يا جماعة الخبر دة ان شاء الله صحيح و هو موجود في ( المصري اليوم ) للي عاوز يتطلع عليه .. بس يا ريت حد يفهمنا السطر الأخير دة و شكرا


ينهي مكتب تنسيق القبول بالجامعات والمعاهد اليوم، تسجيل رغبات طلاب الثانوية العامة «المتخلفين» عن التقدم لمراحل التنسيق الثلاث، الذي قدرهم المكتب بـ٨٧ ألفاً و٩١ طالباً وطالبة تخلفوا عن التقدم برغباتهم عن طريق موقعي التنسيق.
كما يغلق مكتب التنسيق اليوم باب التسجيل لتحويلات تقليل الاغتراب لطلاب المرحلة الثالثة، والذين جاءت ترشيحاتهم لكليات بعيدة عن نطاقهم الجغرافي «أ»، والذي أدي فيه الطالب امتحانات الثانوية العامة.
وشهدت معامل التنسيق بكلية الهندسة جامعة القاهرة أمس «إقبالاً متوسطاً» من الطلاب الذين توجهوا إلي المعامل سواء لتسجيل رغبات أو تحويلات، علي عكس اليوم الأول الذي شهد تكدساً وزحاماً شديداً من الطلاب وأولياء أمورهم، أمس الأول.
وقال عبدالحميد سلامة، وكيل أول وزارة التعليم العالي، المشرف العام علي التنسيق، إن اليوم يعد الفرصة الأخيرة لتسجيل رغبات الطلاب «المتخلفين»، وطلاب المرحلة الثالثة الراغبين في تحويلات «تقليل الاغتراب»، مشيراً إلي أنه سيتم إغلاق الموقعين اليوم في تمام الساعة الخامسة مساء، حتي يتمكن المكتب من إعداد النتائج وإرسالها للكليات، علي أن يقوم الطالب بطبع بطاقة الترشيح للكلية التي تم ترشيحه إليها.
ومن جانب آخر، أكد المشرف العام علي التنسيق، أن مكتب التنسيق سوف يعلن نتيجة تنسيق الشهادات المعادلة العربية والأجنبية يوم السبت المقبل.
وتزامن ذلك مع موافقة المجلس الأعلي للتعليم قبل الجامعي، برئاسة الدكتور يسري الجمل، وزير التربية والتعليم، علي إلغاء أداء الطلاب الحاصلين علي الشهادات المعادلة من الدول العربية، امتحان مادة المستوي الرفيع، مع طلاب شهادة امتحان الثانوية العامة المصرية.
قال الجمل: إن القرار جاء لتحقيق مبدأ تكافؤ الفرص بين الطلاب الذين يدرسون في الدول العربية، وأقرانهم الذين يدرسون في مصر.

دة لينك الخبر ......

http://www.almasry-alyoum.com/article2.aspx?ArticleID=178046

و الخبر بتاع المستوى الرفيع دة مؤكد في ( الأهرام ) .......

المجلس الأعلي للتعليم قبل الجامعي‏:‏
إلغاء امتحان طلاب الشهادات المعادلة
من الدول العربية في المستوي الرفيع


قرر المجلس الأعلي للتعليم قبل الجامعي برئاسة الدكتور يسري الجمل ـ وزير التربية والتعليم ـ إلغاء امتحان الطلاب الحاصلين علي الشهادات المعادلة من الدول العربية في مادة المستوي الرفيع‏.‏ وأكد الوزير أن الهدف من القرار تحقيق تكافؤ الفرص بين الطلاب المصريين في الداخل والخارج بعد أن صدر القرار الوزاري الخاص باختيار مادة امتحان المستوي الرفيع طبقا للمجموعات العلمية والأدبية التي يختارها الطالب وهي مختلفة تماما عما يتم دراسته في بقية الدول العربية‏.‏ وقال إن هناك تنسيقا مع وزارة التعليم العالي في هذا الشأن‏,‏ حيث وافق المجلس الأعلي للجامعات علي إلغاء شرط حصول الطالب علي الحد الأدني للكلية المراد الالتحاق بها والاكتفاء بشرط تحديد نسبة معينة لكل شهادة‏.

شكرا ليك ah2009noor2008elislam (http://www.thanwya.com/vb/member.php?u=148872)

بس والواحد خايف من حكاية السطر الاخير

يلا كل الي يجيبه ربنا كويس

ميرسيي ليك بس أنا فعلا مش فاهمه يعني هما هيلغوا المنستوي الرفيع من علينا إحنا ولا الدفعات إللي جايه أنا مش فاهمه
وبعدين لسه هستني ليوم السبت أنا تعبت والله حتي وأنا نايمه بحلم بالتنسيبق خلاص هتجنن من الأنتظار ربنا يستر بقي

اللي أنا فهمته ان ان شاء الله مستقبلا هيحصل تغيير في اختيار مواد المستوى الرفيع في مصر

فالقسم العلمي بيختار مواد معينه للمستوى والادبي بيختار مواد تانية للمستوى وبما ان الدراسة خارج مصر مختلفة عن داخل

مصر يعني مثلا طلاب العلمي هنا مش بيدرسوا دراسات اجتماعية او اي مادة ادبية في حين انه طالب الشهادة المعادلة ممكن

يكون درس مادة ادبية فييجي ويختار مادة في المستوى كان درسها ويعرف عنها وطالب مصر معندهوش الفرصة ديه وده تفسير

إن القرار جاء لتحقيق مبدأ تكافؤ الفرص بين الطلاب الذين يدرسون في الدول العربية، وأقرانهم الذين يدرسون في مصر


حد فهم حاجه من اللي انا كاتباه؟

الحال من بعضه يا كوين .. وشكرا يا ميدو ... عقبال ما يجي يوم السبت ان شاء الله

و هو فعلا شكلهم لغوا المستوى الرفيع لانهم كاتبين فوق ( الغاء أداء ... ) معنى كدة اننا أمتحناه خلاص ... بس الخبر غامض جدا فعلا .. أنا مستني بكرة كمان أشوف الجرايد يمكن يكون فيه أي توضيح للموضوع

و مش عارف دة هيأثر علينا و لا هيكون زي ماهو في عملية أختيارهم للجامعات لينا .. ربنا يستر

( قطرات الندى ) .....

هو فعلا حكاية أن المستوى الرفيع هتكون للمواد العلمية غير للأدبية .. دة طلع من زمان وهيتطبق على الدفعات الجاية ودة علشان الكل بياخد ( جغرافيا ) و بيسيب باقي المواد ....

حتى أن المدرس بتاع الجغرافيا قلنا ان دي أخر سنة هيدي فيها للعلمي

انا اعتقد ان الخبر ده على السنة الجاية مش علينا (الحمد لله)

لاني اتصلب بيهم قالو ان احنا خلصنا مش شهادات المعادلة


فمش ممكن يغيروا النتيجة بعد مخلصوها

يا رب يكون الكلام دة صح يا ميدو

هو فعلا صعب أنهم يغيروا النتايج بعد ما خلصوا منها

بس المشكلة انهم كاتبين ( تزامن ) و ( أدوا ) .... فا الواحد دلوقتي مستني النتيجة و انه يقرأ أي توضيح للخبر بكره ان شاء الله

يا ريت فعلا يكون علي السنة الجاية علي الأقل هما هيكونوا عاملين حسابهم وعارفين من اول السنه مش احنا جايين يقولولنا بعد ما إمتحننا ربنا يستر علينا جميعا

الكومى2001= الكومى2011

واى خدمه

الكومى2001= الكومى2011

واى خدمه

مش مشكله يوم السبت وخلاص اللي خلانا نستنى كل دة نستنى كام يوم كمان
بس يا رب يكون الكلام مضبوط وميرجعوش في كلامهم

السلام عليكم .....

دة لينك لجريدة ( الأهرام المسائي ) فيه نفس الخبر بتاع المستوى الرفيع دة حبيت أحطة للي عاوز يستفيد مع انه مش موضح حاجة زي باقيتهم ....

http://massai.ahram.org.eg/Index.asp?CurFN=fron7.htm&DID=9701

بس هو فعلا يا جماعة واضح انه من السنة الجاية ان شاء الله لانها هتكون الأولى الي مش كل الناس فيها هتختار الجغرافيا .. فا الي فهمته ان أصحاب القسم العلمي ودة بالنسبة لمصر مش هيكون قدامه انه ياخد جغرافيا لاكن هيكون ليه مواد زي الأحياء مثلا أما طلاب القسم الأدبي فهيكون ليهم مواد تانية زي الفلسفة و علم النفس و الكلام دة ... و لان القسم العلمي و الأدبي في مصر مختلفين عنها في السعودية وخاصة العلمي لان فيه علمي علوم هيكون ليه مواد خاصة في المستوى الرفيع وغير علمي رياضة .... فقرروا انهم يلغوا المادة بتاعت المستوى الرفيع من بتوع الشهادات المعادلة ....... و بعدين النتيجة خلاص خلصت و احنا في انتظارها ف مش ممكن هيلغوا حاجة و يغيروها تاني ........ و يا رب يكون الخبر واضح أكتر هنا .... و طبعا انا مش بفتي يا جماعة لاكن الواضح هو كدة فيارب يكون صح .........

لكن أنتم بتعملوا ايه دلوقتي و انتم في انتظار النتيجة ؟ ربنا يسهل ..... سلام ( أحمد )

يا اخواني كل واحد يحط في بطنه بطيخه صيفي ويعد النتيجة على حسب معلماتي وزي ما اقلوا بتوع التنسيق انها يوم 12\9\2008وقالوا لو مطلعتش اعملوا الانتم عوزينه

يا اخواني كل واحد يحط في بطنه بطيخه صيفي ويعد النتيجة على حسب معلماتي وزي ما اقلوا بتوع التنسيق انها يوم 12\9\2008وقالوا لو مطلعتش اعملوا الانتم عوزينه


هما قاله اعملو الى انتم عوزينه يعنى نولع فيهم ولا ايه

قرر المجلس الأعلي للتعليم قبل الجامعي برئاسة الدكتور يسري الجمل ـ وزير التربية والتعليم ـ إلغاء امتحان الطلاب الحاصلين علي الشهادات المعادلة من الدول العربية في مادة المستوي الرفيع‏ .‏

ويؤكد موقع الثانوية العامة المصرية أن ذلك القرار سيتم تطبيقه على الطلبة الخريجين من العام القادم وليس على طلبة هذا العام

وأكد الوزير أن الهدف من القرار تحقيق تكافؤ الفرص بين الطلاب المصريين في الداخل والخارج بعد

أن صدر القرار الوزاري الخاص باختيار مادة امتحان المستوي الرفيع طبقا للمجموعات العلمية والأدبية التي يختارها الطالب وهي مختلفة تماما عما يتم دراسته في بقية الدول العربية‏.‏ وقال إن هناك تنسيقا مع وزارة التعليم العالي في هذا الشأن‏,‏ حيث وافق المجلس الأعلي للجامعات علي إلغاء شرط حصول الطالب علي الحد الأدني للكلية المراد الالتحاق بها والاكتفاء بشرط تحديد نسبة معينة لكل شهادة‏.