الدماغ فيها ايه؟؟؟ [الأرشيف] - بوابة الثانوية العامة المصرية

أحمد2025

18-09-2008, 06:25 AM

ــ (( السلام عليكم ورحمة الله وبركاته )) _

أزيكم ياجماعة أخباركم ايه يارب تكونوا بخير وفى الجنة جميعا ان شاء الله

طبعا ياجماعة احنا شايفين حال الشباب اليومين دول وخصوصا اللى فى الكلية
ياجماعة الشباب دلوقتى اكتر من 90 % منه مش بيفكر غير فى البنات
البنات واكلة دماغ الشباب
انا مش عارف ايه اللى بيحصل ده
مفيش حد دلوقتى غير بيكلم فى البنات و.......
بالذمة ده كلام
انا مش هكدب وقول انى مليش فى البنات وكده
لا بس انا عمرى ما حطيت البنات فى المقام الأول فى حياتى
انا ياجماعة بشوف حاجات فظيعة بسبب مواضيع الحوارات بتاعت البنات دى
يعنى ممكن واحد يبيع صحبة علشان بنت متستهلم
وبنت تبيع صحبتها علشان واحد ميستهلش
مش عارف بقى بجد ايه ده

هنيجى بقى نتكلم فى حاجة تانية
ايه اللى انا بشوفة فى الكليه ده
الاقى واحدة قاعدة على سلم الكلية وحوليها 3 شباب ولا 4
ايه ياجماعة فى ايه
مفيش اهل ربوا
مفيش احترام حتى
انا بلقى اللوم فى الموضوع ده على البنت
يجماعة حرام اللى بيحصل ده
انا هسيبكم انتم تعبروا

مع تحيات
أحمد2025

CoMMaNdo

18-09-2008, 06:53 AM

تصدق بايه
انت ياحمد والله بجد المنتدى كان مفتقدك الايام الى فاتت
نورتنا والله يا حبى

بوص بقى بخصوص موضوعك
والله يا احمد انا ماعرفش اللوم على مين
علينا ولا على البنات ولا على ايه ولا ايه
بس الى اعرفه ان اننا الى بنعمله غلط
ربنا يرحمنا ويهدينا يارب

!!!دمعة حزن!!!

18-09-2008, 06:54 AM

هههههههههههههههههه

انت لسه شوفت حاجه

استنى الدراسه تبتدى وانت هتكره اليوم اللى قررت فى انك تدخل الجامعه

Mohamed_AmeesH

18-09-2008, 07:39 AM

حكايه البنات دا شىء اساسى عند الشباب اليويمن
وليس الشباب كله بل معظمه
اما انا موش معاك يا محمد فى كلمتك موش عارف اللوم يبقى على مين
انا من رأى اللوم ع البنت ذات نفسها واللوم الاكبر ع التربيه بتاعتها
اى والدها ووالدتها
اشكرك على طرحك لهذا الموضوع

..Just Stop

18-09-2008, 09:34 AM

هههههههههههه
يخرب عقلك يا احمد ( منور المنتدىالاول )
يعنى ممكن واحد يبيع صحبة علشان بنت متستهلم
وبنت تبيع صحبتها علشان واحد ميستهلش
كان فى مقولة بسمعها كتير جدا
وقفة الراجل بميت ست وان جيت الست يغور الراجل
وعادى جدا
امال الكلية هتبقا حلوة ازتى
امال الهايفين هيسقطو ازاى
يعنى تلاقى الواحدة من دول قاعدة ولامة حواليها شباب الكوفى شوب كلهوعاملين شلة
وهاى شوشو وهاى سوسو
منظرة يا حج احمد
ركز فى كليتك ومتعملش زيهم
ودمتم فى رعاية الله

SmSm Basha

18-09-2008, 10:10 AM

welcomeeee

18-09-2008, 04:45 PM

انا مختلفه معاك فى حكايه انك بتلقى اللوم على البنت بس
طب مهو الولاد برضه بيبقوا داخلين الجامعه مش هاممهم اى حاجه غير كلام البنات
العيب على المجتمع كله بنات وولاد

لو الناس دخلت الجامعه وحطت فى دماغهم انهم داخلين مرحله جديده لازم يثبتوا نفسهم فيها مش داخلين مرحله يهرجوا فيها ويعرفو ناس كتير من الجنس الاخر وخلاص المشكله هتتحل شويه

بس المشكله فعلا ان البنات بيبقو داخلين الكليه مش حاطين فى دماغهم غير موضوع الولاد وبرضه الولاد نفس الحكايه

احنا المفروض داخلين مرحله دراسيه مش مرحله ترفيهيه
وعلى فكره انت لسه كده مشوفتش خاجه انا بشوف اللى بيحصل فى الجامعه كل يوم بلاوى سوده

يلا ربنا يهدى الجميع

نورت المنتدى يا احمد كنا مفتقدينك جدا:d
وشكرا على طرحك للموضوع:)

..حدوتة..

18-09-2008, 05:08 PM

وقفة الراجل بميت ست وان جيت الست يغور الراجل

يعنى ايه؟؟؟؟؟ مش فاهمة.........

ayooosh

18-09-2008, 05:24 PM

..حدوتة..

18-09-2008, 05:50 PM

..حدوتة..

18-09-2008, 05:52 PM

welcomeeee

18-09-2008, 06:47 PM

برضه بتجيبو اللوم على البنت ومحدش بيفكر فى الظروف الاجتماعية بتاعتها

على فكرة البنت اللى بتلاقيها قاعدة وحواليها اربع ولاد دى بتبقى حاجة من الاتنين
ياما اهلها معودينها على كده واللوم يبقى على الاهل
او انها مش عارفة تصاحب اهلها او هما بيهملوها وهى بتعمل كده كرد فعل للاهمال بتقولهم شوفو انا فى ناس كتير بيهتموا بيا
وهنا برضه يبقى اللوم ع الاهل
هتقولى وهى مش عارفة ان اللى بتعمله ده غلط
لا عارفة بس عندها مخليها مش شايفة الصح من الغلط او انها فعلا اهلها معلموهاش الصح من الغلط

عرفت بقى مين اللى غلط

معاكى حق يا هبه فى كل كلمه قولتيها
مش كل حاجه تبقى البنت بس هى اللى غلطانه
الغلط غلط المجتمع ككل سواء بنات او ولاد او الاهل
واكبر غلط فى الحكايه دى بيبقى على الاهل
لانهم هم اللى بيربوا ولازم يربوا صح من غير تسيب ولا تشدد

براءة

18-09-2008, 07:08 PM

الدماغ فيها ايه؟؟؟

feha fel :d
ya a7mad 32o0l 5rbana w 3awza m03gezt
w mawdo3 elbent elly a2fa m3 awlad 100% heya ely 3`ltana zay ma enta 2olt w ayan kanet elmobarerat >>>

منى ذكى

18-09-2008, 07:08 PM

اولا حمد لله على السلامة يا احمد بجد كنا مفتقدين مواضيعك الجميلة دى ونورت المنتدى من جديد

بصراحة معرفش ايه اللى حصل للناس دلوقتى سواء بنات او ولاد تحس ان الناس دماغها بقت فاضية لابعد الحدود وانا لما بتكلم مع حد بيفكر كويس دلوقتى تحس انه بقا مميز اوى ومفيش منه كتير وانا عن نفسى بقول مالوش مكان فى مصر وسط الناس دى.
بس السبب فى المشكلة مذدوج مش البنت بس السبب ممكن البنت تكون هبلة شوية او عندها ظروف فى فترة معينة فبتكون ضعيفة وممكن يكون سهل انها تتقرب من اى شاب بس الشاب برضو ليه دور فى الموضوع ده لو هو بيراعى ربنا مش هيرضى بده لبنات الناس
يعنى انا مش متفقة معاك فى رمى اللوم على البنت يعنى انا وصحبتى كنا بنتمشى امبارح فى امان الله لقينا واحد بيستظرف وداخل فينا بعربيته تخيل!!!!! طب افرض مثلا مقدرش يتحكم فى العربية وحصل لحد فينا حاجة يعنى دلوقتى المعاكسات والدماغ الفاضى وصل للدرجة دى أنا اعدت يجى ربع ساعة افكر هو عبيط ولا ده الطبيعى دلوقتى
معلش طولت عليك بس فكر كدا تانى اللوم على البنت لوحدها ولا لا؟

الشفق الباكي

18-09-2008, 09:07 PM

اولا السلام عليكم ورحمة الله وبركاته
نورتنا تانى يااحمد
بس انا بعتب على كل الولاد اللى ردوا فى الموضوع
هو كل حاجه غلط بتحصل الاطراف ولد وبنت يقولك العيب على البنت
انا نفسى مرة واحده الناس ترد وتقول العيب مش على البنت بس
العيب على البنت اه بس على الولد برده
بصراحة لو ولد متربى ومحترم استحالة لو قدامه ميه بنت هيعمل غير اللى هو شايفه صح
صح ولا ايه رأيكم
وماتخفش ياااحمد اللى انت شوفته دا عينه صغيره كده على الاد ان شاء الله كلها بكره وهتروح الجامعه كل يوم
هتشوف بقى مالاعين رأت
هتشوف اجمل قعدات
دى مابقتش جامعات دى بقت حاجات تانيه ماعلينا
ربنا يستر

أحمد2025

19-09-2008, 06:37 AM

:dتصدق بايه
انت ياحمد والله بجد المنتدى كان مفتقدك الايام الى فاتت
نورتنا والله يا حبى

بوص بقى بخصوص موضوعك
والله يا احمد انا ماعرفش اللوم على مين
علينا ولا على البنات ولا على ايه ولا ايه
بس الى اعرفه ان اننا الى بنعمله غلط
ربنا يرحمنا ويهدينا يارب

ربنا يخليك يامحمد
كويس قوى انك عارف اللى بتعملة غلط
عارف يامحمد
نفسى اتجوز:d
يامحمدربنا يهدينا
هههههههههههههههههه

انت لسه شوفت حاجه

استنى الدراسه تبتدى وانت هتكره اليوم اللى قررت فى انك تدخل الجامعه

انا كرهتها اصلا من يوم ماروحتها
ربنا يسترها معانا بقى

حكايه البنات دا شىء اساسى عند الشباب اليويمن

وليس الشباب كله بل معظمه
اما انا موش معاك يا محمد فى كلمتك موش عارف اللوم يبقى على مين
انا من رأى اللوم ع البنت ذات نفسها واللوم الاكبر ع التربيه بتاعتها
اى والدها ووالدتها
اشكرك على طرحك لهذا الموضوع

بص يامحمد
انا مش فاهم انت تقصد اللوم على البنت فين
علشان احنا حاطينهم فى دماغنا ولا علشان موضوع الجامعة
منتظر متبعتك

هههههههههههه

يخرب عقلك يا احمد ( منور المنتدىالاول )

كان فى مقولة بسمعها كتير جدا
وقفة الراجل بميت ست وان جيت الست يغور الراجل
وعادى جدا
امال الكلية هتبقا حلوة ازتى
امال الهايفين هيسقطو ازاى
يعنى تلاقى الواحدة من دول قاعدة ولامة حواليها شباب الكوفى شوب كلهوعاملين شلة
وهاى شوشو وهاى سوسو
منظرة يا حج احمد
ركز فى كليتك ومتعملش زيهم
ودمتم فى رعاية الله

منور المنتدى بيك يامحمود
قشطة على ردك
اهم حاجة نعدى الكلية دى على خير

أحمد2025

19-09-2008, 06:51 AM

اولاً : - الف شكر يا احمد على الموضوع وعايز اقولك نورت المنتدى من تاني

ثانياً : - انا رايي ان علشان نتعرف على الظاهرة دي اكتر لازم ندرس اسبابها و نحاول نحطلها حلول يعني كانت مثلاً الحاجة اقبال بركة (;);)ربنا يباركلنا فيها;);)) على سبيل المثال بتقول ان المعاكسات والتحرش دول سببهم انعدام الاختلاط داخل المحيط الاسري و المجتمعي .... مش عارف هل دا فعلا سبب ممكن يعمل كدا هل دا ممكن يكون عنصر من مجموعة الاسباب :confused::confused: ؟؟!!!؟

ثالثاً : - انت بتقول واحدة تسيب صاحبتها علشان واحد :eek::eek:... انا بقى واحد صاحبي حاكيلي انه شاف بنتين في الدرس بيشدوا شعر بعض علشان بيتخانقوا ميين اللي يمشي مع الواد فلان ;););) وشوف احنا كنا في 3 اعدادي لسه ساعتها

رابعاً : - انا اعتقد ان اللوم واقع على المجتمع ككل من آباء في عدم تمام التربية الصحيحة اللي تحفظ الابناء في هذا الزمن العجيب و على الابناء اللي انعدم فيهم الاحترام لانفسهم و لوالديهم و على الاعلام اللي للاسف يجمل ويزيين الشهوات في اعين ضعاف النفوس

خامساً و سادساً : - عايز اشكرك برضو على الموضوع و اقولك الف الف حمد الله على السلامه وبجد المنتدى نور:):):):)

ايه الكلام الجامد ده ياعم اسلام
بص
أنت فتحت نقطة حلوة فى الموضوع
ان اللوم ممكن يكون ع المجتمع والتربية والأباء وكده
انا معاك فى كده طبعا
بس مش اللوم الأكبر عليهم
اللوم الأكبر علينا طموح اصلا
احنا اللى لازم نغير من نفسنا يا اسلام
بس بجد يا اسلام كلامك جميل

انا مختلفه معاك فى حكايه انك بتلقى اللوم على البنت بس

طب مهو الولاد برضه بيبقوا داخلين الجامعه مش هاممهم اى حاجه غير كلام البنات
العيب على المجتمع كله بنات وولاد

لو الناس دخلت الجامعه وحطت فى دماغهم انهم داخلين مرحله جديده لازم يثبتوا نفسهم فيها مش داخلين مرحله يهرجوا فيها ويعرفو ناس كتير من الجنس الاخر وخلاص المشكله هتتحل شويه

بس المشكله فعلا ان البنات بيبقو داخلين الكليه مش حاطين فى دماغهم غير موضوع الولاد وبرضه الولاد نفس الحكايه

احنا المفروض داخلين مرحله دراسيه مش مرحله ترفيهيه
وعلى فكره انت لسه كده مشوفتش خاجه انا بشوف اللى بيحصل فى الجامعه كل يوم بلاوى سوده

يلا ربنا يهدى الجميع

نورت المنتدى يا احمد كنا مفتقدينك جدا:d

وشكرا على طرحك للموضوع:)

بصى يامريم
هسألك سؤال واحد
البنت لو كانت محترمة كنا هنشوف الشباب ماشى مع بنات؟؟؟؟

يعنى ايه؟؟؟؟؟ مش فاهمة.........
يعنى ممكن شاب يبيع صاحبة علشان واحدة
والله اعلى وأعلم

Shams AlhaQ

19-09-2008, 07:00 AM

Basma2

19-09-2008, 07:05 AM

انا من راى ان الغلط الاكبر على الشباب بس مش كلهم دى بقت حاجة خنقة

البنت مهما تكون محترمة مش بيسبوها فى حالها ودلوقتى ان البنت تمشى لوحدها فى الشارع يبقى ندعيلها ان ما حدش يرخم عليها بجد معااااااااااناة

أحمد2025

19-09-2008, 07:07 AM

منور يا احمد :d

بص هو موضوع جميل ومحتاج كلام كتير
بقى معظم الشباب فعلا بقى دماغهم فاضيه
انا برده مش موافقه انه يبقى اللوم على البنت بس
اللوم على الاهل( التربيه يعنى) والبنت طبعا وبرده الشباب

مش تطلعوا البنت بس اللى غلطانه;)

الناس فعلا دلوقتى بيدخلوا الجامعه وهما عارفين انهم رايحيين يلعبوا ويهرجوا
مفروض دى مرحله زى اى مرحله نحاول نذاكر فيها على قد ما نقدر ونثبت نفسنا
لكن يبقى الواحد يبقى داخل كده عشان هو ده الطبيعى يخلص ثانويه عامه وبعدين يخش جامعه مش عنده هدف خااالص كده ده مينفعش
وربنا يستر علينا واحنا لسه داخلين الجامعه ربنا يثبتنا يارب:cool:

لا فعلا لازم تفكير الشباب يتغير^_^

شكرا يا احمد على الموضوع:d
كلاااااام جميل ياتيمون
بس عارفة البنات هما اللى لازم يغيروا من نفسهم
الظروف الإجتماعية وكده مش مبرر والله
فعلا ياتيمون
ربنا يستر علينا ويثبتنا يارب
شكرا على مرورك الجميل

برضه بتجيبو اللوم على البنت ومحدش بيفكر فى الظروف الاجتماعية بتاعتها

بصى انا مش قاصد البنات ولا حاجة انا بقول وجهة نظر مش اكتر

على فكرة البنت اللى بتلاقيها قاعدة وحواليها اربع ولاد دى بتبقى حاجة من الاتنين
ياما اهلها معودينها على كده واللوم يبقى على الاهل
اه كده اللوم ع الأهل بس هو فى اهالى كده؟؟
او انها مش عارفة تصاحب اهلها او هما بيهملوها وهى بتعمل كده كرد فعل للاهمال بتقولهم شوفو انا فى ناس كتير بيا
وهنا برضه يبقى اللوم ع الاهل
لا ده مش مبرر ان اللوم ع الأهل
هتقولى وهى مش عارفة ان اللى بتعمله ده غلط
لا عارفة بس عندها مخليها مش شايفة الصح من الغلط او انها فعلا اهلها معلموهاش الصح من الغلط

عرفت بقى مين اللى غلط

طيب هو ربنا ادانا العقل ليه؟؟
الأبناء كلها عندها مشاكل مع أبهتها
بس فى ناس عارفه دينها
ومش معنى ان الأهل بيعملوها وحش
تروح تصاحب شوية شباب
ده عبط ده ولا ايه

معاكى حق يا هبه فى كل كلمه قولتيها

مش كل حاجه تبقى البنت بس هى اللى غلطانه
الغلط غلط المجتمع ككل سواء بنات او ولاد او الاهل
واكبر غلط فى الحكايه دى بيبقى على الاهل
لانهم هم اللى بيربوا ولازم يربوا صح من غير تسيب ولا تشدد

ياويلكم
أنا بقول من وجهة نظرى ان اللوم الأكبر ع البنت
واختلاف الرأى لا يفسد للود قضية

a7la dody

19-09-2008, 07:26 AM

أحمد2025

19-09-2008, 07:28 AM

feha fel :d
ya a7mad 32o0l 5rbana w 3awza m03gezt
w mawdo3 elbent elly a2fa m3 awlad 100% heya ely 3`ltana zay ma enta 2olt w ayan kanet elmobarerat >>>
ده اللى انا بقوله والله:d
اولا حمد لله على السلامة يا احمد بجد كنا مفتقدين مواضيعك الجميلة دى ونورت المنتدى من جديد

بصراحة معرفش ايه اللى حصل للناس دلوقتى سواء بنات او ولاد تحس ان الناس دماغها بقت فاضية لابعد الحدود وانا لما بتكلم مع حد بيفكر كويس دلوقتى تحس انه بقا مميز اوى ومفيش منه كتير وانا عن نفسى بقول مالوش مكان فى مصر وسط الناس دى.
بس السبب فى المشكلة مذدوج مش البنت بس السبب ممكن البنت تكون هبلة شوية او عندها ظروف فى فترة معينة فبتكون ضعيفة وممكن يكون سهل انها تتقرب من اى شاب بس الشاب برضو ليه دور فى الموضوع ده لو هو بيراعى ربنا مش هيرضى بده لبنات الناس
يعنى انا مش متفقة معاك فى رمى اللوم على البنت يعنى انا وصحبتى كنا بنتمشى امبارح فى امان الله لقينا واحد بيستظرف وداخل فينا بعربيته تخيل!!!!! طب افرض مثلا مقدرش يتحكم فى العربية وحصل لحد فينا حاجة يعنى دلوقتى المعاكسات والدماغ الفاضى وصل للدرجة دى أنا اعدت يجى ربع ساعة افكر هو عبيط ولا ده الطبيعى دلوقتى
معلش طولت عليك بس فكر كدا تانى اللوم على البنت لوحدها ولا لا؟
بصى يامنى
انا اتكلمت فى جزئين
الجزء الأول
ان الولاد بتكون حاطه فى دماغها البنات وكده
وده عيب الأولاد طبعا
وده بقى اللى انت فولتى عليه انهم لازم يخدوا بالهم من دينهم
واتكلمت انا فى نقطة تانية خاااااالص
ان البنت بتكون قاعد على سلم الكلية وسط الشباب كده
وده من رأئي العيب كلع على البنت
الموقف اللى حصل ليكى ده بقى
اللوم على الواد طبعا
بس شوفتى انا قولتلك ايه
موضوع سلم الكلية والبنت تمشى مع الواد وكده ده بيتهيألى العيب ع البنت
منتظر متابعاتك
اولا السلام عليكم ورحمة الله وبركاته
وعليكم السلام ورحمة الله وبركاته
نورتنا تانى يااحمد
منور بيكى طبعا
بس انا بعتب على كل الولاد اللى ردوا فى الموضوع
هو كل حاجه غلط بتحصل الاطراف ولد وبنت يقولك العيب على البنت
انا نفسى مرة واحده الناس ترد وتقول العيب مش على البنت بس
العيب على البنت اه بس على الولد برده
بصراحة لو ولد متربى ومحترم استحالة لو قدامه ميه بنت هيعمل غير اللى هو شايفه صح
صح ولا ايه رأيكم
بصى
انا اتكلمت فى جزئيتين
الجزء الأول دماغ الشباب الفاضية اللى مش بتفكر غير فى البنات وكده
وده اللوم كله على الواد
الجزء التانى بقى
البنت اللى بتكون قاعد وسط الشباب فى الكلية وماشية معاهم وكده
ده انا بقول اللوم كله ع البنت
بس كده
وماتخفش ياااحمد اللى انت شوفته دا عينه صغيره كده على الاد ان شاء الله كلها بكره وهتروح الجامعه كل يوم
هتشوف بقى مالاعين رأت
هتشوف اجمل قعدات
دى مابقتش جامعات دى بقت حاجات تانيه ماعلينا
ربنا يستر
منتظر متابعاتك تانى

أحمد2025

19-09-2008, 07:41 AM

يا جماعه الولاد مش غلطانه
الغلط الاول والاخير ع البنت

بكبر شويه في الموضوع صح:d

مش الغلط كلو ع البنت يعني:d

بس الولد المحترم يتقي الله في الاول وفي الاخر :d

ويحط البنت دي مكان اخته

وكل سنه وانتوا طيبين

وحمدا لله ع السلامه يا احمد

الا انت كنت فين صحيح:d:d
كلام منطقى ودبلوماسى وواقعى وكلام جميل:d
جبتى م الأخر
انا كنت فى دبى ورجعت من كذا يوم كده
بس اختفيت شوية عن المنتدى
يلا ربنا يكرم
انا من راى ان الغلط الاكبر على الشباب بس مش كلهم دى بقت حاجة خنقة

البنت مهما تكون محترمة مش بيسبوها فى حالها ودلوقتى ان البنت تمشى لوحدها فى الشارع يبقى ندعيلها ان ما حدش يرخم عليها بجد معااااااااااناة
معاكى فى كده
والموضوع ده كتبته فى موضوع (( إيمان بالله أم هى اكذوبة الشباب ))
بس بصى
انا بكلم على ايه
البنت اللى بتكون قاعدة كده وسط الشباب فى الجامعة
أنت رأئيك ايه طيب؟
منتظر ردك
يب يب ..

انا معاك بسومة .. كلامك صح ..

اول حاجة البنت لو محترمة مترضاش انو اربع اولاد يبقو اعدين جمبها ..

والولد لو متربي وخايف على اخواته ميرضاش انو يعمل كدا ..

والمفروض زي ما هوا ميرضاش كدا على اخته ميرضاش كدا على بنات النااس ..

وهيا كمان لازم تخاف على سمعتها وشرفها واهلها ..

يعني الولد هوا عليه الغلط الاكبــــــر .. والبنت معااه ..

اخـــــــ a7la dody ـــتك .. ^_^ .. ^_^ ..
قشطه على الكلام
كلام جميل بجد
عارفة بقى هيتنفذ يبقى تمام
وعمرنا ماهنبقى باللى احنا فيه دلوقتى
نورتى الموضوع اختى دودى

jonna

19-09-2008, 07:54 AM

بعتقد ان الغلط على البنت و الولد و الاهالي بس الغلط الاكبر على البنت لانها هى لو محترمة مش حترضى ان حد يتكلم عليها بكلمة و ما تقولوش الاهالي لان الاهالي ساعات بيكونوا كويسين جدا و بيعاملوا البنات كويس جدا بس هما واصحابهم و بعدين بالذات ف الكلية انا داخلة الكلية السنة دي بس معظم صحابي قالولي ان البنات مش كويسة مع بعضه يعني مصلحتك مع الولد لانه هو اللي هيساعدك و حيديلك اللي انتي عايزاه من غير غيرة يعني الموضوع دخل فيه غيرة و مصلحة و حاجات كتير بدل ما اطول هو انا معلش ممكن اطرح سؤال و عايزاك تجاوب عليه يااحمد بما انك اللي كاتب الموضوع هل لو واحدة جات لك و قالتلك عايزة المحاضرة الفلانبة حترفض و تخيلها لو انت اضطريت انك تعمل كدة ايه اللي يحصل و انا سالت ف الموضوع ده كتير بس مش مقتنعة بالاجوبة

أحمد2025

19-09-2008, 08:04 AM

jonna

19-09-2008, 08:10 AM

welcomeeee

19-09-2008, 08:19 AM

بصى يامريم
هسألك سؤال واحد
البنت لو كانت محترمة كنا هنشوف الشباب ماشى مع بنات؟؟؟؟

طيب ولو الواد محترم كنا هنشوف الشباب ماشى مع البنات؟؟؟؟؟؟
انا مقولتش ان مفيش لوم على البنات
انا شايفه ان اللوم على الاتنين البنات والولاد
واللوم على البنات اكتر بس برضه فى لو على الولاد
الولاد مش ملايكه يعنى
اظن يعنى لو هم بطلوا معاكسات مش هيخلوا البنات تكلمهم
من الاخر كده
لازم الاحترام يبقى من الطرفين
وكفايه بقى لوم على البنات
لأن الغلط من الطرفين
مش من طرف واحد

a7la dody

19-09-2008, 08:24 AM

jonna

19-09-2008, 08:27 AM

طيب ولو الواد محترم كنا هنشوف الشباب ماشى مع البنات؟؟؟؟؟؟
انا مقولتش ان مفيش لوم على البنات
انا شايفه ان اللوم على الاتنين البنات والولاد
واللوم على البنات اكتر بس برضه فى لو على الولاد
الولاد مش ملايكه يعنى
اظن يعنى لو هم بطلوا معاكسات مش هيخلوا البنات تكلمهم
من الاخر كده
لازم الاحترام يبقى من الطرفين
وكفايه بقى لوم على البنات
لأن الغلط من الطرفين
مش من طرف واحد

اوك انا متفقة معاكي ان اللوم ع الاتنين مش التنين و بس التلاتة بس اكتر لوم ع البنت ساي مثلا احمد لما شافالبتنت دي شوفتي قال ايه و بعدين ف الاخر اللي بيتضر فسمعتة البنت مش الولد لان الولد و عشان كدة المهم ان البنت هى اللي تحافظ على نفسها مش حتبقى مستنية من الولد لما يرفض انه يتكلم معاها

jonna

19-09-2008, 08:32 AM

طيب البنت الي ماشيا محترمه ..

ولابسه عبايتها .. وماشيه طبيعي ..

واتعاكست ..؟!!!!!! :eek:

بردو الغلط على البنات اكبر .. :mad:

ولا هتقولوا لو البنت مطلعتش من البنت مكانتش هتتعاكس .. !! :p

وارحموا البنااات شويا .. كفايا كدا .. اتعصبت فجأة .. :d

اخـــ a7la dody ـــتك ..

مش كل الولاد كويسين و مش كلهم وحشين (ماترد ياا عم احمد و لا سايبني ادافع عن الولاد لوحدي و انا بنت كمان يعني مش ولد) و اكيد بردوا البنت اللي لابسة عباية دي عملت حاجة خلت الولد يعاكسها اي حاجة يعني ممكن مثلا ضحكت ضحكة كدة علت صوتها عموما اكيد لها سبب هو مش اكيد اوي ممكن اصلا الولد يكون مش كويس بس انا كنت بتكلم عن معظم الناس بتعمل ايه يعني مثلا البنت دي حتلاقي ولاد كتير يعاكسوها

welcomeeee

19-09-2008, 08:49 AM

ياويلكم
أنا بقول من وجهة نظرى ان اللوم الأكبر ع البنت[/size]
واختلاف الرأى لا يفسد للود قضية]

انا برضه بقول ان اللوم الاكبر على البنت
بس برضه الولد غلطان
زى ماهى غلطانه عشان قاعده مع 4 ولاد
هو برضه غلطان لأنه سمح لنفسه يكون واحد من الاربعه
اكيد الغلط على البنت اكبر
لانها لازم تخاف على سمعتها
بس برضه فى غلط على الولاد ونقدرش ننكره

وفعلا زى ما حضرتك قلت
الاختلاف فى الرأى لا يفسد للود قضيه
احنا هنا بنتناقش

وبالنسبه لرد حضرتك اللى فات
فبما انك غيرته
فانا مش هرد عليه

وبشكرك مره تانيه على طرحك للموضوع
ويا رب تقتنع بكلامى
ان الولاد برضه عليهم لوم

welcomeeee

19-09-2008, 08:55 AM

[quote][/
اوك انا متفقة معاكي ان اللوم ع الاتنين مش التنين و بس التلاتة بس اكتر لوم ع البنت ساي مثلا احمد لما شافالبتنت دي شوفتي قال ايه و بعدين ف الاخر اللي بيتضر فسمعتة البنت مش الولد لان الولد و عشان كدة المهم ان البنت هى اللي تحافظ على نفسها مش حتبقى مستنية من الولد لما يرفض انه يتكلم معاها
quote]
اه
انا معاكى فى كلامك
انا بس كنت عاوزه اوضح لاحمد ان فى لوم على الولد برضه
صحيح البنت هى اللى بتخسر فى الاخر
بس الغلط من الاتنين من الاول
بس الولد بيبقى غلطان ومبيخسرش حاجه
انما البنت لما بتغلط
بتخسر سمعتها

منى ذكى

19-09-2008, 03:46 PM

CoMMaNdo

19-09-2008, 04:12 PM

الاتنين غلطانين الغلط مش على فرد واحد
الولد غلط انه كلمها والبنت غلطت لما سمعت كلامه
والعكس لو حصل برضه يبقى الاتنين غلطانين

رونالدينهوو

19-09-2008, 04:37 PM

هيييييييييييييييه الغلط طلع من الاتنين
يالله مش رايحين الكلية بقه
:d:d:d:d:p:p:p:p

biob

19-09-2008, 07:17 PM

فى موضوع ان واحد يسييب صاحبه علشان بنت
فانا بقول للصاحب اللى تساب ماتندمش ومتحسش انك خسرت
انت كسبت لما سابك لانه مايستاهلكش
اما فى موضوع التربيه ده
فالشعب المصرى شرايح
فى طبقات معينه الحاجات دى بتبقى فيها عادى

Basma2

19-09-2008, 07:20 PM

مش كل الولاد كويسين و مش كلهم وحشين (ماترد ياا عم احمد و لا سايبني ادافع عن الولاد لوحدي و انا بنت كمان يعني مش ولد) و اكيد بردوا البنت اللي لابسة عباية دي عملت حاجة خلت الولد يعاكسها اي حاجة يعني ممكن مثلا ضحكت ضحكة كدة علت صوتها عموما اكيد لها سبب هو مش اكيد اوي ممكن اصلا الولد يكون مش كويس بس انا كنت بتكلم عن معظم الناس بتعمل ايه يعني مثلا البنت دي حتلاقي ولاد كتير يعاكسوها

ازاى يعنى هو فى طبعا بنات بتكون لبسة عباية وهى اللى بترغم الولد انه يعاكسها بس مش موضوعنا

بس والله يا شباب براحة على البنات شوية يعنى لما تكون لابسة محترم وماشية مخروصة فى الشارع وتلاقى شباب جايين تمشى فى الطريق التانى وبردة ................

يبقى ساعتها اللوم على مين وبلاش تظلموا البنات اوى لان لسة الدنيا بخير وموجود بنات محترمة بس زهقانين وقرفانين من مواقف الشباب

gamal saber

19-09-2008, 09:21 PM

ياااااااااااااااااااااااااااة الظاهر انى جيت متاخر اوى
اولا اذيك يا احمد باشا
وحشتنى يامان
ندخل فى الموضوع بئة
بص يا مان اصبح من الطبيعى فى مجتمعنا دلوقتى اننا نلاقى ولد وبنت بيتمشو مع بعض
ويقلك عادى يا مان ماهم جوة الكلية وزمايل والحوارات دى
لو الموضوع مجرد زمالة كان يبقى علاقتهم دى تنتهى عند باب المدرج ودة الطبيعى والى فعلا فى ناس متمسكة بية
لاكن الى بيحصل والله عيب علينا اوى لما نبقى اهنا امل البلد دى وامل الامة دى ودماغنا تبقى ميتفكرش فى اكتر
من عاوز اتعرف على دى وعاوز اثبت دى وعاوز اخرج مع دى واكلم دى والحوارات بردو دى
ممكن الظروف تجبر الشباب او البناتب ردو ان يكون فى علاقة زمالة او مجرد كلام بينهم وبين بعض فى موضوع معين
بس مش معنى اننا بندرس مع بعض مجال معين والظروف حتطنامع بعض فى موقف اننا خلاص بئة
بئيا زى الاخوات والحوارات الغريبة الى الواحد بيسمعها دى
وعلى فكرة اعتقد ان الانسان لو شغل تفكيرة بحجتين فى وقت واحد مش هيحقق ولا واحدة فيهم
فاما ان يكون عندك حلم وتركز فية وتبعد عن اى حاجة تانية تعطلك لحد ما ييجى وقتها المناسب
او تستعجل على حاجة مش فى وقتها مش هتاخد منها غير ضياع مستقبلك
وانا نفسى لما فكرت فى لحظة مش عاوز افتكرها انى اعمل كدة حصلتلى مشاكل كتير ولو مكنتش فقت
برحمة من ربنا بيا كان مستقبلى ضاع وحصلتلى مشاكل كتير جدا خليتنى اقفل الاتجاة دة خالص
لحاد ما ربنا يريد لية ان ارتبط بشكل حلال وطبيعى بانسانة تكون فعلا محل ثقة واقدر اثق فيها واقول ان دى هتكون ام اولادى
لاكن فى الوقت الحالى او على الاقل لخمس سنين قدام معتقدش ان هيكون عندى وقت انى افكر فى كدة
merci beaucoub monsieur ahmed

Basma2

20-09-2008, 03:11 PM

بص يا احمد انا مش عندى اى مانع ان البنت تعرف شباب فى الجامعة معرفة سطحية لكن دلوقتى الكلام بقى بيكتر ومادام كلمت واحد واحد يبقى التانى والتالت والعاشر ويالا سبيل

لكن بقى بالنسبة للبنت دى قاعدة كدة ولامة الشباب حوليها وهزار مع دة وضحكة لدة دة كله والحوارات دى
اولا حرااااااااااام ثانيا اهانة للبنت وكدة بضيع حيائها واحترامها حاجات كتير

وكمان يا جماعة ايام الجامعة دى ايام جميلة ليه نقضيها فى المعصية الله

Basma2

20-09-2008, 03:21 PM

يب يب ..

انا معاك بسومة .. كلامك صح ..

اول حاجة البنت لو محترمة مترضاش انو اربع اولاد يبقو اعدين جمبها ..

والولد لو متربي وخايف على اخواته ميرضاش انو يعمل كدا ..

والمفروض زي ما هوا ميرضاش كدا على اخته ميرضاش كدا على بنات النااس ..

وهيا كمان لازم تخاف على سمعتها وشرفها واهلها ..

يعني الولد هوا عليه الغلط الاكبــــــر .. والبنت معااه ..

اخـــــــ a7la dody ـــتك .. ^_^ .. ^_^ ..

معاكى فى كلامك بس دلوقتى بقى اسالى اى واحد ترضى كدة لاختك نسبة كبيرة هتقولك ايه لو مع حد كويس زى ما فيش مشاكل والنوع دة كداب
ونوع تانى يقولك ايه بكل صراحة لكن انا اختى احسن منها وعمرها ما تعمل كدة يعنى هو معترف انها مش كويسة
لكن موجود نسبة قليلة جدا بتكون دماغها ناضجة وبتعامل البنت بادب ودين وثقافة لكن قليل

rose 2010

20-09-2008, 03:56 PM

اولا السلام عليكم
يا جماعه الغلط الاكبر على البنت لآن البنت لازم تكون مثال للالتزام ولآزم تكون محترمه
ممكن سؤال: لو انتى او انت شوفت بنت بتتكلم مع ولد او قاعده معاه اول حاجه بتتقال ايه؟؟؟؟؟
:البنت دى مش محترمه صح
ربنا يهدى الجميييييييييييييييييييييييع .........

**تسابيح**

20-09-2008, 11:11 PM

بصراحة موضوع ان الولد يميل للبنات والعكس
دا حاجة طبيعية جدا جدا ومش فيه مشاكل خالص
بس امته بقي لما نكون احنا بنتعامل معاها صح
هقولك مثلا الواد ف ثانوي وراح قال لابوه
ان بيميل لفلانة وعلانة ومش عارفة ايه
تلاقي الاب جاب حاجة عشان يضرب ابنه بيها
طبعا دا غلط كان مفروض يجيبه ع جنب
عادي يابني انا حصل لي كدا برده
بس ابوية اللي هو جدك قال ان ربنا
عمل حاجة اسمها زواج عشان نقدر نتالم ونعيش
حياة سعيدة كلها امن ومش اكون خايف من حاجة
ويقنعوا وانه لو صبر ربنا هديله زوجة صالحة زي مامتك
الكلام دا يعني هو اللي مفروض الشباب تسمعه عشان
تقدر تعيش وسط المناظر الساخبة والحاجات دي
اللي متربي ع الدين يااحمد عمره ما يضل ابدا
بس قليل اوي اللي ممكن يعمل كدا
لو رحت لام بنت بقي تضربها بالالم ع وشها ع طول
قومي ياموكوسة زكري كلمتين ينفعوكي ف الثانوية العامة:d
البنت والولد دول بقي يختروا يروحوا مدينة جامعية بلد بعيدة
عشان يعملوا اللي هما عايزينه فيها ومحدش يقول لهم حاجة
عشان كدا تلاقي كل الشباب اهتمامهم بنات وبس
ومش بيفكروا ف حاجة اللي كدا
بص انا مش عارفة ازاي ممكن نخسر اصحابنا ع ولد
حاجة بجد يعجب لها الاذان ؟؟؟؟؟؟؟؟؟؟!!!!!
بس البنات اللي كل اهتمامتها اللبس وجذب الاولاد
والاولاد برده اللي كدا هو دا اللي عايز يعمل كدا
اما بخصوص بنات وحولها 5 اولاد
البنت ف المقام الاول والاخير هي اللي بتفرض
ع الشخص الغير محترم انه يكون غصب عنه محترم
طب انا اقولك انا اعرف واحد دا بقي يعرف
بنات الجامعة اللي هو فيها كلهم ويكلمهم ف الموبايلات
وتليفون بيتهم وحاجات كدا لو قلت سيرت بنت من دول اداه
يقعد يلعن فيها للصبح مع انه بيكلهم بس مش بيحترمها!!!
ولو بقي سالته بتحترم مين فيهم هيقول لك واحده بس
بنت رفضت تكلمني او حتي تديني كشكولها انقل منه
لحد دلوقتي بيحترمها احترام لا مثيل له
ف النهاية التربية هي اللي تفرض ان الولد يتعامل ازاي مع البنت
او البنت تتعامل ازاي مع الولد
احمد بجد كل مواضيعك جميلة اوي اوي اوي
منتظرين المزيد
شكرا ع الموضوع الرائع كالعادة طبعا:rolleyes::rolleyes:

أحمد2025

22-09-2008, 06:43 AM

مش عارفة و اللهي انا ممكن اعمل ايه لاني مثلا لو واحد و طلب محاضرة اكيد الكلام حيتفتح يعني و انا مش عايزة ده يحصل لان بابا و ماما واثقين فيا و انا لما حد يثق فيا يبقى لازم اكون ادالثقة عموما انا حسيب نفسي و ما افكرش ف الموضوع ده كتير و لو حصل حبقى احكي لكم ايه اللي حصل
و ربنا يهدينا لكل خير
بصى
بيتهيألى ده بقى بيكون على حسب النية
يعنى انت ممكن تديلة المحاضرة وتلخصى معاه فى الكلام وخلاص
ربنا يهدى الجميع يارب

طيب ولو الواد محترم كنا هنشوف الشباب ماشى مع البنات؟؟؟؟؟؟
ماهو ياويلكوم لو البنت محترمة هتوافق ازاى تمشى مع واد؟؟
انا مقولتش ان مفيش لوم على البنات
انا شايفه ان اللوم على الاتنين البنات والولاد
واللوم على البنات اكتر بس برضه فى لو على الولاد
الولاد مش ملايكه يعنى
أكيد طبعا
اظن يعنى لو هم بطلوا معاكسات مش هيخلوا البنات تكلمهم
هى البنت بتكلم الشباب علشان بيعكسوهم؟؟؟
من الاخر كده
لازم الاحترام يبقى من الطرفين
وكفايه بقى لوم على البنات
لأن الغلط من الطرفين

مش من طرف واحد
ياويلكوم بليز افهمينى
أنا قولت الغلط ع البنت لما تقعد كده على سلم الجامعة وسط الشباب
ده بس اللى نقدت البنت فيه

طيب البنت الي ماشيا محترمه ..

ولابسه عبايتها .. وماشيه طبيعي ..

واتعاكست ..؟!!!!!! :eek:

بردو الغلط على البنات اكبر .. :mad:
ياجماعة انتم مش فاهمنى
أنا بقول لما تكون فى بنت قاعدة على فى المدرج مثلا وحوليها 4شباب ولا حاجة وقاعدين ....
انا قولت العيب ع الولد فى الموضوع ده ((إيمان بالله ...أم هى إكذوبة الشباب))

ولا هتقولوا لو البنت مطلعتش من البنت مكانتش هتتعاكس .. !! :p
الجملة دى مش فاهمها بصراحة

وارحموا البنااات شويا .. كفايا كدا .. اتعصبت فجأة .. :d
هههههه

اخـــ a7la dody ـــتك ..

أسعدنى كثيرا تفاعلك مع الموضوع اختى دودى

اوك انا متفقة معاكي ان اللوم ع الاتنين مش التنين و بس التلاتة بس اكتر لوم ع البنت ساي مثلا احمد لما شافالبتنت دي شوفتي قال ايه و بعدين ف الاخر اللي بيتضر فسمعتة البنت مش الولد لان الولد و عشان كدة المهم ان البنت هى اللي تحافظ على نفسها مش حتبقى مستنية من الولد لما يرفض انه يتكلم معاها
ياااااه قولتى جملة حلوة قوى
مهم قوى ان البنت تحافظ على نفسها

أحمد2025

22-09-2008, 06:54 AM

مش كل الولاد كويسين و مش كلهم وحشين (ماترد ياا عم احمد و لا سايبني ادافع عن الولاد لوحدي و انا بنت كمان يعني مش ولد)
أنا جيـــــــــــــت خلاااااااص
و اكيد بردوا البنت اللي لابسة عباية دي عملت حاجة خلت الولد يعاكسها اي حاجة يعني ممكن مثلا ضحكت ضحكة كدة علت صوتها عموما اكيد لها سبب هو مش اكيد اوي ممكن اصلا الولد يكون مش كويس بس انا كنت بتكلم عن معظم الناس بتعمل ايه يعني مثلا البنت دي حتلاقي ولاد كتير يعاكسوها
بصى
هو مش موضوع البنت اللى لابسة عباية عملت حركة
هو فى شباب اصلا بايظ وبيعاكسوا المنقبين كمان
بس فى موضوع انها عملت حركة وكده فده العادى انها تتعاكس يعنى
ياويلكم[/SIZE]
أنا بقول من وجهة نظرى ان اللوم الأكبر ع البنت
واختلاف الرأى لا يفسد للود قضية]

انا برضه بقول ان اللوم الاكبر على البنت
بس برضه الولد غلطان
زى ماهى غلطانه عشان قاعده مع 4 ولاد
هو برضه غلطان لأنه سمح لنفسه يكون واحد من الاربعه
ده العادى بتاع الشباب يامريم
احنا اهو الشباب مش عايزين غير نظبط مع موزز وخلاص
البنت المحافظة هى اللى تعرف تحافظ على نفسها
اكيد الغلط على البنت اكبر
لانها لازم تخاف على سمعتها
بس برضه فى غلط على الولاد ونقدرش ننكره

وفعلا زى ما حضرتك قلت
الاختلاف فى الرأى لا يفسد للود قضيه
احنا هنا بنتناقش

وبالنسبه لرد حضرتك اللى فات
فبما انك غيرته
فانا مش هرد عليه
عنية ياويلكم
هسألك السؤال تانى
بس مش فاكر هو ده اللى غيرته ولا لا
أنت ممكن تقعدى مع شباب على سلم المدرج وكده؟؟؟؟

وبشكرك مره تانيه على طرحك للموضوع
ويا رب تقتنع بكلامى
ان الولاد برضه عليهم لوم

أسعدنى مرورك كثيرا
[quote][/
اوك انا متفقة معاكي ان اللوم ع الاتنين مش التنين و بس التلاتة بس اكتر لوم ع البنت ساي مثلا احمد لما شافالبتنت دي شوفتي قال ايه و بعدين ف الاخر اللي بيتضر فسمعتة البنت مش الولد لان الولد و عشان كدة المهم ان البنت هى اللي تحافظ على نفسها مش حتبقى مستنية من الولد لما يرفض انه يتكلم معاها
quote]
اه
انا معاكى فى كلامك
انا بس كنت عاوزه اوضح لاحمد ان فى لوم على الولد برضه
اللوم على الولد لما ميكنش فى دماغة غير البنات وبس
ويمشى مع دى ويظبط مع دى وكده
صحيح البنت هى اللى بتخسر فى الاخر
اه طبعا
بس الغلط من الاتنين من الاول
بس الولد بيبقى غلطان ومبيخسرش حاجه
انما البنت لما بتغلط

بتخسر سمعتها

وأهم حاجة سمعتها

welcomeeee

22-09-2008, 03:52 PM

ياويلكوم بليز افهمينى
أنا قولت الغلط ع البنت لما تقعد كده على سلم الجامعة وسط الشباب
ده بس اللى نقدت البنت فيه

البنت غلطانه 1000000 مره لما تعمل كده
بس برضه الولد غلطان
طب مهى زى ماهى غلطانه قاعده ع السلالم مع الولاد
الولد برضه غلطان عشان قاعد معاها
لانه اكيد ميرضاش كده لاخته

welcomeeee

22-09-2008, 04:02 PM

ده العادى بتاع الشباب يامريم
احنا اهو الشباب مش عايزين غير نظبط مع موزز وخلاص
البنت المحافظة هى اللى تعرف تحافظ على نفسها

والله انا شايفه ان الولاد اللى مفيش فى دماغهم غير تظبيط البنات دول .........بلاش عشان صايمه

هسألك السؤال تانى
بس مش فاكر هو ده اللى غيرته ولا لا
أنت ممكن تقعدى مع شباب على سلم المدرج وكده؟؟؟؟

انا الحمدلله عمرى ماوقفت اصلا مع ولد فى اى حته
انا لو شفت حد من قرايبى فى الشارع مش بسلم عليه عشان محدش يفهم غلط
يبقى اكيد انا مش منحرفه زى ماانت بتقول
هسيبك بقى ترد انت على سؤالك
على حسب انت شايفنى ايه

B a S a N t

28-09-2008, 08:13 PM

برضه بتجيبو اللوم على البنت ومحدش بيفكر فى الظروف الاجتماعية بتاعتها

على فكرة البنت اللى بتلاقيها قاعدة وحواليها اربع ولاد دى بتبقى حاجة من الاتنين
ياما اهلها معودينها على كده واللوم يبقى على الاهل
او انها مش عارفة تصاحب اهلها او هما بيهملوها وهى بتعمل كده كرد فعل للاهمال بتقولهم شوفو انا فى ناس كتير بيا
وهنا برضه يبقى اللوم ع الاهل
هتقولى وهى مش عارفة ان اللى بتعمله ده غلط
لا عارفة بس عندها مخليها مش شايفة الصح من الغلط او انها فعلا اهلها معلموهاش الصح من الغلط

عرفت بقى مين اللى غلط

انا شايفه ان معاكي حق العيب معظم الوقت من الأهل

مروه

22-10-2008, 01:09 AM

hala3

27-10-2008, 02:22 PM

اللوم ليس على البنت فقط اصل كمان اغلب الشباب دماغها فاضية فبتملاها بالبنات

_GUIDE_

27-10-2008, 02:38 PM

هو الموضوع مش كدهخالص
على فكرة انتا بس راهب الموقف
علشان لسه فى اول سنة
لما تتاقلم وتاخد على الجو هتعرف ان جه الطبيعى
انتا عارف بعد سنتين هتقول ان مش الطبيعى
ان بنت تكون قاعده لوحدها
او متكنش على راى دبور مأنتمه
الموضوع هنا بيتنظر ليه من وجهة نظر تانية
وهى ان الاتنين بيعمله بعض على انهم ناس كبار وزمايل وطبيعى ان يكون فيه شلة
من بنات واولاد اللهم طبعا الحبيبة ودول بيكونه وخدين جنب تانى بعيد واغلب الخناقات
بتكون بسبب البنات عمتا فى الجامعه :d والشلة مع شلة تانية
وتلاقى الواد من دول عامل قدام البنت زى ابو سبع رجالة
وعز الرجال ويدخل يتخانق علشانها
واغلب الظن انه بياخد صابونه لوكس فى رابع سنة :d
بالمناسبة
تم ذكر كلمة بنت او بنات فى الموضوع 9 مرات :d

أسيل رزق

27-10-2008, 03:12 PM

الجامعة دى دنيا تانية لواحدها

دلوقتى ماينفعش تقول عيب البنت تمشى مع ولد ولا تصاحب ولد فى الجامعة

لأن ده الطبيعى هناك :bosyht9: .. ناس مخها ضارب :wacko:

خصوصاً سنة وأولى تحس إن عندهم نقص من الجنس الآخر

أهو ده من نتايج الثانوية العامة

البنت تبقا بقالها 3 سنين ولا أكتر ماشفتش ولاد يجيلها صرع لما تشوف ولد :028ja7:

البنت من دول ماتصدق تدخل كليتها وتتحجج بأى حجة علشان تكلم الوادالأمور اللى هناك ده ( بتبصوا على إيه :p )

والواد الأمور لما يتخنق منها يرميها لواحد صاحبه اللى واقف هنااااااااااك ( برده بتبصوا :excl: ) ..وهكذا ..

ونفس الحكاية للولاد

أنا بشوف البنات الجربانين اللى كانوا معايا فى المدرسة كل واحدة داخلة لابسة الحتة الزفرا زى ما بيقولوا وضاربة وشها فى خلاط ولابسة كعب مع إنها مش عارفة تمشى فيه و الصوت الخشن اللى كان مليان شتايم بقى ناعم ومابيتسمعش من كتر نعومته وماشية مع واد جربان زيها والاتنين فاكرين نفسهم أشيك وأجمل إتنين فى الجامعة

ماتفهمش بيستفادوا إيه من العبط ده :romarioxp6:

بس والله ببصلهم وأفضل أضحك :lol:

شكلهم بيكون مسخرة :friendsxs3:

تصدقوا بالله أنا لما دخلت الجامعة حسيت إن كل الطلبة فرافير سواء بنات أو ولاد وفى ناس محترمة على عينى وراسى بس دول مايجوش نقطة فى بحر .. يتعدوا على الصوابع

مش فاهمة أنا برغى كل ده إزاى

عايزة أتعالج بقا :slap1qk6:

شكراً على الموضوع

الرحمة حلوة

27-10-2008, 03:40 PM

بصراحة اللوم مش على البنت بس يعنى كمان على الولد .البنت اللى بتسمح لنفسها بكده اكيد مش محترمة الا فى حدود الادب والزمالة وبرضه الولد اللى بيسمح بكده مش محترم يعنى هو مش حرام للبنت وحلال على الولد و الاسلام حرمها للبنت او الولد وحتى حرم مجرد النظر فامر الشاب بغض النظر مش اللى بيتعمل دلوقتى ونقول ده عشان ولد وامر البنت بانها تكون عندها حياء ومحتشمة ومتفرتش فى نفسها عشان هى الجوهرة لكن اللى بيحصل دلوقتى مش قدرة اعلق عليه سواء من البنات او الولاد بدل ميكون فى رسالة يعيش ليها الشاب او البنت ويحاول ينفع بلده ويعز اسلامه لكن الشباب عايش فى غيبوبة جاااااااااااااااامدة ومش عارف يفوق منها ونستاهل كل اللى بيحصل فينا احنا العرب قدام مخنا على رايك فااااااااااااااااااااااضى

wafa2y

27-10-2008, 04:43 PM

والله يا أحمد أنا داخل بس عشان أقول كلام أنا مزنوق فيه
و تقريبا و الله بفكر في الموضوع ده من 4 أيام
يا أحمد و الله العيال مخها تعب
الواد غايته في الكلية أساسا إن هو يمشي مع واحده
وربنا حتي لو متستهلش يقولك أهي تصبيره
و البنات ما شاء الله لما يصدقوا الوادد يضحك
و يفكر بس يكلمها تقوم هوب زي البرشوت تمثل أي موضوع
و تلاقيهم خارجين من السكشن مع بعض(زي الأخوات)
:mad::mad::mad::mad::mad::mad:
و العيال أصحابي طول ما هما ماشيين عملين يتكلموا في الحورات دي
بس طبعا محدش فيهم يقدر يعمل حاجه و أنا معاه
أصلي مربلهم الرعب بعيد عنك
و الحمد له بحاول أقنعهم و ربنا يعيني
بحاول أقنعهم إن دول ميستهلوش إني أخش النار علشانهم
دول ميستهلوش إني أخد ذنب واحد عشانهم
دول ميستهلوش إني أخسر الحور العين
دول عايزين الحرق
و كلمتي اللي بقولها للعيال لما يفكروا
إن ده حوار فاكس
مش هتكسب حاجه و والله مش هتكسب غير الخسارة
أنا و الحمد لله بتكلم عن تجربة
و الواحد بردوا كان في دماغه الحورات دي من زمان بس لما عرفت الحقيقة و الله إتصدمت
عارفين عرفتها منين
و الله مش هتصدقوا و المشكلة هي الحقيقة بالظبط
عرفتها من سورة النبأ
ياريت كله يقرأ تفسير السورة من أول
"إن للمتقين مفازا"
و ياريت لو عالم هو اللي يشرحهالك زي اللي حصل معايا
عرفت إن دول أخرهم جيفة نتنه
و الله دول أحقر من إني أخسر جنت الخلد
لأن هما أكتر أهل النار
و هما اللي بيدخلوا النص التاني
و أنا الحمد لله فكري إتغير من أول ما ربنا هداني و تاب عليا من الحورات دي
عشان كان حياتي و الله ضنك
كلها كرب و حورات ملهاش لزمه
و أعرف ناس إتأذت لما كملت الطريق اللي أنا سيبته و الحمد لله
بجد يا أحمد أنا جوايا كلام كتير
أنا والله تقريبا بعيط و أنا بكتب
الشباب هتضيع نفسها ليييييييييييييييييييييييييييييييييييه
و الله حراام عليكم
فوقوا فوقوا ربنا يهديكوا
دول الحور العين مش الحور الطيييييييييييييييييييييييييييين
و الله لو إنت مفكرتش فيهم هتستريح عشان إنت هتبقي ضيعت وقتك
والله مافي واحده تستاهل إنك تخسر ديينك عشانها
أنا بتكلم كده من اللي بشوفوه في الكلية
ده أنا بحضر سكشنين يعني 4 ساعات و هما أعدين نفس القعده
مزهقوش!!!!!!!!!!!!!!
:angry2::angry2::angry2::angry2::angry2::angry2::a ngry2::angry2::angry2::angry2:
و اللي يقولك والله بحبها
ما إحنا حبينا يابني بس لما عرفنا إن ده حرام
خلاص في خط أحمرررررررررر
أنا علي فكره شوفت الموضوع بالصدفه و كان لازم أرد
أنا كنت داخل المنتدي لسبب تاني قولته لمحمد في التليفون
بس أنا فعلا عايز أستريح شوية
و ليا عوده فيما بعد و ربنا يباركلك يا أحمد
و يتوب عليك أصل أنا عارفك;););)
بس أنا عارف إن كلامي صعب بس أنا جوايا أكتر بكتيير
و مبقابلش حد إلا لما أفضفضله
يا شباب إصبروا 4 سنين و أضمن لكم الجنة
دي مرحلة مراهقه مش أكتر
لما تبقوا في سن الرشد هتستحقرو نفسكو و تقولو كونا عيال
أنا قصدي بالرشد لما تحس إنك لازم تتجوز و تكون بيتك
يلا و هرجع تاني إن شاء الله
و أسف علي التطويل
:):):):)

wafa2y

27-10-2008, 04:52 PM

اوك يا احمد طب افرض البنت مش كويسة يبقا الولد كمان مش كويس؟؟؟؟؟؟؟

يعنى انا شايفة اننا لما نوجه لوم يبقا مشترك لان موضوع السلالم ده مشترك بنات وولاد يعنى مش معقول مفيش لوم على الولاد برضو يعنى انا طبعا معاك ان البنت غلطانة وتستاهل اللى يجرى ليها بعد كدا
طب والولد انت شايف انه مش غلطان؟

حضرتك الولد بيبقي ملهوش في حاجه
ولما يلقيها لبسها مش محترم و شكلها مش محترمه بيتشجع
ده العيال خيخه
واد جاي يقول لصاحبه أنا عايز أظبط مع فلانه تعالي معايا
لو كنت واقف كان زماني شطفته
:049gc0::049gc0::049gc0::049gc0:
المشكلة إن فعلا البنت لو مديتلوش الفرصة هيعد زي كوز الدره محلك سر
بس لما تكون مقضياها و تقريبا نسيت تلبس هدوم
يبقي الواد هيعمل إيه
ولو فيه دين مكنش ده حصل ولا أنا غلطان؟؟؟

wafa2y

27-10-2008, 05:00 PM

أنا أسف علي لهجتي في الحوار
و مش قصدي أغلط في حد
المحترمه عارفه نفسها و اللي مش محترمه عارفه نفسها
والسلام عليكم

_GUIDE_

27-10-2008, 06:04 PM

sai

حاسب على الفاظك وهدى اعصابك شوية:)

Baskoota

27-10-2008, 06:16 PM

السلام عليكم ورحمة الله
بالنسبة لكلامك انا متفقة معاك تماماً إلا في آخر جملة وانك بتلقي اللوم تماماً على البنت
يعني اقصد ان الولد برضه لو مش عاجبه ان البنت تقعد معاه كان قالها كدا
لكن هو عايز كدا
يبقى هو كمان عليه اللوم
والدور والباقي على الاب اللي سمح لبنته تخرج كدا او الاخ الكبير اللي سمح لاخته تبقى كدا
يبقى برضه الرجل ليه يد في الحكاية
ولا انت ايه رأيك؟

wafa2y

27-10-2008, 06:21 PM

حاسب على الفاظك وهدى اعصابك شوية:)

يا عم إسلام ما أنا إعتذرت
:):):):)
بس لسه جوايا كلام كتير
:049gc0::049gc0::049gc0::049gc0:

WhAteVeR

27-10-2008, 06:22 PM

مكنتش هرد لان الموضوع دا فتح مجال النفاق لناس كتير...بس عايزة اعرف حاجة

دول ميستهلوش إني أخد ذنب واحد عشانهم
دول ميستهلوش إني أخسر الحور العين
دول عايزين الحرق

هو ايه دا:mellow:
انا متفقة مع وجهة نظرك فى حاجات كتير
بس بردو هو ايه دا

wafa2y

27-10-2008, 06:34 PM

مكنتش هرد لان الموضوع دا فتح مجال النفاق لناس كتير...بس عايزة اعرف حاجة

هو ايه دا:mellow:
انا متفقة مع وجهة نظرك فى حاجات كتير
بس بردو هو ايه دا

أنا مبنافقش
اللي عارفني كويس عارفين إني مبنافقش و الحمد لله
و أنا إنفعلت
و أنا قصدي و لتاني مره بوضح
قصدي اللي مش محترمين
و أكرر إعتذاري
:):):)

wafa2y

27-10-2008, 06:36 PM

أحمد2025

10-11-2008, 02:22 AM

ده الموضوع عمل شغل جامد وانا مش واخد بالى
راجع تانى ليكم

أحمد2025

10-11-2008, 02:26 AM

والله انا شايفه ان الولاد اللى مفيش فى دماغهم غير تظبيط البنات دول .........بلاش عشان صايمه

انا الحمدلله عمرى ماوقفت اصلا مع ولد فى اى حته
انا لو شفت حد من قرايبى فى الشارع مش بسلم عليه عشان محدش يفهم غلط
يبقى اكيد انا مش منحرفه زى ماانت بتقول
هسيبك بقى ترد انت على سؤالك
على حسب انت شايفنى ايه

لا يامريم
مقدرش اقول انا شايفك ايه
انا شايفه ان معاكي حق العيب معظم الوقت من الأهل
وده برضه بيفتح الموضوع من ناجية اخرى
وهو موضوع الأهل وعلاقتهن نع اولادهم

أحمد2025

11-11-2008, 01:19 AM

ايه ده فيه ايه يا جماعه ؟
انا دخلت الحرب العالميه التالته وانا معرفش ولا ايه
الموضوع مش كبير للدرجه دى
طبعا البنت والولد غلطانين
ومش البنت والولد بس
الأهل كمان غلطانين
بس طبعا البنت هى اللى غلطانه اكتر
لأنها هى المفروض اللى تفرض احترامها فى المكان اللى هى موجوده فيه
غصب عن اى ولد مش محترم
والله ياهاى ده اللى انا بقولة ف الموضوع بالنسبة للبنت
شكرا ع تفاعلك مع الموضوع

اللوم ليس على البنت فقط اصل كمان اغلب الشباب دماغها فاضية فبتملاها بالبنات
اها
فعلا دماغ الشباب فاضية
فاضية ع الأخر

هو الموضوع مش كدهخالص
على فكرة انتا بس راهب الموقف
علشان لسه فى اول سنة
ممكن
لما تتاقلم وتاخد على الجو هتعرف ان جه الطبيعى
انتا عارف بعد سنتين هتقول ان مش الطبيعى
ان بنت تكون قاعده لوحدها
او متكنش على راى دبور مأنتمه
ده من اول سنه كمان
الموضوع هنا بيتنظر ليه من وجهة نظر تانية
وهى ان الاتنين بيعمله بعض على انهم ناس كبار وزمايل وطبيعى ان يكون فيه شلة
من بنات واولاد اللهم طبعا الحبيبة ودول بيكونه وخدين جنب تانى بعيد واغلب الخناقات
بتكون بسبب البنات عمتا فى الجامعه :d والشلة مع شلة تانية
وتلاقى الواد من دول عامل قدام البنت زى ابو سبع رجالة
وعز الرجال ويدخل يتخانق علشانها
واغلب الظن انه بياخد صابونه لوكس فى رابع سنة :d
هههههههه ده اكيد طبعا
بالمناسبة
تم ذكر كلمة بنت او بنات فى الموضوع 9 مرات :d
يامركزززززز

بجد يا اسلام انت قولت كلام جامد جدا
ومن كلامك ممكن نبص للموضوع من ناحية تانية
بالنسبة للكلية وحوارتها و4سنين حب وكده
ده بجد موضوع كبير جدا وعايز موضوع تانى لوحدة
شكرا يا اسلام ع تفاعلك مع الموضوع