مشاهدة النسخة كاملة : اول ماسجلت عالفيس بوك حصلتلي حاجة عجيبة جدا!!
JusT DreaM 11-09-2008, 05:27 PM السلام عليكم ورحمة الله وبركاته
ايوة فعلا العنوان صح
انا اول ماسجلت عالفيس بوك لقيت حاجة عجيبه.........بس مش عجيبه اوي يعني:p:p
هتقوليلي ايه هي
هقولكو
انا سجلت عالفيس بوك من حوالي شهرين كده بس مش كنت مسجله فيه عشان استفيد ولا اكون صداقات ولا الكلام ده كله انا مش بفكر في الحاجات دي دلوقت:d:d:d
انا سجلت فيه عشان هدف اسمى وانبل :rolleyes:
وهو ان لما حد يجيب سيرته ادامي ابقى مشتركه فيه يعني ميكنش فيه حد احسن مني^_^^_^
المهم سجلت بايميل مش بفتحه كتير وقعدت بعد مااشتركت فيه حوالي اسبوعين كده لا بفتح الفيس بوك ولا بفتح الايميل:cool:
وفي مرة كده حبيت اعرف ايه اللي اتبعتلي من الفيس بوك
فتحت ايميلي
لقيت في حدود15 اضافه كده وممكن اكتر:huh::huh::huh:
وبعدها بقيت بدخل كل يوم مش بلاقي اقل من اضافتين:eek::eek:
هتقولولي مش غريبه وايه المشكله:confused::confused:
اكيد انا مش كنت مخليه ايميلي انفزبل
فعلا انا مش كنت مخلاياه انفزبل (بس من غير قصد والله:huh:)
ايه بقى الغريب في الموضوع
الغريب في الموضوع ان كلهم ولاد مفيهموش ولا بنت:(:(
وانا ايميلي اللي مسجله بيه باين يعني ان هو ايميل بنت لانه باسمي:(
اكيد كله بيسأل نفسه دلوقت
ايه هدفي من الموضوع ده؟؟؟
هقلكو
هدفي من الرغي الكتير اللي فوق ده سؤال محيرني
ليه الولاد مش بتهتم غير بالبنات؟؟ والبنات نفس الكلام
ليه الولاد وهما ماشيين في الشارع مش بيبصو غير عالبنات مهما كانت البنت محترمة؟؟؟
ليه البنات برده ماشية تبص عالولاد بنص عين كده عشان ميعرفوش انها بتبص عليهم وتبقى تقيله؟؟؟:(:(:(
ليه مش يبقى كل واحد في حاله البنات مع البنات والولاد مع الولاد؟؟؟
يعني احنا كده بنطبق مثل "الممنوع مرغوب"؟؟؟
ولا ايه بالظبط!!!!
انا اعرف بنات بتدخل النت مخصوص عشا تشيت مع ولاد
يعني هحكيلكو على موقف:d
واحدة صحبتي اتصلت بيا مرة في التليفون وقعدنا نرغي مع بعض كتير
وفي الاخر القيها تقولي انا متصله بيكي في طلب
قولتلها اطلبي ;)
قالتلي عاوزاكي تفكري معايا في اسم بنوتي دلوع كده على زوقك
فانا قولتلها على اسم مطربه من باب التريقة^_^
لقيت البت فرحت اوي وبانت الفرحة في صوتها بجد
وتقولي انا قولت مش هيجيبها غيرك انتي
قولتلها فيكي ايه يابت انتي سخنه ولا حاجة:confused::confused:
قالتلي لا اصل انا كنت عاوزة ادخل الشات واختار اسم حلو كده عشان الولاد يكلموني:huh::huh:
شوفتو الاهتمام بجذب نظر الولاد وصل لحد فين
لدرجة ان تيجي واحده تقولي انا هلبس اللي عالحبل النهارده عشان انا رايحة الحته الفلانية وانا رايحاها في الطريق بيكون الواد.....واقف في الحته دي هو وصاحبه عشان يشوفني حلوة ويعجب بيا:(:(:(
والله الحاجات دي بتحصل
والولاد طبعا باينين اوي مش محتاجة اتكلم عنهم
كفايه اقول
حاجة كدة بشبه الموضوع ده بيها
ان البنات مغناطيس صناعي والولاد حته الحديد:d
انا عارفة اني طولت عليكو في الموضوع ده
بس بجد عاوزة رأيكو لان الموضوع ده شاغلني اوي
براءة 11-09-2008, 05:36 PM بصي
الميل بتاعى تقريبا معليهوش غير بنات
مش عاوزة اقولك انه تقريبا عبارة عن صحرا :d
JusT DreaM 11-09-2008, 06:49 PM بصي
الميل بتاعى تقريبا معليهوش غير بنات
مش عاوزة اقولك انه تقريبا عبارة عن صحرا :d
وانا كمان
بس من غير تقريبا :d:d
شكرا ياقمر على الرد
نورتي الموضوع
3amora 11-09-2008, 07:17 PM على فكرة الموضوع عادى جدا بس انتى اللى شاغلة نفسك بيه زيادة عن اللزوم عمر ما واحد بيعدى حياتة من غير تجربة اذا كان فى الجامعة فى الشارع او قرايب اى انسان او انسانة بتمر بتجربة وكل واحد بينجح وبيفشل فى نفس الوقت بدأت الحياة تتغير وتتطور من زمان الناس الكبيرة كانوا بيقولوا ماكانش فى بنات فى الشارع غير قليل اوى وتكون محترمة بجد فى كل حاجة لبس وذوق واخلاق كان الواحد بيعرف يختار الست العاقلة لكن دلوقتى كل حاجة اتطورت والنت بقت اسرع وسيلة انتشار فبقينا ناخد حاجات كتير اوى من الغرب زى اللبس الضيق وتسقيط البنطلون وتطويل الشعر للولاد والبنات تسيب شعرها وتصبغة وتلبس البنطلونات الضيقة وتسقيط البنطلون كمان وغاب كتير من الوعى الدينى بقت الحكاية واسعة شوية واحتمال يبقى مجتمعنا متفكك شوية من قلة الايمان اللى فيه غير التليفزيون بسم الله ماشاء الله مظبطنا ممثلين وممثلات وفضايح وحاجات حلوة كتير من ده فبقت الحكاية كلها اللى شاغلة اى بنت ولتكن نرمين عايزة تتعرف على ولد معاها فى الجامعة او قابلته فى الكافيه وليكن تامر تامر شاف نرمين ونرمين شافت تامر وهكذا نرمين بقت تعمل مقالب فى تامر وسابته عشان رامى شافها واعجب بيها ونرمين اعجبت برامى راح رامى سايبها وشاف ايمان عشان ايمان جلوة واشيك منها فى اللبس فى الخر بس عشان انا رغيت كتير من غير فايدة كل واحد بيدور على تفاهة فى الدنيا دى يتعلق بيها وانا مبقولش ان الحب تفاهة بس فى حاجات لازم نعملها الاول مش كل تفكيرنا فى البنت ولابسة ايه وعاملة شعرها فى الخلاط والولد مسقط البنطلون وضارب شعره بجل عايزين نغير شوية عشان كده كله بيلاقى النت دلوقتى افضل وسيلة للتعارف الفيس بووك والهاى فايف والشاتات الكتير اوى اللى بيضيع وقت على الفاضى فى كلام كتير اوى لازم يتقال بس عشان مطولش عليكوا وكل سنة وانتم طيبين .....:d فكروا ببساطة
ده شئ بقى عادى فى المجتمع للاسف
يعنى انا جيت فى مره مسحت كل البنات اللى عندى على الفيسبوك
بجد وصلتنى ردود فعل
حسستنى ان انا من المفسدين فى الارض:(
بس برده زى ما هتلاقى كده
هتلاقى الكويس زيك برده
هتلاقييييييييييييهم كتيير
الله المستعان
شكرا للموضوع:)
Dr.Nobel 11-09-2008, 07:51 PM هههههههه
اقولك علي حاجة
انا مسجل علي الفيس بوك عشان لما حد يعمل موضوع زيك اخش اتكلم:d:d
المهم
اكيد الولاد تقريبا كلهم كدا عايزين يعرفو بنات وخلاص عشان لما يكون مع اصحابه يقولهم ده البت دي ...........:cool:
وكده يعني
وبعدين 15 اضافة مش كتير يعني بتوصل لاكتر من كده:d
وبعدين ياستي بنات مين اللي بيدورو علي ولاد
انا بقالي 4 شهور في الفيس بوك مبلقيش بنات بتضيفني يعني ولا حاجة:d:d:d
هههههههههههههههههههههههههههههههههه
لا طبعا اوعى حد يفهمني غلط انا بكلم ولاد بس علي الفيس:mellow:
هو الشاب التافه بس هو اللي بيدور علي البنات عشان يكلمهم
بس في ناس محترمة مش بيهمهم هما بيكلمو ولد ولا بنت
وربنا يهدي
ayooosh 11-09-2008, 08:29 PM انا برده سجلت ع الفيس بوك
سجلت بايميل مش بفتحه
وبرده جالى اضافات كتير جدا
انا سجلت فيه بس عشان اعرف هو عباره عن ايه افهمه
عشان لما حد يتكلم عنه ابقى عارفه عباره عن ايه
انا الصراحه مستفدش منه وحسيت انه ملوش لازمه
يمكن انا اللى معرفتش اتعامل معاه صح .... الله اعلم
وللاسف
بقى معظم الناس لا يملكه غير انهم يقولوا
ده بقى شيء عادى فى مجتمعنا
ربنا يهدينا يارب ويصلح حالنا
اوركيديا 11-09-2008, 09:46 PM انا عن نفسى مفكرتش اعمل ولا حعمل
و فيه ناس قالتلى اعمل اكونت بس صراحه ملقتلهاش فايده خالص
و اديكى شايفه اللى بيحصل
استخدام غلط ميه فى الميه
و اللى بيبتدى حلو بينتهى الحمد لله كده
بس العمليه من الاول اننا متعلمناش ازاى نستخدمه صح
و شكلنا كده محتاجين قرن عشان نتعلم
فى رعايه الله
بحر الاحزان 11-09-2008, 09:57 PM غالبا الكل بيقول كده بس برده الكل غلط وفى دماغه انو هو الصح
لكن نتمنى من ربنا يهدى الجميع
COoL HEaRT 11-09-2008, 09:57 PM السلام عليكم ورحمة الله وبركاته
وعليكم السلام
انا سجلت فيه عشان هدف اسمى وانبل :rolleyes:
المنظره يعنى ;)عادى عادى انا كنت مسجله فيه عشان
لعبه بيتنافس فيها ناس ع مستوى العالم
كنت بشوف مستوى ذكائى
وكان الله بالسر عليم ^_^
لقيت في حدود15 اضافه كده وممكن اكتر:huh::huh::huh:
ههههههههههه 15 انا اخر مره فتحته لقيت 63 :d عملت اجنور لكام شخصيه وقفلت
الغريب في الموضوع ان كلهم ولاد مفيهموش ولا بنت:(:(
اها كانو 15 بنت والباقى مفس الكلام
هدفي من الرغي الكتير اللي فوق ده سؤال محيرني
ياريت :)
ليه الولاد مش بتهتم غير بالبنات؟؟ والبنات نفس الكلام
ليه الولاد وهما ماشيين في الشارع مش بيبصو غير عالبنات مهما كانت البنت محترمة؟؟؟
مش كله ده اول حاجه
ثانيا هو مش اهتمام دى ناس فاضيه مش وراها حاجه
يعني احنا كده بنطبق مثل "الممنوع مرغوب"؟؟؟
ولا ايه بالظبط!!!!
اها هو تقريبا كده
انا اعرف بنات بتدخل النت مخصوص عشا تشيت مع ولاد
يعني هحكيلكو على موقف:d
واحدة صحبتي اتصلت بيا مرة في التليفون وقعدنا نرغي مع بعض كتير
وفي الاخر القيها تقولي انا متصله بيكي في طلب
قولتلها اطلبي ;)
قالتلي عاوزاكي تفكري معايا في اسم بنوتي دلوع كده على زوقك
فانا قولتلها على اسم مطربه من باب التريقة^_^
لقيت البت فرحت اوي وبانت الفرحة في صوتها بجد
وتقولي انا قولت مش هيجيبها غيرك انتي
قولتلها فيكي ايه يابت انتي سخنه ولا حاجة:confused::confused:
قالتلي لا اصل انا كنت عاوزة ادخل الشات واختار اسم حلو كده عشان الولاد يكلموني:huh::huh:
ربنا يهدى .. تبقى واحده تعمل كده معايا وهتلاقى التيليفون اترزع فى وشها
اولا الشخصيات دى بتحاول انها تجذب اى حد بطريقه مصطنعه
سواء اسم او غيره
بتحاول تستخبى وراه عشان حد يقلها كلمتين
وهى عارفه انها مش حقيقه
بس اهو
حد يحسسها انها محبوبه وخلاص
لدرجة ان تيجي واحده تقولي انا هلبس اللي عالحبل النهارده عشان انا رايحة الحته الفلانية وانا رايحاها في الطريق بيكون الواد.....واقف في الحته دي هو وصاحبه عشان يشوفني حلوة ويعجب بيا:(:(:(
والله الحاجات دي بتحصل
والله دول عالم فاضيه بجد اى واحده بتفكر كده تبقى تافه ولا تستحق ان يكون ليها اهل حتى
لان اهلها اللى تعبو فى تربيتها وتعليمها
يكون كل تفكيرها
انها تلفت نظر حد
بس هو ممكن يكون نقص
يعنى مثلا نفسها تكون محبوبه او يعنى الناس تشاور عليها
ودى بتكون مريضه
او مثلا سنها كبر ومتجوزتش وعاوزه اى حد
ودى بردو مريضه
لان البنات مش سلع للتجاره او للبيع
بس بجد عاوزة رأيكو لان الموضوع ده شاغلني اوي
ولا يشغلك ولا حاجه كبرى دماغك مجرد التفكير فى مجموعه من الشباب التافه مضيعه للوقت المشكله فى كيفيه الاصلاح
واعتقد انها بقت صعبه
فى زمن اتغيرت فيه المبادىء
كل ده ناتج عن الفراغ الوقت الفاضى اللى ضايع ع الارض محدش عارف انه هيتحاسب عليه
او بحث عن السعاده بطريقه غلط
برنارد شو بيقول الطريقه الوحيده لتجنب التعاسه ان لا يكون عندك وقت تفكر فيه فيما اذا كنت سعيدا ام لا
الموضوع عارفه انه مش ع السعاده بس هو الوقت لو ل واحد يشغله بشكل كويس
لا الولاد هيفكرو فى البنات ولا العكس كل واحد هيشوف مصلحته
الضوء الشارد 12-09-2008, 12:23 AM أنا مسجل على الفيس بوك وعندى اكونت لكن مابقربش منه أصل بخاف بعد ماتقبض على البنت بعد أحداث أضراب ابريل .... حسين انه متراقب أصل أنا جبان:lol: بس الحقيقة أنا دخلت وسجلت عليه لمجرد أنى أقول للناس أنى عندى اكونت على الفيس بوك لكن مابكلمش حد فيه ولا باشترك فى جروبات أصلى بحب المنظرة:d
the black rose 12-09-2008, 12:34 AM يا بنتى ده بقى العادى لا حول ولا قوة الا بالله
انا سمعت ان واحد حاول يكلم بنت
بس البنت كانت رافضة تماما
راح الواد بيقول هى بتتنك على ايه
ما البنات مترمية عالفيس بوك مستنين حد يكلمهم
عشان كدة مبحبش الفيس بوك ولا عايزة ادخله
المشكلة ان الحكاية دى بقت فى كل حتة
ربنا يعافينا
COoL HEaRT 12-09-2008, 01:14 AM يا بنتى ده بقى العادى لا حول ولا قوة الا بالله
انا سمعت ان واحد حاول يكلم بنت
بس البنت كانت رافضة تماما
راح الواد بيقول هى بتتنك على ايه
ما البنات مترمية عالفيس بوك مستنين حد يكلمهم
عشان كدة مبحبش الفيس بوك ولا عايزة ادخله
المشكلة ان الحكاية دى بقت فى كل حتة
ربنا يعافينا
معلش هرد تانى:)
هى المساله فى الفكر الغلط ليه البنات تكون غايه يعنى الموضوع مش مستاهل زى مانتى قلتى الممنوع مرغوب
والمساله مش مساله الفيس بوك المشكله فى اللى بيستخدموه
اى حاجه فى الدنيا ممكن تكون وحشه وحلوه
القلم مثلا ممكن تكتبى بيه مقاله كويسه وممكن تضربى بيه صاحبتك
فى جمله كميله لواحد اسمه باسكال معرفوش والله :) بس الجمله دى حلوه
عظمه النفس الانسانيه فى القدره ع العتدال لا فى قدرتها ع التجاوز
بقت وجه نظر الناس حاليا هى ان عظمه النفس فى القدره ع التجاوز وده تفكير شاذ بكل المقاييس
semsema_semsema 12-09-2008, 01:21 AM اولا انتى هتلاقى فى كل حتة الكويس والوحش سواء كان فيس بوك او غيرة
وفعلا انا بداية اشتراكى فى الفيس بوك جت بان انا سمعت عنة كتير جدا فجربت واشتركت فية وفعلا بايميل يكاد يكون مهمل عندى
هو اسبوع ولقيت عندى 65 اضافة ووالله كلهم اولاد فانا النوع دا مابيمشيش معايا بحس انة نوع اهبل فقولت استفاد من الفيس
بوك دا فابتديت اعمل سيرش على الناس اللى فى كليتى وبجد اتعرفت على بنات واولاد بس بغرض معين انى لسة فى اولى
جامعة فكنت عايزة اجمع معلومااات كتيرة اوى عن كليتى
بصى انا طولت .. تقدرى تقولى كدة ان الفيس بوك سلاح ذو حدين اللى عايز يستخدمة بالحد الضار هيستخدمة والعكس صحيح
قطرات ندى 12-09-2008, 01:55 AM طيب عارفه بقى انا الموضوع ده استفزني فترة وكنت بدخل شات وبحاول الاقي بنت تتكلم معايا ولما الاقي بقى اول ما يعرفوا اني بنت البلوك بقى والايجنور ومعلش اصل انا هقفل ومرة واحده قالتلي على فكرة انتي لما تدخلي تكلمي اي بنت ممكن اي حد ياخد عنك فكرة وحشة ؟؟!!! بعدها الحمد لله عرفت ان ديه بنات فاضية فعلا
king mo7amed 12-09-2008, 02:24 AM ربنا يهدي الجميع
MohammeD el_SadaT 12-09-2008, 02:44 AM دا العادى يعنى إن البنت تنجذب للولد والولد ينجذب للنبت
لأن بمنتهى البساطه دى الفتره
اللى إحنا إتخلقنا عليه
على الأقل دا من وجهة نظرى
لكن فيه ناس إنجذابهم بيزيد حبتين أو بمعنى أصح مبيقدروش لا يتحكمو فى شهواتهم ولا غرائزهم
بالمختصر المفيد
" الشىء لما بيزيد عن حده بينقلب لضده "
وكل مكان زى ما فيه الكويس فيه الوحش وصوابعك مش زى بعضها
وطول ما إحنا عايشين وبنتنفش فى الدنيا دى هنشوف فيها العجب فيه مننا بيتعلم وبيعرف الصح والغلط
وفيه بيعيش ويموت وهو عايش فى الغلط
دى سنه الحياه
ومش هتقدرى تغيرها
وفى الآخر بنلعن فى الزمن مع إن الزمن هو اللى المفروض يلعن فينا
آسف إنى خرجت ودخلت من موضوع لموضوع بس صدقينى إجابة أسألتك مش هتلقيها لأن دى فطرتنا
إحنا إتخلقنا كده فى صراع دائم بين الخير والشر
ياترى فينا هينتصر ولا هيكون الصوت الأعلى للشر دا سؤال مش هتقدرى تجاوبى عليه غير فى نهايه حياتك
وفى النهايه
ربنا يهدى الجميع
a7la dody 12-09-2008, 08:16 AM صرااحة الفيس بوك للناس الفااضية ..
بالعربي لما تقرري تكلمي اولاد .. ملكيش مكان غير الفيس بوك ..
وبعدين تعالي .. انتي اساسا ليه قبلتي الاضافااات .. ^_^ .. ؟!
وطبعا البنت المتربيه ملهاش مكان هناك << عاشت الجو ..
موضوع مرا حلو ..
اخـــــ a7la dody ـــتك ..
amal_amm 12-09-2008, 08:30 AM هى كده فى الاول اسجل حب ستطلاع بعد كده ربنا يستر
***star*** 12-09-2008, 10:44 AM ههههههههههههههه...موضوع فعلا جميل...بصي ياستي...جربي كدا تدخلي علي الياهو بايميل بنت علي الشات....هتلاقي 3 مليار شاب عاملينلك اضافات.....ولو حاولتي تقنعي فيهم انك مش بنت هيقولولك لا انتي بنت ولازم تردي...دي مشكله مجتمعنا الشرقي كله ...لأن بجد (((الممنوع مرغوب ....)))....
yassssss 12-09-2008, 12:07 PM اولا بالنسبة ان البنت بتخلي الولد يعجب بيها
دا بيكون عن البنت الفاضية اللي مش وراها
حاجة عشان كدا تقعد تحلم ومش عارف ايه
والولد نفس الحكاية ودا بقي بيرجع للتربية الصح
اما حكاية الفيس بوك انا اعرف بنات ملتزمة اوي
وف كليه فمه وبتدخله عشان الكلية بتاعتهم
ومش بيهما حاجة وحتي لو حد
عايز اضافه ممكن ترفضي كل واحد عارف هو بيتصرف
ازاي
شكرا ع الموضوع
ENG:3assoma 12-09-2008, 01:14 PM بالنسبه لموضوع الفيس بوك وفايدته : والله كل حاجه سلاح ذو حدين يعني ممكن يكون مهم لناس وناس تانيه بتضيع فيه وقت فاللي عاوز (عاوزه) يبقى (تبقى) محترم (محترمه) غصب عن الجنس الاخر هيكون محترم ... انما هتقوليلي ليه اساسا نبقى كده هقولك ده الجتمع "لا يغير الله ما بقوم حتى يغيروا ما بأنفسهم".
يا جماعة الفيس بوك مفيد واللة.............. يعني انا كنت طول عمري عيشة برة مصر و لما رجعت قدرت من خلال الفيس بوك الاقي كل اصحابي و اعرف اخبارهم و اكون علي صلة بيهم كمان
يعني ببساطة المشكلة مش الفيس بوك احنا سيبنا الاصل و مسكنا في الفرع
المشكلة ان الولاد و البنات بقي لا عندهم دين ولا بيخافوا من ربنا
JusT DreaM 12-09-2008, 02:16 PM على فكرة الموضوع عادى جدا بس انتى اللى شاغلة نفسك بيه زيادة عن اللزوم
مش شاغلة نفسي بيه اوي على فكرة:d:d:d
عمر ما واحد بيعدى حياتة من غير تجربة اذا كان فى الجامعة فى الشارع او قرايب اى انسان او انسانة بتمر بتجربة وكل واحد بينجح وبيفشل
ايوة طبعا مفيش حد مش بيمر بتجارب بس لازم التجربة بتاعت الولد تكون مع بنت والبنت مع ولد!!!
فى نفس الوقت بدأت الحياة تتغير وتتطور من زمان الناس الكبيرة كانوا بيقولوا ماكانش فى بنات فى الشارع غير قليل اوى وتكون محترمة بجد فى كل حاجة لبس وذوق واخلاق كان الواحد بيعرف يختار الست العاقلة لكن دلوقتى كل حاجة اتطورت والنت بقت اسرع وسيلة انتشار فبقينا ناخد حاجات كتير اوى من الغرب زى اللبس الضيق وتسقيط البنطلون وتطويل الشعر للولاد والبنات تسيب شعرها وتصبغة وتلبس البنطلونات الضيقة وتسقيط البنطلون كمان وغاب كتير من الوعى الدينى بقت الحكاية واسعة شوية واحتمال يبقى مجتمعنا متفكك شوية من قلة الايمان اللى فيه غير التليفزيون بسم الله ماشاء الله مظبطنا ممثلين وممثلات وفضايح وحاجات حلوة كتير من ده فبقت الحكاية كلها اللى شاغلة اى بنت ولتكن نرمين عايزة تتعرف على ولد معاها فى الجامعة او قابلته فى الكافيه وليكن تامر تامر شاف نرمين ونرمين شافت تامر وهكذا نرمين بقت تعمل مقالب فى تامر وسابته عشان رامى شافها واعجب بيها ونرمين اعجبت برامى راح رامى سايبها وشاف ايمان عشان ايمان جلوة واشيك منها فى اللبس
انا تعبت نفسيا من كتر اللخبطة في الاسماء دي:lol::lol:
فى الخر بس عشان انا رغيت كتير من غير فايدة كل واحد بيدور على تفاهة فى الدنيا دى يتعلق بيها
في ناس كتير تحب تكون تافهه
بجد يعني لما تقولها اعملي حاجة تفيدك تشتغل تريقة كل ده عشان هي تافهه اصلا:mad::mad:
وانا مبقولش ان الحب تفاهة بس فى حاجات لازم نعملها الاول مش كل تفكيرنا فى البنت ولابسة ايه وعاملة شعرها فى الخلاط والولد مسقط البنطلون وضارب شعره بجل عايزين نغير شوية عشان كده كله بيلاقى النت دلوقتى افضل وسيلة للتعارف الفيس بووك والهاى فايف والشاتات الكتير اوى اللى بيضيع وقت على الفاضى فى كلام كتير اوى لازم يتقال بس عشان مطولش عليكوا وكل سنة وانتم طيبين .....:d فكروا ببساطة
شكرا على البساطة البسيطة:d:d
3amora 12-09-2008, 02:27 PM شكرا ليكى على التحليل الجامد ده وكل سنة وانتى طيبة... وخليكى بردو بسيطة
JusT DreaM 12-09-2008, 02:29 PM ده شئ بقى عادى فى المجتمع للاسف
يعنى انا جيت فى مره مسحت كل البنات اللى عندى على الفيسبوك
بجد وصلتنى ردود فعل
حسستنى ان انا من المفسدين فى الارض:(
هههههههههه
معلش ربنا يعينك:d:d
بس برده زى ما هتلاقى كده
هتلاقى الكويس زيك برده
اخجلتم تواضعنا:rolleyes:
هتلاقييييييييييييهم كتيير
الله المستعان
شكرا للموضوع:)
شكرا على الرد
نورت الموضوع
Dr.mayson 12-09-2008, 02:30 PM اولا احب احيكى على الموضوع بس احب اقول لحضرتك ان مش كل البنات كده انا اعرف بنات كتير جدااااااا كش بتكلم ولاد بس ياريت ميبقاش المعيار (ياريت تفهمى قصدى )
اما بخصوص الفيس بوك فانا والحمد لله مش مشتركة فيه اصلا انا شوفت قريبى وهما بيشتغلوا عليه فاسترخمتوا
وانا شايفة ان الانسان سواء ولد او بنت لو فاضى ومش وراه حاجة هتلاقى احتمال غلطوا كبير بس لما يكون شاغل نفسوا بحاجة احتمال غلطوا هيكون قليل لانوا مش هيلاقى اصلا وقت علشان يفكر فى الفيس بوك وغيروا
تقبلى مررورى
ا
JusT DreaM 12-09-2008, 02:36 PM هههههههه
اقولك علي حاجة
انا مسجل علي الفيس بوك عشان لما حد يعمل موضوع زيك اخش اتكلم:d:d
ههههههههههههههه
هدف نبيل اخر للتسجيل في الفيس بوك
ماشاء الله علينا:d:d:d
المهم
اكيد الولاد تقريبا كلهم كدا عايزين يعرفو بنات وخلاص عشان لما يكون مع اصحابه يقولهم ده البت دي ...........:cool:
وكده يعني
وبعدين 15 اضافة مش كتير يعني بتوصل لاكتر من كده:d
الحمد لله:d:d
وبعدين ياستي بنات مين اللي بيدورو علي ولاد
انا بقالي 4 شهور في الفيس بوك مبلقيش بنات بتضيفني يعني ولا حاجة:d:d:d
هههههههههههههههههههههههههههههههههه
يبقى انت ماقريتش اخر كلمة في الموضوع
ان البنات مغناطيس صناعي والولاد هما حته الحديد:d
او
زي ظاهرة الحث المتبادل كده:d:d:d
البنات شغلتها تتقل وبس:d
لا طبعا اوعى حد يفهمني غلط انا بكلم ولاد بس علي الفيس:mellow:
هو الشاب التافه بس هو اللي بيدور علي البنات عشان يكلمهم
بس في ناس محترمة مش بيهمهم هما بيكلمو ولد ولا بنت
وربنا يهدي
شكرا على الرد الجميل
نورت الموضوع :)
EnG.BeLaL 12-09-2008, 02:46 PM هي الدنيا بقت كده خلاص عشان كده غضب علينا بيزيد كل يوم
و إحنا عمالين نصوت و كل يوم مصيبة و بيقلولك ليه كل ده ده غضب ربنا
حسبنا الله و نعم الوكيل
JusT DreaM 12-09-2008, 07:39 PM انا برده سجلت ع الفيس بوك
سجلت بايميل مش بفتحه
وبرده جالى اضافات كتير جدا
على فكرة انتي ممكن تخلي ايميلك انفزبل
لو عاوزة تعرفي ازاي ابقى ابعتيلي وانا اقلك
انا سجلت فيه بس عشان اعرف هو عباره عن ايه افهمه
عشان لما حد يتكلم عنه ابقى عارفه عباره عن ايه
انا الصراحه مستفدش منه وحسيت انه ملوش لازمه
هو الصراحة فيه حاجات مفيده
انا اتركت في جروبات حلوة بتبعتلي رسايل عالميل
يمكن انا اللى معرفتش اتعامل معاه صح .... الله اعلم
ممكن
وللاسف
بقى معظم الناس لا يملكه غير انهم يقولوا
ده بقى شيء عادى فى مجتمعنا
ربنا يهدينا يارب ويصلح حالنا
امين يارب
شكرا على ردك الجميل
نورتي الموضوع:)
JusT DreaM 12-09-2008, 07:58 PM انا عن نفسى مفكرتش اعمل ولا حعمل
؟؟؟؟؟؟؟
و فيه ناس قالتلى اعمل اكونت بس صراحه ملقتلهاش فايده خالص
و اديكى شايفه اللى بيحصل
استخدام غلط ميه فى الميه
لبعض الناس وكمان مش بيكون ميه في الميه غلط لان الفيس بوك زي مافيه الحلو فيه الوحش
وكمان انتي ممكن تخفي ايميلك وتعملي اجنور لاي حد عاوز يضيفك عالفيس بوك
زي مانا بعمل:cool:
و اللى بيبتدى حلو بينتهى الحمد لله كده
كده ايه:huh::huh:
بس العمليه من الاول اننا متعلمناش ازاى نستخدمه صح
و شكلنا كده محتاجين قرن عشان نتعلم
عندك حق في الكلمة دي:d
فى رعايه الله
شكرا على ردك
نورتي
JusT DreaM 12-09-2008, 08:00 PM غالبا الكل بيقول كده بس برده الكل غلط وفى دماغه انو هو الصح
لكن نتمنى من ربنا يهدى الجميع
امين
شكرا على ردك الجميل:)
د/ ماجدولين 12-09-2008, 08:15 PM أية دة يا بنتى
الصراحة أنا من سنة كدة كانت كل معلوماتى عن الفيس بوك
أنة موقع عالمى الناس بتحط الصور بتاعتها فية وبسhttp://img90.imageshack.us/img90/7916/rollingmx2.gif
!!!!!!!!!!!!!!!!!!!!!!!!!!!!!!!!!
مش اسمة الفيس بوكhttp://img90.imageshack.us/img90/4859/w6w200504111350386a5831sv1.gif
وبعدين بقى ربنا فتح عليا وفهمت:eek:
عموما اى حاجة فيها الكويس والوحش
بس احنا نختار وننقى
وبالنسبة لموضوع الإيميلات دة
اعملى زى أختك واعملى ايميلك بأسم ولد:d:cool:
اة صحيح
بمناسبة ان الولاد والبنات مش بيفكروا غير فى بعض:(
فدة يا بنتى نتيجة أنهم دماغهم فاضية ^_^:huh:وبيسمعولهم كام أغنية كدة
فعاوزين يعيشوا فى الدور مش أكترhttp://img205.imageshack.us/img205/9735/gara7jj3.gif
وعلى فكرة أنا سمعت كدة ان الحكومة عاوزة تمنع الموقع دة بسبب اللى حصل فى ستة ابريل:cool:
JusT DreaM 12-09-2008, 08:21 PM السلام عليكم ورحمة الله وبركاته
وعليكم السلام
انا سجلت فيه عشان هدف اسمى وانبل :rolleyes:
المنظره يعنى ;)عادي عادي
:d:d:d
انا كنت مسجله فيه عشان
لعبه بيتنافس فيها ناس ع مستوى العالم
كنت بشوف مستوى ذكائى
وكان الله بالسر عليم ^_^
هههههههه
كويس اني معرفتش حكاية اللعبه دي
والامكنتيش هتلاقيني ادامك دلوقت
الحمد لله:d:d:d
لقيت في حدود15 اضافه كده وممكن اكتر:huh::huh::huh:
ههههههههههه 15 انا اخر مره فتحته لقيت 63 :d عملت اجنور لكام شخصيه وقفلت
انتي تقصدي الفيس بوك
انا اقصد الميل نفسه
اما بتوع الفيس بوك دول ولا عبرتهم
ولسة ماتصرفتش معاهم لحد دلوقت:cool:
وانا من ساعت مقريت ردك وانا بسأل نفسي البت دي عدتهم ازاي وعرفت انهم63
بس دلوقت فهمت:d
عرفتي ليه انا مش عايزة ادخل اللعبه:lol:
الغريب في الموضوع ان كلهم ولاد مفيهموش ولا بنت:(:(
اها كانو 15 بنت والباقى مفس الكلام
كويس اوي
يابختك:d:d
هدفي من الرغي الكتير اللي فوق ده سؤال محيرني
ياريت :)
ليه الولاد مش بتهتم غير بالبنات؟؟ والبنات نفس الكلام
ليه الولاد وهما ماشيين في الشارع مش بيبصو غير عالبنات مهما كانت البنت محترمة؟؟؟
مش كله ده اول حاجه
طبعا مش كله بس كتير اوي من جيلنا:(:(
ثانيا هو مش اهتمام دى ناس فاضيه مش وراها حاجه
يعني احنا كده بنطبق مثل "الممنوع مرغوب"؟؟؟
ولا ايه بالظبط!!!!
اها هو تقريبا كده
انا اعرف بنات بتدخل النت مخصوص عشا تشيت مع ولاد
يعني هحكيلكو على موقف:d
واحدة صحبتي اتصلت بيا مرة في التليفون وقعدنا نرغي مع بعض كتير
وفي الاخر القيها تقولي انا متصله بيكي في طلب
قولتلها اطلبي ;)
قالتلي عاوزاكي تفكري معايا في اسم بنوتي دلوع كده على زوقك
فانا قولتلها على اسم مطربه من باب التريقة^_^
لقيت البت فرحت اوي وبانت الفرحة في صوتها بجد
وتقولي انا قولت مش هيجيبها غيرك انتي
قولتلها فيكي ايه يابت انتي سخنه ولا حاجة:confused::confused:
قالتلي لا اصل انا كنت عاوزة ادخل الشات واختار اسم حلو كده عشان الولاد يكلموني:huh::huh:
ربنا يهدى .. تبقى واحده تعمل كده معايا وهتلاقى التيليفون اترزع فى وشها
ياجااااااامد:cool:
اولا الشخصيات دى بتحاول انها تجذب اى حد بطريقه مصطنعه
سواء اسم او غيره
بتحاول تستخبى وراه عشان حد يقلها كلمتين
وهى عارفه انها مش حقيقه
وساعات بتقنع نفسها انه حقيقةوالكلام ده بيتقالها هي :(
بس اهو
حد يحسسها انها محبوبه وخلاص
لدرجة ان تيجي واحده تقولي انا هلبس اللي عالحبل النهارده عشان انا رايحة الحته الفلانية وانا رايحاها في الطريق بيكون الواد.....واقف في الحته دي هو وصاحبه عشان يشوفني حلوة ويعجب بيا:(:(:(
والله الحاجات دي بتحصل
والله دول عالم فاضيه بجد اى واحده بتفكر كده تبقى تافه ولا تستحق ان يكون ليها اهل حتى
لان اهلها اللى تعبو فى تربيتها وتعليمها
يكون كل تفكيرها
انها تلفت نظر حد
بس هو ممكن يكون نقص
يعنى مثلا نفسها تكون محبوبه او يعنى الناس تشاور عليها
ودى بتكون مريضه
او مثلا سنها كبر ومتجوزتش وعاوزه اى حد
ودى بردو مريضه
لان البنات مش سلع للتجاره او للبيع
بجد مفيش رد بعد كلامك ده
بس بجد عاوزة رأيكو لان الموضوع ده شاغلني اوي
ولا يشغلك ولا حاجه كبرى دماغك مجرد التفكير فى مجموعه من الشباب التافه مضيعه للوقت المشكله فى كيفيه الاصلاح
واعتقد انها بقت صعبه
فى زمن اتغيرت فيه المبادىء
كل ده ناتج عن الفراغ الوقت الفاضى اللى ضايع ع الارض محدش عارف انه هيتحاسب عليه
على فكره ده بيبقى في ايام الامتحانات وفي اي وقت وفي الاخر الواحده تطلعلك فيهم بالـ99%
معرفش ازاي:mellow::mellow:
او بحث عن السعاده بطريقه غلط
ممكن دي
برنارد شو بيقول الطريقه الوحيده لتجنب التعاسه ان لا يكون عندك وقت تفكر فيه فيما اذا كنت سعيدا ام لا
الموضوع عارفه انه مش ع السعاده بس هو الوقت لو ل واحد يشغله بشكل كويس
لا الولاد هيفكرو فى البنات ولا العكس كل واحد هيشوف مصلحته
عندك حق
بس لو شوفتي الولاد والبنات ايقي قوليلهم كده:d
شكرا على ردك الجميل
نورتيني ياقمر:)
prof.wessam 12-09-2008, 08:22 PM انا برده كل الاستضافات من ولاد بس
بس انا برفضها وبدور علي بنات استضافهم
وانا حمد لله مش عني ايميل لأي اولاد.............وعايزة احافظ عالموضوع بجد
JusT DreaM 12-09-2008, 08:25 PM أنا مسجل على الفيس بوك وعندى اكونت لكن مابقربش منه أصل بخاف بعد ماتقبض على البنت بعد أحداث أضراب ابريل .... حسين انه متراقب أصل أنا جبان:lol: بس الحقيقة أنا دخلت وسجلت عليه لمجرد أنى أقول للناس أنى عندى اكونت على الفيس بوك لكن مابكلمش حد فيه ولا باشترك فى جروبات أصلى بحب المنظرة:d
ههههههههههههههه
بسم الله ماشاء الله
انا بجد فخورة بينا:d:d
وبالنسبة لموضوع القبض عليك ده مش بيحصل دايما
بس لما تعمل اضراب ممكن يفكرو يقبضو عليك:d
شكرا على الرد
JusT DreaM 12-09-2008, 08:29 PM يا بنتى ده بقى العادى لا حول ولا قوة الا بالله
انا سمعت ان واحد حاول يكلم بنت
بس البنت كانت رافضة تماما
راح الواد بيقول هى بتتنك على ايه
ما البنات مترمية عالفيس بوك مستنين حد يكلمهم
عشان كدة مبحبش الفيس بوك ولا عايزة ادخله
المشكلة ان الحكاية دى بقت فى كل حتة
ربنا يعافينا
على فكره الفيس بوك مفيد برده
ده من وجهه نظري
انا بتوصلي منه رسايل عالميل بستفيد منها حتى من غير ماضطر اني افتح السايت نفسه
شكرا على ردك الجميل
نورتي الموضوع:)
JusT DreaM 12-09-2008, 08:40 PM معلش هرد تانى:)
ردي تاني وتالت
ولو عاوزة تردي عاشر كمان
تنوريني ياقمر:):)
هى المساله فى الفكر الغلط ليه البنات تكون غايه يعنى الموضوع مش مستاهل زى مانتى قلتى الممنوع مرغوب
والمساله مش مساله الفيس بوك المشكله فى اللى بيستخدموه
اى حاجه فى الدنيا ممكن تكون وحشه وحلوه
القلم مثلا ممكن تكتبى بيه مقاله كويسه وممكن تضربى بيه صاحبتك
انا دلوقت اتأكدت انك جااااااااامده
ماشاء الله عليكي;)
فى جمله كميله لواحد اسمه باسكال معرفوش والله :) بس الجمله دى حلوه
عظمه النفس الانسانيه فى القدره ع العتدال لا فى قدرتها ع التجاوز
بقت وجه نظر الناس حاليا هى ان عظمه النفس فى القدره ع التجاوز وده تفكير شاذ بكل المقاييس
شكرا على ردك الجميل لتاني مرة:d
JusT DreaM 12-09-2008, 08:47 PM اولا انتى هتلاقى فى كل حتة الكويس والوحش سواء كان فيس بوك او غيرة
وفعلا انا بداية اشتراكى فى الفيس بوك جت بان انا سمعت عنة كتير جدا فجربت واشتركت فية وفعلا بايميل يكاد يكون مهمل عندى
هو اسبوع ولقيت عندى 65 اضافة ووالله كلهم اولاد فانا النوع دا مابيمشيش معايا بحس انة نوع اهبل فقولت استفاد من الفيس
بوك دا فابتديت اعمل سيرش على الناس اللى فى كليتى وبجد اتعرفت على بنات واولاد بس بغرض معين انى لسة فى اولى
جامعة فكنت عايزة اجمع معلومااات كتيرة اوى عن كليتى
بصى انا طولت .. تقدرى تقولى كدة ان الفيس بوك سلاح ذو حدين اللى عايز يستخدمة بالحد الضار هيستخدمة والعكس صحيح
جبتي المفيد ياقمر
شكرا على ردك الجميل:)
JusT DreaM 12-09-2008, 08:51 PM طيب عارفه بقى انا الموضوع ده استفزني فترة وكنت بدخل شات وبحاول الاقي بنت تتكلم معايا ولما الاقي بقى اول ما يعرفوا اني بنت البلوك بقى والايجنور ومعلش اصل انا هقفل ومرة واحده قالتلي على فكرة انتي لما تدخلي تكلمي اي بنت ممكن اي حد ياخد عنك فكرة وحشة ؟؟!!
ههههههههههههه
حلوة فكرة وحشة دي:d
بعدها الحمد لله عرفت ان ديه بنات فاضية فعلا
شكرا على ردك:)
JusT DreaM 12-09-2008, 08:54 PM ربنا يهدي الجميع
اميييييين
شكرا على الرد
JusT DreaM 13-09-2008, 10:07 AM دا العادى يعنى إن البنت تنجذب للولد والولد ينجذب للنبت
لأن بمنتهى البساطه دى الفتره
اللى إحنا إتخلقنا عليه
على الأقل دا من وجهة نظرى
:(:(:(:(:(
لا انا مش مقتنعة خالص بحكاية الفطرة دي
لان لو كانت فطرة كان كل واد في الدنيا انجذب لكل بنت يشوفها
والبنات كده برده
وكانت الدنيا خربت:mad:
هي ممكن تكون تربية
لان في ناس كتير مش بيهمهم هما بيتعاملو مع مين
ولاد بنات
كله عادي بالنسبة ليهم
كلهم اخواتهم
وده مش بيبقى له علاقة بالدين
المتدينين بقى بيحطو حد لعلاقتهم مع الناس اللي بتتعامل معاهم
وبردو مش بيفكرو اصلا مين اللي بيكلموه بنت ولا ولد
لكن فيه ناس إنجذابهم بيزيد حبتين أو بمعنى أصح مبيقدروش لا يتحكمو فى شهواتهم ولا غرائزهم
بالمختصر المفيد
" الشىء لما بيزيد عن حده بينقلب لضده "
وكل مكان زى ما فيه الكويس فيه الوحش وصوابعك مش زى بعضها
وطول ما إحنا عايشين وبنتنفش فى الدنيا دى هنشوف فيها العجب فيه مننا بيتعلم وبيعرف الصح والغلط
وفيه بيعيش ويموت وهو عايش فى الغلط
دى سنه الحياه
ومش هتقدرى تغيرها
وفى الآخر بنلعن فى الزمن مع إن الزمن هو اللى المفروض يلعن فينا
ده كلام مقدرش اقول عليه حاجة الصراحة;)
آسف إنى خرجت ودخلت من موضوع لموضوع بس صدقينى إجابة أسألتك مش هتلقيها لأن دى فطرتنا
إحنا إتخلقنا كده فى صراع دائم بين الخير والشر
ياترى فينا هينتصر ولا هيكون الصوت الأعلى للشر دا سؤال مش هتقدرى تجاوبى عليه غير فى نهايه حياتك
وفى النهايه
ربنا يهدى الجميع
شكرا على ردك الجميل
بس ارجع واقول عمرها ماكانت فطرة ولا هتبقى فطرة
وده برده من وجهه نظري
نورت الموضوع:)
JusT DreaM 13-09-2008, 10:10 AM صرااحة الفيس بوك للناس الفااضية ..
بالعربي لما تقرري تكلمي اولاد .. ملكيش مكان غير الفيس بوك ..
وبعدين تعالي .. انتي اساسا ليه قبلتي الاضافااات .. ^_^ .. ؟!
وطبعا البنت المتربيه ملهاش مكان هناك << عاشت الجو ..
موضوع مرا حلو ..
اخـــــ a7la dody ـــتك ..
والله انتو واخدين فكرة غلط خالص عن الفيس بوك
هحاول اصلحها في يوم من الايام;)
مافيهاش حاجة لما حد يضيفك وتعمليله اجنور
شكرا على الرد
JusT DreaM 13-09-2008, 10:27 AM ههههههههههههههه...موضوع فعلا جميل...بصي ياستي...جربي كدا تدخلي علي الياهو بايميل بنت علي الشات....هتلاقي 3 مليار شاب عاملينلك اضافات.....ولو حاولتي تقنعي فيهم انك مش بنت هيقولولك لا انتي بنت ولازم تردي...دي مشكله مجتمعنا الشرقي كله ...لأن بجد (((الممنوع مرغوب ....)))....
وانا اكدب ليه من الاصل واقول ان انا مش بنت
احنا مندخلش احسن:d
شكرا على ردك الجميل
نورت الموضوع
JusT DreaM 13-09-2008, 10:30 AM اولا بالنسبة ان البنت بتخلي الولد يعجب بيها
دا بيكون عن البنت الفاضية اللي مش وراها
حاجة عشان كدا تقعد تحلم ومش عارف ايه
والولد نفس الحكاية ودا بقي بيرجع للتربية الصح
اما حكاية الفيس بوك انا اعرف بنات ملتزمة اوي
وف كليه فمه وبتدخله عشان الكلية بتاعتهم
ومش بيهما حاجة وحتي لو حد
عايز اضافه ممكن ترفضي كل واحد عارف هو بيتصرف
ازاي
شكرا ع الموضوع
صح كلامك
شكرا على الرد الجميل
نورتيني:)
JusT DreaM 13-09-2008, 10:32 AM يا جماعة الفيس بوك مفيد والله.............. يعني انا كنت طول عمري عيشة برة مصر و لما رجعت قدرت من خلال الفيس بوك الاقي كل اصحابي و اعرف اخبارهم و اكون علي صلة بيهم كمان
يعني ببساطة المشكلة مش الفيس بوك احنا سيبنا الاصل و مسكنا في الفرع
المشكلة ان الولاد و البنات بقي لا عندهم دين ولا بيخافوا من ربنا
هو ده اللي نفسي اوصلهلهم والله
شكرا على ردك
JusT DreaM 13-09-2008, 11:11 AM شكرا ليكى على التحليل الجامد ده وكل سنة وانتى طيبة... وخليكى بردو بسيطة
وحضرتك طيب
نورت الموضوع:)
JusT DreaM 13-09-2008, 11:13 AM اولا احب احيكى على الموضوع بس احب اقول لحضرتك ان مش كل البنات كده انا اعرف بنات كتير جدااااااا كش بتكلم ولاد بس ياريت ميبقاش المعيار (ياريت تفهمى قصدى )
اما بخصوص الفيس بوك فانا والحمد لله مش مشتركة فيه اصلا انا شوفت قريبى وهما بيشتغلوا عليه فاسترخمتوا
وانا شايفة ان الانسان سواء ولد او بنت لو فاضى ومش وراه حاجة هتلاقى احتمال غلطوا كبير بس لما يكون شاغل نفسوا بحاجة احتمال غلطوا هيكون قليل لانوا مش هيلاقى اصلا وقت علشان يفكر فى الفيس بوك وغيروا
تقبلى مررورى
ا
عندك حق
شكرا على الرد
نورتيني:)
JusT DreaM 13-09-2008, 11:16 AM هي الدنيا بقت كده خلاص عشان كده غضب علينا بيزيد كل يوم
و إحنا عمالين نصوت و كل يوم مصيبة و بيقلولك ليه كل ده ده غضب ربنا
حسبنا الله و نعم الوكيل
شكرا على الرد الجميل:)
JusT DreaM 13-09-2008, 11:23 AM أية دة يا بنتى
الصراحة أنا من سنة كدة كانت كل معلوماتى عن الفيس بوك
أنة موقع عالمى الناس بتحط الصور بتاعتها فية وبسhttp://img90.imageshack.us/img90/7916/rollingmx2.gif
!!!!!!!!!!!!!!!!!!!!!!!!!!!!!!!!!
هههههههههههههه
كويس
ده انا من سنة لو كنت سمعت الاسم ده كنت هقول ايه كتاب الوجه ده:d:d:d
مش اسمة الفيس بوكhttp://img90.imageshack.us/img90/4859/w6w200504111350386a5831sv1.gif
وبعدين بقى ربنا فتح عليا وفهمت:eek:
عموما اى حاجة فيها الكويس والوحش
صح;)
بس احنا نختار وننقى
وبالنسبة لموضوع الإيميلات دة
اعملى زى أختك واعملى ايميلك بأسم ولد:d
هههههههههههههههههههههههه
جديده:cool::cool:
:cool:
اة صحيح
بمناسبة ان الولاد والبنات مش بيفكروا غير فى بعض:(
فدة يا بنتى نتيجة أنهم دماغهم فاضية ^_^:huh:وبيسمعولهم كام أغنية كدة
فعاوزين يعيشوا فى الدور مش أكترhttp://img205.imageshack.us/img205/9735/gara7jj3.gif
وعلى فكرة أنا سمعت كدة ان الحكومة عاوزة تمنع الموقع دة بسبب اللى حصل فى ستة ابريل:cool:
حلوة دي
تمنع الفيس بوك عشان اول مرة يعملو حاجة صح فيه
ومتمنعوش عشان قلة الادب اللي بتحصل فيه
وعجبي!!!
شكرا على ردك الجميل
نورتيني:):)
JusT DreaM 13-09-2008, 11:33 AM انا برده كل الاستضافات من ولاد بس
بس انا برفضها وبدور علي بنات استضافهم
وانا حمد لله مش عني ايميل لأي اولاد.............وعايزة احافظ عالموضوع بجد
شكرا على ردك
وان شاء الله تقدري تحافظى على كدة:)
meme soso 13-09-2008, 01:49 PM الموضوع جرىء وجميل 0
سكيتر 16-09-2008, 03:38 PM الموضوع حلو كتير والاسلوب احلى
وفعلا دلوقتى اغلب اهتمامات الشباب عموما اولاد او بنات
الطرف الآخر يعنى كله بيفكر فى بعضه وده ممكن يبقى عادى
بس اللى مش عادى انه ميبقاش حاجة شاغلة التفكير غير ده
بس انا شايف انك جيتى ركزتى ع الصحبة واتكلمتى ع الفيس بوك رغم
ان مواقع الشات اللى زى الفيس بوك كتير اووى
او كان ممكن تتكلمى من ناحية تانية غير الفيس بوك
بس الموضوع حلو وجدير بالنقاش وتسلم إيدك
تحيتى
عبدالله القديمي 16-09-2008, 04:49 PM http://vb.arabseyes.com/uploaded/43101_1210284252.gif
أحمد بلما 16-09-2008, 05:23 PM الرد علي الموضوع ده موجود في قول الرسول صلي الله عليه وسلم : اذا لم تستح فافعل ماشئت
وبما ان الحياء انعدم في مجتمعنا ولا حول ولا قوة الا بالله ....
فطبيعي جدا انك تلاقي الولاد اللي بتموت نفسها عشان تكسب نظرة رخيصة من فتيات لا يعرفن عن الالتزام أو الحياءشئ
وكذلك فتيات بيعملوا في انفسهم اللي مايعمل عشان يعجبوا الشباب الضايع اللي بيدور عليهم
وانا لله وانا اليه راجعون
No_Way 20-09-2008, 03:36 PM ربنا يهدي جميع فتيات وشباب المسلمين
ويرحم موتى المسلمين
JusT DreaM 20-09-2008, 05:02 PM الموضوع جرىء وجميل 0
http://vb.arabseyes.com/uploaded/43101_1210284252.gif
شكرا على الرد:)
JusT DreaM 20-09-2008, 05:06 PM الموضوع حلو كتير والاسلوب احلى
جزاك الله خيرا
رفعت معنوياتي:d
وفعلا دلوقتى اغلب اهتمامات الشباب عموما اولاد او بنات
الطرف الآخر يعنى كله بيفكر فى بعضه وده ممكن يبقى عادى
بس اللى مش عادى انه ميبقاش حاجة شاغلة التفكير غير ده
بس انا شايف انك جيتى ركزتى ع الصحبة واتكلمتى ع الفيس بوك رغم
ان مواقع الشات اللى زى الفيس بوك كتير اووى
او كان ممكن تتكلمى من ناحية تانية غير الفيس بوك
انا اتكلمت عالفيس بوك كمثال
لان اللي بيحصل في افيس بوك بيحصل في معظم مواقع الشات
واللي بيحصل في المواقع دي بيحصل عي الحياه العادية
بس الطريقة بتختلف....;)
بس الموضوع حلو وجدير بالنقاش وتسلم إيدك
تحيتى
شكرا على الرد الجميل
نورت الموضوع:)
JusT DreaM 20-09-2008, 05:08 PM الرد علي الموضوع ده موجود في قول الرسول صلي الله عليه وسلم : اذا لم تستح فافعل ماشئت
وبما ان الحياء انعدم في مجتمعنا ولا حول ولا قوة الا بالله ....
فطبيعي جدا انك تلاقي الولاد اللي بتموت نفسها عشان تكسب نظرة رخيصة من فتيات لا يعرفن عن الالتزام أو الحياءشئ
وكذلك فتيات بيعملوا في انفسهم اللي مايعمل عشان يعجبوا الشباب الضايع اللي بيدور عليهم
وانا لله وانا اليه راجعون
انا بجد مش عارفة اضيف اي كلمة بعد اللي حضرتك قولته
جزاك الله خيرا
نورت الموضوع:)
ربنا يهدي جميع فتيات وشباب المسلمين
ويرحم موتى المسلمين
آمييين
_safa_ 20-09-2008, 08:42 PM انا اولا عيزه اشكرك على فتح الموضوع المهم ده
اما الموضوع فانا الى أقدر اقوله اللهم احفظ واهدى شباب وبنات امنتنا قولو امين
amoula adel 20-09-2008, 08:50 PM طيب يا جماعه انا بدور على اى بنات اكلمهم ومش لاقيه ياريت لو ممكن تبعتوا لى ايميلاتكم ونتبادل الصداقات
|