السلام عليكم ورحمة الله وبركاته


انا يوم الاربعاء الي فات كنت في ادارة شئون الامتحانات كان عندي مشكله كده هناك فرحتلهم دخلت الساعه 10 كد (عقبال الموظفين يكونوا جم من البيت) دخلت المبني وبعدين ددخلت المكتب بتاع شئون الطلبه



السلام عليكم ( محدش رد خالص) كانوا كل موظفه ماسكه ودن الموظفه الي جنبها وهات يا كلام

رحت رايح للموظفه قدام مكتبها ووقفتلها قدام المروحه


حست ساعتها ان في حد دخل

قالتلي عاوز حاجه

قلتلها انا اخدت المنهج الكويتي بره وخلصته رجعت مصر لقيت طالعلي رقم جلوس ودور تاني واعيد تالته كمان من تاني


قالتلي اه انت كده فعلا لازم تعيد تالته تاني قولتلها ليه انا ليا اصحابي نفس نظامي كده


فضلت تقولي انت ايه معملتش تحويل ما اه الجيل الجديد انه فاضين تعملوه حاجه وفضلت تكلمي في حاجات ملهاش لازمه خارج الموضوع يجي 5 دقايق


قولتلها انا اعمل ايه دلوقتي ايه الحل قالتلي انت سنه كام

قولتلها 3 ثانوي ( مع اني قولتلها في الاول) قالتلي لا يا حبيبي الثانويه العامه مش عندنا ده في مبنا تاني ( المبني ده عاوز ربع ساعه عشان توصله) قولتلها مكنتي قولتيلي من الاول بدل ما انا واقف كده من الصبح

قالتلي انا مش كن بسمع مشكلتلك




لا حول ولا قوة الا ب الله


عمو عبده روتين هيفضل مسيطر علينا لغايد امتي؟؟؟؟؟؟؟؟؟؟؟؟؟