سمير الأمير (https://m.********.com/samir.elamir1?fref=nf&refid=52&__tn__=C)

السكات
......
إيه..إيه ؟ياعمر فات
مالوش ف قلبي ذكريات
لا بلني فيه المطر
ولا هزني فيه الهوا
كأنه عمر من السكات
لا فهمت فيه معني الوطن
ولا فيه جريت ورا البنات
زي اللي ميت من سنين
وبعد سنين صحيت
بصيت
لقتني وحيد ....جريت
اتاريني باجري ف المكان
مطرح ما كنت العيل المليان شقاوة
انا كنت بحلم بس كان فيه ناس معايا
ليه السنين اتكومت وبقت ورايا
يا مين يرجعلي اللي فات
والله ما حسيت بطعم الدنيا من غير الغواية
الله يجازي المدرسة والقراية
كل اللي خدني مني لاحزان السكك
ورماني ف البير الغويط
في الضلمة ف الخوف ف الثبات
وحيد ومقتول م العياط
من غير سبب واضح
ومن غير ذكريات.

عندك احساس جميل في الكلمات تحياتى

تسلمى وتعيشى

دموعى نزلت وانا بقرا
تحياتى

جابتلي اكتئاااااااب بس حلوة :)
دمتم

شكرا جزيلا

فكرة رائعة

ومن خاف مقام ربه ونهى النفس عن الهوى

سأقف هنا وابتسم
سأختلف عن الذين توقفوا وحزنوا واكتئبوا
وابتسامي مرجعه ذلك الإعجاب الشديد بلغتك الشعرية
قليلون من يكتبون عاميتهم بمثل هذه الاحترافية
لا حرمنا إبداعاتك

السكات
......
إيه..إيه ؟ياعمر فات
مالوش ف قلبي ذكريات
لا بلني فيه المطر
ولا هزني فيه الهوا
كأنه عمر من السكات
لا فهمت فيه معني الوطن
ولا فيه جريت ورا البنات
زي اللي ميت من سنين


جميله تسلم الايادي

جزاك الله خيرا جميل جدا