طـفـلـة الامـس
13-09-2008, 11:19 AM
اولا : انا حبيت اكتب الموضوع ده لاسباب كتيرة وسلبيات اكتر كل يوم والحمد لله بكتشفها فى المنتدى
ما علينا ......... دلوقتى انا نفسى اعرف ليه بيحصل كل ده
دلوقتى المفروض اننا كلنا عارفين ان احنا بنعمل غلطات كتير وبنقع فى زلات وذنوب كتير جدااااا فى حياتنا اليومية واقصد بحياتنا اليومية حياتنا من غير نت .
بس فى حاجة مهمة جدااا لازم كلنا ناخد بالنا منها وهى ان حياتنا اليومية مفروضة علينا ولازم نقضيها ونمر بيها سواء شئنا ام ابينا واحنا بنحاول على قد مانقدر نخليها تمشى وبنحاول برده نقلل اخطائنا فيها بقدر الامكان .
انما النت ده حاجة فرعية وحاجة احنا اللى اختارناها وكل واحد وهدفه طبعا من استخدامه اياه .... طيب اما هو مش اجبار ولا فرض وانما حاجة بارادتنا ليه كل تصرفاتنا فيه غلط مش كل قوى خليها معظم .
اما الاقى ما شاء الله بدون حسد المنتدى اغلبه الا من رحم ربى ومش هاقول كله برده مع انى لو قلت كله مش هابقى غلطانة تقريبا ........ ما علينا برده . المنتدى معظمه ولاد وبنات بيتكلموا عالايميل
هاتقولولى وماله هو احنا بنتكلم فى حاجة عيب ؟!!!!
سيبكم من الناحية الدينية خالص طالما انها مش بتعجب حد ........ خلينا فى الكلام العادى
وخلى كل واحد صادق مع الله اولا ثم مع نفسه هل هو لو عنده اخت صغيرة يرضى انها تكلم واحد ولو ما كانوش بيتكلموا غير فى امور دينية
طبعا الكلام ده ما بيحصلش لان اصلا اى واحد بيكلم واحدة عالايميل لازم وبدون شك بتتفتح مواضيع تانية يعنى الكلام مش بيقتصر على امور دينية
بلاش كده لو بيتكلموا فى مشاكل وحلولها ترضى انها تتناقش مع واحد فى مشكلة وياترى هو الشخص اللى بيكلمها ده ما ينفعش يتناقش غير مع بنت عشان تحلله المشكلة .
طيب برده خلاص كلمتها ...... جه رمضان واحنا دلوقتى فى نص رمضان تقريبا وداخلين على العشرة الاواخر
يعنى الكلام انتهى ولا لسة مستمر ؟!!!!!!!!!... طب حتى فى رمضان بس
مش هاجاوب .. خلى كل واحد وضميره
وياريت الكلام ده مقتصر على امور دينية ولا حتى مشاكل وحلولها
ده بيوصل لحاجات تانية كتير زى نقل الكلام والنميمة وغيرها
والكلام ده مش قصدى بيه الولاد والبنات بس
ده بيحصل بين الاولاد وبعضها وبين البنات وبعضها
عشان كده ياريت كل واحد يعرف هو بيكلم مين اولا وبعدين يحدد الكلام اللى هايخرج منه للشخص اللى بيكلمه عشان ما يقولش كلمة يندم عليها بعد كده
ويبقى ضامن ان الشخص اللى ادامه ده امين
يعنى مش اجى انا اقول لواحدة مثلا على سبيل التوضيح
فلانة دى انا مش بستريح لها فتروح هى تقول لواحدة تانية طبعا هى مش هاتقولها كده من نفسها لازم هاييجى سيرة الموضوع فى النص
تقوم قايلها لا اصل سارة مش بتحب البنت دى
اجى بعدها بكام ساعة ومش هابالغ لو قلت كام دقيقة
المهم الاقى البنت الكلام وصلها بعد ما مر بعشر الاف واحدة قبلها
على فكرة ما حصلش حاجة كده عشان ما تفكروش حاجة يعنى انا بقول مثلا
المفروض اننا داخلين المنتدى لهدف معين فكل واحد له هدفه واحد مثلا عايز يتعلم ويستفيد واخر عايز يفيد غيره وثالث عايز ينفع الاسلام والمسلمين بنشر مقالات دينية ....كل واحد له غاية
يا ترى كام واحد فينا فى ظل اللى بيحصل ده حس انه بيحقق الهدف من دخوله المنتدى
خلاص ماشى هاقول انت اللى هاتتحمل ذنب اللى بتعمله ده انما بقى ممكن حد يقولى ايه ذنب مؤسس الموقع من كل ده ...... المؤسس كان له هدف هو كمان
ده منتدى تعليمى يا جماعة
انت هاتاخد ذنوب على اخطائك بس انت كده بتحمله هو كمان الذنب لانه مؤسسه
طلبى الوحيد منكم وارجو من الجميع الالتزام به هو اننا نستخدم كل حاجة مش النت بس كل حاجة نحاول بقدر الامكان نستغلها بطريقة صحيحة
ومانحاولش نخلط ونكون صادقين مع انفسنا ونقارن كويس بين الصح والغلط وما نتهاونش فى امور خطيرة
ونتذكر قوله تعالى ( وتحسبونه هينا وهو عند الله عظيم )
انا عارفة ان كلامى ده مش هايعجب حد
بس احنا فى رمضان وعايزين نجتهد جامد جدااااا الايام القادمة فلعله يكون اخر رمضان فى حياتنا
عايزين نجاهد نفسنا ونغلبها مش هى اللى تمشينا على اللى هى عاوزاه
وما تنسوش ابداااااااا ان الكلام ده كله موجه لنفسى اولا قبل ما يكون موجه لاى شخص
والله انا وصلتلكم رسالة اهو عشان ما بقاش شفت الغلط وسكت " اللهم انى بلغت اللهم فاشهد "
واذكر الجميع بقوله تعالى :
( الذين يستمعون القول فيتبعون احسنه اولئك الذين هداهم الله واولئك هم اولوا الالباب )
احنا كلنا نتمنى نكون منهم
واحب اختم كلامى بقوله تعالى :
( واتقوا يوما ترجعون فيه الى الله ثم توفى كل نفس ما كسبت وهم لا يظلمون )
وفق الله الجميع الى ما يحبه ويرضاه وحفظكم من كل سوء
والسلام عليكم ورحمة الله وبركاته
ما علينا ......... دلوقتى انا نفسى اعرف ليه بيحصل كل ده
دلوقتى المفروض اننا كلنا عارفين ان احنا بنعمل غلطات كتير وبنقع فى زلات وذنوب كتير جدااااا فى حياتنا اليومية واقصد بحياتنا اليومية حياتنا من غير نت .
بس فى حاجة مهمة جدااا لازم كلنا ناخد بالنا منها وهى ان حياتنا اليومية مفروضة علينا ولازم نقضيها ونمر بيها سواء شئنا ام ابينا واحنا بنحاول على قد مانقدر نخليها تمشى وبنحاول برده نقلل اخطائنا فيها بقدر الامكان .
انما النت ده حاجة فرعية وحاجة احنا اللى اختارناها وكل واحد وهدفه طبعا من استخدامه اياه .... طيب اما هو مش اجبار ولا فرض وانما حاجة بارادتنا ليه كل تصرفاتنا فيه غلط مش كل قوى خليها معظم .
اما الاقى ما شاء الله بدون حسد المنتدى اغلبه الا من رحم ربى ومش هاقول كله برده مع انى لو قلت كله مش هابقى غلطانة تقريبا ........ ما علينا برده . المنتدى معظمه ولاد وبنات بيتكلموا عالايميل
هاتقولولى وماله هو احنا بنتكلم فى حاجة عيب ؟!!!!
سيبكم من الناحية الدينية خالص طالما انها مش بتعجب حد ........ خلينا فى الكلام العادى
وخلى كل واحد صادق مع الله اولا ثم مع نفسه هل هو لو عنده اخت صغيرة يرضى انها تكلم واحد ولو ما كانوش بيتكلموا غير فى امور دينية
طبعا الكلام ده ما بيحصلش لان اصلا اى واحد بيكلم واحدة عالايميل لازم وبدون شك بتتفتح مواضيع تانية يعنى الكلام مش بيقتصر على امور دينية
بلاش كده لو بيتكلموا فى مشاكل وحلولها ترضى انها تتناقش مع واحد فى مشكلة وياترى هو الشخص اللى بيكلمها ده ما ينفعش يتناقش غير مع بنت عشان تحلله المشكلة .
طيب برده خلاص كلمتها ...... جه رمضان واحنا دلوقتى فى نص رمضان تقريبا وداخلين على العشرة الاواخر
يعنى الكلام انتهى ولا لسة مستمر ؟!!!!!!!!!... طب حتى فى رمضان بس
مش هاجاوب .. خلى كل واحد وضميره
وياريت الكلام ده مقتصر على امور دينية ولا حتى مشاكل وحلولها
ده بيوصل لحاجات تانية كتير زى نقل الكلام والنميمة وغيرها
والكلام ده مش قصدى بيه الولاد والبنات بس
ده بيحصل بين الاولاد وبعضها وبين البنات وبعضها
عشان كده ياريت كل واحد يعرف هو بيكلم مين اولا وبعدين يحدد الكلام اللى هايخرج منه للشخص اللى بيكلمه عشان ما يقولش كلمة يندم عليها بعد كده
ويبقى ضامن ان الشخص اللى ادامه ده امين
يعنى مش اجى انا اقول لواحدة مثلا على سبيل التوضيح
فلانة دى انا مش بستريح لها فتروح هى تقول لواحدة تانية طبعا هى مش هاتقولها كده من نفسها لازم هاييجى سيرة الموضوع فى النص
تقوم قايلها لا اصل سارة مش بتحب البنت دى
اجى بعدها بكام ساعة ومش هابالغ لو قلت كام دقيقة
المهم الاقى البنت الكلام وصلها بعد ما مر بعشر الاف واحدة قبلها
على فكرة ما حصلش حاجة كده عشان ما تفكروش حاجة يعنى انا بقول مثلا
المفروض اننا داخلين المنتدى لهدف معين فكل واحد له هدفه واحد مثلا عايز يتعلم ويستفيد واخر عايز يفيد غيره وثالث عايز ينفع الاسلام والمسلمين بنشر مقالات دينية ....كل واحد له غاية
يا ترى كام واحد فينا فى ظل اللى بيحصل ده حس انه بيحقق الهدف من دخوله المنتدى
خلاص ماشى هاقول انت اللى هاتتحمل ذنب اللى بتعمله ده انما بقى ممكن حد يقولى ايه ذنب مؤسس الموقع من كل ده ...... المؤسس كان له هدف هو كمان
ده منتدى تعليمى يا جماعة
انت هاتاخد ذنوب على اخطائك بس انت كده بتحمله هو كمان الذنب لانه مؤسسه
طلبى الوحيد منكم وارجو من الجميع الالتزام به هو اننا نستخدم كل حاجة مش النت بس كل حاجة نحاول بقدر الامكان نستغلها بطريقة صحيحة
ومانحاولش نخلط ونكون صادقين مع انفسنا ونقارن كويس بين الصح والغلط وما نتهاونش فى امور خطيرة
ونتذكر قوله تعالى ( وتحسبونه هينا وهو عند الله عظيم )
انا عارفة ان كلامى ده مش هايعجب حد
بس احنا فى رمضان وعايزين نجتهد جامد جدااااا الايام القادمة فلعله يكون اخر رمضان فى حياتنا
عايزين نجاهد نفسنا ونغلبها مش هى اللى تمشينا على اللى هى عاوزاه
وما تنسوش ابداااااااا ان الكلام ده كله موجه لنفسى اولا قبل ما يكون موجه لاى شخص
والله انا وصلتلكم رسالة اهو عشان ما بقاش شفت الغلط وسكت " اللهم انى بلغت اللهم فاشهد "
واذكر الجميع بقوله تعالى :
( الذين يستمعون القول فيتبعون احسنه اولئك الذين هداهم الله واولئك هم اولوا الالباب )
احنا كلنا نتمنى نكون منهم
واحب اختم كلامى بقوله تعالى :
( واتقوا يوما ترجعون فيه الى الله ثم توفى كل نفس ما كسبت وهم لا يظلمون )
وفق الله الجميع الى ما يحبه ويرضاه وحفظكم من كل سوء
والسلام عليكم ورحمة الله وبركاته