ماشي خلاص؟
طب هتسيبنا قولي لمين؟
ماشي خلاص؟
دا انا بتمنى تبقى سنين
دا انا بتمنى تفضل دايماً
تاخد ايدي وايد الأمة في ايد الدين
ماشي .. وتفضى تاني جوامع كانت زحمة
ماشي .. وتنشف فينا مدامع جريت رحمة
ماشي خلاص؟؟
دا انا صعبان على عيني تشوف آخر أيامك
دا انا تعبان اكمني هفارق جو صيامك
خدني معاك ابقى خدامك
ماشي خلاص باصص ادامك؟
يااااااااا رمضان
يا حبيبي الغالي.. يا نور الدنيا بحالها
وحالها بيحلى لما تجيها
ألاقيها فرحت ضحكت
م القسوة اتغسلت
طلة اول يوم بهلالك
ينجى الهالك
يرحم ربي في اول عشرة
يغفر ربي في تاني عشرة
أما التالتة عتق و وعد من الرحمن
ندخل باب في الجنة كبير
اسمه الريان
يا رمضان
امشي بنور الله وسلامة ..
بس اوعى تتأخر ياما ...
هل بسرعة تاني الينا ....
قبل ما تنشف تاني عنينا ....
بس ادينا احلى هدية ..
قبل ما تمشي ..
عايزين وعدك إننا نخرج منك أٌقوى ...
نلقى قلوبنا مليها التقوى ...
ياااااااااااااااا رمضان
ايوه بحبك ..
حب عظيم من عظمة جاهك ..
أيوه بحبك ...
حتى ان لمني فيك الجهلة والحساد ...
أيوه بحبك ...
حتى إن غبت وطفت أكيد تاني هتنعاد ...
بس يا رب اتقبل مني صيام وقيام ...
اتقبل مني القرآن ...
نفسي يارب ...
افضل عايش وألقى حبيبي ويرجع تاني...
يرجع تاني شهر الفرقان ...
ترجع تاني يا رمضان
ياااااااااا رمضان
أشهد أن إلهي الواحد هو الله ...
أشهد ان نبي محمد عبد الله
رسول الله ...
صلى الله عليه وسلم
هو حسبي وعليه توكل من أسلم

جزاك الله خيرا
كلمات طيبه ومؤثرة

فى امان الله

عليه افضل الصلاة والسلام
جزاك الله كل خير يا احمد
بجد تسلم ايدك

شكرا اخوتي الأعزاء وجزاكم الله خيراً وتقبل منكم الصيام والقيام آمين يا رب العالمين

هو ده الكلام .......ممتاز تقبل الله منك هذا العمل الجميل
القصيدة جامدة ..............مزيد من التفوق

أخي الفاضل شكراً على مرورك الرائع وتقبل الله منا جميعاً

جميـــــــــــــــــــــــــــــــــــــــــــــــ ـــــــــــــــــــــــــــــل جـــــــــــــــــــــــــــــــــــــــــــــــــ ـــــــــــــداااااااااااااااااااااااا
اه والله كلام تحفه

شكرا لمرورك وكل عام وانت بخير

اوصيكم بالعشر الأواخر

اسفه لان ردى جه متاخر بس والله انا لسه شايفه الموضوع الرائع ده
والله جميل جداااااا وجزاك الله كل خير على تقديمه لنا

شكراً على مرورك اختي الفاضلة وجزاك الله خيرا

جزاك الله خيرا

جزانا وإياك أخي الفاضل وكل عام وأنت بخير

كل عام وانتم جميعاً بخير