صباح الخير يا جماعة عليكم كلكم........انا قولت نتسلى شوية عقبال النتيجة ما تتطلع....


معظمنا امتحنا مستوى رفيع الحمدلله......


عايز كل واحد يقولي بقى :

1- اللجنة كانت عاملة ازاي ؟؟(( كووسة يعني ولا لا شديدة ))


2-المراقبين كان ايه نظامهم ؟؟؟ ((طيبين يعني ولا غلسين و مولعنها ))


3- حصل معاك اي موقف وانت في اللجنة ؟؟ لو فييه يا ريت تقولوا



انا حبدأ :

1- اللجنة كانت كوووسة بعد اول نص ساعة ويا سلاام على التعاون بس كان التعاون ملهووش اي لزمة عشان

تقريبا كنت انا اللي مذاكر :).

-2المراقبييييييييين عسل اوي وطيبين خالص مش عايز اقولكوا ((مش عايزين فضايح :p خليها سر )).


3- اه حصل معايا موقف.... انا كنت لابس تي شرت ابيض مش عايز اقولكوا اني طلعت من اللجنة التي شرت

اسود خالص من كتر التراب اللي كان مغرق اللجنة وكمان كنت بمتحن في اوحش حتة في اسكندرية (( والدي كتب غلط قي السفارة)) بس ما كنت وانا بحل اللاقي الستات بتنشر الغسيل من الشبابيك وتقريبا الشابك بتاع المدرسة لازق فيهم ....ده غير الفرح اللي كان معمول تحت شباك اللجنة ..يا جماعة كان يووم فصلة بجد.


يلا مستني ردكم;)

اللجنة بتعتي كان واقف فيها اتنين متدينين اوووووووووووووي و طبعا محدش بص جنبة:d
اما المدرسة كانت زبالة بمعني الكلمة فكانت كلها نمل و نمل مصر دة رخم اوووووووووي:D لقيتة طول اللجنة شغال اللة ينور و كل اللي عملتة سبت الورقة و مشيت و محلتش حاجات كتير من كتر النمل و الحشرات اللي ملية اللجنة
اما المواقف فا مفيش حاجة حصلت علشان انا صممت امشي قبل نص الوقت اصلا

شكرا nano على ردك .....وحظك حلو اوي مع المراقبييين ...ده كفاية النمل :) .ده النمل في مصر جامبو.ومفترس ومهما


تضربييه ما بينفعش معاه حاجة ..حتى بيروسول مابيأسرش فيه ..والله انا كمان كان عنيا على الارض لاني كنت متوقع

اني حلاقي حاجات بتتمشى ...ربنا ستر....وجبتي كام على كدة؟؟؟

حبت رقم قياسي متوقعش حد يجيب في الجغرفيا كدا اصلا جبت 7.5
:d

يا نانو يا جااااااااااااااااااامد .....طب والله النمل عمل شغلوا بردواا :)...عموما الف مبروووك وعقبال كدة النتيجة بتاعة التنسيق

صباح الخير على كل اللي في المنتدى
انا بصراحه يوم المستوى الرفيع ده كان يوم تحفه:rolleyes: ... رحت المدرسه اللي حمتحن فيها و انا مش عارف أدخل المذكره معايا اللجنه زي ما الشباب بتوع كل سنه بيقولولي و لا أسيبها بره زي أي امتحان عادي .. و في اللآخر قررت اني مخدش المذكره معايا اللجنه ... والحمد لله اني خدت القرار ده علشان وقف علييا مراقبين الأتنيين كانوا ممتازين :cool: و محدش كان عارف يتحرك او يتكلم في اللجنه خالص
و بصراحه اكتشفت ان ده جه في مصلحتي علشان تقريبا انا الوحيد اللي كان عندي فكره عن المنهج :d:cool:
و بالنسبه للحشرات في اللجنه مش حاتكللم عليها علشان بصراحه انا مكنتش عارف اميز الأنوع من كتريتها ( الطائره والزاحفه و ام رجلين و أربعه و سته ) من الآخر ملعب حشرات

وشكرا على الموضوع الجامد ده يا عمرو باشا :cool:

ربنا يسهل ان شاء اللة و يوفقنا كلنا

لووووووووووووووول.......ايه ده يا طووووخي انت كنت بتمتحن فيين بس :) ... يا جماعة بعد كدة طلاب الثانوية يجيبوا معاهم مبيدات عشان شكل الحشرات المصرية مش حتسبهم في حالهم ......شكرا يا طوخي على المرور :)

مين تاني يا جماعة حيكيلنا على اليووووم ده؟؟؟؟؟؟؟؟ يلا خلينا نفرفش شوية عقبال النتيجة ما تتطلع :)

صباح الخير يا جماعة عليكم كلكم........ صباح النور

معظمنا امتحنا مستوى رفيع الحمدلله...... أه الحمد لله


عايز كل واحد يقولي بقى :

1- اللجنة كانت عاملة ازاي ؟؟(( كووسة يعني ولا لا شديدة ))
في الأول كانت عادية وبعدين كان معانا إتنين توؤم فواحده قالت للمراقب عايزة أسأل أختي علي سؤال فقلها أوك بس براحه وبعد كده بقي اللجنه كلها بدأت تساعد بعضها من باب التعاون يعني


2-المراقبين كان ايه نظامهم ؟؟؟ ((طيبين يعني ولا غلسين و مولعنها ))
والله كانوا طيبين بس أنا مش بحب المراقب المتسيب بحترم أكتر المراقب الشديد


3- حصل معاك اي موقف وانت في اللجنة ؟؟ لو فييه يا ريت تقولوا
أها طبعا بص أنا كنت ناوية من يوم ما دخلت تانيه ثانوي إني أخد الثانوية بمجهودي الخالص ومغشش ولا أغشش حد علشان ربنا يباركلي في مستقبلي ويبقي بتعبي وعديت السنتين بسلام وقدرت أقاوم نفسي وجه يوم المستوي الرفيع ألاقي واحده بتناديلي وعايزة تسألني أنا مكنتش عارفه أقول إيه مش عايزة أحرجها ومش عايزة أبوظ كل اللي عملته طول السنتين فطبعا كالعاده وشي إحمر وسكت وبعد كده قولت بمنتهي الشجاعه وبصوت عالي سمع اللجنه كلها والمراقب : معلش يا جماعه أنا لا عايزة أغش ولا عايزة أغشش طبعا المراقب قعد يبصلي أووي ومستغرب بس أنا متأكده إن اللي عملته صح مع إني معرفشي جاتلي الجرأة دي منين وطبعا الغش إستمر وانا كنت بسد وداني علشان مسمعش والحمد لله ربنا وفقني وجبت العشرة لأني خوفت منه وعملتله حساب
وميرسيي ليك علي الموضوع الجميل وبالتوفيق إن شاء الله

أها طبعا بص أنا كنت ناوية من يوم ما دخلت تانيه ثانوي إني أخد الثانوية بمجهودي الخالص ومغشش ولا أغشش حد علشان ربنا يباركلي في مستقبلي ويبقي بتعبي وعديت السنتين بسلام وقدرت أقاوم نفسي وجه يوم المستوي الرفيع ألاقي واحده بتناديلي وعايزة تسألني أنا مكنتش عارفه أقول إيه مش عايزة أحرجها ومش عايزة أبوظ كل اللي عملته طول السنتين فطبعا كالعاده وشي إحمر وسكت وبعد كده قولت بمنتهي الشجاعه وبصوت عالي سمع اللجنه كلها والمراقب : معلش يا جماعه أنا لا عايزة أغش ولا عايزة أغشش طبعا المراقب قعد يبصلي أووي ومستغرب بس أنا متأكده إن اللي عملته صح مع إني معرفشي جاتلي الجرأة دي منين وطبعا الغش إستمر وانا كنت بسد وداني علشان مسمعش والحمد لله ربنا وفقني وجبت العشرة لأني خوفت منه وعملتله حساب
وميرسيي ليك علي الموضوع الجميل وبالتوفيق إن شاء الله




يا سلااااااااام

يا سلااااااااام
دي تريأة ولا إيه مش فاهمه ؟! علي العموم ميرسيي ليك بس هي دي الحقيقةوالله وربنا إللي يعلم

دي تريأة ولا إيه مش فاهمه ؟! علي العموم ميرسيي ليك بس هي دي الحقيقةوالله وربنا إللي يعلم


لا والله ده احترام :d

الجنة عندى كانت جميلة والمرقبين كانوا ذى الفل والكل عمال يغش الى انا
علشان انا الوحيد الى فى اللجنة كنت واخد المستوى رفيع فلسفة

اما عن الحشرات فهى مش كتيرة بس المشكلة ان اللجنة الى انا بمتحن فيها كان فيها عصفورتين صغيرين عاملين عش وبيضين فيه وطبعا العيل المؤزية ما سبتهمش فى حالهم اخدوا البيض والعصافير

valantino2000 (http://www.thanwya.com/vb/member.php?u=52820)انته كنت بتمنتحن فين

عشا في لجنتي كان في واحد برضو بيمتحن فلسفة برضو

انا كنت بمتحن فى مدرسة طوسون فى اسكندرية

لا بقى انا غلطان انا كنت بمتحن في مدرسة عبد الله النديم

في اسكنرية برضو

شكرا يا جماااعة على المرور........


-1 love _queen_emy ...بصراحة انت كدة صح..وسيبك من الناس المهم انتي عملتي الي انتي شايفه انوا صح,,,ده فعلا كان بيحصل معايا وانا من نوع بتكسف اقووول لا مفيش غش .....وحاولت كتيييييير في الثانوية انوا يبقى بمجهودي المجمووع الي انا جبتوا وساعات كان في ناس بتصعب عليا لاني كنت ممكن اخليهم ينجحواا والحمدلله عدت :) ,,,وشكراا تاني على الرد والمرور الجمييل ده..

medozok -2 .........تشكر على المرور وكان نفسي تحكلنا عن يوومك مع المستوى .

3-valantino200 ..........الف شكر عى الرد,,ما هو انت لازم تلاقي حاجة في اللجنة يا اما حشرات يا طيوور ولسة حنشوف باقي الاعضاء شافوواا يه كمان....على فكرة انا اعرف امدرسة اللي انت امتحنت فيها :)

ماشي يا عم

انا مكنتش عايو اتكلم عشان الزوق العام

انا اول مشفت المدرسة كانت شكلها نضيف ففرحت
بعدين لما دخلت لقيت الملع كان شكله حلو

واول حاجه دايقتني كانت الورق بتاع توزيع اللجان

كان عليز تليسكوب عشان تشوف انته في اي لجنة

ما علينا من الكلم ده كله

اللجنة كانت عاملة ازاي

زي الزفت الكراسي محفره توجع الضهر وريحة الفصل الله كانو لسه مبخرينها
كان الواحد كده قاعد وهو عايز يرجع

واحلى مكافي الموضوع المراقبين

كان عندنا مدرس بيدعي انه مدرس تربية رياضية
والله انا كنت حفرقع من الضحك ولا تربية رياضية ولا نيلة
ده كان ولا بلاش احنا صايمين ده انا كنت اطول منه

موقف حصلي انا كنت بقى مروق نفسي جايب اقلام من كل الالوان ومسطرة وحاجات حلوة
الطلاب حسبوني فلته
وفي واحد جه مخصوص ورايه وقالي متمسيس بدري
قلت ماشي واعدت اكتب واكتب
المهم الولد زهق مني وقالي بعد مرور اقل من نصف الوقت بدقايق انته لسه في الصفحة الاولى
وكملا المهم الناس زهقوا مني بعد ما كانو متاملاين فيه اني ابصلهم

الا واحد كان ماشاء الله عليه عمال يكتب بس طلع فلسفة
المهم الناس مشو والحمد لله مغششتش حد حتى مدرس التربية الرياضية كان مستغرب

ونتى اليوم على خير وجبت 10 من عند ربنا

طب والله كويس...يوومك كان ارحم مننا شوية .بس نفسي الاقي حد يجي يقولي لا اللجنة بتعتي تحفة فيها تكيف والكراسى كشخةوالمدرسة روعة ولا ده صعب شوية هنااا ...ومبرووووك على 10 وعقبال النتيجة انشاء الله


وتشكر يا باشا على الرد ونورت الموضوع :)

اللجنه !!!!!!
اعوذ بالله على دى لجنه تراب وحشرات طائرة وزاحفة
والنمل كبير ولونه احمر حسيت اني بمتحن في مستنقع
والكراسي والطولات بايظة ومحفرة ومش نظيفة
المراقبين كانوا اتنين راجل وست عمالين يتكلموا بصوت عالي مش عارفين نركز منهم
والورق بتاع الاجابة كان فيه قش وخفيف عايز الزبالة
المشكله ان يومها كان عندي كحة كل ما احك يبصولي هما الاتنين
وانا طبعا وشي يقلب 100 لون لحد ما خلصت بسرعة وطلعت في نص الوقت
اول ما طلعت من المدرسة اتشاهدت والله
ياللا الحمد لله اهي عدت

هاي عمرو....واهلا بالجميع
والله بالنسبة ليوم المستوي كان يوم ملوش معالم من اوله.....كنت داخل مذاكرتي علي ادي وربنا بيسهل يعني.
بالنسبة للجنة كان في الاول ماسكة ومحدش يغش...مفيش نص ساعة عدت الا والكل كان متعاون عالبر والتقوي
وعلي فكرة....انا كان المراقب هيطلعني برة لما لقي الناس كلها عمالة تكلمني بسس ارجع واقول ربنا ستر:)
اللجنة طبعا مفها مروحة واحدة تبل ريقنا باي هوااااااااااا....بس كان فيها بنات كويسين غطووا العملية وقاموا بالواجب وزيادة
وكفاية لحد كدة وبلاش ندخل فموضوع الحشرات ده
ربنا يوفق الجمييييييييييييييييييييييييييييييع
تحياتي

سيرة الحب........شكراا على الرد...وده طبيعي خالص كلنا نفس الحكاية...تخيلوا احنا بنمتحن هنا في مصر في اللجنة دي كل يووووم ما اكيد يا جماعة اللجان دي بردوا فيها طلاب درسوا فيها وكمان اخدوا الثانوية العامة وامتحنوا لمدة شهر فيها :) بس هما اكيد اتاقلموا على كدة ...وشكرا تاني على المشاركة ونورتي الموضوع ....


مصطفى شوقي....مروحة ايه بس...ياعم خلينا ساكتييين..كويس انهم بيعملوا ورق للاجابة :)
وشكرا على المرور والمشاركة .......

مييييييين عليه الدور يحكلنا.....؟؟؟؟؟؟

:cool:صباح الخير يا جماعة عليكم كلكم........انا قولت نتسلى شوية عقبال النتيجة ما تتطلع....


معظمنا امتحنا مستوى رفيع الحمدلله......


عايز كل واحد يقولي بقى :

1- اللجنة كانت عاملة ازاي ؟؟(( كووسة يعني ولا لا شديدة ))


2-المراقبين كان ايه نظامهم ؟؟؟ ((طيبين يعني ولا غلسين و مولعنها ))


3- حصل معاك اي موقف وانت في اللجنة ؟؟ لو فييه يا ريت تقولوا



انا حبدأ :

1- اللجنة كانت كوووسة بعد اول نص ساعة ويا سلاام على التعاون بس كان التعاون ملهووش اي لزمة عشان

تقريبا كنت انا اللي مذاكر :).

-2المراقبييييييييين عسل اوي وطيبين خالص مش عايز اقولكوا ((مش عايزين فضايح :p خليها سر )).


3- اه حصل معايا موقف.... انا كنت لابس تي شرت ابيض مش عايز اقولكوا اني طلعت من اللجنة التي شرت

اسود خالص من كتر التراب اللي كان مغرق اللجنة وكمان كنت بمتحن في اوحش حتة في اسكندرية (( والدي كتب غلط قي السفارة)) بس ما كنت وانا بحل اللاقي الستات بتنشر الغسيل من الشبابيك وتقريبا الشابك بتاع المدرسة لازق فيهم ....ده غير الفرح اللي كان معمول تحت شباك اللجنة ..يا جماعة كان يووم فصلة بجد.


يلا مستني ردكم;)






الحمد لله اللجنة بتاعتي كانت كويسة والمدرسة نظيفة ومفيش حشرات الحمد لله الحمد لله عشان ربنا بيحبني
بس أصل موضوع الحشرات ده صعب برده كدا مش هعرف أحل حاجه وممكن أطلع من اللجنة :unsure:

المراقبين بقى كانوا كويسين واصلا مكنش فيه حد بيتكلم مع حد يعني انا مش لاحظت ان فيه اي كلام او ازعاج او يمكن انا كنت مركزة اوي في ورقتي :cool:بس المراقبين لقيوا الوضع مستقر وهادئ فكانوا ساكتين في آخر اللجنة بس المراقبين قالوا لبعض البنات على الاجابات لان البنات مكنوش عايزين يروحوا :p
فيه مدرسة دخلت علينا سألتنا انتم خلصتم ولا لسه ؟؟ اللي مخلصش يرفع ايده ؟؟ فيه اتنين رفعوا ايديهم وانا كان قدامي سؤال لسه بفكر فيه في الخريطة طبعا فرفعت ايديا فقالت يعني كل الفصل مخلص طيب اوك اصل اللجنة التانية خلصوا وطلعوا تقدروا تطلعوا انتم كمان والتلاته اللي محتاجين كمان وقت يخلوهم قاعدين نو بروبلم
جه المراقبين ياخدوا الورق من البنات محدش راضي يسلم الورقة ويسالوهم انتم مش خلصتم ؟؟فكان الرد بنراجع يا مستر:) وطبعا كل شويا بقى واحدة تدخل تقول ايه ده لسه مخلصتوش ده في الترم الاول خلصوا الامتحان في 5 دقايق بس وجابوا العشرة هو الامتحان صعب ؟ الكلام ده كان بيستفزني جدا :mad:

كانت لجنتي اغلبها من السعودية واحنا خارجين بقى كانوا بتوع اللجان واقفين لينا قبل ما ننزل على السلم وجبتي كام يا حبيبتي وعملتي ايه انتي جاية منين؟والكلام ده فطبعا كل اللي قدامي جايبين 100 ومجاميع السعودية اللي حضرتكم عارفينها ولما سألوني فبقولها 95 قالتلي جاية منين قولتلها من سلطنة عمان فقالتلي اعمال سنة برده؟ قلتلها اه
السؤال الان :(يعني ايه اعمال سنه برده ده هما 30 % بس وبناخدهم بطلوع الروح ابحاث وتقارير وحضور وغياب والشروط بتاعة المدرسين بقى والاختبارات الفصلية مش عارفه بيخترعوها ازاي

السؤال بتاعها ده ضايقني شويا بس انا كنت مش فاضية اضايق يعني كنت سهرانه اليوم اللي قبل الامتحان ومنمتش خالص معرفتش نهااااائي وكنت عماله اعيط كأني أول مرة ادخل امتحان بس الحمد لله جبت العشرة :d

الشيء اللي لفت نظري في الامتحان ورق الاجابة و ورق الاسئلة سبحان الله ورقة الاسئلة شايفين عاملة ازاي نونو ما شاء الله مقارنة بالورق اللي انا اعرفه عن الامتحانات و ورق الاجابة مش عارفة حاسة انه كان ورق قديم وعملوله اعادة تدوير واستصلاح طبعا برده ده بالمقارنه مع ورق الاجابة اللي انا شفته قبل كدا بس الحمد لله طالما الورق عارفين نقراه ونكتب عليه خلاص نضايق ليه ؟؟!!

برده مكنش فيه مراوح وكان فيه شبابيك بتطل على شارع وصوت الكلكسات بقى عمال على بطال
اتكلمت كتير اوي .......... :wub:

قطرات الندى.....سيبك من الورقة والحاجات دي سهلة المهم ان اللجنة نظيفة....ده كفاية انوا مفيش حشرات زي باقي الشباب :) ...هما بيعتقدوا ان اعمال السنة دي بياخدها الطلاب كدة جدعنة وهدية ..ميعرفوش اننا بنتعب اوي عشان نخدها طوول السنة دي هيا اللي بدمرك نفسيا قبل دخوول الامتحانات اخر السنة اللي انتي المفروض تكوني مركزة فيها...ده انتي بتتحمل غلاسة بعض المدرسين والامتحانات والحضور والغياب طووول السنة في الاخر في احتمال كبييير متخديهاش متقفلة زي ما حصل معايا ...وفي لاخر يقولوا ده في الخليج في اعمال سنة :( ....وياما حاولت اقتع الناس اللي هنا محدش مقتنع ان مفيش حاجة بالساهل واننا بنتعب بردوا عشان نحصل الدرجات دي....شكرا على مرورك ومشاركتك معانا ونورتي الموضوع :)

النتيجة تطلعت انا جبتها وانتوا نايمين في العسل الحقوا جبوها وشكرا

امتى طلعت ومنين اكتبلنا اللينك ضرووووووووووووووووري يا عضو tarek_vip007

ضرووووووووووووووووووووووووووووووووري

طلعت بجد ولا ده هزار طمنونا يا جماعه

يا كابتن النتيجة اولا يوووم ما تطلع حتطلع في موقع التنسيق الحكومة الالكترونية اللي احنا قدمنا فيه لانه المصدر ده غير الجرايد اللي مفروض انها تتطلعها في نفس اليووم ما ياريت بلاش تحاول انك تلعب باعصاب الشباب

يا جماعه رجاء خاص يعني إحنا بنحاول نهدي نفسنا مش عايزين حد يقلقنا ويلعب بأعصابنا إللي مش متأكد من معلومته بلاش يقولها أرجوكم لأن أول ما بقرأ النتيجة بانت بتحصلي حالة غريبة وبيبقي هيغمي عليا من الخضة فبراحه علينا لو سمحتم إحنا مش ناقصين

انا لسة فى اولى ثانوى بس الحمد اللة اتعقد قبل ما ادخل

http://www.thanwya.com/vb/showthread.php?t=72961 (http://www.thanwya.com/vb/showthread.php?t=72961)