مشاهدة النسخة كاملة : هام جداااااااااا للطلاب المستنفذين وإللي جالهم كليات أقل من مجموعهم إدخلوا بسرعه
love_queen_emy 17-09-2008, 08:38 PM السلام عليكم ورحمة الله وبركاته
بعد إذنكم يا جماعه لازم تقروا كلامي كله لأنه مهم جدا للي مظلوم في التنسيق اللهم بلغت اللهم فشهد
طبعا يا جماعه كلنا شوفنا المهذله إللي حصلت في تنسيق القادمين من السعودية وأنا مصدقتش إن إللي جايبين أكتر من 100% جالهم إستنفاذ رغبات غير لما روحت النهاردة وشوفت بنفسي أقسم بالله لقيت أب وأم بنتهم جايبه 415 ومكتوبلها مستفذ طب تيجي إزاي مش فاهمه والله شوفت بعيني محدش قالي شوفت إللي جايب 100% و كسور وجاتله كلية دار علوم وهو أصلا مكتبهاش شوفت إللي جاتلوا تجارة وهو 98% والله أنا كنت هناك من حوالي تسعه صباحا إلي الساعه تلاته الضهر وشوفت كل حاجه بعيني يا جماعه والله في حاجه غلط يعني أنا كنت بقول يوم ما التنسيق يعلي هلحق هندسة وملحقتش حاجه خالص أنا مجموعي بالمستوي 409,19
مش صغير يعني علشان حتي ملحقش هندسة وواحده صاحبتي جايبه 98,9 % وداخله هندسة طب إزاي أقل مني وتدخل وأنا لأ ومن ده كتير لو جيتوا وشوفتوا اللي أنا شوفته هتتحسروا علي مستقبل الميات إللي ضاع أحلام الأباء والأمهات والأبناء إللي إتحطمت هتشوفوا الحزن في عيون براعم لسه بتفتح عينها علي الدنيا
وفي الاخر لما الشباب يبقي إرهابي ويورح يسافر بطرق غير مشروعه ويرجعوا جثث نقوله بتعمل كده ليه أنا مش بدافع عنهم بس أنا دلوقت حسيت هما ليه إختاروا الطريق ده لما يكون طالب جايب فوق 99% و100% ويتكتبله إستنفذت رغباتك قوقولي ده يعمل إيه يروح فين ؟؟؟؟ حد يرد عليا يجيب إيه أكتر من كده
بصوا يا جماعه أنا هروح بكره المكتب اللي في القاهرة علشان موضوع الإستفاذ ده وكمان علشان أدافع عن حقي في إني أدخل كلية من كليات القمة هدافع عن تعبي وسهر الليالي هدافع عن حلمي وحلم اهلي وعيلتي كلها هدافع لأخر نفس فيا ومش هتنازل لو إيه إللي هيحصل لو هبات هناك في مكتب التنسيق لغاية ما
يحققوا مطالبي وهي إنهم يساووا بين الطلبه مش واحده جايبه أقل مني وتدخل كليه وأنا لأ
بصوا إللي عايز يدافع عن حلمه سواء جاتله كليه أي كلام أو إستنفاذ يجي بكره من بدري والنهارده جريدة المصري اليوم جت وبكره إن شاء الله التلفزيون هيجي وهنوصل صوتنا لأبعد الحدود أما بقي لو إنت متخلي عن حلمك فخليك قاعد في البيت وإبقي قابلني لو نفعت في حاجه بعد كده لأن إللي يتنازل عن حقوقه و أحلامه يتنازل عن أي حاجه فكروا في كلامي ومستنياكم بكره في مكتب التنسيق إيدينا في إيدين بعض نجيب حقنا وعمر حقنا ما هيجيلنا علي البيت لازم نخرج ونجيبه
أختكم : إيمان
مستنياكم بكره في مكتب التنسيق بالقاهرة :)
ah2009noor2008elislam 17-09-2008, 08:47 PM ايمان هو انتي نازلة من السعودية بنسبة كام من غير المستوى .. و بعد المستوى
و هتعملي بكرة ايه ان شاء الله .. هتكتبوا الرغبات تاني و لا هتختاروا الكلية
و بعدين ربنا معاكوا ان شاء الله ... بس هو كله من السعودية و لا في من بلاد تانية متظلمين
love_queen_emy 17-09-2008, 08:53 PM نازلة من السعودية بنسبة 98,6% وبالمستوي بقيت 99,8 %
وبكره هنكتب رغبتين علي حسب الحد الادني إللي المفروض يظهر النهارده وعلي فكرة إحنا إللي طالبنا النهارده بنزول الحدالأدني للكليات والحمد لله صوتنا إتسمع يعني في امل نكمل ونحقق مطالبنا وإوعوا حد ييئس
وكل المتظلمين من السعودية دول كانوا النهارده كتير اوووووي
ميرسيي ليك علي ردك
love_queen_emy 17-09-2008, 08:54 PM يا جماعه بكره مهم جدا تيجوا صدقوني مش هتندموا متضيعوش مستقبلكم بإديكم وبلاش كسل وتعالوا بكره الصبح
amro_alex 17-09-2008, 08:57 PM والله زعلت ليكي ولكل الطلاب اللي راحوا ضحية التنسيق وانا مش عارف التنسيق مالوا السنة ديي فعلا في اختلاف كبير بين السنة دي وباقي السنين (( للي جايين من الكويت )) والله لو اقدر اساعدكوا حساعد وربنا معاكواااااااا
نسمة هوى 17-09-2008, 08:59 PM حسبى اللة و نعمة الوكيل فكل من ظلمكم اية اللى نزلك مصر ربنا معاكى اتى و غيرك من المظلومين
love_queen_emy 17-09-2008, 09:02 PM أكبر مساعده لينا شعورك الجميل ده ده يا عمرو ومواساتك لينا وإدعيلنا ناخد حقنا إدعي من قلبك وميرسيي ليك علي ردك الجميل وربنا يوفقك يا رب
dr.mimo 17-09-2008, 09:04 PM أنا جايبه بالمستوى الرفيع 101.10 وماجاليش الا هندسة عين شمس
بس الحمد لله على كل حال
كيلوبترا 17-09-2008, 09:05 PM عندك حق يا لوف كوين وأنا معاكي ان شاء الله ولو وصلت اني أسافر كل يوم حسافر بس أخد حقي اللي ضاع مني ..أنا بس مش فاهمه ليه المعاملع السيئة دي هو احنا مش مصريين وبعدين لو عاوزينا ندخل جامعت خاصة يقولوا كده بصراحة عشان نبقى عارفين ...يعني طلاب مصر اللي عايشين هنا مصريين واللي عايشين بره أجانب وبعدين هما ينزلوا المجاميع للي عايشين هنا واحنا يرفعوها في السماء ..أقسم بالله العظيم إني شفت بنت النهارده جايبه 101% وجالها تجااااااااااااااارة يا بنئادمين تجااارة مش حرااااااااااااااااااااام؟؟ ومش حرام يشحططوا البنات في المحافظات يعني هما يرضوها لبناتهم؟؟؟!!
love_queen_emy 17-09-2008, 09:09 PM ميرسيي ليكي يا نسمة هوي علي ردك ومشاركتك
ومعلش يا ميمو الحمد لله إنك لحقتي هندسة بوسي إيدك وربنا يوفقك ولو إنتي حاسه بظلم تعالي بكره معانا ومش هتندمي
اكرممهدى 17-09-2008, 09:13 PM انا جايبه 409 من غير المستوى يعني بالمستوى اعدي الميه ودخلت طب بيطري
love_queen_emy 17-09-2008, 09:14 PM لا يا كليوبترا إحنا في مصر مغتربين وفي السعودية أجانب يعني الظاهر كده إنهم مش حاسبينا مصريين بس إحنا غصب عن أي حد مصريين وعلي فكرة حكاية الجامعه الخاصة دي إنسوها مش لعدم وجود فلوس ليها لأ لأننا مش هنسمح لحد يستعبطنا ويستنزفنا أنا لو هدخل خاصة هروح أدخلها في السعودية البلد إللي معاملتنيش وحش زي ما بلدي عاملتني وخليهم يظلموا فينا لغاية ما ربنا هينتقم منهم الإنتقام الكبير وحسبنا الله ونعم الوكيل
ميرسيي ليكي يا حبيبتي علي ردك وإنتي هتروحي بكره مكتب إسكندرية ولا القاهرة أكيد إسكندرية بس عايزاكي تبقي أسد هناك وتشجعي الناس علي إنهم ميسبوش حقهم مهما كان وربنا يوفقك يا قمر
meky mous2009 17-09-2008, 09:16 PM طيب قوليلي هيا الحدود الدنيا نزلت
A7moda11 17-09-2008, 09:16 PM بجد بجد انا زعلان عشانكم
انا اختي السنة جابت من السعودية 413.85
و كان نفسها في علاج طبيعي او اسنان او صيدلة و لا طب
و مجالهاش غير هندسة القاهرة بس هي اساسا كانت كتباها عشان تملي الفراغ و خلاص
love_queen_emy 17-09-2008, 09:17 PM مظلومة زينا يا أكرممهدي حسبنا الله ونعم الوكيل بقي تجيبي المجموع الكبير ده ماشاء الله عليكي وتدخلي بيطري عايزة أعرف هما عايزينا نجيب كام بالظيط مش فاهمه
متزعليش وخليكي مؤمنه لكن في نفس الوقت متتخليش عن حقك مهما كان
love_queen_emy 17-09-2008, 09:21 PM بجد بجد انا زعلان عشانكم
انا اختي السنة جابت من السعودية 413.85
و كان نفسها في علاج طبيعي او اسنان او صيدلة و لا طب
و مجالهاش غير هندسة القاهرة بس هي اساسا كانت كتباها عشان تملي الفراغ و خلاص
ما شاء الله علي أختك وربنا يصبرها بس عايزة أعرف ليه دي متدخلش صيدلة علي الأقل مع إمها المفروض تدخل طب لأن مجموعها بسم الله ماشاء الله مش شوية بس هنقول إيه حسبنا الله ونعم الوكيل وعلي فكرة كانت في حالات من دي كتير النهارده ربنا يصبرهم جميعا ويصبرني وإوعوا تسيبوا حقكم يا جماعه
meky mous2009 17-09-2008, 09:21 PM ياجماااااااااااااااااااااااااااااااااااااااااااااا عة هيا الحدود نزلت
love_queen_emy 17-09-2008, 09:24 PM لسه في الموقع كاتبين مساء اليوم وإن شاء الله هتنزل متخافش وإنت جاتلك إيه ؟
dr.mimo 17-09-2008, 09:25 PM بجد بجد انا زعلان عشانكم
انا اختي السنة جابت من السعودية 413.85
و كان نفسها في علاج طبيعي او اسنان او صيدلة و لا طب
و مجالهاش غير هندسة القاهرة بس هي اساسا كانت كتباها عشان تملي الفراغ و خلاص
أنا زي اختك والله كتباها تملية مكان وماتوقعتش ابدا
بس الحمد لله
بس كنت جايبه 414.39
love_queen_emy 17-09-2008, 09:31 PM معلش يا ميمو قدر الله وما شاء فعل متزعليش خليكي زي ما إنتي كده إحمدي ربنا ولو في إيدك حاجه إعمليها برده
dr.mimo 17-09-2008, 09:40 PM هعمل ايه والله الواحد زهق منهم مش عارف يعمل ايه
بس انا عايزة اتعرف بيكي ممكن ابعتلك ايميلي ونتعرف
conan_egypt 17-09-2008, 09:41 PM ما ضاع حق وراءه مطالب
تذكروا هذه الحكمة جيدا
الصراحة التنسيق انا حاسس انه عشوائي وشكلها كده
اللي بيعرف ياخد حقه هو بس اللي بيدخل كلية نظيفة
انا صحيح جتلي كلية كويسة بس انا حاسس بشعور كذا واحد فيكم لأن في ناس اعرفهم
حصللتهلم نفس المشكلة دي
وفي الآخر بقول حسبنا الله ونعم الوكيل
night-knight 17-09-2008, 10:00 PM انا يا جماعة جاي من الكويت وجايب 90.7 بالمستوى
السنة اللي فاتت واحد صحبي كان جايب 88 وجاتله هندسة حلوان
انا السنة دي جاتلي هندسه منوف بالعافية الرغبة 37 لو مكنتش حاطتها كان هيجيلي تجارة الحمدلله على كل حال
حاجة غريبة حصلت السنادي
نتايج كل المصريين اللي جايين من الكويت :
http://alqabas.com.kw/alqabas/Temp//Categories/74.htm (http://alqabas.com.kw/alqabas/Temp//Categories/74.htm)
eng.smsm 17-09-2008, 10:02 PM انا و الله زعلت عشانكم كتير بس برضه الظلم صاب بتوع الامارات كتير و واحد من اصحابي جايب 93 و الله حتى ما جالوا حاسبات و معلومات مع انه نسبته تعتبر ممتازة انا بجد لو عايزني في اي حاجة انا معاكم بجد ده ظلم ربنا يحرق قلوبهم زي ما حرقوا قلوب الطلاب دول و حرقوا قلوب ابائهم منهم لله ربنا معاكوا يارب
love_queen_emy 17-09-2008, 10:38 PM طبعا يا ميمو إبعتيهولي في رسالة خاصة ده شرف ليا طبعا
وميرسيي ليك يا مونان علي ردك الجميل وفعلا لا يضيع حق ولاراءه مطالب
conan_007 17-09-2008, 10:40 PM كنت عايز اسئلك يا لوف كوين هو يعنى هو لو احنا اعتصمنا بكره ادام مكتب التنسيق ممكن يعملو ايه يعنى هيعيدوا التنسيق .............. اشك
كل اللى هيعملوه هينزلوا الحد الدنى وطبعا هيطبوخها بحيث ان يبينوا انهم كرموا اللى دخلو كليات وكتر خيرهم ان مجبوش للكل استنفاذ وهيطلع الوزير يقولك دا اعدل تنسيق من سنين
انا مش ضدك طبعا بس انا حاسس باحباط رهيييييييييييييييييييييييييييييييب
انا ليا اخت السنا اللى فاتت دخلت صيدله وانا السنادى جبت اعلى منها ب3% وكنت باكتب الرغبات بتناكه على اساس انى ضامن صيدله وفى الاخر دخلت هندسة عين شمس وانا بكره الرياضه وفاشل فيها :(وحلمى الوقت انى احول هندسة القاهره عشان اقرب لسكنى وفيها ناس يساعدونى وخلاص اصل استحاله يطلع الوزير يقول معلش انا اسف انا ظلمت بتوع المعادله ويارب يوفق الكل ويوفقنى واحول القاهره
love_queen_emy 17-09-2008, 10:40 PM انا يا جماعة جاي من الكويت وجايب 90.7 بالمستوى
السنة اللي فاتت واحد صحبي كان جايب 88 وجاتله هندسة حلوان
انا السنة دي جاتلي هندسه منوف بالعافية الرغبة 37 لو مكنتش حاطتها كان هيجيلي تجارة الحمدلله على كل حال
حاجة غريبة حصلت السنادي
نتايج كل المصريين اللي جايين من الكويت :
http://alqabas.com.kw/alqabas/temp//categories/74.htm (http://alqabas.com.kw/alqabas/temp//categories/74.htm)
معلش والحمد لله إنك لحقت حاجه متزعلش وربنا يوفقك ميرسيي علي ردك
dr.mimo 17-09-2008, 10:46 PM أنا على فكرة كمان جالي هندسة عين شمس بس بعيدة اوي
وبفكر احول القاهرة بس بعيده لانهم مش بيداوموا في الجامعه
بيداوموا في 6 اكتوبر
love_queen_emy 17-09-2008, 10:48 PM كنت عايز اسئلك يا لوف كوين هو يعنى هو لو احنا اعتصمنا بكره ادام مكتب التنسيق ممكن يعملو ايه يعنى هيعيدوا التنسيق .............. اشك
كل اللى هيعملوه هينزلوا الحد الدنى وطبعا هيطبوخها بحيث ان يبينوا انهم كرموا اللى دخلو كليات وكتر خيرهم ان مجبوش للكل استنفاذ وهيطلع الوزير يقولك دا اعدل تنسيق من سنين
انا مش ضدك طبعا بس انا حاسس باحباط رهيييييييييييييييييييييييييييييييب
انا ليا اخت السنا اللى فاتت دخلت صيدله وانا السنادى جبت اعلى منها ب3% وكنت باكتب الرغبات بتناكه على اساس انى ضامن صيدله وفى الاخر دخلت هندسة عين شمس وانا بكره الرياضه وفاشل فيها :(وحلمى الوقت انى احول هندسة القاهره عشان اقرب لسكنى وفيها ناس يساعدونى وخلاص اصل استحاله يطلع الوزير يقول معلش انا اسف انا ظلمت بتوع المعادله ويارب يوفق الكل ويوفقنى واحول القاهره
أولا : أحب أقولك إنك يائس جداا لأبعد الحدود ومتزعلش مني :)
ثانيا: يا ما الإعتصام أجبر الحكومة علي تحقيق المطالب وبعدين الوزير هيطلع يقول إيه ولا إيه بقولك في بنت جايبه 415 ومكتوبلها إستنفاذ رغبات هيشكك في دي هنوريله ورقتها والله شوفتها بعيني والبلاوي كتير أوووي وملهاش حصر الناس هناك هتتجنن وجواها نار قايده ومش هيسكتوا
ثالثا: حتي لو مش ضامنين نتيجة إللي هنعمله لازم نعمل إللي علينا والباقي علي ربنا وزي ما قال كونان لا يضيع حق وراءه مطالب
بصوا يا جماعه أنا مش هسيب حقي مهما حصل وأحاول علي قد ما أقدر لكن في الاخر إللي ربنا هيديهولي هرضي بيه بس أكون عملت إللي عليا
وميرسيي علي ردك
islamsolms 17-09-2008, 10:53 PM بسم بقى يا ايمي عشان دمعني هاتفر منني :)
لعنة الله عليهم الحيوانات دول
انا جايب 406 جالي اثار الرغبه 32
conan_007 17-09-2008, 10:53 PM أنا على فكرة كمان جالي هندسة عين شمس بس بعيدة اوي
وبفكر احول القاهرة بس بعيده لانهم مش بيداوموا في الجامعه
بيداوموا في 6 اكتوبر
طب هو اساسا ممكن تحويل انا ممكن احول لو اعدادى بيتاخد على حدود تشاد بس يبقى فيه امكانيه؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟:(:(
wafa2y 17-09-2008, 11:05 PM ربنا معاكو يا شباب
أنا الحمد لله جايب 91.5%
و دخلت هندسه
بس ثانويه معميه مصريه أصليه
:d:d:d:d:d
meky mous2009 18-09-2008, 02:04 AM انا ياستي مجموعي 101,25وجاتلي ألسن عين شمس الرغبة 20
قطرات ندى 18-09-2008, 02:20 AM يعني كان ممكن يجيلك هندسة الكترونية منوف او هندسة زراعية القاهرة
بس اكيد انتي مش كتبتيهم او كتبتيهم بعد الكلية اللي جاتلك ربنا يوفقك يا ايمان ويطمنك ومتقلقيش ان شاء الله ربنا يكتبلك الخير
وما عليكي الا انك تاخدي بالاسباب وتحاولي تحولي لو فيه كليات مجموعها ينفعك ومستقبلها افضلك
engahmadez 18-09-2008, 03:19 AM يا love بقولك بعد لما طلعوا الحدود الدنيا
يمكن بإذن الله تدخلي هندسة إلكترونيات منوف هتلحقيها إنشاء الله وأنا طالب فيها في الفرقة الأولى وهيه كلية لذيذة وهيه مش بعيدة عنك بما إنك في الغربية
أحمد رشاد الفرقة الأولى هندسة إلكترونيات منوف
الإيميل لأي أستفسار أنا جاهز : engahmadez@hotmail.com
يلا رمضان كريم على الكل يارب
love_queen_emy 18-09-2008, 09:32 PM أنا فعلا مجموعي أعلي من هندسة منوف بـــ 4, ربنا يسهل وألحقها كان قدامي طب بيطري بس مش عايزاه مش حباه أصلا
وإن شاء الله هلحقها ولو ملحقتهاش بقي هروح أعتصم هناك لأني إللي خلاني مسكت نفسي النهارده هناك إنهم إلي حد كبير ريحونا وعرفونا الحدود الدنيا وقالولنا إكتبوا رغبه واحده مجموعكم يجيبها ربنا يسهل ويجيبوهالي
وميرسيي ليك يا احمد إنت وقطرات الندي وsai و إسلام علي ردودكم وربنا يوفقكم جميعا
وإنت يا ميكي ربنا يصبرك بجد الله يكون في عينك دا إنت ماشاء الله عليك مقفل وتجيلك ألسن الرغبه ال20
والله حراااااااااااااااااااااام حسبنا الله ونعم الوكيل
روميو العاطفي@الشرقاوي 19-09-2008, 01:19 AM هااااااااااااي
ازيك يا ايمي ده انتي بقيتي زعيمه ههههه
انا رايح مكتب التنسيق يوم الاحد واللي عملناه امبارح هنعمله يوم الاحد وعليا وعلى اعدائي
حقي مش عسيبوه لان ده حراااااااااااااااام حرااااااااااااااااااام
شعارنا هيكون((يا وزير قول الحق انته ظالمنا ولا لأ))
لا اله الا الله الله اكبر
jeme.89 19-09-2008, 01:28 AM يا جماعة رئيس مكتب التنسيق بجلالة قدره عايز عشر بواكي ويدخلكم الي انت عايرزينو ده كلامو لما كنا يوم الاربعاء هناك
انشودة القمر 19-09-2008, 01:59 AM السلام عليكم
ايه اخر الاخبار يا جماعه طبعا ان كنت في حاله ذهول ومكنتش بدخل ولا بنيل... وفرقت معايا صيدلة واحد من عشرة وقالولي ملكيش تقريب واخبطي راسك في الحيط ...
وحاطوني هندسة وانا لا ليا في رياضه ولا فيزياء ولا بعرف ارسم اساسا ومجموعي يجيب احسن انا جايبة 414.18 طبعا لغو 8 دي خالص وقالك اصل الرقم التاني ده شكلو وحش مش جي كده مع الارقام مش لايق يعني :s انا رحت الاربع بس معملتش حاجه ووحاول اروح تاني حد رايح الجمعه ؟؟؟؟؟؟؟
انشودة القمر 19-09-2008, 02:01 AM صح ايمي انا نفسي اتعرف عليكي بجد انا معجبة باصرارك جدا بس للاسف مش عارفه ابعتلك على الخاص يا ريت لو نقدر نتكلم على الايميل
اسمي ايمان بردو :d
مستنياكي يا جميل
روميو العاطفي@الشرقاوي 19-09-2008, 02:22 AM بصي يا انشوده اقمر احن هنطلع يوم الاحد على مكتب التنسيق كلنا
وهنعمل اعتصام كبير ان شاء الله ومهنتحركش لحد مناخد حقنا خلاص انا فاض بيا وضياع بضياع بقى مش هنسكت من الاخر
لاننا ملومين ومتبهدلين واللهي ومظنش ان حد هيروح الجمعه
وعلى فكره مجموعك يدخلك طب سوهاج
انا جايب 414.09 وطب سوهاج جايب 414.1 يعنيانا اعتبر جايب 414.1
بس مدخلتش طب وجالي صيدله ازاي؟؟؟؟؟؟؟؟
بصي لو حبه تنضمي لينا ده ايميلي يا ايمان واهلا بيكي
انا اسمي احمد noureal-islam@hotmail.com
واي حد عايزني اساله على حاجه يوم الاحد انا تحت امره
love_queen_emy 19-09-2008, 02:47 PM هااااااااااااي
ازيك يا ايمي ده انتي بقيتي زعيمه ههههه
انا رايح مكتب التنسيق يوم الاحد واللي عملناه امبارح هنعمله يوم الاحد وعليا وعلى اعدائي
حقي مش عسيبوه لان ده حراااااااااااااااام حرااااااااااااااااااام
شعارنا هيكون((يا وزير قول الحق انته ظالمنا ولا لأ))
لا اله الا الله الله اكبر
ههههههههههههه اه بقيت زعيمة مافيا أصلي خلاص قلبي جمد ومبقتش اخاف وغير كده انا متعودتش أسيب حجي وااااصل
وكلنا معاك يا احمد
يا وزير قول الحق إنت ظالمنا ولا لأ
love_queen_emy 19-09-2008, 02:54 PM هاااااااااااااي إيمان إذيك يا قمراية طبعا شرف ليا إننا نتعرف علي بعض بصي انا هبعتلك إميلي علي الخاص وضفيني أوك يا عثل
كيلوبترا 19-09-2008, 03:29 PM وأنا يا جماعة معاكم في الاعتصام يوم الاحد ان شاء الله وحاجي القاهرة ان شاء الله لأن مكتب التنسيق هنا قفل خلاص بس مش حنمشي غير لما يطلعوا التظلمات كلها قبل المعاد المقرر عشان نلحق نداوم في الجامعات بتاعتنا لأنهم كاتبين قي الأهرام إنهم حياخدوا التظلمات من يوم الأحد ليوم الخميس ..لازم يطلعوها قبل عشان نلحق نداوم مع بقيت البشر وما يفوتناش كتيير.
ah2009noor2008elislam 19-09-2008, 04:09 PM لووووووو سمحت يا جماعة ....... لو حد عارف أو هيعرف أي معلومة عن التحويل من كلية لنفسها يعني مناظرة يوم الأحد ... لو سمحت يقلي ...
يعني عن المبلغ المطلوب
وهكتب كام رغبة
والنتيجة هتطلع أمتى بعد يوم الخميس .. و ربنا يسهل للكل بأذن الله
zlabia11 19-09-2008, 05:24 PM بصي يا انشوده اقمر احن هنطلع يوم الاحد على مكتب التنسيق كلنا
وهنعمل اعتصام كبير ان شاء الله ومهنتحركش لحد مناخد حقنا خلاص انا فاض بيا وضياع بضياع بقى مش هنسكت من الاخر
لاننا ملومين ومتبهدلين واللهي ومظنش ان حد هيروح الجمعه
وعلى فكره مجموعك يدخلك طب سوهاج
انا جايب 414.09 وطب سوهاج جايب 414.1 يعنيانا اعتبر جايب 414.1
بس مدخلتش طب وجالي صيدله ازاي؟؟؟؟؟؟؟؟
بصي لو حبه تنضمي لينا ده ايميلي يا ايمان واهلا بيكي
انا اسمي احمد noureal-islam@hotmail.com
واي حد عايزني اساله على حاجه يوم الاحد انا تحت امره
ربنا يوفقك وتتحقق اللي انت عايزة بس ممكن تسالي في واحدة صحبتي جالها كلية وهي مش جايبة الحد الادني بتاعها اقل يعني يا ريت تسالي لانها مش من القاهرة ومش هتعرف تيجي..
روميو العاطفي@الشرقاوي 19-09-2008, 05:35 PM حاضر انا تحت امرك طبعا
وهسالك وارد عليكي ان شاء الله
ومحدش ينسا معدنا يوم الاحد امام مكتب التنسيق ويا احنا لاهما
((يا وزير قول الحق انت ظالمنا ولا لأ))
انا هكون هناك من الساعه9 لحد ماخد حقي ان شاء الله ونوصل صوتنا
|