مشاهدة النسخة كاملة : الي كل طلبه الدبلومات الفنيه الصناعيه نظام الخمس سنوات والحاصلون علي اعلي من 84%
eng_ahmed_salem 15-09-2008, 08:27 AM يا جماعه احنا تم التضحيه بينا في مقابل الثانوي العام انا جايب 85 ومش لائي مكان في كليه الهندسه حتي معهد الطاقه بأسوان اللي كان واخد من 81.5% اخد من 86.98% يرضي مين ده بعد تعب الخمس سنين في النهايه اتساوينا بطلبه الدبلومات الفنيه المتوسطه انا جالي تعليم صناعي بني سويف
كانت واخده من 78% السنه اللي فاتت الكليات السنادي بالنسبه لينا بدأت من 84.33% تربيه نوعيه قنا
احنا اتساوينا بالثانويه العامه هندسه الاسكندريه واخد من 91% مش حراااااااام السنه اللي فاتت كانت كم 88%
هوه عشان يرضو بتوع الثانويه العامه يصححو غلطهم في الامتحانات بينا احنا
احنا كلنا كبش فدا ومحدش هيسمعلنا عشان مش مهتمين بينا عايزين يشغلونا صنايعيه في المصانع مش عاوزينا نطلع مهندسين اللي هيه حئنا احنا مش حأ بتاع الثانوي العام اللي بيحفظ ومش بيشوف موادنا الا لما يدخل الكليه
انا عاوز نجمع توكيلات لكل الطلبه اللي اتظلمت ومجموعه اكبر من 84% نرفع قضيه علي وزير التعليم العالي
لو سكتنا هنكون ضيعنا حئنا
وحسبي الله ونعم الوكيل ضيعو امل اسر عندنا في مدرستي دفعه كامله من قسم مفيش غير 2 دخلو هندسه واحد المنيا والتاني معهد بنها العالي
عاوزين نوصل صوتنا للعالم اللي مش حسا بينا ولا بأهالينا
eng_ahmed_salem 16-09-2008, 06:37 AM يا جماعه هنفضل لامته في السلبيه ديه بجد حرام خمس سنين يروحو هدر
يارب سبحانك 16-09-2008, 06:52 PM انا معاك يا باشا
انا اسمى محمد محمود الفار حاصل على 873 بمجموع 83.14% بورسعيد
واللى حصل دا ظلم انا ماشى مجاليش هندسه دا مش مشكله
بس التربيه النوعيه السنه اللى فاتت كانت بتاخد من 75 % ليه السنادى تاخد من 85.6%
اللى بيحصل دا حرام واللى يسكت يبقى عبيط واهبل وبيضيع حقه
انا بعت رساله لوزير التعليم العالى
وبعت ايميلات لبرنامج
العاشرة مساءا عمرو اديب
و90 دقيقه
و جريدة الجمهوريه
وجريدة اخبار اليوم
واشتكيت من الارتفاع اللى فى المجاميع لما كلية السنه اللى فاتت تاخد من 75 % والسنه دى تاخد من 85.6% بزيادة اكبر من 120 درجه داا يبقا حراااااااااااااام بجد بجد حراااااااااااام احلامنا ضاعت واتدمرنا كلنا
يا باشا انا معاك وشوف هتعمل ايه ورد عليا بسرررررعه جدا جدا وانا هقولك اخر اللى اتوصلتله من الايميلات والشكاوى دى ايه
يارب سبحانك 16-09-2008, 06:59 PM ونسيت اقول حاجه كمان
طلبة الدبلوم الفنى التجارى الخمس سنيين الحد الادنى للقبول بكلية التجارة 75 %
طلبة الدبلوم الفنى للسياحه والفندقة الحد الادنى للقبول بكلية السياحه والفنادق 75 %
طلبة الدبلوم الفنى الزراعى الخمس سنوات الحد الادنى للقبول بكلية الزراعه 75 %
احنا بس اللى تنسيقنا اتغير يا جماعه
تربيه نوعيه طول عمرها بتاخد من 75 % حرااااااااااااااااام لما تزيد 10 % اكيد فى حاجه غلط
10 فى الميه دول اكتر من 100 درجه
ياريت نعمل حاجه بجد منسكتش كده وبسرعه الدراسة قربت تبتدى .............
eng_ahmed_salem 16-09-2008, 10:26 PM دول اخدو اماكنا احنا عشان يدوها لطلبه الثانوي العام
مش عارفين يعملو حاجا معاهم بهدلونا احنا
انا كنت عارف اني مش داخل هندسه بس كنت حاطط امل كبير علي معهد بنها وؤلت السنه اللي فاتت كانت نتيجتهم 83.5% يعني يوم مهتزيد زي كل سنه واحد % مش خمسه مره واحد هيه و اسوان وكل ده لصالح المعاهد العليا الخاصه
انا عاوز اكبر عدد من طلبه التعليم الفني الصناعي نظام الخمس سنوات
لكن المشكله كلهم مش بيتكلمو وعشان كده مستئليين بينا
حسبي الله ونعم الوكيل ميه مره
بئه بعد خمس سنين وانا جايب امتياز ادخل تعليم صناعي انا بكره البلد ديه
ويرجعو يؤلو الشباب فاقد الهويه ومش منتمي لبلده ربنا يولع فيكم يارب
اديني ايميلات القاهره اليوم والعاشره مساءا والمصري اليوم ممكن ترد عليا في اسرع وقت لازم نتحرك
يارب سبحانك 17-09-2008, 02:21 AM الايميلات اهى
جريدة الجمهورية eltahrir@eltahrir.net (eltahrir@eltahrir.net)
أخبار اليوم akhbarelyom@akhbarelyom.org (akhbarelyom@akhbarelyom.org)
بريد الجمعه: baridelgomaa@ahram.org.eg (baridelgomaa@ahram.org.eg)
برنامج العاشرة مساءً: al3ashera@dreams.tv (al3ashera@dreams.tv)
عمرو أديب alkaheraalyoum@orbit.net (alkaheraalyoum@orbit.net)
أحمد رجب a_ragab@akhbarelyom.org (a_ragab@akhbarelyom.org)
90 دقيقة 90min@elmehwar.tv (90min@elmehwar.tv)
بس انت متسكتش على كده وبس ابعت فاكس لمكتب وزير التعليم العالى وكلم اى عضو من مجلس الشعب
انت منيين ؟ واسم مدرستك ايه ؟ لو انت عاوز طلاب المدرسه الفنية الصناعيه المتقدمه ببورسعيد اجيبهملك كلهم
احنا مش هنسكت انت بس شوف هتعمل ايه وانا معاك
وكمان دا ايميل وزير التعليم دكتور هلال hhelal@link.net (%20hhelal@link.net) الايميل دا الوزير نفسه قالو فى برنامج وجهة نظر
مستنى ردك وفى اسرع وقت
يارب سبحانك 17-09-2008, 02:27 AM وابعت فاكس كمان لرئاسة الجمهوريه واشرح فيه موضوع التربيه النوعيه
اعمل زى ما احنا هنعمل عشان صوتنا يوصل يا احمد متكسلش ثانية بكره الصبح تعمل الكلام دا ضرورى
وتعرفنى
eng_ahmed_salem 17-09-2008, 11:01 AM انا بعت لمعتز الدمرداش والعاشره مساءا وكل شويه ابعت نفس الرساله يارب يسمعونا ويحسو بمعاناتنا
يارب سبحانك 17-09-2008, 03:21 PM النهاردة الصبح نزلت من بدرى كتبت شكوى على الكمبيوتر وطلعت على السنترال
وقولت للى فى السنترال عاوز ابعتها لوزير التعليم العالى بعتتهالى
وقالتلى روح كمان اعمل واحده ابعتهالك لرئاسة الجمهورية عملت وبعتتها
ونزلت جرنال الجمهورية وكلمت صحفى هناك وقالى انه هينزل خبر عن الموضوع دا
يا احمد انت كمان بكره الصبح لازم تنزل وتبعت الشكوى فاكس لمكتب وزير التعليم العالى ضرورى جدا يا احمد
انا حاسس ان انا بتحرك لوحدى مينفعش كده
يارب سبحانك 17-09-2008, 04:07 PM يا احمد انت لو معملتش حاجه غير الايميلات دى صدقنى مش هتاخد غير تعليم صناعى بنى سويف وهتلاقينى معاك فى الدفعه
يا احمد لازم تبعت فاكس لوزير التعليم العالى انت وكل اصحابك تعمل شكوى وتكتبها بالكمبيوتر وتطلع على اقرب سنترال رئيسى وتبعت فاكس لوزير التعليم العالى
وتعرفنى ايه اللى حصل
حاول تكلمنى بالليل على الساعه 10 عشان انا رايح لواحد من مجلس الشعب
0126065392 دا رقمى ضرورى يا احمد
jilly 17-09-2008, 05:13 PM هاى يا جماعة
انا ليا ابن خالى زيكم كدة هو جايب 85 ومجالوش طبعا اى هندسة فى المحافظت كلها وجاله تربية نوعية الفيوم وهو مش عايز يروح وبيقولى انا مش هاكمل ومش هايدخل كلية وهو زعلان جدا ومش عارف يعمل ايه وهو مش عايز تعليم صناعى
يارب سبحانك 18-09-2008, 12:01 PM ابن خالك اللى هو محمد متولى طيب اسألية هو جايب كام من 1050 ضرورى
ايه يا احمد يعنى مردتش على الموضوع استسلمت ولا ايه انت قولت كلهم ساكتين ومبيتكلموش دلوقت احنا اللى بنتكلم وانت ساكت اهو ومش عاوز حتى تشارك فى اللى بنعمله انا مقولتش غير انك تكتب شكوى وتبعتها فاكس لوزير التعليم العالى بسس مش عاوز منك اكتر من كده رد عليا يا احمد وقولى هتعمل ايه
الدراسة يوم الاحد اللى جاى خلاص مفيش وقت
وعرفنى كمان انت كملت ورقك فى تعليم صناعى ولا لسه ..
ياريت ترد بسرعه ...........
eng_ahmed_salem 18-09-2008, 04:41 PM والله انا مش ساكت انا عمال ابعت في شكاوي ومجلس الشعب والتعليم العالي ولجنه التعليم في مجلس الشعب
بالنسبه للكليه انا مش عارف بس انا شكلي مش هروح
لأن المؤهل ده لمحصل هندسه ولا تربيه وملوش شغل في مصر
eng_ahmed_salem 18-09-2008, 04:44 PM وبيني وبينك انا استسلمت عشان احنا فاضل يومين علي الدراسه ومفيش حد سئل فينا
jilly 18-09-2008, 05:00 PM ايوة هو محمد متولى هو تقريبا جايب 891
يارب سبحانك 18-09-2008, 06:14 PM ماشى يا احمد بالنسبة لقرار الاستسلام مش هعلق عليه انت حر اسكت بس انا مش هسكت
وعلى فكره كلية تعليم صناعى بنى سويف جارى تغيير اسمها الى كلية التكنولوجيا والعلوم الهندسية
ودا حصل فعلا فى كلية تعليم صناعى السويس وهى كلية كويسة الى حد ما وليها شغل
فكر مره كمان قبل ما تضيع من ايدك كل الفرص ....
ولو عرفت تكلمنى برضو النهارده على الساعه 10 ياريت عشان نوصل صوتنا للناس كلها
محمد.فوكس 18-09-2008, 07:29 PM السلام عليكم و رحمة الله و بركاته..
أنا يا جماعة عارف الورطة و الكارثة اللي انتو فيها .. بس اهم حاجة متسكتوش و لو معرفتوش تاخدوا حقكو ارفعوا قضايا.
و متقلقوش الحق يظهر لو بعد حين.. و اعتقد لو حقكوا ظهر هتدخلوا الكلية لو آخر يوم في الدراسة.
أنا عارف حالتكم بس انا عندي سؤال.. أنا معايا ثانوية عامة علمي رياضة و جتلي كلية علوم و كنت بفكر احول معهد فني صناعي سنتين و استحمل اني اضيع سنتين من عمري في سبيل اني ادخل هندسة.
السؤال بقى هل اللي حصل معاكم ده هيحصل لطلبة المعاهد الفنية الصناعية سنتين و ميقدرش يدخلوا هندسة.
يعني بالعربي بلاش اورط نفسي او احط مستقبلي على كف عفري ولا ايه رأيكوا..
و ربنا معاكم ان شاء الله
HAMADA_013 19-09-2008, 01:10 AM طلبة المعاهد الفنيه الصناعيه (الكليات التكنولوجيه هي معهد سنتان بعد دبلوم الصناعي او التجاري ثلاث سنوات او طلبة الثانويه العامه وبعد السنتان يعادل الطالب مجموعه للدخول بكليات الهندسه او التجاره ) مجموع درجاتهم عالي جدا حتي اني جبت نتيجة تنسيق طالب وكانت 96.4 والاول خمس سنوات 95.41 والتنسيق واحد بالنسبه للخمس سنين والكليات التكنولوجيه فلا بد من انهم يرفعو التنسيق وهي دي المشكله انهم بيعاملو دبلوم الخمس سنوات زي الكليات التكنولوجيه
eng_ahmed_salem 19-09-2008, 01:38 AM يعني ايه كليه تكنولوجيا وعلوم هندسيه
كلها مسميات مش اكتر لأن مش ليها نقابه غير التطبيقيين ولو هتشتغل مدرس تعليم صناعي لازم تدخل الاكاديميه بتاعه المعلم عشان التربوي وبعدين تتسجل في النقابه
وانا مش هدرس خمس سنين طحن وازفت من الثانوي العام واكيد كل اللي كانو معانا في المدارس ديه عارفين والاخر اطلع مدرس صنايع
يعني لمحصلين هندسه ولا محصلين مدرسين
وبعدين الاستسلام اللي ائصده في تغير الكليه لأن ده حاجه معممه علي الجمهوريه ومش هيغيرو التنسيق عشان شكوه ولا اتنين
كانو عملو حاجه في الامتحانات بتاعه الثانويه العامه
ولما جم يصلحو مصيبتهم عقدوها اكتر و اكتر بأخدهم اماكنا احنا ورفع تنسيقنا مهو احنا ملناش قيمه
eng_ahmed_salem 19-09-2008, 01:42 AM وعشان تعرف مدي غبائهم وهبلهم اخدو اماكن طلاب المعادلات من كليات الهندسه برضه
عشان عدد الطلاب في العلمي رياضه كان اكتر بمراحل وتلاحظو المشكله ديه عندنا بس
يارب سبحانك 19-09-2008, 02:33 AM النهارده رحت لنائب بمجلس الشعب الخطأ فى التنسيق مش مجرد ارتفاع فى المجاميع اقرا الكتاب بتاع دليل الطالب بيقول ان الطلاب الحاصلين على مجموع اكثر من 75 % لية اماكن بالكليات الحكومية ودا محصلش لان الطالب اللى جاب اقل من 81.2 ملوش مكان فى اى كلية المشكله كبيره جداااااااا جدااااااااااااا
انا مش ساكت بس انت المفروض تكون معايا برضو اانا مش بعمل دا عشانى لوحدى يا احمد ............
يارب سبحانك 19-09-2008, 02:27 PM انشاء الله الموضوع هيتصحح قريب اطمنوا يا جماعه
يارب سبحانك 19-09-2008, 05:46 PM لو وصلت لحاجه جديده يا احمد عرفنى ....
كلام الليل 20-09-2008, 02:34 PM انا احمد مصطفى من محافظة كفر الشيخ حاصل على دبلوم صنايع الفنية المتقدمة خمس سنين ومجموعى
81.14 وكان املى ان اخش تربية نوعية لانها السنة الى فاتت كانت بتاخد من 75 فى المية السنة دى رفعت كل دة ازاى بس
يارب سبحانك 20-09-2008, 03:04 PM انا احمد مصطفى من محافظة كفر الشيخ حاصل على دبلوم صنايع الفنية المتقدمة خمس سنين ومجموعى
81.14 وكان املى ان اخش تربية نوعية لانها السنة الى فاتت كانت بتاخد من 75 فى المية السنة دى رفعت كل دة ازاى بس
مهو انت أملك مش هيتحقق وانت قاعد فى البيت مستنى ..................
ادخل على الموضوع دا وشوف الخطأ اللى ظاهر وواضح
ولو عملت نص اللى انا عملته صدقنى هنوصل كلنا لحل
http://www.thanwya.com/vb/showthread.php?t=73726
مستنى ردك
القطه 21-09-2008, 10:48 PM انا دخلت معهد فنى صناعى مش من حبى فيه بس علشان ادخل هندسه او فنون جميله كانوا بيقلولى لو جبت جيد جدا ادخل فنون جميله وفعلا اناجبت جيد جدا بنسبه80.2%اقولت خلاص حلمى هيتحقق روحت كليه فنون جميله اسكندريه علشان امتحن قدرات وفى الكليه رحبوا بيا جدا ورحت اخد كورس قدرات فى الكليه وكانوا الدكتره اللى بيدرسولى منبهرين من رسمى لانى متميزه فى رسمى لدرجه ان الدكتور صور اللوح بتاعتى ودخلت الامتحان ونجحت وقدمت فى التنسيق وكنت بقول ان شاء الله فنون جميله اسكندريه وكانت الفرحه جوايا مش قدره اوصفهالكم ولا اوصف فرحه اهلى وهناك فى المكتب اجبرونى لازم اكتب ثلاث معاهد سلمت امرى لله وكتبت ثلاث معاهد وكانوا اخر ثلاث رغبات تتوقعوا جالى ايه فى الاخر معهد كنج مريوط للحاسب انا جالى انيهار عصبى ولسانى نمل من الصدمه ودموعى مليه عيونى الحمد انا دلوقتى بقيت كويسه ورضيه بقضاء الله انا بكتب دلوقتى ومن كتر دموعى مش شايفه الحروف انا عاوزكم ترضوا بقضاء الله زى واصبروا ومحدش يحاول يتعب نفسه ويقدم شكوى لان محدش هيسمعلكم قدموا شكتكم لربنا هو ارحم الرحمين يعنى احن عليكم من اباكم وامهتكم ودورا على حياتكم العمليه انا اسفه انى طولت عليكم
reda_mafia50 21-09-2008, 10:53 PM ربنا يعينك ويصبرك ويكون معاكى
القطه 22-09-2008, 01:47 AM :rolleyes::rolleyes::rolleyes::rolleyes::rolleyes: ربنا يعينك ويصبرك ويكون معاكى
شكرا على المشاعر الجميله دى يا Reda
:wub::wub::wub::wub::wub::wub:
يارب سبحانك 22-09-2008, 04:05 AM انا دخلت معهد فنى صناعى مش من حبى فيه بس علشان ادخل هندسه او فنون جميله كانوا بيقلولى لو جبت جيد جدا ادخل فنون جميله وفعلا اناجبت جيد جدا بنسبه80.2%اقولت خلاص حلمى هيتحقق روحت كليه فنون جميله اسكندريه علشان امتحن قدرات وفى الكليه رحبوا بيا جدا ورحت اخد كورس قدرات فى الكليه وكانوا الدكتره اللى بيدرسولى منبهرين من رسمى لانى متميزه فى رسمى لدرجه ان الدكتور صور اللوح بتاعتى ودخلت الامتحان ونجحت وقدمت فى التنسيق وكنت بقول ان شاء الله فنون جميله اسكندريه وكانت الفرحه جوايا مش قدره اوصفهالكم ولا اوصف فرحه اهلى وهناك فى المكتب اجبرونى لازم اكتب ثلاث معاهد سلمت امرى لله وكتبت ثلاث معاهد وكانوا اخر ثلاث رغبات تتوقعوا جالى ايه فى الاخر معهد كنج مريوط للحاسب انا جالى انيهار عصبى ولسانى نمل من الصدمه ودموعى مليه عيونى الحمد انا دلوقتى بقيت كويسه ورضيه بقضاء الله انا بكتب دلوقتى ومن كتر دموعى مش شايفه الحروف انا عاوزكم ترضوا بقضاء الله زى واصبروا ومحدش يحاول يتعب نفسه ويقدم شكوى لان محدش هيسمعلكم قدموا شكتكم لربنا هو ارحم الرحمين يعنى احن عليكم من اباكم وامهتكم ودورا على حياتكم العمليه انا اسفه انى طولت عليكم
بجد كلامك دا مزعلنى اوى معلش اصبرى انا كمان والله دبلوم فنى صناعى خمس سنيين وطالع الاول على دفعة التبريد والتكييف ببورسعيد وجايب 83.14 % وملحثتش غير معهد حاسب الى خاص برضو
بصى انا رأى انك تحولى جامعه عماليه اى فرع فيها هتدخلى على سنه 3 قسم تنمية تكنولوجيه وهتتخرجى معاكى بكاليريوس رقابة جوده وربنا يوفقك دا احسن طريق .................
يارب سبحانك 22-09-2008, 04:06 AM احمد سجلنى دلوقت عاوز اتكلم معاك فى موضوع ضرورى جدااااااا
يمنع وضع الاميلات او ارقام الهواتف
القطه 22-09-2008, 12:44 PM بجد كلامك دا مزعلنى اوى معلش اصبرى انا كمان والله دبلوم فنى صناعى خمس سنيين وطالع الاول على دفعة التبريد والتكييف ببورسعيد وجايب 83.14 % وملحثتش غير معهد حاسب الى خاص برضو
بصى انا رأى انك تحولى جامعه عماليه اى فرع فيها هتدخلى على سنه 3 قسم تنمية تكنولوجيه وهتتخرجى معاكى بكاليريوس رقابة جوده وربنا يوفقك دا احسن طريق .................
جزاك الله خيرا على النصيحه بس انا مش بحب الجامعه العماليه لانى اسمع ان الطلبه هناك بيئه والنظام هناك وحش جدا والطلبه اسلبهم وحش وانا انسانه ملتزمه وعايزه افضل كده بس انا بفكر فى حاجه ثانيه وعاوزكم تقولو رائيكم انى اعمل معادله مش مهم اتعب ثانى بس المهم اوصل انا من البحيره مش عارفه المعادله دى بتتعمل فين ممكن تقلولى كل حاجه عنهاوياريت العنوان والتليفون مستنيه رد
:confused::confused::confused::confused::confused: :confused::confused::confused::confused:
المحب لله 22-09-2008, 01:25 PM جزاك الله خيرا على النصيحه بس انا مش بحب الجامعه العماليه لانى اسمع ان الطلبه هناك بيئه والنظام هناك وحش جدا والطلبه اسلبهم وحش وانا انسانه ملتزمه وعايزه افضل كده بس انا بفكر فى حاجه ثانيه وعاوزكم تقولو رائيكم انى اعمل معادله مش مهم اتعب ثانى بس المهم اوصل انا من البحيره مش عارفه المعادله دى بتتعمل فين ممكن تقلولى كل حاجه عنهاوياريت العنوان والتليفون مستنيه رد
:confused::confused::confused::confused::confused: :confused::confused::confused::confused:
السلام عليكم انا من البحيره برضو يؤسفنى جدا ان اقولك انك مينفعش تعملى معادله لانى سالت فى المعهد الى فى اسكندريه(كامب شيزار سنتين ) وقالى المعادله تبقى للطلبه الى جايبين جيد ومقبول فقط وبتبقى فى كليه الهندسه فى القاهره وبتكون مواد من الثانويه العامه لو نجح وجاب 50% يدخل هندسه فاانا مقدر ظروفك المهم نلحق واحد جديد قبل م ايدبس انا معد معهد فنى صناعى سنتين وجايب فى الثانوى 85.7% ( هذا العام)وداخل على اساس هندسه السنه الى فاتت واخده من 86% المهم انتى تنصحينى ادخل ولا اعمل ايه مع انى رحت حولت تجاره انجليزى ودفعت 100 جنيه وفى الاخر قلتلهم مش عايز اروح انا عايز معهد فنى صناعى ورحت قدمت فى المعد ياريت حد يفيدناااااااااااا ارجوكم قبل مالفاس تقع فى الراس واهى وقعت
يارب سبحانك 22-09-2008, 01:46 PM الحق نفسك يا ابنى لو تعرف ترجع تجارة ارجع صدقنى هتندم
انا لو ينفع اروح تجارة انتساب والله العظيم هروح
المحب لله 22-09-2008, 01:52 PM طيب انا خايف اندم وانا اصلا مش عايز تجاره وارجع اقول يارتنى دخلت هندسه من معهد وانا اعرف ناس كتيير داخلين منه
وبعدين حمسك العصايه من النص قلت حجرب هيا سنه واحد جبت فوق التسعين كان بها مجبتش حيبقالى تحويل تجاره انجليزى عادى ومش حكمل السنه التانيه
قولى ايه رايك ارجوك وعايز اعرف فى فرق بين السنتين والخمس سنين والمواد صعب يتجاب فيها فوق التسعين حتى لو قتلت نفسك ولا ايه؟؟؟؟؟؟؟
القطه 22-09-2008, 02:01 PM السلام عليكم انا من البحيره برضو يؤسفنى جدا ان اقولك انك مينفعش تعملى معادله لانى سالت فى المعهد الى فى اسكندريه(كامب شيزار سنتين ) وقالى المعادله تبقى للطلبه الى جايبين جيد ومقبول فقط وبتبقى فى كليه الهندسه فى القاهره وبتكون مواد من الثانويه العامه لو نجح وجاب 50% يدخل هندسه فاانا مقدر ظروفك المهم نلحق واحد جديد قبل م ايدبس انا معد معهد فنى صناعى سنتين وجايب فى الثانوى 85.7% ( هذا العام)وداخل على اساس هندسه السنه الى فاتت واخده من 86% المهم انتى تنصحينى ادخل ولا اعمل ايه مع انى رحت حولت تجاره انجليزى ودفعت 100 جنيه وفى الاخر قلتلهم مش عايز اروح انا عايز معهد فنى صناعى ورحت قدمت فى المعد ياريت حد يفيدناااااااااااا ارجوكم قبل مالفاس تقع فى الراس واهى وقعت
اوعى تغلط غلطتى انك تدخل المعهد الحق نفسك والباب اللى يجيلك منه الريح سده واستريح المعهد ده عاوز انتحار فى المذكره علشان تجيب فوق 90% وبعتقد انك لو جبت فوق 90% هيقولو الهنسه بتاخد 100% علشان متتخلهاش وربنا يوفئك:rolleyes:
يارب سبحانك 22-09-2008, 02:18 PM المعادله دى بتحصل بالنسبة لطلاب الثلاث سنوات بيعملوا اختبار قدرات زى اللى عملتيه فى فنون تطبيقية
وبعدين بيقدموا فى التنسيق وبيستنوا
لكن فية بعد سنه 4 اكاديمية الدراسات المتخصصه جامعه عماليه معادله ببكاليريوس رقابة الجوده فى كلية الهندسة حتى يتعادل مع مهندس رقابة جوده ربنا يوفقك وانا برشحهالك ........
القطه 22-09-2008, 03:17 PM عاوزكم تشفوا المقال ده انا حصلت عليه بالصدفه
: الطلاب الحاصلين على الدبلومات الفنية :
( الثانوية العامة أو الفنية + سنتان ) ودبلوم المدارس الفنية المتقدمة ( الإعدادية + خمس سنوات ) من جميع التخصصات
1- يتقدم الطالب بملف أوراقه إلى مكتب الشئون العربية أو سفارته بالقاهرة في المواعيد المحددة لذلك
2- للطالب الحق في التقدم مرتين متتاليتين خلال ثلاث سنوات تحسب ابتداء من عام الحصول على الدبلوم أو السنة التالية عليه
-كليات الهندسة :
الشهادات المسموح لها بالتقدم للامتحان :
أ – دبلوم المعاهد الفنية الصناعية ( نظام السنتين بعد الثانوية ) بجميع تخصصاتها
ب – خريجو المدارس الفنية الصناعية ( نظام خمس سنوات بعد الإعدادية ) بجميع تخصصاتها
ج – خريجو معهدي السالزيان والدون بوسكو ( نظام خمس سنوات ) بجميع تخصصاتها
د – دبلوم المعهد الفني للبصريات
للطلاب الحاصلين على :
1- دبلوم المدارس الثانوية الصناعية ( نظام 3 سنوات )
2- دبلوم معهد دون بوسكو والسالزيان بروض الفرج ( الامتحان باللغة الإنجليزية )
3- دبلوم التلمذة الصناعية من مراكز التدريب المهني على أن يؤدي الامتحان في المواد الآتية في مستوى الثانوية العامة ( القسم العلمي شعبة رياضة 3 سنوات ) : الرياضة ( الجبر والهندسة والاحتمالات وحساب المثلثات – الطبيعة – الميكانيكا – الرياضة الخاصة ( تفاضل وتكامل والجبر الخطي ) اللغة الإنجليزية
· ردوا عليا دلوقتى
القطه 22-09-2008, 03:38 PM المقال كله قدمكم شفوه
الفصل الثالث
امتحان المسابقة الموحد المركزي
قواعد وشروط امتحان المسابقة المركزية
للطلاب الحاصلين على الدبلومات الفنية
يمكن للطلاب الحاصلين على الشهادة الثانوية الفنية أو الدبلومات الفنية التقدم لأداء امتحان المسابقة المركزية وفي حالة نجاحه يمكن التحاقه بالكليات الموضحة فيما بعد وذلك وفقاً للقواعد والشروط الآتية :
أولاً : الطلاب الحاصلين على الثانوية الفنية ( نظام 3 سنوات ) :
1- يتقدم الطالب بملف أوراقه إلى مكتب الشئون العربية أو سفارته بالقاهرة في المواعيد المحددة لذلك
2- حصول الطالب على مجموع لا يقل عن ( 70% ) من المجموع الكلي للدرجات ( عملي + نظري )
3- للطالب الحق في التقدم مرتين متتاليتين خلال ثلاث سنوات تحسب من ابتداء من عام الحصول على الدبلوم أو السنة التالية عليه
الكليات التي يمكن للطالب الالتحاق بها :
1- كليات التجارة :
للطلاب الحاصلين على الثانوية التجارية بشرط أداء الامتحان في المواد الآتية في مستوى الثانوية العامة : الرياضة – اللغة الأولى ( إنجليزي – فرنسي ) الجغرافيا – اللغة الثانية ( إنجليزي – فرنسي )
2- كليات الهندسة :
للطلاب الحاصلين على :
1- دبلوم المدارس الثانوية الصناعية ( نظام 3 سنوات )
2- دبلوم معهد دون بوسكو والسالزيان بروض الفرج ( الامتحان باللغة الإنجليزية )
3- دبلوم التلمذة الصناعية من مراكز التدريب المهني على أن يؤدي الامتحان في المواد الآتية في مستوى الثانوية العامة ( القسم العلمي شعبة رياضة 3 سنوات ) : الرياضة ( الجبر والهندسة والاحتمالات وحساب المثلثات – الطبيعة – الميكانيكا – الرياضة الخاصة ( تفاضل وتكامل والجبر الخطي ) اللغة الإنجليزية
3-كلية الآثار – جامعة القاهرة وفرعها :
*للطلاب الحاصلين على الثانوية الصناعية ( شعبة ترميم آثار ) على أن يؤدي الامتحان في مستوى الثانوية العامة في المواد الآتية : الكيمياء – الفيزياء – أحياء – اللغة الأجنبية
4- كليات الزراعة :
*للطلاب الحاصلين على الثانوية الزراعية – بشرط :
أن يؤدي الامتحان في مستوى الثانوية العامة في المواد الآتية : رياضة ( جبر وحساب مثلثات ) – طبيعة رياضة ( ميكانيكا ) – رياضة ( تفاضل وتكامل ) كيمياء – لغة إنجليزية
5-كليات التمريض للطالبات الحاصلات على ثانوية التمريض :
*على أن يؤدي الامتحان في مستوى الثانوية العامة في المواد الآتية :
اللغة العربية – اللغة الإنجليزية – الكيمياء – الطبيعة
ثانياً : الطلاب الحاصلين على الدبلومات الفنية :
· ( الثانوية العامة أو الفنية + سنتان ) ودبلوم المدارس الفنية المتقدمة ( الإعدادية + خمس سنوات ) من جميع التخصصات
1- يتقدم الطالب بملف أوراقه إلى مكتب الشئون العربية أو سفارته بالقاهرة في المواعيد المحددة لذلك
2- للطالب الحق في التقدم مرتين متتاليتين خلال ثلاث سنوات تحسب ابتداء من عام الحصول على الدبلوم أو السنة التالية عليه
· الكليات التي يمكن للطالب الالتحاق بها :
1- كليا ت التجارة :
الشهادات المسموح لها بالتقدم للامتحان :
1-دبلوم المعاهد الفنية التجارية ( نظام السنتين بعد الثانوية ) بجميع تخصصاتها فيما عدا شعبة القانون
2- المدارس الفنية التجارية ( نظام الخمس سنوات بعد الإعدادية ) بجميع تخصصاتها
3- دبلوم معاهد السكرتارية الخاصة والمتوسطة بجميع تخصصاتها
4- دبلوم الحاسب الآلي
5- دبلوم العلاقات الصناعية من الجامعة العمالية ، على أن يؤدي الطالب الامتحان في مستوى السنة الأولى بكلية التجارة في المواد الآتية : الرياضة – دراسات تجارية باللغة الإنجليزية إدارة الأعمال – المحاسبة
2-كليات الهندسة :
الشهادات المسموح لها بالتقدم للامتحان :
أ – دبلوم المعاهد الفنية الصناعية ( نظام السنتين بعد الثانوية ) بجميع تخصصاتها
ب – خريجو المدارس الفنية الصناعية ( نظام خمس سنوات بعد الإعدادية ) بجميع تخصصاتها
ج – خريجو معهدي السالزيان والدون بوسكو ( نظام خمس سنوات ) بجميع تخصصاتها
د – دبلوم المعهد الفني للبصريات
هـ – دبلوم المعهد الفني الصحي ( شعبة الأجهزة الطبية والكهربائية )
و – دبلوم التنمية التكنولوجية من الجامعة العمالية : على أن يؤدي الطالب الامتحان في مستوى الثانوية العامة في المواد الآتية : الرياضيات العامة ( الجبر والهندسة – حساب المثلثات والاحتمالات ) الطبيعة – الميكانيكا – الرياضيات الخاصة ( التفاضل والتكامل والجبر الخطي )
3- كليات الحقوق :
يسمح للطلاب الحاصلين على دبلوم المعاهد الفنية التجارية ( شعبة قانون ) على أن يؤدي الامتحان في مستوى السنة الأولى بكلية الحقوق في المواد الآتية :
أ – مبادئ مدخل العلوم القانونية
ب – مبادئ القانون الدستوري
ج – إحدى اللغتين الإنجليزية أو الفرنسية
3-كليات الزراعة :
الشهادات المسموح لها بالتقدم للامتحان :
أ – خريجو المدارس الفنية الزراعية ( نظام خمس سنوات بعد الإعدادية )
ب – دبلوم المعهد الفني الصناعي بشبرا ( شعبة معامل بيولوجية )
على أن يؤدي الطالب الامتحان في مستوى الثانوية العامة في المواد الآتية
كيمياء – اللغة الإنجليزية – الأحياء
القطه 22-09-2008, 03:52 PM ومقال تانى كمان
مواعيد امتحان المسابقة المركزية لخريجي الدبلومات الفنية للالتحاق بالجامعات
بتاريخ : الثلاثاء 22 يوليو 2008 10:53:00 ص
البشاير ـ علا حسنين :
قرر المجلس الاعلى للجامعات عقد امتحان المسابقة المركزية لخريجى المعاهد الفنية نظام السنتين بعد اللثانوية والمدارس الفنية المتقدمة نظام الخمس سنوات بعد الاعدادية فى المواعيد التالية :
الثانوية التجارية:
للالتحاق بكلية التجارة بجامعة القاهرة.. الامتحان فى الرياضيات يوم السبت 23 اغسطس والدراسات التجارية باللغة الانجليزية يوم الاحد 24 اغسطس وادارة الاعمال الاثنين 25 اغسطس والمحاسبة الثلاثاء 26 اغسطس .
المدارس الصناعية:
للالتحاق بكلية الهندسة بجامعة القاهرة .. الامتحان فى الرياضة العامة يوم السبت 23 اغسطس والطبيعة الاحد 24 اغسطس والميكانيكا الاثنين 25 اغسطس ورياضة خاصة الثلاثاء 26 اغسطس .
المدارس الزراعية ويرغبون في الالتحاق بكلية الزراعة بجامعة عين شمس.. امتحان الكيمياء السبت 23 اغسطس واللغة الانجليزية الاحد24 اغسطس والاحياء الاثنين 25اغسطس.
الدبلومات التجارية شعبة القانون ويرغبون فى الالتحاق بكلية الحقوق بجامعة عين شمس .. موعد امتحان مدخل القانون السبت 23 اغسطس ومبادئ القانون الدستورى الاحد 24 اغسطس واللغات الاجنبية الاثنين 25 اغسطس
ويسمح بتادية الامتحان بالغة الفرنسية بدلا من الانجليزية وذلك للطلاب الذين درسوابعض المفررات باللغة الفرنسية وموعد تقديم الطلبات ابتداء من السبت 26 يوليو الحالى وحتى الخميس 7اغسطس ومكان التقديم بمقر الكليات التى يرغب الطالب الاتحاق بها ورسم دخول الامتحان مائة جنية والمستندات المطلوبة هى اصل شهادة التخرج وصورة منها وصورة من البطاقة الشخصية وعدد2 صورة شخصية.
امين موندى 22-09-2008, 05:05 PM ايم يا احمد انت استسلمت انا امين من الاسكندرية
القطه 22-09-2008, 07:22 PM انا كنت شعبه تك البناء والتشيد لو حد فيكم ذى ياريت يقولى ناوى على ايه
محمد.فوكس 23-09-2008, 09:58 AM يعني يا جماعة انتو شايفين ان دخول المعهد الفني الصناعي نظام السنتين صح ولا غلط؟
مع العلم ان كمان سنتين هتبقى السنة الفراغ بتاعت الثانوية العامة .. فمش عارف ده يبقى في صالح طلبة المعهد ولا لأ؟
القطه 23-09-2008, 11:58 AM غلط غلط طبعا من غير نقاش حرام تضيع سنتين من عمرك هوا العمر فيه كام سنه علشان تضيعها خلص نفسك علشان تشوف حياتك المعهد ده عذاااااااااااااااااااااااااااااااااااااااااااااااب
eng_ahmed_salem 23-09-2008, 01:46 PM يعني ابئه دارس خمس سنين وكمان ادرس مواد ثانويه عامه سنه كامله يعني 3 سنين هدر وفي الاخر عشان تكونو عارفين مش بينجح في المسابئه ديه غير 2% من المتقدمين وانا زمايلي في الاعداديه وجيراني اللي في سني السنه اللي جايه هيخلصو كليه وانا لسه بمتحن عشان كليه الهندسه ويعالم هنجح ولا لأ
معادله خسرانه
انا استسلمت ومش داخل الكليه بتاعه التعليم الصناعي ديه
eng_ahmed_salem 23-09-2008, 01:51 PM هما عملو كده عشان المعاهد العليا الخاصه اللي زي الهندسه بس مصاريف
واقل معهد فيهم 5500 جنيه في السنه وده في كفر الشيخ
القطه 23-09-2008, 05:28 PM فى مقوله حلوه اقوى بتقول ( ارضا بما قسمه الله لك تكن اغنى الناس) وانا راضيه واستسلمت وقررت اوافق على العريس اللى متقدملى واتجوز واريح دماغى اخذت ايه يعنى من التعليم سنين راحت من عمرى وخلاص وسهر طول الليل عينى فى الكتاب احنا فى بلد متخلفه كل اهتممهم بالثانوى العام واحنا مش على الخريطه اصلا دا حتى بتوع المرحله الثالثه اللى مش بيفتحوا كتاب دخلوا كليات واحنا عندنا ناس والله ممتازين يلا الحمد لله كل واحد بياخد نصيبه كل سنه وانتم طيبين سلام
محمد.فوكس 23-09-2008, 05:37 PM يعني حرام لأني هضيع سنتين من عمري ولا عشان مش هلحق هندسة.
مع العلم اني جايب في الثانوية العامة 88%.
و سمعت ان مواد المعهد مش هتكون اصعب .. او مش هتكون صعبة عشان عندي خلفية من الثانوية.
و هل السنة الفراغ من الثانوية العامة تبقى في صالح خريجي المعهد ده؟
المحب لله 23-09-2008, 08:34 PM يعني حرام لأني هضيع سنتين من عمري ولا عشان مش هلحق هندسة.
مع العلم اني جايب في الثانوية العامة 88%.
و سمعت ان مواد المعهد مش هتكون اصعب .. او مش هتكون صعبة عشان عندي خلفية من الثانوية.
و هل السنة الفراغ من الثانوية العامة تبقى في صالح خريجي المعهد ده؟
اتوكل على الله يا محمد واعمل زى جرب سنه مش حتخسر حاجه بدل متتدخل تجاره وتتركن على الرصيف كمل معهد واقتل نفسك واكيد ربنا حيكرمك ده راى وانته فى انهو معهد ؟
محمد.فوكس 23-09-2008, 09:45 PM اتوكل على الله يا محمد واعمل زى جرب سنه مش حتخسر حاجه بدل متتدخل تجاره وتتركن على الرصيف كمل معهد واقتل نفسك واكيد ربنا حيكرمك ده راى وانته فى انهو معهد ؟
المفاجأة الكبرى اللي كلكم هتقتلوني عشانها..
أنا مش في معهد مش أنا في كلية.
و أنا مش في كلية تجارة كمان... أنا في علوم
بس طبعا جتلي حالة نفسية و الهندسة هتطلع من عيني.
القطه 24-09-2008, 01:58 AM المفاجأة الكبرى اللي كلكم هتقتلوني عشانها..
أنا مش في معهد مش أنا في كلية.
و أنا مش في كلية تجارة كمان... أنا في علوم
بس طبعا جتلي حالة نفسية و الهندسة هتطلع من عيني.
احنا مش هنقتلك بالعكس انا سعيده ليك يا محمد لانى كنت زعلانه وكنت بحذرك من المعهد لانى بجد والله كلام من قلبى مش عايزه اشوف حد يحصله نفس اللى حصلى انا واصحابى احنا بنندم اننا دخلنا المعهد لاننا بصراحه كبش فدا وبعدين هندسه او علوم او تجاره او معهد خيبه الامل اللى انا متخره منه
متفرقش عندى دلوقتى كله خبر خير المشكله ان اللى حوليا مفكرنى انى بهلوس مع انى شايفه نفسى لسه فاضل شويه عندى مش مشكله كله خبر خييييييييييييير انا اللى جبت ده كله لنفسى:(
:lol::lol::lol::lol:
اوعى تكذب مره ثانيه
امين موندى 24-09-2008, 03:25 AM طب وبعدين يا جماعة مش عنعمل زى ما عملوا بتوع الثانوية العامة ومسكتوش على حقهم
لو كل اللى حطين ردود لو اتحدوا والله العظيم عنلاقى حق
حتى لو اتاحو لنا فرصة التقديم العام القادم . ولازم منسكتش على حقنا
اخوكم امين مدرسة محرم بك الفنية الصناعية المتقدمة بلا سكندرية
وردوا عليا بالذات انت يا احمد وياريت تكتب الايميل او رقم الموبيل
MR.HhH 24-09-2008, 05:47 AM انا يا جماعة نظام تلات سنوات وجالى فى التنسيق المعهد الفنى بامطرية روحتو ومعجبنيش خالص اتصدمت فيه
وقرر ادخل معهد خاص واخد البكارليوس على طول احسن وكونت عايز اخد رايكم فى المعهد العالى للعلوم الادارية بالقطامية
eng_ahmed_salem 24-09-2008, 09:50 AM مع كل احترامي ليكي يا اخت قطه بس انتي وحتتجوزي لكن انا لحتجوز ولا اتنيل وكليه ملهاش لمستقبل ولا شغل يعني اعمل ايه
اللي محزني اني واخد براءه اختراع وجوايز في الابتكارات والاختراعات علي مستوي الجمهوريه بس هعمل ايه في الاخر اتسويتن بالفشله اللي مفتحوش كتاب من اول السنه
حسبي الله ونعم الوكيل دعوه صائم
القطه 24-09-2008, 12:46 PM مع كل احترامي ليكي يا اخت قطه بس انتي وحتتجوزي لكن انا لحتجوز ولا اتنيل وكليه ملهاش لمستقبل ولا شغل يعني اعمل ايه
اللي محزني اني واخد براءه اختراع وجوايز في الابتكارات والاختراعات علي مستوي الجمهوريه بس هعمل ايه في الاخر اتسويتن بالفشله اللي مفتحوش كتاب من اول السنه
حسبي الله ونعم الوكيل دعوه صائم
مدام سعيت ربنا هيعوضك عن كل اللى راح منك الحياه مش هندسه بس ولعلمك مش معنى انى بقول الكلام ده انى مش حاسه لاوالله انا يمكن حالتى النفسيه اسوا منكم لكن انا مش بحب الياس وبعد ين كل انسان فينا فيه ميزه مش موجوده الا عنده يعنى انتا عندك حاجه او موهبه مش عن حد ثانى علشان كده عاوزاك تعرف موهبتك وتحاول تنمى نفسك فيها طب انا هقولك على حاجه يمكن تفرحك انا ليا واحد قريبى كانت حالته ذيك جاتله تعليم صناعى دخلها واتوكل على الله رغم ان كان مجموعه عالى يعنى كان هيدخل هند سه بس بعيد شويه المهم ذاكر واجتهد وكان بيطلع الاول على الكليه كل سنه واهو دلوقتى تخيل بقى ايه معيد فى كليه تعليم صناعى وناوى يعمل دبلومه وماجستر ودكتوراه كمان شفت مع انه مكنش بيقبل حاجه اسمها تعليم صناعى علشان كده بقولك ربنا هيرضيك وهيحققلك اللى انتا عاوزه بس المهم تتقى الله فى كل مكان ربنا بيختبرك علشان بيحبك ولو بصيت هتلاقى اكثر الناس ابتلاء الانبياء والصالحين عارف ليه لان ربنا بيحبهم وعاوز يعرف مدى حبهم ليه وطبعا ربنا اعلم بكل شى عموما ربنا يوفئك
محمد.فوكس 25-09-2008, 03:14 PM :lol::lol::lol::lol:
اوعى تكذب مره ثانيه
أنا مكذبتش انا من اول رد ليا قلت اني معايا ثانوية عامة .. لكن مقولتش انا في كلية ولا معهد.
دلوقتي الموضوع كله فاني عايز استنفذ آخر فرصة ليا في الالتحاق بكلية الهندسة.
و هي اني ادخل المعهد الفني الصناعي(كامب شيزار) و اجيب في مجموع و تقدير عالي و ادخل كلية الهندسة من خلاله.
اصل انا حاسس اني مدام مجموعي مش بطال في الثانوية العامة88% يبقى ممكن اجيب اكتر منه في المعهد او على الاقل زيه .. ده غير ان ممكن السنة الفراغ بتاعت الثانوية العامة اللي هي كمان سنتين تفيدنا ان ميبقاش بتوع الثانوية العامة كتير.
الحكاية كلها ان الواحد شايف ان ده آخر أمل ليه.
و ممكن زي ما زميلنا قال ادخل سنة لو جبت مجموع حلو اكمل لو مجبتش ارجع الكلية اللي جاتلي.
انا لسه مش قادر آخد القرار.
و عشان ده الامل الاخير ليا في الكلية اللي كنت بحلم بيها فأرجوكم مش عايز احباط بالكلام..
يا ريت نتكلم بالمعلومات مش مجرد احباط او تشجيع من غير معلومات او كلام منطقي.
المحب لله 25-09-2008, 03:56 PM أنا مكذبتش انا من اول رد ليا قلت اني معايا ثانوية عامة .. لكن مقولتش انا في كلية ولا معهد.
دلوقتي الموضوع كله فاني عايز استنفذ آخر فرصة ليا في الالتحاق بكلية الهندسة.
و هي اني ادخل المعهد الفني الصناعي(كامب شيزار) و اجيب في مجموع و تقدير عالي و ادخل كلية الهندسة من خلاله.
اصل انا حاسس اني مدام مجموعي مش بطال في الثانوية العامة88% يبقى ممكن اجيب اكتر منه في المعهد او على الاقل زيه .. ده غير ان ممكن السنة الفراغ بتاعت الثانوية العامة اللي هي كمان سنتين تفيدنا ان ميبقاش بتوع الثانوية العامة كتير.
الحكاية كلها ان الواحد شايف ان ده آخر أمل ليه.
و ممكن زي ما زميلنا قال ادخل سنة لو جبت مجموع حلو اكمل لو مجبتش ارجع الكلية اللي جاتلي.
انا لسه مش قادر آخد القرار.
و عشان ده الامل الاخير ليا في الكلية اللي كنت بحلم بيها فأرجوكم مش عايز احباط بالكلام..
يا ريت نتكلم بالمعلومات مش مجرد احباط او تشجيع من غير معلومات او كلام منطقي.
يابنى ركز بقى الدراسه حتخلص وانت لسه محتار وبعدين انا مش عارف انته قدمت علوم ولا بتشتغلنا وخلاص؟
محمد.فوكس 25-09-2008, 04:17 PM يا عم راعي ظروفي .. عايز آخد رأي الناس و اشوف الموضوع ده نسبة نجاحه قد ايه ...
حط نفسك مكاني .. مجازفة برضه بس في نفس الوقت محاولة
انا قدمت في علوم آه.
يا ريت لو عندك معلومات تفيدنا
المحب لله 25-09-2008, 04:41 PM يا عم راعي ظروفي .. عايز آخد رأي الناس و اشوف الموضوع ده نسبة نجاحه قد ايه ...
حط نفسك مكاني .. مجازفة برضه بس في نفس الوقت محاولة
انا قدمت في علوم آه.
يا ريت لو عندك معلومات تفيدنا
والله انا الحمد لله كنت رايح تجاره انجليزى بنها بس انا دلوقت خلاااااااااااااااااااص رحت المعهد وقدمت واختارت الشعبه وعملت الكشف وخلاص وبعدين نسبه نجاح ايح انت حتعمل عمليه انت لو ذاكرت حتجيب وناس كتير داخلين منه وكمان السنتن الفراغ حيفيدوا جامد فى انهم ينزلوا المجموع وبعدين لو مش عايز معهد روح تجاره انجليزى مش علوم الى بيطلعوا منها بيقعدوا يقشروا بصل فى البيت !!!!!!!!!!!
محمد.فوكس 25-09-2008, 05:17 PM طب بص يا مان انا عايز اكلمك دلوقتي على الياهو ماسنجر fox.power
القطه 25-09-2008, 08:44 PM أنا مكذبتش انا من اول رد ليا قلت اني معايا ثانوية عامة .. لكن مقولتش انا في كلية ولا معهد.
دلوقتي الموضوع كله فاني عايز استنفذ آخر فرصة ليا في الالتحاق بكلية الهندسة.
و هي اني ادخل المعهد الفني الصناعي(كامب شيزار) و اجيب في مجموع و تقدير عالي و ادخل كلية الهندسة من خلاله.
اصل انا حاسس اني مدام مجموعي مش بطال في الثانوية العامة88% يبقى ممكن اجيب اكتر منه في المعهد او على الاقل زيه .. ده غير ان ممكن السنة الفراغ بتاعت الثانوية العامة اللي هي كمان سنتين تفيدنا ان ميبقاش بتوع الثانوية العامة كتير.
الحكاية كلها ان الواحد شايف ان ده آخر أمل ليه.
و ممكن زي ما زميلنا قال ادخل سنة لو جبت مجموع حلو اكمل لو مجبتش ارجع الكلية اللي جاتلي.
انا لسه مش قادر آخد القرار.
و عشان ده الامل الاخير ليا في الكلية اللي كنت بحلم بيها فأرجوكم مش عايز احباط بالكلام..
يا ريت نتكلم بالمعلومات مش مجرد احباط او تشجيع من غير معلومات او كلام منطقي.
بص يا محمد انا مش بقول كلام يحبطك وبعدين انا مكنتش قرات تعليقك الاول علشان اعرف انتا فى علوم ولا تجاره انتا بتفكرنى بنفسى ايام المعهد كان عندى حماس زيك وكنت بقول هندسه يا فنون جميله يا بلاش بس انا هقولك نصيحه من اخت لاخوها واعذرنى انى حطيت نفسى مكان اختك باختصار وعن تجربتى هقولك ازاى تجيب التقدير اللى انتا عاوزه ماشى ركز معايا
لام تكون مواظب بصفه مستمره فى الحضور وبالخصوص ايام العملى (الورشه) لانى اللى ضيع معايا درجات انى كنت بغيب فى العملى
لو عرفت ان المهندس الى بيديك بتاع كورسات خد عنده من غير اعتراض لانى كنت عنيده ومش برضى اروح كورسات اقسم بالله كنت بحل الامتحان من غير غلطه يبقى المفروض اجيب امتياز ويدونى جيد جدا علشان كنت مش برضى اخد كورسات
احذر ثم احذر انك تطلع المهندس عن شعوره يعنى استحمل طوله لسان المهندس اذا كان لسانه طويل اوكى
لو المهندس اتعصب عليك وقلك هات الكارنيه يا ولد اوعى واحذر انك تديله الكارنيه لانه ممكن يصقتك ويحرمك من الامتحان وكمان انك تدخل حتى بوابه المعهد يعنى لو طلبه سيب المحاضره وامشى ومتعبروش مش يقدر يعملك حاجه مدام مختش الكارنيه اوكى
ذاكر اول باول ومتفوتش اى معلومه مهما كانت بسيطه ولو فى حاجه مش فهمها اسال المهندس واوعى تسال صحبك مهما كان بنسبلك ايه لانه هيقول على قد فهمه وتخيل لو مش بيفهم هيدمرك ويحطمك ولو بيفهم هيخبى المعلومه او يقول غلط ولو وصلت انك تروح للمهندس فى مكتبه روح ومتخفش من طوله لسانه هيحترمك وقتها انا كنت بعمل كده
سلم اللوح المطلوبه منك اول بأول للمهندس واهم حاجه ان تكون محافظ على نظافه اللوحه وتكون صح ونظيفه مش اى كلام لانه بيقيس مستواك بيها
اوعى تجلس فى المدرجات اللى ورا تجلس فى اول مدرج واوعى تتنازل عنه لانه مكان المتفوقين ان شاء الله تكون منهم
اوعى تنام فى المحاضره خليك مصحصح واشرب نسكافيه اوكى
اوعى تتعامل مع البنات علشان من الاخر بيكلموا الشباب علشان مصلحتهم يعنى تخليك ترسملها اللوح الخ ((من ترك شيأ لله ابدله الله خيرا منه ))
بالنسبه للابحاث كون متميز ببحثك واوعى تقول افكارك لحد لان هيغشها منك يا شاطر اوكى
اخر حاجه مشروع التخرج اديله كل ما عندك خلى عملك متميز ودور على افكار جديده ومختلفه يكون محدش عملها بحيث المهندس بنبهر بيك واهم حاجه نظافه اللوحه مهمه جدا
تيجى فى الامتحان اوعى تغش علشان كل واحد بيحل بطريقته يعنى متباش المساله نصفها حلك والنصف الثانى من زيميلك هتتكشف يعنى لاتغش ولا تغشش لانها من درجات الفاشلين ربنا يعفيك منهم
اختار صحبك يكون شاطر ومحترم وابن ناس ومتناسب مع مستواك الاجتماعى والثقافى والدينى علشان لو مختلف عنك اما يخليك زيه او هوا يبقى زيك اوكى
لوعملت كده هتخش هندسه ان شاء الله اهم حاجه اعمال السنه اوعى تستقل بدرجه او درجتين الزمن ممكن يحوجك ليهم وحلك فى الامتحان مهم ولازم تكون ايدك سريعه جدا فى الرسم درب نفسك كل يو ساعتين معلش انا عارفه ان ساعتين كتيربس انتا عايز هندسه وانا كنت بعمل كده وكنت دايما متميزه فى اللوح بتاعتى وكنت بجيب امتياز فى الرسم دائما اللى ضيع معايا اعمال السنه متغلطش غلطتى ربنا يوفئك يا محمد انا قولت كل حاجه لو شايف نفسك قد المنافسه دى اتوكل على الله واستخير ربنا وروح حالا علشان الدراسه ابتدت واحنا قولنا مينفعش غياب ولو وجهتك مشكله ابقى قولى واساعدك فيها:mellow::mellow:
القطه 25-09-2008, 09:17 PM http://up.jro7i.com/uploads/184d3fe52a.gif (http://up.jro7i.com/)
مصطفى نوار 25-09-2008, 10:31 PM تحية حب للجميع للعلم مكتب تنسيق الدبلومات الفنية فتح تانى اليوم 25/9/2008 لتلقى التخلفات وباقى الدور الثانى الحقوااااا
مصطفى نوار 25-09-2008, 10:35 PM كل عام وانتم بألف خير بمناسبة قرب عيد الفطر المبارك أعادة الله على مصر بالخير والنماء وعلى كل المسلمين بالأمن والسكينة والرخاء والاتحاد هذا هو يوم الجائزة يقترب لمن صام رمضان ايمانا واحتسابا لله الخالق البارئ المصور .
كل عام والجميع بسعادة وسرور .
القطه 25-09-2008, 11:45 PM تحية حب للجميع للعلم مكتب تنسيق الدبلومات الفنية فتح تانى اليوم 25/9/2008 لتلقى التخلفات وباقى الدور الثانى الحقوااااا
ممكن يا مصطفى توضح كلامك انتا بتقول لتلقى التخلفات والدور الثانى هوا انتا قصدك لينا تقد يم مره تانيه طب ازاى اكيد معاهد برضه يعنى احنا اللى جايبين فوق 80% دخلنا معهد يبقى بتوع الدور الثانى يدخلوا كليات ازاى من فضلك توضحلى تفاصيل الموضوع ده اكتر بليز
المحب لله 26-09-2008, 02:19 AM اللف الف شك يا قطه على الكلام ده بجد منتهى الاهميه ومتزعليش انك ملحقتيش هندسه كله بياخد نصيبه
وربنا يعوضك ان شاء الله بعريس مهندس:d لو عايز تكلمنى يا محمد انا عندى هوت ميل وليس ياهوووووووووو ومش عارف اكتبه هنا ولا ايه ينفع يعنى ؟
القطه 26-09-2008, 12:17 PM يا محب لله انتا قولت ان اللى بيعمل معادله اللى جايب جيد ومقبول انتا متاكد من المعلومه دى اصل انا اعرف ناس كانوا جايبين امتياز بس فرقت الهندسه معاهم حاجات بسيطه فعملوا معادله ودلوقتى اصبحوا مهندسين من فضلك رد عليا ضرورى
المحب لله 26-09-2008, 01:08 PM يا محب لله انتا قولت ان اللى بيعمل معادله اللى جايب جيد ومقبول انتا متاكد من المعلومه دى اصل انا اعرف ناس كانوا جايبين امتياز بس فرقت الهندسه معاهم حاجات بسيطه فعملوا معادله ودلوقتى اصبحوا مهندسين من فضلك رد عليا ضرورى
والله ده مش كلامى ده كلام الراجل بتاع شئون الطلبه لما سالته عن المعادله قالى طالما جبت جيد جدا فما فوق بتدخل تنسيق الكليات والمعاهد الحكوميه اقل من كده ( جيد ومقبول) بيعمل معادله فى هندسه القاهره
عموما انا معايا تليفون المعهد لو حبيتى تاخديه وتكلمى الاداره نفسهاا وتتاكدى
THE LEGEND OF ALEX 26-09-2008, 01:39 PM شباب انا احمد من اسكندرية و واخد دبلوم صناعى خمس سنوات قسم كهرباء و جايب مجموع 886 من 1050 يعنى 84.38 و كان املى على هندسة او حتى معهد طاقة لكن تجيلى تربية تعليم صناعى بنى سويف مش ظلم ده و انا ببعت دلوقتى ايميلات لجميع البرامج و الصحف و مستنى تقولوا عملتوا ايه و انا برده حبلغكم
المحب لله 26-09-2008, 01:47 PM شباب انا احمد من اسكندرية و واخد دبلوم صناعى خمس سنوات قسم كهرباء و جايب مجموع 886 من 1050 يعنى 84.38 و كان املى على هندسة او حتى معهد طاقة لكن تجيلى تربية تعليم صناعى بنى سويف مش ظلم ده و انا ببعت دلوقتى ايميلات لجميع البرامج و الصحف و مستنى تقولوا عملتوا ايه و انا برده حبلغكم
ممكن اعرف يا احمد هى واخده من كام السنه دى! وكهرباء ولا مدنى اسهل؟
THE LEGEND OF ALEX 26-09-2008, 02:26 PM 81.3 بس مش عارف اى قسم اسهل
المحب لله 26-09-2008, 02:38 PM 81.3 بس مش عارف اى قسم اسهل
معلش ممكن نتكلم على الايميل تفيدنى بمعلومات اكتر عن المعهد ده مستنى ردك
THE LEGEND OF ALEX 26-09-2008, 10:39 PM شباب انا عايز اسألكم سؤال بس ده مهم و لازم تجاوبونى عليه بصراحة و هو الفرق بين كلية التعليم الصناعى بنى سويف و كلية التعليم الصناعى بالسويس و هل تغير اسم كلية التعليم الصناعى بالسويس الى كلية ( تكنولوجيا و علوم هندسية )؟؟ و ايهما افضل السويس ام بنى سويف و لماذا ؟؟ و يرجى سرعه الرد و جزاكم الله خيرا
القطه 28-09-2008, 12:45 AM هاى شباب عاملين ايه بالنسبه للتعليم صناعى انا عن نفسى معرفش ايه الفرق بين( بنى سويف. والسويس) ايه يامحب لله انتا ومحمد قررتوا ايه هتدخلوا المعهد ولاايه اظن ان انتو عرفتوا عن المعهد مايكفى فاضل انكم تقرروا هتروحوا فين ابقوا قلولى انتو وصلتوا فين سلام
محمد.فوكس 28-09-2008, 03:00 PM الحقيقة أنا لسه معرفتش الا حاجات بسيطة.
يعني معرفتش نظام الدراسة ولا المواد و لا العملي.
و الاهم بقى هل المعهد ده اصعب ولا اسهل من الثانوية العامة (من باب الاحتياط و الاستعداد لأن اللي يتلسع من شبرا ينفخ في المعادي..ههه..و الل مليش نفس اهزر)
بالنسبة للمحب لله اعتقد انه خلاص قدم واستقر.. انا بقى اللي لسه.. و عايزكم تعرفواحاجة انكم بتتعاملو مع اكثر انسان متردد في التاريخ.
انا دلوقتي عايز اعرف المواد و العملي و هو ايه بالنسبة للثانوية العامة(اصعب ولا اسهل)؟
و كمان عايز اعرف لانك قولتي ان المهندس لو بيدي كورس لازم آخد عنده.. ايه تكلفة الكورسات دي بقى عشان لو الاسعار جامدة يبقى مفيش فرق بينه و بين الهندسة الخاصة "أنا عارف طبعا ان الجامعات الخاصة هتبقى اكيد اغلى بس على الاقل دي بتوفر السنتين و مضمونة) لكن الكورسات تبقى اسعارها جامدة و مش مضمونة مينفعش..
بس انا مفركش خالص في هندسة خاصة.
و كمان عايز اعرف الهندسة خدت من كام في المية من المعهد السنادي؟ .. و هل المعهد ده ليه كلياتم عقولة تانية لو الواحد ملحقش هندسة؟
و هل نظام المعهد زي الجامعة في ان مفيش كتب او يعني المنهج مش محدد او الواحد لازم يبحث بنفسه ولا في كب زي المدارس؟
اسئلة كتير اوي بس لازم اعرفها
المحب لله 28-09-2008, 05:41 PM السلام عليكم انا الحمد لله رحت النهارده وخلصت وعملت الكارنيه وربنا يكرم بقى. ثانيا يا محمد انا محتار فى امرك انت بدور ساهل ولا صعب امال حتدخل هندسه ازاى لازم تقول لو صعب من هنا لبكره هدخل وححارب طالما دى رغبتى:d ولو كانت جتلك هندسه فى التنسيق ما انت كنت حتدخل ولا كنت حدور سهله ولا صعبه وبعدين معهد كل الى بيدخله صنايع وواخد 79% حيكون صعب ولاا حيكون اصعب من علوم الى انته داخلها يعنى حتجيب فى علوم ومش حتجيب فيه والكتب فيه طبعا كتب بتشتريها .
وربنا يوفقك للاختيار الصح .
محمد.فوكس 28-09-2008, 06:44 PM يا ريت "القطة" تجاوبني على الاسئلة اللي أنا حطيتها.
و المحب لله لازم نتكلم النهاردة بالليل عالماسنجر ضروري لو سمحت.
القطه 29-09-2008, 02:06 AM د. هلال يعتمد نتيجة تنسيق الدبلومات الفنية المتقدمة بقلم: moghazy
بتاريخ: 13 سبتمبر 2008
تقييم: http://www.kenanaonline.com/gfx/star30.gif [ صوت للمشاركة (http://www.kenanaonline.com/ws/moghazy/blog/75231/page/2#vote) ]
http://www.kenanaonline.com/gfx/arrow_right_green.gifالرجوع إلى المشاركات (http://www.kenanaonline.com/ws/moghazy/blogs/page=2)
اعتمد د. هاني هلال وزير التعليم العالي والبحث العلمي نتيجة تنسيق طلاب الدبلومات الفنية المتقدمة وترشيح الطلاب علي كليات ومعاهد عليا.
سجلت كلية الهندسة للبترول والتعدين بالسويس أعلي الدرجات للصناعي 8.93% ثم هندسة القاهرة 33.91% وجاءت هندسة المنيا في المؤخرة 8.87% بينما جاء الحد الأدني للتربية النوعية بقنا 33.84% وسجلت السياحة والفنادق بحلوان أولي دبلوم الفنادق 5.77% وسياحة وفنادق المنصورة 75% وجاءت تجارة بورسعيد فرع قناة السويس في مقدمة دبلوم التجارة بنسبة 2.82% وفي المؤخرة التجارة انتساب موجه كفرالشيخ 75%.
اظن يا محمد عرفت الهندسه اخدت من كام السنادى اما بالنسبه للكورسات الماده بتبدى من 100 جنيه لحد 300جنيه استغلال يعنى اما بالنسبه للمواد والعملى ده بقى حسب القسم اللى هتدخله وكل قسم العملى بتاعه غير القسم الثانى يعنى انا كنت قسم مدنى والعملى بتاعى كان فى البناء والتشيد يعنى اللى بندرسه بطبق عملى يعنى بتشتغل بنفسك وليك درجات على كده وحكايه صعب ولا سهل كله واحد من الاخر حسب المخ انتا فى الاول هتكون مذبهل ومش فاهم اى حاجه فى اى حاجه وده وضع طبيعى بعد كده هيكون شى عادى انا يا سيدى كنت بذاكر وشاطره بس مش بحضر العملى وفى الاخر ادينى وقعت انتا تذاكر وتحضر العملى اما المواد هتدرس فى السنه 14 ماده مختلفين عن بعض والتقدير فى المعهد تراكمى يعنى لوعايز هندسه لازم تجيب فى سنه اولى فوق 90%وكذلك فى سنه ثانيه برده فوق 90% ونصيحه منى متدخلش اى كليه خاصه لان هتكتشف بعد كده انها شهاده غير معترف بيها يعنى لو فكرت انك تشتغل بيها برا مصر مش هيعترفوا بيها الدراسه ابتدت وانتا قاعد اتحرك وخد قرارك انا كشفت ليك كل اسرار المعهد بالادله ارحم نفسك من العذاب اللى انتا فيه قرر ومتقولش بعد كل ده مش عارف اقرر سعتها هتطلعلك من شاشه الكمبيوتر بتاعك واخنقك انا بضحك معاك اوعى تزعل انا بتعامل معاك ذى ما بتعامل مع اخواتى بالظبط ربنا يوفئك ابقى قولى قررت ايه وعلى فكره انا اسمى تسنيم مش القطه وانتا يا محب لله دخلت قسم ايه
المحب لله 29-09-2008, 11:36 AM اهلايا تسنيم انا دخلت قسم مدنى . وبعدين معلش النسب انا مش فاهمهم خالص8.93% ازاى تقصدى
يمكن 89.3% ياريت توضحى
محمد.فوكس 29-09-2008, 12:00 PM ايه ده 14 مادة لو هاخد كورس فيهم و المادة بـ300 جنيه يبقى 4200 جنيه في الشهر يعني 50,400 جنيه في السنة.
ايه ده ... ده الجامعات الخاصة بـ30,000 في السنة... ده أنا مدفعتش ربع المبلغ ده في الثانوية العامة.
و انتي بتقولي ان اي مهندس اعرف انه بيدي كورسات لازم آخد عنده .. الموضوع كده ضارب جامد.
و بعدين ممكن اسامي المواد دي؟
المحب لله 29-09-2008, 02:24 PM ايه ده 14 مادة لو هاخد كورس فيهم و المادة بـ300 جنيه يبقى 4200 جنيه في الشهر يعني 50,400 جنيه في السنة.
ايه ده ... ده الجامعات الخاصة بـ30,000 في السنة... ده أنا مدفعتش ربع المبلغ ده في الثانوية العامة.
و انتي بتقولي ان اي مهندس اعرف انه بيدي كورسات لازم آخد عنده .. الموضوع كده ضارب جامد.
و بعدين ممكن اسامي المواد دي؟
انت يبنى دماغك تمام ولا ايه وتاخد كورسات ليه وبعدين لو اخدت حيكون فى 14 ماده مع انى معرفش منين تسنيم جابتهم لانها هى فى مدرسه صناعيه يعنى غيرنا وبعدين انا شايف الجدول هناك مفيش غير 5 مواد تقريبا (رياضه وفيزياء وانجليزى وخواص ماده ودراسات بيئيه ) تقريبا والله اعلى واعلم
القطه 29-09-2008, 02:33 PM اولا 8.93% يعنى 93.8% اهلا بيك يا محب فى شعبتى قدامك ايام ربنا العالم بيها مبروك هتشيل رمل وطوب وزلط واسمنت لما تشبع وهتبنى انا عن نفسى كنت كل لما ادخل الورشه حاجه تقع فوق دماغى مش عارفه ليه لحد ما بطلت ادخل الورشه بقوا يشفونى فى الاعياد والمواسم وانتا يا محمد 14 ماده دول حسب القسم اللى هتدخله كل قسم منفصل عن التانى يعنى مفيش منهج موحد للمعهد كله كل قسم ليه المواد الخاصه بيه فهمتنى وبعدين انتا مش هتاخد كورس فى كل المواد دا ماده او مادتين وعلى فكره 14ماده فى السنه يعنى 7مواد فى النصف الاول و7 فى النصف الثانى ذى ما فى مهندسين بيستغلوا الطلبه فى مهندسين كويسين جدا صوبعك مش ذى بعضها
المحب لله 29-09-2008, 02:43 PM [quote=القطه;804003]اولا 8.93% يعنى 93.8% اهلا بيك يا محب فى شعبتى قدامك ايام ربنا العالم بيها مبروك هتشيل رمل وطوب وزلط واسمنت لما تشبع وهتبنى انا عن نفسى كنت كل لما ادخل الورشه حاجه تقع فوق دماغى مش عارفه ليه لحد ما بطلت ادخل الورشه بقوا يشفونى فى الاعياد والمواسم
دى حاجه لذيذه جدا ان شاء الله حنخربها بس ازاى يعنى هى الورشه دى ايه يعنى احنا مندخلها منبنى فعلا ونشيل رمل واسمنت عشان الواحد يعمل حسابه ويلبس اقذر حاجه عنده وممكن تقوليلى موادكم كانت ايه والشرح مفيد وبعدين المعهد ده عندى احساس انى لو قعدت اكتب المحاضرات كلها حتمسك وحتسبت فيه ربك يستر:mellow:
القطه 29-09-2008, 02:56 PM ههههههههههه انتا مبسوط ربنا يفرحك اكتر واكتر الورشه دى خير اللهم اجعله خير مكان واسع وفيه ناس لبسين ابيض فى ابيض والمهم الناس دى طالع عنيها اللى ماسك شاكوش واللى شايل خشب واللى شايل طوب واللى دخل مسمار فى رجله وبيعيط واللى وقع فوق دماغه لوح خشب وهكذا اما حكايق اللبس انتا بيبقى عندك بلطه ابيض ذى طلبه كليه الطب وده شى اساسى ذى المسطره حرف التى يعنى هتبقا مهندس ودكتور شفت الهنا اللى انتا فيه :rolleyes::p
المحب لله 29-09-2008, 03:05 PM ربنا يبشرك بالخيييييييير معلش سؤال اخير وهو فيه رسم هندسى فى المدنى اصلى مشفتهوش فى الجدول يعنى لازم نجيب مسطره ولوحه رسم وكده ولا ايه؟
القطه 29-09-2008, 03:08 PM على فكره يا محب انا مختش حاجه اسمها فيزياء جبتها منين دى ولا هما حطوها بعد ما انا مشيت شكلم حطوها بعد ما مشيت ماده درسات بءيه دى ماده رزله كلها دش بتتكلم عن تلوث البيئه وخواص مواد ماده لذيذه وتعرف تجيب فيها امتياز بتتكلم عن المواد اللى بنستخدمها فى البناء وفى ماده انتا نسيتها رسم هندسى ودى فى الاول هتاخد حاجات بسيطه تعرف منها ازاى تمسك الادوات الهندسيه التقيل فى الرسم فى النصف التانى وفى سنه تانيه الشغل اللى بجد انتحار كميه مواد ذى الزفت ربنا يعينك
المحب لله 29-09-2008, 03:13 PM المواد دى كلها عربى مش كده
القطه 29-09-2008, 03:14 PM الرسم ده شى اساسى عندنا الرسم هوا اللى قايم عليه كل حاجه وهتخده بكل انواعه يعنى هترسم رسم معمارى على الكمبيوتر اللى هوا برنامج الاتوكاد ورسم على اللوح طبعا
القطه 29-09-2008, 03:17 PM طبعا بالعربى هوا احنا ناقصين مرذيه تانيه اسمها انجليزى اذا كنابندرس بالعربى ومحتساين يبقا هيجبوها كمان بالانجليزى حرام عليك
المحب لله 29-09-2008, 03:19 PM عموما الف الف شكر وانا تقلت عليكى معلش:(
القطه 29-09-2008, 03:41 PM عموما الف الف شكر وانا تقلت عليكى معلش:(
العفو يا محب الشكر لله فى الاول والاخر كل سنه وانتا طيب ولو عندك سوال ابقى اكتبه وانا اما اشفه هردعليه احنا فى الخدمه ربنا يوفئكhttp://up.jro7i.com/uploads/6e9b30ee89.gif (http://up.jro7i.com/)
المحب لله 29-09-2008, 04:03 PM انا ليه سؤال ومعلش عايز اسال على الامتحانات بتيجى صعبه زى بتاعه الثانوى كده حاجات من بره المقرر عشان يشوفوا الدماغ النضيفه والكلام ده ولا بتيجى يعنى من الكتاب والمقرر وجزاكى الله خير
القطه 29-09-2008, 05:47 PM بص يا محب الامتحان فى سنه اولى اللى بيحطه المهندسين اللى بيدوك علشان كده لازم تحضر المحاضرات علشان احيانا بيقولوا حاجات برا الكتاب واحيانا بيلغوا حاجات من الكتاب اما فى سنه تانيه الامتحان اللى بيحطوه فى وزاره التعليم العالى يعنى على مستوى الجمهوريه والامتحان مش بيطلع برا الكتاب بس المشكله انهم بيجيبوا اسئله كتير والوقت قليل
محمد.فوكس 29-09-2008, 06:48 PM طب دلوقتي أنا عايز اعرف هي الكورسات دي لازم ولا ايه؟ اصل اللي معاه ثانوية عامة اعتقد هيبقى مش محتاج .. ده غير ان انا عيلتي فيها مهندسين كتير و الف من يساعدني في الرياضة و الفيزياء ولا لازم آخد عشان ارضي المهندس اللي بيدرسلي... و الكورسات دي على كده هتتكلف كام في الشهر على بعضها لو الواحد هياخد؟
و هو انتي يا تنسيم كنتي صنايع خمس سنين ولا ثانوي عام؟
و لو كنتي ثانوي عام شايفة مثلا ان رياضة و فيزياء بتوع المعهد اصعب ولا اسهل من الثانوية العامة؟
اصل انا سألت واحد رياح سنة تانية المعهد ده"بس كان صنايع تلات سنين" و قالي على شوية من محتويات الفيزياء فلقيت انها جزء من فيزياء الثانوية العامة و كذالك الرياضة.
و بالنسبة للمجاميع بتاعت السنادي هو كل كليات الهندسة بتاخد من المعاهد ولا البترول والتعدين و هندسة القاهرة و المنيا وبس..ولا هم مكتوبين لوحدهم في الخبر بتاع التنسيق عشان اعلى هندسة و اقل هندسة؟
و طلبة المعهد بيدخلو التنسيق مع طلبة الدبلومات الفنية خمس سنين صح؟
و دلوقتي انا عرفت مجاميع الهندسة و البترول و التعدين بس عايز اعرف هي اعلى قد ايه من السنة اللي فاتت؟
و هل موضوع السنة الفراغ هيساعد في سهولة دخول خريجي المعهد ده كليات الهندسة؟
و هو المعهد ده ملهوش كليات حلوة احتياط عشان لو لاقدر الله المجموع مجابش هندسة.. يعني ايه الكليات اللي ممكن يدخلها خريجي المعهد ده غير الهندسة و البترول والتعدين؟
و هو المعهد بيخرج على اعدادي و لا بيدخل سنة اولى تخصص على طول؟
معلش اسئلة كتير بس ارجو الاجابة عليها في صورة اقتباس للمشاركة.
و انت يا عم محب مش عارفين نتكلم ليه استنيتك امبارح و مدخلتش.
القطه 29-09-2008, 07:54 PM طب دلوقتي أنا عايز اعرف هي الكورسات دي لازم ولا ايه؟ اصل اللي معاه ثانوية عامة اعتقد هيبقى مش محتاج .. ده غير ان انا عيلتي فيها مهندسين كتير و الف من يساعدني في الرياضة و الفيزياء ولا لازم آخد عشان ارضي المهندس اللي بيدرسلي... و الكورسات دي على كده هتتكلف كام في الشهر على بعضها لو الواحد هياخد؟
و هو انتي يا تنسيم كنتي صنايع خمس سنين ولا ثانوي عام؟
و لو كنتي ثانوي عام شايفة مثلا ان رياضة و فيزياء بتوع المعهد اصعب ولا اسهل من الثانوية العامة؟
اصل انا سألت واحد رياح سنة تانية المعهد ده"بس كان صنايع تلات سنين" و قالي على شوية من محتويات الفيزياء فلقيت انها جزء من فيزياء الثانوية العامة و كذالك الرياضة.
و بالنسبة للمجاميع بتاعت السنادي هو كل كليات الهندسة بتاخد من المعاهد ولا البترول والتعدين و هندسة القاهرة و المنيا وبس..ولا هم مكتوبين لوحدهم في الخبر بتاع التنسيق عشان اعلى هندسة و اقل هندسة؟
و طلبة المعهد بيدخلو التنسيق مع طلبة الدبلومات الفنية خمس سنين صح؟
و دلوقتي انا عرفت مجاميع الهندسة و البترول و التعدين بس عايز اعرف هي اعلى قد ايه من السنة اللي فاتت؟
و هل موضوع السنة الفراغ هيساعد في سهولة دخول خريجي المعهد ده كليات الهندسة؟
و هو المعهد ده ملهوش كليات حلوة احتياط عشان لو لاقدر الله المجموع مجابش هندسة.. يعني ايه الكليات اللي ممكن يدخلها خريجي المعهد ده غير الهندسة و البترول والتعدين؟
و هو المعهد بيخرج على اعدادي و لا بيدخل سنة اولى تخصص على طول؟
معلش اسئلة كتير بس ارجو الاجابة عليها في صورة اقتباس للمشاركة.
و انت يا عم محب مش عارفين نتكلم ليه استنيتك امبارح و مدخلتش.
هههههههههههههههه حرام عليك ريح نفسك شويه انتا بتجيب الاسئله دى منين عاوزه اعرف مصدرها هرد على كل اللى انتا عاوزه
اجابه السوال الاول/ الكورسات برحتك تاخد او متختش مدام الموضوع ده تعبك كده انا كان قصدى لو المهندس معندوش ضمير وبتاع كورسات اتقى شره وخد عنده علشان تاخد درجات اعمال السنه كامله الحكايه مش انى معايا ثانوى عام او دبلوم الحكايه ان فى بعض الاستغلال انتا مفكر طلبه الدبلوم اقل لاء كله هناك واحد
اجابه السوال الثانى/ الكورس مش بتاخد بشهر انتا مفكره درس ذى اللى كنا بناخده فى الثانوى لاء الكورس بيبقا عباره عن اربع محاضرات او حسب ما يقول المهندس والمحاضرات دى بتشمل المنهج كله يعنى بتدفع مره واحده بس
اجابه السوال الثالث/ اه انا كنت دبلوم صناعى ثلاث سنوات بس انا عندى فكره كويسه عن منهج الثانوى العام لانى اصحابى اغلبهم ثانوى عام متقلقش وعلى فكره انا دخله التعليم الفنى بمزاجى لانى بحب الرسم جدا والموهبه عمرى ماكنت هقدر امشى فيها مع الثانوى العام فقررت ان امشى فى الخط الثانى
اجابه السوال الرابع/ المعهد حاجه والثانوى العام حاجه وبعدين مش كل الاقسام بتاخد فيزياء وبعدين انا شايفه انك مقلق من المعهد قوى يا اخى روح واتوكل على الله مدام علوم مش عجباك ان شاء الله الدراسه هتكون سهله وايه يعنى لو هتدرس فيزياء مش مشكله هوا انتا هتعمل اختراع جديد للبشريه ولا ايه
اجابه السوال الخامس/ على ما اعتقدت احنا لينا كل كليات الهندسه بكل اقسمها والمقال اللى قرائته فيه اعلى كليه واقل كليه لانى اعرف ناس دخلوا هندسه شبين واسكندريه والقاهره
اجابه السوال السادس/ احنا فعلا تنسيقنا هوا تنسيق دبلوم خمس سنين وبنقدم مع بعض
اجابه السوال السابع /الفرق بين تنسيق السنادى والسنه اللى فاتت والسنين اللى قبلها كتتتتتير قوى فكرتنى بالهم الحمد لله وده عاوز موضوع لوحده هبقى اقوله بعدين علشان السيره دى بتتعبنى معلش
اجابه السوال الثامن/ انا مش عارفه اجوبك عليه ايه حكايه السنه الفراغ قصدك بيها ايه علشان اعرف اجوبك
اجابه السوال التاسع/ فعلا فى كليات تانيه جميله ذى فنون جميله قسم عماره ولازم علشان تتخلها لازم تكون شعبه عماره او مدنى فقط وتعمل امتحان قدرات اما كليه الاثار فدى لقسم ترميم الاثار والقسم مش موجود فى كل المعاهد تقريبا فى القاهره بس مش مهتمين بيه ذى الاقسام الثانيه وفى كليه الزراعه ودى لقسم الات وميكنه زراعيه فقط وفى كليه تربيه حلوان لكل الاقسام وطبعا كليه تعليم صناعى وكليه تربيه نوعيه و كليه فنون تطبيقيه
اجابه السوال العاشر/ انتا بتدخل الهندسه على اعدادى مش على التخصص ذى ما بيقولوا اما التربيه على سنه تانيه تقريبا
المحب لله 29-09-2008, 08:18 PM انا دلوقتى على الايميل يا محمد لو حابب نتكلم
محمد.فوكس 29-09-2008, 08:29 PM اولا مصدر المعلومات هي قلقي و دافع لمعرفة كل شيء لأني داخل على قرار كل اللي حوليا هيفتكروني مجنون لو أخدته.
ثانيا بالنسبة لحتة الكليات المتاحة غير الهندسة.. اي القسم اللي يخلي قدامي اكبر عدد من الكليات الكويسة غير الهندسة عشان يبقى في حاجة تشيل الواحد لو ملحقش هندسة لا قدر الله.
و هي الكليات التانية زي فنون عمارة او فنون جميلة او فنون تطبيقية او تربية خدت من كام برضه..او لو متعرفيش ,مفيش حتة اجيب منها مجاميع كل الكليات بالنسبة للدبلومات؟
و بالنسبة للسنة الفراغ فاقصد بيها اني لو دخلت المعهد السنادي يبقى هتخرج بعد سنتين يعني في نفس السنة اللي مش هيبقى فيها ثانوية عامة الا اللي بيعيدوا السنة (من تأثر رجوع الصف السادس الابتدائي).
و بالنسبة لموضوع الكورسات انا عارف موضوع اني باخد الكورس عشان المهندس مش عشاني و كنت بسألك هل لازم آخدها يعني المهندس هيضيعني لو مخدتش.
و بعدين أيا كان نظام الكورسات بتتكلف كام يعني؟
المحب لله 29-09-2008, 08:33 PM [quote=محمد.فوكس;804616]
عشان يبقى في حاجة تشيل الواحد لو ملحقش هندسة لا قدر الله.
لما انت داخل وبتقول كده يبقى حتدخل هندسه ازاى كمل علوم ولا تجاره احسنلك وربنا يكرمك:eek:
محمد.فوكس 29-09-2008, 08:39 PM اسحب الكلمتين المحبطين دول ...
بذمتك مش الواحد لازم يطمن .. يعني انت داخل و متأكد 100% انك هتدخل هندسة ... اكيد لأ يبقى لازم تفكر في الاحتمالات التانية.. ولا ايه رأيك.
و بعدين انا فاتح الايميل و مش لاقيك.
المحب لله 29-09-2008, 08:53 PM اسحب الكلمتين المحبطين دول ...
بذمتك مش الواحد لازم يطمن .. يعني انت داخل و متأكد 100% انك هتدخل هندسة ... اكيد لأ يبقى لازم تفكر في الاحتمالات التانية.. ولا ايه رأيك.
و بعدين انا فاتح الايميل و مش لاقيك.
هاتى ايميلك يابنى انا ايميلى مفتوح
القطه 29-09-2008, 09:05 PM مع احترامى ليك لو قررت تدخل مع انك شكلك بيقول غير كده انا مش عارفه افهمك انتا حيرتنى احسن اقسام عماره او مدنى لان ليهم اعلى الكليات على مستوى الجمهوريه يعنى اقولك خد كورس تقولى لازم اخد اقولك متختش تقولى برده لازم اخد لو فى حاجه ثالثه والله كنت قولتها علشان اريحك بس لازم تاخد لو عرفت انه بتاع فلوس اقولها بلغه ايه تانى يا محمد انا هنتحر بسببك يا محمد قريب نفرض انك دخلت المعهد وفى النصف الاول عندك سبع مواد مش معقول هتاخد فيهم كلهم ماده او امادتين وعلشان الحبايب نخليهم ثلاثه ونحسب الماده مثلا ب200 جنيه يبقى كله على بعضه 600 جنيه ولو مختش هيعضك يا سيدى
المحب لله 29-09-2008, 09:16 PM عموما اعتقد كده محمد عرف كل حاجه عن المعهد والقرار راجع لك وانت حر وربنا يوفقك فى اى مجال تكون فيه
محمد.فوكس 29-09-2008, 10:38 PM يا عم انا ايميلي fox.power
و انا مسجلك عندي و اكيد انا متسجل عندك.
fox.power بس ياهوو و انا ببعتلك رسايل اوفلاين عليه مبتوصلكش ولا ايه؟
القطه 30-09-2008, 01:17 AM [quote=محمد.فوكس;804616].
و هي الكليات التانية زي فنون عمارة او فنون جميلة او فنون تطبيقية او تربية خدت من كام برضه..او لو متعرفيش ,مفيش حتة اجيب منها مجاميع كل الكليات بالنسبة للدبلومات؟ بص يا محمد
كليه فنون جميله اسكندريه حلم عمرى اللى كنت بحلم بيه اخدت السنه اللى فاتت من81% كنت بقول هتجلى فنون جميله المنيا مش مشكله ابقى حولى بعد كده اسكندريه تخيل اخدت السنادى من كام 86% شوف الظلم والتربيه النوعيه اللى كانت بتاخد فى 70%وطالع اخدت من 84% وحاجه من عشره بس مش فاكره وكمان فى قنا شوف الظلم اما التعليم صناعى اللى كانت بتاخد من 75%اخدت تقريبا من81% شوف ظلم البشر للبشر عامل ازاى مش عارفه ليه الناس بتظلم بعضها كده ويرجعوا يتكلموا ويقولوا حرام بقى دول يعرفوا الحرام من الحلال (ارحموا من فى الارض يرحمكم من فى السماء) حسبى الله ونعم الوكيل فى كل مسئول ظلمنى وظلم اصحابى انا وكلت امرى لربنا هو المنتقم الجبار اذا كان البشر ظالمين ربنا عمره ما يرضا بالظلم ابدا لان ربنا اسمه العدل والحق وانا تعبت كتتتتتتتتتير اقوى وربنا عمره ما هيضيع تعب السنين اللى راحت منى انا ظنى كده فربنا ومش بيائس المومن عمره ما يعرف معنى اليائس ابدا كلام من قلبى انا اكتر واحده فى عائلتى مرحه وبحب الضحك دلوقتى بقيت بمثل انى بضحك مش عارفه ارجع ذى زمان جويا اهات كتير الحمد لله افضل كلمه مصبرانى وبتريحنى بحس فيها بالرضا ربنا اختارى الخير معلش قلبتها كائبه بس اعذرونى الموضوع ده لما حد بيفتحوا دموعى بتنزل من عينى غصب عنى بحس بجرح فى قلبى وكرامتى ومشاعرى انا اسفه انى ازعجتكم بمشكلتى انتوا مش نقاصين انا اسفه مره تانيه ادعولى
http://img248.imageshack.us/img248/8201/din78db7.gif
محمد.فوكس 30-09-2008, 01:32 PM ربنا عالظالم و يمكن المشكلة دي يكون ليها مخرج و لو بعد حين.
انا برضه و الله بقيت كئيب اوي بعد ما لقيت نفسي مدخلتش هندسة مع اني كنت عارف اني مش هدخلها من بعد نتيجة تانية ثانوي.بس مزعلتش اوي مش عارف ليه اول يوم دخلت الكلية ابتديت احس بخيبة الامل مع اني بقالي سنة عارف اني مش هدخل هندسة.
اول يوم في الكلية في بنتين شاوروا للميني باص اللي كنت راكبه و قالوله كلية هندسة؟
الموقف ده جرحني و هو اللي خلاني افكر في موضوع المعهد ده.
THE LEGEND OF ALEX 01-10-2008, 08:43 AM و الله العظيم انا محبط و تعبان نفسيا ممكن اكتر من اى حد فيكم لأنى جايب حوالى 84.38 و كان املى على هندسة و قلت حتى لو جت معهد طاقة مش مهم حلو اهو كده كده اطلع مهندس و فى تخصصى ( كهرباء) لكن الاقى نفسى محدوف الحدفة السودة الى انتم عارفينها ( تربية تعليم صناعى بنى سويف ) و كمان مش رحمنا بعد الى عملوه فينا كمان بيكملوا علينا و خلوا الكلية بدل ما هيا 3 سنين لطلبة الخمس سنين خلوها 4 سنين زيك زى طلاب الثانوى العام و السنتين الى انت طلع عينك و عين اهلك فيهم راحوا فى الهوا مش حرام كده و على فكرة هما كده بيقللولنا بطلوا تعليم مش عايزنكم تتعلموا و فى ناس كتــــــــــــــــــــــــــــــــيـــــــــــــــ ــــــــــــر مكملوش و قعدوا فى بيوتهم مستنيين العدل ( الشغل) و اخر حاجة اقولها ( حسبنا الله و نعم الوكيل فى كل ظالم )
القطه 03-10-2008, 09:02 PM يا جماعه انا متخرجه من معهد فنى صناعى دفعه 2008 التقدير العام جيد جدا ينفع اعمل معادله الهندسه عاوزه اعرف كل حاجه عن المعادله اصل انا محتاره فريق يقولى ينفع وفريق يقولى مينفعش انا محتاره واللى اعرفه مسموح التقديم خلال ثلاث سنوات من التخرج وانا راحت منى سنه فاضل سنتين ارجوكم الوقت بيجرى والفرصه محدوده جدا بالنسبه ليا اه وفى حاجه كمان لازم اكون جايبه تقدير معين علشان اقدم ارجوا الافاده
المحب لله 04-10-2008, 06:17 PM يا جماعه انا متخرجه من معهد فنى صناعى دفعه 2008 التقدير العام جيد جدا ينفع اعمل معادله الهندسه عاوزه اعرف كل حاجه عن المعادله اصل انا محتاره فريق يقولى ينفع وفريق يقولى مينفعش انا محتاره واللى اعرفه مسموح التقديم خلال ثلاث سنوات من التخرج وانا راحت منى سنه فاضل سنتين ارجوكم الوقت بيجرى والفرصه محدوده جدا بالنسبه ليا اه وفى حاجه كمان لازم اكون جايبه تقدير معين علشان اقدم ارجوا الافاده
انا راى متسمعيش كلام حد روحى معهدك واتاكدى بنفسك ان كان فى ولالا
بسام السامبو 05-10-2008, 09:42 PM انا اسمى بسام محمد من الاسكندرية وعندى نفس المشكلة ولكن المشكلة بتاعتى ممكن تكون مختلفة لانى فاضلى حاجات بسيطة على كلية الهندسة الى حلمت بها من يوم مادخلت المدرسة الفنية وانا مجموعى 86.66 ياعنى 910من 1050 ياعنى فاضلى 5 درجات اقل من 4/1 % وانا ممكن اعمل اى حاجة ممكن ترجعلنا حقنا كلنا وممكن نعمل زى الاخوة ماعملين نجمع توكيلات للمجاميع الى اعلى 84% وانا معاكم شوفوا انتم ازاى اقدر اوصل التوكيل بتاعى وانا من ناحيتى هحاول ادور على طلبه عندهم نفس المشكلة
ارجو سرعة الرد عليا عشان نقدر نعمل حاجة ارجوكم
واختم كلامى اقول منهم لله الى عملوا فينا كده و وحسبنا ونعم الوكيل
وان شاء الله احنا هنجيب حقنا بايدينا زى الثانوية العامة
اخوكم بسام السامبو
محمد.فوكس 06-10-2008, 11:12 PM على فكرة الموضوع بتاع جريدة الدستور ده مبشر بالخير
و انت يا عم المحب لله .. اول ما تقرأ كلامي ده تكلمني او تبعتلي ايميلي مش عارفين نتكلم لغاية دلوقتي.
لازم تكلمني بأي طريقة على الياهو ماسنجر عندي مليون ايميل fox.power @ yahoo . com
mohammad.force @ yahoo . com
mohammad.force @ hotmail . com
اختار اللي يعجبك و قولي بسرعة.
shimagad_91 07-10-2008, 01:15 AM بص يامحمد فوكس انا كنت مقلقة زيك كده بالظبط وانا برضو كانت جايالى علوم بس قولت مادام لسه قدامى فرصة انى ادخل هندسة ماجرب وخلاص مش هاخسر حاجة وخلاص انا فعلا قدمت وروحت المعهد وعرفت كل التفاصيل بالنسبة للمواد وكل حاجة وخلص الدراسة هاتبتدى يوم السبت وانا قولت يرضولو لاقدر الله ماجبتش مجموع ياهارجع الكلية اللى جاتلى يا هاروح اى كلية خاصة وعلى فكرة انا اعرف ناس والله دخلوا من المعهد لكليو هندسة والدراسة مش صعبة زى ماانت متخيل خصوصا لحد كان ثانوية عامة واتبهدل بهدلتنا وانا برضو ان شاء الله هاروح يوم الاربعاء المعهد عشان الكشف الطبى وهسأل بالمرة على موضوع الكورسات دى وهابقى اجى ابلغكوا ان شاء وسورى طولت عليكوا ولو عايز اى حاجة اسألنى تانى :redface:
محمد.فوكس 07-10-2008, 05:59 PM طب ممكن لو فيها سئالة ... كل اللي عرفتيه عن المعهد و المواد و نظام الدراسة و العملي و الكورسات و الامتحانات و بيطلع على اعداي هندسة و لا اولى.
و كمان قولي انتي محافظة ايه؟ بس يا ريت كل ده بسرعة ... يعني كل حاجة تعرفيها او متعرفيهاش.
و ايميلاتي كمان موجودة في الرد اللي قبل ده بتاعي.
شكرا..
shimagad_91 07-10-2008, 08:45 PM طب ممكن لو فيها سئالة ... كل اللي عرفتيه عن المعهد و المواد و نظام الدراسة و العملي و الكورسات و الامتحانات و بيطلع على اعداي هندسة و لا اولى.
و كمان قولي انتي محافظة ايه؟ بس يا ريت كل ده بسرعة ... يعني كل حاجة تعرفيها او متعرفيهاش.
و ايميلاتي كمان موجودة في الرد اللي قبل ده بتاعي.
شكرا..
لا عادى مافهاش ثقالة ولا حاجة بص اول حاجة بالنسبة للمواد هما 5مواد :
تكنواجيا المعلومات
رسم هندسى
رياضة
فيزياء
تقارير فنية
وفى مواد من 100درجة و40درجة عملى واعمال سنة وبالنسبة للتخصصات فى تخصصات كتير بس بالنسبةلبتوع الثانوية العامة فى تخصصين هما مدنى وعمارة واللى بيطلعوا بيدخلوا على سنة 2 هندسة والكورسات لسه هسأل عليها بكرة وانا من القاهرة وعلى قكرة لو روحت سألت فى المعهد يبقى احسن عشان انت تسأل على الحاجة اللى انت عاوزها وعشان تلحق لو عايز تروح تحول للمعهد
محمد.فوكس 07-10-2008, 09:03 PM يعني المعهد بتاع القاهرة زي بتاع اسكندرية بالضبط؟... يعني مكتوب عليه الكلية التكنولوجية؟
و بعدين انا في ناس كتير قالولي ان حكاية تانية هندسة دي غلط .. و ان كله بيخش اعدادي.. فهل انتي متأكد من انه بيطلع على تانية هندسة اصل موضوع السنتين دول من اسباب القلق.و هو قصدك سنة تانية يعني سنة بعد الاعدادي ولا سنتين بعد الاعدادي؟
المدني و العمارة هم بس المتاحين للثانوي العام؟.. و العمارة بيطلع على فنون عمارة ولا لأ؟
و اعمال السنة كام في المية و العملي كام في المية و الامتحان التحريري كام في المية؟
و الجدول كل يوم ولا زي الكليات اوقات اوقات؟
و متعرفيش المواد دي فعلا زي ما سمعت انها اقل او زي اللي خدناها في ثانوي عام؟
و الشغل العملي عامل ازاي يعني صعب و متعب ولا حلو؟
آسف للغلاسة!
القطه 07-10-2008, 09:11 PM يا جماعه انا كنت شعبه مدنى ومفيش حاجه اسمها تدخل على سنه تانيه فى الهندسه والكلام ده صح 100% لانى ليا اصحابى دخلوا هندسه شبين وهما دلوقتى فى اعدادى وشعبه عماره ومدنى هما بس اللى مسموح ليهم يدخلوا فنون جميله قسم عماره فقط والمواد بتختلف من قسم للتانى كل قسم ليه المواد الخاصه بيه مفيش مواد موحده لكل الاقسام
محمد.فوكس 07-10-2008, 09:25 PM يا خسارة كان موضوع سنة تانية ده هيخلي الموضوع اهون...
انا في واحد اعرفة في صنايع ثلاث سنين و خلص السنادي قالي ان بتوع الثانوية العامة اللي بيدخلوا المعهد ده مش بيتعملهم معادلة .. مفهمتش و قلتله يعني ايه .. ثالي يعني لو جبت مقبول هتدخل هندسة لأنك معاك مواد ثانوية عامة؟
الحقيقة الحكاية دي صعب تتصدق.. حد عنده تأكيد او نفي؟
القطه 07-10-2008, 09:29 PM انتا يا محمد لسه بتشاور نفسك بعد كل اللى عرفته ده الامتحانات خلاص كمان شهرين ولا شهر ونصف واجراءت التحويل بتغيب واوعا تفكر انك علشان محول خلاص اعمال السنه بتاعتك عادى لاء اصحى هيدوك صفر عن كل يوم غبته والله والله اللى بقوله ده حقيقى مش بهزر ولا كلام فى الهوا نصحيه الحق نفسك يا علوم يا معهد خد القرار حالا متسالش المعهد ساهل ولا صعب مدام قررت لازم تكون قد المسئوليه اسمحلى اقولك حالتك مش مبشره انتا حتلاقى فى المعهد ناس بيحاربوا علشان الكليه عندهم همه ومش خايفين من اللى جاى يا قاتل يا مقتول لازم تكون شجاع وتاخد القرار تقدر تقولى ايه الخطوه الايجابيه اللى خدها لحد دلوقتى مفيش صح اتمنى انى اكون غلط وتقولى كلام يفرحنى لازم تكون قد المسئوليه ومتخفش
القطه 07-10-2008, 10:01 PM يا خسارة كان موضوع سنة تانية ده هيخلي الموضوع اهون...
انا في واحد اعرفة في صنايع ثلاث سنين و خلص السنادي قالي ان بتوع الثانوية العامة اللي بيدخلوا المعهد ده مش بيتعملهم معادلة .. مفهمتش و قلتله يعني ايه .. ثالي يعني لو جبت مقبول هتدخل هندسة لأنك معاك مواد ثانوية عامة؟
الحقيقة الحكاية دي صعب تتصدق.. حد عنده تأكيد او نفي؟
كتر اسئلتك دى هتوديك فى دهيه والناس عماله تقولك معلومات غلط وانتا عمال تسمع من ده شويه ومن ده شويه ولسه بتشاور نفسك وتقول يا خساره الحق نفسك الموضوع ميحتملش التاخير اكتر من كده انتا بقيت فى خطر وانتا مش حساس هتفوجى بالامتحان وهتبقا لامنها انتظمت فى علوم وذكرت ولا قدمت فى المعهد انا بكلمك ذى اخواتى واكبر منك وعارفه اللى هيحصل لو متحركتش دلوقتى شوف محب لله زميلنا اخد القرار واتوكل على الله الناس مش خسرانه حاجه انتا اللى بتخسر وانا زعلانه عليك
shimagad_91 07-10-2008, 10:12 PM يا جماعه انا كنت شعبه مدنى ومفيش حاجه اسمها تدخل على سنه تانيه فى الهندسه والكلام ده صح 100% لانى ليا اصحابى دخلوا هندسه شبين وهما دلوقتى فى اعدادى وشعبه عماره ومدنى هما بس اللى مسموح ليهم يدخلوا فنون جميله قسم عماره فقط والمواد بتختلف من قسم للتانى كل قسم ليه المواد الخاصه بيه مفيش مواد موحده لكل الاقسام
بصى انا روحت المعهد وهما اللى قالولى كده هناك حتى عملولنا اجتماع هناك لبتوع سنة اولة والدكتور اسمه محمد عباس هو اللى فهمنا كده ده وغير كده انى اعرف واحد دخل من المعهد على هندسة وعلى العموم انتى ادرى مش بتقولى ان انتى اكبر مننا وعارفة
محمد.فوكس 07-10-2008, 10:15 PM اصل اهلي و خاصة ابي.
واقفين بشدة ضد الموضوع ده و كل ما افتحه يتكلموا معايا فيه شوية و بعد ما نخلص كلام يقولي هشوفلك الموضوع ده و يقفل على الموضوع.. لأنه شايف اني اخليني في علوم و استقر و كمان عشان كلمة معهد دي بتقلقه.
فأنا عشان هم اكبر مني لازم احط رأيهم في اعتباري و في نفس الوقت شايف انهم لو يبصوا للموضوع زي ما انا شايفه انه فرصة او محاولة.
الموضوع مش في السهولة و الصعوبة بس و بعدين انا اكيد هبقى احسن من غيري كتير لأني ثانوية عامة و مجموعي مش قليل و درجتي في الفيزياء مش بطالة.
shimagad_91 07-10-2008, 10:19 PM يعني المعهد بتاع القاهرة زي بتاع اسكندرية بالضبط؟... يعني مكتوب عليه الكلية التكنولوجية؟
و بعدين انا في ناس كتير قالولي ان حكاية تانية هندسة دي غلط .. و ان كله بيخش اعدادي.. فهل انتي متأكد من انه بيطلع على تانية هندسة اصل موضوع السنتين دول من اسباب القلق.و هو قصدك سنة تانية يعني سنة بعد الاعدادي ولا سنتين بعد الاعدادي؟
المدني و العمارة هم بس المتاحين للثانوي العام؟.. و العمارة بيطلع على فنون عمارة ولا لأ؟
و اعمال السنة كام في المية و العملي كام في المية و الامتحان التحريري كام في المية؟
و الجدول كل يوم ولا زي الكليات اوقات اوقات؟
و متعرفيش المواد دي فعلا زي ما سمعت انها اقل او زي اللي خدناها في ثانوي عام؟
و الشغل العملي عامل ازاي يعني صعب و متعب ولا حلو؟
آسف للغلاسة!
بص انا مااعرفش اذا كان نظام اسكندرية نفس نظام القاهرة ولا لأ والجدول انا ليه هاخدوا بكرة وعلى العموم انا كل الأسئلة دى هااسئلها بكرة وهاأتاكد من شوية حاجات بس انت اهم حاجة ياتروح تسأل فى المعهد ياتروح تحول عشان تلحق نفسك لانى كنت زيك كده بس توكلت على الله ودخلت المعهد الحمدلله فشوف كده وخلص وقرر وبرضو انت لما تعرف المعلومة بنفسك احسن ماتستنى حد يجيبهالك وانا ان شاء الله بكره لما ارجع هاابقى اقولكوا على اللى حصل ان شاء الله والشغل العملى على فكرة حلو ومش صعب ومن الاخر كده المعهد والله سهل وخاصة على حد كان ثانوية عامة وبرضو انا سمعت مدام هتاخد كورسات يبقى هاتعدى ان شاء الله وسمعت برضو ان المادة الواحدة ب200جنيه للترم الواحد وهاابقى اتأكد من المعلومة دى برضو وهاابقى اقولك
محمد.فوكس 07-10-2008, 10:26 PM طب يا ريت تسألي كل الاسئلة دي و تعرفي على قد ما تقدري ..
لأني بكرة و الله مش هقدر اروح المعهد عشان عندي محاضرات و سكشن هيخلص الساعة 5
القطه 07-10-2008, 11:54 PM بصى انا روحت المعهد وهما اللى قالولى كده هناك حتى عملولنا اجتماع هناك لبتوع سنة اولة والدكتور اسمه محمد عباس هو اللى فهمنا كده ده وغير كده انى اعرف واحد دخل من المعهد على هندسة وعلى العموم انتى ادرى مش بتقولى ان انتى اكبر مننا وعارفة
ههههههههههه انا مش كبيره للدرجه دى انا عندى 19 سنه وخمس شهور ولسه متخرجه دفعه 2008 يعنى اكبر منكم بسنتين بس وبعدين الحكايه مش انى عارفه ولا لاء ولا حتى انى اكبر منكم انا بقول اللى شوفته اللى دخل من دفعتى اربعه هندسه ودخلوا هندسه شبين وهما دلوقتى فى اعدادى انا عارفه ان العدد قليل بس متتخدوش اللى حصل ده نصيبنا وقدرنا واوعوا تعملوا اللى حصل ده مقياس ليكم انتوا هتكونوا وضعكم احسن مننا ان شاء الله وعلى فكره دى اول سنه يحصل فيها كده ان التنسيق يرتفع انا متوقعه انه هيرجع التنسيق ذى ما كان زمان ان شاء الله هتدخلوا كلكم هندسه وفى ناس كتير دخلوا هندسه من المعهد انتوا استعينوا بالله بس وربنا هينور طريقكم ويحقق امانيكم ربنا معاكم سلامى ليكم كلكم
القطه 08-10-2008, 12:46 AM اصل اهلي و خاصة ابي.
واقفين بشدة ضد الموضوع ده و كل ما افتحه يتكلموا معايا فيه شوية و بعد ما نخلص كلام يقولي هشوفلك الموضوع ده و يقفل على الموضوع.. لأنه شايف اني اخليني في علوم و استقر و كمان عشان كلمة معهد دي بتقلقه.
فأنا عشان هم اكبر مني لازم احط رأيهم في اعتباري و في نفس الوقت شايف انهم لو يبصوا للموضوع زي ما انا شايفه انه فرصة او محاولة.
الموضوع مش في السهولة و الصعوبة بس و بعدين انا اكيد هبقى احسن من غيري كتير لأني ثانوية عامة و مجموعي مش قليل و درجتي في الفيزياء مش بطالة.
يا بشمهندس محمد انا هقولك حاجه تحل مشكلتك وهيا حاجه بسيطه خالص خالص ومش هتاخد منك مجهود استعين بربنا واستخيره رسول الله صلى الله عليه وسلم صلوا عليه علمنا نستخير ربنا فى كل امورنا والدعاء اهو يا بشمندس علشان ميكنش عندك حجه
http://www.lovely0smile.com/vcard/images/036.jpg
صدقنى والله عن تجربه بقولك لو اخلصت النيه فى الدعاء لله والله ربنا هيهديك للطريق الصح عارف ليه لانك مش بتسال اى حد انتا بتسال مالك الملك يعنى كليه الهندسه باللى فيها والعالم كله ملكه هوا وحده اتمنى انك تكون فهمتنى وعرفت انا عاوزه اقولك ايه اما انا صليت استخاره وربنا هدانى للطريق الصح وكمان ربنا ارسلى ناس يهدونى للطريق ويسعدونى ازاى امشى فيه خلاص انا عرفت انا عاوزه ايه وهدخل هندسه باذن الله قريب اوى وهبقا افكركم
shimagad_91 08-10-2008, 08:52 PM [QUOTE=القطه;820348]ههههههههههه انا مش كبيره للدرجه دى انا عندى 19 سنه وخمس شهور ولسه متخرجه دفعه 2008 يعنى اكبر منكم بسنتين بس وبعدين الحكايه مش انى عارفه ولا لاء ولا حتى انى اكبر منكم انا بقول اللى شوفته اللى دخل من دفعتى اربعه هندسه ودخلوا هندسه شبين وهما دلوقتى فى اعدادى انا عارفه ان العدد قليل بس متتخدوش اللى حصل ده نصيبنا وقدرنا واوعوا تعملوا اللى حصل ده مقياس ليكم انتوا هتكونوا وضعكم احسن مننا ان شاء الله وعلى فكره دى اول سنه يحصل فيها كده ان التنسيق يرتفع انا متوقعه انه هيرجع التنسيق ذى ما كان زمان ان شاء الله هتدخلوا كلكم هندسه وفى ناس كتير دخلوا هندسه من المعهد انتوا استعينوا بالله بس وربنا هينور طريقكم ويحقق امانيكم ربنا معاكم سلامى ليكم كلكم[/QUO
لأ اوعى تكونى فهمتى كلامى غلط انا ماكانش قصدى حاجة وعلى العموم شكرا لوقفتك جنبنا ومساعدتنا:078111rg3:
shimagad_91 08-10-2008, 08:59 PM يا بشمهندس محمد انا هقولك حاجه تحل مشكلتك وهيا حاجه بسيطه خالص خالص ومش هتاخد منك مجهود استعين بربنا واستخيره رسول الله صلى الله عليه وسلم صلوا عليه علمنا نستخير ربنا فى كل امورنا والدعاء اهو يا بشمندس علشان ميكنش عندك حجه
http://www.lovely0smile.com/vcard/images/036.jpg
صدقنى والله عن تجربه بقولك لو اخلصت النيه فى الدعاء لله والله ربنا هيهديك للطريق الصح عارف ليه لانك مش بتسال اى حد انتا بتسال مالك الملك يعنى كليه الهندسه باللى فيها والعالم كله ملكه هوا وحده اتمنى انك تكون فهمتنى وعرفت انا عاوزه اقولك ايه اما انا صليت استخاره وربنا هدانى للطريق الصح وكمان ربنا ارسلى ناس يهدونى للطريق ويسعدونى ازاى امشى فيه خلاص انا عرفت انا عاوزه ايه وهدخل هندسه باذن الله قريب اوى وهبقا افكركم
انا رأيى من رأى القطة لانى انا ماستقرتش على المعهد غير لما صليت
استخارة وربنا يوفقك ان شاء الله:d
shimagad_91 08-10-2008, 09:13 PM طب يا ريت تسألي كل الاسئلة دي و تعرفي على قد ما تقدري ..
لأني بكرة و الله مش هقدر اروح المعهد عشان عندي محاضرات و سكشن هيخلص الساعة 5
بص انا سألن على موضوع الكورسات قالولى انها ب150 جنيه للسنة كلها وقالوا ان المعهد اللى فى القاهرة احسن من اسكندرية لانه مضمون اكتر انك تحول منه على هندسة وعلى موضوع اهلك انا برضو ماكانوش راضيين بس اقنعتهم باموضوع ولاقونى متحمسة فرضيوا وربنا معاك:)
القطه 08-10-2008, 11:37 PM [quote=القطه;820348]ههههههههههه انا مش كبيره للدرجه دى انا عندى 19 سنه وخمس شهور ولسه متخرجه دفعه 2008 يعنى اكبر منكم بسنتين بس وبعدين الحكايه مش انى عارفه ولا لاء ولا حتى انى اكبر منكم انا بقول اللى شوفته اللى دخل من دفعتى اربعه هندسه ودخلوا هندسه شبين وهما دلوقتى فى اعدادى انا عارفه ان العدد قليل بس متتخدوش اللى حصل ده نصيبنا وقدرنا واوعوا تعملوا اللى حصل ده مقياس ليكم انتوا هتكونوا وضعكم احسن مننا ان شاء الله وعلى فكره دى اول سنه يحصل فيها كده ان التنسيق يرتفع انا متوقعه انه هيرجع التنسيق ذى ما كان زمان ان شاء الله هتدخلوا كلكم هندسه وفى ناس كتير دخلوا هندسه من المعهد انتوا استعينوا بالله بس وربنا هينور طريقكم ويحقق امانيكم ربنا معاكم سلامى ليكم كلكم[/QUO
لأ اوعى تكونى فهمتى كلامى غلط انا ماكانش قصدى حاجة وعلى العموم شكرا لوقفتك جنبنا ومساعدتنا:078111rg3:
العفو اشكرى الله وانتوا كلكم اخواتى وربنا يعلم انى مش بدخل المنتدى ده غير علشان اطمئن عليكم واعرف اساعدكم بكل ما اقدر اعمله وبصراحه انا شايفه فيكم احلامى اللى حتى الان متحققتش بس ان شاء الله هتحقق وعلشان كده نفسى تدخلوا كلكم هندسه انا عاوزكم بس تدعولى بالتوفيق والنجاح فى اللى ناويه اعمله انا محتاجه دعائكم اوى اوعوا تنسونى
محمد.فوكس 08-10-2008, 11:50 PM على فكرة أنا فعلا صليت استخارة يوم الجمعة بس لسه مش حاسس بحاجة ..
يعني لا بعدت عنه ولا قربت منه ... بس النهاردة حضرت سكشن فيزياء و اتخنقت منه جامد و الدكتور غلس اوي و متعنت و المعمل زبالة و حاسس اني هطلع بمواد.
shimagad_91 09-10-2008, 10:07 AM على فكرة أنا فعلا صليت استخارة يوم الجمعة بس لسه مش حاسس بحاجة ..
يعني لا بعدت عنه ولا قربت منه ... بس النهاردة حضرت سكشن فيزياء و اتخنقت منه جامد و الدكتور غلس اوي و متعنت و المعمل زبالة و حاسس اني هطلع بمواد.
بص عادى يعنى انا قعدت اصلى فى استخارة من ساعة النتيجة لغاية قبل ماأقدم فى المعهد وماحسيتش براحة غير لما قدمت فحاول تصلى تانى وكل شوية وربنا معاك
محمد.فوكس 10-10-2008, 01:48 PM الحسبة صعبة اوي مع اني ميال للمعهد دلوقتي عشان بدأت اتخنق من الكلية و كل يوم بشوف واحد من معارفي في هندسة و مبسوط و مرتاح فبزعل على نفسي.
المعهد= فرصة كبيرة لدخول كلية البترول و التعدين او الهندسة او فنون عمارة بسبب السنة اللي مافيهاش ثالثة ثانوي & و كمان المعهد = عدم التقدم للكليات العسكرية السنة القادمة لأن من الشروط الا يكون قد مضى على الحصول على الشهادة الثانوية اكثر من سنة يكون الطالب مقيد فيها باحدى الكليات الجامعية او بمعهد عالي و المعهد ده مش عالي الا لو هقدم في المعهد الفني للقوات المسلحة و ده بيدي دبلوم فني و بيدي رتب ضباط عادية و هلاقي امة لا اله الا الله بتنافسني عليه و كلهم هيكونوا صنايع مش ثانوي عام.هو انا اصلا مقدمتش السنادي لأن الكلية الفنية العسكرية و الدفاع الجوي هم بس اللي بيدوا بكالريوس هندسة لكن الفنية طبعا مجموعي ميجبهاش و الدفاع الجوي لازم تكون درجتي في رياضة 2 مش اقل من 35 و انا جايب 34,5 مع ان مواصفاتي البدنية كويسة جدا بس كمان حسيت اني هتخنق من العسكرية فحتى و طبعا العسطرية عمرها متكون مضمونة .
و المعهد= نقاش مع اهلي بس انا لو قررت هيقولولي انت حر مش هنمنعك بس ذنبك على جنبك.
و المعهد= اني هتخرج بعد سبع سنين يعني بعد زمايلي بسنتين تلاتة.و ان كلية الهندسة مش مضمونة 100%.يعني ممكن لاقدر الله بعد ما اضيع سنة اجيب مجموع وحش و ارجع علوم و اكون خسرت كل حاجة من غير ما اكسب اي حاجة.و هو بالمناسبة هيسمحولي ارجع علوم بعد ما احول منها؟
و المعهد=فرصة اني احقق حلمي اني ابقى مهندس.بس كأني هعيش الثانوية العامة تاني مذاكرة و اعصاب.بس برضه حاسس ان المذاكرة هتبقى خفيفة لأني معايا ثانوية عامة و بمجموع مش قليل ده غير ان الدراسة بالعربي مش زي الكلية و اسمع ان المنهج بالنسبة لبتوع الثانوي العام بيبقى سهل و بعضه بيكونوا خدوه قبل كده.و انا ليا واحد صاحبي جاب مجموع قليل او فدخل معهد فني تجاري بدل خدمة اجتماعية عشان يدخل تجارة فبقول لنفسي اذا كان ده هيضيع سنتين عشان يدخل تجارة يبقى انت متضيعش سنتين عشان تدخل هندسة و بعدين ارجع اقول بس هو مكانش قدامه كليات لكن انا قدامي زائد انه هو ضامن انه يدخل لان مجموع التجارة مش كبير زي الهندسة.
في المقابل الكلية = امكانية التقدم للكليات العسكرية غبر الفنية و الدفاع الجوي للاسباب المذكورة. و كمان الكلية= هتخرج مع كل زمايلي. و هضطر استحمل الصعوبة و الخنقة اللي ابتديت احس بيها.هشتغل في اي شركة صناعات كيميائية.و مش هكون حققت حلمي باني اكون مهندس. و هتفضل عندي عقدة كل ما اشوف حد من صحابي اللي في هندسة.
هو طبعا ممكن بعد التخرج من الكلية التقدم للاكاديمية العسكرية اللي بتخرج ضباط متخصصين سواء علوم او هندسة و كله.
اعتقد دي بالنسبالي كل المزايا و العيوب مش عارف ايه الاحسن بمزاياه و عيوبه.
انا طبعا لو الاسبوع ده عدى من غير ما اقدم يبقى خلاص .. و خليكم عارفين انكم بتكلموا اكثر انسان متردد في العالم.
"اللهم اني استخيرك بعلمك و استقدرك بقدرتك...." يا رب انا دماغي هتنفجر من التفكير.
محمد.فوكس 11-10-2008, 07:23 PM ايه يا جماعة مبتردوش ليه .... ساعدوني يا جماعة و خليكوا معايا.
و بعدين في حاجة مهمة اوي ... النهاردة كنت بكلم واحد معايا في الكلية بيقولي ان في واحد صاحبه كان جايب 89 و جاله علوم السنة اللي فاتت و راح المعهد ده و قالي انه مش مبسوط او مش مرتاح يعني.. المهندسين بيعاملوا الطلبة اللي قدامهم على انهم كلهم صنايع و عشان هم فاكرين ان كلمة صنايع يبقى عيال مش كويسة و واخدين فكرة غلط.
و قال انك لو مخدتش كورس ب180 في الشهر عند المهندس مش هيديلك اعمال السنة اللي تساعدك بجد في المجموع و التقدير.
و الاهم بقى انه قالي بس انا مش واثق اوي من كلامه في الموضوع ده .. ان اللي بيدخل المعهد ده لازم يكمل فيه حتى لو جاب مجموع وحش في اولى يعني لا ينفع يرجع علوم ولا اي حاجة غير علوم .. هو اللي قالي كده.
و طبعا كل الكلام ده زاد الطين بلة لأني اصلا من غير حاجة كنت متردد و حالتي لا احسد عليها.
shimagad_91 11-10-2008, 11:04 PM ايه يا جماعة مبتردوش ليه .... ساعدوني يا جماعة و خليكوا معايا.
و بعدين في حاجة مهمة اوي ... النهاردة كنت بكلم واحد معايا في الكلية بيقولي ان في واحد صاحبه كان جايب 89 و جاله علوم السنة اللي فاتت و راح المعهد ده و قالي انه مش مبسوط او مش مرتاح يعني.. المهندسين بيعاملوا الطلبة اللي قدامهم على انهم كلهم صنايع و عشان هم فاكرين ان كلمة صنايع يبقى عيال مش كويسة و واخدين فكرة غلط.
و قال انك لو مخدتش كورس ب180 في الشهر عند المهندس مش هيديلك اعمال السنة اللي تساعدك بجد في المجموع و التقدير.
و الاهم بقى انه قالي بس انا مش واثق اوي من كلامه في الموضوع ده .. ان اللي بيدخل المعهد ده لازم يكمل فيه حتى لو جاب مجموع وحش في اولى يعني لا ينفع يرجع علوم ولا اي حاجة غير علوم .. هو اللي قالي كده.
و طبعا كل الكلام ده زاد الطين بلة لأني اصلا من غير حاجة كنت متردد و حالتي لا احسد عليها.
بص اولا انا عايزة اقولك على حاجة انا كنت مترددة زيك كده ويمكن اكتر منك شوية بس انا من قبل مااقدم فى علوم كنت مش مرتاحلها وقررت فى الوقت المناسب وثانيا ماتسنعش كلام كتير واعمل اللى يرضيك انت ثالثا وده الاهم موضوع الكورسات انا قولت عليه قبل كده لانى سألت المهندسين بتوع المواد نفسهم وانا هااتفق معاهم بكرة ان شاء الله والكورسب150جنيه بس للترم يعنى مش فى الشهر وبعد كده احنا اتبهدلنا فى ثانوية عامة جدا سواء مصاريفها او تعب لاعصاب وصدقنى المعهد مايجيش ربع التعب اللى فى ثانوية عامة ده اذا ماكانش اقل وانا ماتتخيلش انا مبسوطة اد ايه فى المعهد ةخصوصا لما جبت الادوات حسيت اننا قربت من حلمى بجد وهااقولهالك تانى اعمل اللى يريحك انت وبعدين على موضوع ان الدكتور بيعامل على اننا صنايع لا والله خالص وانت لو بتفكر فى المنظر يبقى عمرك ماهاتحقق اللى انت عاوزه واتمنى انى اكون افدتك:d
محمد.فوكس 13-10-2008, 08:54 PM طيب يا ريت يكون كلامك صح بالنسة لموضوع الكورسات
انتي كان جايلك آداب ولا علوم؟؟؟
ممكن بقى تقرأي الكلام اللي انتي مردتيش عليه اوما شوفتيهوش اللي هو قبل اللي انتي اقتبستيه.
عشان في نقطة مهمة جدا.
و كمان يا ريت تقولولي الجدول بتاعك .. و انتي كنتي ثانوية عامة زيي فلو عرفتي محتويات المناهج بتاعت الفيزياء و الرياضة قوليلي تقديرك ليها ايه بالنسبة للي احنا خدناه اسهل ولا اصعب و لا خدنا اكتر منه و لا في حاجات مخدنهاش
مستني الرد
shimagad_91 13-10-2008, 10:36 PM طيب يا ريت يكون كلامك صح بالنسة لموضوع الكورسات
انتي كان جايلك آداب ولا علوم؟؟؟
ممكن بقى تقرأي الكلام اللي انتي مردتيش عليه اوما شوفتيهوش اللي هو قبل اللي انتي اقتبستيه.
عشان في نقطة مهمة جدا.
و كمان يا ريت تقولولي الجدول بتاعك .. و انتي كنتي ثانوية عامة زيي فلو عرفتي محتويات المناهج بتاعت الفيزياء و الرياضة قوليلي تقديرك ليها ايه بالنسبة للي احنا خدناه اسهل ولا اصعب و لا خدنا اكتر منه و لا في حاجات مخدنهاش
مستني الرد
oبص انا كنت ثانوية عامة وكان جايلى اداب وليا علوم بس اقاليم وانا حولت زى ماقولت قبل كده للمعهد عشان اعرف ناس حولت منه على هندسةوانا جدولى بيبقى عندى كل يوم محاضرة او محاضرتين زمفيش فيزيا عندى بس اللى اعرفه ان فى فيزيا لاقسام غير الاقسام المتاحة لبتوع الثانوية العامة زى تبريد وتكييف كده وانا لغاية دلوقتى اخدت محاضرتين بس وهما رسم هندسى وهو باين من اسمه مش محتاج لشرح والمادة التانية هى خواص مواد وهى عاملة زى الكيميا بالظبط وهى كانت النهارده وخدنا مبادئ فى الكيميا ء والمواد لغاية دلوقتى سهلة الحمد لله وقوللى ايه النقطة المهمة بالظبط اللى انت عاوز تستفسر عنها
محمد.فوكس 13-10-2008, 11:01 PM طيب النقطة المهمة هي ان واحد زميلي في الكلية قالي ان اللي يدخل المعهد لازم يكمل فيه و مينفعش يحول بعد سنة لاي كلية تانية.
و بعدين هو انتي شعبة ايه ... ازاي مفيش فيزياء الفيزياء اهم حاجة... بس على فكرة في كلية العلوم مادة "خواص المادة" جزء من مقرر الفيزياء.
بالنسبة للجدول يعني كل يوم محاضرتين..ولا ايه ... و بالنسبة للعملي طيب ايه نظامه.يعني يا ريت لو تقولي الجدول بتاعك المحاضرات و العملي.. و بالنسة لتوزيع الدرجات على العملي و التحريري و اعمال السنة عايز اعرفه.
القطه 13-10-2008, 11:32 PM قمه الصبر ان تسكت وفى قلبك جرح يتكلم
وقمه القوه ان تبتسم وفى عينك ااااااااااالف دمعه
محمد.فوكس 15-10-2008, 07:19 PM يا جماعة ارجوكم تدخلو .. و بالذات شيماء و القطة .. يا ريت يا شيماء تدخلي باستمرار اليومين دول بالذات و تردي على اسئلتي اللي كتبتها و لسه ما شوفتيهاش
shimagad_91 15-10-2008, 10:31 PM طيب النقطة المهمة هي ان واحد زميلي في الكلية قالي ان اللي يدخل المعهد لازم يكمل فيه و مينفعش يحول بعد سنة لاي كلية تانية.
و بعدين هو انتي شعبة ايه ... ازاي مفيش فيزياء الفيزياء اهم حاجة... بس على فكرة في كلية العلوم مادة "خواص المادة" جزء من مقرر الفيزياء.
بالنسبة للجدول يعني كل يوم محاضرتين..ولا ايه ... و بالنسبة للعملي طيب ايه نظامه.يعني يا ريت لو تقولي الجدول بتاعك المحاضرات و العملي.. و بالنسة لتوزيع الدرجات على العملي و التحريري و اعمال السنة عايز اعرفه.
ب[SIZE="4"][COLOR="RoyalBlue"]ص بالنسبة لموضوع انك ماينفعش تحول لكلية ده مش مظبوط لانى سألت فى الموضوع ده وعرفت انه ينفع لانى قولت لو ماجبتش السنة دى تقدير لاقدر الله ان شاء الله هاحول على خاص لان نظام المعهد ان التقدير تراكمى زى الثانوية العامة كده ده اذا ماكنتش عارف وانا دخلت فى المعهد شعبة مدنى وموادى هى :
رياضة ودى مادة سهلة جدا بالنسبة لنا اللى هو بتوع الثانوية العامة يعنى لان الحاجات احنا عرفنها قبل كده وهى بتتقسم لكذا فرع زى التفاضل اللى هو مشتقات وكده وتكامل وفى احصاء وفيها احتمالات وفى محددات ير بتاعة الثانوية العامة بالعكس اسهل بمليون مرة وعندى مادة اسمها رسم هندسى وددى مادة لذيذة موت فى دراستها ومش صعبة وعندى eعبيط كده برضو وخواص مواد وهى فيها حاجات من الكيميا على الفيزيا وفيه دراسات بيئية بس السه معرفش عنها حاجة عشان لسه ماخدتهاش واول محاضرة فيها بكرة ان شاء الله بس هى مادة نظرى يعنى وفيه تكنولوجيا معلومات ودى كمبيوتر وبس كده والموضوع والله بسيط خالص مش معقد زى ماانت متصوروبالنسبة للجدول انا عندى بالكتير فى اليوم 3مواد والعملى اللى هو الورشو الدكتور قالنا ماتخافوش انا بادى درجات حلوة مادام اللى معايا بيلتزم وبالنسبة لتوزيع الدرحات انا لسه ماعرفتش كل المواد بس عرفت الانجليزى من50درجة عليهم 20درجة:) اعمال سنة وفى مواد من 100درجة بتبقى عليها حوالى 40درجة اعمال سنة ولما اعرف ان شاء الله هابقى اقولك الباقى وعلى فكرة فيه حاجةكمان انه انا عرفت انا الدروس ب200جنيه فة الترم للمادة الواحدة والمجموعةب60جنيه قوللى فى الترم وانا ان شاء الله هابقى اخد فى المواد المهمة اوى دروس والباقى مجاميع ولو عوزت اى حاجة تانى ابقى قوللى
محمد.فوكس 16-10-2008, 12:39 PM ايه ده.. أنا لو دخلت و مجبتش مجموع كويس اول سنة عايز ارجع علوم تاني ده ينفع ولا لأ؟.. مش بتكلم على الكليات الخاصة.
ممكن بعد اذنك لو مافيهاش مضايقة نتكلم على الايميل في الوقت اللي تحدديه عشان اسأل عن كل اللي أنا عايزه مرة واحدة ..
لأن بالطريقة دي الرد بيبقى بطيء و انا عارف انك اكيد مش فاضية عشان تدخلي كل شوية عامنتدى
فيا ريت نتكلم في الوقت اللي تحدديه عشان اسأل عن كل اللي أنا عايزه عشان خلاص يوم عشرين آخر معاد.
الياهوو ماسنجر بتاعي fox.power
يا ريت في اسرع وقت.
محمد.فوكس 16-10-2008, 01:00 PM و يا ريت كمان باقي الاعضاء لو حد يحب يشارك بنصيحة او معلومة او رأي في الموضوع ده
محمد.فوكس 18-10-2008, 08:33 PM ايه يا جماعة آخر يوم للتحويل بكرة و محدش بيرد..
يا ريت اي حد يدخل يقرا الكلام بتاعي و يرد
القطه 19-10-2008, 01:25 PM معلش يا محمد انا اسفه والله بس انا فعلا مشغوله جامد ولسه داخله الموقع النهارده بس شيماء قامت معاك بالواجب وكل الكلام اللى شيماء قالته صح 100% بس قولى انتا حولت ولا لاء ومره تانيه بقولك انا اسفه على التاخير اعذرنى وربنا يوفئكم
محمد.فوكس 20-10-2008, 01:12 AM بصوا يا جماعة طبعا النهاردة كان آخر يوم قانونا لأن ده فات على الدراسة شهر في التحويلات فاضطريت اني افاتح اهلي في الموضوع لأن مفيش وقت.
و يا ريتني ما اتكلمت..قالولي معهد ايه..الكلية محترمة و ارضى بقى باللي جالك..وكلام كتير من هذا القبيل مما أدى الى اني مقدرتش اعمل اي خطوة في التحويل و بالتالي تقريبا 99,9 % أنا مش هحول او على الاقل فرصتي في التحويل خلاص قفلت.
عايز اخلص بقى من الدراسة و اشوف حالي.
القطه 20-10-2008, 12:51 PM بص يا محمد مدام صليت صلاه الاستخاره والموضوع انتهى على كده اعرف ان ده نصيبك وربنا اختارك الخير يمكن لوكنت دخلت المعهد كنت حصلك حاجه اكيد المعهد كان شر ليك علشان كده ربنا بعده عنك وارضا بنصيبك واحمد ربنا وحاول انك تحب كليتك علشان تقدر تمشى وتبدع فيها قول لنفسك لازم اكون الاول على الدفعه اللى بيطلع الاول مش احسن منك عنده عقل ذيك ويمكن يكون مش ذكى ذيك انتا ممكن تعمل اللى المهندسين مقدروش يعمله استعين بالله وربنا هيكرمك يمكن فى يوم من الايام تبقا دكتور فى الكليه مش بعيد على ربنا انا هدعيلك وابقا ادعيلى ربنا يوفقنى وانجح فى المعادله
محمد.فوكس 20-10-2008, 01:17 PM هو الحقيقة أنا كنت خلاص عايز احول و شبه واخد قرار لأني كنت غير مبالي و أنا في الكلية لا بشتري كتب ولا بعمل اي حاجة و بقوت محاضرات.
لكن هو كل المشكلة في الرد العنيف او الصادم بالنسبالي لما كلمت اهلي في الموضوع.
و بعدين هو انتي لقيتي فعلا معادلة ليكي؟
القطه 21-10-2008, 04:29 PM هو الحقيقة أنا كنت خلاص عايز احول و شبه واخد قرار لأني كنت غير مبالي و أنا في الكلية لا بشتري كتب ولا بعمل اي حاجة و بقوت محاضرات.
لكن هو كل المشكلة في الرد العنيف او الصادم بالنسبالي لما كلمت اهلي في الموضوع.
و بعدين هو انتي لقيتي فعلا معادلة ليكي؟
معلش يا محمد بس صدقنى لو كان المعهد خير ليك كنت رحتوا من زمان وبعدين كليه العلوم ملها مش قابلها ليه
لازم تحب مجالك علشان تقدر تعيش جواه وانتا راضى بدل ما تكون جواه غصب عنك وزهأن كليه علوم كليه جميله
وفعلا طلع انى ليا معادله وسالت فى كليه الهندسه
انا خايفه ادعيلى ربنا يوفقنى وانجح الموضوع مش سهل ده طلع كبير ربنا يستر
المحب لله 21-10-2008, 11:47 PM السلام عليكم ورحمه الله وبركاته
وحشنى المنتدى واعضاؤه بعد غياب طويل بس والله الواحد مشغول فى المعهد الجميل قوى ده وربنا يكرم يارب
ازيك يا قطه ومحمد فوكس ايه اخباركم ربنا يوفقك يا محمد فى العلوم وارضه بنصيبك وفكك بلا هندسه بلا كلام
فاضى ولا هى مصر كلها كانت فى هندسه ولا احمد زويل طلع من هندسه وربنا يارب يكرمك يا قطه ويوفقك فى
المعادله وابقى طمنينا اول باول وقلولى كنتى بتاخدى كورسات ولالا لانى كنت ناوى مخدش بس الموضوع كده
مش تمام فى مهندسين مفيش ضمير عندهم وبيكروتوا وبيقولوا ان اعمال السنه حياخدوها بتوع الكورسات!!:078111rg3: تحياتى للجميع والى الملتقى بحول الله
محمد.فوكس 21-10-2008, 11:50 PM ايه يا عم انت فينك كل ده .. مش لاقي نص ساعة تخش المنتدى؟
المحب لله 22-10-2008, 08:55 AM ايه يا عم انت فينك كل ده .. مش لاقي نص ساعة تخش المنتدى؟
والله المشكله انى بسافر مش مقيم فالواحد بيرجع مهدود وينام اتانى يوم وهكذا
القطه 23-10-2008, 01:00 PM السلام عليكم ورحمه الله وبركاته
وحشنى المنتدى واعضاؤه بعد غياب طويل بس والله الواحد مشغول فى المعهد الجميل قوى ده وربنا يكرم يارب
ازيك يا قطه ومحمد فوكس ايه اخباركم ربنا يوفقك يا محمد فى العلوم وارضه بنصيبك وفكك بلا هندسه بلا كلام
فاضى ولا هى مصر كلها كانت فى هندسه ولا احمد زويل طلع من هندسه وربنا يارب يكرمك يا قطه ويوفقك فى
المعادله وابقى طمنينا اول باول وقلولى كنتى بتاخدى كورسات ولالا لانى كنت ناوى مخدش بس الموضوع كده
مش تمام فى مهندسين مفيش ضمير عندهم وبيكروتوا وبيقولوا ان اعمال السنه حياخدوها بتوع الكورسات!!:078111rg3: تحياتى للجميع والى الملتقى بحول الله
الله يسلمك وحشتنى والله انا خلاص قررت مش عامله معادله السنادى بالنسبه للكورسات مكنش باخد كورسات
فى سنه اولى بس خات فى سنه تانيه بس مش عند المهندسين كنت باخد بره عند واحد خريج كليه تعليم صناعى قسم عماره وطول السنتين مختش عند حد من المهندسين غير مره واحده فى سنه تانيه فى ماده رسومات تنفيذيه
القطه 23-10-2008, 01:04 PM على فكره سنه اولى سهله جدا الصعب فى سنه تانيه بس لو المهندس ندل روح خد عنده احسن نصيحه حتى لو فاهم الماده
المحب لله 23-10-2008, 10:44 PM على فكره سنه اولى سهله جدا الصعب فى سنه تانيه بس لو المهندس ندل روح خد عنده احسن نصيحه حتى لو فاهم الماده
والله اكترهم اندال ومنهم بتاع الرسم مفيش شرح يدخل يقول المسائل الى قدامكم تنحل وتتسلم وهو ده غياب المحاضره وحيتحط عليها درجات وطول المحاضره زعيق وشتايم وسحب كرنيهات وسفاله وقله ادب. بس انتى كان ايه اخبار اعمال السنه كنتى بتاخديها كامله ولا ايه ؟ وياريت توضحى ايه نظامك ليه مش حتعملى معادله ؟ راى انك تاخدى بالاسباب وان شاء الله ربنا يكرمك
القطه 24-10-2008, 10:16 PM والله اكترهم اندال ومنهم بتاع الرسم مفيش شرح يدخل يقول المسائل الى قدامكم تنحل وتتسلم وهو ده غياب المحاضره وحيتحط عليها درجات وطول المحاضره زعيق وشتايم وسحب كرنيهات وسفاله وقله ادب. بس انتى كان ايه اخبار اعمال السنه كنتى بتاخديها كامله ولا ايه ؟ وياريت توضحى ايه نظامك ليه مش حتعملى معادله ؟ راى انك تاخدى بالاسباب وان شاء الله ربنا يكرمك
فعلا المهندسين سورى اندال ومعفنين بتوع فلوس بس مش كلهم الحق يتقال فى مهندسين والله كانوا بيعملونا ذى ولادهم
فاكر 11 نصيحه اللى كتبهم قبل كده امشى عليهم طول السنتين وانتا تفلح يمكن فى حاجات نسيت اكتبها
او عدت عليا مش مهم المهم انك تعمل بالموجود اوكى
اعمال السنه بالنسبالى يعنى كانت حسب ضمير المهندس لو انسان محترم وبيخاف ربنا يدينى حقى على قد ما تعبت اما بقا لو المهندس ندل ومعفن مهما عملت يدينى صفر بل والشباب زياده شويه يديهم ذى ما انتا شايف:slap1qk6: شوفت
اهو دا جزاء اللى ميخدش كورس وممكن يوصلك انك تتجنن :romarioxp6:ذى ما انتا شايف
اما المعادله الناس مخوفنى ومخلينى مرعوبه لدرجه انى مش قادره اخد قرار عمرى ما كنت ضعيفه كده:(
المحب لله 25-10-2008, 06:01 PM اما المعادله الناس مخوفنى ومخلينى مرعوبه لدرجه انى مش قادره اخد قرار عمرى ما كنت ضعيفه كده:([/quote]
عندك حق فى مهندس بيدينى فى الكورس كنا منتكلم فبقوله فى معادله قام طالع فيا وقالى معادله ايه ونيله ايه دى صعبه ودى ودى ....... بيقولى هى مواد ثانويه عامه بس انا لو منك والله لاعملها طالما فى فرصه جربى وربنا يكرمك
المحب لله 28-10-2008, 08:36 PM معلش يا قطه عايز اخد رايك فى حاجه انا بصراحه مش مستريح لقسم مدنى لان كله عملى وعايز واحد ينزل
مواقع عشان يفهم والمهندسين بيشرحوا على الهوا وكل او اكتر الى فيه من صنايع قسم بناء او خرسانه فهما
تمام وماشين لان الحاجات دى واخدنها من قبل واى تقارير رسم يعملوها وانا اتبهدل وفى الاخر معرفش اعملهم وحتى مهندسين مدنى مزبله جدا
وانا سمعت ان قسم كهرباء شبكات قسم حلو وسهل وحتى عندهم يوم اجازه وجدولهم مريح ايه رايك احول ؟
ولو تعرفى اى حاجه عن كهرباء ياريت تقوليلى ومعلش طولت عليكى ولكى جزيل الشكر:)
القطه 30-10-2008, 04:31 PM معلش يا قطه عايز اخد رايك فى حاجه انا بصراحه مش مستريح لقسم مدنى لان كله عملى وعايز واحد ينزل
مواقع عشان يفهم والمهندسين بيشرحوا على الهوا وكل او اكتر الى فيه من صنايع قسم بناء او خرسانه فهما
تمام وماشين لان الحاجات دى واخدنها من قبل واى تقارير رسم يعملوها وانا اتبهدل وفى الاخر معرفش اعملهم وحتى مهندسين مدنى مزبله جدا
وانا سمعت ان قسم كهرباء شبكات قسم حلو وسهل وحتى عندهم يوم اجازه وجدولهم مريح ايه رايك احول ؟
ولو تعرفى اى حاجه عن كهرباء ياريت تقوليلى ومعلش طولت عليكى ولكى جزيل الشكر:)
لا عادى انا تحت امرك
بص يا سيدى انا اللى اعرفه ان ممنوع التحويل من قسم لاخر يمكن النظام اتغير عموما اتاكد
ولو فى تحويل مدام انتا مرتاح للقسم ده روحه بس تصلى استخاره قبل ما تعمل اى حاجه
بالنسبه لقسم الكهرباء انا سمعت انه سهل بس برده اتاكد من كلامى لانى مكنتش على اتصال بحد من القسم ده الصراحه
بالنسبه لقسم المدنى انا عارفه انه متعب لان اكتر ناس بيتعبوا هما عماره ومدنى لان الدراسه بتاعته جامده شويه عن الاقسام التانيه وعندنا العملى مهم جدا ومتعب
وعاوزه اقولك حاجه انا كنت ذيك ويمكن اصعب لانى مكنش عندى فكره خالص عن البناء يعنى انا ابتديت من الصفر وكنت بعانى ان الشباب كانوا شطار جدا لانهم درسوا الكلام ده ومع مرور الوقت اتعوت وبقا عادى وكمان بقيت اشطر من ناس كتير
انتا حاول انك تذاكر اول باول ياريت تشوف واحد صنايع شاطر يكون صحبك وتذاكروا سوا على فكره اسهل سنه تعرف تجيب فيها تقدير سنه اولى والله سهله والمواد مش جامده ذى سنه تانيه انتا شد حيلك واصبر واستحمل
بس هوا ايه الصعب بالنسبالك مواد ايه يعنى الانجليزى سهل جدا الرياضه تافه اكيد درستها فى الثانوى
ماده خواص مواد عايزه حفظ ماده الدرسات البيئيه انا عارفه انها كلها كلام متكرر وبيعيد نفسه بس هيا فى الاخر بتتكلم عن التلوث لخص الكتاب باسلوبك واحفظه اما الرسم ده محتاج تركيز فى المحاضره والتطبيق فى نفس اليوم وتسليم اللوح وماده تكنولوجيا المعلومات بتتكلم عن الكمبيوتر حاجات تافه كلنا عرفنها برنامج الاكسل والبوربوينت واعراض الفيرس الخ حاجات انتا اكيد عرفها ومن السهل تطبيقها
والورشه محتاجه الحضور المستمر وعمل التقارير المطلوبه وسهل انك تعملها من على النت
لو عندك اى استفسار قوله علشان احتمال بعد كده متخلش الا قليل جدا انا فى الخدمه
القطه 30-10-2008, 04:38 PM لو فى ماده مش عارف تذكرها ازاى قولى وانا اقولك تعمل ايه انا عوزاك تجيب امتياز لان لو جبت امتياز فى اولى هتجيب امتياز فى تانيه
ولو جبت جيد جدا هتجيب ذيه فى تانيه علشان كده لازم تجيب امتياز بنسبه عاليه
المحب لله 31-10-2008, 07:55 AM شكرا لردك والله المواد مش صعبه جامد بس فى مواد غتته اوى منها الدراسات البيئيه ماده زباله والمهندس
معلش بقى ازبل يدخل يشرح لو حد اتكلم يسيب الجزء الى كان بيشرحه ويدخل على الى بعده ويقول لو اتكلمتم
تانى حسيب المحاضره والدرس اتشرح . المواد الباقيه عاديه بس الورش انا مش قد كده فيها عايزه واحد نازل
مواقع وشايف عملى عشان يفهم ده المهندسين بيدوهنا نظرى كله تعريفات .الرسم بقى كورسات شرحه سئ
جدا وطول المحاضره زعيق وشتايم وت.م لسه مخدناش ولا درس فيها او انا الى مخدش حاجه فيها مقسمنا اربع
مجاميع وانا فى الرابعه الساعه 12.45 اروح فى الميعاد يقولى احنا خلصنا خلاص شغل استهبال فى استعباط.
وبعدين المهندسين مش حلوين فى شرحهم ضميرهم مواعيدهم يلا عموما ربك يكرم هى سنه ولا اكتر وانا
خلاص قررت مفيش تحويل حذاكر الى عليا وربك ييسر وبعدين دى اعراض اى واحد يمر بيها لانها مواد جديده بس والله لما كلمتك كنت فعلا ححول ورحت للاداره وسالت .
و التحويل بيقولولى ممنوع معرفش ليه المهم شكرا لردك جدا وطمنينا عليكى شغاله معادله ولا ايه ودخلتى تعليم صناعى ولالا؟ معلش طولت جامد سلام:078111rg3:
القطه 31-10-2008, 11:13 PM ممنوع التحويل علشان كل شعبه ليها عدد معين للطلبه ومينفعش يزيد عن العدد المحدد وغير كده كمان هما بيحبوا ينفذوا الاومر اللى ذى دى بحيث يجبلك احباط وما شابه ذلك وبالنسبه ليا مش عرفه اعمل ايه ادعيلى
دايما الجمله دى فى بالى((انت تريد....... وانا اريد.......... والله يفعل ما يريد))
الخير فيما يختاره الله
ادعيلى يا محب
محمد.فوكس 01-11-2008, 08:13 PM ايه يا جماعة اخباركوا ..
ايه يا تنسيم .. ايه الاخبار ؟
لسه في الحيرة ولا ايه؟
ربنا معاكوا:).. و معايا:(
المحب لله 01-11-2008, 08:18 PM ربنا يوفقك يا تسنيم يارب ويقدر لكى الخير حيث كان
ازيك يامحمد عامل ايه وايه اخبار العلوم ربنا معانا كلنا
bosee 30-12-2008, 10:28 AM انا كنت فى ثانوى عام فى سنة تانية ادبى اللى هى سنة2004 طبعا كلكم سمعتوا عن الامتحانات فى السنة دى كان مجموعى فى السنة دى 61%وقررت وقتها انى احول وحولت تمريض وانا لسة متخرجة من التمريض السنة دى وبشتغل بقالى 10 شهور وعايزة اكمل الثانوية العامة اية رايكم حد يفيدنى ياجماعة ارجوكووووووووووووووووووووووووووووووووووووووووووو
انا بوسى
|