http://profile.ak.facebook.com/object3/1118/101/n26149634482_765.jpg

بالطبع أغلبنا قد سمع حلقة سيدنا موسى والخضر (17) ببرنامج قصص القران -الحلقة موجودة على اليو تيوب لمن لم يشاهدها- ودهش لما رأى من حكمة وعظمة هذا الكتاب العظيم الذى لم يكن أغلبا -للأسف- يفهمه .. ولذلك أيقنت أنه عيب وعار عليا جميعا أن نقف بعد ذلك مكتفين الأيدى منتظرين المعجزة .. ولذلك وفورا خطرت لى تلك الفكرة ..
(((( من يكون سفيرا فى كليته أو جامعته لجمعية (لتنهض أمة اقرأ) ))))))))-وهذا بالطبع اسم مبدأى- ..
وفكرة هذه الجمعية قائمة بشكل أساسى على مجموعة من الشروط من يقبل بها الشخص يصبح عضوا فى الجمعية ويكون العمل بها جماعيا وسأشرح ذلك بعد ما أكتب لكم تلك الشروط ال17 .. وعلى كل شخص أن يختار منها 10 فقط باستثناء أول شرط فهو اجبارى ..
1-اقرأ كل أسبوع أو اسبوعين كتاب > اساسي
ودة ممكن يبقى تحت اشراف مجلس ادارة الجمعية بحيث يستعيروا مثلا عدد كتب يساوى عدد الأعضاء لمدة اسبوع على أن يتم التبادل بين تلك الكتب كل أسبوع بين الأعضاء
وهذه مجموعة من الكتب رشحها الأستاذ عمرو خالد ..
(أعجب الرحلات فى التاريخ - الرحيق المختوم - خواطر قرانية ودة لأستاذ عمرو خالد - مذكرات أو سيرة محمد أنور السادات - وفى كتاب بصراحة مسمعتهوش كويس هو لابن القيم تقريبا الوابل الطيب أو الصيب مش عارفة )
2-اقرأ جريدة هادفة كل يوم
وخد بالك من الهادفة يعنى مش الجرايد الصفرا .. جرايد تكون محترمة وهادفة فيها فن وسياسة وكل حاجة بس أهم حاجة تكون هادفة
3-اشترك في مجلة ثقافية
ودى ممكن الجمعية تعملها بنفسها بالاشتراك مع الأعضاء وتوزع فى الجامعة أو الكلية
4-سافر لمشاهدة العالم
5-تعلم حرفة على يد حرفي مهما كنت مقتدرا
ودة ممكن يتقسم فيها الأعضاء فرق ويروحوا كلهم كل فترة يتعلمو حرفة معينة ودى هتبقى فى منتهى المتعة بجد وحاجة جديدة وتغيير فى نفس الوقت وفكروا فيها ...
6-قم بزيارة معالم أو اثار أو متاحف مع خبير
ودة برضو ممكن يتعمل عن طريق الرحلات
7-رافق انسان ناجح ولو حاملا له حقيبته
ودة ممكن يبقى الأب ممكن يبقى دكتور فى الجامعة أيا كان ..
8-شاهد قناة Discovery
ودى موجودة على النايل سات ومترجمة ومش مشفرة
9-شاهد نشرة الأخبار يوميا
زى الجزيرة أو العربية أو ام بى سى أو غيرها
10-ابحث عن تاريخ عائلتك
11-حاول كتابة قصة أو شعر أو رواية
ودى ممكن تتعمل برضوا فرق فرقة للشعر وفرقة للقصة وغيره ..
12-ناقش واسأل في الكلية أو الفصل
13-العب شطرنج
ودى بقى هتبقى لذيذة جدا لو اتعملت مسابقات فى الجامعة وتخيلووو ....
14-ادخل على النت مواقع ثقافية
15-اذهب لزيارة مكتبة عامة
وبرضو دى هتبقى جماعية
16-اعمل في الصيف
برضو فرق تتقسم فى الصيف ويختارو كل مرة حرفة
17-تعلم كل ثلاثة أشهر مهارة أو رياضة جديدة
نفس الفرق برضو هياخدو كل فترة حرفة أو رياضة وحد منهم يعلمهم مهارة جديدة هو بيقدر يعملها ودة ممكن تسموه تبادل مهارات أو خبرات ..

أتمنى يكون المشروع عجبكم والعرض رد على استفساراتكم ودة طبعا تخيل الى حد ما مبدأى بس أرجووكم عايزة مشاركاتكم معايا ...
منتظرة الردود .. ووفقنا جميعا واياكم الى ما يحبه ويرضى ...
ولا تنسوا تلك الاية العظيمة وعلقوها فى غرفكم
(( واذ قال موسى لفتاه لا أبرح حتى أبلغ مجمع البحرين أو أمضى حقبا ))
وفى النهاية ندعو الله
اللهم علمنا ما ينفعنـــــــــــا .. وانغعنا بما علمتنــــــــــا ... وزدنا علمـــــــــا ...

وياريت نشجع بعض على الجروب فى ال face book
http://www.facebook.com/group.php?gid=26149634482&ref=mf