مشاهدة النسخة كاملة : اسكتوا مش هنور التليفزيون ؟؟ :lol:
براءة 11-09-2008, 02:21 AM http://img84.imageshack.us/img84/5465/18821610uf0.png
بسم الله الرحمن الرحيم
http://www.al-wed.com/pic-vb/803.gif
السلام عليكم ورحمة الله وبركاته ،،
http://www.al-wed.com/pic-vb/803.gif
النهارده هحكيلكوا قصة غريبة حصلت معايا من كام ساعة
كنت فى النادى انا و 2 اصحابى
جالنا واحد ملتحى وقالنا .. احنا بنصور برنامج تحبوا تصوروا معانا
انا اتحمست جدا وسألته .. هيا دى قناة ايه ؟؟
قالى دى قناة اسمها أنا لسه مفتحتش ،، ها هتصوروا ؟:p
بصيت لصحابى ال2 عمالين يقولولى لأأأأ
الراجل بصلي يشوف ايه رد فعلى
انا التزمت الصمتـــــــــ .. قام قالنا طيب دقيقتين وهاجى اشوف قررتوا ايه
بصيت لأصحابى وقلتلهم مين هتصور معاااايا
ال2 قالولى لأ طبعا مينفعش احنا مش جاهزين .. اصل الطرحة مش مكوية والجزمة مش ممسوحة و و و :mellow:
انا قلتلهم طيب واحدة تقف معايا منظر :(
ال2 قالولى لالالالالالالالا نتكسف وكده ومينفعش :huh:
المهم الراجل جالنا تانى قال ها ؟؟ :rolleyes:
صحابى قالوله لأ خلاص وانا بصراحه اتكسفت اصور لوحدى والنادى كله عيال نعرفها و كله واقف يتفرج وكده :d
شوية قمنا غيرنا مكانا قعدنا فى مكان تانى ..
لقينا المصور والمذيع غيروا مكانهم بعدها بفتره هما كمان والراجل الملتحى جالنا يقولنا السلام عليكم تحبوا تصوروا معانا ؟؟(تقريبا كان نسينا)^_^
لقيت معاه بنتوته كده ف سنى قولتلها هتصورى ؟؟:rolleyes:
قالتلى اه
قلتلها خدينى معاكى :d
بس وسبت اصحابى وقمت مشيت معاها واتصاحبنا فى ال5 متر دول
و صحابي قاموا جرى ورايا يتفرجوا
الراجل قال مين هتصور الاول
طبعا احنا ال2 عملنا مش واخدين بالنا :rolleyes:
الراجل قالى لصاحبتى طيب اتفضلى حضرتك
قامت وقام المذيع سألها انتى كلية ايه قالتله اولى هندسة و سألها الاسئلة دى ..
1) لو واحدة عانس واتقدملها اى حد تتجوز ولا لأ ؟؟؟
معرفش ليه وانا قاعدة حسيت ان كلمة عانس اول مرة اسمعها :confused:
قمت لقيت بنت ف 2 اعدادى قاعدة جنبى قلتلها يعنى ايه عانس :mellow:
قالتلى يعنى كبرت اوى ومتجوزتش
ساعتها افتكرت عانس دى واستغربت انا ازاى نسيتها
المهم كان رد صاحبتى
// اه طبعا تتجوز اكيد احسنلها ...
سألها المذيع .. تحبى فرح كبير ولا تتجوزى ؟؟
// بصراحة .. انا نفسي فى الفرح الكبير
سألها المذيع .. ترضي تتجوزى واحد يقدر يجيب لشقتك اوضة النوم بس ؟؟
// قالتله لأ اكيد ... انا ممكن استناه بس نتجوز كناس طبيعية ،،
الراجل شكرها وكان واضح ان الموضوع سهل جدا جدااااا
الراجل طلب منى اقوم
قمت ووقفت قدام المذيع
فبيقوللى .. انتى طبعا داخلة 2 هندسة (رفع من معنوياتى ما انا مش طفلة اهو ):d
قلتله لأ .. انا اولى علوم
لقيت المذيع بيقولى يااااه :o انا كمان .. انتى قسم ايه بقي
قلتلة شعبة فيزيائية
قالى انا جيولوجيا
ولقيت واحد تانى بيقوللى لالالالا احنا مبنصورش بتوع علوم :d
قلتله طيب خلاص امشي يعنى ؟؟؟:huh:
قاللى لا بهزر كنت هقوله يا سخيف بس مسكت لسانى :confused:
وبعدين المذيع فكر دقيقتين وقالى ... انتى حلوان:mellow: (ما مفيش فى القاهرة ولا عين شمس التقسيمات دى !!:d)
قلتله اه :huh:
قالى انا كمان انا خريج السنة دى :mellow:
معرفش ليه قمت حادفاله الكلمة دى ف وشه ..
وبتشتغل مذيع !! :d
قاللى لالالالا انا هشرحلك بس بعد البرنامج استنى انتى بس ^_^
انا اتخضيت من الكلام وقمت قلت .. هو ايه ده :mad:
قام قالى لالالالالالالا ما احنا معانا مذيعة بردو خريجة علوم حلوان ^_^
انا لاحظت كده ان احنا مش بنصور :mellow::mad:
بجد بدأت افكر تكونش دى الكاميرا الخفية:huh: او برنامج زى اشتغالات اللى بييجى على أو تى فى :eek:
لقيت المصور وهو راجل كده شكله عاقل قطع عليا تفكيرى و قالى بصي للكاميرا بقي والمذيع بيكلمك
قلتله ازاى بقي حد يكلمنى يمين وابص انا شمال :mellow:
المهم قام الواد اللى كان معترض ع ان انا من علوم قالى طيب بصيلى ^_^ وراح وقف جنب الكاميرا خبط لزق
قلتلهم لا خلاص هحاول ابص للكاميرا
وقفت والمذيع بدأ
سألنى .. واحدة عانس تتجوز اى حد ؟؟
قلتله : لأ طبعا ده جواز مش لعبة ،، يعنى لو واحد مناسب ماشي لو مش مرتاحاله اكيد تفضل عانس احسن ،
سألنى تانى . فرح كبير ولا تتجوزى ؟؟
قلتله : هو الفرح الكبير ده من غير جواز يعنى .. ايه السؤال ده ؟؟ (معرفش ازاى اتكلمت كده :d )
المذيع بلم وقالى : لأ يعنى جواز بفرح بسيط ولا كبير :huh:
قلتله : والله فى حاجة اسمها ارتياح وقبول والشخص اللى هـ..( وزرجنت معايا الكلمه دى .. اتكسفت اقول هحبه) فضلت معلقه كتير ع( هــ ) دى وقمت اديت ضهرى بسرعة للكاميرا :mellow: استخبيت :d
قام اللى كان ورا الكاميرا هياكلنى :( والمذيع قاله معلش معلش نعيد .. (يا شماتة اصحابي فيا :d)
المهم عدنا وجاوبت نفس اجاباتى والسؤال التالت بقي كان
المذيع : ترضي تتجوزى واحد يقدر يجيب لشقتك اوضة النوم بس ؟؟
قلتله انا : اه لو شارينى ومرتحاله ايه المشكلة ؟؟
بس وقمت خلصت وسألت الراجل الملتحى .. ده هييجى امتى قالى بعد 15 اكتوبر :cool:
قلتله وانا افضل فاتحة القناة من 15 اكتوبر مستنية :mellow:
قام ضحك مع انه كان متغاظ منى وقالى لأ وقت كذا كذا
قلتله شكرا وانسحبت واخدت تريقه جامدة جدااااااااااا من اصحابى ع اللى حصل :(
وبعد كده اخدتهم من ايدينا وروحنا معرفش ليه مكنتش طايقه النادى :p
انتوا لو كنتوا مكانى
كنتوا هترضوا تصوروا اصلا؟؟
وكنتوا هتجاوبوا بايه؟؟
معلش يا جماعة انا بحب احكيلكوا كل حاجة وعاوزة اخد رأيكوا فى تصرفى كله بجد :)
ومش عارفة احط الموضوع فين
هسيب الأمر ده للمشرفين بقي ^_^
ودمتم بود .... :)
ayooosh 11-09-2008, 02:34 AM هههههههههه
جامده يا رحمه جدعه
انا لما كنت فى النادى برده جم قالولى كده بس كنت مع ماما وماما رفضت
وبابا لما جيه قاعد يقولها ليه ما اتكلمتيش وكده المهم يعنى الراجل جيه تانى وبابا كلمه:d
وانا وقفت جنب بابا بس معرفش اتصورت ولا لا:cool:
كان بيسالوا ايه المشاكل اللى بتمر فى سنه اولى جواز؟
انا لما كنت مع ماما متحمسه اوى وقولت هتكلم وكده ولما سالته ايه السؤال قالى
لقيت نفسى مش هعرف ارد وماما قعدت تقولى لا هتقولى ايه وكده ورفضت انى اتكلم^_^
بس كويس انك قولتيلى هيفتحوا امتى عشان اشوفك:p واشوف بابا:rolleyes:
بس باين عليهم ناس محترمين اوى
كنت مع مين يا رحومه؟؟:rolleyes:
هههههههههههههههههههههههه
بجد موقف يضحك يا رحمه
انا بصراحه لو مكانك مش هرضى اصور
بس انتى اتصرفتى كويس والله
هو القناه اسمها ايه بجد؟
براءة 11-09-2008, 02:48 AM هههههههههه
جامده يا رحمه جدعه
الله .. متكسفنيش بقي .. عموما اى خدعة :cool::d
انا لما كنت فى النادى برده جم قالولى كده بس كنت مع ماما وماما رفضت
وبابا لما جيه قاعد يقولها ليه ما اتكلمتيش وكده المهم يعنى الراجل جيه تانى وبابا كلمه:d
وانا وقفت جنب بابا بس معرفش اتصورت ولا لا:cool:
يا ريت يا ايه يمكن تلاقيلك عريس^_^
كان بيسالوا ايه المشاكل اللى بتمر فى سنه اولى جواز؟
اه الناس الكبيرة كانت بتتسأل عن حاجات تانى الجواز والخيانة وكده صح انتى كنتى موجودة فعلا:d
انا لما كنت مع ماما متحمسه اوى وقولت هتكلم وكده ولما سالته ايه السؤال قالى
لقيت نفسى مش هعرف ارد وماما قعدت تقولى لا هتقولى ايه وكده ورفضت انى اتكلم^_^
ليه بس عاتى :( ولا انتى جبانة زى صحباتى :d ولا طرحتك مكانتش مظبوطه زيهم بردو :p
بس كويس انك قولتيلى هيفتحوا امتى عشان اشوفك:p واشوف بابا:rolleyes:
انا كنت بتررررررعش .. ابقي غمضي عينك لما اجى بلاش فضايح :cool::d
بس باين عليهم ناس محترمين اوى
اوى جدا :mellow:
كنت مع مين يا رحومه؟؟:rolleyes:
مع اسماء ونهلة
طبعا انتى عارفة اسماء بتخاف من ضلها :d
وصورنا ف شارع الانحراف يا ايه :mellow: تخيلى الحشد :huh:
ayooosh 11-09-2008, 02:50 AM لا احنا كنا قاعدين فى المبنى الاجتماعى:p
براءة 11-09-2008, 02:51 AM هههههههههههههههههههههههه
بجد موقف يضحك يا رحمه
انا بصراحه لو مكانك مش هرضى اصور
بس انتى اتصرفتى كويس والله
هو القناه اسمها ايه بجد؟
ليه طيب مكنتش هتصور
بتتكسف :eek::d
القناة اسمها (أنا)
وخير ان حد شايف انى اتصرفت كويس :(
وبعدين ليه مش بتردوا ع الاسئلة
انا مش حاطاها منظر :d
براءة 11-09-2008, 02:53 AM لا احنا كنا قاعدين فى المبنى الاجتماعى:p
ومين سألكوا خريجة علوم حلوان ولا خريج علوم حلوان :d
اصل المكانين بعاد عن بعض شوية
بتتعب الناس دى والله :p
ayooosh 11-09-2008, 02:57 AM ومين سألكوا خريجة علوم حلوان ولا خريج علوم حلوان :d
اصل المكانين بعاد عن بعض شوية
بتتعب الناس دى والله :p
لا الست هى اللى سالتنا عشان كده كنت متحمسه;)
بس كان شكلها محترمه:)
بس معرفش انها خريجه علوم حلوان مسالتهاش الصراحه
و سلميلى صحيح على اسماء دخلت ايه؟؟:rolleyes:
_GUIDE_ 11-09-2008, 02:59 AM قولتيلى القناة اسمها ايه والبرنامج هيتذاع امتا ؟
براءة 11-09-2008, 03:01 AM لا الست هى اللى سالتنا عشان كده كنت متحمسه;)
بس كان شكلها محترمه:)
بس معرفش انها خريجه علوم حلوان مسالتهاش الصراحه
و سلميلى صحيح على اسماء دخلت ايه؟؟:rolleyes:
كانت محجبة ولا ايه نظامها
نفسي اعرف ايه نشاط القناة دى .. التزامى ام ام ام
اه طبعا تسأليها بتاع ايه انا متأكده انك كنتى مستخبية ورا طنط :d
اسماء دخلت المعهد العالى للهندسة المعمارية
ونهلة ارشاد سياحى :d دى جارتى ^_^
براءة 11-09-2008, 03:02 AM قولتيلى القناة اسمها ايه والبرنامج هيتذاع امتا ؟
عارف والله وانا بكتب الموضوع جيت ع بالى وكنت متأكده ان ده هيبقي تعليقك :d
القناة اسمها (أنا) ومعرفش حاجة عن المعاد :p
ayooosh 11-09-2008, 03:04 AM كانت محجبة ولا ايه نظامها
نفسي اعرف ايه نشاط القناة دى .. التزامى ام ام ام
اه طبعا تسأليها بتاع ايه انا متأكده انك كنتى مستخبية ورا طنط :d
اسماء دخلت المعهد العالى للهندسة المعمارية
ونهلة ارشاد سياحى :d دى جارتى ^_^
:)
اه فين المعهد ده تقريبا نفس اللى انا فيه
على العموم سلميلى عليها;)
اها كانت محجبه ولا بسه طرحه طويله باين عليهم محترمين
_GUIDE_ 11-09-2008, 03:07 AM عارف والله وانا بكتب الموضوع جيت ع بالى وكنت متأكده ان ده هيبقي تعليقك :d
القناة اسمها (أنا) ومعرفش حاجة عن المعاد :p
امم
صورته لقناة لسه متفتحتش
لبرنامج متعرفوش اسمه
فى ميعاد لسه متحددتش
:d شىء جميل
براءة 11-09-2008, 03:07 AM :)
اه فين المعهد ده تقريبا نفس اللى انا فيه
على العموم سلميلى عليها;)
اها كانت محجبه ولا بسه طرحه طويله باين عليهم محترمين
المذيع كان عاوز يخدمنى يعنى :d كنت هظلمه
ولا اكيد كانوا عاوزينى مذيعة :cool: ما هى شكل القناة دى احتكار علوم حلوان :d
لا بجد يا بنتى المذيع واللى كان معاه كانوا خفة اوى .. يا ريتنى قابلت المذيعة ^_^
وبعدين بدل فى مذيع ومذيعة
ما كانت دى تسأل البنات وده يسأل الرجاله :mellow:
يلا ما علينا ادينا نصبر ونشوف ايه نشاطها
براءة 11-09-2008, 03:11 AM امم
صورته لقناة لسه متفتحتش
لبرنامج متعرفوش اسمه
فى ميعاد لسه متحددتش
:d شىء جميل
ايوه بالظبط
بس انا عارفه اهم حاجة .. اسم القناة ^_^
تفتكر ممكن حد يكتشفنى :mellow::d
براءة 11-09-2008, 03:16 AM طلعت قناة اسلامية
و كمان تابعة لموقع اسلام اون لاين
اداريا تحت اشراف يوسف القرضاوى
_GUIDE_ 11-09-2008, 03:17 AM ايوه بالظبط
بس انا عارفه اهم حاجة .. اسم القناة ^_^
تفتكر ممكن حد يكتشفنى :mellow::d
سألنى .. واحدة عانس تتجوز اى حد ؟؟
قلتله : لأ طبعا ده جواز مش لعبة ،، يعنى لو واحد مناسب ماشي لو مش مرتاحاله اكيد تفضل عانس احسن ،
سألنى تانى . فرح كبير ولا تتجوزى ؟؟
قلتله : هو الفرح الكبير ده من غير جواز يعنى .. ايه السؤال ده ؟؟ (معرفش ازاى اتكلمت كده :d )
المذيع بلم وقالى : لأ يعنى جواز بفرح بسيط ولا كبير :huh:
قلتله : والله فى حاجة اسمها ارتياح وقبول والشخص اللى هـ..( وزرجنت معايا الكلمه دى .. اتكسفت اقول هحبه) فضلت معلقه كتير ع( هــ ) دى وقمت اديت ضهرى بسرعة للكاميرا :mellow: استخبيت :d
قام اللى كان ورا الكاميرا هياكلنى :( والمذيع قاله معلش معلش نعيد .. (يا شماتة اصحابي فيا :d)
المهم عدنا وجاوبت نفس اجاباتى والسؤال التالت بقي كان
المذيع : ترضي تتجوزى واحد يقدر يجيب لشقتك اوضة النوم بس ؟؟
قلتله انا : اه لو شارينى ومرتحاله ايه المشكلة ؟؟
اوعدك انى هحاول اركز مع الردود وفى المقابلة :)
براءة 11-09-2008, 03:21 AM اوعدك انى هحاول اركز مع الردود وفى المقابلة :)
هتدخل ف رهان تانى ؟؟
مبتحرمش :p
rose 2010 11-09-2008, 03:23 AM ايه الموقف ده انا لو مكانك مش هاصور خااااااااالص
براءة 11-09-2008, 03:26 AM ايه الموقف ده انا لو مكانك مش هاصور خااااااااالص
طيب بشكل عام
كنتى هتوافقى تتصورى مع اى برنامج ؟؟
سيبك من الموقف وحطى نفسك ف مكاننا :d
ayooosh 11-09-2008, 03:35 AM طلعت قناة اسلامية
و كمان تابعة لموقع اسلام اون لاين
اداريا تحت اشراف يوسف القرضاوى
طيب كويس الحمد الله
انها طلعت اسلاميه
انا كنت حاسه انها كويسه:)
Dr.Nobel 11-09-2008, 03:53 AM هههههههههههههههه
حلوة اوى دي بس انا كنت هصور عادي
اصلي بحب اجامل شوية فمش هكسف الراجل لو قالي
مع انه لو شافني مثلا انا واصحابي هيروح يدو رعلي بنات مش شباب زينا لاننا ممكن نرخم عليه
LA STELLA 11-09-2008, 04:31 AM السلام عليكم ورحمة الله وبركاته ،،
وعليكِ السلاام ورحمة الله وبركاته ،، :)
ازيك يا رحمة؟
ان شاء الله بخير
.....
ندخل لتعليقى وكلامى ع الموضوع
او بمعنى اصح ع الموقف نفسه
المشاركة الأصلية كتبت بواسطة _GUIDE_ http://www.thanwya.com/vb/life/buttons/viewpost.gif (http://www.thanwya.com/vb/showthread.php?p=757359#post757359)
امم
صورته لقناة لسه متفتحتش
لبرنامج متعرفوش اسمه
فى ميعاد لسه متحددتش
:d شىء جميل
كنت عاوزة اقول حاجة زى كدة ،،
المشاركة الأصلية كتبت بواسطة رحمة للعالمين http://www.thanwya.com/vb/life/buttons/viewpost.gif (http://www.thanwya.com/vb/showthread.php?p=757372#post757372)
طلعت قناة اسلامية
و كمان تابعة لموقع اسلام اون لاين
اداريا تحت اشراف يوسف القرضاوى
طيب ، الحمدلله
بس اعتقد انك مش تعرفى حاجة زى كدة وقت التصوير مثلا
يعنى انتى مثلا اتأكدتى وعرفتى دا بعد اما روحتى او من شوية من ع النت ، بعد البحث طبعا
،،،،،
اى نعم انا مع حسن النية دايما فى التعامل مع الناس
بس مش فى حاجة زى دى
عن نفسى واجابةً لسؤالك
انا مكنتش هتصور
اولا : قناة معرفش حاجة عنها نهاااااائى ،، ايه يضمنى انهم فعلا هيفتحوا قناة بجد ؟
وخصوصا اننا بنات
ليه متكونش لعبة او ما شابه ؟
لازم يكون عندى شوية شكوك فى حاجة زى دى
ثانيا : كلام المذيع غريب جدا ، خريج علوم؟ :d
فين بتوع اعلام واداب بقى ؟
:rolleyes:
مش عيب حد يطور نفسه ويشتغل فى غير اللى درسه
بس انتى بتقولى خريج السنة دى
وواضح انه بيحب الاستظراف كمان
طبعا انا حطيت دى ثانيا لان فيه اولا وهو اللى يخلينى اشك
============
طبعا انا وضحت لك انا مكنتش هصور ليه
لان عندى شكوك
بالاضافة الى ان الاسئلة بتاعته مش اجابتى هى اللى هتغير حاجة او تستحق النقاش
لانها من نوعية الاسئلة اللى ليها اجابة معينة
او نظام اسئلة(أو) "دا ولا دا"
============
انا دلوقتى جاوبتك ع سؤالك الاولانى
اللى هو
كنتوا هترضوا تصوروا اصلا؟؟
واجابتى من الاخر كانت ب" لا "
اما السؤال التانى
وكنتوا هتجاوبوا بايه؟؟
فتقريبا شبه متجاوب :d
بس متزعليش
هجاوبهم كأنك انتى المذيع وانا الضيف ياستى
واحدة عانس تتجوز اى حد ؟؟
لا طبعا ، ان شالله ما اتجوزت
دا جواز مش لعبة
وكمان هتتجوز اى حد وترجع تندم انها اتجوزت اصلا
فخليها عانس زى ماهى عايشة لنفسها ولاهلها ولدينها ومجتمعها وشغلها احسن
،، بمناسبة موضوع العنوسة ،،
ففى اصلا ظاهرة ان البنت نفسها هى اللى رافضة الجواز نهائى :)
ومش مستنية حد
وانا شفت امثلة
ومنهم امثلة اتحكت لى
رغم انك لو هتتكلمى عن الجمال الشكلى فهما امرات ومثاليات وفيهم كل حاجة حلوة
سواء شكلا او مضمونا
بس واحدة نجحت اوى فى شغلها
تقول لك : هو انا هتجوز ليه ؟ ما انا مبسوطة ومرتاحة كدة
واحدة تانية : انا مش محتاجة حد يصرف عليا ، انا كدة مرتبى ليا وعايشة حياتى
واحدة تالتة: بلا وجع قلب وشغل بيت ، ما اللى عاوزاه بييجى لى
واحدة رابعة : اتجوز واحد يقول لى متروحيش ومتجيش ومتعمليش؟
دى نموذج بسيط للافكار
غير فيه اللى متعقدة من الجواز اصلا عشان تجربة شافتها او تجربة جربتها او ما شابه
بالمناسبة انا مش معنى كدة انى ضد نجاحها او شغلها
ليه يعنى؟
ما فيه سيدات بجد منجحوش غير بوقفة ازواجهم جمبهم
او كانوا ناجحين قبلهم ونجاحهم ازداد نجاحا
،،
تحبى فرح كبير ولا تتجوزى ؟؟
بالنسبة لى انا فانا مش بحب الافراح ولا اللى بيحصل فيها
واحنا نسينا غرض الفرح ايه اصلا
وهو " الاشهار "
بس اللى بيحصل من المعازيم
انك تلاقيهم بيفحصوا العريس والعروسة
وفلانة لابسة كذا ومتلونة بكذا
والنفس محسوب عليهم بقى
ومصمصة الشفايف اللى فى الافراح
غير انها بتبقى ضجة وملل
واللى متعرفش ترقص بقت خيبة ولخمة
ومصاريف ع الفاضى فى الارض
طب ما اى جهة خيرية اولى
غير انه كله بقى بيقلد بعض
وانا بحب الحاجة السيمبل اصلا
فلو سؤاله اصلا معناه فرح كبير ولا فرح صغير" عشان مش فاهمة ايه تتجوزى دى لوحدها كدة ليه :huh:"
هقول له فرح صغير حتى لو انا بيل جيتس
،،
ترضي تتجوزى واحد يقدر يجيب لشقتك اوضة النوم بس ؟؟
الماديات يعنى
مش لازم الانسان يكون طماع
وكمان هو مش هو اللى هيجيب الشقة بردو:huh:
ومش البنت اهلها بيجهزوها بردو؟ ولا هو العريس بقى عليه كل حاجة ؟
وكمان ياستى هحط اخويا فى الموقف نفسه
واللى هيحط الماديات عائق كدة يبقى غلطان
هتقولى جوازات كتير بتتفركش بسبب الماديات او العنوسة زادت بسبب كدة
لا دا بسبب التشدد فى الطلبات
صحيح، هو لما اتنين يتجوزوا كدة جوازة كاملة من حيث كل حاجة وافخم حاجة
مش هيحسوا بملل؟
هيعيشوا ويسعوا للافضل ليه بقى؟
مش هيبقى فيه تجديد
فى الحياة او الشقة او الديكور وخلافه
العائق احنا اللى حطيناه
ومحدش يقول لى كلام الناس ومش الناس
اعتقد مش الناس اللى هتتكلم دى هى اللى هتتجوز
غير يعنى الناس عمرها ما هيعجبها حاجة
لازم هتلاقى ناس تتكلم مهما حصل
اصلنا شعب غلباوى وبيحب الرغى - زى الرد بتاعى كدة :huh:
بس فيه ناس بقى بترغى فى كلام فاضى
واللى هيعمل حساب للناس وكلامها زيادة عن اللزوم هيتعب جااااااااااااااامد
اعمل حساب للكلام الصح اه ماشى ، لكن الكلام اللى هيوقف سعادتك او راحتك
او فاضى او مالوش لازمة او فى غير رضا الله
فدا مرفوووووووض
الاهم هو رضا الله عننا ،، مش الناس :)
==================================================
ادينى اهو جاوبت
السؤالين :cool:
وناقشتك
بس ربنا يديكم طولة البال والصبر عشان حد يقرا ردى :d
تقبلى مرورى وفائق احترامى
:)
الاسطورة 11-09-2008, 05:04 AM هههههههههههههه
يخرب عقلك يا رحمة
ايه الشجاعة دى
لا والله كويس
هو موقف غريب
بس هو انا لو كنت مكانك
كنت ها احس ان المذيع بيشتغلنى (لان طبعآ مافيش معلومات عن القناة دى خالص)
وكنت ها اديله علقة زى الفل :p
يحمد ربنا بقى انه ما وقعش فى ايدى
براءة 11-09-2008, 05:54 AM طيب كويس الحمد الله
انها طلعت اسلاميه
انا كنت حاسه انها كويسه:)
يعنى بتصور معاكى واحدة بالمنظر ده وهتبقي مش كويسه ؟؟:p
براءة 11-09-2008, 05:56 AM هههههههههههههههه
حلوة اوى دي بس انا كنت هصور عادي
اصلي بحب اجامل شوية فمش هكسف الراجل لو قالي
مع انه لو شافني مثلا انا واصحابي هيروح يدو رعلي بنات مش شباب زينا لاننا ممكن نرخم عليه
ياااااااااه
اول واحد كان هيرضي يصور غيري
مطلعتش انا الشجاعة الوحيدة اهو :p
ترخموا عليهم دول 2 شباب و 2 فى سن والدك معتقدش كنت هترخم :rolleyes:
LA STELLA 11-09-2008, 06:04 AM طبعا يا رحمة مش هقولك غير ربنا ينعم عليطى بطولة البال والصبر عشان تقرى ردى ،، اعانك الله:rolleyes:
غلباوية معلش ^_^
JusT DreaM 11-09-2008, 06:06 AM ههههههههههههههههه
انا مش كنت هرضى اصور
من باب الكسوف مش اكتر
بس انتي مش غلطي لما صورتي
لان واحده محجبة وواحد ملتحي
و2 رجاله في سن باباكي
وكاميرا وميكروفون
اكيد كل دول مش جايين يهزرو معاكي:p:p
بس الموضوع عجبني اوي
تسلم ايديكي ياقمر:rolleyes::rolleyes:
براءة 11-09-2008, 06:11 AM نيجى بقي لسكرتى وحبيبتى هبة :)
بصي يا ستى
هكلمك الاول فى حتة التصوير دى
بصي النادى بتاعنا عمره ما هيدخل ناس زى دى الا اذا كانوا واثقين فيهم اوى
ومتقوليليش النادى مش عارف ؟؟ لان كل البشر كانت واقفة تتفرج + ان فى حاجة اسمها رجال امن فى المكان اللى كنا بنصور فيه كان اقل عدد ليهم 3 تقريبا
الاهم بقي
فى حاجة المفروض والدتى الله يكرمها معودانى عليها
ان وانا ع سلم عمارتنا اقول 3 حاجات
_ بسم الله توكلت ع الله لا حول ولا قوة الا بالله
_اللهم انى اعوذ بك من ان اضل او اُضل او اذِل او اُذل او اظلِم او اظلَم او اجهل او يُجهل علي
_اعوذ بكلمات الله التامات من شر ما خلق .. 3 مرات
انا اتعودت
من وانا صغيرة
ان مخرجش من باب عمارتنا غير وانا مخلصة ده
والدتى ربي يحفظها كانت شديدة علينا فى الجزئية دى
بقولك ده كله ليه ؟؟ عاوزة اوصلك لحاجة واحدة
انا خارجه وعارفه ان باذن الله لن يصيبنى مكروه ؟؟
ولو حصلى اى حاجة فده الخير
وكمان مش خايفة حد يأذينى .. ده انا مستعيذه بالله من اى شر
وكمان انا وكلته على نفسي علشان يحفظهالى
بس يا ستى فنقطة انى اخاف يعملوا فى التصوير دى حاجة موردتش ع بالى اصلا
ومعتقدش ان من اصله فيها أذى باذن الله
....
اما عن اجاباتك فهى قريبة جدا من اجاباتى
بس انا بجد مش مع البنات اللى انتى قلتى عليهم اللى ضد الزواج
لان ده ببساطة غباء !!
دى حياة جديدة وسبحان الله انا من الناس اللى عمالة ترسم لأولادها من دلوقتى هتربيهم ازاى
ودى كمان سنة الخلق .. ليه انا اتمرد عليها ؟
مش عارفة ازاى الناس دى سلبية كده !!
واما عن باقى اجاباتك فلا غبار عليها
مرورك اسعدنى واضاف الكثير الى موضوعى :)
بجد شكرا يا هبة :wub:
براءة 11-09-2008, 06:15 AM هههههههههههههه
يخرب عقلك يا رحمة
ايه الشجاعة دى
لا والله كويس
هو موقف غريب
بس هو انا لو كنت مكانك
كنت ها احس ان المذيع بيشتغلنى (لان طبعآ مافيش معلومات عن القناة دى خالص)
وكنت ها اديله علقة زى الفل :p
يحمد ربنا بقى انه ما وقعش فى ايدى
متحرجنيش :cool::d
كنت هتضربه :o
ده انا رجلى كانت بتخبط ف بعض :d
يا محمود دول فريق وكاميرا وميكروفون وناس بتتفرج وهيبة كده
طول عمرك بتاع خناقات يا ساتر :d
براءة 11-09-2008, 06:17 AM طبعا يا رحمة مش هقولك غير ربنا ينعم عليطى بطولة البال والصبر عشان تقرى ردى ،، اعانك الله:rolleyes:
غلباوية معلش ^_^
هيا قراءة بس
ده التفكير فيه عاوز ساعتين تلاته :d
لالالالا بس بجد ردك كان مميز
غلباوية بس بحبك جدا :wub:
براءة 11-09-2008, 06:21 AM ههههههههههههههههه
انا مش كنت هرضى اصور
من باب الكسوف مش اكتر
بس انتي مش غلطي لما صورتي
لان واحده محجبة وواحد ملتحي
و2 رجاله في سن باباكي
وكاميرا وميكروفون
اكيد كل دول مش جايين يهزرو معاكي:p:p
بس الموضوع عجبني اوي
تسلم ايديكي ياقمر:rolleyes::rolleyes:
طيب والله يا بنتى انا كنت مكسوفة بس كان نفسي اتعلم اثق ف نفسي وابقي جريئة مادام مش حاجة غلط :)
ولا انتى ايه رأيك؟؟
وبعدين قولى لهبة بقي علشان خايفة عليا باين :d
الموضوع عجبك بجد؟؟
طيب والله دى حاجة تسعدنى جدااااااااااااااااااااااااا :)
الله يخليكى ع المرور الجميل ده .. :)
واحـد من النــاس 11-09-2008, 06:22 AM طب التردد بتاعها كام وعلى النايل سات ولا عربسات ولا ايه بالظبط .. ولا بردو ماتعرفيش :d
واحدة تانية :انا مش محتاجة حد يصرف عليا ، انا كدة مرتبى ليا وعايشة حياتى
انتو في الأصل بتتجوزوا عشان الراجل يصرف عليكو .. هدف جميل :d
براءة 11-09-2008, 06:30 AM طب التردد بتاعها كام وعلى النايل سات ولا عربسات ولا ايه بالظبط .. ولا بردو ماتعرفيش :d
انتو في الأصل بتتجوزوا عشان الراجل يصرف عليكو .. هدف جميل :d
لسه منطلقتش اصلا :d
هيبدأ البث يوم 15
ده فى ناس بعد ما خلصت تصوير سالتهم ايه ده قالولى منعرفش
طيب قناة ايه الله اعلم
طيب بروجرام ايه علمى علمك
ده انا كده اعتبر واحدة رزلة انى سألتهم اصلا :d
ده مش هدف اصلا . دانعدام عقل .. ربنا يهدى !!
!!!دمعة حزن!!! 11-09-2008, 06:37 AM انا اول مره اسمع عن قناه اسمها انا
بس بصراحه الموقف يجنن
حلو اوووووووووووووووى الموقف
!!!دمعة حزن!!! 11-09-2008, 06:40 AM انتو في الأصل بتتجوزوا عشان الراجل يصرف عليكو .. هدف جميل :d
هو احنا مستنيين فلوسكم
احنا بنتجوز عشان ده شى من السنه
الاسطورة 11-09-2008, 06:41 AM انا اول مره اسمع عن قناه اسمها انا
بس بصراحه الموقف يجنن
حلو اوووووووووووووووى الموقف
هو لو عاجبك قوى كده ممكن نلفهولك يعنى :d
براءة 11-09-2008, 06:41 AM انا اول مره اسمع عن قناه اسمها انا
بس بصراحه الموقف يجنن
حلو اوووووووووووووووى الموقف
ما هيا لسه جدييييده
يلا ادينى عملتلها دعاية اهو ومن قبل ما تبدأ حتى :d
عجبك الموقف :) طيب ايه بالظبط اللى عجبك فيه يعنى ؟! :d انا شايفة انه محرج جدا :(
براءة 11-09-2008, 06:42 AM هو احنا مستنيين فلوسكم
احنا بنتجوز عشان ده شى من السنه
لالالالالا
ده بيتريأ يا بنوتة :) ده معانا مش ضدنا :d
براءة 11-09-2008, 06:43 AM هو لو عاجبك قوى كده ممكن نلفهولك يعنى :d
بصي يا كوكو هو عاوز يتخانق انا عارفة
اسيبك انتى تتصرفي معاه احسن :d
!!!دمعة حزن!!! 11-09-2008, 06:47 AM هو لو عاجبك قوى كده ممكن نلفهولك يعنى :d
هههههههههههههه
تلفهولى
انا مواقفه:d
بس هتبعتهولى ازاى بالبوسته
ولا بالبوسته:rolleyes:
براءة 11-09-2008, 06:49 AM هههههههههههههه
تلفهولى
انا مواقفه:d
بس هتبعتهولى ازاى بالبوسته
ولا بالبوسته:rolleyes:
انتوا بتقسموا ف موقفى قدامى وعينى عينك كده :mellow:
!!!دمعة حزن!!! 11-09-2008, 06:49 AM ما هيا لسه جدييييده
يلا ادينى عملتلها دعاية اهو ومن قبل ما تبدأ حتى :d
عجبك الموقف :) طيب ايه بالظبط اللى عجبك فيه يعنى ؟! :d انا شايفة انه محرج جدا :(
احلى حاجه فيه
انى هبقى مختلفا عن اصحابى اللى رفضوا يتصورا
الفكره مش انى هطلع فى التليفويون
الفكره الاختلاف عن الغير
اللى اتكسوا ولا اتحرجوا
امال انا قصدى انتى
اختلفتى عنهم
!!!دمعة حزن!!! 11-09-2008, 06:50 AM لالالالالا
ده بيتريأ يا بنوتة :) ده معانا مش ضدنا :d
انا بهزر والله
و وانا اكيد مع بلال حتى لو كان ضدنا:p
براءة 11-09-2008, 06:51 AM احلى حاجه فيه
انى هبقى مختلفا عن اصحابى اللى رفضوا يتصورا
الفكره مش انى هطلع فى التليفويون
الفكره الاختلاف عن الغير
اللى اتكسوا ولا اتحرجوا
امال انا قصدى انتى
اختلفتى عنهم
رفعتى من معنوياتى تخيلى :d
يعنى افهم من ده انك لو كنتى مكانى كنتى هتتصورى عادى مش كده :)
!!!دمعة حزن!!! 11-09-2008, 06:52 AM انتوا بتقسموا ف موقفى قدامى وعينى عينك كده :mellow:
خلاص متزعليش تتقسمى معانا;)
براءة 11-09-2008, 06:52 AM انا بهزر والله
و وانا اكيد مع بلال حتى لو كان ضدنا:p
خير خير :d
!!!دمعة حزن!!! 11-09-2008, 06:53 AM رفعتى من معنوياتى تخيلى :d
يعنى افهم من ده انك لو كنتى مكانى كنتى هتتصورى عادى مش كده :)
اكيييييييييييييييييييييييييييييييييييييييييييييييي ييد يابنتى
اصلى بحب الاختلاف:d
براءة 11-09-2008, 06:53 AM خلاص متزعليش تتقسمى معانا;)
لالالالا
بدل عاجبكوا اتفضلوه
هأثركوا على نفسي :d
LA STELLA 11-09-2008, 06:54 AM لمشاركة الأصلية كتبت بواسطة واحـد من النــاس http://www.thanwya.com/vb/life/buttons/viewpost.gif (http://www.thanwya.com/vb/showthread.php?p=757612#post757612)
انتو في الأصل بتتجوزوا عشان الراجل يصرف عليكو .. هدف جميل :d
لا انا كنت بوصل فكرة البعض -مش الكل -
مش شرط دا يكون هدفها من الجواز
بس دى حجتها او كلامها فى رفض الجواز نفسه :)
لان فيه اللى ييجى يقنع واحدة بالجواز يقول هتتسترى وتلاقى راجل يصرف عليكى بدال البهدلة واسلوب الكلام دا
عارفه ؟
===================
انا قلت اللى اتحكى لى
===================
بس بردو يا رحمة لو مين جالى وعارفة دا مين انا مش هصور
غير ان الاسئلة كمان من نوعية بياخدوا اراء الشارع المصرى
اقصد نادى 6 اكتوبر :p
فبيحسسونى ان رأيى مش هيلزمهم او مش هيغير حاجة ،، فهقول على ايه
بصى لو محمود سعد ،، ممكن ماشى اصور :d
براءة 11-09-2008, 06:55 AM اكيييييييييييييييييييييييييييييييييييييييييييييييي ييد يابنتى
اصلى بحب الاختلاف:d
طيب والله برافو عليكى بجد :d
البنية فاهمانى اهى :cool:
براءة 11-09-2008, 06:58 AM لا انا كنت بوصل فكرة البعض -مش الكل -
مش شرط دا يكون هدفها من الجواز
بس دى حجتها او كلامها فى رفض الجواز نفسه :)
لان فيه اللى ييجى يقنع واحدة بالجواز يقول هتتسترى وتلاقى راجل يصرف عليكى بدال البهدلة واسلوب الكلام دا
عارفه ؟
===================
انا قلت اللى اتحكى لى
===================
بس بردو يا رحمة لو مين جالى وعارفة دا مين انا مش هصور
غير ان الاسئلة كمان من نوعية بياخدوا اراء الشارع المصرى
اقصد نادى 6 اكتوبر :p
فبيحسسونى ان رأيى مش هيلزمهم او مش هيغير حاجة ،، فهقول على ايه
بصى لو محمود سعد ،، ممكن ماشى اصور :d
ايوه يا هبة انا فاهمة بردو ان ده مش كلامك ده انتى بتنقدى الناس دى :)
مش فاهمة الحتة بتاعت راى الشعب المصري ونادى 6 اكتوبر دى بصراحة :rolleyes:
محمود سعد :huh: يا شيخة طيب استنضفى :d
بس انا ممكن اكلمهولك يا هبة ينزلك مخصوص لو تحبى يعنى
انا عندى كااااااام هبة ;)
LA STELLA 11-09-2008, 07:04 AM ايوه يا هبة انا فاهمة بردو ان ده مش كلامك ده انتى بتنقدى الناس دى :)
كنت بوضح دى لواحد من الناس ع فكرة :d
مش فاهمة الحتة بتاعت راى الشعب المصري ونادى 6 اكتوبر دى بصراحة :rolleyes:
محمود سعد :huh: يا شيخة طيب استنضفى :d
بس انا ممكن اكلمهولك يا هبة ينزلك مخصوص لو تحبى يعنى
انا عندى كااااااام هبة ;)
اقصد بحتة رأى الشعب انه مش لقاء شخصى درجة اولى يعنى
عارفة لما يكونوا فى برنامج بيتكلموا عن حاجة
ويقولك طب لما ننزل نشوف اراء الشارع المصرى :d
اقصد انها حاجة زى كدة
لكن لو لقاء شخصى ^_^ اه اوافق
لا اصل محمود نكاش ، مش بيعدى حاجة
بيتناقش مش بيرمى سؤال ويمشى
بيعرف يطلع اللى جواكى
وانا مينفعش معايا غير كدة ، عشان لما اتكسف بردو او احس بالاحراج ،، نوع من التشجيع
وكمان يعنى لما هيستضيفنى ،، هيبقى فى برنامج معروف ومحترم كدة :d وهيستضيفنى لشخصى
،،،،
ربنا يخليكى يا رحومتى
طبعا معندكيش غيرى :D
ENG:3assoma 11-09-2008, 07:05 AM عادي والله التصوير وتنوير التليفزيون حاجه عاديه وبتبقى طالما اول مره مفرحه انا جربتها قبل كده
اولا كنتي تقولي له نفيش حاجه اسمها عانس لأن اي حد ولد او بنت معرض لأن نصيبه يتاخر
السؤال التاني انا كولد افضل الفرح الكبير
أما السؤال التالت فالرسول (ص) يقول "من استطاع منكم البائة فليتزوج" فطالما الشخصين راضيين خلاص على بركة الله
ويا رب تنوري التليفزيون
براءة 11-09-2008, 07:06 AM اقصد بحتة رأى الشعب انه مش لقاء شخصى درجة اولى يعنى
عارفة لما يكونوا فى برنامج بيتكلموا عن حاجة
ويقولك طب لما ننزل نشوف اراء الشارع المصرى :d
اقصد انها حاجة زى كدة
لكن لو لقاء شخصى ^_^ اه اوافق
لا اصل محمود نكاش ، مش بيعدى حاجة
بيتناقش مش بيرمى سؤال ويمشى
بيعرف يطلع اللى جواكى
وانا مينفعش معايا غير كدة ، عشان لما اتكسف بردو او احس بالاحراج ،، نوع من التشجيع
وكمان يعنى لما هيستضيفنى ،، هيبقى فى برنامج معروف ومحترم كدة :d وهيستضيفنى لشخصى
،،،،
ربنا يخليكى يا رحومتى
طبعا معندكيش غيرى :D
فهمت
وحاسة انك بتهزأينى تخيلى :d
براءة 11-09-2008, 07:08 AM عادي والله التصوير وتنوير التليفزيون حاجه عاديه وبتبقى طالما اول مره مفرحه انا جربتها قبل كده
اولا كنتي تقولي له نفيش حاجه اسمها عانس لأن اي حد ولد او بنت معرض لأن نصيبه يتاخر
السؤال التاني انا كولد افضل الفرح الكبير
أما السؤال التالت فالرسول (ص) يقول "من استطاع منكم البائة فليتزوج" فطالما الشخصين راضيين خلاص على بركة الله
ويا رب تنوري التليفزيون
تانى حد يرد ع الاسئلة :)
وانا جربتها قبل كده فى كى جى وان كان برنامج اطفال وكنا عكاكين من هنا للصبح :d
شكرا ليك ع اجاباتك وفعلا عندك حق ،،
LA STELLA 11-09-2008, 07:10 AM فهمت
وحاسة انك بتهزأينى تخيلى :d
لا ابدا والله
انا اقدر بردو؟ :rolleyes:
بصى فيه ناس اصلا بتفضل نوعية اللقاءات دى ومتحبش اللقاءات اللى لشخصك نفسه
فيه العكس
يعن بترتاح لايه
ليه بقى انا فضلت الشخصية ،، لان الشخصية فيه اللى هيناقشنى ، او هياخد برأيى ،، هيعلق عليه ،، يمكن يأثر فى حد ، لكن نظام رأى الشارع المصرى ، بحس ان كلامى مالوش لازمة نسبيا ، فهريح دماغى احسن
وعلى ايه
فاهمانى؟
دا بالنسبة لى
فيه حد تانى يقولك لاء كدة احسن ،، دى اختلاف اراء
انا ع العكس بحب اتفرج ع موضوع رأى الشارع المصرى دا :d
بس محبش انى اكون فيه :rolleyes:
-------------
واختلاف الرأى لا يفسد للود قضية :)
LA STELLA 11-09-2008, 07:13 AM بالمناسبة حكاية انى اطلع فى التليفزيون وحكاية تجريبها دى
فانا كنت هتعرض لتجريبها كتير :D:D
بس خلعت بصراحة
وكان فيه مرة منهم عاوزين ناس من مدرستنا هنطلع فى برامج مسابقات من اللى بتتعرض الصبح دى
كان برنامج مشهور ايامها - كنت فى اعدادى ع فكرة- ونظام اجرى ومين هيعمل كذا الاول :D
وكانوا هيطلعونى
بس قلت لاء ،،
عشان لو خسرنا هيبقى منظرنا وحش اوى :D
ابقى شوفى رسايل الزوار بعد ردى بقى عشان هقولك ع الحاجة الاخيرة :lol:
براءة 11-09-2008, 07:16 AM انا بصراحة يا هبة مش ببص للموضوع زيك كده
انا شايفاه بشكل ابسط
يعنى بالنسبة لى دى حركة تكسبنى ثقة بالنفس
تعلمنى ابقى جريئة
ابقى ايجابية وحتى لو مش هأثر
يعنى ببنى شخصيتى تقدرى تقولى
وبعدين ليه مبقاش ضمن الشارع المصري؟
مع انك وانتى بتتفرجى عليهم متقدريش تنكرى ان غالبا ما فى رد بيعلق اوى معاكى :)
مفيش اختلاف ولا حاجة يا قمر انا بحترم كلامك جدا :)
Nemo_92 11-09-2008, 07:23 AM كويس انها مطلعتش اشتغالات
بس انا مكنتش حاصور لأنى مبحبش اشغل نفسى بموضوع وبعدين احنا فين و15 اكتوبر فين
الموضوع محير
بس والله كان نفسى اشوفك فى التليفزيون بس القناة اسمها غريب خالص
براءة 11-09-2008, 07:24 AM بالمناسبة حكاية انى اطلع فى التليفزيون وحكاية تجريبها دى
فانا كنت هتعرض لتجريبها كتير :D:D
بس خلعت بصراحة
وكان فيه مرة منهم عاوزين ناس من مدرستنا هنطلع فى برامج مسابقات من اللى بتتعرض الصبح دى
كان برنامج مشهور ايامها - كنت فى اعدادى ع فكرة- ونظام اجرى ومين هيعمل كذا الاول :D
وكانوا هيطلعونى
بس قلت لاء ،،
عشان لو خسرنا هيبقى منظرنا وحش اوى :D
ابقى شوفى رسايل الزوار بعد ردى بقى عشان هقولك ع الحاجة الاخيرة :lol:
طيب اقولك انا نكته :mellow:
كنت هتاخد مذيعة فى الجزيرة للاطفال :d
والله العظيم ما بهزر
كنت ساعتها فى اولى ثانوى و فى مدرسة القاهرة اليوم فى قطر
وجم عملولنا كذا تيست علشان يختاروا مننا بنات
وكل شوية فضلوا يصفوا فينا لحد ما اتبقي 3 بنات انا كنت منهم
بس رجعت مصر للاسف
الله يجازيهم بكل خير اهلى بقي :d
بس بحمد ربنا انى متاخدتش بجد
لانها قناة فعلا اكتشفت بعد كده انها بتعرض حاجات ... مش تمام
براءة 11-09-2008, 07:26 AM كويس انها مطلعتش اشتغالات
بس انا مكنتش حاصور لأنى مبحبش اشغل نفسى بموضوع وبعدين احنا فين و15 اكتوبر فين
الموضوع محير
بس والله كان نفسى اشوفك فى التليفزيون بس القناة اسمها غريب خالص
لالالالا ما محدش هيعرفنى فيكوا :d
فى بنات قدى كتير اتصوروا :p
عامتن لما تشوفى القناة دى ابقي افتكرينى ماشي ؟ :)
Sherif Elkhodary 11-09-2008, 07:28 AM ههههههههههه
حلو اوي الموقف ده
انا بارده حصلي نفس الموقف
بس لقيت قدامي كده خبط لذق الكاميرا و مذيعة و جايبنلي اورج اعزف عليه
و المذيعة بقا قالتلي انت مصاحب هنا في النادي
قولتهلها لا
قالتلي طيب تحب تعزف لنا حاجة
قولتلها لا
قالتلي انت بتعزف علي الالة دي
قولتهلها لا
قامت موقفة التصوير و قالتلي متجي تضربني احسن
قولتلها انا اسف بس انتي بترمي الكلام مرة واحدة
قالتلي وانت عاوزني اتكلم ازاي
المهم عدنا تاني
و انا بحب اعزف بايد واحدة بس
المزيعة الله يسامحها كل شوية تقولي لازم بالايدتين
اقوله يا طنط مش التي اللي بعزف عليها تقولي معلش
و الموضوع عدا خلاص
و اتفاجأت باصحابي و يقولولي ان هما شافوني
المهم بقا
انتي طبعا اتصرفتي صح
انا عندي القناة دي تقريبا لسه منزلها
هي فعلا مفتحتش
بس ردك كان طبيعي و حلو
اهم حاجة بقا
قام ضحك مع انه كان متغاظ منى وقالى لأ وقت كذا كذا
امتي الميعاد علشان اتفرج بقا
ههههههههههههههههه
شكرا علي موضوعك
و بجد انا لو كنت كانك كنت هقوم طبعا
حتي لو حتفرج
اصلي بحب الحاجات دي اوي
شكراااااااااااا
اخوكي في الله شريف الخضري
LA STELLA 11-09-2008, 07:32 AM انا بصراحة يا هبة مش ببص للموضوع زيك كده
انا شايفاه بشكل ابسط
يعنى بالنسبة لى دى حركة تكسبنى ثقة بالنفس
تعلمنى ابقى جريئة
ابقى ايجابية وحتى لو مش هأثر
يعنى ببنى شخصيتى تقدرى تقولى
وبعدين ليه مبقاش ضمن الشارع المصري؟
مع انك وانتى بتتفرجى عليهم متقدريش تنكرى ان غالبا ما فى رد بيعلق اوى معاكى :)
مفيش اختلاف ولا حاجة يا قمر انا بحترم كلامك جدا :)
انا مش قلت انها حاجة وحشة
او غلط ،، ابدا ابدا
اه غالبا فى رد بيعلق اوى معايا ،، بس هل بيعلق بالايجاب ولا السلب؟
احنا اصلا الشارع المصرى ،، بس مييييييييين اللى هياخد بكلامى ؟
فيه اللى هيقولك ايه كلام الاوهام دا ، وهو حد بيعمل كدة دلوقت ، واللى يقول البت دى شايفة نفسها :lol:
اصل اخويا بيتريأ عليهم ،، فطالما اخويا بيتريأ يبقى انا واثقة انها هتترد فيا :mellow:
اى نعم انا محتاجة اكون جريئة وعاوزة اتعلم دا
بس عاوزة اكون فعالة اكتر
ومش عاوزة حد يحسسنى انى مهمشة باى شكل
الوضع مختلف
يمكن وضعنا مش زى بعض فى حاجات ، او كل واحدة عاوزة تعالج حاجات معينة فيها
فبالتالى نظرة كل واحدة لكل موقف هتختلف
يعنى اكيد مواقف تانية انا هوافق وارحب اوى بينما انتى مثلا ترفضيها اوى لنفسك
فاهمانى؟
وكمان يعنى ردى ع الاسئلة بتاعتك معتقدش انى كنت هرد ساعتها كدة
لان لو لاحظتى انا رغيب وتطرقت لنقاط تانية
واكيد برنامج زى دا او لما حد بياخد رأى الشارع بيبقى مش عاوز رغى كتير
يعنى ساعتها مكنتش هقول بعض من اللى عاوزة اقوله بصورته الصح :huh:
يمكن انا بردو قصرت معاكى شوية عشان الرد طويل بطبيعته :lol:
" الرد بقى ردود " بس ع حاجات تانية اهو :rolleyes:
Dr|shereen 11-09-2008, 07:38 AM انا عن نفسى يارحمه كنت هخاف واكسف واحد بيقول لى تعالوا تتصوروا عشان هتطلعوا فى التليفزيون وكمان اشمعنا يعنى اختارك انتى وصحابك دونا عن البنات اللى فى النادى كلهم
براءة 11-09-2008, 07:40 AM ههههههههههه
حلو اوي الموقف ده
انا بارده حصلي نفس الموقف
بس لقيت قدامي كده خبط لذق الكاميرا و مذيعة و جايبنلي اورج اعزف عليه
و المذيعة بقا قالتلي انت مصاحب هنا في النادي
قولتهلها لا
قالتلي طيب تحب تعزف لنا حاجة
قولتلها لا
قالتلي انت بتعزف علي الالة دي
قولتهلها لا
قامت موقفة التصوير و قالتلي متجي تضربني احسن
قولتلها انا اسف بس انتي بترمي الكلام مرة واحدة
قالتلي وانت عاوزني اتكلم ازاي
المهم عدنا تاني
و انا بحب اعزف بايد واحدة بس
المزيعة الله يسامحها كل شوية تقولي لازم بالايدتين
اقوله يا طنط مش التي اللي بعزف عليها تقولي معلش
و الموضوع عدا خلاص
و اتفاجأت باصحابي و يقولولي ان هما شافوني
المهم بقا
انتي طبعا اتصرفتي صح
انا عندي القناة دي تقريبا لسه منزلها
هي فعلا مفتحتش
بس ردك كان طبيعي و حلو
اهم حاجة بقا
امتي الميعاد علشان اتفرج بقا
ههههههههههههههههه
شكرا علي موضوعك
و بجد انا لو كنت كانك كنت هقوم طبعا
حتي لو حتفرج
اصلي بحب الحاجات دي اوي
شكراااااااااااا
اخوكي في الله شريف الخضري
سؤال لا بد من طرحه
هل انت ليك علاقة بمجال العزف اصلا ولا ملكش ف الحوار وكنت بتجرب :d
اصل الكلام فيه آلتى ومش آلتى وكده
انا لو اتحطيت فى موقفك
كنت هشغل ال demo :d
اهو واحد كمان أيدنى الحمد لله
خير خير
والقناة ليها وجود الحمد لله :d
طيب بص هو الراجل قالى بالظبط بالظبط
بعد ما القناة تفتح بيوم او اتنين او تلاته :confused:
بس متقلقوش مش هتعرفونى ان شاء الله ده بفرض ان حد شاف يعنى البرنامج :d
شكرا ليك شريف ع مرورك :)
LA STELLA 11-09-2008, 07:43 AM بس متقلقوش مش هتعرفونى ان شاء الله
لا ان شاء الله انا هعرفك حتى لو كلامك اختلف ،، عيب عليكى يابنتى ^_^
براءة 11-09-2008, 07:45 AM انا مش قلت انها حاجة وحشة
او غلط ،، ابدا ابدا
اه غالبا فى رد بيعلق اوى معايا ،، بس هل بيعلق بالايجاب ولا السلب؟
احنا اصلا الشارع المصرى ،، بس مييييييييين اللى هياخد بكلامى ؟
فيه اللى هيقولك ايه كلام الاوهام دا ، وهو حد بيعمل كدة دلوقت ، واللى يقول البت دى شايفة نفسها :lol:
اصل اخويا بيتريأ عليهم ،، فطالما اخويا بيتريأ يبقى انا واثقة انها هتترد فيا :mellow:
اى نعم انا محتاجة اكون جريئة وعاوزة اتعلم دا
بس عاوزة اكون فعالة اكتر
ومش عاوزة حد يحسسنى انى مهمشة باى شكل
الوضع مختلف
يمكن وضعنا مش زى بعض فى حاجات ، او كل واحدة عاوزة تعالج حاجات معينة فيها
فبالتالى نظرة كل واحدة لكل موقف هتختلف
يعنى اكيد مواقف تانية انا هوافق وارحب اوى بينما انتى مثلا ترفضيها اوى لنفسك
فاهمانى؟
وكمان يعنى ردى ع الاسئلة بتاعتك معتقدش انى كنت هرد ساعتها كدة
لان لو لاحظتى انا رغيب وتطرقت لنقاط تانية
واكيد برنامج زى دا او لما حد بياخد رأى الشارع بيبقى مش عاوز رغى كتير
يعنى ساعتها مكنتش هقول بعض من اللى عاوزة اقوله بصورته الصح :huh:
يمكن انا بردو قصرت معاكى شوية عشان الرد طويل بطبيعته :lol:
" الرد بقى ردود " بس ع حاجات تانية اهو :rolleyes:
:d
ده انا بدأت احس ان دماغى اتشقلبت بجد :d
يا بنتى ارحمى نفسك وريحى دماغك من التفكير الغويط ده :d
الموضوع بسيط والله :(
بس اقولك حاجة عندك حق فى حتة ان الواحد مش هيعرف يقول اللى ف هو عاوزة
انا لما اديت ضهرى للكاميرا قبل ما نصور تانى بيسألونى فى ايه ؟؟ قلتلهم مش عارفة اقول اللى بفكر فيه :mellow:
براءة 11-09-2008, 07:49 AM لا ان شاء الله انا هعرفك حتى لو كلامك اختلف ،، عيب عليكى يابنتى ^_^
ايوه يا عم ما انت عارف شكلى
طيب متبقيش تقولى لحد انا مين :d
LA STELLA 11-09-2008, 07:49 AM بس اقولك حاجة عندك حق فى حتة ان الواحد مش هيعرف يقول اللى ف هو عاوزة
انا لما اديت ضهرى للكاميرا قبل ما نصور تانى بيسألونى فى ايه ؟؟ قلتلهم مش عارفة اقول اللى بفكر فيه :mellow:
انا مش بتكلم ع حتة الكسوف والارتباك بس
انا بتكلم ع حتة الوقت
الوقت اللى مسموح لى بيه فى فقرتهم هيكفى اللى عاوزة اقوله ياترى ؟
هيكفينى اوصل وجهة نظرى صح ؟
انا بتكلم بالنسبة لى ع فكرة ،، دماغك هتتشقلب لو نسيتى كدة :d
براءة 11-09-2008, 07:53 AM انا مش بتكلم ع حتة الكسوف والارتباك بس
انا بتكلم ع حتة الوقت
الوقت اللى مسموح لى بيه فى فقرتهم هيكفى اللى عاوزة اقوله ياترى ؟
هيكفينى اوصل وجهة نظرى صح ؟
انا بتكلم بالنسبة لى ع فكرة ،، دماغك هتتشقلب لو نسيتى كدة :d
ما انا مكنتش عارفة اقول اللى بفكر فيه لانى عاوزة الخص ميت فكرة فى دماغى الى جملة واحدة
مشكلة والله :d
بصي انا منمتش من امبارح ودماغى باظت من مدة خلاص
انا هبدأ اهيس والمشكلة مش هعرف انام علشان خارجة بعد ساعتين :(
LA STELLA 11-09-2008, 07:53 AM يا بنتى ارحمى نفسك وريحى دماغك من التفكير الغويط ده :d
الموضوع بسيط والله :(
يابنتى انتى منزلة الموضوع للمناقشة اصلا ^_^
يعنى لازم نفكر ونناقش كل حاجة من جميع النواحى ونتطرق لمناقشة اخرى
دا حتى المواضيع مش بتنشط من غير نقاش وطعمها مبيحلوش غير كدة ^_^
الموضوع بسيط ماشى الكلام دا لو هتحكيهولى ع الفون ولا حاجة :d
ولا اتنين اصحاب هيدردشوا وبيحكوا اخبارهم والسلام
ومتنسيش انك انتى فى الركن العام
يعنى النقاااااااااااااااااااش
بصى فوق كدة هتلاقى الكلمة دى
الركن العام حوارات ومناقشات عامة
:)
Hamset_Etab 11-09-2008, 07:54 AM امال النادى بتعنا مش بيجى فيه مذعين ليه بقا؟؟؟
بجد موقف يجنن
بس انا بتكسف موت وعمرى مكنت هرضى( طبعا ده هبل منى) :d
المهم كل ردودك حلوه بجد والله
براءة 11-09-2008, 07:55 AM انا عن نفسى يارحمه كنت هخاف واكسف واحد بيقول لى تعالوا تتصوروا عشان هتطلعوا فى التليفزيون وكمان اشمعنا يعنى اختارك انتى وصحابك دونا عن البنات اللى فى النادى كلهم
لالالالالا
كتير صوروا غيرنا
وبعدين انا مرحتش علشان التليفزيون موصلتش انا لمرحلة الهيافة دى :confused:
انا رحت بس علشان يعنى تجربة جديدة وبس :)
براءة 11-09-2008, 07:57 AM يابنتى انتى منزلة الموضوع للمناقشة اصلا ^_^
يعنى لازم نفكر ونناقش كل حاجة من جميع النواحى ونتطرق لمناقشة اخرى
دا حتى المواضيع مش بتنشط من غير نقاش وطعمها مبيحلوش غير كدة ^_^
الموضوع بسيط ماشى الكلام دا لو هتحكيهولى ع الفون ولا حاجة :d
ولا اتنين اصحاب هيدردشوا وبيحكوا اخبارهم والسلام
ومتنسيش انك انتى فى الركن العام
يعنى النقاااااااااااااااااااش
بصى فوق كدة هتلاقى الكلمة دى
:)
انا قلت غويط :d
غويط يعنى متعمق يعنى جننتينى يا هبة :d
ناقشينى يا حبيبتى ناقشينى انا لها :d
Sherif Elkhodary 11-09-2008, 07:57 AM سؤال لا بد من طرحه
هل انت ليك علاقة بمجال العزف اصلا ولا ملكش ف الحوار وكنت بتجرب :d
ايوه للاسف بعزف بس هبطله ان شاء الله قريب خااااااااااالص
اصل الكلام فيه آلتى ومش آلتى وكده
انا لو اتحطيت فى موقفك
كنت هشغل ال demo :d
الديمو
ههههههههههههه:d:d
اهو واحد كمان أيدنى الحمد لله
خير خير
والقناة ليها وجود الحمد لله :d
طيب بص هو الراجل قالى بالظبط بالظبط
بعد ما القناة تفتح بيوم او اتنين او تلاته :confused:
بس متقلقوش مش هتعرفونى ان شاء الله ده بفرض ان حد شاف يعنى البرنامج :d
مش هنعرفك ليه
انا هلاقي واحدة بتبص علي الكاميرا وعمالة تضحك هعرف علي طول :d:d
شكرا ليك شريف ع مرورك :)
العفو و شكرا علي موضوعك
Dr|shereen 11-09-2008, 07:58 AM بس ياريت بجد يكون الموضوع صح وتنوري الشاشه وبعدين اشمعنا 15اكتوبر يعنى مش يمكن عيد ميلاد المخرج
براءة 11-09-2008, 08:00 AM امال النادى بتعنا مش بيجى فيه مذعين ليه بقا؟؟؟
بجد موقف يجنن
بس انا بتكسف موت وعمرى مكنت هرضى( طبعا ده هبل منى) :d
المهم كل ردودك حلوه بجد والله
قوليلى اسم النادى وانا ابعتهملك :d
والله يا بنتى هتستفيدى بجد لما تجربي :)
الموضوع مش صعب خاااااااااالص
اينعم كان وشي احمــــــــــر وبترعش :d
بس اهو عدى وفات وبقي تجربة جميلة :)
و بجد انتى اللى ذوق اوى :)
LA STELLA 11-09-2008, 08:01 AM انا قلت غويط :d
غويط يعنى متعمق يعنى جننتينى يا هبة :d
ناقشينى يا حبيبتى ناقشينى انا لها :d
ههههههههههههههه
معلش يا حبيبتى ،، بعد الشر عليكى من الجنان :d
شوية وهتضربينى انا عارفة ،
لا خلاص،، كفاية عليكى كدة ،، :rolleyes:
احسن يحصل لك حاجة بعد الشر ويقولوا انا السبب
-----
ابقى قولى لى بس قبل ما يذيعوا بس عشان اعمل حسابى واشوفك اتكلمتى ازاى :p
براءة 11-09-2008, 08:04 AM العفو و شكرا علي موضوعك
اها ماشي كده صح :d اصل اكيد مش هيجيبوا اورج لاى حد فى الشارع يعنى :d
لالالالالالا انا مكنتش بضحك
ده انا كنت محرجه جدا وتأتأت كتير كمان :p خاصة بعد الاعادة :(
عفوا شريف ونورت الموضوع بجد ،،
براءة 11-09-2008, 08:06 AM بس ياريت بجد يكون الموضوع صح وتنوري الشاشه وبعدين اشمعنا 15اكتوبر يعنى مش يمكن عيد ميلاد المخرج
:d
هو الموضوع صح ان شاء الله
ومعرفش ايه قصة 15 اكتوبر دى بس اكيد علشان هيبقي عندى ساعتها 17 سنة وشهر الا 9 ايام :d
Dr|shereen 11-09-2008, 08:08 AM ياه ده انتى حاسباها بالظبط كل سنه وانتى طيبه مقدمااااااااااا
براءة 11-09-2008, 08:08 AM ههههههههههههههه
معلش يا حبيبتى ،، بعد الشر عليكى من الجنان :d
شوية وهتضربينى انا عارفة ،
لا خلاص،، كفاية عليكى كدة ،، :rolleyes:
احسن يحصل لك حاجة بعد الشر ويقولوا انا السبب
-----
ابقى قولى لى بس قبل ما يذيعوا بس عشان اعمل حسابى واشوفك اتكلمتى ازاى :p
اضربك ايه بس لا طبعا :(
ناقشينى يا بنتى عااااتى ما انا قاعدة اهو وفاضيالك خالص :d
طيب تصدقى بايه
انا حاسة انكوا انتوا اللى هتيجوا تقولولى ع المعاد اللى جه فيه :d
براءة 11-09-2008, 08:09 AM ياه ده انتى حاسباها بالظبط كل سنه وانتى طيبه مقدمااااااااااا
وانتى طيبة :)
اوعوا تنسونى بقي :(
انا أول اربع فى الدراسة خليكوا فاكرينى علشان تفرحونى بكل سنة وانتى طيبة يا ريري :(
_GUIDE_ 11-09-2008, 10:06 AM ماشاء الله ايه ده كله
موضوع لسه معمول من 12 ساعة
84 رد فى 4 صفح ده غير رد اتحذف
وردى كمان يعنى 86
اوعدنا يارب :cool:
انا بحسد بس
فجر الإسلام 11-09-2008, 10:06 AM أنا بصراحة لو مكانك مش هصور لأني مش عارفة حاجة عن القناه دي
وبعدين الأسئلة تافهه شكله كده بيتظارف
http://i33.servimg.com/u/f33/12/73/22/44/e97d2614.gif (http://www.servimg.com/image_preview.php?i=165&u=12732244)
عاشقـــ الانمى ـــة 11-09-2008, 10:08 AM يا بنتى ما انتى منورة التليفزيزون دايما يا عم;)
ال حدفك على البتاع دا
دا مش مستواكى:d:d
الا صحيح يا رحمة
هو انتى واخدة مركز فى لعبة ايه؟؟؟؟؟؟؟؟؟؟؟؟
براءة 11-09-2008, 10:10 AM ماشاء الله ايه ده كله
موضوع لسه معمول من 12 ساعة
84 رد فى 4 صفح ده غير رد اتحذف
وردى كمان يعنى 86
اوعدنا يارب :cool:
انا بحسد بس
:d
yabny e7na msh ay ay wla zay zay :cool:
:pne7na me5tlfeeeen
tyb msh t7sed 7aga 3edla ^_^
براءة 11-09-2008, 10:12 AM أنا بصراحة لو مكانك مش هصور لأني مش عارفة حاجة عن القناه دي
وبعدين الأسئلة تافهه شكله كده بيتظارف
http://i33.servimg.com/u/f33/12/73/22/44/e97d2614.gif (http://www.servimg.com/image_preview.php?i=165&u=12732244)
وجهة نظر
:)
انا وضحت بردو ان حتة التليفزيون دى مكانتش هامانى اوى انا كان الموضوع بالنسبة لى مختلف ^_^
شكرا ليكى ع المرور :d
eng.midosaid 11-09-2008, 10:16 AM كويس والله مبروووووووووووووك
بس موش كنتي تذكرينا معاكي
براءة 11-09-2008, 10:16 AM يا بنتى ما انتى منورة التليفزيزون دايما يا عم;)
ال حدفك على البتاع دا
دا مش مستواكى:d:d
الا صحيح يا رحمة
هو انتى واخدة مركز فى لعبة ايه؟؟؟؟؟؟؟؟؟؟؟؟
ana :o
enty shofteny 2abl kda :mellow:
amora ana msh kda :cool::d
انتى لسه فاكرة :d
كنت واخدة برونزية جمهورية كونغفو ودهبية جيزة كاراتيه وكونغفو :)
براءة 11-09-2008, 10:18 AM كويس والله مبروووووووووووووك
بس موش كنتي تذكرينا معاكي
الله يبارك فيك بس ع ايه :d
ومش فاهمة ايه تذكرينا دى :confused: حد يترجم :rolleyes:
***star*** 11-09-2008, 10:19 AM بسم الله ماشاء الله...كل الردود دي علشان تليفزيون...احم احم....امال لو كان دي في دي كنتي عملتي ايه
ماشي ربنا يباركلك يارحمه... بس تبقو اضحكو عليا وقولولي انهم لسه موصلوش ال 100 رد علشان مااتعبش انا واطب ساكت:(:(
براءة 11-09-2008, 10:21 AM يا جماعة حد يحذف الموضوع ده :d
** MR.SmilE ** 11-09-2008, 10:24 AM موضوع غريب فعلا
بس لو كنت مكانك كنت هافتكرها اشتغالة
لان الاسئلة غريبة و واضح ان القناة لسة مشتغلتش
يعني الموضوع كله علي بعضه ميدخلش الدماغ
ع العموم منورة الشاشة الصغيرة علي طول!!!!
eng.midosaid 11-09-2008, 10:25 AM الله يبارك فيك بس ع ايه :d
ومش فاهمة ايه تذكرينا دى :confused: حد يترجم :rolleyes:
يعني تقوليلهم في عضو في منتدي الثانوية
اسمه ميدو يا ريت تروحو تسجلو معاه
واعلانين تلاته عن منتدانا ويا ريت شوية
افلام وثائقية عن تاريخ المنتدي ونبذه مختصره
عن باقي الاعضاء
ايه رايك فكرة تمام
الشفق الباكي 11-09-2008, 10:38 AM بجد عاجبنى اوى ردودك على المذيع جامده جامده
لو انا بصور معاكى كنت سبتك ومشيت
براءة 11-09-2008, 12:24 PM موضوع غريب فعلا
بس لو كنت مكانك كنت هافتكرها اشتغالة
لان الاسئلة غريبة و واضح ان القناة لسة مشتغلتش
يعني الموضوع كله علي بعضه ميدخلش الدماغ
ع العموم منورة الشاشة الصغيرة علي طول!!!!
هتشككونى ف الحوار ده لييييييه :(
يلا اهى تجربة وعدت وخلصت
وطلعوا قناة بجد مش هزار
واسلامية كمان :d
بس ع فكرة لو كنت مكانى مكنتش هتعرف تفكر زى دلوقتى كده لما بتبقى ف الموقف نفسه مخك بيتوقف تماماااا :huh:
براءة 11-09-2008, 12:26 PM يعني تقوليلهم في عضو في منتدي الثانوية
اسمه ميدو يا ريت تروحو تسجلو معاه
واعلانين تلاته عن منتدانا ويا ريت شوية
افلام وثائقية عن تاريخ المنتدي ونبذه مختصره
عن باقي الاعضاء
ايه رايك فكرة تمام
قال يعنى من كتر حبي في المنتدى :d
كويس انى خليتنى ساكته احسن :rolleyes:
براءة 11-09-2008, 12:27 PM بجد عاجبنى اوى ردودك على المذيع جامده جامده
لو انا بصور معاكى كنت سبتك ومشيت
هههههههههههه
ماشي يا ستى
لأ جدعنة اصلى يعنى :d
احمد رضا 04-07-2009, 08:55 PM تم الحذف بناءاً علي طلب العضو
|