هو فى ايه ؟؟ [الأرشيف] - بوابة الثانوية العامة المصرية

مشاهدة النسخة كاملة : هو فى ايه ؟؟

فرحه الربيع

11-09-2008, 01:27 AM

السلام عليكم

انا حبيت اسألكم عن حاجه نفسى اعرف السبب الاساسى ليها لانى بجد تهت خلالالالاص و مبقيتش عارفه السبب

ليه كل الناس بقت مكتئبه ومحدش عاجبه حاله؟؟
ليه محدش راضى باللى ربنا قاسمهلوه؟؟
ليه كل الناس بقت بتكلم بعضها بالنفاق و هى مش طايقه نفسها اصلا؟؟

حقيقى بجد بقت حاجه غريبه كل ما ابقى مش مكتئبه و اكلم حد من اصحابى الاقيها شايله هموم الدنيا و مضايقه و زهقانه و تخلينى اكتئب انا كمان

ليه بقى العادى انن نكون مضايقين و لما حد يشوف حد مبسوط بقى يستغرب انه مبسوط

بجد نفسى اعرف ليه تفتكروا ليييييييييييييييه؟؟؟؟؟؟؟!!!!!!!!!

الشفق الباكي

11-09-2008, 01:39 AM

والله انتى لو تعرفى ليه قوليلنا تكسبى فينا ثواب وتريحينا

طـفـلـة الامـس

11-09-2008, 01:47 AM

لان دى طبيعة الدنيا والمفروض اننا نحليها بالامل والفرحة والتفاؤل
وده طبعا مش موجود عند الكل
ونادرا لما تلاقى حد كده هو ده اللى بيحسسنا بالاكتئاب والحزن المستمر والمنطبق بالليل والنهار
انا تقريبا دلوقتى مابيعديش عليا يوم واحد من غير مازعل او اتضايق
ومش عارفة ليه كل الزعل بييجى عن طريق النت
يعنى اغلبه مش كله ونادرا لما ازعل مع اى حد خارجه
ربنا يعدينا من الدنيا دى على خير
والله مش بتمنى اكتر من كده

رونالدينهوو

11-09-2008, 01:50 AM

اه والله انا المشكلة دى عندى بردةومخنوق ومش قادر استحمل
ياريت اللى يعرف الحل يبقى يقولى

***star***

11-09-2008, 04:34 AM

هقولكم انا الحل.....الحل في الصلاه والصوم واتقاء ربنا...طبعا في اقليات منكم هيقولو اخدنا من الكلام ده كتير...ويطلع واحد عامل فيها فيلسوف ويقول طيب ما الأجانب كلهم مش مكتئبين وعايشين حياتهم...هرد عليه وأقوله ... طيب مااحنا ممكن نبقي احسن منهم بالتقرب لربنا...هنبقي اسعد الناس....بس احنا اللي مش بنحاول.....وعلي العموم في كذا حل لأزاله الأكتئاب عامه..والحلول هي:

1- تغيير الروتين المسيطر علي حياتنا ..بمعني(((تغير المكان اللي انت بتروحه كل شويه..لو انت بتسهر بليل وتنام الصبح ...حاول تغير هتلاقي نفسك مرتاح....والعكس.

2-الخروج من جو المنزل فتره من الوقت يوميا..وعدم المداءبه علي الجلوس فيه.

3- الأنشغال بشي مفيد ((علشان وقت الفراغ الكتير بيجيب ملل وكئابه بطريقه فظيعه))..

4- الأستمتاع بجو الصباح (((اللي هو الساعه 6 لغااااااايه 11)))...لأن اليوم اللي العين مش بتشوف فيه الشمس ..الانسان بيبقي مكتئب...فأستمتع بمنظر الصباح الجمالي..

5- حاول تجدد معاملاتك مع الناس ومع اصحابك...وتفاعل معاهم في موضوعاتهم..((ومتحاولش تزعل حد منهم ...لأن ده هيبقي سبب في زعلك انت وانت مش واخد بالك...وهتبقي مش مرتاح))..

6- عدم التفكير كثيرا في المشاكل والهموم ...واطلق لخيالك العنان في جماليات حياتك...

7- تصفيه الضمائر والنفوس من الأحقاد ..اهم الوسائل في نظري في ازاله الأكتئاب..

8-البعد عن أغاني الموت البطئ...المندرجه اليومين دول تحت اسم((الأغاني الشعبيه))...والبعض يقول ((الاغنيه دي بتعلي الدماغ))...هو ده الأكتئاب نفسه واحنا مش عارفين.

وربنا يبعد عننا كل سبب من اسباب الأكتئاب والملل....

في رعايه الله,,,,

earth

11-09-2008, 04:55 AM

الموضوع مميز اوى

شوفى انا ياما كنت فى الاعداداى تقريبا دايما فى حالة الزعل و الاكتئاب ده

بس الحمد لله قبل مادخل اولى ثانوى وقفت وقفة مع نفسى وقولت لازم اتغير اولا عشان نفسى و ثانيا عشان نفسى و ثالثا عشان اللى حوليا

فبقيت بقىمن يومها من النوع اللى بيضحك و يفرفش و بقيت بشوف فى كل حاجة وحشة حاجة حلوة

ممكن منكم يقولى انتى عندك لا مبالاة حقولوه ايوه

وبحاول اكون باردة على قد ما اقدر

طب اقولكم على حاجة عارفين لما بكون فى اصعب المواقف بفكر فى حاجتين
1- انى فى كابوس و حينتهى اول مااخلص عمل الشئ اللى مضايقنىده اى كان بقى مثلا بشترى لبس و المحل زحمة موت او مستنية القطر و طول الوقت و عل فكرة الطريقة دى بتخفف عليا اوى لانى بقفل عينيا لمدة ثانية و بخلى نفسى تصدق انى فى ما اشبه بالكابوس

2- بفتكر اول حتة خالص فى فيلم لحمد حلمى بتاع جعلتنى مجرما و الله بقيت زيه

اكيد منكم اللى حيقول انا فيا حاجة غلط هههههه

بس انا ارتحت كده

قصدى من كل الكلام ده ان الواحد هوه اللى بيشوف اللى يفرحه و الل يطلعوه من المود الوحش بنفسه مش يقرا كتاب و يمشى عليه اى نعم الكتاب بيفيد بس الناس مختلفة و طرق التاثير فيها مختلفة

طولت اوى صح؟

(قولوا غلط اجبارى)

شكرا على الموضوع

( لؤلؤة الإسلام )

11-09-2008, 05:09 AM

الموضوع ده انتشر اوييييييييييييييييييي فعلا ..
بس احب اضيف على كلام اسلام و ايرث ..
ان السبب الحقيقي هو بعدنا عن ربنا .. ازاي حد ممكن يدور عن السعادة بعيد عنه او في حاجة حرام و ما ترضيهوش و هو اللي خلق السعادة اصلا و هو اللي خلقنا و عارف اللي يريحنا و اللي بيضايقنا ..
الواحد مننا لازم يمشي في الطريق الصح الطريق اللي ربنا اختارهولنا و بعد كده نسيب كل حاجة على ربنا و نقول : حسبي الله و نعم الوكيل .. و هو ده الكنز الذي فقدناه في حياتنا .. اننا ما نبص للأمور بعين المادية و بس .. و مهما شغلتنا الدنيا نفتكر انها لا تساوي عند الله جناح بعوضة ..
و ياريت بجد تتفرجوا على برنامج الكنز المفقود لمصطفى حسني و ده بيريح اوييييييييييييي

دودو دلوعة اليكس

11-09-2008, 05:20 AM

ENG:3assoma

11-09-2008, 06:38 AM

والله الرد الطبيعي لكل اللي في ثانويه عامه إنه يقول علشان انا في ثانويه عامه ..... أعتقد انه لما الواحد يخلص المرحله دي ممكن يبص للدنيا من زوايا اكبر بكتير

فرحه الربيع

11-09-2008, 05:25 PM

فرحه الربيع

11-09-2008, 05:29 PM

والله الرد الطبيعي لكل اللي في ثانويه عامه إنه يقول علشان انا في ثانويه عامه ..... أعتقد انه لما الواحد يخلص المرحله دي ممكن يبص للدنيا من زوايا اكبر بكتير

على فكره انا مش فى ثانويه عامه و بعدين الناس بتكتئب فى الثانويه العامه و بعدين بتطلع تكتئب اكتر من اللى بتشوفه فى الجامعه و بكتئب اكتر واكتر لما تتخرج وتلاقى نفسها مش لاقيين شغل ومش عارفين يتجوزوا :confused:

شكرا على ردك

فرحه الربيع

11-09-2008, 05:31 PM

فرحه الربيع

11-09-2008, 05:34 PM

3amora

12-09-2008, 03:28 AM

ضعف ايمان لا اله الا انت سبحانك انى كنت من الظالمين

a7la dody

12-09-2008, 03:53 AM

مشكـــــــــــورة ع الموضوع الحلو ..

النكد بقى حااجة طبيعيه زي ماقلتي ..

بس انا الحمد لله مش من النوع الي بينكد ابدا .. :d ..

انفع صاااحبتك .. شكرا ياعسل على الحوار الهااادف دا ..

اخــــــــ a7la dody ــــتك ..

MohammeD el_SadaT

12-09-2008, 04:25 AM

لأن بمنتهى الببســـــاطه إحنا بعدنا عن الدين
نسينا تعليمه
وبقينا بنفكر فى الدنيا كتير وأهملنا الآخره خالص

لكن ربنا سبحانه وتعالى بيقول
"قل ياعبادى الذين أسرفوا على أنفسهم لا تقنطوا من رحمه الله إن الله يغفر الذنوب جميعاً إنه هو الغفور الرحيم "

يبقى السؤال الأدق هنه هو

!
إحنا هنتوب إمته ونرجع للطريق القويم فربنا سبحانه وتعالى يسرلنا كتير ومهدلنا كتير وصبر علينا كتير وستر علينا كتير
وجددلنا أكتر وأمهلنا أكتر
؟!
لكن لما يأخذ إن أخذه أليم شديد العقاب

ربنا سبحانه وتعالى يمهل ولا يهمل