحسبهم الجاهل أغنياء من التعفف تعرفهم بسيماهم لا يسألون الناس إلحافاً "
ثانكس ع التوبيك يا جميل بجد بجد فكرته جامدة
بس تانى مرة مش تخلى دول يأثرو فيكى
و بردو متزعليهمش
لو مش عرفتى تنصحيهم يبأى تجاهليهم و خلاص

...و بس:)

جميل اوى ردك يا دودى
وقولتى حاجة مهمة
فيه ناس بيتصرفوا معاهم باسلوب مش حلو وبيحسسوهم بالاهانة
فعلا حرام كدة
لان مهما كان طفل او حد كبير
مفيش حد هايعمل كدة بمزاجه
لكن برضو التجاهل مش حل !!
المفروض نكون ايجابيين اكتر من كدة
بصي انتى ملكيش دعوه بالشخص ده اذا كان محتاج او او او
انتى بتعملى الصح وحاطة ف نيتك ان
أحب الأعمال إلى الله عز وجل سرور تدخله على مسلم،
أو تكشف عنه كربة، أو تقضي عنه دينا، أو تطرد عنه جوعا.... الى اخره
حاطه فى نيتك ان ده انفاق
والفلوس دى مش رايحاله هو دى منك لله سبحانه وتعالى :)
هو كان كل القلق اللى جوايا اننا ممكن نتعرض لحد بيمثل
لكن ازاى هايمثل انه محتاج حد يساعده
مش عارفة بجد !!
لسة مش قادرة افهم لحد دلوقتى
لكن المهم ان اللى عملته مكانش غلط الحمد لله
لانى كنت هاتخنق اوى
الله اعلم ان كان محتاج اولا
انتى عملتى اللى املاه عليكى ضميرك واحساسك فاكيد مش غلط
الحمد لله
ميرسى يا شفق لمرورك

marwa.m

29-09-2008, 09:58 PM

على فكرة حاجة جميلة قوى ان موقف زى دة يحصل وتتوقفى عندة لانها فعلا قضية مهمة

وفعلا الناس دى مبتبقيش عارفة تعملى معاها اية

1- متديهاش حاجة وسعتها هتحسى بالذنب لانة ممكن يكون محتاج فعلا الفلوس ضرورى

2- تديها الفلوس بحسن نية وتصدقيها

* حل المش كلة دى من وجهة نظرى فى حاجتين

--- الناس دول يبقى عندهم كرامة ويشتغلوا ويكسبوا حلال من عرقهم

--- او احنا الزكاة بتاعتنا نوديها للجمعيات المتخصصة

وهى بتبقى اكتر علم وهتوديها للناس المظبوطة

وربنا يكرم الكل يارب

وكل سنة وانتى طيبة

Rien

29-09-2008, 09:59 PM

هوا انتى عملتى الى عليكى
ونيتك طيبه
فانتى شيفاه يستحق المساعده فعشان كدا ساعدتيه
حكاية بقى انه منافق او بيكدب دى الى يعلمها ربنا
بس انتى عملتى الصح وربنا يباركلك
بصراحة انا ماكنتش شايفة اى حاجة
:mellow:
ودايما لما بتتحط ف موقف زى ده بتبقى مش عارف تحدد اذا كان اللى قدامك المفروض تساعده او لاء
الله اعلم بقى
وميرسى لمرورك يا محمد
نورتنى
:)
ربنا يبارك فيكى

بس مش كل اللى بيمدوا ايديهم فى الشاعر بيبقوا محتاجين
معظمهم بيبقوا متسولين والمفروض اننا منساعدهم
لانهم ممكن يشتغلوا ويسعدوا نفسهم بنفسهم(ومتقوليش مفيش شغل فى البلد
بلدنا فيها شغل بس شبابنا متطلع)
وفيهم اللى بجد محتاج للفلوس واحنا مش بنعرف نفرق
معاكى حق
بس لما واحد توصل بيه انه يقف ف الشارع يطلب من ناس مايعرفهمش انهم يساعدوه
اكيد ده مش عنده اى فرصة للشغل
واكيد مش متطلع
لانه لو كان متطلع مكانش هايعمل كدة
وكانت اى شغلانة هاتبقى افضل ليه من الوضع اللى هو فيه ده
ميرسى لمرورك يا كوكو
نورتى
:)

صح كده
انتى مش بتديله هو انتى بتاجرى مع الله
فى ناس ساعات بتقول الكلمة الطيبة صدقة
وممكن تدى الشخص المسكين ده اللى تقدرى عليه واللى تكون نفسك راضيه عنه
انما نطعمكم لوجه الله لا نريد منكم جزاء ولا شكورا

صدق الله العظيم
شكرا لمرورك يا اسلام

Rien

29-09-2008, 10:29 PM

اولا اتمني انك تتقبلي مروري
والموقف ده بيتكرر معانا كلنا
لكن بجد انتي تقدري تحسي من اللي ادامك اذا كان بجد بيكدب او لا ؟؟
هو اه انا مانكرش ان في ناس كتير نصابه
بس انا كنت باسمع محاضري للحبيب علي الجفري
وبجد المحاضرة ده عجبتني اوي
انا مش عارفة حكاية يستحق او مايستحقش ده
لكن اللي انا كنت سامعاه في المحاضرة بيقول فيها
وحكي فيها عن موقف كده مش عارفة اذا كان حديث والا ايه بالضبط مش فاكرة
لكن اللي انا فاكراه انه كان قال لو اتاك احد يطلب منك ويسالك فاعطه ولو كان اتيك علي ظهر فرس وقال بعدها يعني في ايامنا ده لو كان اتيك علي سيارة فاخرة
ولو ماكانش معاكي فرده باحسن اسلوب ولو زاد والح في السؤال فهذا اختبار من الله يختبر بيه صبرك وحسن معاملتك
عالعموم ده اللي انا فاكراه .. انا اسفة اني طولت عليكي
بس انتي بكده يبقي انتي عملتي الصح في الموقف اللي حصلك
انا اسفة اني طولت عليكم تاني وتقبلي اضافتي ومروري ؟؟
وشكرا تاني ليكي علي موضوعك
اكيد هاتقبل مرورك واضافتك لانك نورتينى
ومتشكرة ليكى جداا على ردك
اللى بجد طمنى كتير
:)
انا فى راى انك اكيد طبعا صح

وكمان كل انسان بيطلع صدقه او حاجه لله بيكون بنيه انها لله سبحانه وتعالى وحده بعيدا عن اى حاجه تانيه

وحتى كمان سيدنا محمد كان قال حديث شريف فيما معناه انك لو جالك سائل متردوش حتى لو كان راكب خيل

لكى منى كل التقدير
شكرا كتير لمرورك
والله انا شايف ان حسب اللي قدامك لو شايفاه راجل كبير في السن او امرأه عجوز او شخص به مرض مثل الشلل او غيره (ربنا يحفظنا) اللي بيبقوا قاعدين على كراسي متحركه دول يعني اعتقد انك تديله ... انما لو شاب وفي سننا كمان لا
وطبعا انتي في كلا الحالات هتاخدي صواب لان نيتك ان الفلوس طالعه لله انما يستاهل او ميستهلش دي بينه وبين ربنا بقى .
وربنا يجزينا جميعا الصواب
بس احنا مش قد اننا نحكم على الشخص من مظهره
اكيد الحكم بتاعنا ده هايكون فيه نسبة خطأ
والله اعلم بما تضمر النفوس
شكرا لمرورك

underground364

29-09-2008, 11:32 PM

الموضوع ده جامد

etoil

29-09-2008, 11:45 PM

Rien

30-09-2008, 03:11 AM

انا شايف ان احنا نعطيهم و هم وضميرهم و في شيوخ كتيير قالوا كدا احنا نعمل اللي علينا ونعطيهم الا اذا كان باين انه مش محتاج او بيستهبل في الحالة دي لا طبعا و اعتقد ان ملامح الشخص بتفرق اذا كان بيطلب ببجاحة وللا بعزة نفس و وشه في الارض
شكرا يا اسلام لمرورك

بصى هو فعلاً الموضوع ده محير جداااااً

الشخص اللى قدامك بيبقى قادر وعاقل يعنى يقدر يشتغل ومع ذلك بيفضل " الشحاته "
ليه الله وأعلم هل لأنا طريقه سهله جداااً للحصول على المال
ولا هو مجبر على فى ذلك لأسباب لا يعلمها إلا الله

يعنى أنا فيه مواقف حصلت قدامى كتير
منها
إحنا عندنا أرض زريعين فيها " عنب " فى موسم الجمع بتلاقى ناس الله وأعلم هما منين بنات صبيان حريم ورجاله بيلفو على الأراضى بيطلوبو المساعه
فالشغل فى الجمع بيبقى عباره عن أولاد بيقصو العنب والبناط بتشله تطلعه بره
الشغل حوالى 2 ساعه بيخدو فيهم من 10ل 15 جنيه
هو يعتبر مش شغل أد ما هو تسليه

المهم
واحده جت تسأل " تشحت يعنى " فراحت ماما قايللها تعالى إشتغلى مع البنات اللى بيشتغلو وأنا بدى للبنت منهم 15 جنيه فى الساعتين دول هديكى إنتى 30 راحت البنت راده عليها بكل بجاحه 30 جنيه إيه ياأم 30 جنيه إنتى دا أنا أعملهم فى نص ساعه خلى فلوسك فى جيبك وراحت ماشيه

وحده تانيه ونفس الموقف
بس دى بقه ماما مقلتلهاش تعالى إشتغلى وأديكى الأجر مضاعف ماما لقت الست شايله عيل صغير على كتفها والواد هيموت من الحر فبتقولها مش حرام عليكى اللى إنتى بتعمليه ده والواد ممكن يموت فيها
راحت الست معيطه وقالت والله غصب عنى أنا لو بإيدى أشتغل وآكل بكرامتى ولا أعمل كده هو إنتى فاكره سهل على الواحده مننا اللى هى بتعمله ده ياحجه واللى الناس تعمله فينا والشباب اللى بيطمع فينا وما إلى ذلك
فماما بتقولها وإنتى إيه جبرك على كده
قالت أنا متجوزه واحد متجوز عليا 3 مخلف من كل واحده فينا قورتت عيال ومسرحنا كلنا اللى ترجع فى اليوم معاها أقل من 100 جنيه بيكسر عضمها
فبتقلها وإنتى إيه جابرك على العيشه معاه قالتلها ولادى ولو إطلقت مش هيسبنى فى حالى

وحكاوى من دى كتير من دى حصلت قدامى لو حكيت مش هخلص
فدلوقتى ياترى الناس دى فعلاً مذنبه ولا ضحيه المجتمع والظروف الله وأعلم

بالنسبة للاولى
بجد انسانة ف منتهى البجاحة وقلة الذوق
انا لو اتحطيت ف الموقف ده هاهزأها بجد
يعنى هى بتفضل انها تسأل الناس عن انها تشتغل بالفلوس اللى هاتاخدها ؟!
ربنا يشفى
---
التانية بجد الله يكون ف عونها
لكن برضو مش صح انها ترضى بالوضع ده !!
وتخلى اولادها يتربوا ف الظروف دى
ربنا معاهم بقى
:mellow:
بس الناس دى ضحية مجتمع
مش مذنبين
حتى اللى اتكلمت عنها ف الاول
ممكن تكون سلبية وعايزة حاجة سهلة حتى لو هاتضحى بكرامتها
لكن هى برضو ضحية !!
شكرا كتيييير يا محمد على مرورك الجميل
نورت الموضوع
:)
انا عايزة اقول لك ان الشحاتين كتروا اوى وبقت ديه شغلتهم ومعظمهم والله اعلم بيبقوا اغنية مش فقرا بس ديه بقت شغلتهم والغالبانين بيبانوا على وشهم هما محتاجين فعلا ولا لا فلو انتى كنتى حسيتى ان الولد ده فعلا محتاج فافرحى انك دخلتى على قلبه الفرح ومتزعليش
معاكى حق
ميرسى يا بسمة لمرورك الجميل
:)
يعنى بصى الموقف ده يبين لك ان فيه ناس بيشحتوا وبيبقوا اغنية جداااااااااا
مش حكاية غنية ولا فقيرة
بس هى مش عايزة تتعب نفسها
طالما فيه وسيلة اسهل
تفكير ف منتهى الغباء
:(

away-from-you

30-09-2008, 06:18 AM

سواء كان محتاج او مش محتاج ربنا ان شاء الله هيديكى ثوابك .... :)

انتى عملتى اللى عليكى ... وهو ده الصح

ميرسي ليكى يا جميل ع الموضوع :)

Rien

01-10-2008, 12:39 AM

على فكره الموضوع مش محتاج كلام خالص

بغض النظر عن هو محتاج ولا لا
دا ثواب وهتاخدى اجره ان شاء الله
جزاكى الله خيرا
بالنسبه لصحبتك
امممم
مش تسمعى كلامها
طالما قادره تساعدى الناس

يبقى توكلى على الله

ممكن بالنسبة لك مش محتاج كلام
بس بالنسبة لى كان حاجة دايما شاغلانى وبتخنقنى
:confused:
عموما شكرا كتيير على رأيك يا خالد
على فكرة حاجة جميلة قوى ان موقف زى دة يحصل وتتوقفى عندة لانها فعلا قضية مهمة

وفعلا الناس دى مبتبقيش عارفة تعملى معاها اية

1- متديهاش حاجة وسعتها هتحسى بالذنب لانة ممكن يكون محتاج فعلا الفلوس ضرورى

2- تديها الفلوس بحسن نية وتصدقيها

* حل المش كلة دى من وجهة نظرى فى حاجتين

--- الناس دول يبقى عندهم كرامة ويشتغلوا ويكسبوا حلال من عرقهم

--- او احنا الزكاة بتاعتنا نوديها للجمعيات المتخصصة

وهى بتبقى اكتر علم وهتوديها للناس المظبوطة

وربنا يكرم الكل يارب

وكل سنة وانتى طيبة
بالنسبة لانهم يشتغلوا
انا حاسة ان المعظم لو لقوا فرصة للشغل
وامل انهم يتغيروا
مش هايتأخروا
واكيد هايكون احسن لهم من الوضع اللى عايشينه ده
ف اكيد هما راضيين بكدة غصب عنهم
:(
باقى كلامك متفقة معااكى جداا فيه
ميرسى كتيير يا مروة على مرورك
نورتينى يا قمر
وكل سنة وانتى بالصحة والسلامة
:)

Rien

01-10-2008, 01:00 AM

الموضوع ده جامد
الله يخليك
اشك انك قريته اصلا بس ما علينا
:d
ربنا يبارك فيكى

بس مش كل اللى بيمدوا ايديهم فى الشاعر بيبقوا محتاجين
معظمهم بيبقوا متسولين والمفروض اننا منساعدهم
لانهم ممكن يشتغلوا ويسعدوا نفسهم بنفسهم(ومتقوليش مفيش شغل فى البلد
بلدنا فيها شغل بس شبابنا متطلع)
وفيهم اللى بجد محتاج للفلوس واحنا مش بنعرف نفرق
باشكرك على مجهودك الجاامد ف نقل الرد بتاع كوكو
ما شاء الله
توارد افكار غير طبيعى
برضو اشك انك قريت الموضوع
:d
سواء كان محتاج او مش محتاج ربنا ان شاء الله هيديكى ثوابك .... :)

انتى عملتى اللى عليكى ... وهو ده الصح

ميرسي ليكى يا جميل ع الموضوع :)
ميرسى يا جميل انك شاركتينى برأيك
والشكر ليكى على مرورك
:)

Lost Dreamer

01-10-2008, 09:55 PM

وحكاوى من دى كتير من دى حصلت قدامى لو حكيت مش هخلص
فدلوقتى ياترى الناس دى فعلاً مذنبه ولا ضحيه المجتمع والظروف الله وأعلم

فعلا يا محمد الناس دي مذنبه ولا ضحية الظروف وهل احنا لما بنديهم الفلوس بنساعدهم بيها ولا بنديهم اصرار انهم يستمروا علي الشحاته لانها مرحبه اكثر ؟؟؟؟؟؟

كولو

01-10-2008, 10:02 PM

دول بقى مجرد متسولين وليس فقراء
الفقير يا اختى عمره يا يقبل ان كرامتة تتهان حتى ولو اخر يوم فى عمره وطبعا احنا كلنا فقراء
والى بتعجب له ان ممكن يشتغل لكن وليه علشان ( الطيبين يقعو فى الفخ )
وحصل الموقف ده معايا كتير
واحد شفته قبل كده كان شغال عند واحد بيبيع اسمنت وطوب وجبس وكده يعنى كان شغال عربيه بس كان فى بلد تانيه
المهم فى مره من المرات واحد خبط على الباب
طلع الواد ده
داخل عليه وفى ايده ورقه مكتوب فيها يعنى ابويه عده مش عارف شرطان ايه والعياذ بالله
وقايم واخدنى بالبوس من هنا ومن هنا
المهم قلتله متخدنيش فى دوكه انت يبنى انت
انت مش كنت شغال عند واحد وبتاخد فلوس بالحلال احسن ما تهين نفسك بالطريقه دى
المهم لقيت وشه اتقلب الوان خد بعضه ومشى ودخلش على اى بيت بعد كده

الناس دى مش هيا الاوله بالحسنه

E/GOGO

02-10-2008, 04:26 AM

بصى انا معاكى فى الى انتى قلتى وانا اتحطيت فى الموقف دة كذا مرة وبردهشعرت بالانتى حاسة بس انا هقول حاجة انا هعطيه وخلاص وان كان محتاج يبقى حلال علية ولومكنش محتاج وقادر ان هو يشتغل فربنا هو اليحاسبه
انا بقى المرة كنت ماشية وبعدين بنتين صغيرين ماشين وراية وعاوزين حاجة لله بس انا كان معيش اى فكة بس كنت باكل ايس كريم راحة شدوه منى وجرية انا ساعتها اتنرفزت اوى وحسيت ان هما ميستهلوش انتى معاية؟

Rien

04-10-2008, 05:16 AM

فعلا يا محمد الناس دي مذنبه ولا ضحية الظروف وهل احنا لما بنديهم الفلوس بنساعدهم بيها ولا بنديهم اصرار انهم يستمروا علي الشحاته لانها مربحه اكثر ؟؟؟؟؟؟
ممكن نقول ان معظمهم ضحية الظروف
والاقلية مذنبين واحنا بنساعدهم يستمروا وبنشجعهم على كدة
لكن احنا هانعرف منين ؟!
الله اعلم
ويهدينا للصح ان شاء
شكرا على مرورك
دول بقى مجرد متسولين وليس فقراء
الفقير يا اختى عمره يا يقبل ان كرامتة تتهان حتى ولو اخر يوم فى عمره وطبعا احنا كلنا فقراء
والى بتعجب له ان ممكن يشتغل لكن وليه علشان ( الطيبين يقعو فى الفخ )
وحصل الموقف ده معايا كتير
واحد شفته قبل كده كان شغال عند واحد بيبيع اسمنت وطوب وجبس وكده يعنى كان شغال عربيه بس كان فى بلد تانيه
المهم فى مره من المرات واحد خبط على الباب
طلع الواد ده
داخل عليه وفى ايده ورقه مكتوب فيها يعنى ابويه عده مش عارف شرطان ايه والعياذ بالله
وقايم واخدنى بالبوس من هنا ومن هنا
المهم قلتله متخدنيش فى دوكه انت يبنى انت
انت مش كنت شغال عند واحد وبتاخد فلوس بالحلال احسن ما تهين نفسك بالطريقه دى
المهم لقيت وشه اتقلب الوان خد بعضه ومشى ودخلش على اى بيت بعد كده

الناس دى مش هيا الاولى بالحسنه
واضح ان الشخص اللى اتكلمت عليه لقى ان دى طريقة اسهل !!
ربنا يهديه وامثاله
وعموما احنا لازم نفترض حسن النية
كما فى الحديث اللى اتكلم عنه الاعضاء فى مشاركاتهم
( اعط السائل ولو اتاك على فرس )
والنية دى حاجة بتاعة ربنا
وربنا هو اللى هايحاسبهم على نيتهم مش احنا
شكرا لمرورك بالموضوع
بصى انا معاكى فى الى انتى قلتى وانا اتحطيت فى الموقف دة كذا مرة وبردهشعرت بالانتى حاسة بس انا هقول حاجة انا هعطيه وخلاص وان كان محتاج يبقى حلال علية ولومكنش محتاج وقادر ان هو يشتغل فربنا هو اليحاسبه
انا بقى المرة كنت ماشية وبعدين بنتين صغيرين ماشين وراية وعاوزين حاجة لله بس انا كان معيش اى فكة بس كنت باكل ايس كريم راحة شدوه منى وجرية انا ساعتها اتنرفزت اوى وحسيت ان هما ميستهلوش انتى معاية؟
ممكن تقولى ان دول مجرد طفلتين ومش فاهمين حاجة
بس ده ذنب اللى حطهم ف الوضع ده
وخلاهم يعملوا كدة وهما لسة صغيرين مايعرفوش حاجة ف الدنيا
وممكن يكبروا على كدة
حرام والله ان الاطفال دول يتربوا كدة !!
ربنا معاهم
:(

شكرا مهندسة المستقبل لمرورك بالموضوع
نورتينى
بارحب بيكى ف المنتدى
وشرف ليا ان اول مشاركاتك تكون ف موضوعى
:)

بورسعيدى

04-10-2008, 05:35 AM

طبعا الى انتى عملتيه صح الصح

انتى اتصرفتى صح والله اعلم ان كان يستحق والا لاء

والمهم هى نيتك خالصة لوجه الله والا لاء

بغض النظر عما اذا كان نصاب او غيرة

لكن مجرد لفت نظر

طالما السائل بحالة جيده ويقدر على العمل مافيش داعى نشجعة على هذا العمل المشين

واذا كان فى نيتك اخراج صدقة فتوجهيها الى ما تريه يستحق
مثل رجل عجوز او مريض او ارملة او من ذوى الاحتياجات الخاصة ( معوق) مثلا

شكرا

Rien

05-10-2008, 05:13 AM

طبعا الى انتى عملتيه صح الصح

انتى اتصرفتى صح والله اعلم ان كان يستحق والا لاء

والمهم هى نيتك خالصة لوجه الله والا لاء

بغض النظر عما اذا كان نصاب او غيرة

الحمد لله

لكن مجرد لفت نظر

طالما السائل بحالة جيده ويقدر على العمل مافيش داعى نشجعة على هذا العمل المشين

واذا كان فى نيتك اخراج صدقة فتوجهيها الى ما تريه يستحق
مثل رجل عجوز او مريض او ارملة او من ذوى الاحتياجات الخاصة ( معوق) مثلا

شكرا

فعلا حضرتك معاك حق
المفروض انطباعنا عن الشخص ده هو اللى يفرق
لكن بجد الموقف بيكون مش سهل !!
باشكر حضرتك جداا استاذ مجدى على مرورك
ده شرف ليا
:)