ايه اللى حصل لنا ؟؟؟ [الأرشيف] - بوابة الثانوية العامة المصرية

فيفا

11-09-2008, 12:14 PM

http://img84.imageshack.us/img84/5465/18821610uf0.png
اولا صباح الخير عليكوا كلكوا
هحكى لكم قصه بسرعة كده وعايزة تعليقاتكم
صحيت فى يوم من النوم وكان عندى تقريبا 10 سنين
على صوت جارتنا اللى تحت قمت جريت بسرعة وكانت الساعة 9 صباحا
وكان بتصوت بصوت عالى اوى
والبيت كله نزل يشوفها مالها................
وكان اليوم ده ميعاد ولادتها المهم خدوها على المستشفى
وولدت الحمد لله بالسلامة والست دى كانت بتحب البنات اوى
وفعلا ربنا رزقها ببنوته زى القمر
ربنا العادل الكريم رزقها (بهناء) بنوته زى القمر شعرها اصفر وعينيها ملونة
وكل اللى كان يشوفها كان يتجنن عليها
ومامتها بقى كانت بتخاف عليها من الحسد اوى لدرجة انها بتخبيها
لحد كده تمام
من حوالى شهر اكتشفنا ان البنت عندها تاخر عقلى
يعنى بتفهم وكل حاجة لكن بمخ اقل من عمرها شويه
تخيلوا الام الفاضله عملت ايه...........:rolleyes:
رمت البت لجدتها وقالت لها خليها مغاكى تخدمك وانا مش عيزاها:(
يااااااااه مش قادرة استوعب لغاية دلوقتى الموقف ده
فى ام تقدر تعمل كده؟؟؟؟؟
ايه القلب ده ؟
يعنى لما ربنا يدينا حاجة كويسه نبقى فرحانين وطايرين ولكن لما يكون له حكمه فى حاجة معينة نقول لالالالالالالالا
يا رب احنا مش عايزين ده احنا هناخد الحلو بس
احنا ليه قلوبنا بقت زى الحجر كده؟
هو العيب فى مين بالظبط

على فكرة انا من ساعة الموقف ده فقدت الثقة فى كل الناس
قلت لما الام عملت كده يبقى الناس التانيه هتعمل ايه؟
ها ايه رايكوا فى الكلام ده حد يلحقنى احسن خلاص قربت اتجنن

براءة

11-09-2008, 12:31 PM

سبحان الله!!
بجد تصرف قاسي
لو الأم دى كانت اعانت بنتها فى علتها دى كان ممكن تدخل الجنة بسببها
بجد حاجة عجيبة و بجد حركة غيرآدمية !!

Dr.mayson

11-09-2008, 12:37 PM

لا مينفعش تفقدى الثقة فى كل الناس الناس مش زى بعضها بدليل ان كل الاهلى اللى اطفالهم عندهم تاخر عقلى مش رمينهم زيها بالعكس بيعتنوا بيهم وبيحبوهم جدا لان بيحسوا سبحان الله ان دى نعمة من ربنا ليها (ودى كلمة قالتهالى ام بنت متاخرة عقليا قالتلى بنتى دى نعمة ربنا رزقنى بيها وان شاء الله بيها هدخل الجنة )
بالنسبة للام اللى انتى حكيتى عنها فدا موقف غرررريب جدا منها وعمتن دا كان اختبار من ربنا ليها مفروض كانت تصبر وتحتسب الثواب عن الله

king mo7amed

11-09-2008, 12:46 PM

قلوب كالحجر متعرفش الرحمه

Shams AlhaQ

11-09-2008, 12:52 PM

حسبي الله ونعم الوكيل

نو كومنت

Dr.Nobel

11-09-2008, 12:56 PM

دي ناس نفوسها ضعيفة مش بتقدر تستحمل الابتلاء من ربنا

ربنا لما بيدي الانسان وبعدين يختبر قوة ايمانه مش بيستحمل

ولو كانت صبرت علي الابتلاء كان ربنا هيديها اكتر من اللي كانت عايزاه

وكانت هتفرح اكتر من فرحتها لما ولدت البنت

بس احنا اللي تفكيرنا ضيق فبنتصرف بحماقة

اوركيديا

11-09-2008, 12:58 PM

يا بنتى الحاجات دى بقت عادى
اقلك على حاجه و الله
انا لما انتى كنتى بتقولى تعرفو اللى حصل لما اكتشفو اللى عندها
انا اللى اتوقعته انها تكون رمتها على باب الجامع
او حتى خلتها اى حاجه كده
فلما بتقولى اديتها لجدتها
قلت كويس موصلش للى فى دماغى

اما حكايه ليه و الكلام ده
فده للاسف بقى طبيعى جدا

كله بيقول يلا نفسى انا ليه اتعب فى تعليمها و اعمل معاها
خليها مع جدتها اريح و اوفر

فى رعايه الله

فيفا

11-09-2008, 01:28 PM

سبحان الله!!
بجد تصرف قاسي
لو الأم دى كانت اعانت بنتها فى علتها دى كان ممكن تدخل الجنة بسببها
بجد حاجة عجيبة و بجد حركة غيرآدمية !!

هى فعلا حاجة غير ادميه وده اقل وصف ليها

فيفا

11-09-2008, 01:32 PM

فيفا

11-09-2008, 01:34 PM

قلوب كالحجر متعرفش الرحمه

ربنا يرحمنا برحمته

فيفا

11-09-2008, 01:38 PM

حسبي الله ونعم الوكيل

نو كومنت

والله عندك حق هتعلقى هتقولى ايه:(

احمد رضا

11-09-2008, 01:40 PM

ماشاء الله عليكي يا فيفا
انتقاءك لمضمون الموضوع رائع
فعلا بقي عندنا مشاكل جامده جدا
اننا في الحلو بنحمد ربنا
واللي مش حلو - في نظرنا - مش بنحمد عليه ربنا
بالرغم من ان كل شئ بيحصل من عند الخالق
خير
مفروض دايما نفضل نقول الحمدلله
ده حتي في القرآن الكريم الخالق بيقول " عسي أن تكرهوا شيئا وهو خير لكم (http://www.ebnmasr.net/forum/t53877.html)"
صدق ربي العظيم

شكرا ليكي يا فيفا علي موضوعك
وشرف لينا انضمام حد زيك للمجموعة

فيفا

11-09-2008, 01:40 PM

nothing

11-09-2008, 01:40 PM

فيفا

11-09-2008, 01:43 PM

منى ذكى

11-09-2008, 01:43 PM

اسغفر الله العظيم .... ايه ده؟ بس دى يا فيفا من الحارت الشاذة يعنى ما ينفعش تاخديها قاعدة عامة وتتعقدى من الناس وتفقدى الثقة فيهم ....ربنا يتولى البنت ويحنن قلب امها عليها

فيفا

11-09-2008, 01:46 PM

ماشاء الله عليكي يا فيفا

انتقاءك لمضمون الموضوع رائع
فعلا بقي عندنا مشاكل جامده جدا
اننا في الحلو بنحمد ربنا
واللي مش حلو - في نظرنا - مش بنحمد عليه ربنا
بالرغم من ان كل شئ بيحصل من عند الخالق
خير
مفروض دايما نفضل نقول الحمدلله
ده حتي في القرآن الكريم الخالق بيقول " عسي أن تكرهوا شيئا وهو خير لكم (http://www.ebnmasr.net/forum/t53877.html)"
صدق ربي العظيم

شكرا ليكي يا فيفا علي موضوعك

وشرف لينا انضمام حد زيك للمجموعة

هو كلام حضرتك بالظبط اللى انا قلته
فى الحلو نحمد ربنا واللى مش حلو من وجة نظرنا نقول لا احنا مش عايزينه
و بجد انا اللى شرفنى انى انضم للمجموعة وشرفنى اكتر مرور حضرتك

فيفا

11-09-2008, 01:48 PM

بجد الام دى قاسيه اوى وربنا يجازيها على اللى عملته فى بنتها
وفعلا زى ما نبيل قال ده كان ابتلاء من ربنا وهيا للاسف لم تستطع الصمود فلذلك اقدمت على الفعل ده
بس انتى بردو مش ينفع تفقدى الثقه فى الناس اكيد زى ما فيه ناس زى الام دى فيه امهات كتير مستعدين يضحوا بكل حاجه من اجل ابنائهم
وربنا يارب يهدينا ويهدى كل المسلمين

اكيد طبعا فى امهات تانيه مستعدين يضحوا بكل حاجة
عشان ابنائهم وفى امثله كتير
وشايفة ان مامتى الحمد لله اكبر مثل ليا
بس برضه الموقف ده كسرنى اوى بجد

فيفا

11-09-2008, 01:52 PM

اسغفر الله العظيم .... ايه ده؟ بس دى يا فيفا من الحارت الشاذة يعنى ما ينفعش تاخديها قاعدة عامة وتتعقدى من الناس وتفقدى الثقة فيهم ....ربنا يتولى البنت ويحنن قلب امها عليها

لا يا منى مش حاله شاذة ولا حاجة
انا كنت بسمع حاجت كتير زى دى بس مش كنت بصدق
لغاية لما شفت بنفسى
فى حالات كتير من الموضوع ده

Ra2oF

11-09-2008, 03:30 PM

لا حول ولا قوة الا بالله

ايه القلوب ديه ........... مفيش رحمة ؟! مفيش حنان ؟!

شكرا لموضوعك

طـفـلـة الامـس

11-09-2008, 03:35 PM

يعنى اساسا اسم البنت على غير مسمى
ازاى هاتعيش فى هناء بعد اللى حصلها ده
كفاية انها فقدت اعز حد فى حياتها لسبب مالهاش ولا لامها ولا لاى حد دخل فيه
ولكنه حكمة من الله تعالى
واكيد هو ده الخير ليها
فعلا كل واحد بيتمنى الحاجة اللى مش معاه وبيتناسى اللى فى ايده
ربنا يهدى الجميع ويصلح الاحوال

سارة الزمردة

11-09-2008, 03:45 PM

لاحول ولا قوة الا بالله
ربنا يهديها
شكرا ع الموضوع يا فيفا

earth

11-09-2008, 07:49 PM

لا اله الا الله

للدرجة دى

دى بنتها يا ناس

ده انا لو نمت شوية زيادة ماما تقول ده فى حاجة مزعلانى و تدخل تشوفنى

لا على فكرة الست دى من لامهات الجاهلات ماتفقديش الثقة فى عائلتك

لان الامهات انواع و انتى و الحمد لله اكيد ربنا رزقك بماما متفاهمه و طيبة

زى مافى امهات بيضربوا ولادهم فى امهات متفاهمين

على فكرة الست دى شكلها كده مش حتورد على جنه

معلش يا فيفا الناس بقت وحشة اوى

انا والله موش عارفة اقول ايه اصل الموقف مؤثر اوى

3amora

11-09-2008, 08:04 PM

المفروض تحط نفسها مكان الطفلة دى وتشوف هتعمل ايه لو ربنا كان خلقها هى كده بس مافيش عقل ويمكن دى حكمة ربنا انه يحعلها فى معية الرحمن بدل البنات بتاعة اليومين دووول هنقول لا اله الا الله سبحانك انى كنت من الظالمين ..

Prof.Dr/A.T.M

11-09-2008, 08:09 PM

ده مش تصرف ام طبيعية خالص
شكرا على الموضوع

ayooosh

11-09-2008, 08:15 PM

:(لا حول ولا قوة الا بالله:(

للدرجاتى الام دى وصلت
دى معندهاش اى رحمه دى بنتها حرام عليها ولو راعتها كويس ممكن تكون سبب فى دخولها الجنه
بس نقول ايه بقى^_^
....................

COoL HEaRT

11-09-2008, 11:45 PM

بصى للجانب المشرق يا فيفا كويس انها مبعتهاش ولا قتلتها .. فى امثله اسوا ميت مره ومش معنى كده انها ست طبيعيه دى اكيد مختله
الست دى كل تفكيرها الانتقام من الواقع فى مقوله لشكسبير بتقول ليس من الشجاعه ان تتنتقم بل ان تتحمل وتصبر

وبردو عارفين ان الجزع عند المصيبه مصيبه اخرى ... وهو ده الست دى واجهت خوها بمصيبه واللى هى خوها وتصرفها اللى بينم عن جهل بين

وبردو مقوله تانيه لشكسبير

قسوه الايام تجعلنا خائفين من غير ان ندرى تماما مايخيفنا اذ ان الذى يخيفنا مجرد اوهام

وهى خافت من حاجه قد تكون خير ليها

وعسى ان تكرهوا شيئا وهو خير لكم
صدق الله العظيم

وبالنسبه للام دى بجد مينفعش معاها الا الجمله دى

أننا نعلّم الآخرين دروساً في سفك الدماء.. فإذا ما حفظوا الدرس قاموا بالتجربة علينا

لسه قرياها النهارده

وكل مافيها ان اللى هى عملته فى بنتها هيتردلها وهتندم

MohammeD el_SadaT

11-09-2008, 11:57 PM

ياحول الله يارب
إيه يابنتى ده يعنى أفضل 3 أيام النت فاصل ولما يرجع أول موضوع أقرأه بعد الخناقات والذى منه
الموضوع ده اللى فعلاً بينزل جداااً من قدر الأمومه
هو فعلاً الموضوع ده حقيقى
؟!
بجد أفضل تكون الإجابه لاء مش حقيقى
:(

ياااااااااااااااااااااااااااااااااااااااااااااااار ب رحمتك ياااااااااااااااااااااااااااااااااااااااااااارب

biob

12-09-2008, 02:41 AM

على فكره يا فيفا انتى اهتمامك بذوى الاحتياجات الخاصه عاد ملحوظ جدا
يا رب ربنا يقدرك وتساعديهم بحاجه
عموما انا دلوقتى عرفت البنت دى طلعت كدليه
دى وراثه
هى مامتها مش طبيعيه اصلا علشان الحركه اللى عملتها دى

فيفا

12-09-2008, 03:05 AM

ده مش تصرف ام طبيعية خالص
شكرا على الموضوع

اكيد دى مش طبيعيه

المفروض تحط نفسها مكان الطفلة دى وتشوف هتعمل ايه لو ربنا كان خلقها هى كده بس مافيش عقل ويمكن دى حكمة ربنا انه يحعلها فى معية الرحمن بدل البنات بتاعة اليومين دووول هنقول لا اله الا الله سبحانك انى كنت من الظالمين ..

ربنا يهدينا

لا اله الا الله

للدرجة دى

دى بنتها يا ناس

ده انا لو نمت شوية زيادة ماما تقول ده فى حاجة مزعلانى و تدخل تشوفنى

لا على فكرة الست دى من لامهات الجاهلات ماتفقديش الثقة فى عائلتك

لان الامهات انواع و انتى و الحمد لله اكيد ربنا رزقك بماما متفاهمه و طيبة

زى مافى امهات بيضربوا ولادهم فى امهات متفاهمين

على فكرة الست دى شكلها كده مش حتورد على جنه

معلش يا فيفا الناس بقت وحشة اوى

انا والله موش عارفة اقول ايه اصل الموقف مؤثر اوى

انا اللى مش عارفة اعلق على اى رد خالص
بجد اعذرونى

لاحول ولا قوة الا بالله
ربنا يهديها
شكرا ع الموضوع يا فيفا

مرسى يا سارة للمشاركة

يعنى اساسا اسم البنت على غير مسمى

ازاى هاتعيش فى هناء بعد اللى حصلها ده
كفاية انها فقدت اعز حد فى حياتها لسبب مالهاش ولا لامها ولا لاى حد دخل فيه
ولكنه حكمة من الله تعالى
واكيد هو ده الخير ليها
فعلا كل واحد بيتمنى الحاجة اللى مش معاه وبيتناسى اللى فى ايده

ربنا يهدى الجميع ويصلح الاحوال

ربنا يسمع منك يا سارة

لا حول ولا قوة الا بالله

ايه القلوب ديه ........... مفيش رحمة ؟! مفيش حنان ؟!

شكرا لموضوعك

للاسف مفيش لا رحمة ولا حنان

فيفا

12-09-2008, 03:09 AM

وكل مافيها ان اللى هى عملته فى بنتها هيتردلها وهتندم

مهما ترد لها مش ممكن هيكون بقسوة اللى هى عملته

فيفا

12-09-2008, 03:12 AM

هو فعلاً الموضوع ده حقيقى
؟!
بجد أفضل تكون الإجابه لاء مش حقيقى
:(

للاسف يا محمد حقيقى
بقولك ساكنة تحتنا
تصدق ان انا مش قادرة ابص فى وشها وحتى مش قادرة ارمى عليها السلام
نفسى امشى من البيت ده بجد

فيفا

12-09-2008, 03:14 AM

على فكره يا فيفا انتى اهتمامك بذوى الاحتياجات الخاصه عاد ملحوظ جدا

اه فعلا ده حقيقى
يا رب ربنا يقدرك وتساعديهم بحاجه

يا رب
عموما انا دلوقتى عرفت البنت دى طلعت كدليه
دى وراثه
هى مامتها مش طبيعيه اصلا علشان الحركه اللى عملتها دى

لا يا مصطفى البنت عندها تاخر عقلى
لكن امها عندها تخلف
تفرق

MohammeD el_SadaT

12-09-2008, 03:24 AM

للاسف يا محمد حقيقى
بقولك ساكنة تحتنا
تصدق ان انا مش قادرة ابص فى وشها وحتى مش قادرة ارمى عليها السلام
نفسى امشى من البيت ده بجد

ساكنه تحتكم
يعنى حقيقى يعنى مصادر مؤكده

يلا على الدنيا السلام
دنيا ملهاش أمان
:(

COoL HEaRT

12-09-2008, 03:29 AM

مهما ترد لها مش ممكن هيكون بقسوة اللى هى عملته

لربنا حكمه فى كل حاجه ومحدش عارف ايه اللى هيحصل

MohammeD el_SadaT

12-09-2008, 03:36 AM

لربنا حكمه فى كل حاجه ومحدش عارف ايه اللى هيحصل

ونعم بالله وكلنا مؤمنين بقضاء الله وقدره ومحدش يقدر يقول حاجه
بس الموضوع بيتكلم
هل فعلاً
..................................

بجد مش لاقى كلمه توصف مدى السوء اللى وصلناله

a7la dody

12-09-2008, 03:40 AM

اول حااجة موضوعك مؤثر جدا صراااحة ..

ايه الام دي يا ناس .. بجد خسااارة فيها انها تكون ام ..

يعني كان نفسها في بنت وربنا رزئها ببنت زي القمر ..

كدا ترد الشكـــــر .. وملهااش اب .. :confused: .. وهيا عامله ايه دلوقتي ..

اخــــــ a7la dody ـــتك ..

فيفا

12-09-2008, 03:54 AM

فتاة الاسلام

12-09-2008, 03:55 AM

لا حول ولا قوة الا بالله
فى ناس بكل اسف نفوسهم وايمانهم ضعيف مجردين من شعور الرضاء بالقضاء والقدر وما كتبة الله
بس مش كلهم والله يا فيفا

بالمناسبة
انا عندى خالتو قعدت فترة كبيرة ربنا مرزقهاش بأولاد
واول لما ربنا رزقها جابت بنت وكانت نفس حالة بنت جارتك
بس خالتو والحمد لله بتاعملها احسن معاملة ودايما بتقول "الحمد لله دى سبب دخولى الجنة لو احسنت معاملتها وتربيتها "

اهو واحدة زى خالتو لو ايمانها ضعيف كان زمانها عاملت البنت وحش "رغم ان الحمد لله مفيش عندها حالات وراثية ولا حاجة " بس دى حكمة ربنا سبحانة وتعالى وكمان علشان رضاها وصبرها ربنا رزقها بنت تانية زى القمر

يعنى الانسان لو يحمد ربنا فى السراء والضراء فى كل الاحوال
ربنا هيرزقة بخير اكتر

ربنا يهدينا جميعا :)

***star***

12-09-2008, 11:21 AM

http://img84.imageshack.us/img84/5465/18821610uf0.png

اولا صباح الخير عليكوا كلكوا
هحكى لكم قصه بسرعة كده وعايزة تعليقاتكم
صحيت فى يوم من النوم وكان عندى تقريبا 10 سنين
على صوت جارتنا اللى تحت قمت جريت بسرعة وكانت الساعة 9 صباحا
وكان بتصوت بصوت عالى اوى
والبيت كله نزل يشوفها مالها................
وكان اليوم ده ميعاد ولادتها المهم خدوها على المستشفى
وولدت الحمد لله بالسلامة والست دى كانت بتحب البنات اوى
وفعلا ربنا رزقها ببنوته زى القمر
ربنا العادل الكريم رزقها (بهناء) بنوته زى القمر شعرها اصفر وعينيها ملونة
وكل اللى كان يشوفها كان يتجنن عليها
ومامتها بقى كانت بتخاف عليها من الحسد اوى لدرجة انها بتخبيها
لحد كده تمام
من حوالى شهر اكتشفنا ان البنت عندها تاخر عقلى
يعنى بتفهم وكل حاجة لكن بمخ اقل من عمرها شويه
تخيلوا الام الفاضله عملت ايه...........:rolleyes:
رمت البت لجدتها وقالت لها خليها مغاكى تخدمك وانا مش عيزاها:(
يااااااااه مش قادرة استوعب لغاية دلوقتى الموقف ده
فى ام تقدر تعمل كده؟؟؟؟؟
ايه القلب ده ؟
يعنى لما ربنا يدينا حاجة كويسه نبقى فرحانين وطايرين ولكن لما يكون له حكمه فى حاجة معينة نقول لالالالالالالالا
يا رب احنا مش عايزين ده احنا هناخد الحلو بس
احنا ليه قلوبنا بقت زى الحجر كده؟
هو العيب فى مين بالظبط

على فكرة انا من ساعة الموقف ده فقدت الثقة فى كل الناس
قلت لما الام عملت كده يبقى الناس التانيه هتعمل ايه؟

ها ايه رايكوا فى الكلام ده حد يلحقنى احسن خلاص قربت اتجنن

أول حاجه شكلك بتحبي الأطفال جدا جدا جدا يافيفا....لأن ليكي مواضيع كتير عنهم...المهم...الست دي فعلا قلبها قاسي اوي....وانا مش بحب الأمهات من النوع ده...ببقي عايز كدا اجمعهم في مكان كلهم وابيدهم...وربنا يصبر البنت دي بقي اما تكبر...أقولك حاجه...تبقي خديها ربيها انتي:d

yassssss

12-09-2008, 11:33 AM

ومين اللي قال لك انها ام
الام تضحية الام كل حاجة كويسة
مستحيل دي تكون ام
حتي لو هي ف شهادة الميلاد كدا
لما تكون بنتها كدا ومش تقف جمبها
يبقي مش تستحق انها تكو ن ام
ربنا يعفينا
بس ليه انت فقتي الثقة ف الناس
دا انت لما تشوفي كدا تحمدي ربنا
ع النعمة اللي هو مديهالك هي امك
بجد هي الام كدا اللي بضحي مش
عشان ربنا اختبرها تفتري بقي
ربنا مع البنت

فيفا

12-09-2008, 04:13 PM

فيفا

12-09-2008, 04:16 PM

أقولك حاجه...تبقي خديها ربيها انتي:d

انت بتهزر ؟
طب والله عندى استعداد اخدها بس مامتها توافق
وربنا يحاسبنى على الكلام ده لو بكدب

فيفا

12-09-2008, 04:18 PM

بس ليه انت فقتي الثقة ف الناس
دا انت لما تشوفي كدا تحمدي ربنا
ع النعمة اللي هو مديهالك هي امك
بجد هي الام كدا اللي بضحي مش
عشان ربنا اختبرها تفتري بقي
ربنا مع البنت

طبعا بحمد ربنا على كده
بس بجد الموقف صعب اوى

فجر الإسلام

12-09-2008, 04:19 PM

حسبي الله ونعم الوكيل
دي أم قاسية أوي
معقول في حد كده في الدنيا

ahmed2845

13-09-2008, 01:53 AM

basmala

13-09-2008, 02:03 AM

ممكن تكون حركه مؤقته نتيجه الصدمه بس ممكن بعد كده تحس انها غلطانه ..وتقرب من ربنا اكتر وتدعوه يغفر لها ..وبعدين كل حاجه

وليها علاجها ...

فيفا

13-09-2008, 03:43 AM

حسبي الله ونعم الوكيل
دي أم قاسية أوي
معقول في حد كده في الدنيا

للاسف فى ناس كده

فيفا

13-09-2008, 03:45 AM

بصى يا فيفا
الام اللى تعمل كده فى بنتها ملهاش الا كلمة واحدة
الام دى تبقى مجنونة وعايزة علاج نفسى بجد
ومتنفعش اصلا تكون ام
وشكرااا على الموضوع

ربنا يسامحها
هقول ايه بس

فيفا

13-09-2008, 03:47 AM

ممكن تكون حركه مؤقته نتيجه الصدمه بس ممكن بعد كده تحس انها غلطانه ..وتقرب من ربنا اكتر وتدعوه يغفر لها ..وبعدين كل حاجه

وليها علاجها ...

يا ريت والله انا اتمنى
بس انا معتقدش ولو ده حصل هبقى اقولك

COoL HEaRT

13-09-2008, 05:45 PM

ونعم بالله وكلنا مؤمنين بقضاء الله وقدره ومحدش يقدر يقول حاجه
بس الموضوع بيتكلم
هل فعلاً
..................................

بجد مش لاقى كلمه توصف مدى السوء اللى وصلناله

يا محمد انت لسه مشفتش حاجه لسه قرياها قريب ام باعت اتنين من عيالها باربعه الاف باين وبتسرح بالتالت
عشان كده قلت لفيفا بصى للجانب المشرق
يمهل ولا يهمل