http://img84.imageshack.us/img84/5465/18821610uf0.png
حلو البتاع ده
فكر ازاى تفكر
المهم


’’ الحكمـــــــــــــــــة ضالة المؤمن اينما وجــدها اخــذ بها ’’






-لا أحد يستطيع إهانتك إلا بمساعدتك



(يعنى من الاخر كده انت اللى بتعمل الحاجه لنفسك و بنفسك اللى بيهينك اكيد انت عملتله حاجه او كان فيه سبب لكده نادره الافعال الحقيقيه اللى ملهاش سبب بس ما اكثر الافعال اللى ليها سبب و احنا اللى بنتهرب من السبب ده )






3-عظَمة عقلك تخلق لك الحساد .. وعظَمة قلبك تخلق لك الأصدقاء

(عاجبانى الجمله دى خالص الانسان فى الاغلب بيحزن لما يلاقى الحساد عليه بس ده مبيدلش غير على عظمه العقل , اما بقى حكايه الاصدقاء و علاقتها بالاصدقاء فهى بتتكلم عن السماح و ان كل واحد يكون باقى على التانى مش من اول غلط بالسلامه هى دى عظمه القلب )



4-عندما يمدح الناس شخصاً ، قليلون يصدقون ذلك وعندما يذمونه فالجميع يصدقون.

(احم ..... ابلغ حاجه بتصف الشعب المصرى يدوبك تقول على واحد كويس سواء فى وجوده او غيابه يقولولك اه عايز منه ايه اما بقى لما تقول على حد انه عمل و عمل تلاقى ميه موافقين و ميه تانين يقلولك على انه عمل معاهم نفس الحركه و انك العبيط انك مكنتش عارف )



5-لا يوجد رجل فاشل ولكن يوجد رجل بدأ من القاع وبقى فيه.

(بدا من القاع و بقى فيه يعنى زى كده اللى بدا ببيع ورق المناديل و الحمد لله مات وهو بيسرح الغيال عشان يبيعوا المناديل , بدا فى القاع و انتهى فيه )



6-يقول ديل كارنيجي: "ما من تعيس اكثر من الذي يتوق ليكون آخر مختلفا عن شخصه جسداوعقلا".

(يعنى اللى الحمد لله طول الليل و النهار بيقول اه بس لو كنت ابن كذا او اعرف كذا او كذا بيحبنى , او اللى يقلك اه لو ابقى فى جمال كذا او عبقريه كذا او معارف كذا , و كلام كتير من ده لا بيودى و لا بيجيب و الحمد لله وصفه كارنيجى ابلغ وصف انه تعيييييس )



7-يقول سنيكا: رايك بنفسك اهم من راي الاخرين فيك".

(يعنى من الاخر متعدش تسال مين رايه فيا ايه او علان شايفنى ازاى و الكلام ده

كل واحد عنده جواه صوره عن نفسه و بنعيش طول عمرنا بنحاول نحافظ على الصوره دى و اللى بيتميز هو اللى بيبدا يحاول يجملها كمان

يعنى اللى بيسالوه رايك ايه فى نفسك او الناس بتحبك او هل انت و انت و انت و يرد يقول الناس هى اللى ادرى ماهو الا انه بيتهرب من الاجابه )



8-يقول السباعي_رحمه الله_: "تحدثك عن نفسك دليل على انك لست واثقا منها".

(طبعا الكل فاهم الحته دى اللى يتكلم خمسميه كلمه متين منهم كلمه انا او اللى عنده براعه فائقه فى انه يدخلك من اى موضوع عليه يعنى تبتديله بموضوع عن الربيع ينتهيلك بقد ايه هو جميل بتعرف على طول انه عايز يثبتلك انت كده عشان يستمد من ثقتك فيه القدره على انه يثق فى نفسه )



9-يقول جيري: "لا يوجد في العالم من هو مخطئ على الدوام، فحتى الساعة الواقفة تكون على حق مرتين في اليوم الواحد".

(حلو الجمله دى جدا فحتى اللى القاعده العامه بتاعته الغلط مينفعش برده معاه نقول ده مبيقلش حاجه صح و نقع تانى تحت طائله التعميم و اكيد ده برده بينطبق على اللى بيقول انه مبيعملش حاجه غلط لانه لو مبيعملش حاجه غلط يبقى هو مبيعملش حاجه اساسا )

10-لكي تتجنب النقد لا تفعل شيئاً، ولا تقل شيئاً ، ولا تكن شيئاً







(يعنى من الاخر ان اى انسان لازم يتعرض للنقد و الا يبقى العيب منه و يستحق على كده النقد , يعنى لو زعلان من النقد اللى عليك سواء بناء او هدام فما عليك الا انك تبقى زى القرده الثلاثه لا ارى لا اسمع لا اتكلم ..... وخلينى فى حالى احسن )






11-قـد يـرى الناس الجرح الـذي في رأسـك لكـنهم لا يشعـرون بالألـم الـذي تعانـيه






(عمر ما حد مهما كان قريب انه يحس بجرح حد تانى لانه ببساطه مش هو اللى عايشه , ممكن يزعل عليك يحاول يساعدك بس عمره ما حيبقى انت , وده طبعا ماشى على نفس رتم انك لما تحب تخفف جرحك خففه انت فما حك جلدك مثل ظفرك و زى بيت الشعر الجميل اللى بيقول



لا تشكو للناس جرحا انت صاحبه ... لا يالم الجرح الا من به ألم )






12- تكلم وأنت غاضب فستقول أعظم حديث تندم عليه طول حياتك


(يعنى من الاخر اللى بيجلهم مشكله و يروح هابب فى اللى قدامه مهما كان و لاى سبب و لما بقى يرجع يهدى يملى الدنيا اعتذارات و يقول اسف اسف اسف و انتوا عارفين ان انا كنت متعصب و ان انا مبعرفش حد فى الوقت ده و اللى بقى يزعل منه يعد يقول هو اللى مش بيقدر هو انا حعد اصالح كل الناس كده عيب عليهم خاااااالص!)

اعتقد ان الموضوع باين ان انا جمعت شويه من مقولات الحكماء و الناس المعروفه دى
بعد كده جت امه الله اللى هى انا و علقت على الكلام ده
انا بقى اللى عايزاه انكو تناقشونى فى فهمة و تعليقى على الكلام
بس
و الموضوع يعنى لسه كبير شويه تانى
بس ياريت محدش يقولى موضوع حلو ويطلع
عشان بس الضغط و السكر و كده

فى رعايه الله

يتبع .......

:):):):):):):)

موضوعك حلو اوي ..

فيه اكتر من حكمة عجبتني .. منها ..

رايك بنفسك اهم من راي الاخرين فيك".

لكي تتجنب النقد لا تفعل شيئاً، ولا تقل شيئاً ، ولا تكن شيئاً .

تكلم وأنت غاضب فستقول أعظم حديث تندم عليه طول حياتك ..:) :)

الاخيرة صح 100%100 ..

تحياااااااتي .. تقبل مروري ..

اخــــ a7la dody ــــتك ..

لا أحد يستطيع إهانتك إلا بمساعدتك
فعلا عندك حق انا اللى بايدى اخلى الناس تحترمنى او تهزقنى
-عظَمة عقلك تخلق لك الحساد .. وعظَمة قلبك تخلق لك الأصدقاء
حلوة اوى الجمله دى
تكلم وأنت غاضب فستقول أعظم حديث تندم عليه طول حياتك
انتى عارفه ان فيه ناس بتستغل النقطه دى عشان تقدر تعرف ايه خبايا الشخصيه اللى قدامها وممكن كمان تعملها مصيبه
قـد يـرى الناس الجرح الـذي في رأسـك لكـنهم لا يشعـرون بالألـم الـذي تعانـيه
وده يؤكد كمان ان مفيش حد ممكن يشارك حد احزانه او يحس بيه مثل ما يفعل هو بنفسه
لكي تتجنب النقد لا تفعل شيئاً، ولا تقل شيئاً ، ولا تكن شيئاً
فما عليك الا انك تبقى زى القرده الثلاثه لا ارى لا اسمع لا اتكلم (اديكى قولتيها)
بس بجد موضوعك تحفه يا ولاء وبجد استفدت منه جدا
تقبلى مرورى

السلام عليكم ورحمة الله وبركاته

موضوعك تحفى يالولو ولذيذ وبجد استمتعت بيه

رايك بنفسك اهم من راي الاخرين فيك

امممممممممممم
مش عارفة ليه انا شايفة ان الاخرين اهم يالولو
بصى مفيش انسان بيشوف نفسة غلط ولا فيه حاجة وحشة
فبالتالى انا لو خدت راى نفسى هطلع احسن واحدة فى الدنيا ومفيش زى
فلازم راى اللى قصادى اهم من راى انا


تكلم وأنت غاضب فستقول أعظم حديث تندم عليه طول حياتك

المقولة دى خصوصا انا بحبها جدا
والحمد لله مش فيا خالص خالص خالص
اكيد انتى عارفة يعنى :d

يلا يالولو قلت لازم ادخل ارخم على الصبح كده
تسلمى ياقمر

- تكلم وأنت غاضب فستقول أعظم حديث تندم عليه طول حياتك
(يعنى من الاخر اللى بيجلهم مشكله و يروح هابب فى اللى قدامه مهما كان و لاى سبب و لما بقى يرجع يهدى يملى الدنيا اعتذارات و يقول اسف اسف اسف و انتوا عارفين ان انا كنت متعصب و ان انا مبعرفش حد فى الوقت ده و اللى بقى يزعل منه يعد يقول هو اللى مش بيقدر هو انا حعد اصالح كل الناس كده عيب عليهم خاااااالص!)

حلو اوى المقوله ده
المفروض الانسان وهو غاضب يسكت
عشان محدش يزعل منه
وكمان ميتاسفش كتير للناس
عشان لو اتاسف كتير
كرامته بتقل
ده من وجهت نظرى

ودمتم فى رعايه الله وحفظه

http://img84.imageshack.us/img84/5465/18821610uf0.png

حلو البتاع ده
فكر ازاى تفكر
المهم



’’ الحكمـــــــــــــــــة ضالة المؤمن اينما وجــدها اخــذ بها ’’








-لا أحد يستطيع إهانتك إلا بمساعدتك





- لعل الكاتب يقصد ان أغلاط الإنسان هي الطريق الوحيد لإهانته
ولذلك فقد نستدل ان علي قدر أغلاط الإنسان يتحدد قدر إهانته
وبما أن لا يوجد إنسان لا يُخطي
فلا يوجد إنسان لا يُهان
ولكن إهانه عن إهانه تختلف
فظلمك لنفسك ومن ثم عصيانك لربك
إهانه بكل الأشكال

( عباره جميله اوي ياولاء بجد )








3-عظَمة عقلك تخلق لك الحساد .. وعظَمة قلبك تخلق لك الأصدقاء


- إن اغلب ما يلفت النظر لك هو كيفيه تفكيرك ومدي ترتيبه .. وليس كل من يلتفت لفِكرك هو صاحب نيه سليمه .. اما عظمه قلبك .. فهي شئ لا يقلبه إلا معظم ذوي النفوس السليمه .
( من رايي )


4-عندما يمدح الناس شخصاً ، قليلون يصدقون ذلك وعندما يذمونه فالجميع يصدقون.

من رأيي ان من يصدق شئيا ً في هذا الزمان هم الطيبون والمنطقيون .. اما الغالب فهم مرضي
لذلك فعندما تقول احمد محترم .. فالاغلب ( المرضي ) لا يقبل ذلك وذلك لان ليس هناك تبرير لوجه نظرك في احمد .. أما عندما تقول احمد غير محترم فالطيبون يصدقون فعليا والمرضي أيضا ً يصدقون
وذلك من مبدأ ( المتهم مُدان حتي تثبت براءته ) وليس العكس



5-لا يوجد رجل فاشل ولكن يوجد رجل بدأ من القاع وبقى فيه.

- لعل هذي الجمله تُذكرني بمقوله لبيل جيتس ( ليس العيب ان تُولد فقيرا ً ولكن العيب أن تموت فقيرا ً )




6-يقول ديل كارنيجي: "ما من تعيس اكثر من الذي يتوق ليكون آخر مختلفا عن شخصه جسداوعقلا".

- اعتقد ان التعاسه هنا ليس من العيب .. فقد اتحرر من عقليتي المتخلفةبعض الشئ لأرقي أكثر
ان ما يُمثل التعاسه هنا هو موقف الناس مني



7-يقول سنيكا: رايك بنفسك اهم من راي الاخرين فيك".


- لا يعرفك إلا انت
قد بدات بهذى العباره مقاله اوضح فيها مدى ضرورة صدق نفسك مع نفسك
ولعل من أكثر اسباب النجاح
هو معرفه رأيك في نفسك ومحاولة تصليح عيوبك


8-يقول السباعي_رحمه الله_: "تحدثك عن نفسك دليل على انك لست واثقا منها".

العباره قد تكون ناقصه
تحدثك ( المبالغ فيه ) عن نفسك دليل علي انك لس واثقا ً منها
وتحاول ان تخدع نفسك بالشئ الذي تريده



9-يقول جيري: "لا يوجد في العالم من هو مخطئ على الدوام، فحتى الساعة الواقفة تكون على حق مرتين في اليوم الواحد".

ان كان هناك الجميل فهناك الأجمل
وهذي اجمل ما في عباراتك يا ولاء
نعم لا يوجد شخصا ً مخطئا دائما
ولكن هناك شخصا ً يجب ان تنقد آرائه بصفه مستمره


10-لكي تتجنب النقد لا تفعل شيئاً، ولا تقل شيئاً ، ولا تكن شيئاً





عباره جميله .. لن يتهرب أحدا من النقد ابدا ً .. عقليتك إن اجتمع عليها بليون شخصا ً سيأتي شخصا ً واحدا ً لا يتناسب مع عقليتك لينتقد أفعالك




11-قـد يـرى الناس الجرح الـذي في رأسـك لكـنهم لا يشعـرون بالألـم الـذي تعانـيه




- نعم إن من يقول لك اني اشعر بما بك ِ من ألم فهو كاذب - لا يقصد -
وإنما قد يتعاطف معك



12- تكلم وأنت غاضب فستقول أعظم حديث تندم عليه طول حياتك


جاء رجل إلي رسول الله - صلي الله عليه وسلم - يقول له : ( يارسول الله أوصني ) فردد الرسول قالا : ( لا تغضب )

رائع رائع رائع رائع بجد
تسلم ايدك ياولاء
منورة المنتدي والمجموعة

3-عظَمة عقلك تخلق لك الحساد .. وعظَمة قلبك تخلق لك الأصدقاء


عجبانى اوى الحكمة دى...
فعلا العقل بيخلق الحساد
بس القلب برضه بيخلق له الحساد
عظمة القلب تخلق الاصدقاء
بالتالى
هيتخلق نوع من الغيرة بين الاصدقاء وبعضها


5-لا يوجد رجل فاشل ولكن يوجد رجل بدأ من القاع وبقى فيه.


فعلا
بدليل اعظم الشخصيات هى اللى بنت نفسها بنفسها من نقطة الصفر
الفاشل من ترك نفسه للزمان
واهمل طموحه واهدافه وغاياته

4-عندما يمدح الناس شخصاً ، قليلون يصدقون ذلك وعندما يذمونه فالجميع يصدقون.

دى طبيعة الشعب المصرى زى ما انتى قلتى
بس مش كلنا كده
اكييد عندنا عقل نميز بيه
مش نبقى زى الباقى
بمجرد ما حكاية تتحكى اه ها
هو قال ايه؟
التانى قال ايه؟
طب كان رد ده عليه ايه؟
ونشتغل الحكاية ويتفتح موضوع
وطبعا الشعب المصرى معروف
بحكمة لسانه وعظمته
مش بيفصل خالص:d
تقريبا هنغير اسم لسان ونحطه بغبغان:mellow:

7-يقول سنيكا: رايك بنفسك اهم من راي الاخرين فيك".

فعلا ماهو مادام انا واثقة فى نفسى وتصرفاتى
وماشية صح
اعمل حساب الراى التان ليه؟
اللى هو راى الناس
معروف ان لو حد سمع كلام الناس مش هيتحرك من مكانه ولو 1.% من سم(سنتيمتر)
بس للاسف فى ناس بتبنى تحركاتها وتصرفاتها بناء على كلام الغير ليها او عليها

9-يقول جيري: "لا يوجد في العالم من هو مخطئ على الدوام، فحتى الساعة الواقفة تكون على حق مرتين في اليوم الواحد".

حلوة الحكمة دى اوى
دى بتقول للمترددين بلاش تردد
عمرك ما هتكون غلط على طوول
اتكلم ناقش صارح
قول رايك
ودى وجهة نظر مش على طوول هتكون غلط
10-لكي تتجنب النقد لا تفعل شيئاً، ولا تقل شيئاً ، ولا تكن شيئاً


(يعنى من الاخر ان اى انسان لازم يتعرض للنقد و الا يبقى العيب منه و يستحق على كده النقد , يعنى لو زعلان من النقد اللى عليك سواء بناء او هدام فما عليك الا انك تبقى زى القرده الثلاثه لا ارى لا اسمع لا اتكلم ..... وخلينى فى حالى احسن )

كفاية كلامك انا مش هزود عليه حاجة
12- تكلم وأنت غاضب فستقول أعظم حديث تندم عليه طول حياتك
دى بقى اوى اوى
فعلا لما بيكون الواحد متنرفز اوى ومخنووق هينفجر خلاص:d
بيعمل حاجات ...بلاوى

بس لما الانسان بيقدر يتحكم فى الاعصاب والتفكير
بيقدر يفكر كويس اوى
وهيقدر يحكم عقله وتصرفاته
علشان كده لما بشوف حد غلطان قدامى وبيتصرف تصرفات اى حاجة
بسيبه مع نفسه..
هو انا اللى هتجنن ولا هو
انا اللى بفكر ولا هو...انا اللى عصبية ولا هو:rolleyes:
(اعوذ بالله من قول انا)

(ليس الشديد بالصرع ولكن الشديد.. من يملك نفسه عند الغضب)


بجد موضوع رائع اوى لولو
الحكم اللى فيه معاصرة
ودى اللى احنا بنشوفها فى الزمن
مع العقليات المتفاوتة
المتغيرة ..المتقلبة
والمتناقضة

متنظرة الباقى

-لا أحد يستطيع إهانتك إلا بمساعدتك

انا الجمله دي بجد بلاحظها كتير في مجتمعنا ودايما بقولها لناس كتير
اللي بيحترم بيحترم نفسه
وبجد دايما اعمل بيها


عندما يمدح الناس شخصاً ، قليلون يصدقون ذلك وعندما يذمونه فالجميع يصدقون

ايوة صح والله
بس ده بيكون بسبب الحقد اللي مالي قلوبنا حتى لاقرب الناس لينا على رأي اللي قال"اعداء النجاح"
وفعلا ده بيوصف حال الشعب المصري:(


5-لا يوجد رجل فاشل ولكن يوجد رجل بدأ من القاع وبقى فيه

مابردو ده فاشل
اللي معرفش يغير حاله للاحسن يبقى اكيد فاشل

رايك بنفسك اهم من راي الاخرين فيك".


فعلا ماهو مادام انا واثقة فى نفسى وتصرفاتى


وماشية صح
اعمل حساب الراى التان ليه؟
اللى هو راى الناس
معروف ان لو حد سمع كلام الناس مش هيتحرك من مكانه ولو 1.% من سم(سنتيمتر)
بس للاسف فى ناس بتبنى تحركاتها وتصرفاتها بناء على كلام الغير ليها او عليها



في الجزء ده عاجبني اوي كلام ترافل ومش هزود عليه حاجة
غير اننا برده لازم نستشير اللي حولينا مش تبقى كل حاجة من دماغنا
اكيد هما كلهم يعرفو اكتر من معرفة واحد بس


8-يقول السباعي_رحمه الله_: "تحدثك عن نفسك دليل على انك لست واثقا منها".

هههههههههههه
حلوة دي
يعني انا لما اجي اقلك انا النهارده ذاكرت الدرس ده ابقى مش واثقة من نفسي:d
لا انا مش عاجباني الجمله دي
ممكن اكون مع رأي الاستاذ احمد انه تحدثك المبالغ فيه

10-لكي تتجنب النقد لا تفعل شيئاً، ولا تقل شيئاً ، ولا تكن شيئاً

حلوة الجمله دي
مفيش حدد ممكن يهرب من النقد
حتى لو معملناش حاجة ومقلناش حاجة ومكناش حاجة
هنتنقد على كده
عشان كده لازم نتقبل النقد من الناس التانين ومش كل حاجة نزعل

11-قـد يـرى الناس الجرح الـذي في رأسـك لكـنهم لا يشعـرون بالألـم الـذي تعانـيه


صح
بس ايه العمل!!!



12- تكلم وأنت غاضب فستقول أعظم حديث تندم عليه طول حياتك

لا تعليق
لان الجمله موضحة نفسها:d

موضوع جميل جدا ياولاء
في انتظار الباقي
بس قللي الجرعة شوية عشان نعرف نرد:d
ولا بلاش اكتبي براحتك واطلقي لقلمك العنان
واحنا نرد على مراحل بقى:d:d:d

11-قـد يـرى الناس الجرح الـذي في رأسـك لكـنهم لا يشعـرون بالألـم الـذي تعانـيه


جميلة اوي العبارة ديه و ممكن الجرح يبقي في القلب كمان مش في الرأس فقط
و شكرا لموضوعك

http://img84.imageshack.us/img84/5465/18821610uf0.png

حلو البتاع ده
فكر ازاى تفكر

اه عاجبنى :p
المهم

ياريت :d



’’ الحكمـــــــــــــــــة ضالة المؤمن اينما وجــدها اخــذ بها ’’








-لا أحد يستطيع إهانتك إلا بمساعدتك






فعلا فى حالات كتير بيكون الواحد السبب فى اهانه نفسه .. بس فى حالات شاذه بتكون ناتجه عن نقص فهم اللى قدامك لكلامك ...ممكن ياخد كلامك ع اساس انه اهانه وممكن يكون انت قصدك خير
بس فعلا الواحد بيلوم نفسه لما يتهان ويكون هو السبب الرئيسى
بس معلش انا مش مع المقوله دى فى حاجه حتى لو انا ساعدت حد ع انه يهنى زى مالمقوله بتقول
يبقى كده ممشتش تبع تعاليم الدين لان عمر مالاساءه كانت تترد بالاساءه
شفنا مواقف كتير للرسول صلى الله عليه وسلم كان مهما تعرض للاساءه كان الرد بيكون بكل رحمه
الرحمه اللى خلت يهودى يدخل الاسلام .





3-عظَمة عقلك تخلق لك الحساد .. وعظَمة قلبك تخلق لك الأصدقاء

الجمله موضحه نفسها ..بس عاوزه اوضح بس ان مهما كانت عظمه عقلك لازم يكون فى التواضع ممكن يكون هو ده الرابط بين الجملتين
يعنى بعظمه العقل هيكون ليك حساد اكيد بس ممكن يكون ليك اصدقاء اكتر
لو تواضعت ومتغرتش
وبكده هيكون قلبك عظيم زى عقلك
يعنى التواضع مهم مهما وصلت لدرجه من الذكاء والمعرفه
لان مهما الواحد عرف هيعرف ايه يعنى
وما اوتيتم من العلم الا قليلا
فى جمله بتقول
ندنو من العظمه بقدر ماندنو من التواضع
وبيقلك من العظماء من يشعر المرء فى حضرته بانه صغير
بي العظيم ع حق اللى بيشعر الناس فى حضرته بانهم عظماء
الشخصيه دى اللى بتجمع بين عظمه العقل وعظمه القلب



4-عندما يمدح الناس شخصاً ، قليلون يصدقون ذلك وعندما يذمونه فالجميع يصدقون.

هقلك ع جمله والله دى دايما تحطيها فى دماغك طعم المجامله لذيذ شرط الا تبتلعها
وانا مع ان اللى بيمدح شخص عاده بتكون مجامله قاكيد قليل هيصدقوا
بس مش معنى كده ان الجمله دى صح ميه الميه
مش لازم نصدق اى حد
لازم تختبرى الشخص بنفسك
بس لو هتكلم ع المقوله دى
فدى طبيعه بشريه بيسمعوا اللى ع مزاجهم
دايما الناس تحب تسمع الفضايح وتصدقها حتى لو متاكده انها غلط
اما اللى قصده من كلامى فى الاول ان الشخص نفسه اللى بيسمع المديح من حد
ميصدقوش لانه عاده بيكون غرضه المصلحه
اما لما حد يقلك عيوبك حاول تسمعله بانصات اكتر
عارفه ان مش ده كلام اللى تقصده المقوله بس كنت عاوزه بس اوضح النقطه دى وخلاص
بالاضافه ان محدش هيقرااها غيرك يا لوو;):p


5-لا يوجد رجل فاشل ولكن يوجد رجل بدأ من القاع وبقى فيه.

فعلا مفيش رجل فاشل احنا عارفين ان النجاح اصلا هو الانتقال من فشل لفشل لازم الواحد يفشل فى تجاربه بس من غير ميفقد الامل



6-يقول ديل كارنيجي: "ما من تعيس اكثر من الذي يتوق ليكون آخر مختلفا عن شخصه جسداوعقلا".

بردو دينا حللنا الموضوع ده كتير ربنا والرسول دعونا للرضا
مش معنى ان ارضى ان مطورش نفسي
لا طبعااااااااا
بس لو انت تعبت ووصلت للنقطه دى مثلا خلاص مش هتموت نفسك قول الحمد لله
وهحاول تانى ومش هياس
بس مش هقول ياريتنى مكنت ولا لا ولا الكلام اللى بنسمعه كتير


7-يقول سنيكا: رايك بنفسك اهم من راي الاخرين فيك".

مش معاكى فى التعليق بتاع المره دى
الانسان صعب انه يشوف عيوبه
اللى يشوفك فعلا هم الناس مقصدش اى ناس
الناس اللى يعرفوك بجد
اما لو حد قالى رايي ايه فى نفسي
مش هعرف اجاوب لانى انا عمرى مهعرف اشوف عيوبى زى الناس اللى بتعامل معاهم
فمن المهم ان الواحد يعرف راى الناس فيه
ياخد الراى النقد ويصلح من نفسه
يعنى الانسان عاده بيقدر يشوف عيوبه وبيخاف يواجه نسه بعيوبه
وده بردو عيب فى الشخصيه
من كان لا يبصر محاسنه وعيوب الاخرين فالضرير خير منه ده طبعا مش كلامى ومعرفش مين اللى قالها
بس الجمله دى بردو صح
لازم تكون شخصيه وسط عارف محاسنك اى نعم بس بردو تحاول تعرف عيوبك
وبردو ممكن بكون معنى الجمله اللى انتى كتبها
ان اهم حاجه ثقه الواحد بنفسه
لانى فى نفوس دنيئه بتحاول تنزلك لتحت
والطريقه الوحيده اختلاق اى عيوب متكنش قيك
ودول فعلا اللى الواحد ميصدقهمش
ويقتنع بوجه نظره عن نفسه
بس مش كل الناس كدع

8-يقول السباعي_رحمه الله_: "تحدثك عن نفسك دليل على انك لست واثقا منها".

تمام اوى كده الجمله دى ممكن تكون متناقضه مع الجمله اللى فوقيها فى حاجه انتى فى تعليقك ع اللى فوق قلتى ان الواحد لما يسالك عن رايك فى نفسك وانت متجاوبش..الى اخره
بالعكس احسن حاجه انك متتكلمش عن نفسك اسمع راي الناس فيك لان الكلام عن نفسك بيدل ع عدم ثقتك الحكمه اللى بشوفها فى النتيجه دايما الواحد عنده اذنان وفم واحد فلنسمع اكتر مما نتكلم

9-يقول جيري: "لا يوجد في العالم من هو مخطئ على الدوام، فحتى الساعة الواقفة تكون على حق مرتين في اليوم الواحد".

فكرتينى بجمله اعظم خطا ان ترى نفسك دائما ع صواب ...وبردو من المهم ان الواحد يغير وجه نظره عن الغلط لان ممكن يكون الغلط فى طريقه التنفيز مش الغلط فى الفكره نفسها..يعنى برجو محدش غلط دايما ولا حد صح دايما



10-لكي تتجنب النقد لا تفعل شيئاً، ولا تقل شيئاً ، ولا تكن شيئاً


القرده الثلاثه عرفتيهم منين يا بت انتى .. فعلا لو الواحد خايف من النقد فيبعد عن الناس وميتكلمش ولا يسمع ولا يعمل اى حاجه ..وبكده هيبتعد عن النقد ... وممكن يروح يدفن نفسه احسن مهى دى نهايه الحياه المفروض ان الواحد يحبس نفسه فى قفص من حديد لمجرد ان الطوب اللى بيلقيه عليه بعض الناس ويحافظ ع نفسه من الخدوش فيموت لانه مش هيعرف يطلع من القفص ده
لازم الواحد يتقبل النقد بصدر رحب .. ومفيش احسن من الامثله اللى ضربهالنا اشرف الخلق جميعا ..فمهما كان تعرضه سواء قول او فعل او نقد او او فالرسول معتزلش الدنيا لا حاول ووصل وجه نظره لغايه موصلنا الاسلام



11-قـد يـرى الناس الجرح الـذي في رأسـك لكـنهم لا يشعـرون بالألـم الـذي تعانـيه



بحب الجمله دى جداا بس بردو احيانا انك تحكى للناس عن همومك بيكون وسيله للان الواحد يرجع لنفسه واحيانا بيكون وسيله انه يرجع الالم اللى عاناه قبل كده ...
بس عامه كل واحد هيتعرض لجرح والم فى يوم من الايام
عارفه ان الى هقوله ملوش دعوه اووى بس فى جمله كل مانسى نفسي وازعل بقراها
ستة أشياء إذا ذكرتها هانت عليك مصيبتك ان تذكر أن كل شيء بقضاء وقدر ,وأن
الجزع لا يرد القضاء وأن ما أنت فيه أخف مما هو أكبر منه, وأن ما بقي لك أكثر مما أخذ
منك , وأن لكل قدر حكمة لو علمتها لرأيت المصيبة هي عين النعمة , وأن كل مصيبة
للمؤمن لا تخلو من ثواب ومغفرة أو تمحيص أو رفعة شأن أو دفع بلاء وما عند الله خير وأبقى












12- تكلم وأنت غاضب فستقول أعظم حديث تندم عليه طول حياتك


فعلا الواحد بيخسر كتير جداااا اهم حاجه يمسك اعصابه ولو مش بيعرف فى طريقه حلوه يبعد عن الناس ع مايهدى
ليا واحده صاحبتى عملت معايا الحركه دى وطلعت فيا مع انى كنت بحاول اساعدها بس خسرت كتير:d
اصلى ماديه خليتها تصالحنى بكنز :rolleyes:
اكيد حرمت تكررها
بس مش كل مره تكون المشكله صغيره احيانا بتطول لو الغلط كبر زى مبيقولو لسانك حصانك فكل واحد مفروض يكون معاه لجام ليه
بس احيانا الواحد بيستفيد لان الحقيقه بتظر من زلات اللسان :d
و الموضوع يعنى لسه كبير شويه تانى

ولا يهمك ربنا يديلنا طوله العمر ونرد عليكى;)
بس ياريت محدش يقولى موضوع حلو ويطلع
لا الموضوع حلو:rolleyes:
عشان بس الضغط و السكر و كده
:d اللى يدخل الموضوع يبقى يجيب معاه علب الدوا

فى رعايه الله

يتبع .......

وانا بردو يتبع :p:p

:):):):):):):)

الظاهر ان الموضوع مهم:d
وبناءا على هذا
سوف اقرأالموضوع فى وقت لاحق
وارد عليكم بالجواب السديد:d
ودمتم فى رعاية الله

بجد موضوع جميل منك اوى يامحمد تسلم ايدك

’’الحكمـــــــــــــــــة ضالة المؤمن اينما وجــدها اخــذبها ’’


http://img505.imageshack.us/img505/3801/w6w200504111348476fff23us8.gif



لا أحد يستطيع إهانتك إلابمساعدتك



بصى يا لولو فى حكمتين كدة لمارتن لوثر محرر السود فى امريكا وبيؤكدوا المعنى دة أوووووووى


والصراحة عاجبنى مووووووووووت وشايفاهم بينطبقوا ع حالنا


وهما


إذا جعلت نفسك دودة فى الأرض فلا تلم من يدوسك


لايمكن لأحد أن يمتطى ظهرك إلا إذا وجدة مريحا


فعلا يا اسدات:)


الواحد هو اللى بيفرض على الاخر أسلوب تعاملة معاة;)


وعلى راى المثل


اللى يلاقى دلع وميدلعش يبقى حرام عليةhttp://img170.imageshack.us/img170/840/battingeyelasheshb4.gif


وخصوصا أن احنا فى زمن مش بيرحم حد:confused:


يعنى اللى الناس بتقدر تضحك علية بتضحك علية:mellow:


بغض النظر اذا كان التصرف دة اخلاقى ولا لأ:huh:


بس للأسف دة واقع حقيقى


ولازم الواحد يحترم نفسة الأول عشان الناس تحترمة


يعنى مثلا مش أقعد أنا اهزأ فى نفسى واتريق عليها


وبعدين أزعل لما حد يهينى:d



عظَمة عقلك تخلقلك الحساد .. وعظَمة قلبكتخلق لك الأصدقاء



بس يا اسدات لما بيكون حد ناجح فى أى مجال


حتى لو فى مجال علاقاتة مع الناس.........بردوا بيلاقى حساد:(


رضى كل الناس غاية لاتدرك يا حبى


دة غير بقى أن عظمة القلب بجد بتطمع اللى قدامك فيك:lol:


بس مقدرش أنكر أنها صفة حلوة^_^


بس لازم معاها شوية نصاحة كدة عشان الحياة تبقى ايزى:d:d

-عندما يمدح الناس شخصاً ،قليلون يصدقون ذلكوعندما يذمونه فالجميع يصدقون




بصى يا قمر


الناس بتفرح فى الغم:o


من الآخر.......عاوزين جنازة ويشبعوا فيها لطم:cool::rolleyes:


والدليل على كدة أنك بتلاقى العيل الصغير اللى لسة مش فاهم حاجة


بيشتم فى الريس


طب أنت بتشتم لية يا حبيبى؟؟؟؟؟؟؟؟http://img403.imageshack.us/img403/6301/w6w200504111350386a5831xc7.gif


يقولك..........هى هتيجى عليا....أما أهيص أنا كمان^_^


ولدليل بردوا


لما تتقال أشاعة مش تمام


فى ظرف ساعة......يتحول كل الناس الى قناة الجزيرة:d:d


وقال أية؟؟؟؟؟؟؟بيقولولك كدة عشان يوعوك ويفهموك ويحذروك


وعلى فكرة الحكاية دى يا حبى موجودة فى الشعب المصرى منذ فجر التاريخ


عارفة فى سورة سيدنا يوسف


لما امرأة العزيز روادت سيدنا يوسف عن نفسة


الخبر لف القرية كلها وكانت ليلة:(


بمناسبة التوبيك


http://img411.imageshack.us/img411/271/32ff4.gif


لى عودة يا حبىhttp://img525.imageshack.us/img525/3695/devilca9.gif

http://img84.imageshack.us/img84/5465/18821610uf0.png

حلو البتاع ده

اه عاجبنى اوى:p
فكر ازاى تفكر
المهم



’’ الحكمـــــــــــــــــة ضالة المؤمن اينما وجــدها اخــذ بها ’’








-لا أحد يستطيع إهانتك إلا بمساعدتك

مفروض ناخد بالنا من الكلام اللى بنقوله
اكيد فى اسلوبنا وحوارانا بندى فرصه للى قدامنا
انه يحترمنا او يهنا







3-عظَمة عقلك تخلق لك الحساد .. وعظَمة قلبك تخلق لك الأصدقاء

(عاجبانى الجمله دى خالص الانسان فى الاغلب بيحزن لما يلاقى الحساد عليه بس ده مبيدلش غير على عظمه العقل , اما بقى حكايه الاصدقاء و علاقتها بالاصدقاء فهى بتتكلم عن السماح و ان كل واحد يكون باقى على التانى مش من اول غلط بالسلامه هى دى عظمه القلب )

قلتى المفيد



4-عندما يمدح الناس شخصاً ، قليلون يصدقون ذلك وعندما يذمونه فالجميع يصدقون.

ده العادى بتاعنا بنحزن اوى لما نلاقى حد بيتمدح

5-لا يوجد رجل فاشل ولكن يوجد رجل بدأ من القاع وبقى فيه.

جميله اوى العبارة دى





10-لكي تتجنب النقد لا تفعل شيئاً، ولا تقل شيئاً ، ولا تكن شيئاً









(يعنى من الاخر ان اى انسان لازم يتعرض للنقد و الا يبقى العيب منه و يستحق على كده النقد , يعنى لو زعلان من النقد اللى عليك سواء بناء او هدام فما عليك الا انك تبقى زى القرده الثلاثه لا ارى لا اسمع لا اتكلم ..... وخلينى فى حالى احسن )

تماااااااااااااااااااام






11-قـد يـرى الناس الجرح الـذي في رأسـك لكـنهم لا يشعـرون بالألـم الـذي تعانـيه









تمام اوى العبارة دى فعلا مهما كان الحد اللى بتحكى له عن مشاكلك
واحاسيسك صعب يحس باللى انت بتقوله







12- تكلم وأنت غاضب فستقول أعظم حديث تندم عليه طول حياتك


تعرفى لو نمسك نفسنا ونبطل العصبيه اللى فينا دى هنبقى احسن كتير
والغضب هو اساس كل الجرائم يعنى مثلا لو شفتى واحد قاتل هتلاقى اللى وصله لكده هو الغضب






جميل اوى التوبيك
تسلم ايدك

الحكمـــــــــــــــــة ضالة المؤمن اينما وجــدها اخــذ بها ’’
لا أحد يستطيع إهانتك إلا بمساعتك
حلوه اووووووى الحكمه دى لانها حقيقه فعلا لانك انت اللى بتدى فرصه للى قدامك انه يكون كويس معاك او وحش وانت اللى بتديله فكره وحشه او كويسه عنك بس طبعا دى مش لازم تكون فى كل الاوقاتلان ممكن الشخص اللى قدامى مش يعرفنى كويس ويهينى واهانه عن اهانه تفرق برده يارب تكون وصلت وجهه نظرى
انا هرد على واحه واحده بالراحه لانهم كتير شويه

[quote=asdat;762350]
3-عظَمة عقلك تخلق لك الحساد .. وعظَمة قلبك تخلق لك الأصدقاء

صح برده فى انه عظمه العقل بتجلب الحساد بس انا رايى ان عظمه القلب برده بتجلب لك الحساد لان الناس طبعا اللى هم تفكيرهم سلبى واللى هما اصلا نفسيتهم مش مظبوطه لما هيشوفوا كتير حواليكى ناس بيحبوكى هتزيد عندهم حته الغيره شويه ويحقدوا عليكى ويحسدوكى برده



4-عندما يمدح الناس شخصاً ، قليلون يصدقون ذلك وعندما يذمونه فالجميع يصدقون.

هى دى طبيعه النفس البشريه انها مبتصدق تمسك لحد على غلطه وتمسكهاله بئى


5-لا يوجد رجل فاشل ولكن يوجد رجل بدأ من القاع وبقى فيه.

صح لان الفاشل هو اللى بيخلى نفسه فاشل مش حد هو اللى بيخليه كده

وكل انسان هو اللى بيصنع مجده بنفسه وهو اللى بيجبر الناس على احترامه وتقديره

6-يقول ديل كارنيجي: "ما من تعيس اكثر من الذي يتوق ليكون آخر مختلفا عن شخصه جسداوعقلا".

ياه دى الكلمه دى بتلى ناس كتير يفضلوا فى مكانهم وميتحركوش منه ابدااااااااا
بس بجد هما اللى بيحطوا نفسهم فى اماكن ومواقف مخجله ده غير اصلا انهم بيكون بئى عندهم حته الحسد والحقد لان مش عيب انى اتمنى انى اوصل لمنزله فلان او اكون زى علان لكن لازم اشتغل علشان اكون شخصيتى لكن للاسف فيه نوعيه بئى من اللى بتبص لكن مش بتحاول تتغير ابدااااااااااااااا



7-يقول سنيكا: رايك بنفسك اهم من راي الاخرين فيك".

انا مش مع الحته دى اوووووووووووى لان اى واحد فينا لازم هيشوف نفسه صح وانه احسن واحد فى الدنيا دى كلها وعمره مهيعترف بغلطه دى نظريه عند اكثر الناس بس احنا مش عايشين لوحدنا علشان مش ناخد براى الناس فينا لازم نعرف هما بيبصولنا ازاى وايه وجهه نظرهم فينا علشان نقدر نعيش

8-يقول السباعي_رحمه الله_: "تحدثك عن نفسك دليل على انك لست واثقا منها".
امش على طول انا برده مع الاستاذ احمد فى حكايه تحدثك المبالغ فيه عن نفسك

9-يقول جيري: "لا يوجد في العالم من هو مخطئ على الدوام، فحتى الساعة الواقفة تكون على حق مرتين في اليوم الواحد".

هو بما ان مفيش انسان معصوم من الخطا بس اكيد طبعا كلنا عندنا مواقف صح بناخدها فى حياتنا ومش دايما بنكون غلط فلازم يكون عندنا ثقه فى نفسنا اكتر


10-لكي تتجنب النقد لا تفعل شيئاً، ولا تقل شيئاً ، ولا تكن شيئاً


ومين فينا بئى مش بيتعرض للنقد لازم نتعرض للنقد لان لو مكنش كده يبقى احنا منستحقش الحياه اللى احنا عايشينها امال احنا اتخلقنا لي

11-قـد يـرى الناس الجرح الـذي في رأسـك لكـنهم لا يشعـرون بالألـم الـذي تعانـيه


انا معاكى فى وجهه نظرك بس برده اكيد فيه ناس بتحبك وبتحس باللى انتى فيه من غير حتى متشتكى


لا تشكو للناس جرحا انت صاحبه ... لا يالم الجرح الا من به ألم )

سورى بءئى اخدنا البيت بتاعك


12- تكلم وأنت غاضب فستقول أعظم حديث تندم عليه طول حياتك

وجهه نظرك صح برده بس ياريت كل اللى بيخرجوا من اللى هما فيه من الغضب دول بيعتذروا بل للاسف دول بيتكبروا على الاعتذار مع انهم بيبقوا غلطانين من ساسهم لراسهم زى مبيقولوا بس هما سجيه فيهم حته العند دى
ربنا يهدى الجميع

اعتقد ان الموضوع باين ان انا جمعت شويه من مقولات الحكماء و الناس المعروفه دى
بعد كده جت امه الله اللى هى انا و علقت على الكلام ده
انا بقى اللى عايزاه انكو تناقشونى فى فهمة و تعليقى على الكلام
بس
و الموضوع يعنى لسه كبير شويه تانى
بس ياريت محدش يقولى موضوع حلو ويطلع
عشان بس الضغط و السكر و كده

فى رعايه الله
بس هو طبعا الموضوع حلو اووووووووووووووووووووووووى وحلاوته زياده كمان:d
وشكرا ليكى اووووووووووى على عرضه بالشكل المميز ده
فى رعايه الله

حلوه قوى تعليقاتكوا على الموضوع خصوصا طبعا كلام احمد رضا
و انا كنت حعلق على كلام بنوته بس نسيت كنت عايزه اقول ايه

المهم نبدا الدفعه التانيه


13-قال أحد الحكماء لابنه في موعظة: يا بني .. إذا أردت أن تصاحب رجلاً فأغضبه ..فإن أنصفك من نفسه فلا تدع صحبته .. وإلا فاحذره !



( من اجمل الجمل اللى قريتها عشان اغلب الناس و هى متعصبه و دمها محروق مبيعرفش اللى قدامه و بيعمل اللى فى دماغه و خلاص بس اللى فى الوقت ده فكر تانى و راجع نفسه عشانك يبقى هو ده الاخ و الصديق الحقيقى , اما بقى اللى يطلع كل همه و يفشه فيك فده ميستحقش اساسا انك تكون اعتبرته فى يوم من الايام اخ و صديق )



14-لا يجب ان تقول كل ما تعرف ... ولكن يجب ان تعرف كل ما تقول.



(و الحكايه دى الناس بتعملها بطبيعيه و غريزيه تلقائيه يعنى انت مش حتلاقى اللى يقلك كل اللى يعرفه فى الحاجه مهما دورت الا ان يكون استاذك (احم و دى بقت نادره قوى دلوقتى ) و ابوك , اما بقى النص التانى فالناس عمرها ما طبقته اساسا بالتاقائيه بتاعت النص الاول فتلاقى الواحد مستعد يفتى فى كل حاجه و اى حاجه زى اللى تقله عن (بو ) يقلك ااااااااااه عارفه بتاع السح ادح امبو !!!!!!!!



(احم على فكره (بو ) تقريبا الاشهر من مؤلفى الرعب ككتابه و شعر )



15-عندما سقطت التفاحه الجميع قالوا سقطت التفاحه .. الا واحد قال لماذا سقطت التفاحه !!!!



( ودى طبعا ثقافه شعب الاخد بالنتايج من البدايه من حتى محاوله الوصول للبدايات او الاسباب و طبعا مش حقول المثال الاشهر عن اللى وقعت فوق راسه تفاحه راح حمد الله على التفاحه و اكلها و نام , و اللى وقعت برده على راسه تفاحه قعد يتامل و يفكر فى السبب اللى خلاها تقع و يحط الاحتمالات المختلفه لاسباب وقوعها



فممكن نقول دون غلط كبير ان مجتمعنا لايعرف علامات الاستفهام, الاجوبة حسمت عنده منذ الف سنة )




ليتنا مثل الاسامي لا يغيرنا الزمن -16



( وده حال البشر فى كل زمان و مكان يعنى اللى سيبته من سنه متولى حترجع تلاقيه متولى ماشى بس هل حيفضل متولى فعلا معتقدش بس الغريب فى الموضوع ان اللى عايشين مع متولى عمرهم ما حيقولوا انه اتغير ولو بمقدار بوصه واحده عنه من سنه , وده طبعا بيظهر فى اوضح صوره فى التغيرات الشكليه عمر الام ما تقول ان ابنها شكله اتغير بس اى عم او خال يقدر بلمحه عين يطلعلها عشره اختلافات عن زمان )




17- طعنة العدو تدمي الجسد ..... وطعنة الصديق تدمي القلب



(طبعا الجمله دى برده مفهومه لينا ممكن العدو يجرحلك ايدك يقطعهالك بس برده حيفضل عندك امل انها تخف او ان عندك ايد تانيه , بس عمر جرح الصديق ما بخف خالص ممكن يدمل او يتنسى و يتسامح بس برده حيفضل قاعد عشان انت معندكش غير قلب واحد و جروحه مبتروحش)



18 - الأسباب الصغيرة لها غالباً نتائج كبيرة؛ ففقدان المسمار أضاع الحذوة، وفقدان الحذوة أضاع الحصان، وفقدان الحصان أضاع الفارس



(هههههههههه حلوه الحكايه دى و ممكنه طبعا و بينطبق نفس الكلام على الذنوب الصغيره كلما زادت ممكن تؤدى فى النهايه لكوارث كبيره , معظم النار من مستصغر الشرر)



19- نمرٌ مفترس أمامك .. خير من ذئب خائن وراءك



(احم ... الحمد لله انه قال نمر اصل الاسود دى اساسا مينفعش يتقال عليها مفترسه خالص , اما الحكمه دى نفسها يعنى فطبيعيه و كمان ينفع تبقى او هى اساسا قاعده عسكريه و عنصر المفاجاه اللى ممكن يعتمد عليه الذئب )



20-الانسان هو عاطفة غير مجدية
الحرية هي الرعب
سارتر



( اكيد الانسان عاطفه بس حكايه انها غير مجديه فهى عليها قولان او بمعنى اخر على حسب ديانه صاحبها و رؤيته لمعناها



اما حكايه رعب الحريه فده موجود و مرسخ فى وجدان الانسان و من هنا طلعت جمله (و انا مالى خلينى فى حالى) الحريه بتفرض عليه انه بيفجر الكلمه دى اساسا







21-نحن مجانين إذا لم نستطع أن نفكر ومتعصبون إذا لم نرد أن نفكر وعبيد إذا لم نجرؤ أن نفكر



( انا بقى بقول على حته ان المجانين مش بيفكروا ...لا بيفكروا بس تفكير لاما ناقص لاما فى الاتجاه الغلط , اما بقى اللى عايزين يبقفلوا دماغهم على كلمه واحده و راى واحد مهما كانت الظروف اللى بعد كده فصراحه اقل حاجه يتقال عليهم متعصبون , اما بقى حته الجراه على التفكير دى من اصعب الحاجات لان تفكيرنا نفسه بيشمل مفهوم حريتنا اللى عنده ميت قيد على فكره اولها نفسه هو عمرنا ما حنقدر نوصفه باقل من كلمه عبد )



22-وردة واحدة لإنسان على قيد الحياة أفضل من باقة كاملة على قبره



(جميله الحته دى بس على حسب فهمى ليها ,ليه لما الواحد يتوفاه الله تلاقى الكل طلع قال ااااااه ده كان راجل كويس و عمل و عمل و تلاقى قصايد الشعر اتقالت بقى و يحسسوك بكميه نفاق مش رهيبه بس مفزعه فى كلامهم , بس لما تيجى بقى و هو عايش و لا حد كان بيعبره بكلمه و لا حتى جزء من الكلام الكتير اللى بيقولوه اول لما روحه طلعت لبارئها )



23- نحن نميل إلى تصديق أولئك الذين لا نعرفهم لأنهم لم يخدعونا من قبل



(هههههههه .... وده شئ طبيعى و بيحصل كتير يعنى لما حد اول مره تشوفه و يقلك شوف ده حصل و حصل و حصل بنسبه 99% مش حتشك فى كلامه او بمعنى اصح مش حتفكر فيه كتير , عشان و بكل بساطه حتعتبر انه صح عشان مجهول بالنسبالك


و على فكره الحكايه دى بتحصل بطريقه لا اراديه )

و احب اختم الجزء ده بحاجه كده
معرفتش اقول عليها اى حاجه خالص

:

من هداية الحمار -الذيهوابلدالحيوانات - أن الرجل يسير به ويأتي به الى منزله

من البعد في ليلة مظلمة فيعرف المنزل فإذا خلى جاء اليه ، ويفرق بين الصوت

الذي يستوقف به والصوت الذي يحث به على السير

فمن لم يعرف الطريق الى منزله - وهو الجنـــة - فهو أبلد من الحمار

احم
على حسب التفاعل نشوف حكمل ولا لأ

فى رعايه الله

تم تنشيطه....

كملى يا اوركيديا...

بسم الله ما شاء الله
توبيك اكثر من رائع

بارك الله فيكي
بانتظار الباقي

تم تنشيطه....

كملى يا اوركيديا...
هههههه
ياااااااااااااااااااه
الموضوع ده من ايام خلقنا من اجل التفكير و الحكاوى دى
بس مش عارفه بجد حكايه اكمله دى
هو انا قولت فى الاخر


احم
على حسب التفاعل نشوف حكمل ولا لأ

فى رعايه الله


و الحمد لله مش حد عبرنى
:d
عامه كملوا انتوا بقى
انا منزله الجديد بقالى سنه اصلا :d

شكرا يا احمد على التنشيط بس مش كل المواضيع دى فى يوم واحد
خليها على ايام عشان تلحق تاخد حقها
نشاطك جميل
:)
فى رعايه الله

انا عبرتك اهو...:d

الموضوع عجبنى جدا..

و ان شاء الله بكرة ادخل له ع رواقة اتكلم بقى...

و ادينا بنتعلم بقى ...

يبقى نجرب ع مواضيعكم...:d

وبعدين ده لسة عمره سنة الا شهر و كام يوم....

يلا فى امان الله...

:)

لا احد يستطيع اهانتك الا بمساعدتك
الجملة دى صح جدا انت اللى بيدك تخلى اللى قدامك يحترمك او لا
رايك بنفسك اهم من راى الاخرين فيك
لازم كل واحد فينا يشوف نفسة بشكل ايجابى لان ده اللى بيظهر للاناس يعنى اللى شايف نفسه فاشل فالناس كمان شايفاه كده
لكى تتجنب النقد لا تقل شيئا ولا تفعل شيئا ولا تكن شيئا
تكلم وانت غاضب فستقول اعظم حديث تندم عليه طول حياتك
صح جدا جدا جدا وكمان جدا
وردة واحدة لانسان على قيد الحياة افضل من باقة كاملة على قبره
وده بنشوفه كتير عدم تقدير الشخص وهو عايش ولم يموت الجوائز والتكريمات طيب هو استفاد اية!
بصراحة الموضوع كله رائع جزاكى الله كل خير بانتظار الجديد والرائع منك دائما

تسلمى والله جزاك الله خيرا بجد جميل اوى اوى اوى

جزاك الله كل الخير

http://www.ii1i.com/uploads6/d61fc15803.jpg (http://www.ii1i.com)

عندما يمدح الناس شخصاً ، قليلون يصدقون ذلك وعندما يذمونه فالجميع يصدقون.


هو ده الشعب المصرى كله

شكراا جزيلا على الحكم الاكثر من رائعه

http://www.rtoosh.com/up/images/61773411442576970295.gif

تكلم وأنت غاضب فستقول أعظم حديث تندم عليه طول حياتك

دى حلوة اوى وكلنا بنقع فى الحتة دى المفرود فعلا نقدر نسيطر على نفسنا شوية ساعة الغضب دى بل المفرود كمان ان احنا مش نغضب من اصله

:022yb4::022yb4::022yb4::022yb4::022yb4:موضوع واضح انه :friendsxs3::friendsxs3::friendsxs3: رائع

عاجبنى الموضو ع قوى وبالاخص
العباره
تحدثك ( المبالغ فيه ) عن نفسك دليل علي انك لس واثقا ً منها
وتحاول ان تخدع نفسك بالشئ الذي تريده لا احد يستطيع اهانتك الا بمساعدتك لكى تتجنب النقد لا تقل شيئا ولا تفعل شيئا ولا تكن شيئا
تكلم وانت غاضب فستقول اعظم حديث تندم عليه طول حياتك

موضوع جميل ججا

سلمت يداك

بارك الله فيكم جميل