مشاهدة النسخة كاملة : مجالات عمل الصيادلة


pharma girl
14-09-2008, 04:47 PM
بسم الله الرحمن الرحيم

انا لاحظت ان فى ناس نفسها تعرف ايه مجالات عمل الصيدلى
و عشان كدة نقلت لكم الموضوع ده
انا عرفة ان لسة بدرى عليه بس اكيد نفسكوا تعرفوا ايه هى المجالات زى ما انا كان نفسى اعرف
و يا رب يعجبكوا
فلنبدا...............

بسم الله الرحمن الرحيم


مرحله بعد التخرج هى تحدى من نوع جديد يواجه الصيدلى

فبعد إنقضاء سنوات الدراسه بحلوها و مرها خصوصا المذاكره يبدأ الصيدلى الخريج يعد العده لمواجه الحياه العمليه ب***ها نعم ***ها و قسوتها

الغرض من موضوعى بعد تلك المقدمه هو شرح مبسط أو شرح محايد لمعظم فرص العمل المتوفره للصيادله

المجال الصيدلى حاليا يوجد به عدد من الفرص و أهمها هو


1- العمل فى الصيدليات

2- العمل فى شركات الأدويه ( ليس المصنع ) كمندوب دعايه فى مجال التسويق الدوائى

3- العمل فى مصانع الأدويه

4- العمل فى الحكومه كموظف فى وزاره الصحه ( التكليف )



سأتناول تلك الأعمال من حيث

1- طبيعه العمل

2- المميزات و العيوب

3- الدخل و الراتب المتوقع

4- متطلبات الوظيفه

5- كيفيه الألتحاق بالعمل فى المجال المذكور

1-العمل فى الصيدليات

هى أكثر الفرص المتاحه للعمل
طبيعه العمل


- يقوم الصيدلى بصرف العلاج والأدويه فى الصيدليات للمرضى كذلك يقوم بتقديم خدمات آخرى مثل قياس الضغط و السكر و الوزن أو إعطاء الحقن

- يقوم الصيدلى بإرشاد المريض بطريقه تعاطى الدواء و يحذره من الأعراض الجانبيه المتوقعه أو التعارضات الدوائيه المحتمله وهى :
side effects , contraindications , drug
interaction

لاحظ أيها الصيدلى أن تلك الأمور هى تخصصك و مسؤليتك و ليست تخصص الطبيب و المسؤليه تقع على عاتقك أنت !!

التواصل مع الطبيب لتعديل أى خطأ محتمل فى الروشته العلاجيه ( مينعش تصرف الروشته على عيبها )

المميزات و العيوب

المميزات

1- الألمام بكل الأدويه الموجوده فى السوق الدوائى

2- تعلم التواصل و التفاهم مع جمهور المرضى و هو أمر ليس بالهين إكتسابه لأنه يحتاج إلى صبر من نوع خاص و طريقه تحاور ذكيه

3- يؤهل الصيدلى فيما بعد لأفتتاح صيدليته الخاصه

4- الألمام بطبيعه العمل التجارى و المالى مع الشركات الموزعه للأدويه

5- إكتساب خبره ممتازه حول كيفيه صرف الأدويه العلاجيه دون الرجوع للطبيب من خلال تشخيص مبسط لشكوى المريض وهو ما يعرف بال OTC


العيوب

1- عائد مادى ضعيف نسبيا

2- بمرور الوقت يصاب الصيدلى بحاله من الملل و الكأبه لأن تلك المهنه لا يوجد فيها جديد عاده

3- تلك المهنه غير مضمونه و غير ثابته كمصدر دخل مضمون

4- يحتاج الصيدلى للعمل ساعات كثيره فى اليوم لتحقيق دخل كبير

5- ساعات العمل طويله وممله و ليست مرهقه


الدخل و الراتب المتوقع

يختلف العائد و الدخل من محافظه لأخرى داخل مصر ومن صيدليه لأخرى و على الخبره و على سبيل المثال :

القاهره >>> الساعه شهريا تتراوح بين 75 جنيه : 100 جنيه

الأسكندريه >>> الساعه شهريا تتراوح بين 50 : 60 جنيها

باقى المحافظات >>> الساعه شهريا تتراوح بين 35 : 45

لاحظ الأتى معنى الساعه هو كالتالى

إذا تم الأتفاق مثلا على 50 جنيه / ساعه
ثم الأتفاق على العمل لمده 10 ساعات يوميا

سيكون دخل الصيدلى أو راتبه الشهرى 10 ساعات يوميا فى 50 = 500 جنيه


متطلبات الوظيفه
أن يكون صيدلى حاصل على بكالوريوس الصيدله ويحمل كارنيه نقابه الصيادله و كارنيه مزاوله المهنه من وزاره الصحه ( صيدلى ثان )

الخبره ليست مهمه بدرجه كبيره لأن عاده ما تقوم الصيدليه بتدريب الصيدلى على العمل


كيفيه الألتحاق بالعمل فى المجال المذكور

عاده من خلال العلاقات بالصيدليات أومن خلال الأعلانات بالصحف




2- العمل فى شركات الأدويه كمندوب دعايه أو تسويق

طبيعه العمل

دور الصيدلى هنا هو الأتى :

1- ضمان التسويق والدعايه لأدويه معينه تقوم الشركه التى يعمل بها بإسناد مهمه تنشيطها إليه

2- زياره الأطباء فى عياداتهم الخاصه لأقناعهم بطريقه أو بآخرى بوصف أو كتابه دواء الشركه

3- زياره المستشفيات و المسنوصفات و الصيدليات لنفس السبب السابق
4- ضمان تحقيق معدل دخل مالى معين أو ما يعرف بال TARGET ( كل شركه بيكون عندها هدف أومعدل مبيعات مادى عاوزه تحققه )

5- يتابع الصيدلى الأدويه المنافسه لدواء شركته


المميزات و العيوب

المميزات

1- دخل مالى كبير

2- الحصول على مميزات كثيره مثل السياره ومواد الدعايه اللازمه لتسويق الأدويه

3- يؤهل الصيدلى للعمل بدول الخليج براتب ضخم

4- إكتساب مهارات خاصه مثل طريقه التحاور اللبقه مع الأطباء و خصوصا مهارات الأقناع

5- مركز أجتماعى مرموق إلى حد ما

6- تقوم الشركه بتدريب الصيدلى على مهارات التسويق و الدعايه و منافسه الشركات الأخرى وهى كورسات تدريبيه مكلفه جدا

العيوب

1- مهنه مرهقه إلى حد كبير

2- تحوى نوعا من إمتهان الكرامه لأن الصيدلى مضطر لزياره الإطباء و قد يتعرض للأحراج أو التجاهل و أحيانا الطرد

3- لا تصلح للبنات من وجهه نظرى للأسباب السابقه

4- بها شبهه شرعيه ( حرام ) لأنها تعتمد على رشوه الطبيب بشكل لبق ( وهو ما يعرف بال SERVICE) لأقناعه بكتابه الدواء كما أنها تعتمد على عرض عيوب الأدويه المنافسه أمام الطبيب و المتضرر هنا عاده المريض ( بسبب سعر الدواء المرتفع الذى لا يحتاجه )

5- صعوبه تحقيق ال TARGET الكبير المطلوب تحقيقه مما يعرض الصيدلى للفصل

6- يضطر الصيدلى لحرق الدواء و هو ما يعرف بتوفير دواء شركته للصيدلى بسعر أقل من سعر السوق الذى تقدمه الشركه و ذلك لتحقيق التارجت المطلوب من شركته ( طبعا يقوم الصيدلى بهذا الأمر من ناله الخاص وقد يتعرض للفصل إذا نما إلى علم الشركه هذا المر المخالف )



الدخل و الراتب المتوقع
يبدأ من 1000 جنيه فما فوق شهريا بالأضافه للحصول على سياره خاصه


متطلبات الوظيفه

صيدلى خريج حاصل على بكالوريوس الصيدله

لباقه فى الحديث

يفضل أن يكون مقبول شكليا أو وسيم

كيفيه الألتحاق بالعمل فى المجال المذكور
من خلال الأعلانات المنشوره بالصحف عاده


3- العمل فى مصانع الأدويه

أندر و أصعب فرص العمل

1- طبيعه العمل

دور الصيدلى هنا يعتمد على مكانه داخل المصنع فالأعمال المتاحه قد تكون فى قسم الأنتاج Production Dept. أو قسم الجوده و الرقابه عليها Quality Control & qualiy Assurance Dept

قسم الأنتاج مختص بخطوات تصنيع الدواء و تعبئته الخ تبعا لخطوات أو procedure محدد

قسم الجوده مختص بالتأكد من جوده التصنيع الدوائى و التأكد من الأمان و الفاعليه الدوائيه طبقا لمعايير محدده


2- المميزات و العيوب


المميزات

1- مستقبل مهنى بارز و مضمون حيث يكتسب الصيدلى خبره نادره فى هذا المجال



2- دخل جيد إلى حد كبير و يزداد بمرور الوقت

3- مجال متجدد بإستمرار حيث يكون الصيدلى ملما بآخر و أحدث التقنيات العلميه فى التصنيع الدوائى


العيوب

مهنه مرهقه و يقع على عاتق الصيدلى مسؤليه كبيره لأن أى خطأ فى خطجوات متابعه التصنيع قد يسبب خساره ماليه مهوله للمصنع و طبعا تتم معاقبه الصيدلى عليه


3- الدخل و الراتب المتوقع

يتحدد الدخل على حسب المصنع

على سبيل المثال :

مصنع سيديكو للأديه :
350 دخل شهرى ثابت + بدل حافز + مكافئات تزداد لتصل ل 900 جنيه شهريا + تأمين صحى + الأنتقالات + معاش

مصنع أدويه ألكان فارما Alkan Pharma

900 جنيه شهريا يزداد مع الزمن + تتحمل الشركه تكلفه الأنتقالات + وجبه عذاء رئيسيه

مصنع بريستول مايرز سكويب مصر BMS

900 شهريا + تأمين صحى + الأنتقالات + وجبه غذاء رئيسيه + بوفيه مفتوح


4- متطلبات الوظيفه


الخبره مهمه إلى حد كبير جدا


5- كيفيه الألتحاق بالعمل فى المجال المذكور

من خلال العلاقات الشخصيه ( كوسه بمعنى آخر ) أو لازم يكونلك معرفه لأن المصانع لا تضطر للأعلان من خلال الصحف إلا فى حاله إحتياجها لتخصص معين أو خبره طويله فى الشخص المطلوب لشغل الوظيفه



4- العمل فى الحكومه كموظف فى وزاره الصحه ( التكليف )



1- طبيعه العمل
عاده يكون العمل داخل مستشفيات وزراه الصحه و التأمين الصحى متعلقا بتوفي الدواء للمستشفى و تقديم سجلات لمعدل صرف تلك الأدويه للحكومه كذلك يتسلم الصيدلى أحد تلك العهد ( عهده الصيدليه الخارجيه للمستشفى , عهده الصيدليه الخارجيه , عهده مخزن المستشفى الدوائى , عهده المخدرات الخ )

2- المميزات و العيوب


المميزات

1- دخل شهرى ثابت و مضمون بأمر الله

2- معاش و تأمين إجتماعى

3- تأمين صحى
4- وظيفه ثابته فى الحكومه

5- يرتقى الصيدلى فى وظائف الوزاره بمرور الوقت


العيوب

1- دخل ضئيل جدا

2- مجال العمل داخل الحكومه عاده غير متعلق بالصيدله


3- الدخل و الراتب المتوقع


200 جنيه + حوافز + الإقتصادى + مكافئات = حوالى 350 جنيه شهريا

يزداد الدخل مع الوقت


4- متطلبات الوظيفه

الوظيفه هاهنا إجباريه كتكليف لمده سنه ثم يحق للصيدلى الأستمرار كموظف بعدها إذا أحب


5- كيفيه الألتحاق بالعمل فى المجال المذكور

من خلال الأداره المركزيه لشئون الصيدله

pharma girl
14-09-2008, 05:07 PM
مجالات عمل الصيادلة ليست مقصورة
على الصيدليات وشركات الأدوية والمصانع...


بل هناك العديد من فرص العمل الأخرى
التي يمكن للصيدلي أن يستفيد فيها من العلوم التي تلقاها في الكلية...


ومن ذلك الأمثلة التالية
التي استقيتها من الواقع الذي شاهدته بنفسي أو سمعت عنه من ثقات...




في مجال التدريس:


1- التدريس في المدارس الخاصة...خاصة الأجنبية...لمواد العلوم-الاحياء-الكيمياء!!....والافضل أن يحصل الصيدلي في هذه الحالة على دبلوم دراسات عليا تربية...مدة دراسته سنة للمتفرغ...وسنتان لغير المتفرغ..توفره جامعتي عين شمس والقاهرة!!!


2- أحيانا تطلب بعض المستشفيات والمعاهد الصحية في السعودية مدرسين صيادلة حاصلين على بكالوريوس - لتدريب الفنيين لديهم!!-


3- مجال الدروس الخصوصية في كليات الصيدلة الخاصة والحكومية مفتوح على مصراعيه... بس للي يركز فيه!


4- اعطاء دورات تخصصية مهنية في مجالات الصحة العامة أو الصيدلة.



في مجال الإدارة والإدارة الطبية:


5- من المجالات الجديدة أيضا إدارة الجودة للرعاية الصحية، وهو من صميم عمل الصيادلة الاكلينيكيين وصيادلة المستشفيات...

6- ومن المجالات أيضا...ادارة الموارد البشرية HR...في المؤسسات الصحية وشركات الأدوية

7- هناك من الصيادلة من يقوم بأخذ دورة Healthcare and Hospital Management Post-Graduate Diploma من الجامعة الامريكية ليعمل في ادارة المستشفيات داخل وخارج مصر.



في مجال المعلومات الطبية والأبحاث:


8- مجال الـ "medical transcription" ترجمته "النسخ الطبي"...وهو عبارة عن "تفريغ الصوتيات الطبية!!" أيضا يغزوه الصيادلة. انظر هنا (http://www.futurepharmacist.net/forum/showthread.php?p=18083#post18083)


9- مجال الترجمة العلمية في مجالات الطب والصيدلة مفتوحة للصيادلة!انظر هنا (http://www.futurepharmacist.net/forum/showthread.php?t=3829)


10- من المجالات الجديدة أيضا العمل فيه...Drug Information Centers ....وهو أيضا من صميم عمل الصيدلة الاكلينيكية.



في مجالات الكيمياء:


11- من المجالات التي تمكن الصيادلة اختراقها...شركات البترول...والصناعات الكيميائية.


12- أيضا مجال التحاليل الطبية...في العالم كله...للصيادلة فيه دور...ويمكنهم التخصص فيه بسهولة...ومن حق الصيدلي في مصر...فتح معمل تحاليل...لكن بشروط تحتاج الى جهد اكثر قليلا من غيره ...انظر هنا (http://www.futurepharmacist.net/forum/showthread.php?t=246)



في مجالات الكمبيوتر والبرمجيات:
13- الاستشارة التخصصية في البرامج الحاسوبية الطبية وهو ما يعرف بـ Medical informatics .
14- بعض الزملاء احترف تصميمات الجرافيكس الدعائية لشركات الأدوية!!

في مجالات التسويق يوجد تخصص غير مشهور وهو...
15- مندوب شركة أبحاث تسويق دوائي.

Dr. akram
14-09-2008, 05:36 PM
شكــــــــــــرا جدا يا فارما جيرل ع المعلومات القيمة دى و ربنا معاكى و معانا ان شاء الله بس مش شايفة انها اهانة للصيدلة انه يبقى سمسار ادوية؟؟؟

Dr.Nobel
14-09-2008, 06:37 PM
حلو اوى الكلام ده

شكرا ليكي

Dr.ahmed91
14-09-2008, 07:28 PM
موضوع اكثر من رائع


شكرا جزيلا

pharma girl
14-09-2008, 07:29 PM
شكــــــــــــرا جدا يا فارما جيرل ع المعلومات القيمة دى و ربنا معاكى و معانا ان شاء الله بس مش شايفة انها اهانة للصيدلة انه يبقى سمسار ادوية؟؟؟

جزاك الله خيرا دكتور اكرم و ربنا يوفقك
بس بنا مش عرفة تقصد ايه بسمسار الادوية
لو قصدك المندوب فهى فعلا اهانة من وجهة نظرى
بس اللى بيخليهم يشتغلوا فيها انه بيكون شاب فى بداية حياته لسة متخرج و غير كدة مرتبها عالى و بياخد عربية و بيحاول يجهز نفسه
اما لو قصدك على كله انت عارف ان حق الصيدلى فى الوطن العربى مهضوو كتير و ما يتقارنش ببرة خاص
يعنى مثلا برة الدكتور ملهوش علاقة بالدواء دى وظيفة الصيدلى بس و لو عايز تسافر مثلا كندة انا ممكن ابعتلك ايه الكورسات اللى بتاخدها فى الاجازة عشان تبقى مخلص و ميقولوش ذاكر تانى عشان تسافر

pharma girl
14-09-2008, 10:07 PM
حلو اوى الكلام ده

شكرا ليكي


جزاك الله خيرا و ربنا يوفقك


موضوع اكثر من رائع


شكرا جزيلا

جزاك الله خيرا
و الحمد لله انه عجبك



و ارجوكم يا جماعة اى حد عايز يزود حاجة او محتاج حاجة يقول و انشاء الله نستفيد و نساعد

الشفق الباكي
14-09-2008, 10:13 PM
ميرسى خالص
وان شاء الله بدل كل دا يبقى معيد فى كليه صيدله
يارب كل اعضاء المنتدى اللى فى صيدله يبقوا معيدين امين




قولوا كلكم امين

pharma girl
14-09-2008, 10:34 PM
ميرسى خالص
وان شاء الله بدل كل دا يبقى معيد فى كليه صيدله
يارب كل اعضاء المنتدى اللى فى صيدله يبقوا معيدين امين




قولوا كلكم امين

جزاكى الله خيرا يا دكتورة على المرور
و امين على دعائك

mohamed siliman
17-09-2008, 03:37 AM
كلامك رفع معنوياتي لان الكل بيبص للصيدلي على انه مش اكتر من بياع

pharma girl
17-09-2008, 10:26 PM
كلامك رفع معنوياتي لان الكل بيبص للصيدلي على انه مش اكتر من بياع

جزاك الله خيرا يا دكتور
بس الكلام ده محتاج حد يكون بيكافح و ياخد كورسات
عشان ربنا يوفقه و يلا الى هو عايزه
و ربنا يوفقك

روميو العاطفي@الشرقاوي
19-09-2008, 12:09 AM
انا لسه جايلي صيدله وكنت متحطم خالص

بس الحمدلله كلامك مقنع جدا

انا صيدله الزقازيق

ميرسي

kingman260
19-09-2008, 12:18 AM
انا كمان صيدلة الزقازيق
يا دكتور روميو
والصيدلة كلية جميلة جدا
ولعلمك انا كنت جايب مجموع يدخلني طب الزقزيق كمان بس دخلت صيدلة
المهم انك تبدع في مجالك وتركز فيه الصيدلة من المجالات الكويسة اوي العملية اللي ممكن تثبت فيها نفسك
ويا ريت نتقابل في الكلية ان شاء الله

amooor slim
13-12-2008, 02:23 AM
يا جماعة انا عاوز اقولكم ان الصيدلى بجد من الاشغال التى تحتاج لمهارة عالية جدا وسرعة بديهة وذوقية فى الحوار مع الاخرين يعنى بمعنى اصح ملكة التحدث واعتقد انها فى كثير من الاحيان وبتوفيق الله تكون مهنة مربحة ولو ربنا كرمك وفتحت صيدلية فى المستقبل يبقى ربنا كرمك من وسع اما الناس اللى بتقول انه بياع فانا ضدهم تماما لان معلش مش اى حد يقدر يوقف فى صيدلية بس نفسى اسال سؤال هل يحب اى حد فينا انه يكون له شريك فى المستقبل فى شراء الصيدلية ولو فى بداية حياته كصيدلى فقط ؟؟؟؟؟؟؟؟؟ وشكرا على اثارة هذا الموضوع الهام جدا

Dr.tuty
15-12-2008, 04:31 PM
يا جماعة انا عاوز اقولكم ان الصيدلى بجد من الاشغال التى تحتاج لمهارة عالية جدا وسرعة بديهة وذوقية فى الحوار مع الاخرين يعنى بمعنى اصح ملكة التحدث واعتقد انها فى كثير من الاحيان وبتوفيق الله تكون مهنة مربحة ولو ربنا كرمك وفتحت صيدلية فى المستقبل يبقى ربنا كرمك من وسع اما الناس اللى بتقول انه بياع فانا ضدهم تماما لان معلش مش اى حد يقدر يوقف فى صيدلية بس نفسى اسال سؤال هل يحب اى حد فينا انه يكون له شريك فى المستقبل فى شراء الصيدلية ولو فى بداية حياته كصيدلى فقط ؟؟؟؟؟؟؟؟؟ وشكرا على اثارة هذا الموضوع الهام جدا
انا معاك في كل كلمة لان في فرق كبير اوي بين الصيدلي والعامل اللي واقف فيها
انا مش فاهمة سوالك ممكن توضحه شوية؟؟؟؟؟؟؟؟؟؟
ويا فارما جيرل انت كلامك حلو اوي بس كنت عايزة اقول ان عمر ما كان مندوب الادوية اهانة لانه بيعرض الدواء على الطبيب يعني الطبيب اللي بيكون محتاجله تاني حاجة بالعكس هي شغلانة مربحة بمجهود اقل حتى لو كان العمل في صيدلية بس فعلا كل حاجة بتوفيق ربنا

amooor slim
18-12-2008, 11:54 PM
انا معاك في كل كلمة لان في فرق كبير اوي بين الصيدلي والعامل اللي واقف فيها
انا مش فاهمة سوالك ممكن توضحه شوية؟؟؟؟؟؟؟؟؟؟
ويا فارما جيرل انت كلامك حلو اوي بس كنت عايزة اقول ان عمر ما كان مندوب الادوية اهانة لانه بيعرض الدواء على الطبيب يعني الطبيب اللي بيكون محتاجله تاني حاجة بالعكس هي شغلانة مربحة بمجهود اقل حتى لو كان العمل في صيدلية بس فعلا كل حاجة بتوفيق ربنا
أنا قصدى ان هل حد يقبل أنه يشارك أى حد من صحابه أو معرفة فى انه يفتح صيدلية معاه ويقسموا المكسب بالنص ولا محدش بيحب الشراكة وشيفين ان الموضوع ده بيسبب مشاكل كتيرة وبيعمل قلق دايما وبيقلل الربح
هو ده القصد من السؤال؟؟؟؟

Dr.tuty
20-12-2008, 11:15 PM
أنا قصدى ان هل حد يقبل أنه يشارك أى حد من صحابه أو معرفة فى انه يفتح صيدلية معاه ويقسموا المكسب بالنص ولا محدش بيحب الشراكة وشيفين ان الموضوع ده بيسبب مشاكل كتيرة وبيعمل قلق دايما وبيقلل الربح
هو ده القصد من السؤال؟؟؟؟
سوري والله انا مكنتش فاهمة السؤال عموما المشاركة خاصة في البداية بتكون كويسة لان بيكون فيها فايدة للطرفين وبتقلل التعب عيهم
:romarioxp6:

Ph.Sameh
08-02-2009, 11:11 AM
جزك الله خيرا الموضوع متميز بجد بس أنا برضة لسه شايف أن معظم المهن اللي بيشتغلها الصيدلي في الوطن العربي مش مدياله حقه
بالذات مندوب المبيعات بجد فعلا مهانة كبيرة و مش مناسبة خالص ل5 سنين مرمطة في الكلية
و كمان معظم المهن دي بتوقف الصيدلي عن الاطلاع و التعلم و بتتسبب للأسف أنه يكون أنسان جاهل و ده اللي خلا الناس يقولوا عليه بياع لأنه للأسف مبيفهمش حاجة ^__^

أنا قصدى ان هل حد يقبل أنه يشارك أى حد من صحابه أو معرفة فى انه يفتح صيدلية معاه ويقسموا المكسب بالنص ولا محدش بيحب الشراكة وشيفين ان الموضوع ده بيسبب مشاكل كتيرة وبيعمل قلق دايما وبيقلل الربح
هو ده القصد من السؤال؟؟؟؟
الصراحة طريقة كويسة عشان الواحد يبدأ حياته بالذات مع ارتفاع سعر العقارات دلوقتي و كمان لو المكان يصلح صيدلية تلاقي سعره ضعف سعر أي مكان تاني كأن الصيدلية دي منجم دهب >_<
يعني تجهيز صيدلية ممكن يدخله في 300-400 ألف جنيه

pharma girl
08-02-2009, 05:42 PM
[quote=Ph.Sameh;1080860]جزك الله خيرا الموضوع متميز بجد بس أنا برضة لسه شايف أن معظم المهن اللي بيشتغلها الصيدلي في الوطن العربي مش مدياله حقه
بالذات مندوب المبيعات بجد فعلا مهانة كبيرة و مش مناسبة خالص ل5 سنين مرمطة في الكلية
و كمان معظم المهن دي بتوقف الصيدلي عن الاطلاع و التعلم و بتتسبب للأسف أنه يكون أنسان جاهل و ده اللي خلا الناس يقولوا عليه بياع لأنه للأسف مبيفهمش حاجة ^__^

جزاك الله خيرا على المشاركة
بس انا حسة من كلامك انك ما كنتش عايز صيدلة
انا فعلا شايفة ان مندوب المبيعات فعلا مهانة كبيرة اوى للصيدلى
لكن زى ما انت عارف اى شركة بتطلب خبرة سنتين
ففى صيادلة وجهة نظرهم انهم بيتوجه لمجال الدعاية الطبية لغاية لما يفوتوا السنتين مثلا و بعد كدة يسافر
و فيه اللى بيفضل شغال لغاية لما يكون فلوس صيدلية
انا عرفة ان الصيدلى ما بيخدش ربع حقه هنا
بس انا بردو انا عندى امل شوية انهم ممكن يهتموا بيه
و على فكرة بردو اللى عايز يقرأ بيقرأ و اللى عايز يتعلم بيتعلم
ممكن تدخل تبحث عن كتب للصيدلة هتلاقى
انا عن نفسى بحب كدة

Dr.love ferdos paradise
13-02-2009, 11:43 PM
موضوع جميل اوي يافارما جيرل بجد انا برضوا دايما بحس نظرة الناس ان مافيش فرق مابين الصيدلي وال بيقف يبيع في مكان تاني وموضوع الشراكه ده فانا مأيداها وانا و5 من اصحابي متفقين على كده ان شاء الله لمانتخرج

amooor slim
20-02-2009, 07:56 PM
موضوع جميل اوي يافارما جيرل بجد انا برضوا دايما بحس نظرة الناس ان مافيش فرق مابين الصيدلي وال بيقف يبيع في مكان تاني وموضوع الشراكه ده فانا مأيداها وانا و5 من اصحابي متفقين على كده ان شاء الله لمانتخرج
انا كمان بفكر فى الشراكة بس نفسى كمان اسافر ربنا يكرمنا كلنا بس المهم نفكر خطوة بخطوة

Dr.ahmed91
20-02-2009, 08:52 PM
سريعا كده

بعتذر لكل اللي معانا في موضوع صيدلة الاسكندرية

الموضوع مغلق مؤقتا عشان بعض الحاجات و ان شاء الله يرجع قريب

سلام

MoHaMeD ELsHeRbEnY
11-03-2009, 08:47 AM
موضوع جميل واكثر من رائع

شكرا جزيلا علية

جزاك الله خيرا

فى رعاية الله

flavio5
21-08-2009, 07:45 AM
mawdo3 ra23 bas fe 7aga elmandoben dlw2ty la mo7'za ba2o 3la 2fa men yshel la2n ay wa7d momken yesta7'l wana 2ret mawdo3 fe moke3 nkabet elsaydala fe elaskendria fe wa7d by2ol an howa 7'reg tarbia riadia w sh7'al mandob mabi3at

Dr\heba
21-08-2009, 11:05 PM
انا برضو كنت زعلانه ان جاتلى صيدله بس دلوقتى انا مبسوطه بيها وربنا يسهلنا ونبقى معيدين ودكاتره فى الكليه

Drsara
22-08-2009, 01:29 AM
المهم ربنا معانا ويثبتنا على دينة

dr/amera
25-08-2009, 03:11 PM
http://tbn3.google.com/images?q=tbn:sYi3ray84jRJrM:http://www.createyourinvitation.co.uk/images/THANKYOU%2520CARDS/Thank-You-Image.gif

Bent 3bdo
26-08-2009, 12:33 AM
أنا التوبيك ده عقدنى
حسيت انى داخله معهد خدمه اجتماعيه
ربنا يستر
هو ينفع أحول دلوقتى ولا خلاص

dr/amera
26-08-2009, 03:41 PM
هههههههههههههههههههههههههههه

عندك حق والله يا نغم .......لو نفع تحولى قوليلى أحول أنا كماااااااااااان

Bent 3bdo
26-08-2009, 07:56 PM
هههههههههههههههههههههههههههه



عندك حق والله يا نغم .......لو نفع تحولى قوليلى أحول أنا كماااااااااااان


لو لاقيت ان ف تحويل هبقى أقولك
بس انا معتقدش اني هحول
ولو انى تقريبا كرهت الكليه
ومبقتش قادره أفكر
ياترى انا كنت صح لما أخترت صيدله
ولا كان أحسن أخش طب ولا أسنان
يلا اللى حصل حصل
ربنا يعمل اللى فيه الخير
:bosyht9:

أ.عبدالحميد فتحى
26-08-2009, 10:33 PM
نا عايز اعرف انت لية عايزة تحولى من صيدلة بس صدقينى يا نغم انت ان شاء الله وبمشيئته انت لو دخلت واستمريت فى الكلية دى انت هيبقى ليك مستقبل هايل انت بس اية اللى جرالك انت اية اللى خلاك تكرهى الكلية وصدقينى نصيحة منى كأب واستاذ


انافضل كلية للبنت هى صيدلة واسنان بس انا بفضل صيدلة لان اسنان ست سنين يعنى يها زى الطب ومعتقدش انها كويسة للبنت وانت عارفة ان انتى زى بنتى وهى فى صيدلة برضو

Bent 3bdo
27-08-2009, 02:48 AM
نا عايز اعرف انت لية عايزة تحولى من صيدلة بس صدقينى يا نغم انت ان شاء الله وبمشيئته انت لو دخلت واستمريت فى الكلية دى انت هيبقى ليك مستقبل هايل انت بس اية اللى جرالك انت اية اللى خلاك تكرهى الكلية وصدقينى نصيحة منى كأب واستاذ


انافضل كلية للبنت هى صيدلة واسنان بس انا بفضل صيدلة لان اسنان ست سنين يعنى يها زى الطب ومعتقدش انها كويسة للبنت وانت عارفة ان انتى زى بنتى وهى فى صيدلة برضو


مش عارفه والله يا مستر
انا لما أخترت صيدله
اخترتها علشان 5 سنين واخلص
وانا بصارحه معنديش اى استعداد انى أقعد أذاكر طول عمرى
وكمان مستقبلها لذيذ(ده كان رأي قبل ما أقرأ التوبيك ده:()
كريهت الصيدله ليه؟
التوبيك ده حسسنى والله انى داخله معهد
انا خايفه ف اخلا اقعد أبيع مناديل ع الرصيف
350 جنيه ايه دول اللى أخدهم ف شهر
ميجوش التعب اللى الواحد هيتبعه ف الكليه
(طبعا انا مؤمنه أن الارزاق بتاعه ربنا وكل حاجه
بس كلام يعقد)
يعنى كل التوبيكات اللى بتتكلم عن صعوبه الدراسه والتعب اللى ف الكليه والكلام ده
مغيرتش حاجه م وجهه نظرى
لان أكيد الكليه مش هتبقى سهله
وحتى لو سهله
كل واحد بيبقى شايف ان كليته او مجال دراسته أصعب حاجه
بس التوبيك ده كل الكلام اللى فيه عن الشغل يعقد

بس مش ده السبب اللى مخلينى عايزة أحول

أنا كنت عايزة أحول بس علشان بابا
هو مش موافق ع صيدله م الاول
وكان نفسه اوى
انى أبقى دكتورة
سواء بشرى أو أسنان لو انا معترضه ع ال7 سنين
بس لما لاقانى متمسكه بصيدله
قالى براحتك
وربنا يعملك اللى فيه الخير
وتحققى اللى نفسك فيه
بس انا حاسه انو مضايق م جواه
هو اي نعم مقلش حاجه
بس لما حد مثلا يكلمه او كده يسأله انا دخلت ايه
بيبقى باين م كلامه انه مضايق
ويقول هى نفسها ف كده ربنا يوفقها وبتاع

ياعنى احساس انى مزعلاه ده أحساس فظيع بجد
مع انه لما بيحس اني حسيت انى مضايقه م الموضوع ده
بيقولى متضايقيش نفسك وكده
انا كان نفسى ف حاجه وخلاص
ربنا معاكى


بس انا حاسه بالذنب

بس ساعه لما التحويل كان مفتوح
انا فكرت ف الموضوع كتير
وكنت خلاص هحول
بس كل ما أفكر ف طب أو أسنان
وأحاول أقبلها م حته تتقعد م حته

انا عامه
بنسبه 99% مش هحول ان شاء الله
بس مجرد تفكير ملوش لازمه أعقد بيه نفسى:bosyht9:

أ.عبدالحميد فتحى
27-08-2009, 09:04 AM
ات شاء الله ربنا يوفقق يا رب على فكرة انت ممكن تخدى 350 زى منتى بتقولى بس انت ممكن تعملى دراسة الصيدلة الكلينيكية وتفتحى صيدلية بس مش هتقفى فيها زى مثلا كانك بتبيع اسمك صدقينى كل ده هيغنيك عن طب واسنان على فكرة انا اقبل مدخل بنتى صيدلة سالت دكاترة كتير تلامزتى واقالو افضل كلية هى صيدلة واقنعتها بيها لانها برضو كانت عايزة اسنان وان شاء الله ربنا يقدملكو كل ما هو خير لكم مع تمنياتى بالتوفيق الدائم

Bent 3bdo
27-08-2009, 08:21 PM
ات شاء الله ربنا يوفقق يا رب على فكرة انت ممكن تخدى 350 زى منتى بتقولى بس انت ممكن تعملى دراسة الصيدلة الكلينيكية وتفتحى صيدلية بس مش هتقفى فيها زى مثلا كانك بتبيع اسمك صدقينى كل ده هيغنيك عن طب واسنان على فكرة انا اقبل مدخل بنتى صيدلة سالت دكاترة كتير تلامزتى واقالو افضل كلية هى صيدلة واقنعتها بيها لانها برضو كانت عايزة اسنان وان شاء الله ربنا يقدملكو كل ما هو خير لكم مع تمنياتى بالتوفيق الدائم


الله يطمنك يا مستر
وتفرح ببنت حضرتك يارب

Dr|shereen
31-08-2009, 09:58 PM
لو سمحتوا انا عايزه اسال عن الشغل فى شركات الادويه هو فعلا لازم انى امر بمرحله انى اشتغل مندوبه وبعدين اترقى واشتغل فى التصنيع والمراقبه ولا ممكن اشتغل فى الجوده والتصنيع على طول من غير ما ابقى مندوبه الاول وكمان انا سمعت ان احنا بنشتغل فى غسيل الماكينه وطريقه تشغيل الماكينه لو الكلام ده صح انا مش عارفه الصراحه ايه علاقته بالادويه وبالصيدله وباللى احنا بندرسه فى صيدله لو كان كده بقى يبقى انا بايد راى دكتوره نغم ان احنا كاننا داخلين معهد خدمه اجتماعيه ياريت الى يقدر يفيدنى او يعرف حد بيشتغل فى شركه ادويه يقول لى وشكراااا

زيزو1900
01-09-2009, 01:44 PM
لو سمحتوا انا عايزه اسال عن الشغل فى شركات الادويه هو فعلا لازم انى امر بمرحله انى اشتغل مندوبه وبعدين اترقى واشتغل فى التصنيع والمراقبه ولا ممكن اشتغل فى الجوده والتصنيع على طول من غير ما ابقى مندوبه الاول وكمان انا سمعت ان احنا بنشتغل فى غسيل الماكينه وطريقه تشغيل الماكينه لو الكلام ده صح انا مش عارفه الصراحه ايه علاقته بالادويه وبالصيدله وباللى احنا بندرسه فى صيدله لو كان كده بقى يبقى انا بايد راى دكتوره نغم ان احنا كاننا داخلين معهد خدمه اجتماعيه ياريت الى يقدر يفيدنى او يعرف حد بيشتغل فى شركه ادويه يقول لى وشكراااا
بصي انا كليه علوم قسم كميا وميكروبيولوجى
بالنسبه لشغل مصانع الادويه ممكن بس صعبه لان معظم الشركات بتبقي في العاشر من رمضان وسته اكتوبر وبرج العرب ودة بيتطلب منك اقامه ع طول هناك وكمان بتبقي الشغل من 10-12 ساعة الصبح وبليل
يعنى من 8 الصبح الي 8 بليل وهكذا
وساعات هما بيعوزوكى من 8بليل ل 8 الصبح ع حسب دماغهم هما
بالاضافة لعدم توفر فرص للعمل في شركات الادويه لان معظمة بوسايط وبالرغم من كدة جاتلي ورحت عملت الانترفيو ونجحت فيه وقعدت فترة وسيبتهم
وحتى حاليا بقيت كليه علوم مفضله لشركات الادويه عن صيدله وبقي اغلب مصانع الادويه الاغلبيه فيها علوم عن صيدله ودة للي ادى ان بعض الصيادله يعملوا حمله ضد الكميائيين
المهم لو رحتى ممكن تتسائلي في مواد كتيره منها
chromotograph
وخصوصا hplc وGCوGLC
وهتتسالي في chemotherapy
وفي ال prepration بتاع ال chemical compounds
وازاى تظبط تركيزاتها
وممكن يسالوكى في heterocyclic compounds
والحجات دى
دى غالبا الحجات للي بتتسال وزى ما قلتلك حكايه المصانع دى مش سهله زى ما البعض فاكر

pharma girl
01-09-2009, 04:47 PM
أنا التوبيك ده عقدنى
حسيت انى داخله معهد خدمه اجتماعيه
ربنا يستر
هو ينفع أحول دلوقتى ولا خلاص


هههههههههههههههههههههههههههه


عندك حق والله يا نغم .......لو نفع تحولى قوليلى أحول أنا كماااااااااااان


مع ان كلماتكم فى التعليق على الموضوع احزنتنى شوية
لكن لما لقيت ردود تانية كتييييير استفادت من الموضوع و اتعرفوا على الشغل ازاى و فيه ناس كمان قالولى احنا حبينا الصيدلة و عشان كدة استغربت جداااا من ردكم!!!!!!!
لكن اللى عايزة اقوله انى اللى اعرفه انكم داخلين صيدلة بمزاجكم و جايبين مجموع اعلى منها
يعنى كان ممكن تدخلوا طب او طب اسنان
بس والله يا اخواتى صدقونى ادام انتم اللى اخترتوا الكلية دى
يبقى لازم تبقوا اد اختياركوا و تعرفوا ان محدش اجبركوا على ده
يعنى مش من اقل حاجة اقول انا حسة انى داخلة معهد و الكلام ده
الكلام ده ما ينفعش يقوله دكاترة صيادلة
لازم يكون عندكم اقتناع كامل بالكلية و بالمهنة دى عشان تحبوها
و لازم نعرف ان كل مهنة ليها عيوب و ليها مميزات
و مفيش مهنة تخلو من العيوب
انا عايزة اقولكم انى كنت الاول بقول لا مش عايزة صيدلة و الكلام ده
لكن والله فيه حاجات كتييييير اقنعتنى بالكلية جداااا و كل شوية بحمد ربنا انى دخلتها
منها انى استخرت ربنا و والله من ضمن اسباب اقتناعى الكامل انها اختيار ربنا ليا و اكيد هو اللى عالم الخير ليا فين
تانى حاجة انى لما نزلت اتدربت فى صيدلية حبيت التدريب ده
لانى حسيت بمتعة ده غير ان الناس كانوا بيعتمدوا اعتماد كبيييييييير على الدكتور اللى كنت بتدرب عنده و دايما بيدعو له
ده غير ان فيه جمله بتقول كل ما تدى صيدلة
صيدلة هتدى ليك
يعنى كل ما تجيبى تقديرات عالية و تطلعى بتقدير عام عالى
ساعتها ممكن تشتغلى فى حاجة محترمة و مرتباتها كويسة اوى
زى صيدلية العزبى او خليل او غيره من الصيدليات الكبيرة و مرتباتها حلوة جدااااا
انا عرفة انى طولت و عندى كلام اكتر من كدة بكتييير
لكن انا بس والله مش عايزاكوا تفضوا فى حيرة و تتعبوا نفسكم
و ساعة لما تحسوا انكم مش مرتاحين فعلا ممكن ساعتها تحولوا
اتمن اكون افدتكم و لو بكلمة واحدة
و اى استفسار انا تحت امركم:)

mustafa_kamal
02-09-2009, 04:43 PM
موضوع جميل جدااااااااا .....
بس استفسار خريجين صيدلة خاصة ليهم فرص اي ....وهل بيقو زي صيدلة حكومة او حتى قربين منهم ؟؟؟؟
وشكرا على الموضوع

pharma girl
02-09-2009, 06:56 PM
موضوع جميل جدااااااااا .....
بس استفسار خريجين صيدلة خاصة ليهم فرص اي ....وهل بيقو زي صيدلة حكومة او حتى قربين منهم ؟؟؟؟
وشكرا على الموضوع

جزاك الله خيرا على مرورك الطيب
بس انا سمعت حاجة و مش متأكدة منها
ان مثلا جامعة فاروس بيبقى فيه شركة تبعها
و بيشغلوا الخريجين بتوعها فيها
هو ده اللى اعرفه من الناس القريبة منى
لكن ان شاء الله اسأل لحضرتك

دودو الخواجه
02-09-2009, 09:47 PM
شكرااااااا على الموضوع الجميل ده
حقيقى انا عمرى مافكرت اناى ادخل صيدله بس صليت استخاره ولما قبلت فى صيدله كنت طايره من الفرح
بعدين لما فكرت فى موضوع الشغل اتعقدت جامد
لكن بعد ماقريت الكلام الجميل ده
اقتنعت اووووووووووى وحبيت الصيدله اوىاوى
:039uw8:

dr/eagle
02-09-2009, 09:54 PM
شكرا ع التوبيك بس هوة منقول ههه! صح!

pharma girl
03-09-2009, 12:07 AM
شكرااااااا على الموضوع الجميل ده
حقيقى انا عمرى مافكرت اناى ادخل صيدله بس صليت استخاره ولما قبلت فى صيدله كنت طايره من الفرح
بعدين لما فكرت فى موضوع الشغل اتعقدت جامد
لكن بعد ماقريت الكلام الجميل ده
اقتنعت اووووووووووى وحبيت الصيدله اوىاوى
:039uw8:
جزاااااااكى الله خيرا يا دودى على مرورك الجميل
ربنا يبارك فيكى يا رب
و والله لما تدخلى الكلية هتحبيها اكتر ان شاء الله
لان والله مفيش احسن من اختيار ربنا ابدااااااا
و اوعى تسمعى لكلام حد يعقدك او يكرهك فى الكلية
و ربنا يوفقك


شكرا ع التوبيك بس هوة منقول ههه! صح!
جزاك(ى ) الله خيرا على المور الطيب
و هو فعلا الموضوع منقول و انا ذكرت كدة فى اول سطرين فى الموضوع
و انى نقلته من كذا مصدر مش مصدر واحد

mustafa_kamal
04-09-2009, 01:30 AM
جزاك الله خيرا على مرورك الطيب
بس انا سمعت حاجة و مش متأكدة منها
ان مثلا جامعة فاروس بيبقى فيه شركة تبعها
و بيشغلوا الخريجين بتوعها فيها
هو ده اللى اعرفه من الناس القريبة منى
لكن ان شاء الله اسأل لحضرتك
شكرا ليكي على تعاونك .....بس اللي بتعمله جامعة الفاروس انها بتشغل خريجينها مش هيبقى شغلهم مضمون دايماا

ريهام4
13-09-2009, 09:01 AM
شكرا ليكى بجد
وفعلا انا لما كنت محتارة بين بشرى وصيدلة واسنان قررت ادخل صيدلة واكلينيكية كمان
لان الصيدلة اشمل كليات القطاع الطبى وبحس انها افضلهم ويليها الطب البشرى

Moky
13-09-2009, 10:03 PM
عندي احساس ان اللي حندرسه في الكلية مش حنستفيد بيه في الشغل يعني من الاخر حاسة ان ال5سنين بتوع الكلية حيبقوا تضييع وقت
لان اللي بيشتغلوا في صيدليات بيقولوا انهم ما استفدوش غير بحاجات بسيطة من اللي درسوه في الكلية ده غير اللي قالوا انهم ما استفدوش غير من الفارما اللي بتتاخد في االفرقة التالتة
وفوق ده كله ان حتى اللي معاهم دبلومات بيقفوا في الصيدلية صحيح مش بيبقوا طبعا زي الصيدلي بس ده الواقع ان كتير من اللي بيشتغلوا في الصيدليات مش صيادلة.

واللي بيشتغلوا في المستشفيات الحكومية بيقولوا ان معظم الشغل بتاعهم في حاجات مالهاش دعوة برضه باللي بيدرسوه في الكلية ومعظمها حاجات ليهه علاقة بعدد الادوية وانوعها وايه اللي ناقص المستشفى يعنى حاجات مش محتاجة صيدلي يعملها.

انا كنت فرحانة لما جاتلي صيدلة بس بعد كده اتعقدت من الكلام اللى الكل قعد يقولهولي على الكلية والشغل بتاعها المشكلة انهم بيقولوا الكلام بحسن نية وفاكرين اني حتبسط من كلامهم بس الكلام بتاعهم ده عقدني في الكلية لدرجة اني بفكر بجد اني احول منها يعني ماما مثلا دكتورة وبتقولي ان الصيدلة شغلهم في المستشفيات الحكومية مريح وأريح من شغل الدكاترة هيه فاكرة انها كده بتفرحني بس اللي فهمته من كلامها لما وصفتلي الشغل بتاعهم الكلام اللي قولته فوق ده يعني ما بيشتغلوش في حاجة ليها علاقة بالصيدلة اصلا

dr/ ahmed
14-09-2009, 10:19 PM
د/ نغم

انا قرأت بعضالردود وحسيت من كلامك انك متردده وانك شايفه ان مرتب الصيدلى 350 جنيه دا طبيعى مش حكومه طيب ما دكتور الاسنان والدكتور البشرى نفس المرتب بالضبط واسألى

لكن بالنسبه لصدله مجالات العمل كثيره يعنى ممكن تفتحى صيدليه هتكسبى فيها ميقلش عن 2500 جنيه
قليلين دول

ممكن تفتحى صيدليه وتشاركى فى صيدليه تانيه

ممكن تشتغلى فى شركه ادويه لكن ابعدى عن الشركات الوطنيه اللى مرتباتها صغيره ( 1500)للمندوب (1000) داخل المصنع او الشركه

الشركات الماتى ميديا مرتبتها تبدأ من 2000 وفيه شركات بتوصل ل 4000 ودى اخو صديق ل بيعمل فيها ومرتبه 4500 +عربيه

وغير كده فى مجالات كتيير ذى معامل البحوث فتح معامل تحاليل او العمل فى الطب الشرعى(محتاجه واسطه) لكن موجوده

لكن بالنسبه لشغل الصيدلى داخل الصيدليه يعنى بيعمل ايه وشغله ايه متسمعيش كلام من حد بره المهنه يعنى حتسألى حد هيقولك انتم بتبيعوا وخلاص لأ طبعا اللى بيبيع الموظفين اللى انتى مشغلاهم عندك لكن دورك هو الاستشاره الطبيه بخصوص اى مرض او دواء او الجرعه الخاصه بالدواء (طفل- امراءه- مسن) مثلا بعض الامراض تستطيعى وصف علاجها (دهمن واقع دراستك ) والدور الاقوى هو انك لازم تشوفى كل روشته تشوفى اذا كان هناك خطأ مثلا هل هناك تفاعلات بين الادويه وبعضها قد توقف مفعولها ان اخذت مع بعضها لأن احيانا بيكون هناك اخطاء فى الروشتات .. وغيرها يعنى مش وظيفتك انك تجيبى الدوا من على الرف وخلاص

ده بالنسبه للشغل

لكن بالنسبه للواقع بعد التخرج انت على الاقل بتعتبرى دكتوره العيله يعنى انت بتكونى عارفه كل حاجه عن الامراض وعلاجها والدواء ده ينفع ولا مينفعش بتدى حقن وتقيسى الضغط وتقرأى التحالبل وتوصفى الدواء على اساسها وكده يعنى اللى بينقص الصيدلى هى جزئيه التشخيص ودى بقه جزئيه الطبيب واحيانا ممكن نتدخل فيها شويه بس فى الاساس دى جزئيتهم

لكن بالنسبه للدراسه وكده انت متقدريش تقيمى الكليه وموادها اللى لما تدخليها وتعدى اعدادى وتدخلى بقه على مواد صيدله الحقيقيه هتعرفى بجد قيمتك كدكتوره

انا طولت كتيير كفايه كده

dr.boody
18-09-2009, 01:35 AM
الموضوع بجد رائع جدا...وانا معاك فى حكاية وظيفة الشركه دى انها مهينه فعلا لان الحكايه دى حصلت ادامى كتير ...منهم اللى اتحرج ومنهم الللى اشتم ومنهم اللى كان ممكن يوصل لدرجة الضرب...وانا بإذن الله مش بفكر فى الوظيفه دى خالص مهما كانت فلوسها...انا ادامى ان شاء الله اختيارين لا ثالث لهما...اما معيد فى الكيه ان شاء الله ...او اسافر بره....
واحب اشكرك مره تانيه على الموضوع اللى اكثر من رائع فعلا......

eng/el doktor
20-09-2009, 10:17 AM
طب ما إنت عشان تسافر بره وتضمن نفسك هناك لازم تتفوق يعنى تبقى معيد....
إلا بقى لو ليك خال ف الكويت مثلا الأمر ح يختلف

Dr/yara
26-09-2009, 08:07 AM
على فكرة يا جماعه الموضوع احزنى جداا وانا لسه داخله اعدادى بس انا اخويه دكتور بشرى وهو اللى شجعنى على الصيدله وبيقول ان فلوسها كويسه بس ربنا يسهلها والرزق ده بتاع ربنا

العمييد
28-09-2009, 02:54 AM
الموضوع بجد مخيف و مرعب و محزن فى نفس الوقت و الله و الله و الله انا فكرت احول هندسة بسب قرأتى للموضوع ده
بس رجعت فى كلامى و كذبت نفسى و كذبت اللى بسمعه صيدلة حلوة و مربحه وسهلة فى الشغل و فى فرص عمل كتير
و الحياة بمبى و مفيش اى مشكلة و كله تمام تمام اوى مالو الدكتور الصيدلى زى الفل و عشره على عشره
ساعات الحقيقه فى مواقف كتير ما بتكونش مطلوبه اوى ارحمونا الله يخليكوا

mrwhosny
29-10-2009, 09:03 AM
يا جماعة في مجال جديد انا سمعت عنه ان الصيدلي ينفع يشتغل فيه وهو فتح محل للعطارة
اولا متصل بالدراسة لان الواحد بيستغل معرفته لانواع النباتات المختلفة وما تحتوية من مواد فعالة وتاثيرها واستخدامها في علاج الامراض ده غير التوليفات ( التركيبات )اللي ممكن الواحد يعملها من الاعشاب يعني ممكن اذا حضر حاجة جديدة يقدر يعمل فيها رسالة ماجستير او دكتوراه
ثانيا ان معظم الناس حاليا متجه لاستخدام الاعشاب والحاجات الطبيعية وال organic في حياتهم لانهم زهقوا من المواد الكيميائية وتاثيراتها والتعود عليها مثلا في ناس كتير بتعاني من امراض الكلية والجهاز الهضمي وغيرها كتيير وبتفضل تشرب شاي الاعشاب عن اخذ ادويةعلى اساس انه حاجة طبيعي
ثالثا معظم الناس دلوقتي تفضل معالجة اطفالها الصغيرة بالادوية الطبيعية عن اخذ دواء وادخال مواد كيميائية لجسم الطفل خوفا انها تضر اطفالها بزيادة الجرعة وعدم نضج واكتمال نمو اجهزة الطفل الداخلية زي المغص والامساك
رابعا بالرغم من ان هناك شركات كثيرة اتجهت الى وضع هذه الاعشاب في صيغة دوائية بدون اي اضافات وبيعها مثل ادوية الكحة و المناعة والملينات وغيرها من الادوية الا انها مازال سعرها مرتفع عن اللي ممكن تشتريه من العطار غير ان هناك من لا يعرف بوجودها اصلا في الصيدلية
واعتقد ان الواحد ممكن يفيد الناس بجد وينصحهم عن انهم يشتروا توليفات الاعشاب الجاهزة اللي بنلاقيها على الرصيف
لكن بالنسبة للدخل ومميزاتها وعيوبها يا ريت لو ان حد جرب ده ياريت يوضحها لنا
وكم جزيل الشكر

doc bass 2001
30-11-2009, 05:16 AM
السلام عليكم ورحمة الله وبركاته
انا موافقة جدا ان الصيدلى فىمصر حقه مهضوم وعشان كدة البلد دى عمرها ما هتتقدم من غير صناعة دواءية متطورة مش بس تصنيع يا جماعة ده احنا لازم ندخل مجال تخليق الادوية وتطويرها
الصيدلة مهنة سامية وتستاهل اكثر من كدة بكثير
تخيلوا لو كنا عايشين من غير ابسط الادوية مثلا المسكنات مين يقدر يتحمل الالم والمعاناة
الصيدلة خدمة انسانية جليلة قبل ماتكون مهنة وسبوبة والناس اللى بتبصلنا اننا بياعين ومستكترة علينا كلمة دكتور
لازم يعرفوا ان الاطباء ما يعرفوش يعالجوا من غير ادوية مع كامل احترامى للاطباء :friendsxs3:
بس برده احنا اللى رخصنا نفسنا كله دلوقتى بيقول هاذاكرليه اخرتها هابقى بياع فى الصيدلية يمكن مالقيناش قدوة
تاخد بايدينا وتفهمنا صح يمكن موتوا فينا الامل والاحلام الكبيرة :bosyht9:

بس على العموم الشباب كله ضايع وكلنا تايهين فى المولد
اسفة مش قصدى احبطكم بس دى الحقيقة
اه نسيت اقولكم انى جديدة هنا فى المنتدى و خريجة صيدلة 2009 وسعدت بمشاركتى معاكووووووووووووو:av4056bb7jp3::av4056bb7jp3::av40 56bb7jp3::av4056bb7jp3::av4056bb7jp3::av4056bb7jp3 ::av4056bb7jp3:

m.mostaf
01-12-2009, 12:48 AM
يا جماعه انا اسمع ان صيدله الجامعه الالمانيه افضل صيدله فى مصر؟
ايه رايكم فى الكلام ده

m.mostaf
01-12-2009, 12:49 AM
يا جماعه انا اسمع ان صيدله الجامعه الالمانيه افضل صيدله فى مصر؟
ايه رايكم فى الكلام ده

DR Ahmed92
25-06-2010, 07:26 PM
موضوع أكثر من رائع نبقى نشوفه بالهداوة ان شاء الله لما نخلص الثانوية بعد 5 ايام او لما مجموع يجيبها ان شاء الله
^_^

gameedawyy48
15-07-2010, 12:13 AM
جزاك الله خيرا على الموضوع الأكثر من راااااااااااااااااااااائع

star-55
21-08-2010, 05:01 PM
بسم الله الرحمن الرحيم

السلام عليكم و رحمة الله

هبطل تعليم واسرح ببيض وسميط

انا ف ثانوية عامة لسة وطموحى صيدلة ان شاء الله

بس الحمد لله الموضوع دة كشف لى ان مفيش حاجة احسن من الرضا بقضاء الله سواء صيدلة او غيره

اللى راضى عن نفسه ولا هيهمو حاجة

انا ليا صحبتى خريجة صيدلة دايما مش عاجبها حال البلد ف اى حاجة

ودايما تقوللى اوعى تدخليها ولا مستقبلها حلو ولا اى حاجة لان احنا ف بلاد مفيهاش مستقبل للصيدلى

يللا انا لساتى ف الثانوية ادعولى ربنا يعمل ما فيه الخير ليا

oudminkey
17-01-2011, 10:57 PM
انا بكالوريوس تجاره وشغال فى صيدليه زيى زى الصيدلى

Dr/ Nancy
21-04-2011, 01:03 PM
يا جماعة إيه رأيكم لو جالى التكليف فى الادارة المركزية للمعامل بوزارة الصحة ؟ هل يعتبر مكان متميز؟؟ ارجوكوا محتاجة رد سريع علشان استيفاء الرغبات!! هل هو احسن ام صيدليات المستشفيات؟

Mo0on Light
07-06-2011, 05:11 AM
ربنا يبارك في حضرتك يا دكتوره
معلومات مفيده جدا خصوصا للي لسه مدخلوش

فاطمة456
07-06-2011, 06:18 PM
اولا: السلام عليكم يا دكاترة انا طالبة فى الثانوية بس انا عايزة احدد هدفى عشان اعمل لية وانا عايشة فى حيرة فظيعة وخيفة حتقولولى خيفة لية حقولكم لنى مش عارفة محتارة بين كلية صيدلة ولا طب انا من النوع اللى بحب المغمرة ونفسى اشتغل شغل ممتع غير ممل ودة بيتوفر طبعا فى كلية طب بس من ناحية تانية بقول انى كلية الطب حتخلينى مشغولة ومعيش وقت وده مينفعش بالنسبة ليا عشان انا بنت والبيت ان شاء الله والعيال وانتوا عارفين طبعا وناجى لكلية الصيدلة معلش يعنى هى شغلانة مملة كل اللى بتعملة انك بتفتحى صيدلية وتقعدى فبها ليل نهار وانتى على الكرسى ودة ملل اما فى شركة ادوية والمسئولية والنسب ودة لو حد قبلك اصلا وهو ده الصراع اللى جوايا ومش عارفة الاقيله حل.......
ممكن لو سمحتم تساعدونى.

مارى فايق مجدالله
19-06-2011, 04:59 PM
مفيييييييييييييييييييييييييييييييييييييييييييييد

فارسة الإسلام
29-06-2011, 03:57 PM
جزاكم الله خيراً

Dr.Nariman
04-07-2011, 11:11 PM
ياخسارة ليه حق الصيدلي مهضوم كدا ؟؟ واانا اللي كنت بفكر ف صيدلة ؟؟ :(

sadola
17-07-2011, 04:31 AM
بجد الف الف شكر على المعلومات القيمة دي

Mamdouh Khaled
26-07-2011, 05:37 PM
شكرا على المعلومات الجميله دى
و على المجهود الجبار
أنا عضو جديد
طالب فى ثانوى
و ناوى إن شاء الله صيدله

Dr. Hoda Ahmed
02-08-2011, 06:32 AM
جزاااااااااااااااااكى الله خيرا موضوع رائع وهرجع اكمله

nooneasme1
04-08-2011, 12:39 AM
جزاك الله خيرا على هذا الموضوع

ندى نيدو
08-08-2011, 04:51 AM
الموضوع رائع جزاك الله كل خير
انا عجبتني وظيفة العمل في مصانع الادوية
ربنا يسهل

بغاشى
20-09-2011, 06:09 PM
على فكرة المرتبات فى الوادى الجديد فى الصحة (تكليف) اعلى من المرتب المذكور بثلاث مرات

kokam
21-07-2012, 01:30 PM
جزاك الله كل خير على هذه المعلومات القيمة

mahy.truefriends
01-08-2012, 12:27 AM
جزاك الله خيرا الموضوع فعلا حلو

عاشقه الاقصى1
04-08-2012, 09:15 PM
معلومات قيمه
جزاكم الله خيرا

mahy.truefriends
05-08-2012, 08:41 PM
بجد شكرا جدا علي الموضوع والمعلومات الي ساعدتني اني اختار كليه صيدله وانا مرتاحه :)
و جزاك الله خيرا"

. Nour eleman
07-08-2012, 10:28 AM
جزاك الله خيرا

retagsaso
08-08-2012, 12:17 AM
niceeeeeeeeeeeeee

درة مكنونة
08-08-2012, 04:10 PM
موضوع ممتااااااااااااز شكرا لك :)

Anas.ayam
10-08-2012, 05:17 AM
جزاك الله خيرا

velvet rain
10-08-2012, 01:36 PM
يعني في الآخر برضو بياع و لكن متنكر .......يا دكتورة فارما جيرل كل كلامك مظبوط و لكن مليء بالاحتمالات و الدخول الضعيفه ...............
انا مستقبلي ضاع مع الصيدله ....انا بافكر احول علوم ...مهو كده كده مش هلاقي شغلانه اشتغلها فيها شيء من التقدير للعلم اللي درسته ...اصلا مفيش شغلانه بتتقاس بمدى غزارة العلم اللي فيها ..

tamer basiony
06-08-2013, 02:20 AM
كلام جميل جداااااااااااااااا

يا الهي
15-01-2014, 04:26 AM
يعني في الآخر برضو بياع و لكن متنكر .......يا دكتورة فارما جيرل كل كلامك مظبوط و لكن مليء بالاحتمالات و الدخول الضعيفه ...............
انا مستقبلي ضاع مع الصيدله ....انا بافكر احول علوم ...مهو كده كده مش هلاقي شغلانه اشتغلها فيها شيء من التقدير للعلم اللي درسته ...اصلا مفيش شغلانه بتتقاس بمدى غزارة العلم اللي فيها ..


بسم الله ما شاء الله ... ايه البشاير دي كلها
حراااااااام بجد حرااااااام

نوسة75
19-07-2014, 03:44 PM
ازى مرتبه 500 جنيه فى الشهر 500*30 يوم ب 15 الف

أحمدعبدالمنعم حجازى
23-07-2014, 01:04 AM
منكم لله
كرهتونى فى حاجة اسمها صيدلة
شكلى مش داخل صيدلة