monosh@
15-09-2008, 10:14 PM
فيه سؤال ادارى عايزه اسئله لحضرات الموجهين و خاصة موجهى اللغة الانجليزية:
انا مدرسة فى قرية وكان على الدور انز ل المدينة السنة دى بس انا مقدمتش طلب نقل لظروف خاصة و نقلوا مدرس احدث مني للمدرسة اللى انا كنت عايزاها و قدمت عشانها طلبات نقل فى السنين اللى فاتت
ممكن السنه اللى جايه اقدم طلب نقل لنفس المدرسة و االمدرس ده يروح مدرسة تانية و خاصة انه احدث منى فى التعين؟
miss mona
nasrcomp
16-09-2008, 12:16 AM
لا توجد اى مشكلة وكل سنة ولها ظروفها
الاستاذ محمد سرور
17-09-2008, 02:26 AM
فيه سؤال ادارى عايزه اسئله لحضرات الموجهين و خاصة موجهى اللغة الانجليزية:
انا مدرسة فى قرية وكان على الدور انز ل المدينة السنة دى بس انا مقدمتش طلب نقل لظروف خاصة و نقلوا مدرس احدث مني للمدرسة اللى انا كنت عايزاها و قدمت عشانها طلبات نقل فى السنين اللى فاتت
ممكن السنه اللى جايه اقدم طلب نقل لنفس المدرسة و االمدرس ده يروح مدرسة تانية و خاصة انه احدث منى فى التعين؟
miss mona
الموضوع حضرتك متوقف على العجز والزيادة داخل الادارة او داخل المدرسة المراد النقل اليها
ومن الاخر حضرتك تشوفى عضو مجلس شعب او عضو مجلس محافظة علشان يخلص ليكى الموضوع
واعتقد ان دة اللى عمله المدرس اللى اتنقل وهو احدث منك فى التعين
لكن موضوع الطلبات اللى بيتوافق عليها من غير تزكية من حد مهم بقت من المعجزات
حضرتك لو دخلتى موقع الوزارة حتلاقى طلبات تعاقد المدرسين الجدد مع الوزارة
هو عبارة عن نموذج طلب توظيف
وفى اخره مكتوب عضو مجلس الشعب اللى بيزكى الطلب
هى دى الخلاصة
ربنا يوفقك للخير
القدس لنا
17-09-2008, 03:40 AM
يا اختي الموجهين هنا
موجهين في المنتدي بس
مش موجهين في الادارات التعليميه
--------------
ان شاء الله حد يكون متواجد من موجهين الادارات
ويرد علي حضرتك
ربنا يبارك فيكي
kokomarmar
25-09-2008, 07:30 PM
دور لك على واسطة او قدم هدية كويسة للموجة العام
يا عزيزى كلهم لصوص
سيف سالم
25-09-2008, 09:30 PM
العبرة بالعجز والزيادة في المدرسة المطلوب الذهاب اليها
بس طبعا لكل قاعدة استثناء ( المحسوبية )
عمادالدين عبدالله
16-10-2008, 12:26 PM
ليس لك الحق فى دخول هذه المدرسة طالما زميل أحدث منك دخلها قبلك وعلى العموم كل عام دراسى له ظروفه
الاستاذ على الدين يحيى
17-10-2008, 05:21 PM
تم نقل المدرس الأحدث منك لأنك لم تقدمى طلب معه فى نفس التوقيت
وإذا قدمت طلب العام القادم لنفس المدرسة فهذا يتوقف على العجز داخل المدرسة فى هذا الوقت ولكن ليس من الممكن نقل المدرس الأحدث من المدرسة إلا إذا كان هو نفسه زيادة عن المطلوب بالمدرسة . والأقدمية تحسب لمن هم داخل المدرسة وليس خارجها . وأنصحك بتقديم طلب النقل كل مرة وعدم التكاسل فربما تأتيك الفرصة ويكون أحد المدرسين خرج من المدرسة لأى سبب .
التوقيع : موجه إدارى
سبحان الله
البركة فى البكور
هل تتخيلى سيادك ان يتم نقل مدرس دون رغبته الا فى الحالات الضرورية لسير العمل ؟
سيادتك لم تقدمى طلب و هذا خطا وقعت فيه .
اما اذا كنت افدم من هذا المدرس و مؤهلاتك العلمية اكثر فيمكن ان تقدمى طلب و تذهب الى المدرسة \
المهم : لو كانت مدرسة لغات فالاقدمية لن تكفى و مهم تقرير فنى من الموجه العام ليثبت انك كفء و السلام عليكم .