مشاهدة النسخة كاملة : وأنا مالى .... أنا كمان هاعتصم
الضوء الشارد 08-09-2008, 05:33 AM أيوه طبعا لازم اعتصم يعنى ينفع فى البيت اقول لهم هاتولى لاب توب يقولولة مافيش لاب توب....... طبعا أنا قررت اعتصم وجاتلى الفكرة دى لما لقيت كل العمال فى مصر بيعتصموا ......... يعنى شركات كتير جدا شهدت اعتصامات فى الفترة الأخيرة ....... يعنى كل ماحد يبقى عايز حقه يعتصم ...... والسؤال اللى دار فى بالى هل الأعتصمات دى مفيدة للعمال ..... وهل العمال بيقدروا يحصلوا على حقوقهم كده والسؤال الأهم ليه مجتمعنا بقى كده أو بالمعنى الأدق ليه بلدنا بقت كده....... ليه مش قادر أخد حقى فى بلدى ....ليه المواطن حقوقه ضايعة ..........ليه بلدنا مش لينا ... ليه ماخدش حقى بالتفاهم .. وطبعا فى فرق بين اعتصام واعتصام يعنى ممكن يكون سلمى ويعدى على خير وومكن يقلب بغم ويحدث مالا يحمد عقباه. طب ايه اللى يخلى المواطن المصرى فى اعتصام غير سلمى يخرب بلده أكيد مش بيكره بلده .. من يومين كنت بشاهد أحد البرامج لمذيعة استضافت الشيخ يوسف البدرى اللى أفتى بعدم جواز الأعتصام حتى لو أنت ماخدتش حقك طب المواطن يحصل على حقه ازاى....... اذاى نلاقى حلول نحصل بيها على حقوقنا بدل مانعتصم...... اللى بيخوف الواحد أن ممكن الأعتصام يقلب بكارثة زى اللى حصل فى المحلة ... وساعتها مش عارف ايه اللى ممكن يحصل. بالنسبة لموضوع اعتصامى أنا عشان اللاب توب ماجبش نتيجة خالص و الموضوع قلب بجد وأنا حاليا بتعالج من أثار قرارى وفعلا هيا دى الدموقراطية الصح:d
zizo2_2 08-09-2008, 05:38 AM هرد عليك نفس ردي في موضوع الاستاذ بورسعيدي بتاع القطارات والعبارات
ان الله لا يغير ما بقوم حتى يغيروا ما بانفسهم
لو غيرنا نفسنا هنقدر نقف ونقول لا ونغير كل وضع ظالم
أنم الاعتصام فقلة قليله هم من بطلبون حقوقهم بتلك الطريقة
ربما تنفذ رغباتهم ولكن داخل المعتقلات والسجون
الضوء الشارد 08-09-2008, 05:43 AM هرد عليك نفس ردي في موضوع الاستاذ بورسعيدي بتاع القطارات والعبارات
ان الله لا يغير ما بقوم حتى يغيروا ما بانفسهم
لو غيرنا نفسنا هنقدر نقف ونقول لا ونغير كل وضع ظالم
أنم الاعتصام فقلة قليله هم من بطلبون حقوقهم بتلك الطريقة
ربما تنفذ رغباتهم ولكن داخل المعتقلات والسجون
لاا معتقلات ايه احنا بلد ديموقراطى بمعنى انك ليك الحق انك تقول رأيك بس تبقى مسؤل عن اللى هيحصلك وهى دى الديموقراطية
Golden Eagle 08-09-2008, 05:48 AM المواطن مش بياخد حقه ف بلده لأنه واقع ع البلد بالخساره
أصل إحنا ف نظر الوزرا " أكل و مرعي و قلة صنعه "
و إحنا كمان شعب يضايق الحاكم فعلا ً
إيه يعني لما حسني يموت و جيمي ياخد مكانه ؟ فين المشكله ؟
و إيه يعني مش لاقيين عيش ؟ ما ياكلوا حلاوه ...... ياكلوا جاتوه ...... ياكلوا كل اللي يحبوه يعني هو ما فيش أكل غير العيش ؟
إيه يعني لما سعر الزيت نط و فط و إتضرب في إتنين ؟ و ف نفس ذات الوقت المرتبات زي ما هيه فين المشكله ؟
لو أخدت بالك بيهتموا بالسياح قوي علشان بيجيبوا لنا فلوس
و أنا فاكر في كتاب الدراسات كان بيقول إننا ما نغليش الهدايا علي السياح !!!!!!!!!!!!!!! طب و نغليها علي أصحاب البلد ؟
بس حكاية الإعتصام دي بتكون مش مؤثره غير لما يكون العدد كبير و لمده طويله
مش واحد علشان لاب توب :p
بس ممكن أسألك سؤال .... أنت إعتصمت إزاي ؟
أضربت عن الطعام مثلا ً ولا إيه ؟
سلام
الضوء الشارد 08-09-2008, 05:55 AM المواطن مش بياخد حقه ف بلده لأنه واقع ع البلد بالخساره
أصل إحنا ف نظر الوزرا " أكل و مرعي و قلة صنعه "
و إحنا كمان شعب يضايق الحاكم فعلا ً
إيه يعني لما حسني يموت و جيمي ياخد مكانه ؟ فين المشكله ؟
و إيه يعني مش لاقيين عيش ؟ ما ياكلوا حلاوه ...... ياكلوا جاتوه ...... ياكلوا كل اللي يحبوه يعني هو ما فيش أكل غير العيش ؟
إيه يعني لما سعر الزيت نط و فط و إتضرب في إتنين ؟ و ف نفس ذات الوقت المرتبات زي ما هيه فين المشكله ؟
لو أخدت بالك بيهتموا بالسياح قوي علشان بيجيبوا لنا فلوس
و أنا فاكر في كتاب الدراسات كان بيقول إننا ما نغليش الهدايا علي السياح !!!!!!!!!!!!!!! طب و نغليها علي أصحاب البلد ؟
بس حكاية الإعتصام دي بتكون مش مؤثره غير لما يكون العدد كبير و لمده طويله
مش واحد علشان لاب توب :p
بس ممكن أسألك سؤال .... أنت إعتصمت إزاي ؟
أضربت عن الطعام مثلا ً ولا إيه ؟
سلام
لأ مااقدرش أضرب عن الطعامحاولت أعملها بس لقيت نفسى هاموت من الجوع قولت مابدهاش يعنى مش مهم اللب توب كفاية علينا القناة التالتة :p بس بلاش الكلام الجامد ده أنا خايف لنتمسك وأنا مابحبش الضرب على القفا:lol:
C A N D Y 08-09-2008, 06:46 AM اكيد طبعا الاعتصام هيجيب نتيجة
بس مش اعتصام م الاهبل بتاع 100 واحد لمدة يوم دا
اعتصام يعنى وقفة بجد للشعب كله
اقرب مثال الموظفين مثلا اللى خدو حقوقهم او حتى بعضها
اهم دول عارفين انهم مش هيخسرو حاجة
الاطباء بأى لما قررو يقلدوهم للاسف مقدروش
ادو انزار بتاريخ و بعد كدا كل دوكتور كان اجبن م التانى
عيبنا هو فعلا الجبن
كل واحد خايف يقول كلمة حق
ع العموم براحتهم..اهو كله بيطلع عليهم
خليهم يتخرسو اكتر جايز فى يوم يصحو يلاقو مشاكلهم كلها اختفت
و ساعتها مصر هى اللى هتكون اختفت (نيفر مايند بردو:d)
بالنسبة للشيخ يوسف البدرى فانا مش ليا ان انا افتى فى حاجة زى دى
بس بيتهيألى يعنى اكيد كلامه دا غلط..وواخدله حاجة يعنى كالعادة;)
بس ع فكرة الاضراب اللى فى البيت بينفع
نفع معايا
بس مش بالاكل طبعا^_^
اوعا تسأل بايه...بلاش فضايح:d
الضوء الشارد 08-09-2008, 04:09 PM اكيد طبعا الاعتصام هيجيب نتيجة
بس مش اعتصام م الاهبل بتاع 100 واحد لمدة يوم دا
اعتصام يعنى وقفة بجد للشعب كله والله عندك حق لازم الشعب كله يتحرك
اقرب مثال الموظفين مثلا اللى خدو حقوقهم او حتى بعضها
اهم دول عارفين انهم مش هيخسرو حاجة
الاطباء بأى لما قررو يقلدوهم للاسف مقدروش
ادو انزار بتاريخ و بعد كدا كل دوكتور كان اجبن م التانى
عيبنا هو فعلا الجبن
كل واحد خايف يقول كلمة حق فعلا الجبن هو اللى مودينا فى داهية
ع العموم براحتهم..اهو كله بيطلع عليهم
خليهم يتخرسو اكتر جايز فى يوم يصحو يلاقو مشاكلهم كلها اختفت
و ساعتها مصر هى اللى هتكون اختفت (نيفر مايند بردو:d) ممكن بردك الحكام يصحوا مايلاقوش شعب بس مش عارف هيعملوا ايه
بالنسبة للشيخ يوسف البدرى فانا مش ليا ان انا افتى فى حاجة زى دى
بس بيتهيألى يعنى اكيد كلامه دا غلط..وواخدله حاجة يعنى كالعادة;)ممكن يكون تبع الحكومة
بس ع فكرة الاضراب اللى فى البيت بينفع
نفع معايا
بس مش بالاكل طبعا^_^
اوعا تسأل بايه...بلاش فضايح:d بما انى رخم وباحب الفضايح عايزك تقولى استخدمنى طريقة ايه بدل الأكل:lol:
وصدق قول الشاعر من يهن يسهل الهوان عليه ليس لجرح بميت ايلام
براءة 08-09-2008, 04:13 PM انا مرة اعتصمت علشان الموبايل كان مسحوب بردو
بس فشلت :d
والله انا بحس ان الاعتصامات دى تفريغ كبت ليس الا
لكن كنتائج عادة ما بتبقي صفر مطلق
شكرا ليك ع موضوعكـــ
الضوء الشارد 08-09-2008, 07:41 PM انا مرة اعتصمت علشان الموبايل كان مسحوب بردو
بس فشلت :dكان ممكن تفجرى البيت:d
والله انا بحس ان الاعتصامات دى تفريغ كبت ليس الا
لكن كنتائج عادة ما بتبقي صفر مطلق بس ساعات بتجيب نتيجة
شكرا ليك ع موضوعكـــ شكرا ليكى .................
الشفق الباكي 09-09-2008, 02:27 AM ولا هتعمل اى حاجه باعتصامك دا
هتضيع وقت بس
شوف طريقه تانيه غير الاعتصام دى
Dr.Nobel 09-09-2008, 03:05 AM ان الله لا يغير ما بقوم حتى يغيروا ما بانفسهم
لو غيرنا نفسنا هنقدر نقف ونقول لا ونغير كل وضع ظالم
متفق معاك تماما في الرأي ده
الضوء الشارد 09-09-2008, 03:29 AM ولا هتعمل اى حاجه باعتصامك دا
هتضيع وقت بس
شوف طريقه تانيه غير الاعتصام دى
ممكن اضرب بدل مااعتصم:pأصل أنا عمل الموضوع ده كتضييع وقت:lol:
الضوء الشارد 09-09-2008, 03:31 AM اعتصم و توكل ع الله
ماشى بس لو حصل لى حاجة ذنبى فى رقبتك :d
Golden Eagle 09-09-2008, 03:38 AM لأ مااقدرش أضرب عن الطعامحاولت أعملها بس لقيت نفسى هاموت من الجوع قولت مابدهاش يعنى مش مهم اللب توب كفاية علينا القناة التالتة :p بس بلاش الكلام الجامد ده أنا خايف لنتمسك وأنا مابحبش الضرب على القفا:lol:
يا عم أنا إتكلمت ؟
أنا بقول ان الحكومه تاعبانه مع الشعب الغلباوي ده
أبوس إيدك ما تخليهمش يفهموني غلط لحسن أسيوط مكا فيهاش غير قسمين منهم واحد ورا بيتنا يعني مش هالحق أهرب
الضوء الشارد 09-09-2008, 04:11 AM يا عم أنا إتكلمت ؟
أنا بقول ان الحكومه تاعبانه مع الشعب الغلباوي ده
أبوس إيدك ما تخليهمش يفهموني غلط لحسن أسيوط مكا فيهاش غير قسمين منهم واحد ورا بيتنا يعني مش هالحق أهرب
يانهار ابيض القسم لاذق فى بيتكم دا انت محظوظ بشكل ;) لا أحنا بنحب الحكومة دى والشعب هو اللى يستاهل ضرب الجزم:p
ENG:3assoma 09-09-2008, 04:18 AM انا مثلا واحد بيحب الاعتصامات علشان اسمي عصام ... وده موضوع خطير ومنتشر في الفتره الاخيره بجد ولازم حد يحس بس للأسف محدش ......
الضوء الشارد 09-09-2008, 04:29 AM انا مثلا واحد بيحب الاعتصامات علشان اسمي عصام ... وده موضوع خطير ومنتشر في الفتره الاخيره بجد ولازم حد يحس بس للأسف محدش ......
فعلا المشكلة أن ماحدش بيحس . شكرا لمرورك
واحـد من النــاس 09-09-2008, 05:43 AM بالنسبة للشيخ يوسف البدرى فانا مش ليا ان انا افتى فى حاجة زى دى
بس بيتهيألى يعنى اكيد كلامه دا غلط..وواخدله حاجة يعنى كالعادة;)
إن بعض الظن إثم
الشيخ يوسف البدري مافتكرش انه كده ابدا
ثانيا كلامه صح .. انت بتعتصم عشان تاخد حقك وانت عارف انك احتمال كبير اوي مش هتاخده بس بتعطل مصالح ناس تانية ع الفاضي
وانتي لو اتحطيتي في موقف زي ده وموظف عطل مصلحتك عشان معتصم هتأيدي الفتوى دي
------------------------------------
بالنسبة بأه للموضوع انا دايما مش باحب اعلق ع المواضيع اللي زي دي عشان عارف ان تعليقي مش هيغير حاجة بس المرادي هاقول اللي في نفسي ..
يعني ايه مش بناخد حقنا بالذوق ليه :d
اكيد طبعا عشان كل واحد بيفكر في نفسه مش عايز يغير البلد كلها
احنا لو عايزين ننهض بالبلد هنفكر لقدام وممكن نستحمل ومناخدش حقنا بس نحاول نغير البلد عشان تنهض بجد واللي جايين بعدنا ياخدوا حقهم
انما لو فضلنا بالشكل ده وكل جيل عايز يبقى جيله احسن جيل وعايز ياخد حقه هو بس وبيرمي ع الجيل اللي قبله انه السبب في اللي هو فيه مش عارف ان التغيير مش هيحصل مرة واحدة والمفروض ياخد خطوة عشان ع الاقل اللي بعده يعرفوا يكملوا .. يبقى مش هياخد حقه .. و البلد عمرها ما هتتغير ولا هتتحرك شبر لقدام والجيل اللي بعده هكذا واللي بعده واللي بعده
الضوء الشارد 09-09-2008, 05:49 AM إن بعض الظن إثم
الشيخ يوسف البدري مافتكرش انه كده ابدا
ثانيا كلامه صح .. انت بتعتصم عشان تاخد حقك وانت عارف انك احتمال كبير اوي مش هتاخده بس بتعطل مصالح ناس تانية ع الفاضي
وانتي لو اتحطيتي في موقف زي ده وموظف عطل مصلحتك عشان معتصم هتأيدي الفتوى دي
------------------------------------
بالنسبة بأه للموضوع انا دايما مش باحب اعلق ع المواضيع اللي زي دي عشان عارف ان تعليقي مش هيغير حاجة بس المرادي هاقول اللي في نفسي ..
يعني ايه مش بناخد حقنا بالذوق ليه :d
اكيد طبعا عشان كل واحد بيفكر في نفسه مش عايز يغير البلد كلها
احنا لو عايزين ننهض بالبلد هنفكر لقدام وممكن نستحمل ومناخدش حقنا بس نحاول نغير البلد عشان تنهض بجد واللي جايين بعدنا ياخدوا حقهم
انما لو فضلنا بالشكل ده وكل جيل عايز يبقى جيله احسن جيل وعايز ياخد حقه هو بس وبيرمي ع الجيل اللي قبله انه السبب في اللي هو فيه مش عارف ان التغيير مش هيحصل مرة واحدة والمفروض ياخد خطوة عشان ع الاقل اللي بعده يعرفوا يكملوا .. يبقى مش هياخد حقه .. و البلد عمرها ما هتتغير ولا هتتحرك شبر لقدام والجيل اللي بعده هكذا واللي بعده واللي بعده
والله ممكن تكون وجهة نظرك سليمة لكن المشكلة طالما أنى حاسس أنى مش واخد حقى فى بلدى هاخدمها ازاى
احمد رضا 09-09-2008, 06:13 AM ههههههههههههه
انا بدخل اضحك علي كميه الأمل اللامحدوده دي
واخرج
طيب نرد واحده واحده
----
بص يا الضوء الشارد
مادام ذكرت مصر اذكر كل حاجة وحشه جنبيها
احنا أصلا مش عايزين نتغير
والله يابني ما عايزين نتغير
او عايزين نتغير ومعندناش اراده
او عايزين نتغير ومعندناش امل - زيي كدا :d -
بالنسبه للفتوى
بص يا باشا
عايز اقولك معلومه
الشيخ او المفتي بنتهي علاقته بالدين الخالص
بمجرد توليه منصب مرموق او عليه العين
وده مش تعميم فاسد
دي حقيقه
:d
بيتحول لرجل سياسه في المقام الاول
والمفتي المُحترم - الشيخ \ طنطاوي - ( بقوله ياشيخ عشان سنه كما ورد في اللغه مش اكتر )
:d
اللي عمال كل يومين يطلع فتوى
لو ولاده مش لاقيين العيش
مش هيقول الكلام ده
لو اهله بيطلع عين ابوهم كل يوم الصبح
مش هيقول الكلام ده
لو في بيته مفيش خمسه جنيه علي بعضها
وف وقت زي رمضان كدا
مش هيقول الكلام ده
هيخرس خالص
وكذلك الشيخ بدري ده
وبعدين هو استند ان مفيش إضراب حصل في الإسلام وفي الدوله الإسلاميه
هو يعني كان فيه حكومه ملعونه ورئيس ملعون زي اللي عندنا دول
دول شوية ولاد كلب ( كالأنعام بل هم أضل سبيلا ) اعترضوا بقي
- لكن إحنا متربييييين :d - علي رأي الزفت عادل إمام
هتجيبهم لأعلام الإسلام
وبعدين زمان كان لما الدوله بتاخد مثلا حق
بتاخد حق رفاهيه
الكفار دول عايزين ياخدوا المطالب والحاجات الأساسيه
بيشبها بإيه ولا بيستند لإيه بس
ياعم ارحمنا
وبعدين شكله تعبان ع الاخر
انا عايز افتكرله الاضراب العام اللي حصل في عهد خليفه راشدي
بسبب قرار في الحكم والاداره
هدورله وافتكرله
:d
انا مبفتيش ولا هو وحي يوحى
بس الله كامل
والظلم ضد الكمال
وده ظلم وربنا مبيقبلش بالظلم
--- خدوا بالكم من القاعده دي عشان عارف اللي هيجي يعلق هيعلق علي ايه ---
( هيجي يقولي مثلا مهو هيظلم ناس تانيه ويوقف مصالحها .. وبكدا يبقي مقراش الجزء اللي بيقول اضراب جماعي كامل )
:d
والسكوت عن الظلم هو العن من المشاركه فيه
الاضراب اللي مفروض يحصل
يحصل من كل الفئات
مش فئات وفئات
وبذلك مفيش مصالح هتتعطل اصلا
بس مش بهمجيه
بشوية عقل صغيرين
مش اخلاق شوية الأوباش اللي كانوا في المحله
شوية حاقدين وناقمين علي هدومهم
متخلفين بمعني الكلمه
واتمني ان اي حد من المتخلفين يكون بيقرأ كلامي
- المشاركين في الاضراب -
:d
---
بالنسبه لاستاذ زيزو - صديقي وحبيبي وأخويا -
" إن الله لا يغير ما بقوم ٍحتي يغيروا ما بأنفسهم "
صدق ربي العظيم
ونعم بالله
بس كام واحد بيقول كدا ؟
والاهم من كدا
كام واحد ساعه ما هنيجي نغير
هنبقي كتله مؤثره
ياجماعه الموضوع مش هيتحصل غير بحملات توعيه لاعداد كبيره
ودي في بلد
هتتسحن ع القسم
وتتعلق لحد ما يبانلك صاحب
- الكلام للمصري بصفه عامه -
اصل الحكايه بالمنطق
احنا عاملين زي اللي ماسك جردل ميه مالحه
وعايز يقلل تركيز الملح
وماسك قطاره ونزل نقطتين ميه من الحنفيه
وعايزها تتغير
الحكايه عمرها ما هتيجي كدا ياجماعه
الحكايه زي ما قولتلكم حملات توعيه كبري
للكبار والصغيرين
ويكون هدف الواحد الإصلاح وبس
لان كل واحد طالعلي يتكلم كلمتين في السياسه اليومين دول
بيبقي عينه علي قرشين
- طمعان في ياميش رمضان -
:d
--
وبالنسبه لبلال
ههههههههه
مش بضحك سخريه
بس مستغرب
اصلي سمعت الكلام ده
وانا بمنتج حديث قبل كدا برنامج
كان واحد نقيب المعلمين في المحله
بيقول
" وياريت الناس ترحم الريس مبارك شوية .. مش كل شوية كدا عليه .. يعني ممكن نستغني عن شوية حاجات .. مش لازم كل حاجة "
حلفت اني ما مكمل البرنامج غير لما الراجل ده يتشال منه الحته دي
يااما يتشال الحوار كله
يااما مش شغال في مشروع التخرج
:d
--
ياعم بلاش نستغني مؤقتا دي
هيا اللي ضيعت الحاجات الاساسيه
كنا بنستغني في الرفاهيه
خلاص دلوقتي لو استغنينا هنستغني عن حاجات مثلا
زي الجواز
زي الاكل والشرب
زي النوم والراحه
مفيش تاني اصلا
--
عندكم كميه امل كبيره
ومش ضدها انا
بس المهم تتوظف صح
ربنا يوفقكم
يالا عالبركه
:)
اسف علي التطويل
وانا مليش ادخل مواضيع عن مصر ونظام الحكم
ضغطي بيعلي
وبعدين انا ماشي بالكوسه والفلوس
ومرتاح الحمدلله اربعه وعشرين قراط
ايه اللي خلاني اتكلم انا
ما اتنيل اسكت احسن
وياريت محدش يتكلم في جزئيه الواسطه والفلوس
دي حياتي الشخصيه ومحدش له الحق انه يناقشها غيري
مبدعيش حد يعمل زيي
كل واحد يعمل اللي يريحه وشايفه صح
:)
واحـد من النــاس 09-09-2008, 06:31 AM انت فهمتني غلط خالص يا احمد
يلا مش مشكلة
الا قولي مشروع تخرج ايه ؟؟ :d
احمد رضا 09-09-2008, 06:32 AM كل سنه وانت طيب
:d
الاستاذ محمد سرور 09-09-2008, 06:41 AM السلام عليكم ورحمة الله
شوفى الموضوع بسيط
انت لو اعتصمت حتتاخد وتروح فى حتت انا مش حعرف اوصفهالك
لان اللى بيروح ما بيرجعش :(:(
ولو رجع ما بيفتكرش:d:d
طيب لو ما اعتصمتش برده حتلاقى صاحبك اللى خدك وانت معتصم بيقولك انت ما اعتصمتش ليه لازم تكون ايجابى وبرده ياخدك لانك مش ايجابى :rolleyes::rolleyes:
الخطوة الجاية واللى متوقعه ان اللى حيوقف فى طابور
عيش _ مدرسة _ مستشفى
ممكن يعتبروه معتصم علشان واقف وسط ناس
فنصيحتى ليك
لا تأكل حتى تتعب
ولا تتعلم لكى لا تفهم
ولا تذهب الى مستشفى للعلاج حتى تموت وتستريح من هذه المشكلة (الاعتصام ):rolleyes::rolleyes:
البقاء لله فى شعب مصر:(:(
واحـد من النــاس 09-09-2008, 07:01 AM بص يا احمد
يعني واحد زي هشام طلعت ده _ راس ماله 2.4 مليار جنيه ما شاء الله ــ بدل ما يدفع 12 مليون عشان سوزان تميم تطلق من جوزها و2 مليون عشان تتقتل و .....
ده انا لو مكانه وبإذن الله :d وعايز اغير فعلا بلدي مش اناني بدل ما ارمي ملايين كده اعمل مشاريع للشباب تشتغل بدل القعدة ع القهاوي ( مش كلام في الهوا :d ) .. اصرف ع البحث العلمي .. ليه ماعملش زي رجل الأعمالي السعودي تقريبا ( خالد البترجي ) وافتح جامعة واعمل اختبارات للشباب واشوف ميوله ايه وعلى اساسها يدخل التخصص الفلاني اللي فعلا يبدع فيه احاول اغير طريقة التعليم اتبنى ابحاث العلماء والمجتهدين واطلعها للنور واساعد اللي فعلا نفسه يفيد بلده .. احط نفسي مكان اللي مش لاقيين ياكلوا وبالتالي هاساعدهم
طبعا انا مش هاعمل ده كله لوحدي :d
الناس اللي كانت حالتها وحشة فعلا وربنا كرمهم لو بطلوا الأنانية واكتفاءهم بنجاحهم وما سابوش البلد كده ما هم مش خسرانين حاجة لو عايزين فعلا يغيروها وجم على نفسهم شوية في مقابل ان البلد تنهض والأجيال اللي بعدهم تعرف تاخد خطوة كمان وهكذا البلد هتنهض .. بس هما ينووا :d .. بس انا يبقى معايا مليون جنيه .. مش هاعرف حد :d
انا اشك ان اتش ده اصلا بيدفع زكاة ماله
لكن انت هتنتظر ان الحكومة هتتغير كده طول ما الشعب عايش بالطريقة دي .. الشعب ده عايز اللي يشدوا بالعافية عشان يتطور
-- -- -- -- -- -- -- -- -- -- -- -- -- --
المهم انا رغيت كتير اوي ومتهيألي هيست
وانت بالصحة والسلامة
احمد رضا 09-09-2008, 07:07 AM بص يا احمد
يعني واحد زي هشام طلعت ده _ راس ماله 2.4 مليار جنيه ما شاء الله ــ بدل ما يدفع 12 مليون عشان سوزان تميم تطلق من جوزها و2 مليون عشان تتقتل و .....
ده انا لو مكانه وبإذن الله :d وعايز اغير فعلا بلدي مش اناني بدل ما ارمي ملايين كده اعمل مشاريع للشباب تشتغل بدل القعدة ع القهاوي ( مش كلام في الهوا :d ) .. اصرف ع البحث العلمي .. ليه ماعملش زي رجل الأعمالي السعودي تقريبا ( خالد البترجي ) وافتح جامعة واعمل اختبارات للشباب واشوف ميوله ايه وعلى اساسها يدخل التخصص الفلاني اللي فعلا يبدع فيه احاول اغير طريقة التعليم اتبنى ابحاث العلماء والمجتهدين واطلعها للنور واساعد اللي فعلا نفسه يفيد بلده .. احط نفسي مكان اللي مش لاقيين ياكلوا وبالتالي هاساعدهم
طبعا انا مش هاعمل ده كله لوحدي :d
الناس اللي كانت حالتها وحشة فعلا وربنا كرمهم لو بطلوا نظرة الأنانية واكتفوا بنجاحهم وسابوا البلد كده لو عايزين فعلا يغيروها وجم على نفسهم شوية في مقابل ان البلد تنهض والأجيال اللي بعدهم تعرف تاخد خطوة كمان وهكذا البلد هتنهض .. بس هما ينووا :d .. بس انا يبقى معايا مليون جنيه .. مش هاعرف حد :d
انا اشك ان اتش ده اصلا بيدفع زكاة ماله
لكن انت هتنتظر ان الحكومة هتتغير كده طول ما الشعب عايش بالطريقة دي .. الشعب ده عايز اللي يشدوا بالعافية عشان يتطور
-- -- -- -- -- -- -- -- -- -- -- -- -- --
المهم انا رغيت كتير اوي ومتهيألي هيست
وانت بالصحة والسلامة
هههههههههههههه
انا نفسي اعرف حاجة واحده بس
هشام طلعت وسوزان تميم والناس اللي معاها فلوس دي
ايه علاقتها بالموضوع
احنا بنتكلم في الواقع يا بلال
الناس دي مش محتاجه حاجة عشان تخترع حلول
مش نفرض وبعدين نبقي نتائج علي الافتراضات - مش ناقشناها قبل كدا ولا ايه :rolleyes: -
احنا لينا في اللي مفروض يحصل
شكلك صايم يابلال
هستني المناقشه الخاصه بالموضوع في القريب العاجل ان شاء الله
_GUIDE_ 09-09-2008, 07:08 AM بالنسبة للاعتصام
قانون الطوارى واضح وصريح يمنع التجمع او التجمهر
يعنى قانون الطوارى لو اطبق على اى معتصم او متجمهر
ده خلاص ملوش ديه
اعتصام ايه وعصام ايه
وهو الاعتصام ممكن يجيب نتيجة مع حكومة زى دى
انتا عارف حكومتك دى عمله زى
البلطجى اللى قالع هدومه وفاتح صدره وماسك سنجه
حضرتك تقدر تقف فى وش البلطجى ده ؟
اهى دى حكومتك
الحكومة تخاف متختشيش
موضوع الاعتصامات ده انتهاء من زمان
ممكن تعتصم من هنا للسنة الجاية ولا هيساله فيك عارف ليه
لانك فى الاساس جعان ولو اعتصمت هتموت من الجوع
فلم نفسك بالذوق ورح شغلك وسيبك من الكلام ده
اقولك على حاجة احسن من الاعتصامخ
وممكن تجيب نتيجة بدل القعده فى الشارع وتقول انا معتصم
العصيان المدنى
الحكومة تقول يمين الشعب يمشى شمال
بس ياخوفى الحكومة تقول يمين ونعمل احنا شمال
تطلع الحكومة عايزنا نعمل الشمال بس بتجرجرنا باليمين :d
مفيش فائدة :(
واحـد من النــاس 09-09-2008, 07:15 AM يا اخ ما تجننيش انا باتكلم على رجال الأعمال ولاد البلد اللي بايديهم يغيروها .. قصدي ولاد الحراا ...
بعدين انا مش فاهم انت قصدك ايه بنتكلم في الواقع
ايه هو الواقع .. وهو انا قولتلك هما محتاجين حاجة ولا هي الحلول دي هتنفعهم دنيويا !!!!! حاسس اني مش فاهمك او انت مش فاهمني
انا هاريحك ع الآخر وعلى رأي مساميدو حد يناولني الولاعة عايز اولع مصر بحالها بلا تطور بلا نيلة
احمد رضا 09-09-2008, 07:38 AM يا اخ ما تجننيش انا باتكلم على رجال الأعمال ولاد البلد اللي بايديهم يغيروها .. قصدي ولاد الحراا ...
بعدين انا مش فاهم انت قصدك ايه بنتكلم في الواقع
ايه هو الواقع .. وهو انا قولتلك هما محتاجين حاجة ولا هي الحلول دي هتنفعهم دنيويا !!!!! حاسس اني مش فاهمك او انت مش فاهمني
انا هاريحك ع الآخر وعلى رأي مساميدو حد يناولني الولاعة عايز اولع مصر بحالها بلا تطور بلا نيلة
هههههههه
طيب
ابقي كلم ولاد الحرام اللي بايديهم يغيروها
وشوفهم هيسمعولك ولا لاء
انا بقي مش عايز اولع مصر
انا هسيبها كدا هيا هتولع منها فيها
:d
واحـد من النــاس 09-09-2008, 07:42 AM انا ما قلتلكش هاكلمهم انا معنديش امل فيهم :d
بس انا كنت باجاوب على سؤال صاحب الموضوع احنا هنفضل ماناخدش حقنا لحد امتى
انا قلت اني مش بارد ع المواضيع اللي زي دي .. ايه اللي خلاني ارد مش عارف
الضوء الشارد 09-09-2008, 12:06 PM السلام عليكم ورحمة الله
شوفى الموضوع بسيط
انت لو اعتصمت حتتاخد وتروح فى حتت انا مش حعرف اوصفهالك
لان اللى بيروح ما بيرجعش :(:(
ولو رجع ما بيفتكرش:d:d
طيب لو ما اعتصمتش برده حتلاقى صاحبك اللى خدك وانت معتصم بيقولك انت ما اعتصمتش ليه لازم تكون ايجابى وبرده ياخدك لانك مش ايجابى :rolleyes::rolleyes:
الخطوة الجاية واللى متوقعه ان اللى حيوقف فى طابور
عيش _ مدرسة _ مستشفى
ممكن يعتبروه معتصم علشان واقف وسط ناس
فنصيحتى ليك
لا تأكل حتى تتعب
ولا تتعلم لكى لا تفهم
ولا تذهب الى مستشفى للعلاج حتى تموت وتستريح من هذه المشكلة (الاعتصام ):rolleyes::rolleyes:
البقاء لله فى شعب مصر:(:(
وأنا ليا نصيحة لاتعيش فى مصر حتى لاتموت
happ_cat7 09-09-2008, 05:37 PM اولا اتمني انك تتقبل مروري
ثانيا ... احب اسالك هل لو انت اعتصمت ؟؟ هيجيلك اللاب توب بتاعك ده ؟؟
لو جالك يبقي كل اللي في بلدنا هيتغير علشان اهلك هم اللي هيجيبهولك يبقي بيحبوك ... واكيد العمال برضه هيحققوا اللي هم عايزينه لان الرؤساء هيكونوا زي اهلم بره والا انت ايه رايك ؟؟
عالعموم انا ممتنة لموشوعك ده اوي وبجد موضوع جميل اوي ......
الضوء الشارد 09-09-2008, 07:26 PM اولا اتمني انك تتقبل مروري
ثانيا ... احب اسالك هل لو انت اعتصمت ؟؟ هيجيلك اللاب توب بتاعك ده ؟؟
لو جالك يبقي كل اللي في بلدنا هيتغير علشان اهلك هم اللي هيجيبهولك يبقي بيحبوك ... واكيد العمال برضه هيحققوا اللي هم عايزينه لان الرؤساء هيكونوا زي اهلم بره والا انت ايه رايك ؟؟
عالعموم انا ممتنة لموشوعك ده اوي وبجد موضوع جميل اوي ......
ماهو دى اللى أنا قصده عمر مأهلى هيجيبوا لى الاب توب وعمر مالحكومة هتستجيب لمطالب الناس .... وشكرا ليكى على الرد
الضوء الشارد 10-09-2008, 01:29 PM انا ما قلتلكش هاكلمهم انا معنديش امل فيهم :d
بس انا كنت باجاوب على سؤال صاحب الموضوع احنا هنفضل ماناخدش حقنا لحد امتى
انا قلت اني مش بارد ع المواضيع اللي زي دي .. ايه اللي خلاني ارد مش عارف
مالها المواضيع دى ..... ممكن تكون كنت بترد وأنت دايخ عشان الصيام:rolleyes:
|