مشاهدة النسخة كاملة : الكنز المفقود ...منتهي الهندسة"
Eng_Hegazy91 18-09-2008, 07:46 PM بسم الله الرحمن الرحيم
..
طالت الاوقات .. وبعدت العهود ..
لنتذكر .....
نهاية المرحلة الثانوية العامة
التي عاني فيها الكثير من الطلبة
ولكنهم في النهاية , نوعان :
الاول : استطاع ان يحقق هدفه وذلك بتوفيق من الله
والآخر : وضعه الله في مسار آخر لم يكن في الحسبان
ولكن
يجب علينا ان نحمد الله ونثني عليه
فهو لم يوفقنا الا لما فيه الخير لنا.
والآن وقد كنا وعدنا بموضوع جديد
يهتم بمشكلات طلبة الهندسة
ويوجه النصائح
ويتم من خلاله التواصل خلال ايام الدراسة
نستذكر دروسنا
ويساعد كل منا الآخر في سبيل تحقيق هدف نبيل
الا وهو النجاح والتميز
ويمكن من خلاله ايضا ... الاستفادة من بعض الكتب
والبرامج
وايضا .. خبرات الاخرين ممن سبقونا للحياة
في الجامعة .
فقد استطعنا ... بفضلكم وبعد مرور وقت طويل
ان نستجمع عدد لابئس به من الاعضاء الكرام
لكي يشاركوننا جهدنا في هذا الموضوع
المتواضع
فهذا ليس موضوعنا وحدنا بل هو موضوع
للجميع
وهذا كان من خلال موضوع (منتهي الهندسة )
والان ... نحاول من خلال هذا الموضوع
(الكنز المفقود )
لطلبة كلية هندسة
التواصل ......................
فلنبدأ اولي حلقاتنا .......
تركى هاكر 18-09-2008, 08:12 PM شكرااا على الموضوع الجميل وبجد موضوع رائع...........
شكرا على مجهودك وان شاء الله يكون موضوع رائع
etoil 18-09-2008, 10:47 PM شكرا على مجهودك وان شاء الله يكون موضوع راااااااااااااااااااااااااااااااااائع
أحمد بلما 19-09-2008, 12:08 AM توكلنا علي الله
واقتربت ساعة الصفر
ربنا يتولانا برحمته
FUNNYBABY 19-09-2008, 12:15 AM شكرا على الموضوع طبعا
اهم حاجه بحيك جدا جدا جدا على الاسم "الكنز المفقود" ويارب نتواصل وننجح وتبقى نصايح حلوه زى برنامج الكنز المفقود للعظيم "مصظفى حسنى " ربنا معانا
قاموس الحياة 19-09-2008, 02:51 AM شكرا جزيلا على الموضوع
EnG.BeLaL 19-09-2008, 04:01 AM كلها ساعات و نبدأ سباق جديد
bassam_h 19-09-2008, 04:07 AM يا سلام انا مش مصدق اخيرا الموضوع اللى مستنينه بقالنا شهر اتعمل الحمدلله و ان شاء الله يبقى موضوع جامد و نعرف نفيد بعض كويس ف الكليه
MoaTaZinHo 19-09-2008, 07:14 AM و الله انا خايف اكتر من الثانوية العامة
على الاقل الهندسة فى اثانوية العامة كانت بتاخد من 93 بس الكمبيوتر عمره ما هياخد من مقبول :(
استرها معانا يا رب ......................... يا رب
مروه99 19-09-2008, 12:53 PM بجد موضوع هايل
متابعة
Ra2oF 19-09-2008, 01:17 PM مبروك لكل المهندسين ال في الموضوع ... و ال هيجوا كمان ان شاء الله
و اول هدية مني
المنتدي ده للمهندسين + بيجيب كل البرامج و لمواضيع ال ممكن نحتاجها بس احنا هنحتاجوا اكتر بعد اعدادي و هو ليسة جديد علي فكرة :)
FUNNYBABY 19-09-2008, 02:08 PM بجد موقع جامد جداجدا
شكرا ليك
hossamahmed30 19-09-2008, 05:46 PM يااااااااااااااااااااااااااه اخيرا الموضوع
والله موضوع جااااااااامد
وان شاء الله هتابع ولو لقيت حاجة مفيدة اكيد ان شاء الله هجيبهالكم
وربنا يوفقنا
Ra2oF 20-09-2008, 12:51 AM العفو يا funny
و يا جماعة بجد المنتدي بتاع ساعة هندسة ده هيفدنا و احنا ممكن نبقي هناك علشان هو معمول فقط للهندسة يعني مفوش اقسام تانيو خارج مواضيع الهندسة
ممكن نبقي هناك و هنا و هنستفيد من الكل ان شاء الله
lottery 20-09-2008, 02:12 AM شكرااا على الموضوع وياريت نبقى نساعد بعض بجد وقت الشده اللى اكيييييييييييد جاى منها كتييييييييييييييييييييير
hossamahmed30 20-09-2008, 08:23 PM ربنا يوفقنااااااااااااااااااا وشكراااااااااااااا
Eng_Hegazy91 20-09-2008, 09:32 PM انا ماشى سلام ودا موضوعكم ظبطوه انتو
hossamahmed30 20-09-2008, 10:16 PM ليه كده بس يا باشمهندس حجازى
hossamahmed30 20-09-2008, 10:21 PM وده كمان عليه حاجات كويسة
Ra2oF 22-09-2008, 04:20 PM اي يا جماعة نمتوا ليه ؟!
بقولكم يا جماعة يا ريت تخشوا كمندي ساعة هندسة علشان هو للهندسة فقط و هينفعنا جدااا
و لو لقيت عدد كبير دخل هبعت رسالة لصاحب الموقع نخليه يعملنا قسم اعدادي
بس عايزين عدد كده و بجد الموقع عليه برامج مفيدة و كل فترة بينزلوا برامج
هندساوي 22-09-2008, 05:04 PM البرامج دي موجودة ي اي حتة
وانا حاسس بصراحة ان المنتدى دة للبورسعيديين بس
ومافيهوش اي حاجة في اي قسم سوى التعريف للقسم
فين البرامج المهمة دي.؟
هندساوي 22-09-2008, 05:08 PM انا ماشى سلام ودا موضوعكم ظبطوه انتو
فعلا عندك حاجة مفيش اي حاجة جديدة
فين الموضوع اصلا
يعني انا حاسس ان الموضوع دة امتداد لمنتهى الهندسة
مفيش موضوع وكله عمال يقول شكرا للمجهود
انا مش شايف اي فايدة لحد دلوقتي ,,,ومحدش يقولي الفايدة جاية
كنتوا استنيتوا لحد ما تيجي الفايدة
مش عاملين موضوعين مجرد (جر رجل ) واصلا الموضوع مش مستاهل
زاكروا وشوفوا اللي وراكوا وخلي بالكم من الانتاج
bassam_h 22-09-2008, 06:12 PM عندكوا حق فعل الموضوع ناااااااااااايم نااااااااااايم ناااااااااايم و محدش بيدخله اصلا لان مش محدد افاده ازاى يعنى و ع اى اساس هندخل هنا نفيد بعض لو ن ناحية الافاده العلميه يبقى الصح بقى ان كل ماده يتعمل ليها موضوع لوحدها ولا هى تبقى كوسه يعنى و تهريج كده سلطه فوق بعضها ؟؟
Ra2oF 22-09-2008, 06:19 PM البرامج دي موجودة ي اي حتة
وانا حاسس بصراحة ان المنتدى دة للبورسعيديين بس
ومافيهوش اي حاجة في اي قسم سوى التعريف للقسم
فين البرامج المهمة دي.؟
و الله حضرتك انا مشفتش علي الموقع للبورسعدية فقط
ده صاحب الموقع من بورسعيد بس محددوش لبتوع بورسعيد بس
ديه اولا
ثانيا البرامج المهم المحطوطة
عندك
verbace 2008
احسن برنامج ترجمة اجمد من الوافي 200 مرة و كنت بدور علي واحد ملقتش بس في المنتدي ده لقيته الحمدلله
و عند الفوتوشب الاصدار الاخير
و عندك برامج التويفل و في حدود 3 4 برامج كمان بس انا مش عارف بتوع ايه
و احب اقول لحضرتك حاجة أن السايت ده ليسة مفتوح من اسبوع يعني ليسة ملحقوش يعملوا حاجة و انا قلت كده في رد فوق
و شكراا لردك
هندساوي 22-09-2008, 06:25 PM كل البرامج اللي انت قلت عليها دي مش نادرة ولا حاجة,,,,لمعلوماتك يعني
وانا اعرف منتدى هندسي,,,,فيه اكتر من كدة بكتيييييييييييييير
بس لهندسة اسكندرية بس علشان كدة محطيتهوش,,,
وبعدين هو انت عرفت المنتدى منين,,,,المنتدى جديد نوفي زي ما انت قلت
ومش بيظهر على محركات البحث
يعني صاحب المنتدى يا اما انت او احد اصدقائك من بورسعيد
ربنا يوفقك في المنتدى,,, بوالنسبة لموضوع انه لبورسعيد بس
فأنا قلت كدة من اللي شفته,,,كل اللي جوه من بورسعيد ماعدا واحد اسماعيلية
مش بقول حاجة من دماغي
Ra2oF 22-09-2008, 06:31 PM علي فكرة انا ال من اسماعلية و معرفش اساسا صاحب المنتدي
و انا عرفته من الفيس بوك
و حكايات ان البامج مش نادرة انا معاك بس برنامج الترجمة ده بصراحة ده اول موقع اقيه فيه علشان انا عملت سيرش و ملقتش برامج خالص غير :::::::::::::::::::: الوافي
و المنتدي جديد و عام و ان شاء الله يبقي كويس
happ_cat7 22-09-2008, 06:46 PM اهلا ياجماعة
انا يارا ..... معاكم في اعدادي هندسة المنصورة
اااااااااااااه علي فكرة الباشمهندس احمد اللي كان مشترك في الموضوع ده
هابينس سادنيس
اللي اتوقف ............... متهيالي كان هو وحجازي متشاركين في الموضوع ...
واحمد كان محضر شوية حاجات للموضوع لكنه اتوقف قبل الموضوع بشوية
فياريت ماتزعلوش ........... هو بيقولكم ربنا يوفقكم ؟؟
وادعوله ..................... وشكرا ليكم ؟؟
bassam_h 22-09-2008, 06:51 PM طيب هو احمد ده اتوقف ليه انا لقيته موجود ع فكره بنفس الاسم اللى بتقولى عليه ف منتدى هندسة المنصورة
happ_cat7 22-09-2008, 07:03 PM حكاية اتوقف ليه دي بقي طويييييييييييييييييلة اوي بس المهم انه اتظلم
وحاول اكتر من مرة انه يرجع تاني علشان يشارككم الموضوع بس لاحياة لمن تنادي
اه هو اشترك في منتدي هندسة المنصورة
لكن هو بجد بيحبكم كلكم وكان نفسه يفضل مشارككم
وشكرا ليكم ؟؟؟؟
hossamahmed30 22-09-2008, 07:24 PM ربنا يوفقوا
Ra2oF 22-09-2008, 09:46 PM طب ما نيجي كلنا علي ساعة هندسة و اهو جديد و نبقي كلنا مع بعض
و نظبط أمورنا مع بعض يعني :)
Eng_Hegazy91 22-09-2008, 11:07 PM بصم يا جماعه الى عنده كلمه حلوه يقولها والى معندوش مش مهم كلامه والى بيشكك ان مفيش اى حاجه جديده يتفضل هو ويحط ويبحث الشغل كله مش هيبقى عليا وياعم هندساوى بدل مانتا عمال تولعها كده حط لنك لاى حد انا قاعد اهه متخافشى بس انا مشغول بس عشان احنا فى محاضرات فى الكليه وشرح ولسه منتظمناش ماشى وبعدين انت خدت ايه فى الكليه عشان تطالب بالبرامج بتاع الرسم الهندسى وخلافه ماشى احنا ياجماعه مش اى حد يقول كلمه كلوا يمشى وراه احنا لينا دماغ وعشان كده انا قلت من الاول دا موضوعنا كلنا مش موضوعى لواحدى ولا انا الى ههحط الحاجات لواحدى وياريت محدش يرد تانى الا عشان يضيف حاجه بس مش عايزين اى كلمة شكر بكل احترام وانا اسف كمان مره يا بشمهندسيين
lottery 23-09-2008, 12:56 AM يا جماعه حصل خير وانا عن نفسى لسه معرفش اى حاجه ف اى حاجه لاننا لسه موش بدانا حاجه كله بدخل يدينا محاضره تعارف وخلاص
ف الصبر حلو واكيد كلنا ح نستفيد ولما الجد يجى نبقى نتلكم
kalifor 24-09-2008, 02:24 PM يا شباب
ادخلوا السنة براحة
ما تستعجلوش على العلم اوى...وانا عارف انكوا بس سخنين فى الاول فى كده
انتو ابتبقوا سخنين نفسيا مش اكتر
يعنى سخونية على الفاضى...من الاخر مش بتعملوا حاجة
وبتبداوا تصحصحوا...بعد الميدتيرم
اللى انا بشبهه ب" القفا اللى بتاخده على غفلة"
ساعتها بتعرف وضعك وانك مفتحتش حاجة فى المنهج وانك مزنوق
ساعتها الموضوع ده هيشتغل
والاسئلة تكتر....والشغل يبان
انما فى الاول....خدوا فكرة عن الكلية واحضروا المحاضرات...
وياريت محدش يعمل روميو ويمصلح نفسه على البنات بمعنى
ما تحبش كتير...ما تعيش اللحظة كتير....ما تحسش انك حاجة كتير....لان كل ده بيروح ويبقى المقبول او الضعيف جدا
انا بكلمكم عن خبرة ( طبعا الخبرة مش فى المقبول:d)
المهم ادينى بخش كل فترة وفترة
ولما يكون فى اسئلة فى اى مادة... ان شاء الله هحاول اجاوب لكم عليها
طبعا اللى بيقول مين الاخ اللى بيتكلم ده اساسا
معاكم خالد اولى اتصالات...
:d:d
FUNNYBABY 24-09-2008, 08:53 PM ]يا شباب
ادخلوا السنة براحة
ما تستعجلوش على العلم اوى...وانا عارف انكوا بس سخنين فى الاول فى كده
انتو ابتبقوا سخنين نفسيا مش اكتر
يعنى سخونية على الفاضى...من الاخر مش بتعملوا حاجة
وبتبداوا تصحصحوا...بعد الميدتيرم
اللى انا بشبهه ب" القفا اللى بتاخده على غفلة"
ساعتها بتعرف وضعك وانك مفتحتش حاجة فى المنهج وانك مزنوق
ساعتها الموضوع ده هيشتغل
والاسئلة تكتر....والشغل يبان
مهو المفروض يابشمهندس خالد
ان الموضوع ده يبدا يشتغل من الاول مش لسه هنستنا لما نتنيل فى الميدتيرم وبعدين بندا ندور
واحنا زى مانت قلت سخنين نفسيا بس بجد بعد الثانويه العامه والى شفنا كله داخل ناوى يعمل حاجه
مش مجرد حماس فى الاول يعنى وبعد كده هنقضيها هزار
|