|
مشاهدة النسخة كاملة : ايه هو الكتاب الخارجي اللي زي كتاب المدرسة بالضبط؟ عمار قاسم 07-09-2008, 02:22 PM كلنا عارفين ان كتاب المدرسة هو المرجع الاول لنموذج الاجابةفي آخر السنة لكن المشكلة انه مش منظم اوي عشان كده لو في كتاب خارجي زي كتاب المدرسة و منظم هو ده الحل نرجو من الجميع تقديم اقتراحات Dr.Abo Hassan 07-09-2008, 02:35 PM انا ان شاء الله هافيدك هوة كتاب المدرسة منظم بشكل كبير بس اللى يزعجك هوة انة كبير ولكن انت مش فاهم اللى فية لية علشان انت معتمد على مذكرة الاستاذ فانت لازم ولابد انك تاخد عند استاذ بيشتغل من كتاب المدرسة علشان فية اسئلة ممكن تسألها للمدرس بتاعك وفى الكتاب بس للا سف ممكن مش يعرف يجاوب عليها ويقولك مش بتيجى فى الامتحان ودة والله حصل معايا فانت مش عليك الا كتاب المرسة واوعى تشتري اى كتاب خارجى للشرح ابدا لان عمر مايكون فية كتاب زى كتاب المرسة بالضبط لانة لازم يحط حاجة او بالاصح يألفها ومش عليكم علشان تشترية فلازم عليك تلتزم بكتاب المدرسة وحاول وانت هتلاقية جميييييل جدا والله ومش تشترى الا كتاب للتمارين فقط معلش انا طولت عليك بس ياريت تاخد بنصيحتى وكل سنة وانت طيب وربنا يوفقك ولو عايز تعرف كتاب الخارجى اية خش هتلاقينى مشارك فى ( رشح معنا افضل كتاب خارجى ) وخد بالنصيحة ومش هتندم والسلام عليكم ورحمة الله الهاوى 07-09-2008, 05:49 PM من رأى الخاص ان كتاب المدرسة هو الاصل ولا يعلى عليه ولا اظن انه يوجد كتاب خارجى يوازن بين النظرى وحلول المسائل معا بالتأكيد لالالالالالالالا:rolleyes: AbanoubAziz 08-09-2008, 11:39 PM انا مدرسين الفيزياء الى انا باخد عدهم ( اتنين ) بيقولوا ان كتاب المدرسة فى الفيزياء مش كويس انك تذاكر منه اولا : المادة العلمية غير منظمة وغير مرتبة ثانياً : الاخطاء الى فيه وبيقولوا على الكتاب انه من بره الله الله ومن جوه يعلم الله يعنى ميغركش الشكل بتاعه منهم استاذ بيقول انا عديت الى بيعملوا الكتاب لقيتهم 23 وكلهم كانوا متنرفزين وهما بيعملوا الكتاب عملينوا تلسقة وعمليه اى حاجة وخلاص من وجهة نظرى انا بقى انا شايف ان كتاب المرسة هو الاساس اه بس متزكرش منه ولا من كتاب خارجى برضو عشان الكتب الخارجية بتسيب حجات سعات انا فى مدرس من الى انا باخد عندهم بيشتغل من مذكرة وفى استاذ تانى بيملينا وبيوجع دماغنا وبيدينا اضعاف الى فى كتاب المدرسة وبيحل معانا مسائل واسئلة كتاب الامتحان انصحك انك تشوف اى مدرس بيشتغل كده لان ده هو الشائع Abdulrhman E-Lbbad 09-09-2008, 02:18 AM كتاب الشرح المماثل لكتاب المدرسة تماماً تقريباً بس بتنظيم شوية هو كتاب المعلم للشرح ، و احسن كتاب للمسائل و التدريبات المتنوعة هو كتاب الاكتحان في الأسئلة و التدريبات و المسائل و الامتحانات الدورية لأنه كتاب متطور جداً جداً عمار قاسم 09-09-2008, 09:07 PM شكرا عشان المعلومات دي جزاك الله خيرا لكن كتاب المدرسة فعال معقد وصعب تذاكر منه عمار قاسم 09-09-2008, 09:17 PM شكرا يا أ / عبد الرحمن انا سألت عن كتاب المعلم بس مش لقيه خالص هو ما بينزلش و لا ايه؟ الأستاذ أحمد الاسوانى 09-09-2008, 10:28 PM مفيش كتاب شبه كتاب المدرسة لكل كتاب اسلوبه فى عرض المعلومات و طالب الثانوية العامة يذاكر من كل الكتب Dr.Abo Hassan 10-09-2008, 10:21 PM انا ان شاء الله هافيدك هوة كتاب المدرسة منظم بشكل كبير بس اللى يزعجك هوة انة كبير ولكن انت مش فاهم اللى فية لية علشان انت معتمد على مذكرة الاستاذ فانت لازم ولابد انك تاخد عند استاذ بيشتغل من كتاب المدرسة علشان فية اسئلة ممكن تسألها للمدرس بتاعك وفى الكتاب بس للا سف ممكن مش يعرف يجاوب عليها ويقولك مش بتيجى فى الامتحان ودة والله حصل معايا فانت مش عليك الا كتاب المرسة واوعى تشتري اى كتاب خارجى للشرح ابدا لان عمر مايكون فية كتاب زى كتاب المرسة بالضبط لانة لازم يحط حاجة او بالاصح يألفها ومش عليكم علشان تشترية فلازم عليك تلتزم بكتاب المدرسة وحاول وانت هتلاقية جميييييل جدا والله ومش تشترى الا كتاب للتمارين فقط معلش انا طولت عليك بس ياريت تاخد بنصيحتى وكل سنة وانت طيب وربنا يوفقك ولو عايز تعرف كتاب الخارجى اية خش هتلاقينى مشارك فى ( رشح معنا افضل كتاب خارجى ) وخد بالنصيحة ومش هتندم والسلام عليكم ورحمة الله ( ياعم بيقولولك اية اسال مجرب ولا تسال طبيب وانا مجرب جامد قوى يعنى ) سلام وبراحتكم عمار قاسم 11-09-2008, 08:24 PM الكلام اللي بتقوله علي عيني وعلي راسي وجزاك الله خيرا عليه لكن كتاب المدرسة لا يحتمل ابدا ولا يمكن تذاكر منه نهائي مش منظم و ما تقدرش تطلع منه المهم واللي مش مهم ده حتي هناك بعض القوانين لحل المسائل تلقيها في الملازم وما تلقيهاش في كتاب المدرسة |