Mr. Ahmed Samy
12-06-2017, 06:10 PM
تحليل شامل لامتحان اللغة الإنجليزية للثانوية العامة 2017..
مناقشة لأخطاء الامتحان.. وهل سيتم مراعاة أخطاء الامتحان في التصحيح؟!
http://english2fun.com/upload/English-3rd%20year-2017.jpg
حان الوقت كي أقول رأيي بالتفصيل في امتحان الإنجليزي بتاع الثانوية العامة.. الامتحان سهل جدًا بالرغم من الهري والأفورة اللي بنشوفها على النت والتليفزيون ولو وضعنا في الاعتبار القطعة الأولى القوية التي تعيد أمجاد اللغة الإنجليزية، ممكن نقول إن الامتحان مستواه متوسط.. الطالب الشاطر الدحيح هيطلع زعلان من الامتحان دة لأنه كان عاوز يقفل وهو كدة ممكن ينقص نصف درجة أو درجة ولو صادفه التوفيق ممكن يقفل بإذن الله.. الطالب المتوسط هيطلع مزقطط وفرحان لأن مفيش طالب أعتقد هيقل عن 40 من 50 في الامتحان دة.. الطالب الضعيف بقى هيطلع شايل لأنه حافظ مش فاهم والامتحان للأسف مفيش شبيه له في امتحانات السنوات السابقة أو أي كتاب خارجي ولازم الواحد يكون فاهم مش حافظ.. دة عرض سريع للنقاط التي جذبت انتباهي في الامتحان وأرجو المناقشة من الطلاب والسادة المدرسين:
1. المواقف تافهة جدًا ولو طالب في أولى إعدادي هيحلها.
2. سؤال السبيكرز سهل جدًا وبعد اللي حليناه طول السنة مع الطلبة والجمل الغريبة اللي حليناها على مدار السنة، في الآخر يجيب لهم teacher و student. يبدو أن واضع الامتحان يخلط بين ثالثة ثانوي وأولى ابتدائي. http://www.english2fun.com/vb/images/smilies/eek.png
3. سؤال السبيكرز الأول بتاع الترزي، المفروض إجابته dressmaker وأنا مستغرب إن نموذج الإجابة الرسمي جايب tailor أو dressmaker.. حيث أنه لغويًا، المفروض أن tailor ترزي رجالي و dressmaker تنفع ترزي رجالي أو حريمي. وهذه معلومة مؤكدة. والسؤال كان جايب الزبونة عاوزة تطول الجيبة 5 سم. والجيبة لبس حريمي والمفروض الإجابة تكون dressmaker. بس عمومًا ما دام نموذج الإجابة جاء في مصلحة الطالب أنا فرحان. لكن أنا بتكلم من الناحية اللغوية.
4. جملة الاختياري بتاعة will be و will have been ، المفروض أن الإجابتين ينفعوا والمفروض الإجابة الأفضل will be لأن الحدث في المستقبل سيكون غير تام وسيكون غير منتهي، لذلك يُفضل المستقبل البسيط على المستقبل التام. أنا مستغرب إن نموذج الإجابة جايبها مستقبل تام فقط، لكن سمعت أن التصحيح سيراعي الإجابتين ، ودة شيء أسعدني جدًا. لكن أنا برضه بتكلم من الناحية اللغوية. أليس من الأفضل استخدام المستقبل البسيط؟
5. جملة ال mistake بتاعة making a research استفزتني جدًا. حيث أن بها غلطتين لغويتين مش غلطة واحدة. المفروض حذف a وتغيير making إلى doing. وبذلك الإجابة الصحيحة لغويًا هي تغيير making إلى doing وحذف a من قبل research. وما استفزني أكثر أن نموذج الإجابة الرسمي ذكر تغيير making إلى doing ولا يوجد به أي إشارة إلى حذف a. كلنا يعرف أن كلمة research هي كلمة uncountable أي لا تُعد ولا تُسبق بـ a أبدًا أبدًا ولا يُضاف لها es إلا في اللغة الإنجليزية البريطانية الرسمية. في اللغة الإنجليزية البريطانية الرسمية جدًا ممكن نشوف كلمة researches وهي حالة نادرة لكن عمري في حياتي ما شفت ولا سمعت a research دي. دة اختراع جديد دة ولا إيه؟
6. في سؤال القطعة الأولى ، كان جايب سؤال which بتعود على إيه؟ والمفروض الإجابة الصح suspension of disbelief أو association with real events ، لأن الاثنين نفس المعنى وهما الاثنين حاجة واحدة، وكمان which جاية بعد suspension of disbelief على طول ودة معناه إنها عائدة عليها وأنا رأيي الشخصي suspension of disbelief أفضل من association with real events، لكن ما استفزني جدًا أن نموذج الإجابة الرسمي جايب association with real events بس. ما رأي السادة المدرسين والطلاب؟
7. في سؤال القطعة الثانية، كان جايب إن 20 عين بتبص على رامي، فكم عدد الأشخاص؟ المفروض منطقيًا وحسابيًا الإجابة 10 أشخاص لأن كل شخص له عينان. ولو افترضنا أن العين مجاز مرسل عن الشخص (علاقته جزئية) سيكون عدد الأشخاص عشرين. عشان كدة اللي هيعمل الإجابة ten أو twenty هتتحسب صح. وأنا سعيد أن التصحيح سيراعي الإجابتين.
8. سؤال الاقتباس في القصة أي سؤال quotation ، كان به غلطة في الصياغة. المفروض the addressed person أي الشخص المخاطب وهو جايب مكانها the speaker أي المتحدث. والحوار دة أثر على إجابة بعض الطلبة. وأنا سعيد أن التصحيح سيراعي هذه النقطة. وتم تصحيح هذه الغلطة في نموذج الامتحان الذي نشرته في موقعي الرسمي على الرابط التالي:
مستر أحمد سامي
أنتظر رأيكم ومناقشاتكم
مناقشة لأخطاء الامتحان.. وهل سيتم مراعاة أخطاء الامتحان في التصحيح؟!
http://english2fun.com/upload/English-3rd%20year-2017.jpg
حان الوقت كي أقول رأيي بالتفصيل في امتحان الإنجليزي بتاع الثانوية العامة.. الامتحان سهل جدًا بالرغم من الهري والأفورة اللي بنشوفها على النت والتليفزيون ولو وضعنا في الاعتبار القطعة الأولى القوية التي تعيد أمجاد اللغة الإنجليزية، ممكن نقول إن الامتحان مستواه متوسط.. الطالب الشاطر الدحيح هيطلع زعلان من الامتحان دة لأنه كان عاوز يقفل وهو كدة ممكن ينقص نصف درجة أو درجة ولو صادفه التوفيق ممكن يقفل بإذن الله.. الطالب المتوسط هيطلع مزقطط وفرحان لأن مفيش طالب أعتقد هيقل عن 40 من 50 في الامتحان دة.. الطالب الضعيف بقى هيطلع شايل لأنه حافظ مش فاهم والامتحان للأسف مفيش شبيه له في امتحانات السنوات السابقة أو أي كتاب خارجي ولازم الواحد يكون فاهم مش حافظ.. دة عرض سريع للنقاط التي جذبت انتباهي في الامتحان وأرجو المناقشة من الطلاب والسادة المدرسين:
1. المواقف تافهة جدًا ولو طالب في أولى إعدادي هيحلها.
2. سؤال السبيكرز سهل جدًا وبعد اللي حليناه طول السنة مع الطلبة والجمل الغريبة اللي حليناها على مدار السنة، في الآخر يجيب لهم teacher و student. يبدو أن واضع الامتحان يخلط بين ثالثة ثانوي وأولى ابتدائي. http://www.english2fun.com/vb/images/smilies/eek.png
3. سؤال السبيكرز الأول بتاع الترزي، المفروض إجابته dressmaker وأنا مستغرب إن نموذج الإجابة الرسمي جايب tailor أو dressmaker.. حيث أنه لغويًا، المفروض أن tailor ترزي رجالي و dressmaker تنفع ترزي رجالي أو حريمي. وهذه معلومة مؤكدة. والسؤال كان جايب الزبونة عاوزة تطول الجيبة 5 سم. والجيبة لبس حريمي والمفروض الإجابة تكون dressmaker. بس عمومًا ما دام نموذج الإجابة جاء في مصلحة الطالب أنا فرحان. لكن أنا بتكلم من الناحية اللغوية.
4. جملة الاختياري بتاعة will be و will have been ، المفروض أن الإجابتين ينفعوا والمفروض الإجابة الأفضل will be لأن الحدث في المستقبل سيكون غير تام وسيكون غير منتهي، لذلك يُفضل المستقبل البسيط على المستقبل التام. أنا مستغرب إن نموذج الإجابة جايبها مستقبل تام فقط، لكن سمعت أن التصحيح سيراعي الإجابتين ، ودة شيء أسعدني جدًا. لكن أنا برضه بتكلم من الناحية اللغوية. أليس من الأفضل استخدام المستقبل البسيط؟
5. جملة ال mistake بتاعة making a research استفزتني جدًا. حيث أن بها غلطتين لغويتين مش غلطة واحدة. المفروض حذف a وتغيير making إلى doing. وبذلك الإجابة الصحيحة لغويًا هي تغيير making إلى doing وحذف a من قبل research. وما استفزني أكثر أن نموذج الإجابة الرسمي ذكر تغيير making إلى doing ولا يوجد به أي إشارة إلى حذف a. كلنا يعرف أن كلمة research هي كلمة uncountable أي لا تُعد ولا تُسبق بـ a أبدًا أبدًا ولا يُضاف لها es إلا في اللغة الإنجليزية البريطانية الرسمية. في اللغة الإنجليزية البريطانية الرسمية جدًا ممكن نشوف كلمة researches وهي حالة نادرة لكن عمري في حياتي ما شفت ولا سمعت a research دي. دة اختراع جديد دة ولا إيه؟
6. في سؤال القطعة الأولى ، كان جايب سؤال which بتعود على إيه؟ والمفروض الإجابة الصح suspension of disbelief أو association with real events ، لأن الاثنين نفس المعنى وهما الاثنين حاجة واحدة، وكمان which جاية بعد suspension of disbelief على طول ودة معناه إنها عائدة عليها وأنا رأيي الشخصي suspension of disbelief أفضل من association with real events، لكن ما استفزني جدًا أن نموذج الإجابة الرسمي جايب association with real events بس. ما رأي السادة المدرسين والطلاب؟
7. في سؤال القطعة الثانية، كان جايب إن 20 عين بتبص على رامي، فكم عدد الأشخاص؟ المفروض منطقيًا وحسابيًا الإجابة 10 أشخاص لأن كل شخص له عينان. ولو افترضنا أن العين مجاز مرسل عن الشخص (علاقته جزئية) سيكون عدد الأشخاص عشرين. عشان كدة اللي هيعمل الإجابة ten أو twenty هتتحسب صح. وأنا سعيد أن التصحيح سيراعي الإجابتين.
8. سؤال الاقتباس في القصة أي سؤال quotation ، كان به غلطة في الصياغة. المفروض the addressed person أي الشخص المخاطب وهو جايب مكانها the speaker أي المتحدث. والحوار دة أثر على إجابة بعض الطلبة. وأنا سعيد أن التصحيح سيراعي هذه النقطة. وتم تصحيح هذه الغلطة في نموذج الامتحان الذي نشرته في موقعي الرسمي على الرابط التالي:
مستر أحمد سامي
أنتظر رأيكم ومناقشاتكم