يا جماعه السنه ديه كتيير مننا اتظلموا منهم انا كنت كاتب طب ودخلونى هندسه حلوان مش القاهرة بس الحمد لله رب العالمين
المهم انا عملت الموضوع ده علشان كل الى اتظلموه انهارده فى النتيجة يكتب اسمه بالكامل ومجموعه والكلية الى دخلها ولو عنده نسخة من الرغبات كان مسجلها على الكمبيوتر وصورة من الشهاده لو عندك بتاعت الثانوية حطها برضه وهيكون ده موضوع الشكاوى ان شاء هنجاول ياغيات لما يوصل للوزارة وياريت مشرفين ومديريين الموقع ساعدوننا شويا علشان ليهم علاقات معاهم وياريت يا جماعه بلاش البوق الى بيقول هنكون معاكم لحظة بلحظة

ياريت بجد انا اول المظلومين

انا 99.6 من الامارات و كنت عايزة طب اسنان المنصورة و دخلوني صيدلة المنصورة ..

انا عايزة اعرف كل كلية واخدة من كام و انا اصلا من الاوائل ع الدولة ليه ميجيليش طب اسنان

انا اللي عرفته ان بس بنت واحدة م الامارات كلها دخلت طب اسنان المنصورة ..

طيب مش المفروض كل بلد ليها تنسيقها الخاص .. شكلنا اتحطينا مع بتوع السعودية و طبعا السعودية ليهم كليات القمة بسبب مجاميعهم

انا جايب 89.94 وفي المستوى جايب7.5 يعني هزيد نسبه ونفسي في هندسه الزقازيق وهي بتاخد من 90 انا مظلوم:mad::mad::mad::mad:

انا جايب 99.03 ودخلت اثار
ولاد الحرام ادوني الرغبه 32 الى اصلا كتبتها والله علشان املى الرغبات

انا عايزه اعرف الكليات اخده من كام اعرف منين

ايوه بجد لازم نعرف التوزيع ده علي اي اساس ايه الحد الادنيبتاع الكليات الي حدفونا عليها

والله حصل ظلم كبير يا جماعة
ابني جايب 99.8 وجايب 10 في المستوى الرفيع ودخلوه الرغبة رقم 23 هندسة منوف واحنا من سوهاج

بالله عليكم مش ده حرام وظلم

حسبنا الله ونعم الوكيل هو المنتقم الجبار

والله حصل ظلم كبير يا جماعة
ابني جايب 99.8 وجايب 10 في المستوى الرفيع يعني النسبة 101% وكان نفسه في طب بشري او طب اسنان ودخلوه الرغبة رقم 23 هندسة منوف واحنا من سوهاج

بالله عليكم مش ده حرام وظلم

حسبنا الله ونعم الوكيل هو المنتقم الجبار

انا جايبة 101.03 ودخلوني علاج طبيعي وفي جايبين 100 وداخلين صيدله
ربنا ينتقم منهم هو هبل ده ولا في ايه بالظبط

نرجو التكرم من مسئولي الموقع رفع تظلمنا الي وزير التعليم والي كل الجهات المسئولة فهل من المعقول ان يحافظ الطالب على نسبته المئوية سنتان دون تغيير ويحصل من خلالها على اعلى الدرجات وفي النهاية يتلاعب مسئولي التنسيق بمستقبل اولادنا علاوة على ماعانيناه خلال الفترة السابقة لانتظار النتيجة المشئومة هل ينفع هذا في شهر الرحمة يا قللات الرحمة ابني حصل علي 413.5 فهل الدرجة ونصف هذه تحرمه من جميع كليات الطب وطب الاسنان على مستوى الجمهوريه افيدونا افادكم الله واربفعوا صرحتي لكل المسئولين

أخويا حاصل على الثانوية من السعودية بمجموع 100% ، ولم يتمكن من أداء امتحان المستوى الرفيع لظروف خاصة

ومع إننا كاتبين كل كليات الطب وطب الأسنان والصيدلة ، إلا إنه ما جتلوش غير هندسة شبين الرغبة رقم 33

هل من المعقول إنه ولا كلية من القطاع الطبي تجيله ؟؟ من المسؤول عن ذلك ولمن نرفع الشكوى

يا ماعة انا كنت في التنسيق وفي ناس كتير اتظلموا والله حرام الناس هناك بيقولوا ان الحدود الدنيا للوافدين هتنزل الساعة تلاتة العصر والله حرام
منهم لله حسبي الله ونعم الوكيل
وعلى فكرة في مكتب التنسيق الناس اللي شغالين هناك عندهم حقد فظيع والله انا وامي بنكلم واحد شغال هناك نط زميله بيقوله يا عم مش ترد عليهم دول بيكلوا لحمة وفراخ كل يوم يا عم احنا غلابة
ونبي حد يرد عليا احنا ذنبنا ايه مستقبلنا يضيع

على فكرة في ناس جايبين 101وجالهم استنفاذ رغبات ده حرام ولا لا وزي ما قولت حسبي الله ونعم الوكيل
انا عايز اقول حاجة على فكرة دي لعبة هم عملنها ان الوافدين يدخلو جامعات خاصة لأن انا اكتشفت ان عندهم فكرة انا الوافدين معاهم فلوس يدفعوها في الجامعات الخاصة وان المصريين يخلوهم في الجامعات الحكومية وعلى فكرة الناس اللي شغالين في المكتب هم اللي بيحطوا التوزيع

احب اقول حاجة والله مش هدخل جامعة خاصة حتى لو ودوني اسوان

ياجماعة الموقع كل بيقوله كلام على الفاضى فين الفعل عاوزين حد يوصل الشكواه ديه ولا الموقع الى كنت معتمد عليه خلع بعد النتيجة
بس لسه املنا فيكم كبير

سلام عليكم
انا جايب414 وكنت عايز طب وودوني علاج طبيعي القاهرة
ازاي انا ماعرفش

معلش يا جماعة اعذرونى انا عندى سوال
ازاى واحد يكتب فى رغباته طب وهندسة فى نفس الوقت انتوا معندكمش علمى علوم (طب) وعلمى رياضة(هندسة)
وانا اعرف ان التنسيق بيتعمل على الكمبيوتر مش بتوع المكتب يعنى بيكتبوا الحد الادنى لكل كلية على الكمبيوتر وهو اللى بيختار انا منكرش ان اكيد ناس اتظلمت واكيد حصلت لغبطة (تبقى انت اكيد فى مصر) بس اللى متاكد كن حقى يروح مكتب التنسيق فى جامعة القاهرة وهم اكيد هيفدوه ان شاء الله
انا عن نفسى جتلى كلية غير اللى عايزاها واما عملت تظلم ورحت مكتب التنسيق قالولى هنبعتهالك وادينى والله مستنية اهوه
وربنا يوفقنا للى فيه الخير لينا ان شاء الله

السلام علييكم يا جماعة ... بصوا بقى لازم تعرفوا ان الكلام الكتيير مش حيفيدنا بحاجة أنا كنت النهارده في مكتب التنسيق وفضلت واقفة فترة طويييييييييييلة جدا مع اني مسافرة المسافة دي كلها....ومش دعايا لنفسي وخلاص بس بجد حرام في ناس كتير جايين من الصعيد ومسافتهم أكتر مني....وبعدين كتييير قوي جاله استنفاذ وكلنا كده لازم نعمل اعتصام يوميا عندهم ...وما نخلهمش يرتاحوا أبدا لأن بالمنظر ده احنا حنعطلهم على شغلهم هنااك وبالتالي حيحصل تأثير على المدينة الجامعية ...لازم نفضل وراهم و نقرفهم لحد ما ناخد حقنا ..احنا لينا حق ومش حنسيبه ولو وصل بيا ان كل يوم اسافر حسافر بس أخد حقي.
أنا زمايلي جايبين 99% وجالهم سياحه وفنادق وفي غيرهم جالوا طب اسنان يبقى فين العدل و أنا مجموعي فوق المية راحوا مطلعني برا بلدي فين العدل؟؟؟؟!!!!

انا يا جماعة جاي من الكويت وجايب 90.7 بالمستوى
السنة اللي فاتت واحد صحبي كان جايب 88 وجاتله هندسة حلوان

انا السنة دي جاتلي هندسه منوف بالعافية الرغبة 37 لو مكنتش حاطتها كان هيجيلي تجارة الحمدلله على كل حال

حاجة غريبة حصلت السنادي

نتايج كل المصريين اللي جايين من الكويت :
http://alqabas.com.kw/alqabas/Temp//Categories/74.htm (http://alqabas.com.kw/alqabas/Temp//Categories/74.htm)

نشتكي لمين طيب ومين هيسمعنا

الموظفين اللي في مكتب التنسيق مش هيفيدونا في حاجة
لازم نفكر هنعمل ايه وبسرعة

يا جماعة و الله احنا كده ما بنعملش عايزييييييين حل عملي انشالله ايه بس حد يفكر تفكير عملي انا صحيح جالي هندسة المطرية مع اني جايب 95.5 و جاي من الامارات و كان نفسي في عين شمس بس صعبان عليه اوي الناس اللي شفتهم في مكتب التنسيق دول غلابة بجد و الموظفين الزبالة دول منهم لله ده كفاية شكل الآباء الحزانة واللي ماشيين منكسرين

انا بنت تعبت تعب الدنيا كلة لدرجة اني كنت داخلة الاختبار وانا بموت ومع ذلك اتحملت لحد ماجبت 98ونص

ونزلت اعمل مستوى رفيع وفضلت طول الاجازة اذاكر لحد ما جيه يوم الامتحان واكتشف ان الباشا رئيس اللجنة قرر فجأة انه يجي قبل معادةويمشي يعني باختصار (اخبطوا دماغكم في الحيط )

وعدى الموضوع بعد معاناة شديدة وفجأة الاقي نفسي رموني في علوم حلوان وانا كتباها اخر رغباتي
لاني مش لاقية حاجة ملي بيها الفراغ ،شكلهم بيقروا من تحت باين !!!!!!!

وحاليا انا بحاول باقصى جهدي اني الحق نفسي في كلية كويسة ، ياترى البني ادمين ايلي زينا يعملوا ايه ؟

نننتحر زي الثانوية العامة ولا نشنق نفسنا .حسبي الله هو نعم الوكيل

والله كده خير مش انتو بس اللي زعلانين انا كمان
بس الحمد لله
مش كنا ممكن دخلنا كليه حلوة وممشيناش فيها

كله بامر الله بس ايلي حصل دة محصلش لشخص ده حصل لكل ايلي مجموعهم مرتفع جدا بالذات ،

يعني بيهدموا افكارنا واحلامنا والغريبة انك تعرفي السبب ، بيقولوا انهم مش بيوزعوا على اساس مجموعك

بيوزعوا على حسب احتياج الكليات ،يعني مثلا حضرتك كاتب هندسة يوزعوا هما 5 في الميه على هندسة و5 %على الطب و5%على الصيدلة من غير مايبصوا في رغبات حضرتك .

متهيئلي دة ظلم ميرضيش رب العالمين ابدا

بصراحة دة موقع وشوية عيال بنت احبة

انت بتستغلوا لهفة الناس وحيرتهم وغلبهم لمصالحكوا الشخصية حرام عليكوا ياولاد الكلب

عيب كده يا استاذ انت مين قال انهم بيستغلوا لهفه الناس احنا اللي هنا وبمزاجنا بنتكلم مع بعض وبناقش مشاكلنا ملكش دعوعه بينا خليك فنفسك لو سمحت

ميرسي يا سامح على موضوعك

انا جايب 414.09

وطب واخد414.1

وجالي صيدله ازاي

ياريت يا جماعه صوتنا يوصل لانه لو موصلش احنا هنوصله بطريقتنا

الله اكبر ولا حول ولا قوة الا بالله

انا جاية من السعودية
وجايبة 100% و9.5 في المستوي وفي الاخخر يجيبولي السن