فضول...فضول.....فضول
انظر حولك تجد كله مهتم بشئون كله
لاحظت مؤخرا ان الفضول اصبح سمة اساسية من سمات الشعب المصري وللاسف هي سمة غير حضارية كماانها تنم عن التخلف
والمحزن في الموضوع انا احترام خصوصية الغير من اسس المعاملات الصحيحة في الاديان جميعا ومع ذلك لانطبقها...

************
من اكتر المواقف اللي استفزتني لمى بكون في البنك لمى الاقي البني ادم اللي ورايابظبط بيبص لكل بيانتي اللي بتكون متاحة ليه بفضول شديد ولما انبه الشخص ده انو يبعد شوية يكل الناس تبصلي كأني مجنونة او قليلة الزوق لاني بطلب منو كدا!!!!!!!!!
ولى ببص حوليا بلاحظ ان الكل بيبص في حاجة الكل فعلا الشعب المصري شعب فضولي بشكل عجيب وللأسف اتعودنا على كدا لدرجة انه مبقاش حاجة غريبة وبقينا نتقبله على انو موضوع عادي!!!!!!

ففي السوبر ماركت مثلا بتلاقي بعض الناس بتتفحص مشتريات الغير داخل عربية السوبر ماركت بطريقة فضولية جدااااااا

لاتندهش بص حوليك وهتلاقي نفس الطريقة مطبقة على كل المستويات في اشارة المرور تلاقي كل عربية بتتفرج على العربية اللي جمبها

وفي الاسانسير هتلاقي كلو بيتفرج على كلو !!!!!!وفي الشارع.....وفي النادي....وفي كل مكان!!!!!!!
مش كل شيء لو قررت تقرا جريدة في المترو(اهو تسلي طريقك)
هتلافي امة لااله الاالله بتقرا معاك ولمى تيجي تقلب الصفحة تلاقي واحد بيطلب منك الانتظار لحد مايخلص قرايت موضوعه !!!!!!!

ولو رن موبايلك(لسوء حظك طبعا) هتلاقي كل الركاب في حالة صمت وبيبصولك وبيترقبوا حديثك وممكن توصف عنوان لصديقك على التليفون
فتجد احد الركاب بيصححلك المعلومة(طبعا مهو مركز معاك)!!!!!!!!
وساعات اكون بتكلم مع اللي جمبي مثلا في موضوع معين والاقي شخص تاني بيرد على السؤال اللي انا سألته لصاحبي او صحبتي المهم لمى تعبر عن ضيقك لاستماعه المحدثة تجد احيانا نظرة تعجب وكانه بيقول لنفسه(انا الحق عليا علشان بساعده)!!!!!!!!

بجد بحلم اننا نتخلى كلنا عن الصفة الوحشة دي المعروفة عننا كامصريين فاللأسف اذا سافرت بلخارج البلاد اللي بتحترم الخصوصية هتلاحظ اناا شعب فضولي فعلا لأنك هتلاقي النايس بتعبر عن ضيقهم من طريقتك الفضولية
ولكم مني ارق التحيات
:d

بجد حكاية الفضول بقت حكاية صعبة في الشارع المصري

و الحمد لله انها وقفت علي اللي قولتيه

ده انا مرة كنت يوم النتيجة في اتوبيس و لما واحد صاحبي بلغني النتيجة لقيت شوية
ركاب راحوا قالولي مبروك!!!!
كويس كان عندهم ذوق

هههههههههههه حلوة روح الجماعة

صح عندنا فى مصر الموضوع دا رخم جدا ومنتشر

اه والله الفضول ده شئ يخنق بجد

انا بتحصل معايا مواقف زي كده كتيييييييييييييييييييير

اخر مرة كنت في المواصلات انا وواحد صاحبي
وقاعدين بنتكلم عن الكليات والتنسيق وكده

لقينا واحد مرة واحدة بيوقلنا انتو جايبين كم

قولنا كذا

رح رد ولا كانه ابونا

جايبين المجموع ده وهتخشو صيدلة
حولو طب يابني ومتضيعوش نفسكو

انا رديت بكل غيظ
انت مالك

راح بقي ولا كانى قتلته قعد يقولي عيب اللي انت بتقوله ويعاتبني ولا كانه من اهلي وحاجة غريبة

وشكرا علي الموضوع

بجد الفضول ده بقى حاجة مستفزة في الشارع المصري
http://i41.servimg.com/u/f41/12/31/92/46/0efd6110.jpg (http://www.servimg.com/image_preview.php?i=67&u=12319246)

كل الكلام اللى انتى قلتيه ده يا نور مظبوط وده بيحصل لاننا بعدنا عن ربنا ومش بنغض البصر زى ما ربنا امرنا

فعلا انا ما فبش حته اروحها الا وفيها رزاله كل كوم والناس الكبيرة فى السن دى كوم واسئلتهم اللى ما بتخلصش يلا ربنا يتولانا الايام اللى جليهوشكرا على مروركم يا اخواتى

ههههههههههههه مرة برده كنت انا وماما يوم بعد ماعرفنا النتيجة روحنا جيبنا حاوته و كده عشان قرايبى اللى حيجو يباركولى فلقيت جارتنا مسكت ماما فى لجنة تقصى الحقائق لغاية لما عرفت انا جايبة كام

وغير كده كتييييييييير اوىىىىىىى

كذا مرة ابقى قاعدة فى مكان عام بقرا حاجة ولا بتاع تلاقى كل الناس مبحلقه فيها

لا لا العملية دى زادت عن حدها لدرجة ان فى حاجات منها مابقتش تضايقنى

بس حنعمل ايه هيه دى مصر

ههههههههههههه والله على رايك هى دى ام الدنيا وشكرا على المرور ومستنية ردودكم الحلوة

احلى حاجة فى الموضوع والردود ان كل اللى رده معندهمش فضول
جايز إن بعض الظن اثم
انا بئا عندى فضول بس بحاول اضحك على نفسى واقول ده حب استطلاع
ايوه لما بكون راكب عربية بحب ابص على العربيات اللى جنبى
ومرة تليفون واحد صحبنا رن اخدته ورديت مكانه وقولتله تليفون علشانك عادى بتحصل :d
متحوليش تقنعينى بئا انك معندكيش فضول
انك تسالى صحبتك جايبه البلوزه او الجيبه دى بكام او بتكلم مين فى الموبيل او مجموعها كام اخر كل سنة
ومحدش يحاول فى اللى رده يقولى انه مبيسالش اصحابه عملت ايه فى يومك او جبت التى شيرت ده منين وبكام
او موبيلك نوعه ايه او هتروح فين بالليل
او هتدخل امتا على النت
مهو ده الفضول اللى كلنا بنتلكم عليه
ايوه انا فضولى وتقريبا كلنا كده بس مش حاسيين:d

اوكى فضول عن فضول يفرق اديك قولت بسال صحبتى لكن الفضول اللى يفرس لما يكون انسان ما تعرفهوش فى المواصلات مثلا ويحقق معاك هو ده الفضول اللى احنا بنتكلم عليه لكن لما اسال صحبتى عن بلوزه او اى حاجة دى حاجة عادية لان الانسان لازم يكون اجتماعى ولكن فى حاجات غير مقبوله وشكرا على المرور

اوكى فضول عن فضول يفرق اديك قولت بسال صحبتى لكن الفضول اللى يفرس لما يكون انسان ما تعرفهوش فى المواصلات مثلا ويحقق معاك هو ده الفضول اللى احنا بنتكلم عليه لكن لما اسال صحبتى عن بلوزه او اى حاجة دى حاجة عادية لان الانسان لازم يكون اجتماعى ولكن فى حاجات غير مقبوله وشكرا على المرور

كل يغنى على ليلاه وانا على ليلى اغنى :rolleyes:
بالمناسبة الصورة الرمزية بتاعتك مخالفة :)

على فكرة انا مش فاهمة المثل ده وشكرا

كل واحد له وجهة نظره واختلاف الراى لا يفسد فى الود قضية

بجد حكاية الفضول بقت حكاية صعبة في الشارع المصري

و الحمد لله انها وقفت علي اللي قولتيه

ده انا مرة كنت يوم النتيجة في اتوبيس و لما واحد صاحبي بلغني النتيجة لقيت شوية
ركاب راحوا قالولي مبروك!!!!
كويس كان عندهم ذوق


لاحلوووووووووووووووة
مبروووووووووووووووك
ههههههههههههههههههههه

يا نهار ابيض ؟؟

على كده انا بقا فضولى جدا علشان دخلت اشوفك كاتبه ايه

ههههههههههههههههههه

اكيد دى قضية كبيرة وتتصرف الناس بشكل لا ارادى وبشكل عفوى كان الامر طبيعى انه يتدخل او يشارك او يقول رأيه او يخترق خصوصيات الآخرين

دى فعلا ظاهرة كبيرة فرضت نفسها داخل مجتمعاتنا

وتقريبا كده مش هانقدر نوقفها ولا نحجمها شوية

لكن ياترى انا كده فضولى علشان دخلت هنا اشوفك كاتبه ايه ؟؟؟

هههههههههههههههههههههههههه

شكرا لك على اثارة هذه المشكلة المهمه

يا جماعة انتوا فهمين الفضول غلط ازاى تبقى فضولى عشان دخلت تشوف الموضوع وان عملاه عشان نتناقش فيه دى اسمها مشاركة اجتماعية بالاراء ما احنا بنئادمين وبكرر كلامى الفضول اللى انا بتكلم عليه لما واحد ما تعرفهوش فى اى حته ويدخل فة حياتك مثلا يسالك انت فى كلية ايه واسمك ايه الخ لكن المنتدى عبارة عن مواضيع تدعو للمشاركة الاجتماعية حتى نكون كائن متفاعل وغير سلبى ولا تمد باى صلة للفضول