مشاهدة النسخة كاملة : معاكسات البنات اخر زمن
احمد نوفل 07-09-2008, 12:24 PM سخافات معاكسة الشباب للبنات
في الحي الشعبي ..بسبس في الحي الراقي . . توت..تيت.. مافيش بنت فيكي يا مصر إلا وتعاني من المعاكسات المستفزة والسخيفة اللي بجد
تحرق الدم ومافيش حاجة اسمها معاكسة لطيفة ومعاكسة سخيفة المعاكسة معاكسة
وهي بكل أنواعها وصورها اعتداء على استقلالية وخصوصية الآخر . . طبعا في أولاد
دلوقتي هيقولوا ما هو فيه برضه بنات بتعاكس الشباب . . حنقول . . حتى لو فيه ماهي
برضه من ضمن قلة الأدب .
المعاكسة ظاهرة قديمة لكن تطورت بتطور العمر اللي إحنا عايشينه . . ده طبعا بسبب
الهاي تك ، اللي بتحاصرنا في كل ناحية يعني ممكن تلاقي رسائل على الموبايل أو رنات
أو حتى مكالمات وكمان ممكن تلاقي شباب يعمل إنه بيلعب في الموبايل لكن بقصد
تصوير البنات .. وطبعا فيه معاكسات بكلكسات السيارات والمساحة والنور .. فعلا حاجة
غريبة وسخيفة وساقطه في مجتمعنا اللي عاش ينادي بالعادات والتقاليد اللي غابت عن
عقول شبابنا .. طبعا لازم نقول إن فيه قانون بيجرم المعاكسات يعني على حسب طبيعة
المعاكسة .
المعاكسات كمان بتفرق حسب طبيعة المكان بحكم البيئة والتركيبة الاجتماعية يعني
ممكن تلاحظ أنه في الأماكن الشعبية يعاكس الشباب البنات ب " بس بس انت يا " أو "
بصراحة أحلى واحدة اللي لابسه جزمة حمرا" وهكذا .
وممكن نلاقي في الأماكن الهاي شوية من ناحية الفلوس يعني مش من ناحية السلوك ..
البنت بتتعاكس بكلام مباشر أو يتريقوا على لابسهاا وممكن كمان ينزل الشاب من عربيته
ويمشي بجانب البنت ويفتح أي حوار وكأنه فعلا عارف البنت حقارة طبعا .
أو يقول رقم موبايله بصوت عال أو يحاول يفهمها أنه مش بيعاكس ويسأل على عنوان
معين وكلها حجج بيؤلفوها لمحاولة مضايقة البنات وخلاص .. طبعا دلوقتي كمان ممكن
تلاقي رسالة إعجاب على الموبايل أو رسالة تهديد وطبعا مرسلة من على النت علشان ما
نعرفش مين اللي باعت . . أو تصور البنات وهما قاعدين في كافيه من الموبايلات وطبعا
يتباهى البيه إنهم صحباته والأنتيم كمان .
وارجو ان اسمع تعليقات الشباب والبنات وبصراحه ومن غير زعل هههه
rose 2010 07-09-2008, 01:10 PM الانسان اللى بيعاكس ده بيكون مش محترم ولازم يعرف انه اللى بيعمله هيتعمل فى اخته او قريبته..........(كما تدين تدان)...
الضوء الشارد 07-09-2008, 01:33 PM حمد على السلامة يأحمد أنت كنت فين مختفى بقالك فترة ..... أه والله البنى أدم اللى بيعاكس مايستحقش لقب بنى ادم هو حيوان ...... مابيخافش على أختهولا أمه ولا قريبته
منى ذكى 07-09-2008, 01:40 PM ويمشي بجانب البنت ويفتح أي حوار وكأنه فعلا عارف البنت حقارة طبعا .
أو يقول رقم موبايله بصوت عال أو يحاول يفهمها أنه مش بيعاكس ويسأل على عنوان
اه فعلا ده بيحصل كتير اوى
بصراحة أحلى واحدة اللي لابسه جزمة حمرا
هههههههههههههه دى قديمة اوى بس لسة برضو فى ناس رخمة بتقولها واحلى واحدة ام رجل واحدة والهبل ده.
فعلا انت قولت كل حاجة بتحصل وربنا يهدى يارب وكما تدين تدان
الشفق الباكي 07-09-2008, 02:35 PM كلها سخافات وبنى ادمين مش محترمه
احمد نوفل 07-09-2008, 04:52 PM شكرا على مروركم الجامد ده
lover rose 08-09-2008, 12:12 AM اللى بيعاكسوا دول ناس مش محترمين لان معاكساتهم مستفزه اساسا
** MR.SmilE ** 08-09-2008, 12:16 AM اللي بيعاكس ده مش عارف يحترم نفسه عشان يحترم غيره
و لو اتخيا ان اللي بتتعاكس دي اخته مثلا
اكيد هيبطل
شكرا علي طرحك للموضوع
the black rose 08-09-2008, 12:35 AM انا فعلا بحتقر الانسان اللى بيعاكس
بيسقط من نظرى
انا نفسى افهم ايه فايدة المعاكسة
ده الواحد بيبقى ماشى مش طايق نفسه
ربنا يهديهم
تقبل مرورى
semsema_semsema 08-09-2008, 12:47 AM اة فعلا كل اللى قولت علية بيحصل بس اساسا الانسان اللى بيعاكس دا اولا لايوصف الا بالتفاهة وقلة الادب واكيد هنسمع بعض
التعليقات اللى هيقولك البنات هى السبب مش هقول لاء هو فى البعض من البنات وليس الكل هم السبب لكن دا مايمنعش ان
والله وحصلت معايا بتكون ماشى اخر احترام وتتعاكس وصلت اللى انى لبست الاسدال لمدة اسبوع ولا حاجة اتغيرت المعاكسات
هى هى بس هقول اية غير ان اللى بيعمل كدة اكيد هيترد فى اعز الناس لية ومافيش نقاش فى الحتة دى وبكرة يشوف
كما تدين تدان
وميرسى على الموضوع
الرحمة حلوة 08-09-2008, 12:57 AM تقريبا الانسان اللى بيعاكس اكيد عنده مرض نفسى ويكون اكيد فى حاجة للعلاج فهو بيعانى من مشكلة وبصراحة الموضوع زاد جدا والظاهر ان الناس نسيت دينها وبقت بتجرى جرى الوحوش لاشباع رغبة ما وان الشاب اللى بيعاكس نقوله اتقى الله فى اى فعل بتعمله وغض بصرك واحفظ نفسك من الفتنة
احمد نوفل 08-09-2008, 05:37 PM اولا بشكركم جميعا على مروركم الى اكتر من رائع بس الحال بقى محال والتغيرات شغالة على ودنه
الله يخرب بيت الغرب الى عايزين نقلدهم ربنا يرحمنا
titoo2030 08-09-2008, 06:00 PM يا جماعة احنا بنجيب اللوم على الشباب المغلوب على امرة لية هوا لو البنت كويسة ومحتشمة حد هيقدر يعاكسها حتى لو اتعاكست المحترمة يعنى هتلاقى اللى يدافع عنها
شكرااااااااا على الموضوع
ENG:3assoma 09-09-2008, 04:13 AM انا معاكو ان المعاكسات حاجه غلط بس احيانا بتبقى مجبر وببتبقى البنت هتموت علشان تقولها كلمه هتعمل ايه ...؟؟ ربنا يهدينا
احمد نوفل 09-09-2008, 05:44 PM هههههههههههه اوكى يا عم ورك النملة فيه كده فعلا
Eng. A'laa Salah 09-09-2008, 08:55 PM انا متفقه معاكم فعلا في رايكم ان الموضوع ده زاد فعلا في الفتره الاخيره ومش هاقول السبب الولد او البنت لان الولد مش المفروض يتعرض للبنت بأي طريقه والمفروض البنت تكون محترمه ومحتشمه
حسام الشرقاوى 09-09-2008, 09:10 PM ورك نملة منووووووووووووووووور
بردك الاهبل دة
احمد نوفل 10-09-2008, 11:18 PM فين الناس التانية
welcomeeee 10-09-2008, 11:24 PM اه فعلا موضوع المعاكسات ده زاد اوى
واللى بيعاكس مبيفرقش عنده البنت دى محترمه ولا لأ
يلا ربنا يهدى الجميع
الاء محمد 10-09-2008, 11:26 PM شكرا جزيلا على الموضوع
جازاكم الله خيرا
ahmed abobakr 10-09-2008, 11:38 PM شكرا لك على الموضوع .. ودى اصبحت ظاهرة منتشرة جدا .. الحمدلله عمرى ما فكرت اعاكس بنت او اكلمها اصلا ...... لان طبعا ... كما تدين تدان
احمد نوفل 11-09-2008, 05:49 PM شكرا لك على الموضوع .. ودى اصبحت ظاهرة منتشرة جدا .. الحمدلله عمرى ما فكرت اعاكس بنت او اكلمها اصلا ...... لان طبعا ... كما تدين تدان
شكرا على ردك وكل واحد وطريقة فعله
Empty Heart 11-09-2008, 06:03 PM اكيد اللي بيعاكس ده انسنا غير محترم بالمرة
و يا شباب ارحموا البنات شوية
نبض الحياه 11-09-2008, 08:37 PM والله موضعوع جميل جدااااا
ان حضرتك اتكلمت فية
دا الناس اللى بتعاكس دى مي جيوانات دول بقوا كلاب
المعاكسات بقيت حاجة يومية فى الشارع
احمد نوفل 11-09-2008, 10:12 PM والله موضعوع جميل جدااااا
ان حضرتك اتكلمت فية
دا الناس اللى بتعاكس دى مي جيوانات دول بقوا كلاب
المعاكسات بقيت حاجة يومية فى الشارع
الى بيعاكس بيتباهى بالمعاكسة ربنا يرحمنا
احمد نوفل 15-09-2008, 02:15 PM مفيش حد تانى عايز يضيف رد
معهد اسكندريه 15-09-2008, 02:28 PM اولا الشخص الذى بيعاكس البنات ده بيكون عنده حاله نقسيه ههههههههههه
وغير محترم وسافل كماااااااااان لانه مش بيراعى شعور البنت وحرجها اثناء سيرها فى الشارع
وكمان فى الاماكن العامه والنوادى اااااااااالخ
يا ريت الشباب يراعوا ذللك ويتخيلوا اختهم فى موقف زى ده
احمد نوفل 16-09-2008, 12:22 AM اولا الشخص الذى بيعاكس البنات ده بيكون عنده حاله نقسيه ههههههههههه
وغير محترم وسافل كماااااااااان لانه مش بيراعى شعور البنت وحرجها اثناء سيرها فى الشارع
وكمان فى الاماكن العامه والنوادى اااااااااالخ
يا ريت الشباب يراعوا ذللك ويتخيلوا اختهم فى موقف زى ده
شكرا على ردك ومرورك
Baskoota 16-09-2008, 05:04 AM والله هو موضوع الكلام فيه مش بيخلص
بصراحة مفيش حد سالم من المعاكسات
انا مرة ماشية في الشارع كنت راجعة من درس وولد بيقولي الساعة كام يا انسة
بصيت لقيته لابس في ايده ساعة قد المنبه
قمت مشيت ومرديتش عليه
مع اني الحمد لله مش متبرجة ولا حاجة
اما بقى البنات اللي بيعاكسوا الولاد فبصراحة مش عارفة اسميهم ايه
لانهم كاتيجوري جديد خالص
اللهم احفظ شبابنا وبناتنا
Noor Egypt 16-09-2008, 07:07 AM موضوع جميل
ولازم يعرف الى بيعاكس البنات دا
زى ما هو مش هيرضيها لاخته
ميرضهاش لاى بنت تانية
وانو هيتعرف انه واحد مش محترم:(
لميس2010 16-09-2008, 11:28 AM أولا اذا البنت محترمة لنفسها دينها متحاولش أتجعل الشاب يكلمها بعد ما تكون هتموت ويكلمها بعدها تعمل محترمة هذا يخالف الدين و القيم و الأخلاق والشب الذى يعاكس البنات هو انسان غير محترم وأنا شخصيا بحتقر البنات الغير محترمة والشاب الى يعاكس وشكرا على الموضوع جداااااااااااا
احمد نوفل 16-09-2008, 12:23 PM اشكركم جميعا
master666666 17-09-2008, 08:43 PM ههههههههههههههههههههههههههههههه
احمد نوفل 17-09-2008, 08:55 PM ههههههههههههههههههههههههههههههه
انتا بتضحك على ايه
Saro2a_92 17-09-2008, 09:16 PM انا فعلا لم بمشى فى الشارع و بتعكس بضيق جدا منهم وبكرة حد بيعكس
Saro2a_92 17-09-2008, 09:18 PM ان بكرة الى بيعاكس و بستحقرة هم الصبيان بيستفيدوا بيها اية
أحمد2025 17-09-2008, 10:17 PM بص يا أحمد
طبعا مفيش نقاش
العيب فى الولد
بجد الشباب دلوقتى بقى حالهم حال
بجد الشباب لازم يبص لدينة شوية
مينفعش اللى بيحصل ده
شكرا يا أحمد ع التوبيك الجامد جدا
احمد نوفل 18-09-2008, 04:56 PM مش كل الشباب بس معظمهم وربنا يهدى
tweety_moon2010 18-09-2008, 09:08 PM الموضوع حلو اوى
بس العيب مش على الولد لوحده على معظم البنات اكتر من الولاد بلبسهم ومكياجهم الزايد هو اللى بيخلى الولد يعاكسها
ABO HESHAM 18-09-2008, 09:45 PM انا معاكم كلكم بس من الاول لو كانت البنات لبسه محترم مش حيحصل حاجه ومحدش هيروح يعاكس واحده لبسه خمار ولا ايه يا ناس خلينا نفكر شويه
معهد اسكندريه 18-09-2008, 11:02 PM انتو ليه متحاملين على البنات اولا الولد له الجانب الاكبر
والبنت ايضا ولكنها اقل من الولد وبعدين سورى الموضوع غير متعلق بالبس
بس ولكن ايضا جانب كبير على الاخلاق والشباب ايضا لديهم ملابس غير محترمه
وهم ايضا البعض الكثير منهم غير محترمين من الفئتين
وهذا موضوع يحتاج الى مساحه اكبر للكلام
روميو 21-09-2008, 08:56 PM لو مافيش معاكسات يبقى انتى اكيد مش فى مصر الود لما يتولد بيعاكس البنت اللى فى السرير اللى جنبه
بجد شئ مش كويس الواحد حتى لما بيشوف كده مش بيحص بالامان على المه واخته وبنته ومراته
ربنا يهدى كل الناس
amr_2010 21-09-2008, 09:05 PM من الاخر لو البنت محترمه وبتلبس لبس محترم محدش هيقدر يعاكسها
لكن متجوش بقا يا بنات تلبسو لبس منيل وتقولو مش عارفين نعمل ايه مع الولاد الي مش محترمه دي
بس دلوقتي بقا في ظاهره غريبه والله ان البنات هي الي بتعاكس
والله انا المواقف دي بتحصل معايا
البنت بقت جريئه جدا لدرجة انها تبصلي وماتتكسفش انا الي بتكسف والله
Eng_Hegazy91 21-09-2008, 09:45 PM يا جماعه طبعا الف شكر على الموضوع الجميل ده
بس بردك العلاج نبينا محمد صلى الله عليه وسلم حينما قال "من استطاع منكم الباءة فاليتزوج ومن لم يستطع فعليه بالصوم................." يعنى سيدنا محمد المعلم الاعظم بيقول للشباب داوموا على الصيام ليه لانه بيكسر النفس ويذلها ونزهها عن الشهوات
وادينا عرفنا العلاج وياريت بقى لو نضوم زى نبى الله داود عليه السلام .كان يصوم يوما ويفطر يوما وقال نبينا عليه افضل الصلاة والسلام افضل صيام صيام داود
وتقبل مرورى اخى
النوبة 21-09-2008, 10:01 PM فعلا الموضوع دا كتر قوى اليومين دول وانا رايى ان دول ناس لم يشغلوا نفسهم بالحق فشغلتهم بالباطل ربنا يصلح حال الناس فى هذا الشهر الكريم اللهم امين
رونالدينهوو 21-09-2008, 10:28 PM الموضوع مشترك فيه الطرفين طبعا
لازم ان البنت تخرج محترمة ومحشمة دة انا اسمع عن بنات يخرجوا من البيت محجبين ولما يوصلوا الجامعة يغيروا ملابسهم ويسبوا شعرهم ويحطوا ميكاب كامل والمفروض على الولد انه يراعى ربنا ولو لاقى بنت محترمة ميعاكسهاش حتى لو حد عاكسها يدافع عنها والبنت اللى تخرج عن دايرة الاحترام وتبقى متبرجة تستاهل اللى هيجرالها
ماهينور 2 22-09-2008, 09:46 AM الموضوع فعلا جميل ولازم يتوضعلوا حل
بس حكايه البنت بتخرج من البيت محجبه وتغير اللبس في الجامعه دي حاجه حقيقيه فعلا لاني شفتها بعيني في الجامعه البنت دخلت الحمام محجبه ولاقيتها خلعت الحجاب وطلعت الميك اب من الشنطه وبهدلت وشها (الحمد لله الذي عفانا )
لكن ده ميمنعش انه في بنات محترمات مش بيعملوا كده خالص
يعني النوعين موجودين في البنات المحترمه والمتبرجه
وهكذا بالنسبه للاولاد برضو يوجد فيهم النوعين في الانسان المحترم قوي حتي لو شاف بنت من اللي اياهم ولا حتي بيبصلهم
وفي النوع التاني سواء محترمه او لا بيعاكس
وربنا يهدي الجميع
Tomorrow might not come 22-09-2008, 03:03 PM مساء الخير انا عجبنى الموضوع جدا
والله فعلا معاكسات الشباب للبنات رخمة ولو ان معظم البنات بيحبو كده بس ده برده اعتداء على الفلة اللى مش بتحب تتعاكس
اما بقى معاكسة البنات للشباب دى مصيبة بقى انا حصل معايا اللموقف ده والله بجد كنت فى نص هدومى معقول انا اتعاكس ولا وسيم ولا حاجة بس الحمد لله محترم يعنى وكويس فانا زهلت وفى نفس الوقت اتكسفت لاول مرة اتكسف كده
فالمعاكسات سواء شباب لبنات او بنات لشباب اعتداء وتعدى لحدود اللى بيعاكس على حقوق اللى بيتعاكس
وميرسى على الموضوع الرائع ده يا جميل
احمد نوفل 22-09-2008, 03:34 PM شكرا ليكم كلكم على مروركم العطر بالموضوع
|