**انواع الخبـــــــــر** [الأرشيف] - بوابة الثانوية العامة المصرية

محمد ولاء الدين

12-09-2008, 10:36 PM

http://www.3roos.com/uploaded2008/94501/01221247192.gif

اولا احنا عارفين ان الخبر ياتى فى الجمله الاسميه واحنا كلنا عارفين ان الجمله الاسميه تبدا باسم علشان كده سميت بالاسميه يعنى احنا فى درسنا ده مالناش دعوه بالجمله الفعليه والخبر ياسيدى بيتقسم 3 انواع :

1_الخبر المفرد
2_الخبر الجمله
3_الخبر شبه جمله

http://www.3roos.com/uploaded2008/94501/01221247303.gif

*الخبر المفرد :

زى لما اقول محمد مجتهد الخبر هنا كلمة مجتهد الطلاب متميزون الخبر هنا كلمة متميزون اذن الخبر المفرد عباره عن كلمه واحده بس هى اللى هتمم معنى الجمله فلما اسال نفسى واقول محمد ماله ارد اقول مجتهد يبقى هو ده الخبر طيب ممكن حد يسالنى ازاى تقول ان متميزون خبر مفرد وهو جمع مذكر سالم ارد عليك اقولك ان ده اسمه نوع الاسم جمع مذكر سالم بس هو لانه خبر وكلمه واحده اقول نوع الخبر مفرد يبقى انا كده فهمت ان الخبر المفرد كلمه واحده بس يتم بها معنى الجمله .

http://www.3roos.com/uploaded2008/94501/01221247303.gif

*ندخل على الخبر الجمله وينقسم الى :

1_خبر جمله اسميه

2_خبر جمله فعليه

http://www.3roos.com/uploaded2008/94501/01221247303.gif

الخبر الجمله الاسميه

الخبر الجمله الاسميه معناه ان المبتدا لازم له جمله اسميه كامله علشان افهم معنى الجمله واضرب لك مثال الطالب مذاكرته جيده الطالب هنا مبتدا مرفوع وعلامة رفعه الضمه طيب الخبر لو قلت الطالب مذاكرته وسكت مفهمتش حاجه ولو قلت الطالب جيده يبقى كلام عبيط اااااااه يبقى الخبر ايه الجمله كلها اللى هى (مذاكرته جيده) علشان كده سمينا الخبر ده جمله اسميه وده نموذج اعراب هيفهمك اكتر ان شاء الله السماء جوها صافى السماء:مبتدا مرفوع وعلامة رفعه الضمه
جوها :متدا ثان مرفوع وعلامة رفعه الضمه
والهاء:ضمير مبنى فى محل جر مضاف اليه
صافى:خبر المبتدا الثانى مرفوع وعلامة رفعه الضمه
والجمله الاسميه( جوها صافى )فى محل رفع خبر
المبتدا الاول
خللى بالك لازم يبقى فى المبتدا الثانى ضمير يعود على المبتدا الاول السماء جوها صافى الهاء ( ضمير بيعود على السماء)

الخبر الجمله الفعليه

اعرفها ازاى ؟؟؟ :rolleyes: تلاقى مبتدا لازق فيه على طول فعل وخد المثال ده لطالب يذاكر

الطالب:مبتدا مرفوع وعلامة رفعه الضمه يذاكر :فعل مضارع مرفوع وعلامة رفعه

الضمه طيب فين الفاعل.؟؟؟ الفاعل ضمير مستتر تقديه هو يعوووود على الطاالب يبقى

عندنا فعل وفاعل يعنى جمله فعليه والجمله الفعليه هى دى خبر المبتدا يبقى اقول

والجمله الفعليه فى من الفعل والفاعل فى محل رفع خبر الميتدا يبقى متنسااااش الخبر

الجمله الفعليه مبتدا وراه فعل

http://www.3roos.com/uploaded2008/94501/01221247303.gif

* ندخل على الخبر شبه الجمله:

ينقسم الى:

جار ومجرور او ظرف

وخد المثال ده الكتاب فوق المكتب الكتاب طبعا زى الشاطرين هتقولوا مبتدا مرفوع وعلامة رفعه الضمه
وطبعا فوق ظرف مكان منصوب بالفتحه
والمكتب مضاف اليه مجرور بالكسره
طيب فين الخبر بتاع الكتاب (المبتدا) ؟؟؟؟؟؟:o
نقول وشبه الجمله (ظرف المكان) فى محل رفع خبر المبتدا

خد المثال ده كمان الطلاب فى المدرسه
الطلاب :مبتدا مرفوع وعلامة رفعه الضمه
فى :حرف جر مبنى على السكون لا محل له من الاعراب او قول حرف جر وخلاص:d:d:d
المدرسه:اسم مجرور حرف الجر وعلامة جره الكسره

وطبعا خلاص عرفنا ان الخبر هيبقى شه الجمله ونقول وشبه الجمله من الجار والمجرور(فى الحديقه ) فى محل رفع خبر المبتدا

http://www.3roos.com/uploaded2008/94501/01221247303.gif

* يارب اكون قدرت اوصل المعلومه بطريقه بسيطه وسهله انتظروا تطبيقات على الدرس ان شاء الله لان اهم من الدرس كيفية الاجابه على الاسئله

http://www.3roos.com/uploaded2008/94501/01221251564.gif

الاستاذ/ محمد ولاء الدين