السلام عليكم ورحمة الله

المقطوعة دي بقى كتبتها وانا في اول شهر في الكلية لما كنت تايهة ومش عارفة حاجة
كانت فعلا مأساه



بلغني ايها الملك السعيد ......ذو الرأي الرشيد انه
كان يا مكان بنت في ثانوية
يوم النتيجة كانت مستنية
قاعدة قدام المدرسة يا حرام
زي اللي مستني حكم الاعدام
وخير اللهم اجعله خير
ناس واقفين حواليها كتير
وفجأة سمعت صوت بيقول
النتيجة اتعلقت جنب الفصول
ويلا دلوقتي بسرعة الحقوها
قبل ما الطلبة الحلوين يقطعوها
جريت وفي ايدها الآلة الحاسبة
علشان تحسب بيها النسبة
وبعد معركة دموية شديدة
رجعت البنت ومعاها النتيجة
وجابت 99 في المية
وقالولها ادخلي طب اسماعلية
وفي اول يوم في الكلية
حست انها بت غبية
علشان دخلت طب بشري
وهتتخرج بياعة كشري
لآنها مش فاهمة اي حاجة
وحطت دماغها في التلاجة
علشان اتعودت على الدروس
ومش عارفة مين سامح دوس(دكتور اناتومي على فكرة)
ولا حتى يعني ايه هستولوجي
وحاجة كدا اسمها فسيولوجي
ولا فاهمة الكيمياء الحيوية
مش قولتلكم بت غبية
وادركت شهرذاد الصباح
فأخدت الشنطة والمفتاح
ونزلت جري على الكلية
علشان تلحق المحاضرة الاولانية


مع تحيات طالبة طب ذكيةdr_esaber

هههههههههه لا بجد جميله تسلم ايدك انا كمان كنت كده اول ما دخلت الكليه
ربنا يوفقك

متشكرة جدا لتشريفك موضوعي
جزاكي الله خير

هههههههههههههههه
ايمى بجد انا من اول الماساة و انا عمالة اتخيلك انتى و اختى
و الله بتصعبوا عليا:(
بس ياللا انتى ادها يابنتى و اد توشكى;)
اتمنى لك مستقبل باهر يا عمرى

ما قولنا بلاش توشكا دي
بلاش فضايح
هههههههههههههههههه
منوراني يا ارق ملاك في الدنيا