اخر امل لى ردكم [الأرشيف] - بوابة الثانوية العامة المصرية

marwa.m

11-09-2008, 09:35 PM

Dr|shereen

11-09-2008, 09:42 PM

بصى يا مروه انا زيك فى تالته علمى علوم المهم ممكن يكون العيب من المدرس هو اللى مبيعرفش يوصل المعلومه وبعدين الفيزياء غير الكيمياء الكيمياء ممكن تحفظيها وسهل تفهميها لكن الفيزياء حاجه تانيه وكلنا عارفين انها شبح الثانويه العامه وانها محتاجه مذاكره شديده جداااا فانتى حاولى تغيري المدرس لو شايفاه مش كويس يمكن يكون هو اللى ملخبطك

د/ ماجدولين

11-09-2008, 10:05 PM

انا بدأتها من باب الكهربية

!!!!!!!!!!!!!!!!!!!!!!!!!!!!!!!!!!!
ازاااااااااااى يا بنوتة كدة؟؟؟؟؟؟؟؟؟؟:eek:
أنتى كدة بتعقدى نفسك:confused:
أذا كان احنا اتعقدنا من الصوت والضوء:(
تقومى تخشى أنتى كدة ع الحث بأنواعة وقانون أوم والأجهزة الكهربائية عدل
طب على آى أساس؟؟؟؟؟؟؟؟؟؟؟http://img111.imageshack.us/img111/1429/w6w200504111350386a5831wc9.gif
بصى
الفيزياء لازم نمشيها بترتيب كتاب المدرسة
لأنة كويس كدة:)
الكهربية كويسة جداااااااااااااا على فكرة
ومسائلها غاية فى الرووووووووووووعة والجمااااااااااااااال
بس لما تكون فى وقتها المناسب
مش تبتدى بيها كدة
ونعمل زى اللى بدأو الكيمياء بالعضوية
يا بنتى والله العظيم
الفيزياء من أروووووووووووع المواد (برغم اللى حصلى فيها:d)
بس أنتى حبيها بجد وابتديها صح
بالنسبة بقى لمذاكرة الفيزياء
أنتى يا ستى
اليوم اللى هتاخدى فية الدرس
ترجعى كدة زى الشطورة وتذاكرى اللى خدتية فى نفس اليوم
وبعد كدة يا حبى
تقسمى الواجب والمسائل خلال أيام الأسبوع
وحاولى كدة تلمى المنهج كل شوية
خلصتوا فصل أو باب.........ذاكرية كلة على بعضة;)
ومش تكتفى بمسائل المستر
لأ حلى كتيييييييير ع قد ما تقدرى
ومش تهتمى بالمسائل وتهملى النظرى من التجارب و الإثبتات وخلافة.........أوكى
بالنسبة للكتب
كتاب الإمتحان
راااااااااااااااااااااائع
وأسئلتة متدرجة .........دة غير أنة بيجيب أسئلة كتاب الوزارة وكتاب المدرسة
وبيعمل تلخيصات للقوانين وكدة
وحلى ع قد ما تقدرى,,,,,,,,من أى مصدر:)

marwa.m

11-09-2008, 10:08 PM

شكرا على ردك المريح يادوكتورة والاستاذ هوالى اختار الباب دة

Dr.Nobel

11-09-2008, 10:21 PM

انا بدأتها من باب الكهربية
ليه كده
دي جريمة في حق الفيزيا والله

حرام علي المدرس بجد

بس انتى اساليه هو ليه بدأ بالكهربية ايه وجهة نظره يعني

هي اه الكهربية حلوة ولذيذة بس مش تخديها في الاول

معقول واحدة جايبة فى الكمياء 50 مش عارفة تعمل حاجة فى الفيزيا

اوعى تقولي كده تانى اوووووووووووووووعي

متقيسيش نجاحك في مدي بانك لازم تنجحي في مادة تانية

عمر ماواحد نجح في العربي يبقي لازم ينجح في الفرنساوي

هل ستكون الفيزيا العائق بينى وبين الكلية الى نفسى فيها

اوعي تقولي كده
انا بفرح لما الاقي عقبات عشان اعديها واثبت انى ناجح واقدر انجح كمان

وحكاية المذاكرة د/ ماجدولين قالت كلام كويس جدااااا

بس انا مختلف معاها في كم نقطة
انا بفضل انك لو رجعتي من الدرس تذاكري وتحلي مسائل كمان لان الحل نصف المذاكرة

واه تحلي مسائل كتييييييييييييييييييييييييير بس في مسائل ملهاش لازمة وهتحسي بكده لان ساعات اللي بيحط الكتاب الخارجي بيسرح بدماغه وبينسي انه بيحط مسائل لطالب
انا بقول كده لان في ناس لو دخلت في مسائل معقدة اوى زي ده بتتشتت
لو انتى مش من دول يبقي حلي ياستي ولا يهمك
وان شاء الله تحققي اللي انتى عايزاه

وحبي الفيزيا عشان هي تحبك

انا اسف انى رديت يعني بس مش قادر امسك نفسي :d

د/ ماجدولين

11-09-2008, 10:21 PM

شكرا على ردك المريح يادوكتورة والاستاذ هوالى اختار الباب دة
عارفة يا بنتى
باب الكهربية دة بيبقى علية أكبر درجات فى الإمتحان
وهو والله باب هايف جدااااااا
بس بجد مش ينفع فى الأول:confused:
لو أنتى مقتنعة بمدرسك وقادرة تيجى على نفسك............خلااااااااااااص
لكن لو مش قادرة...........روحى لواحد تانى بيمشى الفيزياء زى خلق الله:)
أو ناقشية وقوليلة أنة كدة مش ينفع:(
أنا يا بنتى
مدرس الكيمياء فى تانية قالى هبتدى بالعضوية
قلتلوا...............مع السلامة^_^
كتاب المدرسة بجد ترتيبة كويس......ومتدرج.........ومترتب على بعضة
بلاش تعقدى نفسك من البداية
معلش ع التدخل مرة تانية
بس بجد ..........أنا اتضايقت جدااااااااا:confused:

marwa.m

11-09-2008, 10:26 PM

[center]انا اسف انى رديت يعني بس مش قادر امسك نفسي :d

ميرسى يادكتور على الرد المشكلة انى بذاكر واجى احل المسائل الاقى المحصلة صفر

marwa.m

11-09-2008, 10:29 PM

د/ ماجدولين شكرا على الرد مرة تانية
انا عايزاكى تقوليلى مفاتيح مذاكرة باب الكهربية وميرسى قوى على اهتمامك وربنا يوفقك انتى من الشخصيات المحترمة

د/ ماجدولين

11-09-2008, 10:34 PM

وحكاية المذاكرة د/ ماجدولين قالت كلام كويس جدااااا

بس انا مختلف معاها في كم نقطة
انا بفضل انك لو رجعتي من الدرس تذاكري وتحلي مسائل كمان لان الحل نصف المذاكرة
حضرتك عندك حق فى الجزئية دى بجد
الحل مهم.........بس أنا اتضايقت بجد من ان حد يبدأ الفيزياء بالكهربية^_^ واتكلمت عن نفسى:cool:
بصى يا مروة.......أنا كنت برجع من درس الفيزياء الساعة تسعة بالليل........فكنت بذاكر اللى عليا بالعافية وأنام علطوووووووول
وتانى يوم لازم أحل مسائل.........لأن فى حاجات معينة فى الشرح المدرس بيقولها ومش بتبقى مكتوبة
وطبعا أنك تحلى وتذاكرى بعد الدرس أكييييييييد أفيد
شكرا يا دكتور:)
ومعلش يا مروة.............جانبنى الصواب هنا:confused:

واه تحلي مسائل كتييييييييييييييييييييييييير بس في مسائل ملهاش لازمة وهتحسي بكده لان ساعات اللي بيحط الكتاب الخارجي بيسرح بدماغه وبينسي انه بيحط مسائل لطالب
انا بقول كده لان في ناس لو دخلت في مسائل معقدة اوى زي ده بتتشتت
لو انتى مش من دول يبقي حلي ياستي ولا يهمك
وان شاء الله تحققي اللي انتى عايزاه
دكتور.........معلش بقى
متعة الفيزياء......فى مسائلها المكلكعة بجد:d
لما تقعد تفكر فى المسألة ساعة ..........وبعدين تقول
وجدتها وجدتها:) ساعتها......نحس أننا بندرس فيزياء بجد
وبعدين كمان تدرج الأسئلة أكيد بيهيأنا لحاجة زى كدة
لكن لما أقعد أحل مسألتين عاديين كدة.....بقى أية الفايدة؟
هو حضرتك نسيت امتحاننا ولا أية؟؟؟؟؟؟؟:confused:

عذرا على التدخل للمرة التالتة:d

Dr.Nobel

11-09-2008, 10:40 PM

هو حضرتك نسيت امتحاننا ولا أية؟؟؟؟؟؟؟:confused:

عندك حق

انا اول السنة دخلت الاولمبياد واتعقدت وقعدت اعيط واخر السنةلقيت الامتحان كله اولمبياد
ههههههههههههههه:d

عذرا للتدخل تانى مرة

هو التدخلات اخرها كم؟؟؟؟؟؟؟؟؟:d:d:d

د/ ماجدولين

11-09-2008, 10:50 PM

د/ ماجدولين شكرا على الرد مرة تانية
انا عايزاكى تقوليلى مفاتيح مذاكرة باب الكهربية وميرسى قوى على اهتمامك وربنا يوفقك انتى من الشخصيات المحترمة
بصى يا بنتى
انا هرد ع اساس واحد مذاكر الموجات والموائع والحرارة:p
لكن حد لسة بيسمى فى الفيزياء..........مش عارفة بجد إذا كنت أقدر أفيدك:confused:
بصى يا قمر
الباب التاسع
بيكلم عن شوية تعريفات هبلة وقانونى أوم وتقريبا واحد اسمة كيرشوف ان لم تخنى الذاكرة:d
هنا بقى بتحفظى التعريفات بعد ما تفهميها
وطبعا بيبقى فى تشابهات طفيفة كدة
زى تعريف فرق الجهد والقوة الدافعة الكهربية وكدة
وطبعا قوانين الفصل دة سهلة ومباشر الى حد ما
واهم حاجة بقى فى الفصل دة هى الدوائر الكهربية
يعنى لما يقولك لما نقفل المفتاح الفلانى إية اللى هيحصل للمصباح أو الجهاز الفلانى؟؟؟؟؟؟
طبعا بتاخدى كدة تعريف مختصر عن الأجهزة عشان التركيب ع التوالى والتوازى وكدة
وع فكرة ع قد ما الفصل دة صغير واهبل فى الشرح
إلا إنة علية مسائل كتيييييييير فى النماذج
وآخر السنة بيجى دايرة كهربية يا من الفصل دة يا من الفصل ال11
ها يا قمر
قوليلى أكمل بالنظام دة ولا انا كدة بعقدك وأزود المشكلة....... ؟؟؟؟:confused:

marwa.m

11-09-2008, 10:53 PM

قوليلى أكمل بالنظام دة ولا انا كدة بعقدك وأزود المشكلة....... كملى وقوليلى على الفصل العاشر

الشفق الباكي

11-09-2008, 11:02 PM

لالالالالالالالالالالا والله الفيزيا جميله جدا
كنت حباها جدا وانا بذاكرها فى تالته
وياريت وانت بتذكريها متحطيش فى بالك ان الماده دى اللى بتوقع لان اللى بيفكر بالشكل دا بجد بيقع فيها
اوعى تخافى منها ابدا
موضوع بدايتك بتالكهربيه دا غريب جدا اعتقد ان اول حاجه على ايامنا السنه اللى فاتت كانت موجات
وعامه باى حاجه ابتديتى بجد ماتتفرقش الكهربيه جميله جدا جدا جدا هوارخم حاجه بس اخر الفصل التالت فيها
بس والله الفيزيا جميله جدا وملقتش فيها فعلا اى صعوبه وانا فى تالته بالعكس دى بتتذاكر بسلاسه وسهوله دا اسهل من العربى والماده الادبيه اى كان مدى سهولتها
سيبك من موضوع التفكير فى صعوبتها واوعى تقولى لنفسك الامتحان هيبقى صعب عشان ماتترعبيش
الامتحان عمره مابيكون صعب الاعلى اللى خايف اعم حاجه التركيز وصدقينى مع اقل مذاكره وحل كويس بتقدرى تلمى المنهج بسهوله شديده
وصدقينى حلوووه اوى واوعى تخافى تانى ياقمر

الشفق الباكي

11-09-2008, 11:05 PM

وفعلا الدكتوره ماجدولين بتتكلم حلووو اوى لان فعلا الباب التاسع
ر حلووو اوى اهم حاجه تفهمى توصيل المقاومات وحلى كتير ياقمر وشوفى امثله محلوله وهتلاقى الموضوع اسهل مماتتصورى

Hamset_Etab

11-09-2008, 11:12 PM

انا الحمد للة جايبة مجموع حلو فى ثانية وهكمل علمى علوم الفيزيا عاملة لية مشكلة انا بدأتها من باب الكهربية وحاسة انة صعب قوى مش عارفة اذاكر ولا احل ومش عارفة احفظ ولا افهم لدرجة انى مبقتش اذاكرها وبقيت اقعد فى الدرس خايفة اتسئل

معقول واحدة جايبة فى الكمياء 50 مش عارفة تعمل حاجة فى الفيزيا

هل ستكون الفيزيا العائق بينى وبين الكلية الى نفسى فيها

اى حد يقولى هذاكر ازاى؟ , ومن كتب اية

وربنا يسترها
الحمد لله يا رب فى حد معايا كهربيه:)
انا بردو الاستاذ بتاعى بدا بالكهربيه وقال انها اصعب جزء
بس انا شايفه ان فى ناس كتير مكبره الموضوع بصى براحه ومش تعقدى نفسك حاولى تحلى مسائل مره واثنين وعشره وكل حاجه فى اولها صعبه وتحتاج لتدريب
انا كمان بزهق علطلول لان فى حاجات كتير الاستاذ بيشرحها ومش بفهمها بس بعد الدرس بساله وبسال صحابى وبفهم واجى فى البيت احل
انا كنت فى الكيمياء المسائل مكنتش بفهمها اوى لكن مع التدريب بقيت بجاوب احسن من الى فهم من اول مره

marwa.m

11-09-2008, 11:15 PM

اوعى يابوسى نكون فى درس واحد

الشفق الباكي

11-09-2008, 11:20 PM

الحمد لله يا رب فى حد معايا كهربيه:)

انا بردو الاستاذ بتاعى بدا بالكهربيه وقال انها اصعب جزء
بس انا شايفه ان فى ناس كتير مكبره الموضوع بصى براحه ومش تعقدى نفسك حاولى تحلى مسائل مره واثنين وعشره وكل حاجه فى اولها صعبه وتحتاج لتدريب
انا كمان بزهق علطلول لان فى حاجات كتير الاستاذ بيشرحها ومش بفهمها بس بعد الدرس بساله وبسال صحابى وبفهم واجى فى البيت احل

انا كنت فى الكيمياء المسائل مكنتش بفهمها اوى لكن مع التدريب بقيت بجاوب احسن من الى فهم من اول مره

الفصل التاسع والعاشر حلوووين اوى اللى محتاج تركيز جدا وملاحظه ومقارنات الباب11 ومحتاج طالب فايق فعلا
والله العظيم الكهربيه انا لو كنت اخدت على كلام مدرسى فى الدرس بس والله كنت ادمرت فيها
ونصيحه ياريت فعلا مذاكرتكم تبقى من كتاب المدرسه لا نه فعلا فى الشرح اكثر من رائع والامتحان بتاعنا خاصه النظرى كان محتاج طالب قرا كتاب المدرسه حرف حرف منساش اى حرف واوعى تسمعى لكلام حد وهو بيقولك الكلام دا مجرد توضيح وتعقيد انت فعلا مطالبه بكل حرف فى الكتاب
وابقى ركزى على الكلمات المترجمه اصل عملها فى امتحان السودان ضربات يعنى بيتس
وماتتضيقوش انتم لسه فة اول السنه

Hamset_Etab

11-09-2008, 11:22 PM

اوعى يابوسى نكون فى درس واحد
طب قولى كده اسم المدرس يا مروه؟

marwa.m

11-09-2008, 11:33 PM

معلش انا مش هقدر اقول الاسم لو تقدرى تقولى انتى قولى

Hamset_Etab

11-09-2008, 11:50 PM

ايه يا بنتى هو عيب ولا ايه؟:rolleyes:
انا باخد عند استاذ اسمه سعيد الصاوى
يارب يكون هوه

marwa.m

12-09-2008, 12:06 AM

لا يابوسى مش هو للاسف بس احنا ممكن نكون اصحاب

MohammeD el_SadaT

12-09-2008, 12:16 AM

خلى ثقتك برنا سبحانه وتعالى كبيره
ومتخليش أبداً اليأس يلاقى طريق الدخول ليكى وخليكى دائماً حاطه هدفك قدامك
واللى النهارده صعب ومستحيل مع الوقت والإصرار والمذاكره والتعب هيبقى سهل
دا ربنا سبحانه وتعالى بيقول
" إن الله لا يضيع أجر من أحسن عملاً "
إعملى اللى عليكى وخلى الباقى على ربنا

وبعدين أكيد واحد جابت 50 من 50 فى الكمياء مش هتقدر على الفزياء يعنى
بلاش دلع بقه إمال كده وذكرى وشدى شويه
وإن شاء الله ربنا معاك

وأهم شىء قضى فروض ربنا وخليكى قريبه منه عشان هو كمان يكون قريب منك
ويساعدك
دا إحنا من غير رحمته ولا ننفع ببصله

marwa.m

12-09-2008, 12:20 AM

شكرا لرد حضرتك وانا عشمى فى ربنا كبير انة هيسهلها لية

dalia kamaL

12-09-2008, 07:05 AM

انا نصحتى ليكى سيبى مدرس الفزياء ده بسرررررررررعة

لانه ياعسل بالشكل ده بيكلبشك وسورى فى اللفظ بس ده حصل معايا فى العربى ااسنة اللى فاتت

وبدأ بالنثر أبل الشعر
وعلى فكرة الفزيا سهلةجدا و والله امتحان الفزياء بتاع 2008مكنش صعب للدرجة اللى انتوا سمعتوا عنها

بسبجد المدرس هيعأدك ويحجزك معاه على الفاضى ده جشع مدرسين يا أمر

Hamset_Etab

12-09-2008, 11:31 AM

يا جماعه انا مش عارفه انتو ليه وخدين موقف من المدرس
انا المدرس بتاعى قال انها اصعب جزء فبدا بيها عشان نتمرن عليها طول السنه وتكون سهله بالنسبه لنا
وانا مقتنعه بكلامه
والسنه الى فاتت برده استاذ الكيمياء ساب الباب السابع والثامن ودخل فى العضويه عشان يدربنا عليها كتير وبجد العضويه الى الناس كانوا بيشتكوا منها انا والى معايا فى الدرس كانت عندنا حاجه سهله خالص
وبعدين يا مروه عارفه اما استاذ سعيد بيعمل امتحان بيبقى مثلا من عشره بيكون معظم الدرجات 5 او 4و 6
فى الرنج ده وبتكون عيال جايبه 97 و98
وهو قال ان ده عادى فى اول السنه بس ذاكرى وحلى كتير لما تحلى كتير هتلاقى بعد كده افكار المسائل بتتكرر
وربنا يوفقنا جميعا

marwa.m

12-09-2008, 03:46 PM

شكرا لكل الى ردوا عليا وياريت بجد اى حد يقدر يساعدنى وينصحنى

لان الموضوع مهم جدا

marwa.m

12-09-2008, 09:38 PM

فين الردود

Dr|shereen

12-09-2008, 10:09 PM

خلاص يا مروة المشكله تقريبا اتحلت انتى محيره نفسك ليه لو المدرس كويس فى الشرح وبيحل وفى ناس جابوا درجات عاليه متسيبهوش وطبعا متنسيش ان لازم انتى تبذلى مجهود كبير سواء معاه او مع غيره لكن لو مش كويس وبدا بالكهربيه عشان يعقدكوا يبقى لييه القرار يرجع ليكى انتى هتقدري تكملى معاه ولا تسيبيه وبعدين دكاتره المنتدى قالولك ان ده غلط انه يبدا بالكهربيه وان ده مش وقتها يبقى العيب مش فيكى

marwa.m

12-09-2008, 10:49 PM

المشكلة انى مبعرفش احل مسائل والدروس بدات تتكوم عليا وميرسى على الرد ياندى

د/ ماجدولين

12-09-2008, 10:54 PM

قوليلى أكمل بالنظام دة ولا انا كدة بعقدك وأزود المشكلة....... كملى وقوليلى على الفصل العاشر
معلش يا مروة قمت انبارح كدة من غير لاسلام ولاكلام:(
بصى يا ستى
الفصل العاشر كدة بإختصار:rolleyes: بيتكلم عن التأثير النغناطيسى للتيار الكهربى فى الأسلاك
يعنى ببساطة....لما تمر كهرباء فى سلك
السلك دة بيتولد حوالية مجال مغناطيسى.......المجال دة بيختلف باختلاف السلك
اذا كان مستقيم أو دائرى أو حلزونى
طبعا القوانين بتاعة تعين المجال بيبقى فيها تشابة الى حد كبيييييير
بس تفريقهم سهل عن بعض:)
طبعا اثباتاتهم هايفة وسهلة;)
وبعدين بقى فى شوية قواعد كدة لتعيين اتجاة المجال والقوة وكدة
القواعد دى بتتفهم:cool:
ولو جت فى الأمتحان بيسأل عن استخداماتها مش أكتر:)
بس مهمة عشان بتاحتجيها فى المسائل;)
بعد كدة عندك القوة المغناطيسية وعزم الأزدواج
القوة اثباتها سهل وقانونها عبيط:d
الأزدواج بقى
بفهم الإثبات بيبقى الإثبات عبيط جداااااااا بس مش ينفع يتحفظ وبس:)
طبعا عزم الإزدواج بيبقى فية شوية عك كدة
عشان فى فى بعض الأوقات بناخد العمودى وساعتها بناخد جيب الزاوية
نيجى بقى لآخر جزئية
الأجهزة الكهربية
أهم واحد فيهم هو الجلفانومتر
لو فهمتية
مبروووووووووك عليكى فهم باقى الأجهزة التانية
وبعدين بقى بتربطى الأجهوة ببعضها
وطبعا النظرى فى الفصل دة كتير الى حد ما
والمسائل مباشرة الى حد ما
دة كدة يا ستى بأختصار الفصل العاشر
يمكن تكونى مش فهمتى حاجة من كلامى:(
بس أنتى اللى طلبتى:)
وطلاباتك أوامر:)
يا ترى عاوزة حاجة تانى يا قمر؟؟؟؟؟؟

marwa.m

12-09-2008, 10:58 PM

اذيك يادكتورة

اولا شكرا لردك ثانيا
عايزة اعرف هو كل قانون فى التاسع والعاشر عليا اثباتة

وكمان انا لما بحفظ النظرى بنساة بسرعة قوى

د/ ماجدولين

12-09-2008, 11:12 PM

اذيك يادكتورة
تمام الحمد لله :)
اولا شكرا لردك ثانيا
الشكر لله:)
عايزة اعرف هو كل قانون فى التاسع والعاشر عليا اثباتة
بصى يا ستى
تقريبا كدة........ آة:rolleyes:
بس أنتى لو فكرتى
هتلاقى ان الإثباتات دى بتثبت القانون
أنا مرة فى آخر السنة كدة نسيت قانون من القلق:confused:
اللى فكرنى بية هو أثباتة;)
الخلاصة أساسا اثباتات الكهربية فى منتهى الهبل والسهولة بجد;)
وبتتفهم وبتبقى روووووووووعة:)
وكمان انا لما بحفظ النظرى بنساة بسرعة قوى
التكرااااااااااااااااااااااااااار
والحل تحريريا بيساعد كتيييييييييير
فى رعاية الله