king mo7amed
14-09-2008, 03:21 PM
بسال نفسي ساعات لو كان معايا اله زمن يا ترى هختار اعيش في اي عهد من رؤساء او ملوك مصر
الاستطلاع هيبين دا
وياريت لو رديت تعرفنا السبب
الاستطلاع هيبين دا
وياريت لو رديت تعرفنا السبب
|
مشاهدة النسخة كاملة : بص انصحك متدخلش.......ولو دخلت متردش king mo7amed 14-09-2008, 03:21 PM بسال نفسي ساعات لو كان معايا اله زمن يا ترى هختار اعيش في اي عهد من رؤساء او ملوك مصر الاستطلاع هيبين دا وياريت لو رديت تعرفنا السبب love_queen_emy 14-09-2008, 03:26 PM والله يا محمد موضوع محير جداااااا وبصراحة مش عارفه وأتوقع كلهم زي بعض بس لما إتفرجت علي مسلسل الملك فاروق عجبتني شخصيته رغم المشاكل إللي كانت موجوده في عهده فأنا أختار الملك فاروق ولو رئيس يبقي السادات بحس إنه له دور كبير في تاريخ مصر علشان هو صاحب الفضل بعد ربنا في نصر أكتوبر وميرسيي علي الموضوع الجميل ده marwa.m 14-09-2008, 03:30 PM انامستغربة جدا من عنوان الموضوع :d:d انا هختار الرئيس الراحل محمد انور السادات لانة كان شخصية عظيمة فهو بطل الحرب والسلام :) وكفاية انة خلصنا من احتلال دولة زى اسرائيل يلا نقرأ لة الفاتحة Eng_Hegazy91 14-09-2008, 03:31 PM ببساطه ان الرئيس الراحل جمال عبد الناصر ده مش هيتكرر ليه البلد اه كانت فى عهده المعتقلات مفتوحه على الاخر واى حد يقول كلمه يروح ورا الشمس بس ده عشان كانت البلد فى حال يرثى لها مش مستحمله اى حاجه بس بردك كل واحد وليه عيوبه وكانت سوء اختيار حاشيته من الوزراء وبالتالى كان نجاحه كان فردى مش نجاح جماعى يعنى البلد كلها كانت بتموت فى حاجه اسمها جمال عبد الناصر ومش زى ماكتير بيعتقد ان السادات الافضل ولا حاجه لان السادات كان بداية الى احنا فى دلوقتى اشهد ان رجل سياسى من الدرجه الاولى بس كان طريقته خاطئه فى ادارة البلد وبعدين جمال لو كان ربنا اطال فى عمره كان عمل حاجات كتير اوى وانا اسف انى طولت عليكم ezoo2010 14-09-2008, 03:33 PM بصراحه انا هاختار عبدالناصر علشان حياته مليانه حوالها اشاعات كتيير وانه عمل وسوي وانا شايف إنه بطل والموضوع جميل اوي :d :d :d lamar 14-09-2008, 03:40 PM انا اخترت انور السادات لانه ببساطة احسن الوحشين زى ما بيقولوا beba 14-09-2008, 03:41 PM انا شايفه انى اعيش ف عهد عبد الناصر احسن بكتير لانى شايفه انه بطل حقيقى وانا بحبه جدا شكرا ع الموضوع بس يا رب ما نتمسكش كلنا اتمنى ان تتقبل مرورى,,,,, mazen_eldeeb 14-09-2008, 03:45 PM انا اخترت انور السادات لانه ببساطة احسن الوحشين زى ما بيقولوا عندك حق والله dr.fanakat 14-09-2008, 05:17 PM لا يا عم انا بصراحه مبسوط بالزمن اللى انا فيه انتواماتعرفوش مصر زمان كانت عامله ازاى منى ذكى 14-09-2008, 05:21 PM انا اخترت جمال عبد الناصر لان الناس كانت بتحبه اوى بس صحيح هو العنوان كدا ليه؟ الشفق الباكي 14-09-2008, 08:34 PM انا اختار عهد ناصر لانى بحبه جدا وبلاحظ جدل كبير حوالين شخصيته وعهده بين اللى بيقول انه كان عظيم وبين اللى بيقول انه كان ديكتاتور ومايهموش الا الحكم وعاوزه اشوف موضوع الاخوان والشيوعيين معاه والحاجات دى بس يكفى انه قائد شهدله العدو قبل الحبيب قائد حب يعمل العرب كيان واحد وامه واحده المحب لله 14-09-2008, 10:30 PM بص والله من راى ولا واحد فيهم عدل كل واحد عنده محاسن ومساوئ ومساوئهم اكتر من محاسنهم نفسى اعيش عصر الرسول والصحابه يوسفتي 14-09-2008, 10:41 PM واللة اختار الملك فاروق لانة كان وقتها ديمقراطية صح مش دلو قتى بحر الاحزان 15-09-2008, 12:55 AM انا شايفه ان كل رئيس ودولته له مميزات وله عيوب ودى وجهات نظر بتختلف من شخص لاخر حتى لو انا شايفه ان فى حاجه مش تعجبنى عند اى حد ممكن يكون غيرى شايفها ميزه لذا انا بقول كده اللى نعرفه احسن من اللى منعرفوش واختار اكون زى ما انا حسنى مبارك withoutname2100 15-09-2008, 05:10 AM افضل عصر السادات..لانه من اذكي الشخصيات المصريه..اما جمال كان قائد عظيم بس برده الزمام فلت منه وكانت المعتقلات شغاله وساعاتها كانت مؤلمه اكتر لان ولاد بلدك هما اللي بيعذبوك اما قبل كده فالواحد ممكن يستحمل علي اساس ان الانجليز هما اللي بيعذبوه وبيستحمل عشان الوطن وبعدين برده كان في مشاكل كتير بسبب اختلافات الضباط الاحرار يعني جمال قائد عظيم بس الظروف والناس اللي كانت محيطه بيه مساعدتوش..اما السادات فانسان ذكي جدا وبعيد النظر وبياخد قرارات عارف انها فوقته كانت هتعمله مشاكل لكن هي فمصلحه البلد..اما عصرنا الحالي عصر مبارك المبارك فلا تعليق[نو كومنت] M.TAHER 15-09-2008, 08:38 AM انا اختارت عهد السادات عشان الراجل اتبهدل فى حياته كتييير عشان كده كان حاسس بالشعب Cray_Bird91 15-09-2008, 12:58 PM بصراحة عصر الرئيس جمال عبد الناصر كان تمهيدا لعصر السادات يعنى اللى عمله جمال عبد الناصر كمله انور السادات والاتنين كانوا بيتمنوا انهم يتخلصوا من الاحتلال ومصر تحصل على استقلالها زى باقى البلاد العربية عشان كدة بفضل اعيش فى زمن الاتنين أحمد بلما 15-09-2008, 01:05 PM طبعا الموضوع مكرر ولكن مهما اتكرر فهو مهم أنا كواحد من الناس أتمني اعيش في عهد الزعيم المؤمن الراحل محمد انور السادات بعيدا عن مسألة اعتقالات سبتمبر اللي كانت لهدف سياسي سامي بس في رايي ان السادات كان احسن من غيره بكتيييييييير في عهده عرفت مصر لأول مرة معني الديمقراطية والدستورية ولأول مرة يحصل انفتاح ورخاء اقتصادي أستاذ الاقتصاد كان بيقولنا في الثانوية ان اللي ماغتناش ايام السادات يبقي هيعيش في فقر طول حياته دا غير المعتقلات اللي اغلقها وحرية الصحافة و الاحزاب اللي دعا اليهم بعد ماكانت مصر شايفة الهوان والمرار والذل والفقر والنكسة علي يد جمال عبد الناصر (سارق السلطة ومجرم الحرب) ورغم كل دهاؤه السياسي والنصر الوحيد اللي شفناه علي اديه اتغدر بيه في وطنه من أولاده ومحدش عرف قيمته صح الا بعد استشهاده .رحمة الله عليه king mo7amed 15-09-2008, 07:30 PM 1 اشكر كل من رد علي موضوعي لان دي اول مرة اتلقي ردود كتير ههههههههههه 2 اجمل الردود كانت من اختي love_queen_emy 3 انا افضل الملك فاروق لان الحياه كانت جميله في بدايه عهده او اختار رمسيس الثاني king mo7amed 15-09-2008, 07:32 PM العنوان كدا للجذب بس مش اكتر ABO HESHAM 15-09-2008, 07:32 PM أنا شايف ان الرئيس السادات رجل سلام و كنت أتمنى انى اشارك فى حرب 73 XMTMX2009 18-09-2008, 09:31 AM بدون تفكير حسنى مبارك:d:d :rolleyes: :cool: ^_^ بهزر معاكو طبعا بدون تفكير جمال عبد الناصر دا كان شخصية عظيمة يارتنا نيجى ربعه فى حبه لبلده ملكة العرب 19-09-2008, 10:13 PM جمال عبد الناصر والحقيقه انا بموت فيه وكان عادل وكفايه انه خلص مصر من الملك فاروق و انجلترا والحقيه انا بحب الزمن ده اساسا dr_semsemaaa 20-09-2008, 01:31 PM لانه صعب أنك تختار فى اى عصر تعيش او اى مكان تنتميله لان مدحش بيختار عمره بايده هختار اللى ربنا اختاره لى يعنى هختار مبارك مش محبة فيه ولا حتى كره ليه بموضوعية حيادية انا اختارته لان ميفعش او هو ده اللى ربنا اختاره ومش معنى ده ان اللى فاتوا وحشين لاء فيه مميزات وعيوب لكل حد فيهم وكفاية اوى نذكر محاسنهم لانه لايجوز على الموتى الا الرحمة ولان مبارك جاى فى عصر التكنولوجيا العالى او يعنى ممكن احنا كجيل العصر ما نتاقلمش على اللى الزمن اللى فات وهنهى كلامى انه لا الزمن باشخاصه ولا بمدته فيه بيت شعر بحبه اوى لو ادركنا معنها هنعيش اجمل حياة نعيب فى الزمان والعيب فينا وما لزماننا عيب سوانا تحياتى نورسين احمد رضا 20-09-2008, 01:39 PM انا بس هختار اروح العصر اللي كان فيه اللي بني مصر الحلواني يعني اقوله امتي البلد دي هتتخلف زهقنا من كتر التقدم طفحنا تقدم ايه الحل ياعم حلواني نفسي البلد دي يااما تتصلح يااما تختفي من الوجود كأنها لم توجد يالا الموضوع حلو ولو هجاوبك هقولك هختار العصر اللي احنا فيه ده لان شخصيتي مش هتتناسب مع اي عصر من العصور اللي قبل كدا وكذلك كل واحد فينا دي حاجة في المونتاج اسمها تسنيك الزمن مع الشخصية :d king mo7amed 20-09-2008, 01:54 PM شكرا عالردود مرسي king mo7amed 21-09-2008, 10:37 PM شكرا للاعضاء zaad 22-09-2008, 08:34 PM أنا أخترت الاختيار رقم 7:cool: mena1990 22-09-2008, 11:17 PM بصراحه السته اجمل من بعض واما بيموتوا جمالهم بيبان ويتكشف انا فعلا لو خيرونى اختار زمن الرسول صلى الله عليه وسلم والخلفاء الراشدين لكن حد من الحلوين اللى فوق يبقى بلاش اعيش احسن او فى حل تانى اعيش فى مكان اكون فيه رئيسه جمهوريه نفسى msk325 23-09-2008, 05:57 AM ياخى واين العصر الاسلامى عصر عمرو بن العاص رضى الله عنه لماذا تتجاهله كوسائل الاعلام المصريه ليس عندها من تاريخ مصر الا العصر الفرعونى ثم تترك جميع العصور الاخرى وتذكر عصر مبارك المجيد عصر الرخاء والازدهار !!!!!!!!!!!! eslam_tot2005 28-09-2008, 10:36 PM انا افضل الرئيس مبارك لنه عرف يضحك على الشعب اللى عمرى ما حد ضحك عليه روميو 29-09-2008, 02:21 AM انا صوت للسادات لان بجد احسن رئيس مسك مصر بجد راجل محترم وكانت دماغه كبيرة ده اسمه التعلب حارب كل انواع الفساد كان عايش بين الناس وكان عارف المشاكل مش عايش فى قصر عالى زى ناس بجد يعنى عصر كان من احسن عصور مصر راجل بمعنى الكلمة فى الحرب دماغه شغالة وفى السلم بس القدر حرمنا منه واغتيل وده مصيرالشرفاء بجد انا عاشق السادات والله يرحمه عاش بطلا ومات اسطورة Jerry 29-09-2008, 03:53 AM ana bisara7a e5tart GAMAL ABD EL NASER 2asl besara7a ana ba7ees en howa elly 5ala maser a7san w 5alaha tetawar badal makant maser 3aysha fi 3aser el en7edaaaar w el tadahwor 2ablih walahy ana ba2ool keda men kalam baba w mama w men el TV Bossy Cat 29-09-2008, 11:34 PM انا صوت للسادات لان بجد احسن رئيس مسك مصر بجد راجل محترم وكانت دماغه كبيرة ده اسمه التعلب حارب كل انواع الفساد كان عايش بين الناس وكان عارف المشاكل مش عايش فى قصر عالى زى ناس بجد يعنى عصر كان من احسن عصور مصر راجل بمعنى الكلمة فى الحرب دماغه شغالة وفى السلم بس القدر حرمنا منه واغتيل وده مصيرالشرفاء بجد انا عاشق السادات والله يرحمه عاش بطلا ومات اسطورة وانا رايى من راى الاسطورة لان السادات بجد كلن دماغ كبيرة اوى اوى ولو كان عرفات راح معاه وعمل المعاهدة معاه كان زمان فلسطين فى امان وممكانتش تبقى محتلة لحد دلوقتى وهم الفلسطينين لحد الان ندمانين على انهم موافقوش على كلام السادات وبيقولو ياريت لو الزمان يرجع بينا تانى entesar ahdy 03-10-2008, 10:30 PM شكرا على الموضوع الرائع .... شكرا لك انا اخترت عصر رمسيس الثانى ..... حضاره الفراعنه العظام ..... Mr.Mosaad 03-10-2008, 10:40 PM أنا اخترت عبد الناصر لكن ان كان فى اختيار أخر ان تكون غير مصرى مع الأسف ممكن يكون افضل لا تأسفن على غدر الزمان لطالما رقصت على جثث الأسود كلاب لا تحسبن برقصها تعلو على أسيادها تبقى الأسود أسود والكلاب كلاب hend ere 03-10-2008, 11:32 PM بصراحه مش عارفه اختار مين كل واحد منهم ليه عيوبه وبعدين انا مش احب ارجع بالزمن للخلف..احب اطلع بيه للامام لانى بحب التكنولوجيا جدااااااااااا ومقدرش اعيش فى عصر فات. انا يمكن اكون طلعت عن الموضوع الاصلى. بس انا مش عارفه اختار مين ميدو وبيبو 09-10-2008, 10:18 PM السااااااااااااااااااااااااااااااااااداااااااااااا ااااااااااات هو فى زيه الله يرحمك يا سادات prince man 15-10-2008, 12:23 AM انا شايف ان اى حاكم كويس بس المهم ميكونش مبارك sahoorra 16-10-2008, 06:05 PM انا اتمنى اعيش فى عصر عمرو موسى اعظم سياسى عرفتة فى حياتى لا ليه فى الفساد او الرشوة علشان كدة نقلوه من وزارة الخارجية لجامعة الدول العربية مروه 17-10-2008, 03:10 PM مش هتخار ولا عصر من دول كلهم مش عجبنى بس انا افضل اعيش فى العصر اللى انا موجوده فيه دلوقتى أو عصر الرسول صلى الله عليه وسلم هو ده العصر الوحيد اللى اتمنى اعيش فيه ملكة العرب 30-10-2008, 06:05 PM على فكره انا ملاحظه ان كله بيقول السادات لسبب اسرائيل انتنو نسيتوا ان جمال عبد الناصر خرج انجلترا بعد سبعين سنه Abanoub khalil 03-11-2008, 05:06 PM طبعا احب اعيش في عصر الملك رمسيس 2 لان ايام الفراعنه كان في علم بجد أمير الظلام 03-11-2008, 06:30 PM عصر حسنى يعنى أحسن الوحشين هو يعتبر أفضل قليلا من عصر ناصر المستبد ومن عصر السادات المختال جدا بنفسه ميراج 04-11-2008, 11:50 AM احب اعيش طبعا فى عصر جمال عبد الناصر وياريتنى كنت عشت فى عصره بدل عصر التخلف اللى احنا فيه ده اللى فيه الحكومه الظالمه والشعب المظلوم دائما Thanwya Soldier 2009 05-11-2008, 01:18 AM افضل عصر الملك فاروق او عصر السادات رونالدينهوو 07-11-2008, 04:25 PM انا بتمنى انى اعيش فى المستقبل ويكون عصر احسن فى كل شىء من ناحية التقدم انه يبقى موجود ويكون مجتمع صالح غير اللى احنا فيه وكمان يكون اساسه العدل ومفيهوش ظلم زى ظلم الايام دى يا ريت بدل ما نحلم فى العصر اللى نفضل العيش فيه اننا نحاول نغير نفسنا علشان بلدنا تتغير والله الموفق hema_maf 07-11-2008, 06:56 PM أنور السادات طبعا king mo7amed 08-12-2008, 02:27 PM شكرا ليكم جميعا طارق ممدوح ذكي محمد 08-12-2008, 02:31 PM ايه يا عم رجعتنا لرمسيس الثاني وما مريتش على عمرو بن العاص و ................. الخ احنا عايزين الناس بتوع ربنا ... ولا ليك رأي تاني أ.مصطفي نور 08-12-2008, 04:36 PM والله من ناحية الرؤساء كل واحد فيهم عمل تمهيد للمرحلة التالية بمعني ان مصر بتطور في كل عهد واحد منهم ولكن من رأي أحسنهم السادات بطل الحرب والسلام أما بالنسبة للملوك أختار طبعا دون تردد عصر صلاح الدين الأيوبي قاهر الصليبين لأنه ده أحسن قائد حكم مصر mkafi 08-12-2008, 11:30 PM انا مش فاهم ازاى اى مصرى مايعرفش قدر الزعيم البطل الراحل جمال حبيب الملايين انا مش هاتكلم عن افضاله العظيمة لانها موجود وتشهدله منها مثلا السد العالى - وتأميم القناة -مصانع السكر فى اغلب محافظات الصعيد -القضاء على الاقطاعيين -وتوزيع الاراضى على الفلاحين الغلابة والاهم كان للمصريين كرامة وكلمة بين الدول ويكفى يا اخوانى انكم تشاهدوا موكب جنازة جمال وانتم تعرفوا قيمته رحمك الله يا جمال واسكنك فسيح جناته HMHHG 09-12-2008, 12:07 AM عهد عمر بن الخطاب بجد كنت اتمنى اكون موجوده فى عهده وبعد عصر عمر بن الخطاب الرئيس محمد انور السادات TAREK KEWAN 10-12-2008, 02:28 AM كله زى بعضه العيب مش فى اللى بيحكمونا العيب فى الشعب اللى مش عارف هو عايش ليه اصلا مش اللى بيحكومونا هم اللى عاوزين يتغيروا والله الشعب هو اللى لازم يتغير king mo7amed 31-01-2009, 02:54 AM شكرا عالردود يا اصحابي samar_kassem 31-01-2009, 03:13 AM السا دات دة اكيييييييييييييييد راجل محترم مش اوي يعني بس احسن الوحشين زي ما بيقولوا عبدالله نجيب 31-01-2009, 10:10 PM بصراحة مش لاقي الرئيس الكفء وللاسف ماخترتش حد االقبطان 04-02-2009, 01:12 AM الموضوع رائع:-بدون تردد وحيادية كاملةسوف اختار زعيم الامة الخالد جمال عبد الناصر وذلك للاسباب التالية:-1:لم الشمل العربى 2 - تخليص مصر من الاحتلال 3 - اعادة الازدهار فى كافة المجالات 4 - الكرامة المصريةالتى اهدرت الان 5 -الحفاظ على الهوية العربية الاسلامية سارة111 15-02-2009, 11:30 PM انا اختار بدو تردد جمال عبد الناصر فبخلاف ما قاله الساده الافاضل من انجازاته فانا ازيد انه كان له الفضل الاكبر فى نصر 73 هو الذى بدأ مرحلة الاستنزاف و زود الجيش بالاسلحة و درب الجندى المصرى عليها فغير معقول ان السادات يمسك مصر فى اواخر السبعينات و عقبال ما هدا على الكرسى بقينا فى 71 و كان عايز يحارب فى 72 فى خلال سنة كان الجنود تدربوا على احدث الاسلحة الموجوده اعتقد ان الناس لو اعادت النظر فى التواريخ و الحسابات تجد ان عبد الناصر كان له الفضل 80% من الانتصار king mo7amed 26-02-2009, 12:36 PM انا اسف لان طبعا دول مفيش كلام عليهم انهم افضل قاده العالم Soha Hamed 26-02-2009, 01:28 PM بصراحة موضوع رائع وردود جميلة ولكني هاختار أحسن عصر كان فيه إزدهار ورقي لوطنا وبلدنا وأتعلم من اللي كانوا فيه وأجي هنا باللي اتعلمته و يمكن أعرف أفيد مصر بحاجه في الأيام دي بس أنا شايفة إن عصر قطز أفضل عصر أتمنى أن أكون فيه baheya 26-02-2009, 03:12 PM انا ببساطه ح اسمع نصيحتك سلام |