:rolleyes: بسم الله الرحمن الرحيم .............

لقد فرات في احد الموضيع السياسية بقلم د/ هويدا طه ... بصراحة الموضوع بيهدد مصلحة مصر
انا عاوزكم تقولولي هو داء فعلا" حقيقة والا سراب .....؟
اتاء في الموضوع الاتي ؟

البلطجة وما سببها تعرفوا الدكتورة هويدا قالت اية اني البلطجة سببها اية ((( نظام مبارك)))

المسئول الأول عن تلك الظاهرة المشينة هو نظام مبارك، الذي يوظفها مستعينا بكل أدواته البوليسية والإعلامية لقمع التحرك الشعبي.. الذي قادته حركة كفاية ولا زالت.. منذ ديسمبر الماضي، فمنذ أعلنت الحركة شعار (لا للتمديد.. لا للتوريث) وظاهرة البلطجة تترصد لها.. ويتزايد حضور البلطجية باستمرار على الساحة السياسية المصرية، وكلما اتسعت القاعدة الجماهيرية لحركة كفاية.. ولو بالتدريج.. كلما زاد في المقابل لجوء النظام إلى البلطجية، في ممارسة- وضيعة- للسياسة.. من قِبل نظام أدرك بنفسه.. بعد أن أدرك الجميع.. أنه يتداعى.هل هذا حقيقي ام لا وهل مبارك وراء البلطجة ....؟
صحيح أن لجوء الحكومات المصرية المتعاقبة إلى البلطجية.. لقمع وإذلال معارضيها.. ليس جديدا! فهناك تاريخ مشترك بين البلطجية ورجال الحكم في مصر!.. وهل هذاء حقيقي ام لا

وعلي العموم يا اصحابي انا سيبلكم الرد

بوشكا

لا اجد تعليق
فالكلام ليس مه فائدة للاسف
ومن ادرانا ان الذى ياتى بعد مبارك لن يكون اسوء منه

حسبنا الله ونعم الوكيل

شكرا يا بوشكا على الموضوع

والله نفس كلامي


وده احس من واحد منعرفهوش يغير مصر

بسم الله الرحمن الرحيم بعد احلى تحية عطرة على كل المتواجدين والغير المتواجدين في المنتدى

احب اقلكم ان بوشكا ده من اعز اصدقائي بس انا ومن غير كدب انا معترض شوية على الي بيقولو

لان موبارك الي موش عاجبه هو الي لحايت دلو قتي معيش مصر في سلام والواحد منا يقول الحمد لله انو جه في وقتو اي نعم ان الزمن موش مساعدنا بس متنسوش اننا 70 مليون ومصر مديونة من ساعت الحرب الي ربنا نصفا فيها ورفعنا راسنا بيها

غير كدة مع احترامي لوجهت نظر كل الي شافو الموضوع ده مبارك ده من اعظم الناس السياسيين في العالم وده شهادة من اكبر الدول ورؤسائها ومن العالم كلو وكفايا انو عاملنا جيش من احسن جيوش العالم ومخليه مستعد في كل لحظة وفي كل سنية والتانية

كفايا الرد بتاعو في وش وزير الدفاع الاسرائيلي لما قالو احنا ممكن ندربلك السد العالي الي مخلي مصر شغالة او بمعنى اصح طاقة مصر او بور مصر العظيم
واله العظيم انا فعلا عجبني رد مبارك قالو انا عايز اسرائيل تدرب السد العالي مفيش مشكلة بس وقالو كمان اهو السد العالي قدامكم لو انتو يا يهود قادرين تدمروه زي ما انتو متخيلين فعليكم به وكان رد التهديد بتاع مبارك بكل شجاعة وبكل قوة وبكل ثقة , لو عملتو كدة بجد انا عندي استعداد انسف اسرائيل

وكمان فكرو بالي حصل في 73 اكتوبر اليوم الابيض بنسبا لينا احنا المصرين الرجالة واليوم الاسود بنسبا لي الاسرائلين هما فعلا مسمين اليوم ده لحايد النهاردة باليوم الاسود او اليوم المشؤؤم


وبردو انا بحترم كل وجهات النظر الي اطحطت في الموضوع بتاع اعز اصحابي بوشكا والي هيحط رايو في الموضوع ده


يا جماعه قولو الحمد لله اننا في بلد زي ده وبيحكمنا واحد زي ده بالرغم من كل المشاكل الي بتواجه ارض الكنانة مصر الحبيبة , ومحدش يتخيل ان مفيش بلد في الدنيا عايشة مرتاحة

ويارب راي ميكنش تقيل عليكم مني انا اخوكم عبد اللـــــــــــــــــــــــــــــه (عبده اكس)

والله المفروض نقول الحمد لله

احنا عيشين احسن من غيرنا والحمد لله

اللى نعرفو احسن من اللى منعرفوش

اتعودنا عليه

غير كدة مع احترامي لوجهت نظر كل الي شافو الموضوع ده مبارك ده من اعظم الناس السياسيين في العالم وده شهادة من اكبر الدول ورؤسائها ومن العالم كلو وكفايا انو عاملنا جيش من احسن جيوش العالم ومخليه مستعد في كل لحظة وفي كل سنية والتانية


هل انت شايف ان حسنى مبارك سياسى جيد !!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!!!!!!!!!!!!!!!!!!!!!!!!!!!!!!!!!!!!! !!!

انا مخالفك ف الرأى ده تماما

راجل بيحكم البلد من 25 سنة والحال يزداد من سوء الى سوء الى سوء الى سوء الى سوء الى ما لا نهاية

هل تعرف ان نسبة البطالة تتعدى 12 %

هل تعرف ان 20 مليون مصرى تحت خط الفقر اى انهم لا يجدوا جنيه ونصف يوميا تخيل جنيه ونصف مش قادرين يكسبوه

بتقول كده عشان مخلينا عايشين ف امان

وتفجيرات شرم الشيخ ايه رأيك فيها

وحادثة الاقصر اللى نسفت السياحة ف مصر ايه رأيك فيها

وغيره كتير

اول مرة ف حياتى اشوف رئيس جمهورية يحبس واحد كان مرشح نفسه قصاده ويلفقله قضية

والتانى رايح وراه

اسأل نفسك كم اعتقل من الاخوان

اعتقد ان وجهة نظرك بحاجة الى تصحيح او ربما وجهة نظرى

( الخلاف ف الرأى لا يفسد للود قضية )

انا معاك يا اينشتين فى كل كلمه بتقولها

ولو انا اللى كنت برد كنت قلت اكتر من كده كمان


سلام

طبعان انا شايف ان حسني مبارك من اهم الناس السياسين الي عرفه العالم يا اخي
غير كدة انت ليه بتحسب المدة الي حكمها
موش اهل بلدك هما الي بيدوه
يعني بزمتك والدك او نص اهلك ادو لمين النتخاب

ماذا فعل حسني مبارك لمصر يا جماعه قولي بس


لا شئ الارهاب قضى عليه كمال الجنزوري والمشاريع الحديثه يا جماعه احنا بنتنهب وواقفين نتفرج وبس

كل حكومة تيجي تسرق شويا وتخلع برا البلد تعيش هيه وولادها على ايه على فلوس الشعب الغلبان وصدق القذافي قال مصر دي غريبة عامله زي البحر كلو بيغرف من خيراتها ولسه عايشه وموجودة



اين نحن الان من دول العالم المتقدم يا جماعه نحن صفر على الشمال بل ان الصفر له قيمة عنا احنا موش فالحين غير في الموضوة والجري ورا البرستيج والكلام التافه دا وسيبين
بلدنا تنسرق


وعلى فكرة البلد محتاجه ثورة ثورة تفيقنا وانا ارجو ان تحتل مصر حتى يفوق الشعب المصري لانو بجد موش نايم بل انه يغط في النوم


ليه فين الجيل بتاع 1973


الشباب اليومين دول بيتخرجوا يقعدوا على القهاوي موش لاقيين اللي يحاسب ليهم انتشرت الجرائم والادمان وتيجوا تقولوا اللي نعرفوا احسن من اللي منعرفوش

لا يا جماعه وسلام ايه اللي انتوا بتتكلموا عليه هوه احنا اللي فيه دا سلام

ولا حرية فين الديموقراطيه شوف اميركا لو حد انتقد الرئيس موش يتقلب عليه الرأي العام لكن هنا يا ويل اللي يقول كلمة تاني يوم يبأى في احلى معتقل يفطر ضرب يتغدى تعذيب يتعشى شتيمة واهانه


ليه يا جماعه موش عارف احنا هنستنا في الغفله دي لغاية امتا لغايه لما البلد تتخرب وتحتل ههههههههههه

لما البلد تحتل ابقى اقبلوني لو واحد من دول استنا في مصر

ايه فضلهم على مصر مفيش

الحكومة دي والنظام دا لايرضي دين ولا اي شخص بس انا نفسي في حاجة واحدة بس منين بيجيبوا الضمير وهما بيقسموا القسم واليمين على تولي المسئوليه

يقولك اقسم بالله العظيم ان احمي بلدي وهوه بينهب بلدو فين دا كلو


كلو كلام في كلام وعود واكاذيب شبعنا منها وهنعمل ونخلي ونسوي ولا احنا بنشوف حاجه

اقرب مثال بنصرف فلوسنا على الطبل والرقص والكورة لكن العلم والتعليم والمستشفيات لا


تعالى نشوف لما استاد القاهرة اخد 165 مليون جنيه عشان الاصلاحات

موش كانوا اتعمل بيهم معامل مطورة استجابة لفكرة الدكتور احمد زويل او كنا صرفناهم على مستشفى السرطان


لكن لا يسعني الا ان اقول حسبنا الله ونعم الوكيل وربنا على الظالم....................