مشاهدة النسخة كاملة : اى حد عنده استفسار عن كليه الاداب - جامعه المنصوره ( يتفضل هنا )
مستر/ مينا ماهر 16-09-2008, 10:18 PM هاي ,,
ازيكم يا جماعه .......
انا عملت الموضوع ده عشان اي حد محتاج اي مساعده
او اي حد عنده استفسار بخصوص كليه الاداب - المنصوره
او سؤال عن الاقسام ....
انا في الخدمه و انا علي استعداد تام للأجابه علي كل اسئلتكم
مع ارق تحياتي :
أ / مينا ماهر
مدرس لغه انجليزيه
مستر/ مينا ماهر 17-09-2008, 11:19 PM ارجو ان ينال الموضوع اعجابكم .........
shree 17-09-2008, 11:33 PM بعد ازنك يا مستر مينا انا بقول لحضرتك يعنى انا ممكن احول يوم السبت الى قسم تاريخ وانا مش هروح الا يوم السبت بس فى رمضان وهروح بعد العيد كل يوم على حسب المحاضرات وينفع كدة والا لا انى اروح بعد العيد والا لازم اروح فى رمضان ؟؟؟؟؟؟؟؟؟؟؟؟؟؟؟؟
مستر/ مينا ماهر 17-09-2008, 11:44 PM من وجهه نظري : روحي من اول يوم في الدراسه عشان دي لسه
مرحله جديده عليكي ...عشان كمان تتعودي علي الحياه الجديده
و في نفس الوقت تعرفي المواد اللي عندك ...و عشان شهر
رمضان ممكن تروحي مرتين في الاسبوع مثلا ......
و بالنسبه للتحويل من يوم السبت .....و بصراحه قسم التاريخ
قسم ممتاز .... و ربنا يوفقك فيه .....
و نصيحتي ليكي :
التزمي بحضور المحاضرات ......و المذاكره تكون من اول يوم ..
sweety_2010 18-09-2008, 01:54 PM لو سمحت يا مستر هو اللى محول من كلية تانية لكليه اداب ينفع يدخل القسم اللى هو عايزه مع العلم ان المجموع كبير يعنى قسم اعلام مثلا اسمع انه بياخد عدد محدد ولا الكليه هى اللى بتحدد عشان محول ؟؟
مستر/ مينا ماهر 18-09-2008, 03:41 PM بالنسبه لسؤال حضرتك يا sweety _2010 .....فيه استفسار هل انت كنت مقيد
بكليه اخري و درست فيها و عملت نقل قيد ......و لا حضرتك لسه مستجد و دخلت
كليه و حولت الي كليه اداب ..... و بعد الاجابه سوف اقول لك علي التفاصيل ....
بحر الاحزان 18-09-2008, 11:25 PM بليز يا مستر انا عندى سؤال هقوله زى ما سمعته بس عموما انا مش فهماه
عندى وحده صحبتى كانت فى الفرقه الرابعه لغه عربيه ومعاهاه ماده دور تانى من الترم الاولطبعا هتمتحنا فى شهر اكتوبر
هل تقدر تقدم التربوى السنادى ولا لازم تستنى السنه الجايه
افهم بس هينفع التربوى السنادى ولا باب التقديم فيه هيكون خلص
يعنى اخر ميعاد للتقديم فى التربوى بيكون امتى
ارجو الافاده
ولك جزيل الشكر
sweety_2010 18-09-2008, 11:51 PM بالنسبه لسؤال حضرتك يا sweety _2010 .....فيه استفسار هل انت كنت مقيد
بكليه اخري و درست فيها و عملت نقل قيد ......و لا حضرتك لسه مستجد و دخلت
كليه و حولت الي كليه اداب ..... و بعد الاجابه سوف اقول لك علي التفاصيل ....
هو انا حضرتك لسه مستجدة بس جواب الترشيح جالى على تربية وانا حولت الاسبوع ده وقلقانة انى مش ادخل
القسم اللى انا عاوزاه مع العلم انى الحمد لله مجموعى كبير بس انا خايفة وكمان قلقانة مش عارفة هو التنسيق اللى انا عدلته هيظهر امتى ..ياريت يا مستر لو سمحت تفيدنى؟
مستر/ مينا ماهر 19-09-2008, 12:16 AM بالنسبه لسؤال sweety _2010 ...دلوقتي من حق حضرتك انك تدخلي
اي قسم في الكليه طالما تنطبق عليكي شروط القسم ....و فيه موضوع انا
عامله في القسم هنا فيه شروط القبول بكل الاقسام .......و لو عندك اي
سؤال عن اي قسم انا في الخدمه.............
مستر/ مينا ماهر 19-09-2008, 12:22 AM بالنسبه لسؤال " بحر الاحزان " دلوقتي المفروض ان صاحبتك تنتظر للسنه
اللي جايه و كمان ميعاد التقديم انتهي .........
sweety_2010 19-09-2008, 12:46 AM بجد مش عارفة اشكر حضرتك ازاى انا كنت قلقانة جدا ليقولوا مثلا ان القسم استكفى
لانى اعرف ان فى اقسام بتاخد عدد محدد ..بس حضرتك طمنتى ..وميرسي لحضرتك بجد
بحر الاحزان 19-09-2008, 01:15 AM ميرسى يا مستر
مستر/ مينا ماهر 19-09-2008, 01:33 AM شكررررررررررررررررا علي الردود
مستر/ مينا ماهر 21-09-2008, 10:47 PM ارجو ان ينال الموضوع اعجابكم.............
bassbossa 22-09-2008, 02:38 PM لو سمحت عايزه جدول محاضرات قسم اعلام الفرقه التانيه لو ينفع حد يجيبهولي
مستر/ مينا ماهر 22-09-2008, 03:32 PM حاضر يا بسبوسه بأذن الله هجيبهولك بكره.....
bassbossa 22-09-2008, 11:02 PM شكرررررررررررررا
مستر/ مينا ماهر 27-09-2008, 05:39 PM شكرررررررررررررررررررررا علي الردود ...........
donaa 27-09-2008, 10:04 PM انا عايز جدول محاضرات عام النفس الفرقة الاولى
مستر/ مينا ماهر 27-09-2008, 10:49 PM جداول الفرق الاربعه - قسم علم نفس - موجوده في هذا القسم
و هذا هو رابط الموضوع :
http://www.thanwya.com/vb/showthread.php?t=74811
مستر/ مينا ماهر 28-09-2008, 05:25 PM ارجو ان ينال الموضوع اعجابكم ..............
nona_ssss 11-10-2008, 07:04 PM ازيك يا مستر مينا
انا اداب فرنسي المنصوره وفي سنه تانيه
بس عندنا الدكتوره مني و الدكتوره عبير
متعرفش ايه نظامهم دول
وشكرا ليك
m7md.adel 12-10-2008, 12:47 AM ازيك يا مستر مينا
انا اداب فرنسي المنصوره وفي سنه تانيه
بس عندنا الدكتوره مني و الدكتوره عبير
متعرفش ايه نظامهم دول
وشكرا ليك
متقلقيش يا نونا الدكتورة مني طيبة جدا وامتحاناتها كويسة بس اهم حاجة الحضور والالتزام ف المحاضرة مش اكتر والدكتورة عبير اان اعتقد انها مش حتدينا حاجة النسادي هو مكتوب ف الجدول بس شكلها مش حتدينا محاضرات
عمر شعبان 13-10-2008, 02:27 PM انا اول سنه وعاوز اعرف ايه احسن الفرنساوى ولا الاثار الاسلاميه
أ.مصطفي نور 13-10-2008, 04:32 PM السلام عليك يا اخ عمر
طبعا قسم اللغه الفرنسيه له مجال اوسع بكتير عن الأثار
لان الأثار عاوزه واسطه ودوره ارشاد سياحي عشان تشتغل في شركه سياحه ان وجدت اصلا
اما الفرنسيه لغه رقيقه ومستقبلها حلو وابق عارفني انتا جامعه ايه
وشكرا ليك
|