مشاهدة النسخة كاملة : انا اضحك عليا فى معهد وخدو منى فلوسى ومش عارف اعمل ايه ومستقبلى ضاع
احمد سيف احمد 14-09-2008, 01:46 AM والدى قالى ان فيه واحد صاحبه هيودينى معهد هندسه كويس على الرغم من انى ادبى روحت هناك ودفعت الفلوس وقالولى المعهد 8 سنين والسنه بألف جنيه وال8 سنين مع بعض ب8 الاف جنيه وفى الاخر ماطلعش فيه معهد والناس اللى ضحكوا عليا مش عارف فين فص ملح وداب وطلع المعهد ده مدرسه ميكانيكيه
وانا جايب 82 فى الميه مش عارف اعمل ايه انا كنت ممكن ادخل تجاره او اداب او تربيه والتنسيق قفل والاعداد كملت فى الكليات
هل انتحر واخلص ولا انتو عندكوا حل ؟؟؟؟؟؟
ياريت تردوا عليا بسرعه
sidof 14-09-2008, 04:35 AM والدى قالى ان فيه واحد صاحبه هيودينى معهد هندسه كويس على الرغم من انى ادبى روحت هناك ودفعت الفلوس وقالولى المعهد 8 سنين والسنه بألف جنيه وال8 سنين مع بعض ب8 الاف جنيه وفى الاخر ماطلعش فيه معهد والناس اللى ضحكوا عليا مش عارف فين فص ملح وداب وطلع المعهد ده مدرسه ميكانيكيه
وانا جايب 82 فى الميه مش عارف اعمل ايه انا كنت ممكن ادخل تجاره او اداب او تربيه والتنسيق قفل والاعداد كملت فى الكليات
هل انتحر واخلص ولا انتو عندكوا حل ؟؟؟؟؟؟
ياريت تردوا عليا بسرعه
لا ياعم انتحر احسن
pharma girl 14-09-2008, 11:43 PM لا حول و لا قوة الا بالله
انت ممكن تتصل بمكتب التنسيق و تستفسر منهم
اعمل شكاوى اترف
و انشاء الله يا رب يرجعلك حقك و تدخل اللى انت عايزه
و متقولش كلمة انتحر دى تانى
رحمة ربنا واسعة و مفيش حاجة تسستحق فى الدنيا
و صلى ركعتين قضاء حاجة و ادعى ربنا من قلبك
حسبنا الله و نعمة الوكيل فى الناس دى
ahmed abobakr 14-09-2008, 11:59 PM دى حاجة مستحيل حد يصدقها ازاى تدفع فلوسك فى حاجة انت متعرفش عنها حاجة و ازاى ادبى وتفكر فى هندسة وكمان مستحيل تلاقى معهد او كلية 8 سنين هتتخرج عندك 26 سنة تعمل ايه .
ربنا يكرمك وتلاقى حد يساعدك فى التنسيق بس بلاش موضوع الانتحار ده . كله فى الآخر قسمة ونصيب .
more work 15-09-2008, 02:48 AM بص انت لو مكن بعد ما دفعت فلوسك دى وراحت تقدر تدفع فلوس تانية ممكن تدخل اى اكادمية من اللى بالفين جنية فى السنة وبتبقى ذى كلية تجارةبس انت باردو اتصل بمكتب التنسيق واسال وبيتهيق لى انة ممكن تقدم ورقك وحتى لو قفلت يبقى دة قدرك والخيرة فيما اختارة الله سبحانة وتعالى قدم خاص لوتقدر وانتحار اية ياعم الواحد ناقص يموت كافر استغفر ربنا وصلى صلاة قضاء الحاجة وادعى ربنا وان شاء الله ربنا يوفقك ويقدم لك الخير وربنا ينتقم لك من اللى سرقوك حسبى الله ونعم الوكيل فيهم ابقى بعد كدة خد بالك
احمد سيف احمد 15-09-2008, 04:10 AM شكرا لاهتمامكم انا عملت كل حاجه ومافيش ليا غير المعاهد الخاصه والاكاديميات وانا مش عايز يتنصب عليا تانى لانى حالتى النفسيه دلوقتى مايعلم بيها الا ربنا وحاسس انى بقى ماليش لزمه فى الدنيا والمشكله ان والدى ووالدتى مش متعلمين ومش فارقه معاهم حتى لو قعدت فى البيت مش مشكله بالنسبالهم لكن انا صعبان عليا المذاكره وتعب السنتين اللى فاتوا وانا دلوقتى بفكر انى اشتغل بالثانويه وده الحل الوحيد اللى قدامى
reda_mafia50 15-09-2008, 04:19 AM شكرا لاهتمامكم انا عملت كل حاجه ومافيش ليا غير المعاهد الخاصه والاكاديميات وانا مش عايز يتنصب عليا تانى لانى حالتى النفسيه دلوقتى مايعلم بيها الا ربنا وحاسس انى بقى ماليش لزمه فى الدنيا والمشكله ان والدى ووالدتى مش متعلمين ومش فارقه معاهم حتى لو قعدت فى البيت مش مشكله بالنسبالهم لكن انا صعبان عليا المذاكره وتعب السنتين اللى فاتوا وانا دلوقتى بفكر انى اشتغل بالثانويه وده الحل الوحيد اللى قدامى
بص بقى انا مش بحب حد يكون فاقد امل
شوف اى معهد
بص متاكد منه
ومضعيش تعبك على فاضى
شغل دماغك وفكر كويس
reda
more work 15-09-2008, 03:12 PM بص هى الاكاديميات كويسة لو تخش قسم ادارة اعمال ومش نصب ولا حاجة ولما بتدفع بيدوك وصل لكن لو مش هتقدر تدفع فلوس تانى يبقى استنى للسنة الجاية وقدم عادى جدا والسنة دى ربنا يعوض عليك فيها وممكن ربنا عايز كدة عشان حاجة احسن واوعى تشتغل بالثانوية العامة دى متعتبرش شهادة اساسا دول الدبلومات بيكملو كليات عشان ميبقاش معاهم دبلوم مش المشكلة دى اللى هتخليك تضيع نفسك اوعى تشتغل بالثانوية خالص اعتبر انة لقدر الله دبلرت سنة فكر فى مستقبلك ومنظرك قدام الناس
pharma girl 15-09-2008, 08:30 PM انا من راييى انك متفكرش فى حكاية الشغل بالثانوية دى خالص لانك كدة هتكون ضيعت نفسك خالص
على فكرة ممكن تقدم السنة الجية عادى خالص
لكن السنادى مش عرفة
ممكن تتصل بمكتب التنسيق زى ما قولتلك و انا برده رايحة بكرة الادارة عشان اسال على حاجات و هسال فى م وضوعك
او ممكن ابعتلك النمر اللى ممكن تتصل بيها
شوف انت عايز ايه و رد عليا
Prof.Dr/A.T.M 15-09-2008, 08:38 PM لا اله الا الله
حاول تسال حد يكون بيشتغل فى التنسيق ولا حاجة يمكن يكون فى حل وتعرف تدخل كلية اعادى
وربنا يسهلك
شيماء شريف 15-09-2008, 10:30 PM لالا طبعا فكر الاول وبعدين مش كنت تفكر انت ابى معهد هندسى ايه بس المهم
اوعى تنتحر ولا الكلام الفاضى ده وافتكر ربنا وادعى لع واشكى له وهو القادر انه يفك زنقتك
احمد سيف احمد 16-09-2008, 01:51 AM طيب والسنه الجايه هدخل بأنهى تنسيق تنسيق السنه دى ولا السنه اللى جايه واكاديمية تجاره بكام ؟وممكن اشتغل بالثانويه فين؟
more work 16-09-2008, 02:21 AM السنة الجاية تخش بتنسيق السنة دى يعنى تخش اداب وتجارة والاكادميات اكادمية المستقبل ب3 الاف نصهم اول الترم ونصهم تاانى ترم وبتقل الفلوس كل سنة حاجة بسيطة والاكادميات كلها قسم ادارة اعمال ما بتزيدش عن 3 الاف ومفيش شغل بالثانوية العامة لانها ماتعتبرش شهادة الدبلوم هو اللى شهادة يشتغلو بيها ولوفكرت فيهافى المجتمع اللى انت عايش فية شهادتك مستواك شغل مخك فكر بهدوء وان شاء الله توصل لقرار كويس
totylove 24-09-2008, 08:15 PM ما تفقدش الامل بى ربنا واحنا والله حاسين بيك...
وصدقنى اكيد دى حاجه حلوة ليك
صدقنى ربنا له حكمه فى اى حاجه هو بيقدرها لى عباده
وخالى ايامنك بى ربنا كبير وربنا كريم والله
ومش مشكله ياما ناس ضاعت عليها سنين
ومافيهاش حاجه دى سنه واحده بس ال ضايعه عليك وانت كمان حاول تستغل السنه دى فى حاجه كويسه
وربنا يوفقك
لكن حاول تلغى حكايه انك تقعد بى الثانويه العامه
وبالتوفيق ليك:)
العقرب القاتل 25-09-2008, 07:11 AM بص يا عمنا انت تروح مكتب وزير التربيه والتعليم وتقدم شكوى
او تكتب تلغراف للوزير وتبعته او جواب وان شاء الله يرد عليك
وانت يا عم اياك تستسلم
وزي ما قال الاعضاء سابقاً
ممكن تستنى سنه وتدخل بالتنسيق الجديد
لاكن اعمل محاولات ولا تيأس
وروح ودور وان شاء الله ربنا هيكرمك
ولو في دماغك المعاهد ادخل اكاديميه المدينه جميله جدا واخويا فيها
لاكن سيبك من المعاهد والاكاديميه
اعمل زي ما قلت ليك
على شان مضيعش مزاكرتك ورنا يوفقك يا حبيبي
|