ازيكم يا شباب اتمني تكونوا في اتم الصحة و الخير

كثيراً مانسمع في هذه الأيام من أناس كثيرين وخاصةً كبار السن أن

الزمان قد تغير ولم يعد كما السابق ..

يا ريت أيام زمان ترجع ..

كانوا الناس إخوان وأحباب وكل شي كان له طعم ..

كثيراً ما نسمع نبرات الإحباط في مجالس الكبار ويرون أن هذا الجيل لا يصلح

لتحمل المسؤولية

وأن زماننا في كل أطرافه زمان لا يصلح للمعيشة وأنه زمن الإتكال على الغير

وإنتشار المحرمات وضيق العيش ... الخ

نسمعهم يتحسّرون على أيامهم الماضية

ويصفوننا ويصفون زماننا بأمور غريبة



فهل نظرتهم صحيحة أم أنها جائرة ؟؟ ولماذا ؟؟

وهل هم دوماً محقّين فيما يذهبون إليه ؟؟


وهل يخلوا عصرنا من كل شيء جميل لهذه الدرجة التي يرونها ؟؟

أريد أن أرى آرائكم العقلانية دون التعصّب لزماننا ..

هل حقاً نحن جيل فاشل ؟!!!

فعلا هما دايما بيحبطونا و بيحسسونا اننا مش بنفهم بل بالعكس انا بحس انهم هما اللي مش بيفهموا ف التكنولوجيا و الحاجات الحديثه

ممكن

شكرا ع الرد

لالالالالالالالالالالالالا معتقدش ان احنا جيل فاشل بمعنى الكلمه على فكره احنا بس جيلنا جه فى ظروف صعبه
انفتاح على العالم من غير رقيب
وظروف طبعا مفيش زيها يعنى كان الجيل لقى حاجه حلوه حواليه وهو اللى قال لا هبقى فاشل

بالظبط هو ده رأيي

ان احنا كويسين بس مش عارف نستغل قدراتنا

ثانكس سو ماتش

مهو اه احنا كويسين وكل حاجه بس برده مش زى ايام زمان كنت تحس بجد ان فيه حب بجد الناس بتعامل بعضها علشان خاطر بعض مش علشان خاطر مصلحه او خلافه انا اه معشتش الزمن ده اللى هو بتاع زمان بس بحس ان زماننا ده وحش هو مش الزمن اللى وحش بس احنا اللى خليناه وحش واحنا اللى بايدينا نرجعه زى زمان
دى وجهه نظرى
تقبل مرورى
السلام عليكم

و عليكم السلام

شكرا علي المرور

ميرسى على الموضوع ,
وبرضه احنا المفروض نعذرهم , لان زمان كان الخير اكتر
وده مش معناه ان مفيش خير دلوقتي
وبالفعل احنا جيل فاشل بس مش اوى
بالتكنولوجيا والتطور بدل ما نستغل قدراتنا في حاجات تنفعنا
قاعدين مش بنعمل حاجة
وهو ده اللى بيخليهم يقولوا كده
معلش طولت عليكم

شكرا ع المشاركة

نورت الموضوع

اهنا مش جيل فاشل ولا جيل لا يستطيع تحمل المسوليه احنا جيل عايز يتحمل المسوليه بس مش قادر بسبب الظروف الى احنا فيه بتاول و على الشباب دلوقدى مبتحملش المسوليه ضب هو اصلا مش لااقى شغل كان زمان الواحد بيجلو جواب التعين وهو اعد فى البيت
بس ده مش مبرر ان احنا نعد مكنا منعملش حاجه لزم نحارب الظروف الى احا فيه لخيه ما ننجح ونكون افضل لزم يكون لكل انسان هدف يحارب علشانه كل الظروف والصعوبات لغيه ما يحققه

فعلا

شكرا ع المشاركة

نعيب زماننا والعيب فينا وما لزماننا عيب سوانا

ونهجو ذا الزمان بغير ذنب ولو نطق الزمان لنا هجانا




انا من راى ان مش احنا كلنا اللى فينا العيب ولا حتى زمانا غلط


بس بكل بساطه ان فى ناس نقدر نقول انهم بيسوءوا صورة غيرهم زى ما بنقول ان الحسنه بتخص والسيئه بتعم


لكن احنا جيل عظيم فمنا الاطباء والعباقره ولادباء والفقهاء والعلماء والسلسيين وغيرهم من الافاضل

فكل شخص يؤدى حق عمله عليه هو فاضل وقدوه لغيره


لكننا لا ننكر وجود القله السفيه المشوه للغير ونحن لسنا مسؤلين عن تصرفاتهم




واخيرا لك الشكر على التوبيك الجميل

شكرا ع الرد جدا جدا

على فكرة انا لسا شايفة الموضوع بتاعك بعد ما انا عملت موضعى لانى انا جايبة موضعى من بحث ان بعض الظن اثم انا ما اعرفش الموضوع ده حتى ما كنتش فاهمة انت بتتكلم على ايه لما رديت على موضوعى وشكرا

العفو علي ايه

مش مشكلة يا نور

بتحصل كتير

بص يايوسف..انا احب الشخص المتحضر اوي اللي مش راجعي...ويكون مستقبلي جدا...بس في نفس الوقت ميبعدش عن تقاليد الماضي كلها...يحتفظ ببعضها...بس بالصراحه هم عندهم حق...أيام زمان كان الحب بجد..وكان الأنسان لازم يتعب علشان يحقق اللي هو عايزه...دلوقتي معظمنا بنتولد وكل حاجه ميسره لينا...لدرجه اننا بنبقي مشتاقين للتعب والشغل...وكل واحد ليه نظره في الجيل بتاعه يايوسف...وأشكرك علي فكره المناقشه

شكرا يا اسلام

رأي كويس اوي

اشكرك ع التفاعل

وبجاوب من قلبى لمره تانيه
فشر
احنا مش فاشلين
واذا كنا فاشلين يبقى دى غلطتهم مش غلطتنا لانهم هما اللى ربونا
وبعدين حاجه كمان
هما اللى خلوا الفجوه كبيره بينا وبين المجتمعات التانيه علشان كده شايفنهم حاجه عظيمه وبنحاول نقلدهم
ده مجرد رايي

يب .. يب

انا معاك .. هما السبب لو كانو شايفين اننا فاشلين ..

بس احنا مش فاشلين والله .. احنا احلى جيل في الدنيا ..

اخــــــــ a7la dody ـــتك ..

جيل فاشل طبعا لأ

بس زي ما قولتوا هما عندهم عذر ان الخير زمان كان كتير بس كمان احنا ملناش ذنب في دهـ

فينا الاف بل واكثر من المفكرين والمبدعين ولكن للاسف بيقتلوا حلمه من بدري ومش بيقدموله اي ايد للمساعدهـ

هنقول ان في ايدينا ان احنا نعمل كتير

بس تقول ايه بقي الشباب بيتدلعوا

عايزين الفرصة تيجي لعندهم وهما نايمين في بيتهم

مفيش حاجة اسمها بطالة بس في حاجة اسمها كسل واهمال وهو دهـ السبب في اللي بيحصل...علي كدهـ ممكن اقول جيل دلوع بس مش فاشل

اللي عايز يشتغل بيتشتغل...

وطبعا الكل مش كدهـ فيه اللي بيبدأ صغير وبيكبر

وفيه بقي اللي بيمشي في طريق الضياع وبيضيع عمرهـ وشبابة وبيحرق قلب اهله عليه..

موضوع فعلا بحاجة للمناقشة

----------------------------------------

بدأت اسأل نفسي حقا ... هل نحن فاشلووون؟؟؟!!!

شكرا ع المرور و المشاركة

على فكره كل جيل بيقول ان الجيل اللى بعده فاشل ومش نافعين ومش قد المسؤليه واحنا اما نكبر هنقول على الجيل اللى بعدنا زى ما كانو بيقولو علينا وهكذا..................
ودى حاجه مش بايد حد لان فعلا كل ما الزمن يعدى كل ما الخير يقل

ويا ريت مااكونش ازعجتكم برائى

لا احنا مش جيل فاشل ولا حاجة بس كل جيل ليه حياته وليه التطوارت اللي حصلت اللي بيشوفها الاجيال الكبيره انها حاجات تدعو لفشل

شكرا ع مروركم