تفتكر اول محاضره للدكتور مهمه؟؟؟؟ [الأرشيف] - بوابة الثانوية العامة المصرية

sidof

16-09-2008, 04:07 AM

ازيكو ياشباب
انا من رأى ان اول محاضره للدكتور بتبقى مهمه جدا
لان فى دكاتره بتشرح نظامها هايمشى ازاى فى اول محاضره
الى هايشتغل من الكتاب والى هايشتغل من التطبيقات
والى هايحل من امتحانات السنين الى فاتت
بمعنى انت لو حضرت اول محاضره ممكن تبقى فاهم النظام هيبقى ماشى ازاى وتبقى عامل حسابك

ارجو طرح رأيكم فى حكايه حضور اول محاضره

اكيد طبعا وخصوصا لسنه اولى
لأن بتعرفك ايه الماده اللى هتدرسها شكلها عامل ازاى وطريقة مزاكرتها وعلى الاساس ده تقدر تجيب فيها تقدير كويس

وكلام اول محاضره مش بيتنسى وهيبقى فى دماغك لأخر السنه

OWN_style1

16-09-2008, 06:03 AM

انا معاك فى الرأى ده

sidof

16-09-2008, 06:46 AM

انا عايز اسألك ياستاذ مصطفى عن شوية حاجات بخصوص تجاره القاهره

1_ فيه دروس فى كلية التجاره والدرس بيكون بكام ومين اللى بيدى الدروس اللى بيدينى فى المجموعه بتاعتى ولا؟

2_وازاى اكون مزاكروحالل كويس وفى الاخر اشيل الماده ؟ يعنى ممكن الدكتور يتعمد يسقط الطلبه طيب وهو هيستفاد ايه من ده

3_ المجموعات بيكون كام عددها تقريبا واانا مجموعه (ه)انتساب

bondok fady

16-09-2008, 09:27 AM

والله السؤال التانى اللى اقدر اجاوبه
ان الدكتور ساعته مش بيعلم الورق غالبا لانىمره اخويه كان حل فى الامتحان على اساس جيد جدا رايح شال الماده تصدق بعدها ان هو مش بقى يذاكر وماشى بمقبول فى كل المواد من غير فتح كتاب يعنى الدكاترة بالموووووووووووووووود بتاعهم مش بالعدل وباللى يرضى ربنا
تقبل مرورى
bondok

mostafa_music

16-09-2008, 03:15 PM

انا عايز اسألك ياستاذ مصطفى عن شوية حاجات بخصوص تجاره القاهره

1_ فيه دروس فى كلية التجاره والدرس بيكون بكام ومين اللى بيدى الدروس اللى بيدينى فى المجموعه بتاعتى ولا؟
اه فى دروس فى الجامعه والماده حوالى ب90 جنيه والى بيديها معيدين فى الجامعه وبيبقى متابعين الدكاتره علشان يعرفو ايه الملغى وايه اللى مقرر

2_وازاى اكون مزاكروحالل كويس وفى الاخر اشيل الماده ؟ يعنى ممكن الدكتور يتعمد يسقط الطلبه طيب وهو هيستفاد ايه من ده
هو الدكاتره ممكن تبقى شاربه حاجه وهيا بتصحح ... مش عارف والله ربنا يسامحهم:confused:

3_ المجموعات بيكون كام عددها تقريبا واانا مجموعه (ه)انتساب
المجموعه بتبدأ من حوالى 1200 طالب فيما فوق ممكن لغايه 2500 بس لو حضرو كلهم مش هاتلاقى مكان تقعد فى المدرج:d

mostafa_music

16-09-2008, 03:16 PM

فين فامبير ياجمااااااااااعه هو مش بيخش ليه
دا عامل ازمه فى المنتدى

ahmed610

16-09-2008, 11:12 PM

فامبير اتخطف ولا اية كان عامل جو جميل فى المنتدى احتمال يكون عندة مشكلة فى النت واحتمال يكون مش فاضى

sidof

16-09-2008, 11:30 PM

المجموعه بتبدأ من حوالى 1200 طالب فيما فوق ممكن لغايه 2500 بس لو حضرو كلهم مش هاتلاقى مكان تقعد فى المدرج:d
شكراا ليك

90 جنيه فى الحصه ولا فى الشهر

mostafa_music

17-09-2008, 12:26 AM

شكراا ليك

90 جنيه فى الحصه ولا فى الشهر

90 ج فى الماده الواحده

goliz

17-09-2008, 01:43 AM

انا كمان مش تجاره واعرف كويس ان اول محاضره

goliz

17-09-2008, 01:44 AM

اول محاضره مهمه جدا

sidof

17-09-2008, 01:45 AM

90 ج فى الماده الواحده
مش فاهمك يعنى ال90 بيدفعوا كل قد ايه

ه

يعنى الترم كله ب 90 جنيه بس فى الماده الواحده!!!!!!
:confused:

sallyadel

17-09-2008, 03:31 AM

aked lazem tkon mohma w enta kalamk s7 100%

mostafa_music

17-09-2008, 04:13 AM

مش فاهمك يعنى ال90 بيدفعوا كل قد ايه

ه

يعنى الترم كله ب 90 جنيه بس فى الماده الواحده!!!!!!
:confused:

ايوه
انت عندك 5 مواد فى الترم
بيبقى فى مجموعات تقويه بتبقى عند مركز البحوث الى فى خلف مدرج العيوطى
بتدفع فى المادة الواحده 90 جنيه (فى الترم يعنى)
فهمتنى؟

sidof

17-09-2008, 07:31 AM

ايوه
انت عندك 5 مواد فى الترم
بيبقى فى مجموعات تقويه بتبقى عند مركز البحوث الى فى خلف مدرج العيوطى
بتدفع فى المادة الواحده 90 جنيه (فى الترم يعنى)
فهمتنى؟

اه فهمت شكرا على الرد

mostafa_music

17-09-2008, 12:56 PM

فين ياجماعه المشاركات
ياسيدوف انت سنه اولى هـ؟؟؟

mostafa_music

17-09-2008, 12:59 PM

لو انت اولى هـ
يبقى رنا يستر عليك فى المحاسبه الماليه
علشان الدكتور الى هايديك فى المحاسبه (محمد شوقى بشادى) كان بيدينى السنه الى فاتت
والحمد لله 3/4 المجموعه شالت المحاسبه

حنان؟؟

18-09-2008, 02:14 PM

ياجماعه انا كنت عايزه اعرف حاجه هو مجموعه (أ) بتبقى من حرف ايه لايه علشان انا اسمى حنان وصحبتى اسمها آيه وهزعل اوى لو مكنتش معاها

حنان؟؟

18-09-2008, 02:15 PM

حد يرد عاليا هو مفيش غيرى هنا ولا ايه

vampire1188

18-09-2008, 05:34 PM

هوا فيه رأيين .. رأي بيقول اه ورأي بيقول لأ ..

الرأي اللي بيقول اه بيبقي معتمد على اساس فهم سياسية الدكتور الاولية في التعامل واستراتيجية الشرح خلال السيمستر كله .. بالبلدي كدا .. تعرف المادة دي نظامها ايه وبتتكلم عن ايه وبترغي في ايه ..

الرأي اللي بيقول لأ .. واللي انا من انصارهم .. بيبقي معتمد على اساس ان انا راجل بحضر طول ايام السنة .. وبتابع معا الدكتور اول بأول .. مش شرط اكون بحضر على طول .. بس ممكن محاضرة ومحاضرة .. عادي يعني ..

فسواء كدا او كدا .. المهم انك بتذاكر .. واللي بيذاكر .. مش بيذاكر من فراغ .. ماهو لازم يحضر على الاقل يشوف الدكتور دا شكله ايه ..

بس عموما .. من المتعارف عليه ان اول محاضرة في اي مادة سواء ترم اول او تاني .. بتبقي محاضرة تعارف .. سواء كانت تعارف مابين الدكتور والطلبة او تعارف مابين الطلبة والمادة ..

بس احب اقول ان المحاضرة الاولي دي بتبقي غالبا مهمة لبتوع سنة اولي ( Newcomers ) لإنهم بيبقوا لسه مش عارفين المحاضرات شكلها ايه .. ايه النظام .. الخروج والدخول والذي منه .. دا غير طبعا ان اول يوم بيبقي غالبا خنيق ليهم .. لإنهم بيبقوا سايحين على بعض ومش عارفين يروحوا شمال ولا يمين !! .. مش تريقة والله بس هوا دا فعلا اللي بيحصل ..

الواحد فيهم تلاقيه قاعد بره بيعد في صوابع ايده .. ومش عارف ان عنده محاضرة شغاله .. وتيجي تقوله يابني دا فيه محاضرة شغاله .. يقولك ايه دا والله ؟ .. ويبص في الجدول يقولك اه تصدق ؟ يا سبحان الله ..

اما لتانية وتالته ورابعة .. فعادي بقي .. بيكونوا اتسستموا على نظام الكلية .. فمابيبقاش فارق معاهم حاجة .. ان كنت احضر اول محاضرة ولا ماحضرش .. ولا ان شالله حتى ماحضرش بقية السنة .. ليه ؟ .. لإنه بيبقي عارف هوا محتاج ايه ومش محتاج ايه ..

ودا مش استئثار بالرأي .. دا رأي شخصي .. اي آراء تانية مفتوحة للنقاش ..

ردا على الانسة حنان

ياجماعه انا كنت عايزه اعرف حاجه هو مجموعه (أ) بتبقى من حرف ايه لايه علشان انا اسمى حنان وصحبتى اسمها آيه وهزعل اوى لو مكنتش معاها

لا ازعلي .. لإنها فعلا مش هاتبقي معاكي ..

مجموعة أ السنه دي واخده كل الناس اللي حروفهم بتبدأ بحرف الالف فقط .. يعني آية ، أحمد ، أسماء ، أدهم ، أميرة ..

اما مجموعة ب فبتاخد من حرف الـ ب لغاية حرف الـ ظ

نيفر مايند .. وماتكأبيش نفسك اوي .. عادي جدا .. هاتتصاحبي على ناس في مجموعتك كتيرة .. والسنه هاتعدي ..

mostafa_music

18-09-2008, 07:27 PM

ياعم فامبير
يعنى مش عجبينك الناس الى ردت دى كلها
بس فى اى سنه المحاضره الاولى بنسبه 95% مهمه
زى ما قولت قبل كده ان الدكتور بيشرح نظامه هايمشى ازاى
نيجى لحنان
زى ماقالك فامبير بالظيط
هاتخدى على كده وهاتتصحبى على ناس جديده
عايزين رأيك ياحنان فى حكايه اول محاضره
وعايزين اراء اكتر

vampire1188

18-09-2008, 08:51 PM

يابني احنا ماتخلقناش عشان نحضر محاضرات .. احنا اتخلقنا عشان نجيب تقديرات ..

ايه رأيك في الحكمة دي ؟ .. ابقي قولها في طابور الصباح بتاع الكلية بقي !!

wanda

18-09-2008, 09:23 PM

معروفة على فكرة ان اول محاضرة محاضرة تعارف

بس هو انا كان عندى سؤال كده

هو فى دكاترة بيبدأوا فى الاسبوع الاولانى يشرحوا اى حاجة

ولا كلة تعارف ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

اصل لو كلة تعارف مش هروح غير اول يوم اخلص اشتراك المترو واشوف مين معايا
وبس
ومجيش تانى الا بعد العيد

انا عارفه ان محاضراتى كلها فى مدرج (د)

وحافظت الجدول صم والجامعه كمان والاماكن اللى فيها كل ده فى يومين الله اكبر هحسد نفسى :d

ويا ريت اعرف بردو لو فى محاضرة فاتتنى وانا معرفتش اخدها من اى حد معايا (كل اللى اعرفهم لحد دلوقتى منفضين ومش هيكتبوا حاجة)

فعلا فية مكتبة بتصور المحاضرة كاملة ؟؟؟؟؟؟؟؟؟؟؟؟؟؟؟

vampire1188

18-09-2008, 10:02 PM

استغفر الله العظيم ..

شكلك كدا ناوياها فشل من اولها .. لالا حاسبي على نفسك .. وانا بتكلم بجد مش بهزر ..

حاولي تلتزمي شوية في اول الترم عشان تعرفي انتي ايه اللي ليكي واللي عليكي

بس عموما انا زي ماقولتلك .. اول محاضرة غالبا مابتبقي تعريف عام للمادة

اي نعم فيه ناس بتشرح .. امثال دكتور العطار في المحاسبة ..

فعشان كدا ابقي اعملي حسابك في كشكول وقلم معاكي يوم الاربع الجاي

عشان دي هاتبقي اول محاضرة محاسبة .. وغالبا هاتتلاقيني قاعد معاكي في في نفس المدرج الكئيب دا !!

اهو المهم .. طبعا هاتقوليلي انا مش هاقدر اتابع المحاضرات كلها ..

هاقولك فيه مكتبة بره شغاله الله ينور بتكتب كل كلمة يقولها الدكتور نصاً كلمة بكلمة .. وبيكتبوها كمبيوتر ويطبعوها على ورق ويبيعوها ..

المكتبة دي غالبا هاتبقي مكتبة (بينجو) .. وعايز اقولك ان دي مكتبة حرامية من الدرجة الاولي ..

بس نصيبك بقي ان مافيش غيرها

طبعا فيه سياسة خاصة لحكاية الملازم دي .. بس الكلام فيها مش دلوقتي

اما تخشي الدراسة وتعرفي المواد بتاعتك وتتابعي .. ابقي اقولك تشتري ايه وماتشتريش ايه

wanda

18-09-2008, 10:08 PM

أوك يا فامبير

بس انا مش هعرفك خالص :d

نو بروبلم

المهم شكررا على المعلومات يعنى الاسبوع ده فية شرح طيب كويس هروح بقى وامرى لله

انا مش طلباها فشل من اولها ولا حاجة انا بس تعبت لما نزلت كام يوم كده علشان المصاريف والكارنيه والمترو

بس كده وميرسى بجد على تنبيهى :D

vampire1188

18-09-2008, 10:23 PM

هههههههههههه .. قال يعني انا اللي هاعرفك .. بالا نيلة !!

وبعدين بتتعبي نفسك دلوقتي ليه ؟

مانتي المصاريف تقدري تدفعيها اثناء الدراسة .. والكارنيه تقدري تعمليه اثناء الدراسة

والمترو .. برده اثناء الدراسة .. لازمتها ايه المشورة الفاضية ؟!!

عموما ربنا معاكي ..

wanda

18-09-2008, 10:37 PM

هو يوم واحد خلصت فية حاجتى

اخويا بقى كل اما ينزل يخدنى معاه علشان اخد على جو الجامعه

بقول 3 ايام بس

هعرفك ان شاء الله وانت مش هتعرفنى :d

vampire1188

18-09-2008, 10:54 PM

اااااااااه اخوكي ..

قولي كدا بقي .. طب والله الراجل فيه الخير ..

بس برده مش هاتعرفيني ..

الا اذا بقي ..

مسكتي الوردة السودا ولبستي التيشرت الاصفر !!

wanda

18-09-2008, 10:57 PM

لاء مش بحب البس الاصفر

انى واى هعرفك وانا مصرة وانت مش هتعرفنى

vampire1188

18-09-2008, 11:01 PM

لا مش هاتعرفيني ..

بس بقولك ايه والنبي احسن الموضوع كدا ممكن يتحذف ومش ناقصة ..

وزي مانتي عارفه فيه ازمة مشرفين اليومين دول ..

حابي غيروا اسمها وشالوها من الاشراف

وعضو اداري عضويته نفسها اتحذفت!! وفيه بلاوي بتحصل

المهم خلينا في مضمون الموضوع وخلاص ..

ايه رأيك بقي في قصة اول محاضرة دي ؟

mostafa_music

18-09-2008, 11:03 PM

شكراااا جدااااا عى رأيك يافامبير
وعايزين رأى واند

vampire1188

18-09-2008, 11:18 PM

خشي يا واندا قوليله رأيك .. اما نشوف اراء الناس ال freshmen ايه ..

ahmed610

18-09-2008, 11:52 PM

يابني احنا ماتخلقناش عشان نحضر محاضرات .. احنا اتخلقنا عشان نجيب تقديرات ..

ايه رأيك في الحكمة دي ؟ .. ابقي قولها في طابور الصباح بتاع الكلية بقي !!
اية ياعم الكلام الجامد دة بس انا بختلف معاك رغم انى معنديش خبرة بس انا شايف ان الى بيحضر اكيد بيستفيد اكتر خصوصا اول محاضرة عشان تعرف نظام الدكتور عموما تجارة انجليزى معندناش الكلام دة عشان عندنا اعمال سنة فلازم تحضر غصبن من عن عينك:d

vampire1188

18-09-2008, 11:59 PM

اه صح عندك حق ..

مانا قولت الكلام دا قبل كدا لو انتا متابع يعني ..

بس نعملكوا ايه يا بتوع انجليش ..

مش انتوا اللي عايزين انجليش ؟ .. اشربوا بقي !!

بس على فكرة تجارة انجليش لذيذة جدا والله ..

انا واحد من الناس كان نفسي اخشها .. وكان مجموع الانجليش فيها يجيبني ..

احم احم انا وبلا فخر كنت جايب 48 فيها وكان الامتحان بتاعنا كان منيل

بس للاسف مجموعي العام اللي كانت الكلية طالباه .. ماكانش ينفع

فرضيت بنصيبي بقي في عربي .. يالا كله بياخد نصيبه

wanda

19-09-2008, 12:01 AM

معلش يا جماعه

ادينى جيت

يعنى اول محاضرة بالنسبالى هتطير

مش هكون فاضيه

ومش هدخل المدرج اصلا
هقف على الباب اغنى :d

بجد

الا لو لقيت حد زقنى ادخل صحابى يعنى

بس هتلاقونى واقفه قدام الباب بغنى

لا بجد ده اللى هيحصل

اول محاضرة زى مقولنا وبنقول تعارف بين الدكتور والطلبه

او شرح شامل للمادة وتعارف على المادة
وفهمة نوعية الدكتور ده

بالبلدى كده ايه نظامة

بس هى مش مهمة اووى للدرجة كده
معرفوة طول عمرها

ده انا حتى فى ثانوى كان بيحصل كده

اساسا المدرس مش بيطيق يدخل الفصل ويعرفنا بنفسة
لاننا بنرفض عارفينه بقى

بس ده رأيي الشخصى

vampire1188

19-09-2008, 12:13 AM

هههههههههههههههه .. حلوة مش هاتكوني فاضية دي ..

طب كويس .. انا ابقي احضر اول يوم معاكوا ..

وابقي اشوف مين اللي واقف على الباب وبيغني وماسك وردة سودا .. شوفتي بقي هاعرفك ازاي؟!

لا بس بجد المحاضرة الاولي مهمة لبتوع سنة اولي ..

لإن الواحد فيهم بيبقي لسه خايف من جو الجامعة .. او مش واخد عليه

فالمحاضرة الاولي دي هيا اللي بتكسر الحاجز دا ..

غير ان زي ماقولت قبل كدا فيه ناس فعلا بتبدأ شرح ..

بس كدا كدا اصلا المحاضرة في رمضان بتبقي ساعة يتيمة ..

هايدي فيها ايه ؟ .. قشور مش اكتر

mostafa_music

19-09-2008, 12:14 AM

شكرا على رأيك ياواندا

wanda

19-09-2008, 12:43 AM

والله انا هكون هناك

من الساعه 8.30

صحابى بقى وكده

وهو لازم احضر كله هو اول واحدة كفايا اووى

احنا فى رمضان :d

العفو يا مصطفى

vampire1188

19-09-2008, 12:53 AM

انتوا اول محاضرة عندكوا ايه ؟ .. مش دكتور البحيري ؟

لا متخافيش .. البحيري لذيذ ومحترم .. زي دكتور عادل زايد كدا هاتحبي محاضرته

بس الله اعلم بقي من هشام سيد اللي بعديه دا نظامه ايه ..

بس هاعيدلك تاني .. ماتاخديش على عدم الحضور من اولها ..

عشان لو خدتي علي كدا ، هاتيجي تحاولي تحضري بعد كدا هاتلاقي نفسك مخنوقة

فأقلمي نفسك على الحضور في الاول .. وحاولي تيجي بدري شوية خاصة في الايام اللي بتبقي الصبح بدري دي بتاع الساعة 8 بالذات ..

عشان تلحقي تحجزي لنفسك مكان .. عشان غالبا هاتتلاقي امم في مدرج (د)

وماشاء الله زي مانتي عارفه .. مدرج (د) اللهم لا حسد .. بيشيل ناس كتيره اوي اوي اوي اوي

من كتر الناس الاماكن بتبقي فاضية ياعيني !!

عارفه .. انتي ممكن تروحي اول يوم وتتلاقي مكان تقعدي فيه ..

بس تاني يوم .. بتبقي زحمة نااااااااااااار ..

واليوم اللي فيه محاضرة المحاسبة بتاع يوم الاربع دا وهوا هايبقي الصبح طبعا ..

هاتتلاقي امة لا اله الا الله هناك !

wanda

19-09-2008, 01:09 AM

ما انا روحت وشوفت مدرج د اللى عند الرعايه

وجمبه الجداول ودخلت مدرج أ

بس مدرج أ

ده بجد تحفه فية تكييف بس معتقدش يشيل كتير

اه انا سمعت عن هشام البحيرى

وبيقولوا دكتور كويس

لاء متخفش ان لينا ناس فى و

هيحجزولى وهما خارجين سلم واستلم

شوفت الصحوبية :d

بس يعنى اول يوم عندنا هيبقى تقيل ولا ايه النظام ؟؟

u4me

19-09-2008, 05:22 AM

يا واندا اول يوم ده هيعدى هوا

وبعدين انا كنت بحضر ف د

وساعات كنت بعد ع السلم م الزحمة

ابقى احجزى لنفسك

ومتثقيش ف صحابك اليوم ده بالذات

اقولك على حاجة

يوم ما تحجزى

احجزى ف النص الورانى ده

اخر بنش ف النص

بيبقى جامد اوى

لما بلاقي مفيش مكان فيه

يا بعد ع السلم يا بقف ورا البنش ده

mostafa_music

19-09-2008, 06:00 PM

ياعم احمد
انا بستأذنك بعدم التدخل فى اى موضوع يخصنى او يخص فامبير
مادام انت بتضايق من رد فامبير

mostafa_music

19-09-2008, 06:02 PM

على فكره ياجماعه
مدرج أ و ب اصغر مدرج فى التجاره
الاكبر منه مدرج د و ج
الاكبر كمان مدرج هـ و و
اكبر واحد بقى العيووووووطى

vampire1188

19-09-2008, 06:36 PM

وبقلكوا ايه ..

من الاخر كدا ..

المحاضرات كلها بتتاخد .. وكلنا بنمتحن .. وكلنا بنعدي والحمدلله ..

فامش فارقه بقي مدرج أ من ب من د من هـ !!

كل الفرق بس انها بتبقي في الراحة النفسية للطالب مش اكتر

وطبعا معروف ان العيوطي احسن مدرج فيهم واكبرهم ..

دا غير انه تكييف مركزي كمان .. بنخش نتلج جوا !

mostafa_music

19-09-2008, 06:37 PM

شكرا يا علا على مرورك
بس معرفتش رأيك فى حضور اول محاضره للدكتور

mostafa_music

19-09-2008, 06:42 PM

على رايك مش فارقه
بس ممكن تفرق بقى فى المكان
يعنى مدرج العيوطى الى يقعد ورا مش هايشوف حاجه غير كمان انو ممكن ميركزش
غير مدرج ج و د لو قعد فى اى مكان هاتشوف وهاتركز لان المكان صغير

wanda

19-09-2008, 08:20 PM

هتفرق اننا هنقعد ولا هنقف :d

انا اه بحب اقف بس دول حوالى 3 ساعات فى رمضان وكمان صايمة

وحووالى 4.30 فى بعد رمضان

لاء تفرق :d

مش مشكلة انا هبلط فى المدرج من المحاضرة التانيه او الثالثه لمجموعه و :D

_GUIDE_

19-09-2008, 08:22 PM

ايعه فكرتونى بالذى مضى
دخل الدكتور اول يوم وكان عليه غضب الله
وبصوت عالى قال
اللى بزعل منه
بديله جيد فى مادتى
طلع راجل زى العسل :d

wanda

19-09-2008, 08:25 PM

هههههههههه

ربنا يبشرك بالخير يا اسلام

ديما كده مطنى

هو انت كونت فى ايه :d

vampire1188

19-09-2008, 08:53 PM

تعرف يا اسلام ..

احلي حاجة عاجباني فيك .. الصورة الرمزية !!

بس صحيح .. انتا في كلية ايه ؟

ميروو1022

21-09-2008, 06:17 AM

حد فى مدرج الدكتور زهير الفرقة االاولى

mostafa_music

21-09-2008, 07:06 PM

قولولى بقه ياجماعه
الى حضر اول محاضره للدكتور فعلا كانت مهمه
وعلى فكره انا حضرت مع سنه اولى (ز)
فعلا كان ف كلام مهم جداااااااااااااا
عايز رأيكو من جديد

wanda

21-09-2008, 08:47 PM

بالنسبه للامبارح انا فى مجموعه ز

واكيد حضرت التلاته متفكرنيش كونت بمووت بجد من العطش ومحتاجى الاذان يلحقنى

ولامدرج مكنش مساعد حتى مفيهوش هواء

ام هند

اول محاضرة كانت لدكتور هشام البحيرى كانت بجد فيها معلومات جامدة ومفيده لينا

جاب من الاخر ...

وكمان دكتور هشام سيد كذلك

بلاش بقى اتكلم علشان مغلطش فى اخر دكتور اللى حاضر عارف بقى

والنهارده اول محاضرة المفروض رياضه بس الدكتور ناشد دخل فى المحاضرة التانيه بتاعت الدكتور عدلى

والدكتور عدلى دخل فى النص سلم ومشى

بس بجد دكتور ثكر خالص وطيب يعنى بصراحة شكله كده هيحببنى فى مدته

لحد دلوقتى الدكاترة اللى دخلولى مفيهوش غير واحد بس تقيل على قلبى واكيد اتعرف

انما الباقى ثكر وعسل بجد طيبين جداا وان شاء الله هيشجعونى بكده انى اتميز فى مادتهم

يلا ادى ملخص اللى حصل يا مصطفى ...

هو انت حضرت معانا النهارده

اتغير مكان المحاضرة بقينا يوم الاحد فى عيوطى اهوه رحمونا من الحر اللى كونا فيه

بس انا بجد زوهلت من كمية الناس اللى فى المدرج هو العيوطى ده بيشيل كام كده

ومحدش قعد على الارض :d

mostafa_music

21-09-2008, 09:30 PM

! MedOo

21-09-2008, 09:31 PM

انا بحسدكم ...!

عيب كده انا كل الدكاترة بتووعى .. يفتح الله ^_^

انا اول محاضرة فاتتنى على ماعرفت اجيب بطاقة الترشيح

والحمدلله كانت دكتورة اسمها سهير

ودخلت منها هزأتلها كام عيل كده على سبيل المجاملة

بعد كده قالت للعيال اللى هيغيبلى اربع محاضرات هشيله المادة

وانا غبت محااضرة ..هيه هيه ..!

وفاضلى تلاتة ..:eek:

mostafa_music

21-09-2008, 09:35 PM

انت شكلك مش فى تجاره معانا ياميدو
بس ياريت اسلوبك يبقى احسن شويه
(اخر جمله كتبها)

! MedOo

21-09-2008, 09:38 PM

انا اسف يا تيفا

معلش

وياريت متكونش زعلت ..

انا محمد تجارة انجليزى شبين الكوم جامعة النوفية

mostafa_music

21-09-2008, 09:41 PM

لا خلاص انا مش زعلان نهاءيا
وشكرا على مشاركتك
وربنا معاك فى الانجلش

vampire1188

21-09-2008, 09:52 PM

احلي حاجة ان بتوع مجموعة (ز) اتظبطوا على الاخر النهارده ..

الجدول اتشقلب وبقت محاضراتهم في العيوطي .. واحلي عيشة ..

وانا برده كنت هناك النهاردة ..

وعددهم مهول اوي .. انا تنحت اول مادخلت المدرج وربنا !

اصل بيني وبينكوا .. انا اما حضرت محاضراتي في مجموعتي الصبح

دخلت المدرج .. مالقتش ولا بني ادم فيه !!

واما الدكتور دخل الناس قعدت تهل واحده واحده .. لغاية ماوصلوا وماعدوش ال 60 واحد

دي اول مرة تحصل تقريبا معايا .. ان مدرج يبقي فيه 60 واحد بسسسسسسس

يالا .. لينا رب اسمه الكريم .. يرحمنا من الخنقة اللي احنا فيها دي

! MedOo

21-09-2008, 09:56 PM

ياارب ياريس ..^_^

بجد شكلها سنة كبيسة

انا مش عارف ليه مش متفائل

vampire1188

21-09-2008, 10:00 PM

هههههههههههههههههههههههههه

انتا بتفكرني يا ميدوا بتمثيلية الدالي لو بتتابعها

الراجل اللي هوا اسمه عاصم اللي شغال في امن الدولة

اللي كل شوية يقول .. انا مش متفائل يا فندم :lol:

! MedOo

21-09-2008, 10:05 PM

هههههههههه

مش بتاعبها ياعم

انا بشوف العيادة ..^_^

اصل بجد كان يوم باين من اوله واتاخدت غياب من اول محاضرة وكانت حركت قشطة يعنى

الا بقولك يا فمبور باشا

انا عايز احول القاهرة .. لازم اجي تقدير كويس فى سنة اولى .. وبعدها احول ..صحن ..؟

mostafa_music

21-09-2008, 11:59 PM

هو انت كنت ممكن تعمل حوار تحول تقليل الاغتراب الى كان على موقع الحكومه الالكترونيه
كنت ممكن تحول فى نفس السنه للقاهره بس ما علينا هى كده كده فاتتك
وعلشان تحول تجيب تقدير كويس

! MedOo

22-09-2008, 03:22 AM

انا اصلا من شبين المنوفية

ودى كانت اول تجارة فى الرغبات وجاتلى قدرا .. انا كاتبها علشان التوزيع الجغرافى

بس ان شاء الله احاول

king2008

25-09-2008, 10:09 AM

metab9

25-09-2008, 08:40 PM

هههههههههههههههههههههههههههههههههه

king2008

25-09-2008, 11:49 PM

انت بتضجك طب مش انت رحت الجامعه وحضرت اول محاضره
اللى انا بقوله حصل ولا لا

mostafa_music

27-09-2008, 12:14 AM

المحاضره الاولى سعات بتبقى مهمه وسعات لا
لان فى دكاتره بتخش تنصح فينا يبقى لو سمعت دكتور واحد يغنى عن كل الدكاتره الباقين
وتبقى مهمه لو الدكتور دخل وشرح المنهج هيكون ماشى ازاى ونظامه هيكون ازاى

طبعا لازم تكون مهمه وباذات سنه اولى
بس برضه بقيت السنين مهمه برضه لان انا فى تانيه واول محاضره بتاعه المحاسبه كانت مهمه
لان الدكتور قال على نظامه هيبقى ماشى ازاى وقالنا كمان للى عايز يجيب امتياز فى الماده ياخد باله من المحاضره
لان هو قلنا فى اول محاضره ان اول محاضره زى اخر محاضره بمعنى ان اى دكتور بخش فى اخر محاضره ويقول على المهم والملغى دا بقى قالنا المهم هاتعرفوه فى المحاضرات
غير كمان انو قال حته ذكيه للى يفهما والحمد لله فهتها وان شاء الله (يارب) اجيب امتياز فى الماده دى