|
مشاهدة النسخة كاملة : المشرف الإداري المحترم اللي قفل موضوع تكفيري احمد رضا 17-09-2008, 12:30 AM السلام عليكم ورحمة الله وبركاته المشرف الإداري المحترم اللي قفل مواضيعي ياريت بلاش الإسلوب ده ومادام ملكش دور ولا ايجابي ولا سلبي ياريت ميكونش دورك بالضرر وتقفل وخلاص ياريت المواضيع تتفتح تاني ويرجي دخول استاذ عصام كمان dr.saeed 17-09-2008, 12:37 AM السلام عليكم ورحمة الله وبركاته لو سمحتم دلوقتى سؤال بسيط هل وجدنا فى هذا المنتدى من أهو اضل من فرعون؟ لا بالطبع لان فرعون قال الله فيه { يَأْخُذْهُ عَدُوٌّ لِّي وَعَدُوٌّ لَّهُ } وينقل رب العز عنه انه قال عن نفس فرعون الحقيرة (أنا ربكم الاعلى) وأيضا قال وَقَالَ فِرْعَوْنُ يَا أَيُّهَا الْمَلَأُ مَا عَلِمْتُ لَكُم مِّنْ إِلَهٍ غَيْرِي فَأَوْقِدْ لِي يَا هَامَانُ عَلَى الطِّينِ فَاجْعَل لِّي صَرْحًا لَّعَلِّي أَطَّلِعُ إِلَى إِلَهِ مُوسَى والذى ايضا يبين مدى عذابه يوم القيامة { ويوم تقوم الساعة أدخلوا آل فرعون أشد العذاب) يعنى اذن كلنا لحد الان متفقين انه اولا من اعداء الله وانه ادعى الربوبية من دون الله وانه من أشد الناس عذابا يوم القيامة طب لما ربنا أمر سيدنا موسى بنصحه ربنا قال ايه لسيدنا موسى؟ (فقولا له قولا لينا لعله يتذكر أو يخشى) ونحط تحت كلمة لينا دى الف خط ودة مين؟ دة فرعون دلوقتى لو سمحتم انا عن نفسى كنت ناوى اعمل موضوع اتكلم فيه عن كلمة خلقنا من أجل التفكير بس الاستاذ عاطف خليفة يعذرنى عمرى ماكنت هاقول الكلام دة او أدعى الدعاء دة على أحد المسلمين ودلوقتى بردة يا دكتور حضرتك لما عملت موضوع فى قسم الكادر وتتكلم فيه عن احد المدرسين الذى يقول الفاظ نابية كان رد حضرتك انه قذر ونجس و..... سؤالى لحضرتك أيهما أفضل ان حضرتك تبعت برسالة خاصة للمدير وصاحب الموقع والاداريين لوقف هذا المدرس وحذف جميع مشاركاته؟ ام ان حضرتك تقوم بالرد عليه بتلك الكلمات؟ اعتقد الاولى افضل للاسباب التالية اولها انى مثلا عضو زيى ماكنتش واخد بالى ان هذة الالفاظ موجودة بالقسم فكان من الافضل انها تتحذف قبل ما توصل ليا او اشوفها او اى عضوة او اخت لينا تشوفها ولا الافضل اننا نعمل الاتى 1 نرد عليه بألفاظ هى نفسها نتحرج منها 2 نلفت الانتباه ان هناك مشاركة كذا موجودة فى موضوع كذا انا صراحة يوميها استغربت لسبب بسيط ان لما حضرتك حطيت اللينك ماكانشى من المفروض اننا كأعضاء نشوفها بس ماردتشى ارد غير بحديث من احاديث الرحمة المهداة وهى ان النبى صلى الله عليه وسلم وجد من يتبول بالمسجد امام عينيه وأسرع الصحابة لوقف وضرب ذلك الرجل فقال لهم الرسول صلى الله عليه وسلم (ذروه) ولما بالفعل انتهى من تبوله نادى عليه رسول الله ليوضح له ان المسجد بنى من اجل الصلاة والعبادة هذا هو اسلوب النبى صلى الله عليه وسلم وكما ذكرت سابقا كان اسلوب موسى عليه السلام مع فرعون (القول اللين) لا يحق لاى مسلم مهما كان علمه ان يدعوا على اخيه المسلم بالطرد من الرحمة او ان يقصمه الله او او........الخ فياريت يكون رد حضرتك غير كدة مع من تراهم يخطئوا سواء بعمد او بغير عمد وانى انصحك لوجه الله مع علمى التام بان اسامة بن زيد رضى الله عنه كان على رأس الجيش لمحاربة الغساسنة والذى كان يضم كبار الصحابة فى عهد امير المؤمنين ابى بكر الصديق ومع هذا رفض الصديق رضى الله عنه وارضاه ان ينزل اسامه من على فرسه واصر على ان يمشى بجواره ليعلمنا الى يوم الدين احترام من أصغر مننا لاننا لا نعلم من الافضل عند الله بالرغم من علم ابى بكر التام بانه نزلت فيه اية تتلى الى يوم القيامة (ولسوف يرضى) دى نصيحة من ابن حضرتك اما كلام احمد رضا نعلم جيدا نيتك ونعلم جيدا ما تقصده من العبارة ولكن كان من الممكن ان يقول الله ما تريدون قوله فالله لديه العلم المطلق وهو يعلم ما سيكون كان من الممكن ان يشرح لنا الله اننا خلقنا من اجل التفكير ومن ثم العبادة ومعرفة الخالق ولكن اسلوب القصر فى القران يوضح ان غاية الانسان الاولى للخلق هى العبادة وان التفكير او تعمير الارض او او .....الخ هى اسباب كثيرة للوصول الى تلك الغاية المثلى فعندما نقول الانسان خلق من اجل ماذا.؟ نقول من أجل العبادة من الممكن اننا نوضح الموضوع بصورة أفضل بعنوان أفضل وانا عارف يا أحمد انك لديك القدرة انك تكتب عنوان يكون صريحا عن المعنى ويزيل الشبهات اما كلمة خلقنا من أجل التفكير ليس لها الا سؤال خلقنا من أجل ماذا؟ وغاية الخلق معروفة كما انك تعلم ان من الممكن ان يكون العبد صالحا ومن المقربين الى الله وليس عقله يوازى عقل العلماء انا مش عاوز اطول فى النقطة دى بس ياريت تكتب عنوان افضل للجماعة وجزاكم الله خيرا فى امان الله صوت الحق 17-09-2008, 12:43 AM موجود معاكم باذن الله وسوف اتصرف فى الكم الهائل من هذه المشاكل الشفق الباكي 17-09-2008, 12:45 AM صح فعلا كلام دكتور سعيد صح لابد ان مايبقاش الاسم فى مواضع الشبهات وهو فعلا لفت انتباهى وفعلا استاذ عاطف خليفه غلط جدا جدا وماينفعش كده ابدا وطريقه الدعاء والاتهام بالعلمانيه دا غلط كبير جدا احمد رضا 17-09-2008, 12:50 AM هتكلم عن الجزء اللي يخصني ياجماعه انا مش إله عشان يبقي كلامي قواعد ثابته خلقنا من أجل التفكير لا يجعل التفكير غايه مُطلقه خُلقنا من أجل التفكير يوصلنا لكل النتائج المقدمه الأولي في اي عباده من العبادات التفكير سيدنا ابراهيم عشان يعرف إلهه قعد يفكر ثم تفكّر التفكر مرحله متقدمه عن التفكير التفكير هو إدراك ياجماعه إني ادرك الحقيقة هي دي بداية اني اعرفها اني اعرف الطريق الصح هي البدايه اني امشيه ازاي هعبد ربنا او هسمع كلام ربنا سبحانه وتعالي لو انا مش بفكر - علي اعتبار ان مافيش حس داخلي مستنير ومش كلنا بنملكه - الجمله معموله مش عشان احط قانون من قوانين الحياة انا اصغر من كدا بكتير واكبر من كدا بكتير انا حاططها لإعلاء قيمه التفكير وتقديم العمليه دي علي الكثير من العمليات التي تليها ولو تم تغيير العنوان هيتم بكامل إرادتي ومش بالإسلوب الغير مقبول اللي آثره واستخدمه الاستاذ الدكتور عاطف خليفة وعلي فكرة ياجماعه اللي هيدخل علي صفحه الجروب ويقرأ ويفكر ثم يتفكر التعريف بالمجموعة هيعرف انها دعوة للعبادة وهي الغايه التي حددها الله سبحانه وتعالي في قرآنه الكريم يعني ترتيب الحياة في أفكاري تفكير تفكر تفقه ثم العباده ثم ما يترتب علي العبادة من شكر وحب وما تحتويه العباده دي وجهه نظري وهتكون في موضوع منفصل فيما بعد الشفق الباكي 17-09-2008, 12:56 AM اعتقد ان وجهة نظرك اكيد محترمه بس اتقوا مواضع الشبهات dr.saeed 17-09-2008, 01:10 AM هتكلم عن الجزء اللي يخصني ياجماعه انا مش إله عشان يبقي كلامي قواعد ثابته اكيد احنا معاك فى دى خلقنا من أجل التفكير لا يجعل التفكير غايه مُطلقه خُلقنا من أجل التفكير يوصلنا لكل النتائج عارفين ان الغاية المطلقة هى العبادة بس الكلمة بتيجى بمفهوم معين فى نظر تقريبا كل من يراها يعنى انا عشان اشوف الكلمة دى انت قاصد بيها ايه لازم اشوف موضوع الجماعة كامل بالرغم ان الله سبحانه وتعالى لما ذكر الغاية المثلى كانت فى كلمة محددة والله قادر على ان يوضحها كلمة من أجل معناها واضح ولا يصح ان نقول من أجل التفكير فالتفكير هو وسيلة لغاية عظمى الا وهى العبادة فمش ينفع اننا نجعل السبب ونقول من أجل خاصة وعندما يكون التفكير هو سبب من اسباب كثيرة فرضها الله علينا ومنها اية اولى الالباب الذى يذكرون الله قياما وقعودا وعلى جنوبهم ويتفكرون فى خلق السموات والارض ربنا ما خلقت هذا باطلا اى ان الذكر سبق التفكر فى خلق السموات والارض وزى مانت قولت التكير يختلف عن التفكر وزى مانا تقربا شايف ان التفكر التفكير (المذكور فى التوقيع) كما قلت لى انه مرحلة فى بداية التفكر وحنا كلنا شايفين ان التفكر ربنا سبقه بالذكر ونحن ايضا نعلم ان الله لا يقدم شيئا على اخر الا لو كان اهم من الذى يليه المقدمه الأولي في اي عباده من العبادات التفكير سيدنا ابراهيم عشان يعرف إلهه قعد يفكر ثم تفكّر التفكر مرحله متقدمه عن التفكير معاك فى دى بردة ولما سيدنا ابراهيم سال ربنا انه كيف يحيى الموتى قال الله له (أولو تؤمن) (قال بلى ولكن ليطمئن قلبى) التفكير هو إدراك ياجماعه إني ادرك الحقيقة هي دي بداية اني اعرفها اني اعرف الطريق الصح هي البدايه اني امشيه ازاي هعبد ربنا او هسمع كلام ربنا سبحانه وتعالي لو انا مش بفكر - علي اعتبار ان مافيش حس داخلي مستنير ومش كلنا بنملكه - الجمله معموله مش عشان احط قانون من قوانين الحياة بس كل جملة انت عارف انك بتتحاسب عليها كويس مش معنى انها ليست من قوانين الحياة اننا مش نناقشها انا اصغر من كدا بكتير واكبر من كدا بكتير انا حاططها لإعلاء قيمه التفكير وتقديم العمليه دي علي الكثير من العمليات التي تليها دى نيتك بس كنت ممكن تحط الاقرب من كدة كمان بدون اسلوب القصر الخفيف زى مانت قولتلى ولو تم تغيير العنوان هيتم بكامل إرادتي ومش بالإسلوب الغير مقبول اللي آثره واستخدمه الاستاذ الدكتور عاطف خليفة وانت عارف يا احمد احترامى ليك وانى دايما لما بكلمك بقولك يا استاذ احمد لانك فعلا استاذى وزى ما بردة فى كرسى الاعتراف اكتر من رد ليا انك من اكتر الناس الى انا اتعلمت منها ولما انا بناقشك فى الجملة دى مش بقولك غيرها غصب عنك لانى مش ينفع اقول كدة لمن هو أكبر منى علما انما بوضحلك انك ممكن تضع عنوان افضل ولا يثير الشبهات وانا زى ما كتبت فوق رافض لاسلوب الاستاذ عاطف خليفة وعلي فكرة ياجماعه اللي هيدخل علي صفحه الجروب ويقرأ ويفكر ثم يتفكر التعريف بالمجموعة هيعرف انها دعوة للعبادة وهي الغايه التي حددها الله سبحانه وتعالي في قرآنه الكريم عارف والله يا أحمد انما احنا بنتكلم فى مشروعية الجملة ذات نفسها يعني ترتيب الحياة في أفكاري تفكير تفكر تفقه ثم العباده ثم ما يترتب علي العبادة من شكر وحب وما تحتويه العباده بس لما ربنا اتكلم عن موضوع العبادة كان بالمعنى الاشمل المعنى الذى يضم كل ما سبقت بذكره يعنى ممكن أقول أجمال بعد تفصيل العبادة اكيد مش بتقوم غير بعد التفكر بس لا ننسى حديث النبى صلى الله عليه وسلم عن أبي ثعلبة الخشني جرثوم بن ناشر رضي الله عنه ، عن رسول الله صلي الله عليه وسلم ، قال : (إن الله تعالى فرض فرائض فلا تضيعوها ، وحد حدودًا فلا تعتدوها ، وحرم أشياء فلا تنتهكوها ، وسكت عن أشياء رحمة لكم غير نسيان فلا تبحثوا عنها ). ومن هنا ليست جميع الاشياء يبحث عنها بالتفكير دي وجهه نظري وهتكون في موضوع منفصل فيما بعد واحنا بناقشك فيها مع احترامنا الكامل ليك CoMMaNdo 17-09-2008, 01:18 AM هوا فيه حد قالى ان الاولويه مش تكون فى التفكير مش عارف بصراحه بس بقولك ياحمد نبعد عن اى شبهة احسن برضه الاستاذ محمد سرور 17-09-2008, 01:21 AM السلام عليكم ورحمة الله اللهم انك تعلم انى لا ابتغى الا مرضاتك شوف يا احمد انا لن اتحدث عن المشكلة لان الموضوع فى يد الاستاذ عصام ولكن نبدأ الموضوع من اوله وهو اسم المجموعة شوف يا احمد قول الله وما خلقت الجن والانس الا ليعبدون السؤال ما هى العبادة ؟ العبادة هى كل عمل صالح نبتغى به وجه الله فالعمل الحلال عبادة وطلب العلم عبادة وكل طاعة نبتغى بها وجه الله فهى عبادة ومنها ممكن نعتبر ايضا ان اى تفكير يقصد به مرضاة الله وينتج عنه عمل يرضى الله هو عبادة لله الم يكن رسولنا الكريم يتعبد فى غار حراء ويتفكر فى خلق السموات والارض فالعبادة ليست الصلاة والصوم والحج ....فقط ولكن هى معنى اشمل لجميع الطاعات انظر لتفسير هذه الاية الكريمة فقد قال الله تعالى: إِنَّ فِي خَلْقِ السَّمَاوَاتِ وَالْأَرْضِ وَاخْتِلَافِ اللَّيْلِ وَالنَّهَارِ لَآَيَاتٍ لِأُولِي الْأَلْبَابِ * الَّذِينَ يَذْكُرُونَ اللَّهَ قِيَامًا وَقُعُودًا وَعَلَى جُنُوبِهِمْ وَيَتَفَكَّرُونَ فِي خَلْقِ السَّمَاوَاتِ وَالْأَرْضِ {آل عمران: 190-191} </span></span> قال ابن كثير رحمه الله تعالى: ومعنى الآية أنه تعالى يقول: </span>إِنَّ فِي خَلْقِ السَّمَاوَاتِ وَالْأَرْضِ أي هذه في ارتفاعها واتساعها، وهذه في انخفاضها وكثافتها واتضاعها، وما فيهما من الآيات المشاهدة العظيمة من كواكب سيارات وثوابت وبحار وجبال وقفار وأشجار ونبات وزروع وثمار وحيوان ومعادن ومنافع مختلفة الألوان والطعوم والروائح والخواص، وَاخْتِلَافِ اللَّيْلِ وَالنَّهَارِ أي تعاقبهما وتقارضهما الطول والقصر، فتارة يطول هذا ويقصر هذا، ثم يعتدلان، ثم يأخذ هذا من هذا فيطول الذي كان قصيرا ويقصر الذي كان طويلا، وكل ذلك تقدير العزيز الحكيم، ولهذا قال: لأولي الألباب. أي العقول التامة الذكية التي تدرك الأشياء بحقائقها على جلياتها، وليسوا كالصم البكم الذين لا يعقلون... ثم وصف تعالى أولي الألباب فقال: الَّذِينَ يَذْكُرُونَ اللَّهَ قِيَامًا وَقُعُودًا وَعَلَى جُنُوبِهِمْ .. أي لا يقطعون ذكره في جميع أحوالهم بسرائرهم وضمائرهم وألسنتهم. ويتفكرون في خلق السموات والأرض: أي يفهمون ما فيهما من الحكم الدالة على عظمة الخالق وقدرته وعلمه وحكمته واختياره ورحمته بس فى ملحوظة صغيرة لكى نتجنب الشبهات قد يرى البعض اسم المجموعة من ضمن الالفاظ التى تخالف الشريعة من ظاهرها ولكن هى فى مضمونها ارى انه لا خلاف ولكى لا نقع فى الشبهات بين اراء العلماء بين ظاهر الكلام وباطنه ارى ان نتجنب هذا الامر على قدر المستطاع هذا رأى قد يصيب وقد يخطأ اللهم ان كان من توفيق فمنك وحدك وان كان من خطأ او تقصير فمن نفسى ومن الشيطان وفقك الله الى ما فيه الخير احمد رضا 17-09-2008, 01:24 AM تمام من اجل اتقاء الشبهات فهيكون اسمها " الفِكر قبل الهواء " اعتقد اني مدخلتش في ماهيه الخلق وغايته شكرا لمناقشتك يا دكتور سعيد وشكرا لمناقشتكم وفي انتظار حقي dr.saeed 17-09-2008, 01:33 AM تمام من اجل اتقاء الشبهات فهيكون اسمها " الفِكر قبل الهواء " اعتقد اني مدخلتش في ماهيه الخلق وغايته شكرا لمناقشتك يا دكتور سعيد وشكرا لمناقشتكم وفي انتظار حقي جزاك الله خيرا يا احمد على اتقائك للشبهات وجعل ذلك فى ميزان حسناتك يوم العرض عليه أما حقك أنا صراحة كنت هاعمل ردى الاول فى موضوع عشان حقك وعشان كدة اتكلمت عن كلام الاستاذ عاطف فى موضوع سابق غير موضوعك كمان والى لازم نعرفه كلنا «إنما أهلك الذين قبلكم، أنهم كانوا إذا سرق فيهم الشريف تركوه، وإذا سرق فيهم الضعيف أقاموا عليه الحد وأيم الله لو أن فاطمة بنت محمد لقطعت يدها وأطن يا استاذ عصام لو كان طالب قال كدة لطالب كان اكيد هيعاقب منتظرين رد الاستاذ عصام ولو أغلق الموضوع سيتم فتح غيره حتى ياخذ أخى حقه فى امان الله احمد رضا 17-09-2008, 01:36 AM تم تفهم وجهه نظركم جميعا في انتظار بردو اللي انا عايزه يحصل :) جزاكم الله خيرا dr.saeed 17-09-2008, 01:37 AM هذا رأى قد يصيب وقد يخطأ شكرا استاذنا الفاضل على الاسلوب الجميل جدا فى طرح الموضوع وتفصيله وخاصة تفسير ابن كثير رحمه الله وكما قلت حضرتك فكل يؤخذ منه ويرد الا صاحب هذا القبر صلى الله عليه وسلم وفى انتظار رد الاستاذ عصام على ما تعرض له اخى أحمد رضا فى امان الله صوت الحق 17-09-2008, 01:37 AM ده ردى على الموضوع ونذهب جميع الى الموضوع الاصلى http://www.thanwya.com/vb/showthread.php?p=775158#post775158 صوت الحق 17-09-2008, 01:40 AM جزاك الله خيرا يا احمد على اتقائك للشبهات وجعل ذلك فى ميزان حسناتك يوم العرض عليه أما حقك أنا صراحة كنت هاعمل ردى الاول فى موضوع عشان حقك وعشان كدة اتكلمت عن كلام الاستاذ عاطف فى موضوع سابق غير موضوعك كمان والى لازم نعرفه كلنا وأطن يا استاذ عصام لو كان طالب قال كدة لطالب كان اكيد هيعاقب منتظرين رد الاستاذ عصام ولو أغلق الموضوع سيتم فتح غيره حتى ياخذ أخى حقه فى امان الله على ما اعتقد انى فتحت الموضوع لكى نصفى النفوس ما اسهلة العقاب وما اصعبه الصلح بين الاخوه احمد رضا 17-09-2008, 01:41 AM ياباشا مش معني اني هغير الاسم يبقي انا بعترف بخطأ الاسم لاء انا هغير لاني باعتباري مؤمن بتبع النبي - صلي الله عليه وسلم - لان كلامه وحي يوحي من خالقي - جل وعلا - فيه موضوع هعمله ان شاء الله وهحط ادله مرتبه ومنظمه ان شاء الرحمن بس اتشافي بس مس رانيا حسن 17-09-2008, 01:44 AM ملحوظه صغيره التفكير يسبق التفكر كلنا قد نفكر لكن ليس كلنا يتفكر الاسم يا جماعه لم يقصد به القصر بمعنى قيل ( خلقنا من اجل التفكير) ولم يقال (ما خلقنا الا من اجل التفكير) فى امان الله عاطف خليفة 17-09-2008, 01:57 AM والله رد مقنع يا استاذه http://thanwya.com/vb/showthread.php?t=73183 عشان نقفل احمد رضا 17-09-2008, 02:13 AM رد تمام فعلا يا استاذه رانيا كان فيه توجيه لكن مكانش فيه ولا استثناء ولا قصر بالنفي CoMMaNdo 17-09-2008, 02:17 AM فعلا رد استاذ رانيا وضحلنا المسئله جدا لان المجموعه مش اسمها خلقنا من اجل التفكير فقط لكن خلقنا من اجل التفكير اظن كدا وضحت المسئلة شوية ؟ سعيد نجم 17-09-2008, 02:24 AM ملحوظه صغيره التفكير يسبق التفكر كلنا قد نفكر لكن ليس كلنا يتفكر الاسم يا جماعه لم يقصد به القصر بمعنى قيل ( خلقنا من اجل التفكير) ولم يقال (ما خلقنا الا من اجل التفكير) فى امان الله استاذة فى حل المشكلات الصعبة متمكنة فى علوم اللغة ظهير قوى لمجموعة خلقنا من أجل التفكير و لا داعى الآن من تغيير شعار الجماعة فلا غبار عليه صوت الحق 17-09-2008, 02:28 AM تم والحمد لله حل المشكلة وقبول الاعتذار وتصفية الاجواء فلا داعى الى الردود مرة اخرى |