|
مشاهدة النسخة كاملة : لو سمحتم ممكن تساعدوني عشان محتار جدا في الاختيار keko16 13-09-2008, 12:27 PM أنا طالب رايح 3 ثانوي ناس كتيرة قلولي خدي إقتصاد وإحصاء وناس يقولوا فلسفة والمشكلة إن الفلسة دي مكنتش بفهم يها حاجة في أولي ثانوي قلولي دي أسهل من أولي بكتير والمشكله أني واخد السنة دي علم نفس وخية ليدخلوا علي بعض وناس قلولي خدي الاحصاء بس خايف من الإمتحان وأنا كنت جايب في الرياضة السنة دي45 مش عارة أختار إيه ممكن اللي خدوا المواد دي ينصحوني شكرا وأسف للإطالة king mo7amed 13-09-2008, 12:41 PM بص انت عندك اختيارين الاول انك تاخد اقتصاد واحصاء وترتاح السنه وتذاكر الرياضه والفيزيا بس الامتحان هيجي صعب في الرياضه الثاني تاخد علم نفس وهتذاكرة بس امتحانها سهل كتير انا كنت واخد اقتصاد واحصاء 2008 marwa.m 13-09-2008, 12:42 PM انا علمى علوم السنادى وواخدة علم النفس مادة ادبية لوانت ادبى اكيدواخد تاريخ وعلم نفس يبقى الاحسن خد اقتصاد واحصاء ومتحطش امتحان الرياضة مقياس لانة كان صعب فى اى استفسار تانى keko16 13-09-2008, 12:54 PM لا أنا أدبي وخت السنة اللي فاتت تاريخ س أساسا بحب الرياضة والميس تاعة رياضة1 بتقولي الللي خلاك تجيب45 في الامتحان الصعب مش هتأفل الرياضة ومدرس علم النس يقولي أنت بتفكر إذي الاحصاء بتيجي صعبة جدا خليك في الفلسفة وبجد بقيت متحيرة وشكرا أنكوا بتسعدوني marwa.m 13-09-2008, 01:04 PM خلاص خدى فلسفة احسن وربنا يوفقك فجر الإسلام 13-09-2008, 04:20 PM لو انت أدبي أنصحك تاخد فلسفة وبلاش الأقتصاد والاحصاء Nemo_92 13-09-2008, 04:22 PM انت شوف انت ميال لايه وبعدين انا واخدة اقتصاد واحصاء وجربت الاحصاء لقيتها حلوة بس محتاجة حفظ قوانين انت قدامك وقت ممكن تبدأ احصاء وان معجبتكش من الاول سيبها وروح فلسفة السنة لسة طويلة انا عارفة انها مشكلة بس حنعمل ايه mena1990 13-09-2008, 04:26 PM والله هو معدش حاجه مضمونه الرياضه او الاقتصاد والاحصاء جم السنه اللى فاتت محدش حط فيهم قلم انا شايفه الفلسفه احسن انا كنت فى اولى مش فهماها خالص بس بجد السنه دى هى حلوة اوى وان شاء الله مضمونه ربنا معاكى طـفـلـة الامـس 13-09-2008, 04:30 PM انا نصيحتى تاخدى اقتصاد واحصاء اولا مش هاتبداى من اول السنة وحتى لو بداتيها من اول السنة هاتيجى عالاخر وتوقفى ثانيا : مش بتحتاج مجهود فى المذاكرة اطلاقاااااااااا وعارفة لو سالتى اى حد كان بيذاكر اقتصاد واحصاء طول السنة استحالة هاتلاقى صدقينى والله وبعدين انا عن نفسى مش بحب الحفظ الاقتصاد والاحصاء الاتنين فهم صدقينى غير كده هايفيدوكى كتير فى حياتك العادية وبالذات الاقتصاد والاحصاء شيقة جداااااا وانا السنة اللى فاتت كنت طالعة من الامتحان خايفة جداااا لان اللى معايا فى اللجنة وتروا اعصابى مع ان الامتحان كان يتحل واقدر احله كله بس على فكرة ان شاء الله مش هاييجى كده تانى وانا مع اللى عكيته فى الامتحان جبت 48 يعنى درجة حلوة ايوة احنا عايزين نقفل بس ان شاء الله ركزى فى المذاكرة فى اخر السنة مش هاقولك من الاول واهم من كده تركزى فى الامتحان وما يهمكيش اى حد فى اللجنة غير نفسك وبس ولو عايزة اى حاجة انا معاكى واى خدمة انا تحت امرك رونالدينهوو 13-09-2008, 05:09 PM انا نصيحتى ليك تاخد فلسفة مع علم نفس لانهم مع بعض كويسين قوى انما هتاخد احصاء واقتصاد انا كنت واخدهم السنة اللى فاتت الامتحان كان سهل بس الوقت كان ضيق نزلت خمس درجات فى الاحصاء بس الحمد لله قفلت الاقتصاد وجبت 45 من 50 بس اللى خدوا فلسفة بيجيبوا 49او50يعنى احسن وانا خدت اقتصاد واحصاء علشان انا بحب الرياضة وكنت مقفلها السنة اللى فاتت والحمد لله قدر الله ماشاء فعل keko16 13-09-2008, 07:40 PM شكرا جدا ليكوا بجدخلاص أنا الحمد لله إستقريت وهاخد فلسفة والخيرة فيما إختار الله وشكرا لكل اللي سعدوني:rolleyes: ميراج 03-11-2008, 02:17 AM انا كمان من رايى اقتصاد واحصاء انا بخدهم السندى وهما سهلين اوى واذا كنت خايف من الامتحان يعنى علشان اللى حصل السنه اللى فاتت متخفش وسيبها على ربنا |