مشاهدة النسخة كاملة : خناقاات اتنين مخطوبين $* احمد & ندا*$
beautiful pearl 19-09-2008, 03:12 PM قصتهم حقيقيه وبدايتهم خناقه اسمهم
احمد :wub: وندا
الفصل الاول
مش عايز اتجوز فكل من تزوجوا يعانون من زوجاتهم
و انا مش ناقص وجع دماغ لما بابا سالنى ايه مواصفات البنت اللى بتحلم بيها قلتله اخلاق و دين و جمال و خفة دم و ما تخنقنيش و تكون هادية و تسمع الكلام و اللى اقوله يمشى (تاثر باغنية انا اللى اقوله اللى اقوله يمشى )
احمد
مش عايزة اتجوز مش عايزة واحد يعاملنى جارية عايز اللى يقوله يتنفذ لازم يبقى فى نقاش ) ده الرد اللى قولته لماما لما قالتلى انتى جوزك لازم تسمعى كلامه و متعنديهوش
ندا
و انا ماشى النهارده فى الشارع شوفت بنت جميلة جدا بس طبعا ما كلمتهاش عرفت بالصدفة انها قريبة واحدة ساكنة معانا فى العمارةhttp://forum.amrkhaled.net/images/smilies/clap.gif اول ما لقيتها فى العمارة ركبت معاها الاسنسير و طبعا وصلتها للدور اللى هى فيه الاول
احمد
و انا ماشية النهارده فى الشارع كان فى واد ماشى ورايا و فوجئت و بينى و بينكم اتخضيت لما لقيته طالع معايا فى الاسنسير
ندا
لما دخلت الشقة اتغديت و لبست و نزلت عشان اقابل اصحابى فى النادى ياسبحان الله البت دى مظبطة مواعدها معايا و لا ايه انا و نازل لقيتها هى كمان تانى
احمد
ايه حكاية الواد ده بقى تانى مرة اشوفه بس المرة دى احلى من المرة اللى فاتت الطقم اللى لابسه المرة دى اشيك المهم انا فى طريقى دلوقتى للنادى اصحابى مستنينى هناك و عزمينى على الغدا
ندا
ياااه الواحد اخر شياكة دخلت النادى و لقيتى اصحابى و قعدت معهم وضحكنا ضحك على واحد صاحبى خاطب بقاله شهر و بيقول خطيبته بعد الخطوبة اتحولتhttp://forum.amrkhaled.net/images/smilies/marsa138.gif مش دى اللى انا خطبته كلامه خوفنى اكتر من الخطوبة و قلت لاصحابى انا البنت اللى اخطبها لازم تكون رقيقة و هادية بس ايه اللى يضمنلى انها ما تتحولش http://forum.amrkhaled.net/images/smilies/th.gif و مصيبة لتتحول بعد ما نتجوز مش بعد ما اخطبها الواحد محتار البنات دول مصايب
احمد
وصلت النادى و قابلت اصحابى و كانت واحدة بتشتكى من خطيبها انه مش رومانسى و انه حياته كلها جد و هزار مفيش رومانسية ابدا انا ما عجبنيش كلامها قالتلها اهم حاجة الاخلاق و خفة الدم
ندا
يلا بقي شجعوني عشان اكمل الباقي
منقووول
براءة 19-09-2008, 03:15 PM طيب ممكن تقوليلى من الاول كده فى حد هيموت منهم ولا ايه :mellow:
علشان بجد حرام عليكى اللى عملتيه فينا فى موضوعك اللى فات :(
قوليلى يلا قبل ما اقرأ :huh:
beautiful pearl 19-09-2008, 03:20 PM لا محدش هيموت المرة دي
انتو اخدتو عني فكره وحشه خاالص:(
القصه بجد جمييله ونهايتها حلوة :cool:
براءة 19-09-2008, 03:24 PM خلاص قريت :d
كملى كملى يا قمر :)
Mohamed_AmeesH 19-09-2008, 03:26 PM القصه بدايتها جميله
يلا بقى عايزين الفصل التانى والثالث مع بعض علشان نربط الاحداث ببعضها
فى انتظارك...............
سنووايت 19-09-2008, 03:57 PM يلا احنا مستنيين الباقي
totylove 19-09-2008, 04:25 PM طيب ياله كملىىىى احنا مستنين نعرف الباقى....
beautiful pearl 19-09-2008, 04:56 PM بجد ردودكو اسعدتني جدا :rolleyes:
الفصل التاني
الشيطان بيشوف شغله
احنا و قاعدين فى النادى كان فى شلة بنات جمبنا هما مش جمبنا بالظبط هما فى وشنا للامانة يعنى المهم انهم كانوا عاملين يضحكوا و يتريقوا لما بصيت هى مش بصة قوى هى نص بصة عشان ربنا قالنا غضوا البصر لقيت البنت اللى كانت معايا فى الاسنسير لا البنت دى كده مستقصدنى بس استقصاد جميــــــــــــــــــــــــــــــــــــــــــل
اول ما شفتها بحلقت http://forum.amrkhaled.net/images/smilies/marsa138.gif و نسيت غض البصر و كل حاجة مش بقولكم البنات دول مصايب بيجيبوا الذنب للواحد اللذيذ بقى انها كمان بصتلى شكلها حست بى انا و ببحلق اول ما بصتلى وديت وشى الناحية التانية و لا كانى موجود
احمد
احنا و قاعدين انا و اصحابى كان فى شلة اولاد قاعدة و عاملين يحكوا و يتريقوا على واحد صاحبهم لسه خاطب.
اللذيذ ان احنا قعدنا ساكتين و بقينا نسمعهم بس باين عليهم عيال مصايب دمهم خفيف جدا انا و قاعدة حسيت ان فى حد منهم بيبصلى و يبحلق لما بصيت http://forum.amrkhaled.net/images/smilies/marsa138.gif ده الواد بتاع الاسنسير لا الموضوع كده مش طبيعى الواد ده شكله بيراقبنى و لا ايه انا خايفة انا النهارده هاخلى واحدة من اصحابى تروحنى مع ان الواد وسيم و باين عليه مؤدب و .....و .........و ....... و.. بس و لو ايه اوعى الواد يغرك يا ندا اوعى اوعى
ندا
فات كام يوم و البنت ما بتجيش تزور قريبتها اللى فى العمارة يمكن بتيجى و انا ما باشوفهاش بس انا اديت 5 جنيه لعم حسن البواب اول ما يشوفها يرن عليا من موبايله حتى البوابين بقوا يجيبوا موبايلات روقان لا و 6600 نوكيا رجل مواكب عصره بس انا مهتم بالبنت دى ليه اليومين دولhttp://forum.amrkhaled.net/images/smilies/za--.gif اوعى يا احمد تكون بتحبها يا احمد اوعى لاحسن تدبس فى جوازة و تلاقيها بعد كده اتحولت انا مش عارف بقى ايه اللى حصلى البت دى باين عمله لى عمل لا ايه بس البنت رقيقة و جميلة و قمورة جدا و دمها خفيف ده كفاية لما تتريق على اصحابها فوق يا احمد مش بقولك عامله عمل و باين على الجن مصور بن جنية و شايف شغله بس و لو مش هنخدع و اخطبها و بعدين القيها اتحولت ما كلهم بيقولوا كده فى الاول و بيطلعوا فى الاخر كدابين(تاثر بعمرو دياب)
احمد
ما بقتش اروح لبنت خالتى العمارة عشان ما اشوفش الواد ده تانى لاحسن باين الشيطان شايف شغله اليومين دول جامدhttp://forum.amrkhaled.net/images/smilies/icon_evil.gif
بس بنت خالتى قالتلى تعاليلى بكره يلا انا مش هاخاف من حتة واد زى ده مع انه وسيم و دمه خفيف قوى ابعد يا شيطان ابعد يا شيطان
ربنا يولع فى الشيطان اللى بيزن على ودنى هو و مراته و اخته و عياله و قبيلته كلها
ندا
علي فكرة الفصل الجاي مسخرة جدااااااااااا
براءة 19-09-2008, 05:00 PM بصي يا ريت تخلصيها كلها النهاردة بالمره
نا قاعدة مش ورايا حاجة :d
msamido 19-09-2008, 05:12 PM im waiting for the next.
..
thanx
منى ذكى 19-09-2008, 05:19 PM ياريت تخلص انهارده لو ينفع علشان انا مسافرة بكرة ومش راجعة غير على العيد
COoL HEaRT 19-09-2008, 05:24 PM لا عسل جداا بس احساس دفين بيقلى مش مكانها العام بس كملى معاكى للاخر
mostafa1991 19-09-2008, 05:27 PM قصة جامدة جدا مستنين باقى الاجزاء
Dr.taz l0gic 19-09-2008, 05:32 PM لا بجد التوبيك جميل جدا
متابع لان اسمه زي اسمي
beautiful pearl 21-09-2008, 02:11 PM ياااااااااااه اخيرا لقيت مكتوب رد جديد
ميرسي عشان رجعتولي موضوعي من تاني
وشكرا لكل اللي تابعو معايا الحلقات
وانا جيت تاني عشان اكملهالكو:)
الفصل الثالث
:dمؤامرة احمد و عم حسن البواب:d
ياااااااااااااه الجو حر جدا اما ادخل اخد shower المياه تروى العطشان و تطفى نار الحران و تنضف الجربان و تروش القرفان و تريح الزهقان هكذا كنت اغنى و انا فى الحمام
ياااه الواحد فاق و انتعش اما احلق دقنى و احط لشعرى جيل يا سلام عليك يا واد يا احمد قمور من يومك ايه العسل ده يا ناس سكر يا اخواتى بس يا رب النمل ما يتلمش عليا
اما البس طقم حلو و اخش ازاكر عشان اسلم المشروع بتاعى اللى مش عايز يكمل
احمد
الجو حر اليومين دول اما ادخل اخد دش عشان البس و اروح لمنى بنت خالتى يا سلام على الميه و حلوتها هى و ساقعة يا طعمتها هكذا كنت اغنى و انا فى الحمام
خرجت من الحمام و رحت على التليفون اطلب بنت خالتى منى عشان اقولها ان انا رايحالها
ندا:سلام عليكم
صوت خشن و عليكم السلام
ازيك يا محمد انا ندا
ازيك يا ندا عامله ايه عاش من شافاك
ندا: لا اطمن هتعيش مش هتموت انا جايلكم كمان شوية
محمد:تنورى
ندا:ده نورك خلاص قول لمنى بقى ان انا جاية عشان تفرش الارض رمل
محمد:ورد و حياتك
ندا:كل مرة تقولوا كده و فى الاخر ما بتعملوش حاجة يلا سلام عشان الحق البس
محمد:سلام و سلميلى على اللى عندك
ندا
رن رن رن رن و فرحنى دى النغمة اللى حطتها لعم حسن البواب بعد ما سيفت رقمه على الموبايل و بعد ما قالى انى هحوله رصيد بعد ما يكلمنى و طبعا وافقت و امرى لله بوابين استغلاليين و انا و بذاكر ما انا فى كلية هندسة يا جماعة فى اخر سنة هندسة عمارة اللى يحب يجيلى انا فى انتظاره قصدى اللى تحب انا فى انتظارها
المهم انى سمعت الرنة و ما بقتش مصدقhttp://1.1.1.2/bmi/forum.amrkhaled.net/images/smilies/marsa138.gif شفت الرقمhttp://1.1.1.4/bmi/forum.amrkhaled.net/images/smilies/clap.gif ده عم حسن
احمد:الو عم حسن حبيبى
عم حسن:ايوة يا احمد بيه الانسة جاية من بعيد انا شايفها
احمد:عطلها يا عم حسن و ليك اجرتك
عم حسن:اقولها ايه يعنى
احمد:اسالها على اخبار منى و محمد
عم حسن:ماشى بس ما تتاخرش
احمد:ورا السكة
ياااااه الحمد لله انى كنت لابس طقم حلو اما الحق الاسنسير
احمد
قفلت السكة و لبست و نزلت علطول و ركبت التاكسى و نزلت قدام العمارة و انا داخلة العمارة لقيت البواب جاى يكلمنى
عم حسن:ازيك يا ست هانم
ندا(و انا مستغربة):الحمد لله
عم حسن:و اخبار الست منى ايه
ندا:الحمد لله
عم حسن : و اخبار استاذ محمد ايه ؟
ندابزهق:الحمد لله
عم حسن: و اخبار ابنهم مصطفى ايه
ندا(جابت اخارها و اتخنقت):قولى يا عم حسن
عم حسن:ايوة
ندا:انت بواب عمارتهم هم و لا انا
عم حسن :هم
ندا:هو استاذ محمد راح شغله النهارده و لا لا
عم حسن:راح الصبح و سلمت عليه
ندا:يعنى شفته
عم حسن:ايوة
ندا:و اخباره ايه
عم حسن :الحمد لله
ندا:امال بتسالنى عليهم دلوقتى ليه
عم حسن:باطمن عليهم ما هم بيطمنوا عليا ده انا حتى النهارده كنت تعبان و استاذ محمد ربنا يخليه جه يسال و يطمن عليا
ندا:لا الف سلامة و عرفت عندك ايه
عم حسن:لا لسه هاروح للدكتور بالليل
ندا:لا تروح و لا تتعب نفسك يا شيخ
عم حسن:ازاى بقى
ندا:اقولك انت تبطل غلاسة و سؤال على الناس و طالما انت عارف انهم كويسين بطل اسئلتك و روح اقعد جمب مراتك و لا اقولك روح ساعدها اهو تريحها و تريحنى سلام
عم حسن :سلام
يااااااه الاسنسير طلع ادعى عليك بايه و انت تعبان و فاضل عليك كحتين و تموت يالا ربنا يطول فى عمرك و تغلس على الناس كمان و كمان ربنا يكون فى عون السكان
ندا
قفلت السكة و جريت لبست الشبشب و فكرت فى اللى اقوله لعم حسن كحجة و الحمد لله لحقت الاسنسير قبل ما تطلع او ممكن تكون طلعت و الله لو كانت طلعت مش هحولك رصيد يا عم حسن و شيل انت بقى حساب المكالمة
احمد
و نزل الاسنسير و ووصل و اتفتح الباب و ندا و احمد شافوا بعض
اول ما فتحت باب الاسنسير لقيتها قدامى قلتلها سلام عليكم ردت بصوت جميـــــــــــل و عليكم السلام و بعدين حطيت ايدى على باب الاسنسير و كلمت عم حسن
جرى ايه يا عم حسن قافل الموبايل ليه يعنى اللى يعوزك يعمل ايه
عم حسن(فاهم ان دى لعبة):معلش يا استاذ احمد مش هتتكرر
احمد:عارف لو اتكررت هاقول لنادية انك مجوز عليها
بعد اذنك قالتلى كده عشان احاسب و اخليها تركب
احمد:اه معلش انا اسف اتفضلى انا كمان طالع
ابقى اطلع لماما يا عم حسن عشان عيزاك
عم حسن:طب استنى انا طالع معاكم
احمد(من جواه الله يخرب بيتك):لا الاسنسير ما بيشلش تلاتة
و قفلت الباب بسرعة و طلع الاسنسير
احمد
استنوا الفصل الجاى لو عايزين تعرفوا قالوا ايه لبعض عايزة اسمع ردودكم على الفصل ده
beautiful pearl 21-09-2008, 02:33 PM الفصل الرابع
واتقابلنا
ركب احمد و ندا الاسنسير و طلعوا بيه للدور 11 السكة طويلة يا ترى قالوا ايه
احمد:ازيك
ندا(وشها فى الارض):الحمد لله
احمد:انتى طالعة لمين
ندا:لبنت خالتى منى
احمد:منى و محمد
ندا:انت تعرفهم
احمد:ده محمد ده صاحبى
ندا:هم اصحاب محمد كده
احمد(http://forum.amrkhaled.net/images/smilies/marsa150.gif ):كده ازاى يعنى
ندا:يعنى اشقياء و دمهم خفيف
احمد:ربنا يخليكى كنت عاوز اقول حاجة
ندا:خير
احمد:انا شوفتك انتى و صحباتك فى النادى بجد انتى عسولة
ندا(وشها جاب الوان الحياء بقى يا جماعة):شكرا
فرصة سعيدة
احمد(http://forum.amrkhaled.net/images/smilies/marsa50.gif ):انا اسعد
راحت ندا لمنى و نزل احمد شقته
ايه البنت دى ادب و اخلاق و تدين و لبس محترم و جمال و حياء و خفة دم ايه دى انا عايز اتجوز لا ماليش دعوة انا عايز اتجوز جوزونى دلوقتــــــــــــــــــــتىhttp://forum.amrkhaled.net/images/smilies/engry1.gif
احمد
ايه الواد المشكلة ده كلامه حلو قوى شكلى هاتدبس بس لو طلع من اللى فاكرين نفسهم سى السيد هبهدلهhttp://forum.amrkhaled.net/images/smilies/engry1.gif
ندا
مرت الايام و احمد خلص امتحانته و اشتغل فى مكتب هندسى و بدا يكون نفسه
ندا خلصت امتحانات و طلعت بتقدير جيد
و فى الفترة اللى فاتت كانت مؤامرات احمد و عم حسن البواب مستمرة على ندا و هى حست بالموضوع ده
بعد تفكير و سهر اكتشف احمد انه بيحب ندا و مش هيقدر يستغنى عنها و قرر الارتباط بيها
ندا كانت بتفكر فى احمد و اتاكدت انها بتحبه
بعد حوار مع الاهل
اتقدم احمد عشان يخطب ندا
بعد تحريات اهل ندا واقفوا
دلوقتى خلاص بقت ندا خطيبة احمد
و ابتدت من هنا قصتنا
بدات الخطوبة
الفصول الجاية فيها عياط و ضحك و دراما و مصايب
اللى عايز يعرف ايه اللى هيحصل يعلق برد,بكلمه, براي, بضحكه حتي لو هيغني مفيش مانع المهم اشوف ردووود:d
سنووايت 21-09-2008, 04:30 PM الحلقات بسرعة ياجميل انا مستنية
msamido 21-09-2008, 05:02 PM يااااااااااااااااااليللللللللىىىىىىىىىىىىى يا عينىىىىىىىىىى يااااااااااااااااااااااااااااااااااااااااااااااااا اااااااا ليل
أنا قولت أغنى أحسن :)
بس بجد القصة حتى الآن جامده ومستنى الجديد
سنووايت 23-09-2008, 12:53 AM يلا بقى فين الحلقات الجديدة
COoL HEaRT 23-09-2008, 01:01 AM لا موضوع زى السكر والله كملى كملى اهو مهون عليا درس الكميا .. وبالنوسبه لموضوع الاغانى صوتى وحش :d كملى من غير غنى عشان منطفش الجمهور
msamido 23-09-2008, 09:58 AM هو المسلسل ده بيتذاع على قنوات تانية ولا هنا حصريا
قصدى بينزل فى أقسام تانيه ولا هنا بس
..
.
beautiful pearl 23-09-2008, 04:21 PM الحلقات بسرعة ياجميل انا مستنية
بس كده
من عنيا انت تؤمر يا قمر:rolleyes:
يااااااااااااااااااليللللللللىىىىىىىىىىىىى يا عينىىىىىىىىىى يااااااااااااااااااااااااااااااااااااااااااااااااا اااااااا ليل
أنا قولت أغنى أحسن http://1.1.1.3/bmi/www.thanwya.com/vb/images/smilies/smile.gif
بس بجد القصة حتى الآن جامده ومستنى الجديد
ههههههههههههههههههه
ميرسي لمرورك يا مساميدو
وحالا هنزل الحلقه الجديده
لا موضوع زى السكر والله كملى كملى اهو مهون عليا درس الكميا .. وبالنوسبه لموضوع الاغانى صوتى وحش http://1.1.1.3/bmi/www.thanwya.com/vb/images/smilies/biggrin.gif كملى من غير غنى عشان منطفش الجمهور
غني غني ولا يهمك
الجمهور كده كده طفشان:d
وبالنسبه لدرس الكيميا ربنا يوفقك ان شاء الله
هو المسلسل ده بيتذاع على قنوات تانية ولا هنا حصريا
قصدى بينزل فى أقسام تانيه ولا هنا بس
لا بينزل هنا بس:d
..
beautiful pearl 23-09-2008, 04:27 PM الفصل الخامس
احكيلى و احكيلك
بعد زيارات احمد لندا فى البيت و كلامهم فى التليفون كتبوا الكتاب عشان لو عايزين يخرجوا يخرجوا براحتهم بس مش قوى لحد ما ندا تخلص كلية
اخيرا كتبت كتابى على ندا و هاخرج معاها و هاكلمها فى التليفون اتفقت مع مامتها و باباها انى هاخرج معاها النهارده نتغدى بره http://1.1.1.4/bmi/forum.amrkhaled.net/images/smilies/clap.gif
الواحد لازم يبقى شيك اول خروجة مع خطبتى لا دى بقت مراتى خلاص بقى و الله يا واد يا احمد و كبرت و خطبت و و كتبت كتابك بكره تجوز و تجيب بنين و بنات عسولين و عسولات طلعين لباباهم طبعا ياااااااه هابقى اب
بس يا ترى النهارده هنتكلم فى ايهhttp://1.1.1.2/bmi/forum.amrkhaled.net/images/smilies/th.gif اول مرة هاكلمها و احكليها و تحكيلى و احنا قاعدين لوحدنا و اسالها ايه ده دى ممكن تسألنى سؤال محرجhttp://1.1.1.2/bmi/forum.amrkhaled.net/images/smilies/yf--.gif يا ربى طب ساعتها هاعمل ايه
ايه ده اللى انا بفكر فيه ده هو انا بقيت عامل زى البنات كده ليه لو عايزة تسأل تسأل و لا يهمنى انا الراجل سى السيد يعنى يعنى فى الاول و الاخر كلامى هيتنفذ اه و لازم افهمها كده من الاول (مسكين ما يعرفش لما يقول اللى هيحصل لهhttp://1.1.1.3/bmi/forum.amrkhaled.net/images/smilies/an--.gif )
احمد
الواحد محرج جدا اول مرة هاقعد و اتكلم مع ولد لوحدى لا ده مش ولد ده بقى جوزىيا ترى هيقولى ايهhttp://1.1.1.2/bmi/forum.amrkhaled.net/images/smilies/th.gif
يا ترى ممكن يطلع من اللى عايزين يقوله يتنفذ(مسكينة ما تعرفش)
طب هيسألنى عن ايه مش مهم المهم النهارده اكون قمر
و بعدين انا خايفة كده ليه لا يا ندا اثبتى ده لو كان سلفستر استولنى انا هوجن مهو كده ممكن يعيش فى دور سى السيد لا انا هافهمه من الاول و النهارده
عاجبه عاجبه مش عاجبه يلا خيره فى غيره بس ما ينفعش دلوقتى
ندا
لبس احمد اللى على الحبل و نزل مطقم و اخر شياكة
لبست ندا حتة طقم جامد ومحطتش مكياج كالعادة و قالت مقولتها المشهورة و اللى طبعا بتتمنى انها ما تحصلش
عاجبه عاجبه مش عاجبه خيره فى غيره بس ما ينفعش يلا توكلنا على الله
و راح احمد لندا
و اول ما خرجت و شافهاhttp://1.1.1.2/bmi/forum.amrkhaled.net/images/smilies/marsa138.gif ايه الجمال ده (من جواه طبعا)
و هى كمان(اش اش ايه الشياكة دى (برده من جواها طبعا)
و راحوا المطعم و طلبوا الغدا و اتكلموا
احمد:ازيك (للمرة الخامسة)
ندا:الحمد لله
احمد:ها عايزة تسألى اى سؤال
ندا:كتـــــــــــــــير
احمد:http://1.1.1.1/bmi/forum.amrkhaled.net/images/smilies/icon_cheesygrin.gif يا حلاوة(بصوت واطى طبعا)
ندا:و انت
احمد:كتـــــــــــــــيــــــــــر
ندا:http://forum.amrkhaled.net/images/smilies/icon_cheesygrin.gif يا طعامة(بصوت واطى طبعا)
الاتنين ضحكوا لان كل واحد سمع التانى
احمد:طب انا عندى اقتراح
ندا:عارفاه
احمد: بجد
ندا: اه
احمد:طب ايه هو
ندا:السؤال اللى تسأله انت كمان ترد عليه صح
احمد:صح
احمد:تعرفى انا بحب البنت الذكية اللى تفهم اللى عايز اقوله قبل ما اقوله
ندا:اطمن
احمد:طبعا مطمن مش انتى معايا
ندا(وشها احمر و جاب الوان):تعرف ان دى اول مرة اقعد و اتكلم مع ولد
احمدhttp://forum.amrkhaled.net/images/smilies/icon_razz.gif :بجد
ندا:اه و الله انا اصلا ما كنتش باكلم ولاد فى ثانوى و لا فى كلية كلنا شلة بنات و بس
احمد:تعرفى ان انا فرحان جدا لانى اول واحد فى حياتك
ندا:طبعا لازم تفرح شكلك بتصاحب بنات و كنت حاسس ان ربنا هيوقعك فى واحدة بتكلم ولاد صح
احمد:بصراحة
ندا:اه بص عشان سيرة الصراحة انا اكتر ما اكره اللف و الدوران لازم من الاول نبتدى بصراحة
احمد:انا بدأت اقلق منك
ندا:ليه
احمد:يعنى اول خروجة لينا بتقولى انا ما بحبش و بحب
ندا:يعنى عايزنى اكدب عليك بص يا احمد انا عايزة ابقى زوجة و ام ناجحة باذن الله فعشان حياتنا تبقى كده لازم نكون متفقين من الاول
احمد:كلامك كله صح
ندا:اه ما ردتش على السؤال
احمد:افتكرتك نسيتى عموما فعلا زى ما قلتى و بصراحة باين عليك بتفهمى اللى قدامك بسرعة و دى حاجة عاجبنى قوى فيكى
ندا(وشها جاب الوان تانى و بعدين معاك كل مرة وسط الكلام تقول حاجة تخلينى اكسف)
احمد:ندا انتى عصبية
ندا:لا مش عصبية بس فى امور معينة باتعصب فيها اكيد يعنى انا بحب الاقناع و التفاهم يعنى لا قدر الله لو حصلت مشكلة بينا افضل نقعد و نشوف الموضوع مع بعض و انت عصبى
احمد:اه جدا
ندا:ايوة ايوة ايه كمان فرحنى
احمد :لا و اللهhttp://forum.amrkhaled.net/images/smilies/icon_razz.gif بس مع الناس اللى بحبهم اكيد ما ببقاش كده يعنى اطمنى
ندا(وشها خلاص كمان شوية اللون الاحمر هينطبع)
احمد:على فكرة شكلك حلو انتى و مكسوفة
ندا:كويس انك لاحظت يعنى قلل الموضوع ده شوية ما تكسفنيش كتير
احمد:و ايه اخبارك مع التشريح
ندا:فى الكلية بتحصل مهاذل مرة دخلنا اوضة التشريح و الدكتور بيشرح قدمنا لقينا 5 ولاد اغمى عليهم
احمدhttp://forum.amrkhaled.net/images/smilies/C_laugh.gif :و البنات
ندا:لا البنات 2 بس اصل البنات ما بقتش بنات قلبت رجالة ممكن تكون حصلتلهم حاجتين
1 يكونوا قلبوا رجالة
2 تكون اصبتهم لعنة
احمد:http://forum.amrkhaled.net/images/smilies/C_laugh.gif على رأيك
ندا:و انت اخبار شغلك ايه
احمد:الحمد لله
ندا:احمد انت حبيت قبل كده احكيلى بقى حبيت مين و بالتفاصيل
احمد:ياخبر طب يا ستى احكيلك
لو عايزين تعرفوا قصص حب احمد تابعونى.
دى كانت اول مرة يخرجوا فيها و يقعدوا لوحدهم لان اهلها ما كنوش بيرضوا و هما مخطوبين انهم يقعدوا لوحدهم.
سنووايت 23-09-2008, 08:12 PM حلو اوي ربنا معاهم شكلها هتقلب بغم
beautiful pearl 24-09-2008, 02:50 AM الفصل السادس
لما سألت ندا سؤالها الموعود احمد شرب شوية ميه عشان يعرف يرد عليها
احمد:بصى انا حبيت 3 مرات
ندا:3 مرات يا مفترى ليه يا بنى ده كله
احمد:انتى مش ملاحظة ان انا حبيب و لا ايهhttp://1.1.1.3/bmi/forum.amrkhaled.net/images/smilies/aa--.gif
ندا:لا ملاحظة بس بستعبطhttp://1.1.1.4/bmi/forum.amrkhaled.net/images/smilies/mi--.gif
احمد:لا لاحظى و خدى بالك كويس منى
ندا:يا سلام ده انت على كده ممكن تحب بعد ما نتجوز و تجبهالى و تعرفنى بيها
احمد:اخس عليك يعنى يرضيكى اعمل حاجة من وراكى مش لازم تبقى عارفة كل حاجة
ندا:يا سلام طب بص بقى عشان ما ابقاش انا كمان خبيت من وراك حاجة يعنى انا لو بقول لو حبيت بعد ما نتجوز
احمد:ايه ايه سمعينى تانى سمعينى تانى اصلى ما سمعتاش
ندا:لا الف سلامة على ودنك انا كنت بقول
احمد:ايه انتى صدقتى و هتعيدى الكلام تانى
ندا بتغيظ احمد:مش انت قولتلى سمعيبنى و بعدين انا قلت لو ماشى لو ثم انا ما كملتش كلامى
احمد:لا و النبى كملى كملى ما تكملى
ندا:هو انت مدينى فرصة اكمل يا احمد
احمد:يعنى انتى عايزة تكملى ده انا كنت قتلتك و قتلته
ندا:طب انا ماشى هو ليه بقى
احمد:يا سلام صعبان عليكى انى اقتله عايزة تضحى بنفسك عشانه
ندا:الله مش بحبه
احمد:طب بقولك بطلى و اقفلى الموضوع ده عشان ما
ندا:ما ايه
احمد:لا بلاش بقى
ندا:براحتك بس ما تتهربش يا استاذ و قولى التلات بنات اللى حبيتهم حبيتهم امتى و فين و ليه و عجبك فيهم ايه و عملت و عملوا ايه لما قلتلهم و خرجت معاهم قد ايه و كلمتهم كم مرة فى التليفون و
احمد:بس بس كفاية ارحمى بقى و اهدى شوية و بعدين انا ما كنتش اعرف انك بتحبينى و بتغيرى عليا للدرجة دى كان نفسى اصورك انتى و بتسألى شكلك كان فظيع
ندا:مين ده انا لا انا بس عايزة اعرف الحقيقة و مش عايزاك تخبى عليا حاجة عشان انا كمان لما اجى احكى
ما
احمد:استنى استنى هنا انتى مش قولتى ان انا اول واحد فى حياتك
تحكى بقى عن مين و لا هو كلام الليل مدهون بزبدة يطلع عليه النهار يسيح
ندا:مالك اهدى بس كده انا ما كنتش اعرف انك بتحبينى و بتغير عليا كده بجد كان نفسى اصورك انت و بتكلم من شوية شكلك كان فظيع
احمد:اه واحدة بواحدة يعنى بترديها
ندا:انا اخس عليك ما كنتش افتكرك تقول عليا كده
احمد:خلاص انا اسف
ندا:و لو اتحايل عليا شوية
احمد:بس كده طب انا اسف انا غلطان
ندا:خلاص خلاص تقبلنا اعتذارتكم
ندا:بس انت اتعصبت اهدا كده يا حبيبى و اعقل و ما تتعصبش فى امور زى كده
احمد:قولى كده تانى انتى قولتى ايه
ندا باستغراب :قلت اهدا و اعقل
احمد:لا كان فى كلمة فى النص بيتهيألى انى سمعت حبيبى قوليها كده تانى
ندا و اكتشفت اللى قالته من غير قصد:سلامة ودنك انت ودنك النهارده اكيد فى حاجة تهيأات
احمد:لا مش تهيأت طب و لو تهيأت قوليها تانى
ندا باستعباط:اقول ايه يا بنى
احمد:ابنك بقولك قولى حبيبى مش ابنك يا ماما
ندا:ايه حبيبى ده انت بتحلم
احمد:بحلم طب نورى النور و صحينى عشان الحلم يبقى حقيقة طب اقولك مش انا جوزك قدام ربنا و الناس
ندا:طبعا
احمد:طب خلاص قوليها بقى طب تعرفى اغنية حبيبى يا احمد بتاعة نجلاء فتحى بتاعة علمنى العوم و النبى يا احمد
ندا:اه عارفها ده انا بحب الفيلم ده
احمد:طب خلاص تعالى نمثله و تغنيلى الاغنية
ندا:ده على اساس ان انت محمود يا سين و انا نجلاء فتحى طب انا نجلاء فتحى ماشى لكن انت محمود ياسين طب ازاى
احمد:بقى كده انا زعلت خلاص
ندا:انت زعلت ده انا كنت بهزر يعنى معقول عمرو الشريف يمثل دور احمد ياسين
احمد:اهو كدهB)
!!!دمعة حزن!!! 24-09-2008, 04:01 AM الله
جميله اوووووووووووى
كملـــــــــــــــــــــــى
سنووايت 24-09-2008, 07:37 PM كملي بسرعه ارجوكي
beautiful pearl 24-09-2008, 11:22 PM الفصل السابع
ندا:انت صدقت انك شبه عمرو الشريف و لا ايه انت اخرك المنتصر بالله
احمد:ربنا يسامحك ده انا حتى لما كنت فى الكلية كنت عامل زى هارون الرشيد كنت باقعد مع 5 بنات
ندا:بجد
احمد:انتى صدقتى يا ندا انا اصلا ما كنتش باكلم بنات كنت باتقى ربنا كنت بخاف انى لو كلمت بنت اخواتى البنات حد يروح يكلمهم
ندا:انت جميل قوى يا احمد من جواها طبعا
ندا:اه بحسب اصل لوكنت هارون الرشيد زى ما بتقول كنت هاندهالك الحراس يطرودك بره القصر
احمد:و اهون عليكى
ندا:اه دخلنا فى سكة اهون و ما اهونش
احمد:تعرفى ان انتى بتتهربى من الامور بسرعة
ندا:بص يا احمد انا و الحمد لله عندى قدرة انى اغير المواقف يعنى لو انا اللى غلطانة ممكن اخلى نفسى مظلومة
احمد:اه يعنى مش هاعرف اطلعك غلطانة ابدا
ندا:انت و شطارتك
احمد:طيب انا مش هاقول القصص غير لما تقولى يا احمديا زوجى يا حبيبى يا شمعة قلبى يا نور حياتى
ندا:ايه ايه حيلك اولا انا حياتى منورة منورة و بعدين ايه شمعة قلبى دى طب افرض الشمعة وقعت قلبى انا يتحرق
احمد:بقى كده طب انا هاتنازل مقابل كلمة واحدة
ندا:خلاص يا احمد يا زوجى
احمد:يا سلام و من قالك انى عايز الكلمة دى تحت امرك انا بقى انا عايزاك تقولى يا حبيبى
ندا:لا انسى دى مسألة مزاج و اهدا يا بنى و ما تزنش كتير
احمد:طب ممكن طلب
ندا:خير
احمد:ممكن ما تقوليش يا بنى تانى
ندا:بس كده حاضر يا بعلى
احمد:يا ريتك ما قولتيها دى ابنى احسن بكتير
ندا:عارف فى الافلام القديمة لما كانوا اتنين بيجوزوا و المأذون يجى يقول اتقبلينه بعلا لكى كنت باقول انا فى كتب كتابى لما المأذون يقولى كده هاقوله نعم اقبله بغلا لى
احمد:بغلا ربنا يكرمك و بعدين انتى مش بتقولى انتى بتوكلى والداك و الحمد لله ان كتب الكتاب عدا بسلام
ندا:طب احكى و ما تتهربش اكتر من كده
احمد:طب بصى المرة الاولى حبيت زميلتى كانت بتاخد معاى درس فى 2 و 3 ثانوى و لما دخلت الكلية نسيتهاو حبيت بنت كانت مؤدبة و اخلاق و كنت ناوى ارتبط بيها بس ملحقتش لانها اتخطبت و حكاية اقولهم دى غلط انا عمرى ما قولت لواحدة او عرفتها انى بحبها و طبعا ما كنتش باخرج معاهمو لا باكلمهم فى التليفون
ندا:طب دى الاولى و التانية التالتة بقى
احمد:التالتة دى كانت مؤدبة و عسولة و محترمة و دمها خفيف و قمورة و عمرى ما هاحب غيرها حبها بيجرى جوايا
ندا:و دى تبقى مين بقى و اجوزتنى ليه طالما انت بتحبها:mad:
احمد:التالتة دى تبقى انتى و اجوزتك لانى بحبك:wub:
ندا :طب يالا نمشى و وشها جاب الوان
احمد:انا اسف نسيت انك بتكسفى
ندا:خلاص مفيش حاجة بس انا عايزة اروح
احمد:انا اسف كمان مرة
خرجوا احمد و ندا من المطعم و فى العربية
احمد:انتى زعلتى يا ندا
ندا:مش مسألة زعلت الموقف ده المفروض عادى بين اتنين مجوزين
احمد:ما انا برضه باقول كده امال ايه
ندا:يعنى دى اول خروجة لوحدانا المفروض الكلام ما يبقاش كده كتير يعنى عشان انا اصلا كنت جاية متوترة فكلامك زاد توترى
احمد:اسف بجد
ندا:خلاص يا احمد ما تتأسفش انا كنت باضيع الموضوع و حكاية حبيبى و كده بالهزار بس يظهر ان لا مفر
احمد:فعلا لا مفر
ندا:يا سلام انت مش لسه قايل انك مش هتقول الكلام ده تانى على الاقل دلوقتى
احمد:ما اخبيش عليك بصراحة ما اضمنش نفسى لانى باكون معاكى عايزة اقولك اللى انا بحسه معاكى
ندا:يعنى مفيش فايدة
احمد:انا ممكن اقلل مش ابطل خلاص خلينا صريحين مع بعض كمان انتى كمان ساعات هتحتاجى لكلامى ده و بعدين انا ناوى اكلم عمى نقدم معاد جوازنا
ندا:ايه؟؟؟؟؟؟؟؟؟؟؟؟؟؟؟؟؟؟؟؟؟
وانتظرونا مع اول خ.........................
لالالالالا خليها مفاجأه احسن
مستنيه تعليقاتكو
!!!دمعة حزن!!! 25-09-2008, 01:21 AM تعليق ايه اللى مستنيه
كملللللللللى :angry:
mostafa1991 25-09-2008, 01:58 AM بجد موضوع تحفة ياريت تكملى بسرعة
nada1990 25-09-2008, 02:12 AM جرى ايه يا جماعه فى ايه
انا برده اسمى ندى
كل ده بيحصلى وانا مش واخدة بالى
بس بجد موضوع تحفه
بس يا ترى كل ده هيحصلى ولا ايه النظام
لو كدا يبقى بلاش جواز احسن
mostafa1991 25-09-2008, 02:23 AM جرى ايه يا جماعه فى ايه
انا برده اسمى ندى
كل ده بيحصلى وانا مش واخدة بالى
بس بجد موضوع تحفه
بس يا ترى كل ده هيحصلى ولا ايه النظام
لو كدا يبقى بلاش جواز احسن
هو كدا حصل حاجة الموضوع ماشى جامد جدا بس بجد موضوع عاجبنى اوى
beautiful pearl 25-09-2008, 04:44 PM جرى ايه يا جماعه فى ايه
انا برده اسمى ندى
كل ده بيحصلى وانا مش واخدة بالى
بس بجد موضوع تحفه
بس يا ترى كل ده هيحصلى ولا ايه النظام
لو كدا يبقى بلاش جواز احسن
هو لسه حصل حاجه:d
بس علي فكره لو لقيتي عريس زي احمد تبقي كسبتي كنز ميتعوضش;)
ميرسي لمرورك يا جميل
beautiful pearl 25-09-2008, 04:46 PM جرى ايه يا جماعه فى ايه
انا برده اسمى ندى
كل ده بيحصلى وانا مش واخدة بالى
بس بجد موضوع تحفه
بس يا ترى كل ده هيحصلى ولا ايه النظام
لو كدا يبقى بلاش جواز احسن
هو لسه حصل حاجه:d
بس علي فكره لو لقيتي عريس زي احمد تبقي كسبتي كنز ميتعوضش;)
ميرسي لمرورك يا جميل
وانا هنزل الحلقه التانيه حالا
beautiful pearl 25-09-2008, 04:51 PM الفصل الثامن
بعد ما قال احمد لندا انه عايز يقدم معاد جوازهم وندا قالت ايه متفاجئة قالوا شوية كلام تعالوا نشوفه
ندا:ايه
احمد:مالك يا ندا فى ايه
ندا:لا يا احمد مش هينفع
احمد:هو ايه اللى مش هينفع يا ندا انا مش هقدر استنى 3 سنين عقبال ما تخلصى
ندا:و ما قلتش كده ليه من الاول
احمد:كنت فاكر انى هاقدر
ندا:و ايه اللى جد(يعنى بقى جديد) و خالك مش قادر
احمد:يا ندا انا ما باقدرش اسيبك و لما باسيبك بنتكلم فى التليفون و لو يوم ما كلمتيكش ببقى هجنن انا حالى اتغير تفتكرى بالحالة دى هاقدر اقعد تلات سنين
ندا:احمد مش هينفع مش هاقدر ادرس و انا متجوزة هيبقى صعب عليا مش هاقدر اوفق بين احتياجات بيت و زوج و مذاكرة و لو جبنا بيبى الموضوع هيتعقد اكتر انسى يا احمد الموضوع ده ارجوك
احمد:انسى ايه يا ندا مش ده الموضوع اللى انساه دى حياتى يا ندا و وسط كلامهم رن موبايل ندا مش توقيت موبايلات خلاص مين الرخم اللى بيرن دلوقتى و على الخط
ندا:سلام عليكم
سها:و عليكم السلام يا ندا عاملة ايه
اخ غلطنا فى سها معلش احنا اسفين
ندا:الحمد لله
سها:انتى ايه مش بتكلمى ليه انتى مع احمد و لا ايه
ندا:اه
سها طب انا عايزاكى معاى فى مشوار بكره هعدى عليكى نخرج الساعة 5 ماشى
ندا:ماشى يلا سلام
سها:سلام
و انتهت المكالمة
احمد:خير فى حاجة
ندا:لا ابدا مفيش دى سها صحبتى
احمد:طب يا ندا انا هاحاول انسى الموضوع ده بس مش 3 سنتين ممكن بعد السنة دى و ما تكلميش دلوقتى الموضوع اتقفل ماشى
ندا:ايه ده بقى ان شاء الله انتى من اولها كده اولا مفيش موضوع يتقفل غير لما ادى رأيى فيه ماشى
احمد:ده اذا كان عندك رأى تانى غير اللى قولتيه
ندا: رأيى هو رأيى مش هيتغير يا احمد و ما ينفعش تتجاهل ارائى رأيى جزء منى يعنى لو ميهمكش يبقى انا مهماكش
احمدو وقف العربية:فى ايه يا ندا اللى انتى بتقوليه ده ايه اللى حصل عشان كل ده
ندا و هى متنرفزة و صوتها بدأ يعلى:فى انك رجعت فى كلامك انت قولت انك هتستنى و بناء عن كده وافقت اننا نكتب الكتاب دلوقتى متجيش بعد كده ترجع و تقول لا و فى الاخر تنهى الموضوع و تقولى مفيش نقاش اسلوب سى السيد فى قفل المواضيع على رأيك انت ما ينفعش معايا و لو كان ده اسلوبك يبقى مش هينفع نكمل مع بعض و الاحسن تط
فى اللحظة اللى كانت هتقول فيها تطلقنى احمد حط ايده على فمها باللغة العربية يعنى و قال
احمد:انا باحذرك و اياكى تقولى الكلمة دى تانى فاهمة و لا لا
ندا:لا مش فاهمة فعلا ما بقتش فاهمة اى حاجة من نصرفاتك المتغيرة معايا
احمد:تصرفات متغيرة ايه يا ندا اللى اتغير فى تصرفاتى شايفنى باعمل ايه
ندا:شايفاك بتتحول مش ده احمد اللى انا اعرفه احمد اللى كنت اعرفه ما كنش بيرجع فى كلامه
احمد:اللى كنتى تعرفيه ماشى يا انسة ندا
على فكرة انا عمرى ما رجعت فى كلامى و اذا كنت باقول كده فده لانى مش قادر اقعد من غيرك لانى بحبك يعنى كلامى ما رجعتش فيه و لا حاجة بس يظهر ان انا غلطت لما قولت كده لما كنت عايز نقرب لبعض اكتر و لقيتك عامله تقولى كلام ما كنتش احب انى اسمعه و اسلوب سى السيد ده مش اسلوبى يا انسة و اذا كنتى خلاص زهقتى منى فبراحتك لو عايزه ننفصل براحتك مش هاقدر اجبر واحدة انها تقعد معاى و هى مش شايفنى كويس و فاكرانى بارجع فى كلامى و سى السيد القرار ليكى
ندا:انا اسفة يا احمد انا اتنرفزت بس
احمد:اسفك مش هيفيد بعد اللى قولتيه لانى فعلا اضيقت انتى عندك استعداد من اول مشكلة تواجهك معايا انك تسيبنى انتى حتى ما حولتيش تغيرى الموقف خلاص يا ندا انا هأوصلك للبيت
و طول السكة و هما ساكتين و وصلوا البيت
COoL HEaRT 25-09-2008, 05:05 PM لا اله الا الله .. البت دى ذكيه باين عليها .. ربنا يهديهم ..بس بجد قصه زى العسل كملى يا جميل الموضوع حلو جداااا
منى ذكى 25-09-2008, 05:26 PM ياريت الباقى بسرررررررررررررعة
Dr.taz l0gic 25-09-2008, 05:28 PM الموضوع جميل جدا
واتينج 4 الباقي
ghareeb2020 25-09-2008, 07:57 PM الموضوع جميل جدا فعلا بجد
كتاباتك جميلة جدا و موضوع القصة جميل ده غير حسن استخدام الوسائل الدرامية في القصة
استخدام عنصر التشويق ابدعت فيه جدا و ده باين من ردود الاعضاء
لو دي النهاية يبقي كمان نجحت في حسن استخدام النهايات المفتوحة و التي تجعل من القارئ مكمل للمبدع
اسأل الله لك التوفيق
و نتمني ان نري اعمال جديدة
الربان
سنووايت 26-09-2008, 01:10 AM يلا بسرعه نزلي الحلقة
سنووايت 27-09-2008, 02:54 AM فين الحلقة الجديدة يا جميل
msamido 27-09-2008, 03:51 PM we are waiting............
براءة 27-09-2008, 06:25 PM القصة خلصت يا جماعة :d
ما هوة مرة البنية تموت
والتانية تنفصل :P
عقدتينا يا شيخة الله يسامحك ههههههههه
beautiful pearl 28-09-2008, 04:37 AM انا اسفه علي التاخييييييييييييييييييييير
بس والله النت كان فاصل
لو كان يعرف انه هيلاقي ردود حلوة كده من اعضاء احلي كان فصل برده:d
القصة خلصت يا جماعة
ما هوة مرة البنية تموت
والتانية تنفصل :P
عقدتينا يا شيخة الله يسامحك ههههههههه
لالالالالالالالا لسه مخلصتش
متخفيش يابراءه مش هتنفصل ولا حاجه
دول شوية شطه وليمون عشان الخطوبه تحلو بس;)
beautiful pearl 28-09-2008, 04:43 AM الفصل التاسع
بعد ما ندا وصلت للبيت دخلت اوضتها بتعيد حساباتها و بتكلم مع نفسها الواد جننها يا عينى
ايه اللى بيحصل ده انا مش فاهمة حاجة ايه اللى خلانى اتنرفز كده و اقول اللى قولته ده ازاى اقوله ننفصل و انا ما اقدرش ابعد عنه و كمان هو زعل عشان قولتله كلام ......بس ما كنش قصدى طب اعمل ايه دلوقتى و بعدين هو افتكر انى فى اول محنة هسيبه طب اعمل ايه عشان افهمه لو ما اتصلش النهارده هابعتله رسالة بكره
ندا
اخس عليكى يا ندا ازاى تقولى الكلام ده ازاى مستعدة تسيبى فى اى لحظة و تمشى يا ترى هتعملى ايه لو قبلتنا مشكلة كبيرة هيكون تصرفك ايه ساعتها هتسبينى بردوه
يقول كده لنفسه و هو زعلان و مضايق
و فى اليوم التانى و احمد بردوه ما اتصلش للساعة 3 و ندا على نار مش متعودة على اللطعة دى اخر ما زهقت بعتت رسالة قالت فيها
(يا عم اسفين اقبل صلحنا بقى ده الطيب احسن و بلاش نخاصم بعضنا و بعدين ما كنش قصدى و الله لو موافق على الصلح مستنية تليفون للساعة 5 لو لا هازعل انا بقى)
لما الرسالة دى اتبعتت احمد كان مشغول فى الشغل و ما اخدش باله
الساعة 5 و احمد ما اتصلش و ندا على نار.
الباب رن ندا افتكرت احمد عامل مفاجئة و جاى بس ما طلعش احمد يا خسارة امال مين ؟
طلعت سها اللى جاية عشان تخرج هى و ندا بس ندا رفضت و سها قعدت تقنعها عشان تخرج وتفك عن نفسها و بعد مناقشة طويلة وافقت
خرجوا الساعة 6 طبعا ما الست ندا خدت وقت طويل فى الاقناع
فى الوقت ده احمد كان فى البيت هو و بيغير هدومه و بيطلع الموبايل شاف الرسالة و زعل جدا لما الوقت فات و فرح جدا عشان صالحته و اتصل بيها على البيت بس مامتها قالتله خرجت لما قالها فين قالتله مع سها
ساعتها اتجنن عشان ما قلتلوش ده بقى جوزها يعنى المفروض تستأذن منه الاول و اتنرفز اكتر لما ما قلتلوش لما كانت بتكلم سها امبارح
راح اتصل بيها على الموبايل و هى اول ما شافت رقمه طارت من الفرحة ما تعرفش ايه اللى مستنيها و على التليفون:
ندا:ازيك يا احمد زعلت لما ما اتصلتش
احمد:و انتى يهمك زعلى فى حاجة
ندا:طبعا يهمنى و لو ما كنش ما كنتش صالحتك
احمد:و ايه الفايدة لما تصالحنى و ترجعى تضايقنى
ندا:انا
احمد:ايوة انتى هو انا مش جوزك
ندا:اه
احمد:و الاسلام قالك انك ما تخرجيش غير باذن جوزك و انتى ما قولتليش انك خارجة مع سها لما تبقى تحترمى جوزك يا ندا ابقى اكلمك سلام
و قفل السكة
و نهى الموضوع بردوه من غير ما يسمع رأيها ندا كانت حاسة بالغلط و فى نفس الوقت متنرفزة
يلا سلام بقى اشوفكم فى حلقة جديدة;)
!!!دمعة حزن!!! 28-09-2008, 05:11 AM انتى عاوزه تموتينى
يابنى خلصيها بقى
انا قربت اموت منك
hema_maf 28-09-2008, 05:20 AM هو المسلسل ده بيتذاع على قنوات تانية ولا هنا حصريا
قصدى بينزل فى أقسام تانيه ولا هنا بس
..
.
هو بينزل فى منتدى عمرو خالد , بس بجد مسلسل جمييييييييييييل شكرا شكرا شكرا مش عارف اقول ايه.. :d
hema_maf 28-09-2008, 05:54 AM مستنيين الحلقة الجدية , على فكرة أنا أول مرة أقعد أقرأ الكمية دى على النت , أنا آخرى سطرين من كل موضوع و أعرف المضمون , بس بجد فناااااااااااااان اللى بيألفها , بس ندا و أحمد ليهم مواقف ساعات مش عادية.
بجد بجد سملت يداكي
قصة تحفة كملي يا بنتي
و احنا معاكي
مستنين الفصل الجاي يا قمر
msamido 28-09-2008, 03:20 PM فين الفصل الجاى ؟؟
beautiful pearl 28-09-2008, 03:23 PM الفصل العاشر
بعد ما استاذ احمد قفل السكة فى وش ندا كانت هتفرقع و اتنرفزت جدا و قالت لسها و هما فى العربية اتكلموا شوية
*معلومة:- سها متجوزة قريب
ندا(بعد ما حكت لسها و بتتكلم و هى بتعيط):شوفتى عمل ايه
سها:انتى غلطانة يا ندا
ندا:انا ليه بقى
سها:فى الاول بتتنرفزى عليه و تقولى ليه انه بيرجع فى كلامه و دى كلمة تنرفز اى رجل لان اهم حاجة عندهم الكلمة و بعدين بعد ما جيتى تصالحيه تخرجى معايا و ما تقوليلوش لو كنتى قولتيلى من الاول ما كنتش هاخدك معايا
ندا:انا عارفة انى غلطانة بس و لو ما يقفلش السكة فى وشى و بعدين تحكمات سى السيد اقول قبل ما اخرج و اعمل و استئذن دى انا ما بحبهاش
سها:وحدى الله يا ندا دى تعاليم الاسلام و دى لصيانتك و الحفاظ عليكى و على زوجك و بيتك
ندا:استغفر الله العظيم مش قصدى بس انا مش متعودة على كده
سها:يا حبيبتى انا عارفة ان فى خطوات كتيرة هتمرى بيها فى التغير عشان تتعودى
ندا:ليه ده كله يعنى
سها:يعنى انتى شايفة احمد يستاهل و لا لا
اه سؤال محرج و جامد قوى من سها
ندا بعد ما سكتت :يستاهل طبعا مش عارفة ايه اللى حصل احنا قعدنا مع بعض و اتكلمنا و ارتحنا لبعض و كلامنا كان جميل قوى و الله و بعد كده ابتدينا خناقات ورا بعض علطول و ما اتكلمناش كلمة واحدة حتى حلوة(مسكينة ما تعرفش الحسد اللى اتحسدوه) مع بعض كان عنده حق لما قالى انى هاحتاج لكلامه
واحشنى قوى (احم احم احنا هنا كفاية العين اللى خدتوها كده هيبقوا اتنين)مش عارفة يا سها حاسة انى مش قادرة افكر
سها:اهو يا ستى وصلنا البيت عيدى حساباتك و هاتصل اطمن عليكى
ندا:ماشى سلام يا سها
سها:سلام
روحت ندا و دخلت البيت و دخلت اوضتها علطول و هى زعلانة صحيح احنا نسينا احمد لما نروح نشوفوه غلبان يا عينى
احمد فى اوضته زعلان
اخس عليكى يا ندا تعملى ده كله بعد ما حبيتك و اتعلقت بيكى اكتشف انى خدت مقلب بقى البنت اللى حبيتها اكتر حب صادق تعمل فيا كده
ايه ده ايه ده احمد بيعيط نزلت دمعة للدرجة دى يا ندا
ايه ده لحقتوا تحسدوا الواد عشان رومانسى اهو مسح دمعته و قال لنفسه
لا لا يا ندا لازم الموضوع ده ينتهى و الاقى حل انا مش هاقعد كده حبة رضا و حبة غضب لا يا ندا
ندا و هى قاعدة ساعة بتفكر وصلت لحل و راحت قالت لمامتها و وافقت
msamido 28-09-2008, 03:34 PM يا ترى ايه الحل ؟؟؟
يا جماعه أنا بطلت أتابع مسلسلات فى التليفزيون بسبب القصة دى مش بحب ألاقى نفسى واقف فى نقطة ومستنى اعرف اللى بعدها ؟؟
ماشى يا ستى شوقينا براحتك
beautiful pearl 28-09-2008, 09:14 PM الفصل الحادي عشر
بعد ما ندا روحت دخلت اوضتها
وما ادراكم ما يحدث بالداخل؟
و قبل ما تفكيركم يروح لبعيد نجاوب
جوه فى دموع و عياط و عيون وارمة و فى الوقت ده راجعت حساباتها و لقت انها غلطانة و قررت تعمل زيارة لوالدة احمد طبعا مش ليه هو
اقنعت مامتها اللى كانت عارفة ان بنتها هتروح لاحمد
و لما اتصلت عشان تقول لوالدة احمد
رد احمد و فى الوقت اللى قال فيه الو جسمها اتجمد و لسانها مقدرش يتكلم و برغم انها حاولت تستجمع قوتها و ترد انها ما عرفتش
قامت قفلت السكة
احمد طبعا شاف النمرة لاقها ندا قام اتصل هو
احمد:السلام عليكم
ندا:و عليكم السلام
كانت الامور و العلاقات متوترة و الكلام ثقيل على اللسان لا يستطيع ان يخرج من ثقله
احمد:عارفة صوتى طبعا و لا نسيته
ندا:لا ازاى ازيك يا احمد
احمد:ماشى الحال يعنى ايه اللى هيحصل لواحد لما اللى بيحبها تزعله و انتى عاملة ايه
ندا:ماشى الحال
كان احمد بيرخم على ندا و هى بتستهبل
طبعا المكالمة كانت رخمة مش عادتهم
كله منكم:d
احمد:اتصلتى و لما سمعتى صوتى ما ردتيش ايه ما كنش عندك اللى تقوليه
ندا:لا انا كنت عايز اكلم طنط ممكن اكلمها
احمد:اه طب ثانية اندههالك
بعد دقيقتن
الوالدة:ازيك يا ندا
ندا:الحمد لله انت اخبارك ايه يا طنط
الوالدة:يعنى صحتى بقت على قدى يا بنتى
ندا:لا الف سلامة فاضية انتى يا طنط دلوقتى
الوالدة:اه يا حبيبتى خير
ندا:خير باذن الله كنت عايزة اجيلك انا و ماما
الوالدة:تأنسى يا حبيبتى
ندا:بس ما تقوليش لاحمد يا طنط ممكن
الوالدة:من عينى يا حبيبتى
انتهت المكالمة و احمد كان قاعد جنب مامته بيسمع و عرف ان ندا هتيجى لما مامته قالت تأنسى بس ما عرفش امتى
لما مامته دخلت تغير هدومها عرف انها جاية دلوقتى
قام لبس و اتشيك و استعد
ندا نزلت هى و مامتها
و راحت و سلمت على عم حسن البواب فاكرينه:p
و طلعت و رن الجرس و فتحت الوالدة
انا اسفة لو كنت بتاخر عليكو بس انا بمر بظروف مش حلوة اليومين دووول
بس ان شاء الله هحاول اخلصها في العيد:)
براءة 28-09-2008, 09:19 PM ربنا يحفظهم :p
COoL HEaRT 28-09-2008, 09:56 PM يارب استر .. بجد انا بحب الاتين دول وع راى مساميدو سبنا التلفزيون وبنتابع هنا
beautiful pearl 28-09-2008, 10:19 PM انا هحط حلقتين كمان تعويضا عن الايام اللي فاتت:)
الفصل الثاني عشر
بعد ما والدة احمد فتحت الباب و دخلت ندا و والدتها و قاعدوا و اتكلموا مع والدة احمد
طبعا ندا فى الوقت ده كانت بتدور بعينيها على احمد و فجأة لقت واحد واقف قدامها و لابس تشيرت احمر على بنطلون جينس بس كان ايه اخر شياكة بصت لقيته احمد
سلم احمد على والدة ندا و على ندا و قعد معاهم طبعا قعدوا 5 دقايق و بعدين احمد و ندا خدوا جنب بيتكلموا
ندا:انا اسفة
احمد:على ايه
ندا:انت عارف على ايه
احمد:يعنى عرفتى غلطك
نداساكتة
احمد:عرفتيه
ندا:انا ما بحبش اعترف بالغلط و بعدين انا قلت اسفة ايه مش قابل الاعتذار
احمد:لا ازاى انا اقدر
ندا:طب الحمد لله
احمد:انتى ما تعرفيش حالتى كانت عاملة ازاى
ندا:و لا انت
احمد:لا يا شيخة كنتى بتعيطى
ندا:ايه مش مصدق
احمد:لا ازاى باين على عينيكى
ندا:بجد باين
احمد:اه و الله و ده اللى خلانى اقبل اعتذارك
ندا:يا سلام
احمد:ده انا قعدت اقول هتسبينى فى اول مشكلة تقابلنا و.........و............
ندا:بجد يا احمد
احمد:اه و الله كل ده عشان بحبك بجد و مش قادر استنى 3 سنين و انتى عملتى اللى عملتيه
ندا:انا اسفة
احمد:و وصلتى لقرار
ندا:يا احمد انا مش هاقدر انا كده هاظلمك
احمد:تظلمينى ليه بقى
ندا:لانى مش هاقدر اوفق بين دراستى و بين احتياجتك
احمد:يا ندا انا بحبك و مش هاقدر صدقينى لازم تاخدى قرار و انا فى انتظاره
ندا:هاحاول يا احمد
احمد:يا حبيبتى انا عيز ابقى معاكى علطول ما نسبيش بعض تقدرى تقوليلى ده هيحصل ازاى لو مش هنتجوز عندك حل
beautiful pearl 28-09-2008, 10:24 PM الفصل الثالث عشر
و ندا و احمد بيتكلموا والدة ندا قالتلهايلا عشان هيمشوا و طبعا عم احمد زعلان
سلم على ندا و مامتها
و بعدها ندا و احمد طلعوا لمنى فاكرينها قعدوا معاهم
و بعدين روحوا
و نام احمد و هو مبسوط على الاخر و كذلك ندا بعد ما اتصل بيها بعد ما وصلت البيت و قالوا
احمد:السلام عليكم
ندا:و عليكم السلام
احمد:وصلتى البيت
ندا:اه
احمد:تصدقينى لو قلتلك انك وحشتينى من ساعة ما سبيتينى
ندا:يعنى امشيها
احمد:طب انا مستنى منك قرار ما تنسيش
ندا:هافكر و ارد عليك
احمد:طب سلام يا حبيبتى عشان الساعة 9 و نص مش هينفع اكلمك دلوقتى اكلمك بعدين
ندا:طيب
تانى يوم و احمد فى الشغل
فى مكتبه الهندسى لقى واحدة وقفت قدامه كانت جاية لانهم كانوا طالبين مهندسة تشتغل فى المكتب
احمد اول ما شافها قام فجأة و وقف
يــــــــــــــــــــــــااااااااااااااااااااه بعد كل السنين دى
كانت مييييييييييييييييييييييين؟؟؟؟
كانت نور البنت اللى كانت بتأخد معاه درس فى ثانوى و اللى كان بيحبها
المرة الجاية بقى تعرفوا ايه اللى حصل!!!
بجد جامدة قوي بليز كمليها وماتتأخريش علينا
!!!دمعة حزن!!! 28-09-2008, 11:54 PM كملى بسرعه
يخرب بيت نور وبيخرب بيت الثانوى
بسرعه كملى هيعمل ايه مع نور
! MedOo 29-09-2008, 12:49 AM كملى بسرعه
يخرب بيت نور وبيخرب بيت الثانوى
بسرعه كملى هيعمل ايه مع نور
هههههههههه
كملى يالا
وربنا يخفف ظروفك وان شاء الله تعدى على خير
براءة 29-09-2008, 03:32 AM ايه نور البايخة دى
مش وقتها خالص :|
hema_maf 29-09-2008, 09:07 AM ايه نور البايخة دى
مش وقتها خالص :|
عندك حق و بالذات ان ندا دى عايز الواحد يعصر على نفسه لمونة قبل ما يكلمها هههههههههه
كملى مستنيينك.
COoL HEaRT 29-09-2008, 10:48 AM عندك حق و بالذات ان ندا دى عايز الواحد يعصر على نفسه لمونة قبل ما يكلمها هههههههههه
كملى مستنيينك.
هههههههههههههههه حلوه حكايه اللمونه دى كملى بجد انا عجبانى حكايه نور اللى طلعت دى
msamido 29-09-2008, 11:44 AM يارب تكون ظروفك خير بإذن الله
ومستنين الجديد إن شاء الله
.
.
hams_m 29-09-2008, 12:19 PM جميل خالص
بليز كملي بسرررررررررررررررررررررررررررررررررررررررعة
مشتاقة اعرف اية اللي حصل
beautiful pearl 29-09-2008, 06:54 PM الفصل الرابع عشر
وقفت المهندسة المتقدمة للوظيفة امام المهندس اللى كان مشغول برسم تخطيطى لعمارة طبعا اول ما دخلت و هو كان مركز فى شغله دار حوار قبل ما يرفع رأسه و يشوفها:d
المهندسة:سلام عليكم
احمد:و عليكم السلام
المهندسة:انا كنت جيت عشان الوظيفة
احمدو هو لسه منهمك فى شغله:انتى اشتغلتى فى مكاتب هندسية قبل كده
المهندسة:اه
ياااااااااه و اخيرا احمد رفع رأسه ليرى المفاجأة التى اعددها له القدر فاذا هو يرى نور المهندسة التى احببها سنتين فى الثانوية العامية
اول ما شافها تذكر اسمها رغم مرور 5 سنين لم يراها بهم
و نطق لسانه باسمها فى دهشة
احمد:نور
المهندسة :مين احمد
دى تبقى مصيبة لو كانت بتحبه هتشتغل ألعايب بنات حواء لاستراجع الحبيب الذى عاد بعد 5 سنين
نكمل الحديث و نرجع تانى
احمد:اهلا اهلا
نور:اهلا بيك انت
احمد:انتى دخلتى هندسة امال انا ما شفتكيش
نور:انا كنت جامعة القاهرة و انت
احمد:لا انا جامعة عين شمس عشان كده
نور:و ايه اخبار مصطفى و محمد
(ما تفتكروش حاجة غلط دول كانوا بياخدوا درس معاهم)
احمد:الحمد لله و انتى ايه اخبارك
نور:الحمد لله كده خلاص ضمنا الوظيفة صح
احمد :اه طبعا
نور و قد رأت الدبلة فتفاجأت و لكن بان من تعبير وجهها انها لم تكن سعيدة لخطوبته لقد ظنت انها خطوبة بامكانها فسخها و لكن تفاجأت اكتر عندما وجدت الجواب بعد سؤالها:انت خاطب
احمد:لا انا كاتب كتابى
نور:بجد (تقولها و هى تنتظر اجابة غير التى سمعتها لكى تتدارك موقفها و تعود لتوازنها التى طالما كانت عليه)
احمدو هو يصدمها باجابته:يعنى الحاجات دى فيها هزار
نور و قد استطاعت تجميع قوتهاو حاولت تخفيف الموقف:و هاحضر الفرح امتى بقى
احمد:مش عارف ندا عايزانى استنى 3 سنين اصلها طب
نور:هى اسمها ندا
احمد:اه
نور و تبدأ بالهجوم لاستعادة الحبيب العائد:بس انت هتستنى 3 سنين كتير ^_^
صحيح ان كيدهن عظيم :d
احمد:ما انا باقول كده عموما هى بتفكر
تدخل من محمد مساعد احمد فى المكتب بيقوله ان فى مقاول بره مستنى.
جه فى الوقت المناسب قبل ما البت تخلى احمد يحكى على كل حاجة:huh:
محمد:الحاج فتاح بره
احمد:طب دخله انا اسف يا نور بس انتى خلاص استلمتى الوظيفة
نور :شكرا
احمد:هاخليهم ينقلولك المكتب من بكره تستلمى الوظيفة و امضى العقد بره مع محمد اتفقنا
نور:اتفقنا
احمد:و مش هنختلف فى المرتب
نور:طبعا عن اذنك
انتهى الحوار و قد خرجت نور محطمة عائدة الى منزلها
و على الجانب التانى احمد بيتكلم مع المقاول
و الجانب التالت طبعا ما هما دلوقتى بقوا 3
ندا فى الكلية ما تعرفش التغيرات و المفاجأت اللى منتظرها
COoL HEaRT 29-09-2008, 07:50 PM لا بس لو سابها عشان الاخت التانيه دى يبقى ندل متتاخروش علينا عشان خاطرى
!!!دمعة حزن!!! 29-09-2008, 10:04 PM بليز
كملى
بسرعه
احمد لو ساب ندا عشان البنت دى
هاجى اموتك واموت احمد ونور كمان
بنت ازهريه 29-09-2008, 10:46 PM مستنيين الباقى ياعسوله
فى رعايه الله
pure_heart 29-09-2008, 10:56 PM السلام عليكم
القصة حلوة
مستنية اللى جاى
فى رعاية الله
moamen811 30-09-2008, 12:17 AM el kessa di me3addya el sara7a...di me3addya el sara7a ana lessa wa5ed bally menha fa 2areet el 14 fasl kollouhoum marra wa7da w mestany el ba2y
moamen811 30-09-2008, 12:19 AM el kessa di me3addya el sara7a...ana lessa wa5ed bally menha fa 2areet el 14 fasl kollouhoum marra wa7da w mestany el ba2y
ahmed2845 30-09-2008, 12:40 AM بجد موضوع جميل والقصة جميلة جدااا
وفى انتظار باقى القصة ان شاء الله
براءة 30-09-2008, 12:56 AM طيب لحد دلوقتى احمد لسه جدع
على الله بس يستمر ع كده
ما انا عارفه الرجالة المصريين دول ........... :d
beautiful pearl 30-09-2008, 01:31 AM لا بس لو سابها عشان الاخت التانيه دى يبقى ندل متتاخروش علينا عشان خاطرى
اكيد طبعا يبقي ندل :d
متخفيش مش هنتاخر ان شاء الله الحلقة الجايه قريب:)
بليز
كملى
بسرعه
احمد لو ساب ندا عشان البنت دى
هاجى اموتك واموت احمد ونور كمان
هتموتيني!!! يعني اهون عليكي :huh:
طب هماماشي لكن انا ليه بقي:d
ميرسي لمتابعتك للحلقات
الموضوع منور بيكي:)
مستنيين الباقى ياعسوله
فى رعايه الله
ميرسي لمرورك يا قمر
وان شاء الله مش هتستني كتيير;)
el kessa di me3addya el sara7a...ana lessa wa5ed bally menha fa 2areet el 14 fasl kollouhoum marra wa7da w mestany el ba2y
thank u 4 ur nice moror wl 7amdullah enaha 3agabetak wel ba2e fel tare2 in sha2 allah
بجد موضوع جميل والقصة جميلة جدااا
وفى انتظار باقى القصة ان شاء الله
الاجمل هو مرور حضرتك
والحلقه الجايه هنزلها حالا ان شاء الله:)
طيب لحد دلوقتى احمد لسه جدع
على الله بس يستمر ع كده
ما انا عارفه الرجالة المصريين دول ........... http://1.1.1.3/bmi/www.thanwya.com/vb/images/smilies/biggrin.gif
طيب كويس انك عارفه:d
ربنا يستر بقي وميستندلش^_^
براءة 30-09-2008, 01:33 AM رد مشجع
يا خوفى
beautiful pearl 30-09-2008, 01:48 AM الفصل الخامس عشر
بعد ما نور خرجت و روحت البيت حكت لمامتها ثرايا اللى كانت ما بتخبيش عنها حاجة و مامتهايا حفيظ ست مادية جشعة لما عرفت قالت لها لو الموضوع اتفشكل خليكى وراه:huh:
فى الناحية التانية بعد ما احمد روح البيت قعد يفكر مع نفسه شوية و يراجع اللى حصل و قعد يتكلم مع نفسه شوية و يقول
ياااااااااااااااه يا نور ايه ده بعد 5 سنين اشوفك و كمان تشتغلى معايا ايه ده بس هو صح يا احمد انها تشتغل معاك دى لو ندا عرفت تبقى مشكلة و ممكن تقولى ارفدها و لو ما عرفتش http://forum.amrkhaled.net/images/smilies/icon_evil.gif
ما عرفتش ازاى لازم اقولها لازم ما ينفعش اخبى عليها حاجة زى دى
بس نور متغيرة حاسس انها مش سعيدة لزواجى تعابير وشها كانت غير ابتسامتها تكونش بتحبك يولا يا احمد يا سلام يا سلام ايه لا ركز و سيبك من ابليس اللى هيودينا فى ستين داهية ده انا دلوقتى مش فاضى انا متجوز و متجوز انسانة رائعة اى نعم ساعات بنتخانق على حاجات عبيطة بس و لو
ركز يا احمد و ابليس اللى خد شقة على ودنك عشان يوسوس براحته ده لازم يطرد انا لازم افاتحها فى الموضوع
يا سلام القصة بقت ايه بدأنا
نور مش هتسيب احمد بناء على طلب طنط ثرايا اللى عايزة القتل
و الشيطان بيوسوس لاحمد و الواد اهو رفع عليه قضية طرد من على ودنه و مستنين معاد الجلسة و المحاكم حبالها طويلة يعنى ابليس هيفضل قاعد الى حين الحكم النهائى و كمان ممكن يروح يوسوس للقاضى يقوم يحكم لصالحه
طب ندا فين بقى تعالوا نشوف
ندا حاليا فى البيت و بتستعد للخروج مع مامتها لزيارة احد الاقارب
و طبعا استأذنت مهى خلاص بتعود نفسها ربنا يثبتها و يهديها لاحسن دلوقتى الخط بينها و بين احمد ما بقاش فاضى و فى واحدةدخلت فى السكة و الخط التانى بتاع احمد بقى ممكن يدى جرس و ما حدش يرد او يدى مشغول
طب تعالوا نشوف بيعملوا ايه دلوقتى الساعة10 طبعا انتهت مكالمة ندا و احمد و انتو هتقولو طب ليه ما جبتيهاش هقولكم عيب لسببين
1 بسبب العين اللى خدوها قبل كده:d
2 عشان ما تتحسروش على نفسكم
المهم بقي اتفقوا على الغدا بكره و احمد قال لندا تعدى عليه على المكتب عشان عايز يوريها حاجة و عشان يعرف القرار
طبعا هيوريها نور و يحكيلها بكره بقى المفاجأة
1 قرار ندا
2 نور و تصرف ندا بعد ما تعرف انها رجعت
وانتظرونا مع المفاجات :p:d
msamido 30-09-2008, 11:09 AM جميل الموضوع بدأ ياخد منحنيات صعبة أهوه
مستنين الجديد إن شاء الله
.
.
COoL HEaRT 30-09-2008, 02:54 PM جميل الموضوع بدأ ياخد منحنيات صعبة أهوه
مستنين الجديد إن شاء الله
.
.
منحنيات :d:d بس هو الموضوع هيعانى من قانون المرور بس بجد جامد جداا عجبانى حكايه القصه الفيلم دى :rolleyes: كملى كملى كنا عاوزينه يخلص مع رمضان بس شكله هيطول ونكمله فى العيد
beautiful pearl 30-09-2008, 03:05 PM الفصل السادس عشر
اتفق احمد مع ندا انهم هيخرجوا و احمد مستنى ندا فى العربية شافها نازلة
ندا كانت لابسة طقم انما ايه يهوس و كذلك احمد كان اخر شياكة اول ما شافها http://1.1.1.2/bmi/forum.amrkhaled.net/images/smilies/marsa138.gifhttp://1.1.1.3/bmi/forum.amrkhaled.net/images/smilies/af7a.gif
احمد:ايه الجمال ده يا بنتى كان فين ده كله
ندا وشها احمر :شكرا
احمد:لابجد انتى النهارده تجننى
ندا:النهارده بس
احمد:لا طبعا كل يوم بس النهارده الوضع مختلف خارجين نتعشى على النيل و الجو شاعرى و كده يعنى الواحد هيعرف يتكلم براحته النهارده
ندا:يعنى قبل كده ما كنتش بتتكلم براحتك
احمد:مش قصدى بس النهارده الجو مساعد رغم ان لما احكيلك اللى حصل ما اتوقعش رد الفعل
ندا:ليه بس كده ايه اللى انت عايز تقوله
و صل احمد و ندا المطعم و ندا اختارت العشا ليها ولاحمد
احمد:وصلتى لقرار
ندا:يا احمد الموضوع مش سهل زى ما انت فاكر انا محتاجة وقت كبير قوى يعنى عقبال ما 3 سنين يخلصوا اكون خدت قرار
احمد:ايه ليه و جاية على نفسك كده انتى عارفة لما اقولك الموضوع انتى اللى هتقوليلى نقدم الفرح
ندا:يا سلام طب قول ممكن فعلا
احمد:طيب قبل ما اقول ممكن تاخدى دى من ايدى (بيأكلها بايديه عينى يا عينى)
ندا:طيب يا سيدى ممكن انت كمان تاخد دى من ايدى
احمد:يا سلام قوى قوى يا ريت تأكلينى كله بأيديك
ندا:طيب بس مش قدام النااس كده الناس بتبص علينا
احمد:يا سلام ما يبصوا احنا بنعمل ايه يعنى واحد و مراته هما مالهم ايه الراخمة دى
ندا:طيب خلاص ها قول بقى
احمد:يا شيخة ارحمى انا جاى النهارده عايزين نقول كلمتين حلويين كده مش قول قول طب اضمن منين انا بقى رد فعلك
ندا:قلقتنى قول بقى
احمد:قلقانة عليا
ندا:طبعا
احمد:بتحبينى ؟
ندا:اه
احمد:يا سلام نفسى اسمعك بتقولى بحبك هحس الدنيا بين ايديا
ندا:بجد
احمد:طبعا انتى ما تعرفيش انا بحبك قد ايه يا شيخة ده انا و نايم بقيت اقول ندا ندا ندا
ندا:خلاص خلاص و بعدين انا عايزة اقولك حاجة
احمد:ايه
ندا جمعت شجاعتها و خدودها احمرت و قالت بصوت خافت:بحبك:wub:
احمد:مش مصدق لا لا لا فوقينى بجد ندا حبيبتى اخيرا رضيت عنى
ندا:يا احمد المشكلة انى ما بعرفش اعبر عن مشاعرى
احمد:احنا بس نتجوز و انا هاعلمكبس بس وافقى ابوس ايديك وافقى
ندا:بافكر
احمد:بس انتى حاسة بايه يعنى قلبك بيقولك ايه
ندا:قلبى بيقول اه لكن عقلى بيقول لا
احمد:طب ابوس ايديك طاوعى قلبك و بعدين انا مش هاتعبك خالص هاعمل كل حاجة و انتى ذاكرى و مش عايز بيبى لحد ما تخلصى ها قولت ايه
ندا:هافكر بجد بس تعال هنا ايه بقى الموضوع اللى عايزانى فيها
احمد:اقولك يا ستى (ايه ده احمد مسك ايديها)
ندا و هى بتخطف ايديها و وشها احمر:ايه ده يا احمد
احمد:فيه ايه يا ندا انا عملت ايه
ندا:و لا حاجة معلش
احمد:عارفة يا ندا شكلك بيبقى حلو اوى انتى و مكسوفة ساعات باعمل كده مخصوص عشان اكسفك و ابصلك
ندا:يا سلام
احمد:طب بصى فاكرة البنت اللى قولتلك عليها اللى كانت بتأخد معايا درس فى 2 و 3 ثانوى
ندا:اللى كنت بتحبها
احمد:ايوة اللى كنت كنت خدى بالك
ندا:و مالها
احمد:اتعينت معايا فى المكتب
ندا:بجد
احمد:اه و الله
ندا:طب و فيها ايه انت مشاعرك بدأت ترجع تانى
احمد:لا والله انتى بس اللى فى قلبى بس هى بقى
ندا:مش مهم اهم حاجة انى واثقة فيك
احمد:انتى عسولة اوى يا ندا
خطوة جامدة من ندا انها تقابل الموضوع كده
استنو الباقي
براءة 30-09-2008, 03:14 PM يا سلام ع بنات مصر :d
اصيلة يا ندا :p
ahmed2845 30-09-2008, 04:18 PM الواد احمد ده واد جامد والله :d
بيفكرنى بايام شبابى :rolleyes:
msamido 30-09-2008, 09:41 PM برافووو والله يا ندا
متوقعتش ده رد فعلها
بس ممكن متخليهاش توافق دلوقتى على الجواز علشان بس فترة الخطوبة بتبقى لذيذة شويتين ؟ lol
فين الحلقة الجديدة..
..
COoL HEaRT 30-09-2008, 09:49 PM دى بت خايبه لو مكنش فى حاجه مكنش زمانه نطق او اهتم يلا ماعلينا اما نشوف نهايتهم ايه مش مطمنه :d
! MedOo 01-10-2008, 12:41 AM دى بت خايبه لو مكنش فى حاجه مكنش زمانه نطق او اهتم يلا ماعلينا اما نشوف نهايتهم ايه مش مطمنه :d
ههههههههههه
خليكي محضر خير
وادينا ميتنين الحلقة الجاية
beautiful pearl 01-10-2008, 12:43 AM يا سلام ع بنات مصر :d
اصيلة يا ندا :p
لازم طبعا تبقي اصيله :d
الواد احمد ده واد جامد والله :d
بيفكرنى بايام شبابى :rolleyes:
طيب كويس اني لقيت للقصه فايده وفكرتك بايام شبابك:d
برافووو والله يا ندا
متوقعتش ده رد فعلها
هو انت لسه شوفت حاجه:d
بس ممكن متخليهاش توافق دلوقتى على الجواز علشان بس فترة الخطوبة بتبقى لذيذة شويتين ؟ lol
ههههههههههه مش بايدي
فين الحلقة الجديدة..
هحطها حالا
..
دى بت خايبه لو مكنش فى حاجه مكنش زمانه نطق او اهتم يلا ماعلينا اما نشوف نهايتهم ايه مش مطمنه :d
صراحه زياده بعيد عنك:d
ربنا يستر بقي ونشوف ايه اللي هيحصل في اللي جاي;)
beautiful pearl 01-10-2008, 12:49 AM الفصل السابع عشر
بعد ما الباش مهندس احمد قال لندا الخبر الوعود و ندا اتقبلته بمنتهى الهدوء بس قدامه بس
كملوا كلامهم عادى
احمد:ندا انتى عسولة اوى
ندا:شكرا
احمد:لا بجد ندا عايزة اسألك سؤال انتى قبل ما تعرفينى كان ايه رأيك فى الحب
ندا:من جهة ايه بالظبط
احمد:يعنى ايه
ندا:اقولك الحب علاقة بين اتنين علاقة مودة و رحمة و خوف و بتختلف حسب الاتنين
يعنى علاقة العبد بربه بتختلف عن علاقة الابن و الام و الابن و الاب و الاخ و الاخت و الولد و البنت و الزوج و الزوجة كده يعنى و بما انى عارفة ان قصدك الحب بين الولد و البنت انا كنت باشوف ان مفيش حب طاهر خالى من الاغراض و المقابلات و المكالمات التليفونية عشان كده كنت عامله لمشاعرى stop مش بشغلها لانى لما كنت افضل انى لما احب احب فى حدود شرعية و ما خبيش عن حد و اقول ان ده حبيبى و كل اللى حوليا يكون عارف مش اخبى و اخاف و اخرج فى السر و كده يعنى
احمد:http://1.1.1.3/bmi/forum.amrkhaled.net/images/smilies/af7a.gif مش مصدق انى هاخد واحدة بالشخصية الجامدة دى كل الناس بتحسدنى عليكى انتى جوهرة يا ندا لازم احافظ عليكى و لازم احميكى و لازم برده اخدك بسرعة فكرى بقى عايزة قرار
ندا:اوعدك بجد انى هافكر و اوصل لقرار فى اقرب فرصة ألا قولى يا احمد انت و فى الكلية مفيش بنت لفت عليك كده يعنى
احمد:http://1.1.1.5/bmi/forum.amrkhaled.net/images/smilies/C_laugh.gif http://1.1.1.5/bmi/forum.amrkhaled.net/images/smilies/C_laugh.gif
ندا:ايه انا قولت حاجة بتضحك
احمد:فكرتنى يا ندا اصلى اول سنة فى الكلية ما كنتش باكلم بنات خالص و لو واحدة جات كلمتينى وشى بيحمر و كانت فى بنات بتتعمد تيجى تكلمنى عشان تشوفنى كده و تقعد تضحك عليا طبعا ده اول سنة بعدين بقيت ايه بقى و كل ما يشوفنى يقلولى الله يرحم
ندا:يا ريتك كنت فضلت كده يا شيخ
احمد:ليه بس ده انا لو كنت كده ما كنتش هاعرف اقول كلمتين على بعض و كنتى انتى اتقرفتى
ندا: لا كده احسن حتى ما تقعدش كل شوية تكسفنى
احمدو هو يضع يديه على المنضدة و يقترب من ندا :بجد طب انا مستعد ارجع لو ده يريحك
ندا و هى ترجعه مكانه بيديه:بعد ايه
احمد و هو يقترب ثانية و لكن هذه المرة يمسك يديها:اوعى تشيلى ايديك
ندا:يا سلام
احمد:انا ما بحبش اللماضة
ندا و هى تشيل يديها من بين يديه التى كانت تحوى يديها بالحنان و الحب:لا انا بحب اللماضة بقى
احمد:انتى عارفة ايه الكلمة اللى نفسى مرة تقوليها لما اطلب منك طلب
ندا:ايه
احمد:كلمة حاضر لها تأثير غريب عليا لو كنت شايل هموم الدنيا و حد قالهالى لما اطلب منه طلب بحس انى ايه
ندا:للدرجة دى
احمد:طب جربى لما نتخانق قوليلهالى و شوفى النتيجة هتلاقينى جيت لحد البيت اصالحك
ندا:يا عم ربنا ما يجيب خناق ما انا ممكن اقولهالك من غير خناق
احمد:رجعنا تانى لععم و ابنى و كده بقى عم ايه انتى بتكلمى بقال
ندا:و لا تزعل يا حبيبى
احمد:ايه الرضا ده مرتين حبيبى و تقولى حاضر و مفيش لاماضة ايه الحكاية ده رضا و لا تأثير ظهور نور قلت اخده بالهداوة بدل ما الواد يطير
ندا:الواد يطير ليه هو انت ناوى ترفرف على عش تانى
احمد:انا لا طبعا
ندا:امال ايه بقى و بعدين انا واثقة فى جوزى
احمد:اه انتى شكلك بتكسفينى و بتأخدنى بالذوق و بعدين انتى قولتى قبل كده انى مش هاعرف اطلعك غلطانة
ندا: لا تكسفينى و لا اكسفك يالا انا عايزة اروح بقى
احمد:ليه بقى ده انا ما صدقت نقعد كده
ندا:الايام جاية يا حبيبى هابقى اعوضهالك
احمد:طب يالا يا حبيبتى بقى عشان الاول هنعدى على ماما
beautiful pearl 01-10-2008, 12:56 AM الفصل الثامن عشر
احمد و ندا وصلوا للبيت و ندا سلمت على والدة احمد و قعدت معها شوية و بعدين مشيت و لما روحت بقى قعدت تفكر
ايه الحكاية يا ندا ايه اللى حصل نور دى رجعت تانى اى نعم انا واثقة فى احمد بس كلام احمد ما يطمنش دى ناوية تعمل حاجات وشكلها مش هتسكت و هى قاعدة بتفكر رن الموبايل و كان احمد
ندا:الو
احمد:وحشتينى من ساعة ما سبتك
ندا:كنت لسه بفكر فيك
احمد:لا بدل ما تفكرى فيا فكرى فى اللى قلتلك عليه
ندا:حاضر
احمد:يااااه قولتى ايه
ندا:قولت حاضر
احمد:مطيعة خالى بالك من نفسى
ندا:نفسك انت و لا انا
احمد:ما نفسى هى نفسك عشان كده لازم تاخدى بالك من نفسك و نفسى
ندا:حاضر يا سيدى
احمد:يلا سلام بقى يا حبيبتى عشان تفكرى تصبحى على احمد
ندا:كلامك النهارده غريب ايه على احمد دى
احمد:ما احمد خير فبدل ما اقولك تصبحى على خير اقولك تصبحى على احمد
ندا:طب تصبح على ندا سلام بقى
احمد:سلام
ترجع لندا لتفكيره و تقرر تعمل بكره كبسة على المكتب ابتدينا
تانى يوم احمد كان فى المكتب و نور دخلت تصبح و بعدين كانت بتكلمه فى تغيير ديكور المكتب
نور:صباح الخير
احمد:صباح ندا
نور:ندا مين
احمد:ندا مراتى ما هى الخير احمد يقول هذه الكلمات ليرى تأثيرها على نور ما هو الكسبان فى القاعدة دى
و نور استطاعت مسك نفسها و لكن غيرة المرأه اكثر من ان تكتم
نور:ربنا يخليكو لبعض صحيح كنت عايزة استشيرك نعمل تغيير ديكور فى المكتب
ندا تدخل مبتسمة و تقول:صباح احمد
احمد:صباح ندا ايه المفاجأة الرائعة دى
ندا:عشان تعرف اسفة يا انسة
احمد:معلش نسيت اعرفكم ندا و نور
ندا:اهلا
نور:اهلا بيكى انتى
ندا:معلش عطلتلكو
نور :لا ابدا ها يا استاذ احمد ايه رأيك
احمد:بس الديكور ده جديد طب ايه رأيك يا ندا نور عايزة تغير ديكور المكتب
ندا:ليه ده حتى جميل قوى
نور:اصل ذوقه يعنى
ندا:لا معنديكش حق ده ذوقه رائع و بعدين لولا تعدد الاذواق لفسدت السلع و لا ايه رأيك
وانتظرونا;)
وكل سنة وانتو طيبين وعيد سعيــــــــــــــــد
msamido 01-10-2008, 12:58 AM يادى نورر اللى هتخنقنا
وعلى فكره أنا قولت كده بردوه
لما متوقعتش رد فعلها ده قولت بس شكلها بترتب لحاجه أو مش مبينه حاجه
هنشوف
ينجدد الشكرا ليكى على الحلقات الجامده
beautiful pearl 01-10-2008, 01:28 AM ههههههههههه
خليكي محضر خير
وادينا ميتنين الحلقة الجاية
مش هتستني كتيير انا نزلت حلقتين خلاص:)
بنوته اهلاوية دايما محضر خير:d
beautiful pearl 01-10-2008, 01:30 AM يادى نورر اللى هتخنقنا
وعلى فكره أنا قولت كده بردوه
لما متوقعتش رد فعلها ده قولت بس شكلها بترتب لحاجه أو مش مبينه حاجه
هنشوف
ينجدد الشكرا ليكى على الحلقات الجامده
ويتجدد الشكر لحضرتك لمتابعتك الحلقات:)
! MedOo 01-10-2008, 01:57 AM حلوييين الحلقتين اللذاذ دول
نزلو بسرعة قبل ما اقووم ..^_^
شكرا وكل سنة وانتى طيبة
hema_maf 01-10-2008, 09:59 AM أحسن قصة قيتها على النت ( لإن هى الأولى أساسا ) :d , بس الحمد لله الأمن مستتب بين ندا و أحمد لحد دلوقتى , و لونهم لما يقعدوا مع بع يتنيهم فى الكلام يقولوا ( مش انتى قولتى / و مش نت قولت ) مقضينها اقتبسات , حاجة توتر :d , بس لو اتجوزوا هيبقوا ناجحين و دا من بعد ما ندا ربنا هداها شوية , بس باين أول اختلاف أهه بين الستات ( الديكور ) يا سلام بقى لو ندا طلعت المطوة و نور جابت الساطور من الشنطة - - هتبقى القصة مشوقة أكتر و فيها إثارة ههههه - - شكرااااا تانى , و مستنى التكملة....
COoL HEaRT 01-10-2008, 03:18 PM حلو اوى كده مفروض مش تامن لحد تى لو احمد .. والبت نور دى رخمه بجد .. خليها تغير الديكور بس تبعد عنهم
Prof.Dr/A.T.M 02-10-2008, 12:07 AM يووووووووووووووووووووووة
بسرعة عاوزين الباقى مش قادرة استنى
hema_maf 02-10-2008, 02:23 AM مستنين شوية اكشن --- متنسيش الماطوة ---
H.H.KH 02-10-2008, 11:11 AM القصة ديه حلوة جــــــــــــــــــــــــــــــــــــــــــــــــد ااااااااااااااااا ........بجد والله حلوة اوى بس ياريت متتأخريش فى تنزيل الحلقات;) يا جميلة;)
beautiful pearl 02-10-2008, 03:29 PM الفصل التاسع عشر
بعد ما ندا ونور كانوا بيتكلمواو ندا قالت
ندا:و لولا تعدد الاذواق لفسدت السلع :stickjo4:
(جملة جامدة قوى من ندا كده الماتش واحد صفر لصالح ندا):022yb4:
نور:مش قصدى انا كان قصدى بس التجديد و التغيير و عموما انا اسفة:040vk0:
احمد:ما حصلش حاجة مفيش داعى للاسف
ندا:عندك حق يا احمد ما حصلش حاجة يا انسة نور و انا اسفة لو كنت ضايقتك بكلامى
نور:لا مفيش مضايقة و لا حاجة و انا اتشرفت فعلا بمقابلتك عن اذنكم
احمد:اتفضلى
خرجت نور من مكتب احمد و هى خاسرة اول جولة
و داخل مكتب احمد كان فى اتنين بيتكلموا:
احمد:ملكيش حق تقوليلها كده
ندا:و انا قولت ايه يعنى
احمد:يعنى كلامك كان جامد شوية
ندا:انا ما قولتلهاش حاجة و بعدين انا شايفة ديكور المكتب حلو قوى مش محتاج للتغيير و بعدين دى اول يوم تشتغل فيه عايزة تغير ديكور المكتب امال تانى يوم هتيجى تعمل ايه:wacko:
احمد:طب سيبك من الموضوعع ده بس ايه المفاجأة الحلوة دى
ندا:ابدا كنت معدية انا و اصحابى على واحدة صحبتى ساكنة هنا فقلت اعدى عليك بالمرة
احمد:و اهى فرصة اشوف نور اللى احمد كان بيحبها صح
ندا:طول عمرك نبيه يا حبيبى^_^ يالا بقى
احمد:يالا فين
ندا:انا عازماك النهارده على الغدا
احمد:يا سلام
ندا:ايه عندك مانع
احمد:عندى مانعين اولا انى ورايا شغل ثانيا ان انا اللى هعزمك
ندا:مش هنختلف مين يعزم مين انا و انت واحد بس ايه مش هتقدر تأجل الشغل لبكره
احمد:يتأجل طبعا يتحرق كمان اهم حاجة حبيبتى يالا يا روح قلبى
ندا:خد بالك انا سايبك تقول براحتك و اقول بت يا ندا بكره يسكت لكن مفيش فايدة
احمد:و لا هيكون فى فايدةB)
ندا:بقى كده
احمد:اه عندك مانع
ندا:امرى لله كله من الكلية ما انت
كنت كويس لازم تتغير يعنى
احمد:لا مش من الكلية منك انتى مش انتى اللى جيتى متأخر ما انا لو كنت شفتك ما كنتش اتغيرت لو كانت عرفت ان ده بيعجبك
ندا:يا سلام طب يالا بقى عشان محدش يجى و تشتغل
احمد:يالا
خرج احمد و ماسك ايد ندا:blush::wub:
و قال لمحمد انه هيمشى و طلب منه يأجل مواعيد النهارده و نور شافتهم و هما خارجين و ماسكين ايد بعض و كانت هتطق :040vk0:
و خرجوا و رحوا يتغدوا
و هما قاعدين بيتكلموا
و لكن فى المكتب
محمد:انسة نور
نور:خير فى حاجة
محمد:لا مفيش
محمد معجب بنور ده اللعب بدأيحلو نور استغربت بس ما خدتش فى بالها
لكن فى المطعم كان ندا و احمد اخر انسجام:friendsxs3:
احمد:فكرتى يا ندا
ندا:اه
احمد:و وصلتى لايه
ندا:بص احنا ممكن نتجوز شهر 7 ها ايه رأيك
احمد:موافق طبعا طبعا يا احلى و اجمل ندا
ندا وافقت لما لقت اللعب بدأ يشتغل خلوا بالكم هما فى شهر 4 و الفترة الجاية امتحانات ندا هتكون مشغولة و نور هتكون بتعمل العايب مامتها:049gc0:
msamido 02-10-2008, 04:25 PM ربنا يستر
3 شهوووووووووور بس ؟؟
! MedOo 02-10-2008, 05:33 PM يانهارى
ده نور هتصيع كده ...^_^
استر يارب
hanoooooooda 02-10-2008, 06:57 PM يلااااااا بسرررررررررررررررررررررعه مستنيه الباقي بفارغ الصبر
القصه جاااااااااااامده مووووووووووووت
ميرسي ليكي
beautiful pearl 02-10-2008, 10:02 PM الفصل العشرين
بعد ما احمد اخد الموافقة من ندا طار هو و هى على البيت و فاتح مامتها و باباها و وافقوا:039uw8:
و فى الناحية التانية
نور مع مامتها:slap1qk6:
الوالدة الشريرة طنط ثرايا:اخبارك ايه مع احمد
نور:و انا كان ليا امتى اخبار مع احمد
ثرايا:يعنى ايه<_<
نور:يا ماما خلاص احمد اتجوز ربنا يهنيه هو و مراته بقى انا مش هاضايقهم انا عايزة اشوف مستقبلى و اركز فى شغلى:frown:
ثرايا:شغل ايه اللى تركزى فيه ركزى فى احمد يا عبيطة و هو كده كده صاحب الشغل:ph34r:
نور:يا ماما ارحمينى بقى خليهم يعيشوا حياتهم
ثرايا:و انتى
نور:انا فعلا بحب احمد و اتمناله الخير و طالما هو شايف سعادته مع ندا خلاص دى حياته و الانسانة اللى هو اختارها
ثرايا:و انتى فين من ده كله:huh:
نور:انتى ليه مصممة تربطنى بيه اول ما عرفتى انه صاحب المكتب خلاص
و لا انتى عايزة تبعينى لاى حد غنى مش كفاية الرجل اللى انتى كنتى عايزنى اتجوزوه ده كان اكبر منى ب 10 سنين سيبنى فى حالى بقى سبينى:(:(
راحت نور على اوضتها غاضبة كارهة ما تفعله فيها والدتها زهقت من الحياة و اللى فيها كل حاجة مامتها كانت بتحددهلها حتى الكلية مش هى اللى اختارتها كانت عايزة تدخل اعلام و تشتغل صحفية مش عارفة تعمل ايه محدش معاها سوى ربها مالهاش غيره اللى تلجأ اليها تعمل ايه و هى فى الدنيا وحيدة فكرت و فكرت و كانت فى فكرة مسيطرة على دماغها من فترة و هى انها تسافر و تقعد هناك بعيد عن تصرفات والدتها لكن تسافر فين و يا ترى هتعرف تشتغل هناك ما فكرتش كانت عايزة تسافر و بس تبعد و خلاص:frown:
كانت بداخلها ثورة لا تستطيع ان تطفيها و لا تقدر ان تهرب منها نار بداخلها و هى معاملة والدتها التى لا تستطيع ان تطفئها الا بخراب بيت احمد و ندا و كيف تفعل ذلك فى الذى تحبه و هى تبعده عن التى يحبها انها تعرف ان الذى يحب يجب ان يضحى و لكن ماذا تفعل انها محطمة مشوشة التفكير لا تستطيع ان تفكر فى حل و لا تستطيع ان تنفذ كلام والدتها الذى اتعودت ان تنفذه دائما و تكتم ثورتها عليه بداخلها فما الحل سؤال يبقى راسخ فى ذهنها بدون اجابة ؟:confused::confused:
فى المكتب فى الصباح يدخل محمد على احمد ليكلمه
على فكرة محمد و احمد اصحاب من زمان:lol:
محمد:احمد عايزاك فى موضوع
احمد:فى ايه يا بنى طب قول صباح الخير يا اخى الاول
محمد:صباح الخير عايزاك فى موضوع مهم
احمد:شكله موضوع مهم قوى فى ايه يا بنى
احمد ساب اللى فى ايديه و قعدوا هما الاتنين
محمد:انا بحب يا احمد و عايز اتجوز:wub:
احمد:ايه ده يا سلام ده يوم الهنا
محمد:بس انا معرفش هى بتحبنى و لا لا
احمد:طب ما تقولها
محمد:مش قادر كل ما اتشجع و اروح ما اعرفش اتكلم كأن لسانى اتشل:wacko:
احمد:يا اخى بعد الشر عليك من الشلل اتشجع انت بس
محمد:مش قادر ما اقدرش
احمد:طب انا اعملك ايه دلوقتى يا بنى و انت مش قادر تروح
محمد:عايزاك تكلمهالى
احمد:انا؟ هو انا اعرفها^_^
محمد:اه بس انت وافق
احمد:مين دى
محمد:نور
احمدhttp://forum.amrkhaled.net/images/smilies/marsa138.gif:نور مين
محمد:نور اللى بتشتغل هنا
احمد:و عايزانى انا اللى اكلمهالك:blink:
محمد:اه
احمد:و انت تعرف عنها ايه
محمد:يعنى هى بنت مؤدبة و هادية و اخلاق و جميلة
احمد:و تفتكر ان ده يكفى مش المفروض تعرفها اكتر و بعدين افرض انا رحت كلمتها و هى مرتبطة منظرى يبقى ايه
محمد:مش هتخسر حاجة و بعدين انا صاحبك كلمهالى موافق صح
سلام:078111rg3:
محمد ما استناش رد احمد و دبسه و خرج و احمد لسه مش متصور حاجة ازاى هيقدر يكلمها و هى بتحبه ازاى يقدر يقولها اتجوزى
امر محير احمد قاعد يفكر فيه طول الليل ازاى يقولها و هى بتحبه انها تتجوز واحد تانى و ازاى يكسف محمد صاحب عمره و لما يسأله عن السبب يقوله ايه
ترتيب مدبر من القدر ان يضع احمد فى هذا الموقف
beautiful pearl 03-10-2008, 12:27 AM الفصل الحادى و العشرون
بعد ما محمد طلب الطلب اللى كان صعب تنفيذه من احمد و احمد كان قاعد محتار مش عارف يعمل ايه فكر يسأل ندا اللى كانت مشغولة بالمذاكرة استعدادا للامتحانات و كانت عامله تذاكر و تلخص و الحاجات مرمية و السرير مليان بورق التلخيص و الكتب بتجمع المعلومات فاتصل بيها و اتكلموا و قالوا:
احمد:سلام عليكم
ندا:و عليكم السلام
احمد:ازيك يا ندا و ايه اخبارك فى المذاكرة عايزك تعدى بقى عشان نتجوز مش تنامى و فى الاخر تقوليلى خليهم 4 سنين
ندا:لا اطمن و بعدين احنا قلنا الاجازة دى مش تحمد ربنا و لا ارجع فى رأيى
احمد:لا ابوس ايديك ده انا ما صدقت
ندا:مالك يا احمد صوتك متغير
احمد:طول عمرك عارفنى كنت عايزة اسألك و اخد رأيك فى حاجة
ندا:خير
احمد:خير ان شاء الله اصل محمد طلب منى طلب كده و مش عارف اعمل ايه
ندا:طلب ايه
احمد:اصله كان عايزانى اكلمله نور و اشوف لو توافق انه يتقدملها
ندا و الفرحة تطير من عينيها:بجد:av4056bb7jp3:
احمد:يعنى ههزر
ندا بفرح:طب مبروك
احمد:مبروك على ايه ازاى انا اكلمها هى بتحبنى و انا اروح اقولها اتجوزى حد تانى:eek:
ندا:اه نسيت بس ما تقولش بتحبك بس
احمد:انا فى ايه و لا ايه
ندا:طب انا ممكن اقولها على اساس انى طبعا معرفش حاجة
احمد:ممكن بس ممكن تتضايق
ندا:ما افتكرش اصلى هاتصاحب عليها الاول
احمد:طب و المذاكرة و الامتحانات
ندا:قول لمحمد يصبر بقى و انا هابقى اجى على فترات المكتب كده و اتصاحب عليها
احمد:بس لو هيأثر على المذاكرة مش مهم
ندا:قلبك على الامتحانات و لا عشان نتجوز
احمد:على الاتنين
ندا و هى بتضحك :اه قول كده:d
احمد:اه اقول كده و نص كمان مش كفاية خدت الموافقة بالعافية
ندا:مش تحمد ربنا انى اديتك الموافقة و لا اسحب الموافقة بقى
احمد:ما قلنا خلاص انتى هتذلينى
ندا:و انا اقدر بردوه
احمد:ايوة كده قولى كلمتين حلويين مش من اول المكالمة ما قولتيش حاجة غير عماله تذلينى
ندا:انا باذلك
احمد:اه
ندا:اخس عليك شوفت بقى مين اللى مش بيقول كلام حلو
احمد:انا اسف حقك عليا و بعدين مش تقوليلى كلمة حلوة كده ده انتى هتذاكرى مش المفروض نستغل الوقت ده
ندا:طب نقول ايه يا حبيبى و بعدين انا قلتلك قبل كده ما باعرفش اتكلم كده و انت قولت هتعلمنى بعد ما نتجوز استنى بقى لحد ما نتجوزB)
احمد:هى ايه انتى فاكرة هاعلمك ايه يعنى:confused:
انتى بس قوليى اللى بتحسى بيه معايا عبرى عن مشاعرك هو ده الدرس شفت سهل ازاى هاديك امتحان تنفيذه عملى بقى
ندا:مش لما اخلص اللى عندى الاول
احمد:لا ده مش زى اللى عندك اللى عندك تزهقى منه لكن ده لا صحيح انتى هتيجى امتى المكتب
ندا:خليها مفاجأة مش محددة يوم و بعدين ما اضمنش المذاكرة بس قول لمحمد يستنى
احمد:بس انتى متتأخريش قوى عشان هو مستعجل و قاعد على اعصابه عشان ممكن ما توافقش و الواد يتصدم بقى و يدخل فى حالة نفسية و بعدين يهرب من المستشفى و فى الاخر ينتحر
ندا:ايه ده كله هو انت اتفرجت على فيلم نور الشريف من شوية و لا ايه و بعدين هو اتكلم معاها
احمد:لا اتكلم معاها و لاحاجة بقولك ايه انا طولت عليكى اسيبك تزاكرى بقى عايزة حاجة
ندا:عايزة سلامتك
احمد:الله يسلمك يا حبيبتى يلا سلام عليكم
ندا:و عليكم السلام
قفلت ندا و انتهت المكالمة و رجعت ندا لمذاكرتها و احمد دخل ينام وراه بكره شغل كتير و هيروح مواقع البنا يطمن الشغل ماشى ازاى
فى اليوم التانى الساعة 7 صباحا
ندا لسه نايمة كانت سهرانة بتذاكر امبارح و نامت الساعة 6 و احمد صحى و لبس و بيفطر و محمد كان فى سكته للمكتب و نور كانت بتلبس لسه البنات دول دايمين متأخرين فى الحاجات دى
الساعة 8 والكل فى المكتب و الشغل ماشى
الساعة 9 احمد كان فى مواقع البنا و محمد كان بيتكلم مع نور فى الشغل حجة طبعا كل ده و ندا نايمة:bosyht9:
جات الساعة 2 و احمد رجع المكتب تعبان جدا وراه شغل لازم يشوفه و هيقابل ناس مهمة
ندا صحيت من النوم اخيرا و نور روحت البيت
ما بتكلمش مامتها اليومين دول بينهم خلافات لكن طبعا مامتها راحت تكلمها و تغلس عليها و اسفة فى كلمة تغلس :(بس ده شعور نور لكن لم تنجح محاولتها فلقد كان قلب نور من ناحيتها يحمل الكثير منما تفعله تجاهها و لا يستطيع النسيان عند محاولة للصلح:028ja7:
اما ندا استطاعت ان تأخد رقم تليفون نور وقررت التكلم معاها فى التليفون و لكن مش عارفة تتحجج بايه ندا اتصلت بنور و فى ذلك الوقت كانت نور شاردة بفكرها تفكر فى حياتها التى لا تعرف كيف ترسمها و تعيشها انها تحس انها ضائعة بلا ونيس و اصدقاء لم تعد مثل الاول نور الروشة العسولة المجتهدة اصبحت حزينة دائما شاردة بفكرها الى حيث لا تدرى انها حتى لا تدرى فيما تفكر و لا حتى تفكر فى شغلها كالاول انها حتى لا تحب الهندسة انها تحب الصحافة و تحس انها لا تعمل بهمة انها تحتاج وقفة مع نفسها تحتاج ترتيب حياتها و دار بينهم حوار
ندا:السلام عليكم
نور:و عليكم السلام مين معايا:huh:
ندا:انا ندا مرات احمد-_- (تقولها و هى تحس انها ثقيلة على لسانها كلمة جديدة عليها مش متعودة)
نور:اه ازيك
ندا :الحمد لله انتى ايه اخبارك
نور:بخير الحمد لله خير فى حاجة
ندا:لا ابدا بس كنت عايزة يعنى نبقى اصحاب
نور:اه قوى قوى
ندا:شكرا كنت عايزة نتكلم شوية فاضية
نور:اه فاضية معنديش حاجة
ندا:طب هابقى اكلمك اقولك على معاد نتقابل فيه بس يا رب تكونى فاضية يلا عايزة حاجة
نور:لا شكرا سلام عليكم
ندا:و عليكم السلام
انتهت المكالمة و تركت انطباعا عند ندا و نور
فانبسطت ندا من مرور المكالمة بسلام و حست ان نور انسانة طيبة فعلا و ده اللى شجعها تتصاحب عليها اما نور فكانت مبسوطة و قلقانة فى نفس الوقت فماذا تريد ندا من نور اتريد صحبتها ام ماذا
و كانت مبسوطة لانها مرتاحة لها تحس انها ستكون صديقة مخلصة
و لكن يأتى سؤال يطرح نفسه
هل من الممكن ان اتنين يحبوا واحد يكونوا اصحاب يعنى مش هيبقى بينهم كلام عليه مثلا او هيرتحوا لبعض قوى و هما الاتنين بيحبوه مع العلم ان واحدة منهم هتتجوزه؟؟
يلا هنيئا لك يا احمد انت خسران حاجة
msamido 03-10-2008, 01:12 AM والله كويس كل شوية ألاقى مفاجآت مكنتش متوقعها فى القصة دى
شكرا لمجهودك يا beautiful perl حقيقى القصة جميلة جدااا
.
.
H.H.KH 03-10-2008, 03:47 AM القصة بدأت تحلو اوى اوى :022yb4:.......بس متتأخريش علينا بقى فى تنزيل الحلقات يا قمرى;)
! MedOo 03-10-2008, 05:04 AM يا صبااااااح الدماغ
انا مستى على نااااااااار
beautiful pearl 03-10-2008, 04:53 PM والله كويس كل شوية ألاقى مفاجآت مكنتش متوقعها فى القصة دى
شكرا لمجهودك يا beautiful perl حقيقى القصة جميلة جدااا
.
.
العفو يا مساميدو
الاجمل هو متابعتك الحلقات
القصة بدأت تحلو اوى اوى :022yb4:.......بس متتأخريش علينا بقى فى تنزيل الحلقات يا قمرى;)
لا ان شاء الله مش هتاخر
انا هحاول اخلصها بسرعة
والحمد لله انها عجبت حضرتك:)
يا صبااااااح الدماغ
انا مستى على نااااااااار
انا مش فاهمة ليه صورة عفركوش اللي انت حاططها دي:huh:
سوري علي تدخلي بس هي خوفتني شويتين:unsure:
شكرا لمتابعتك الحلقات
هما فين باقي الناس اللي كانو متابعين:unsure:
هي القصه معدتش عاجباكم ولا كحك العيد عامل عمايلو :d
beautiful pearl 03-10-2008, 04:54 PM الفصل الثانى و العشرون
اليوم التانى فى المكتب
احمد بيشتغل و المكتب كله حركةو شغل و فى مكتب احمد اللى كان بيرسم تخطيط هندسى دخل محمد و قعد يتكلم معاه :039uw8:
محمد:السلام عليكم
احمد:و عليكم السلام اهلا يا باشا ازيك
محمد:انا الحمد لله انا كنت جى اسألك عملت ايه مع نور
احمد:اهدأ يا بنى مش تسألنى على اخبارى الاول تقولى عامل ايه يا احمد و اخبار ندا ايه و انتو الاتنين عاملين ايه مع بعض و هتتجوزا امتى
محمد:يا سيدى هاقولك كل ده بس قولى انت الاول
احمد:ماشى هاقولك عشان انا مجرب الحركة دى هى مش بالظبط يعنى لك
محمد :انت هتحكيلى قصة حياتك اللى انا عارفها قولى بقى ايه اللى حصل
احمد:طب براحة يا عم انا مش قدك بس ايدك الاول على الحلاوة
محمد:حلاوة ايه
احمد:حلاوة الخطوبة
محمد:بجد مش مصدق هى وافقت
احمد:لا لسه
محمد:امال حلاوة ايه يا فالح دى اللى انت عايزها
احمد:انت هتدفع نص الاتعاب مقدم و نص الاتعاب مؤخر و بعدين ما اضمنكش لو حصل لا قدر الله حاجة مش هتدينى الباقى فاكون ضامن بقى
محمد:اسكت اسكت يا فقرى ان شاء الله هتوافق بس ما تدخلش انت فى الموضوع
احمد:ما انا لو ما دخلتش فى الموضوع انت مش هتدخل دنيا خالص يا حلو انتناسى ان انا اللى هاكلمها
محمد:اه صحيح تصدق نسيت
احمد:نسيت امال انت كنت جى ليه لا حول الله يا رب دى نوركلت عقلك يا بنى و نظرا للغلط اللى انت غلطته فيا الاتعاب هتترفع
محمد:هو انا جاى لمحامى
احمد:لا جاى لخاطبة
محمد و هو يضحك:لا بجد عملت ايه
احمدبعد ان توقف عن الضحك:لا ابدا كلمتلك ندا تقولها
محمد:كده احسن بردوه
احمد:اه يا ندل بقى كده احسن طب ايدك على المقدم بقى
محمد:لا يا حبيبى المقدم ده لندا مش ليك انت
احمد:ايوة بس انا ليا نسبة انت ناسى ان انا اللى كلمتها
محمد:سمسار يعنى كده مفيش مانع
احمد:سمسار قاهوجى ايدك انت بس
محمد:ايه يا بنى امور الشحاته دى ما تقرفنيش بقى ده انا باخد المرتب منك انا اللى هاديك دلوقتى
فى بيت ندا
ندا لسه صاحية دخلت خدت دش و راحت شافت الموبايل لقت احمد كان عايز يكلمها تقريبا و بعتلها رسالة(اصحى يا نايمة انتي هتذاكرى امتى بقى ده انا كده ضمنت انى مش هاتجوز غير السنة اللى بعد الجاية عموما مستنيكي تصحى و تكلمينى
سلام
لا اله الا الله
بحبك يا ندا:wub:)
ندا قرات الرسالة و فى الاول قعدت تضحك و بعدين دخلت فى حالة رومانسية صعبة من كلمة قالهلها يا سلام عقبالكم يا بنات نرجع لموضوعنا ندا اتصلت باحمد اللى كان لسه قاعد مع محمد بيتكلموا و يضحكوا
فى المكتب
محمد:ده انت مصيبة بكره اللى بتعمله فيا يطلع عليك
احمد:طب ما الحال من بعضه
محمد:ايوة بس انت فى فترة الاستعداد للتعرض للمرض
احمد:بس ده مرض حلو قوى قوى قوى يا محمد
الاتنين بيتكلموا و تليفون احمد رن
احمد:ايه ده دى رنة ندا يالا يا محمد على مكتبك يالا يا حبيبى
محمد:ايه النداله دى
احمد:يالا عايز اخد راحتى فى الكلام
محمد:ماشى اللى اداك يدينى يا سيدى
احمد:بره بره
محمد :انت بتطردنى
محمد بيرخم على احمد لحد ما ندا قفلت:022yb4:
طبعا ساعتها احمد كان هيولع و قال لاحمد:شفت يا فالح اهى قفلت دد
محمد:خلاص اتصل بيها انت و لا يهمك
احمد:طب يالا يا بارد ليك يوم
محمد:يسمع منك ربنا امتى اليوم ده بس يجى و ابقى زيك
احمد:لا ده حسد بقى و تفرقة غرامية ده انت عندك عقدة بقولك ايه انت تطلع بره و تعالج العقدة دى ماشى:p
محمد:ماشى ده كرم منى على فكرة انى اخرج و اسيبك:d
احمد:ده انت بخيل قوى يالا بره يالا بقى:078111rg3:
خرج محمد و ساب احمد و اتصل بندا
و فى التليفون
احمد:معلش يا حبيبتى بس اصل محمد كان بيرخم عليا
ندا:و لا يهمك يا حبيبى بس ايه الرسالة دى
احمد:قولتى ايه حبيبك ماشى طب متأسف مرة كمان
ندا:لا ما تتعودش على الموضوع ده
احمد:يا سلام عليكى يا ندا كل لحظة رومانسية تقلبهالى كده :stickjo4:عايزة اقول كلمتين حلويين بقى اقولك بحبك تقوليلى بحبك يا روح قلبى واحشنى كده يعنى طب بالذمة مش انا واحشك
ندا:لا بجد كلامك صح انت فعلا واحشنى جدا
احمد:اهو كده بقولك ايه ما تسيبك من جو الكتب و التشريح و الحاجات دى بقى و اخرجى مع حبيبك شوية ترفيه عن النفس
ندا:فكرة حلوة انا عن نفسى مستعدة بس امتى
احمد:انتى وراكى حاجة دلوقتى
ندا:لا بس انت عندك شغل
احمد:بلا شغل بلا نيلة و انا عندى كم ندا حبيبتى عشان اشتغل و اسيبها
ندا:على رأيك و انت عندك كام ندا بس انا خايفة
احمد:خايفة .خايفة منى
ندا:لا طبعا و هاخاف منك ليه يعنى ده انت حبيبى هاخاف منك
احمد:ما انا بقول كده بردوه امال خايفة من ايه يا روح احمد
ندا:خايفة لاحسن بعد ما نتجوز تقولى تعالى ننزل و اسيب المذاكرة بقى ما انا عارفة الحركات دى كل اصحابى المتجوزين و معايا فى الكلية كده
احمد:حركات ايه و بعدين انتى مش قولتى خلاص و وافقتى جاية ترجعى فى كلامك و لا ايه لا لو فاكرة نفسك هتقدرى تتراجعى انسى و بعدين سيبك من اللى معاكى فى الكلية بقى تاخدى بكلام اصحابك و تسيبى كلام حبيبك
ندا:مش كده بس هى تجربة مش عارفة نتيجتها
احمد:تجربة ايه هو التشريح و الحاجات دى اشتغلتو لا ايه
ندا:اضحك انت و اقعد هزر و انا كمان و ما نفكرش بقى فى اللى جاى
احمد:يا حبيبتى اللى جاى كله سعادة طول ما انتى معايا و انا معاكى و بعدين انا ما اقدرش اعطل حبيبتى عن المذاكرة عشان راحتى طب جربى انتى بس و شوفى ده انا مش هخليك عايزه حاجة و هاجى اقعد و اذاكر معاكى و اساعدك و اجبيلك شاى و قهوة و اشتغل قاهوجى
ندا:لا يا حبيبى انت عمرك ما تكون قاهوجى انت حبيبى و بس
احمد:طب طالما انا حبيبك و بس ليه الخوف بقى انتى جربى و هتشوفى
ندا:خلاص طالما التجربة دى هيبقى فيها اللى انت قولت عليه يبقى انا مستعدة حالا
احمد:طب ايه رأيك نتجوز و اعملك كل ده في الامتحانات دى
ندا:يا سلام
احمد:و فيها ايه ده حتى يكون حبيبك جنبك و بيعملك اللى انت عايزه
ندا:اينعم انا مجنونة فى حاجات كتير ممكن تطق فى دماغى و اعملها بس مش للدرجة دى:028ja7:
احمد:ليه بس يعنى تعملى كل الحاجات دى و عند دى و تعقلى بقولك ايه انا نفسى اشوفك قدامى دلوقتى حالا لانى وصلت لحالة التهيأت و بعدها هيبقى جنون ير ضيكى حبيبك يتجنن:ph34r:
ندا:لا ما يرضينيش
احمد:خلاص قومى البسى دلوقتى حالا عايزة اقولك كلام كتير فى قلبى محبوس من اسبوعB)
ندا:طب انا هالبس حالا
احمد:خلاص ماشى و انا هابقى عندك حالا هتوحشينى لحد ما اشوفك
ندا:و انت كمان هتوحشنى جدا وحشتنى جدا جدا بجد يا احمد بقولك ايه
احمد:ايه يا روح و قلب و عقل احمد
ندا:عايزة اطلب منك طلب بس رخم شوية
احمد:حبيبتى ندا عمرها ما تطلب طلب رخم
ندا:عايزاك تلبس الطقم اللى انا بحبه^_^
احمد:من عينى يا نور عينى بس انتى كمان البسى الطقم الاحمر
ندا:الاحمر ؟ :blink:
احمد:عشان خاطر حبيبك
ندا:ماشى يا حبيبى سلام بقى عشان البس
احمد:سلام لا اله الا الله
ندا:محمد رسول الله
beautiful pearl 03-10-2008, 05:51 PM الفصل الثالث و العشرون
بعد ما ندا و احمد كلموا بعض فى التليفون ندا لبست و نزلت و الاخ التانى ساب المكتب و هو خارج من المكتب قال لمحمد
احمد:محمد انا ماشى
محمد:على فين يا بنى اقعد اشتغل شوية على بعض بقى
احمد:رايح لندا حبة ترويح عن النفس من الشغل
محمد:يا بنى انت علطول عندك ترويح على النفس يا مقضيها تليفون يا خروج
احمد:ايه يا بنى ده بطل بقى الحسد لاحسن اعمل حادثة فى السكة http://forum.amrkhaled.net/images/smilies/marsa159.gifو بعدين انا مشوفتهاش من اسبوع و وحشتنى جدا و مقضيها تليفونات و بينى و بينك هاموت و اشوفها عقبالك http://forum.amrkhaled.net/images/smilies/co--.gif
محمد:http://forum.amrkhaled.net/images/smilies/cr--.gif تصدق انت من غير ندا بتقعد تشتغل على كده ضمنا بعد جوازك حمل الشغل اكتر
احمد:عقبالك
محمد:يا رب يا اخويا يا رب ابقى اسألى ندا
احمد:بس بشرط
محمد:نعم بشرط مش كفاية مش بتشتغل زى الاول
احمد:تسمع الشرط و لا ما اجبلكيش الاخبارhttp://forum.amrkhaled.net/images/smilies/vb_troll.gif
محمد:امرى لله امتى ربنا يتوب عليا بقى
احمد:هو انا بقولك اشرب مخدرات يا بنى
محمد:ما ده اللى ناقص عايز تخلينى مدمن مدمن
يا احمد مدمن الحقوا يا جماعة احمد عايز يدينى جرعة مخدرات
المكتب يلتفت و يحاول فهم الموقف
احمد لما يلاقى الموضوع دخل فى الجد:يا جماعة ده بيهزر
احمد يمسك محمد من التشيرت
محمد:انت بتهددنى لا احنا ما بنهددش احنا نعجبكو قوى
احمد:ولا يا محمد مش هاجبليك الاخبار
محمد:يا جماعة احنا كنا بنهزر زى ما انتو عارفين
احمد:ناس ما تجيش غير بالعين الحمرا
محمد:حمرا زرقا خضرا ان شاء الله عيون ماما الغولة حتى
احمد:http://forum.amrkhaled.net/images/smilies/C_laugh.gifعلى ايامى كانت امنا الغولة هى اتحولت سلام بقى اتأخرت
محمد:عقبالى اوعدنى يا رب
خرج احمد و ركب العربية و راح البيت غير هدومه و لبس و استنى نداو طبعا الطقم اللى بيحبه كلمتين من نوعية ايه الجمال ده و الحاجات اللى ربنا يوعدكو بيها دى مع الزوج و الزوجة الصالحة
و المهم قعدوا هناك فى المطعم و الكلام بتاعهم اشتغل
احمد:متعرفيش انتى وحشتنى قد ايه
ندا:لا عارفه
احمد:عامله ايه فى المذاكرة
ندا:اهو ماشيين
احمد:لا انا عايز تقدير
ندا:ان شاء الله
احمد:عارفة لو حد قالى مفيش جواز السنة دى هاقتلك
ندا:المفروض تنتحر مش تقتلنى انا مهو كده انت مش هتتجوزخالص
احمد:ما انا هاقتل نفسى وراكى
ندا:ايه يا بنى انت شفت فيلم ايه من شوية
احمد :تانى ابنى ارحمى بقى زهقتى ابنك يا شيخة
ندا:ليه يا كميلة انت
احمد و قد بدا عليه الغضب:جرا ايه يا ندا انتى بتلاعبى مين انا جوزك يا ندا مش ابنك
ندا:خلاص يا حبيبى
احمد:ايوة كده كده جوزك
التليفون بيرن بتاع ندا
احمد:يـــــــــــــــــــــــــــــــووه احنا قلنا هنقعد مع بعض شوية انا قافل كل حاجة عشان ابقى معاكى
ندا:معلش هارد و اقفل بسرعة
ندا ترى النمرة و تشاور لاحمد بالسكوت و توشوش نور
نور:الو
ندا:الو ازيك يا نور عامله ايه
نور:الحمد لله ندا فاضية دلوقتى
ندا:خير ان شاء الله
نور:خير باذن الله كنت عايزة اقابلك و اتكلم معاكى دلوقتى لو فاضية
ندا:اه طبعا هستناكى دلوقتى فى .........
نور:و انا هاجى حالا سلام
ندا:سلام
قفلت السكة و فوجئت بثورة من احمد
احمد:اقدر اعرف ايه اللى هيحصل
ندا:معلش يا حبيبى نور جاية هنا دلوقتى و انت لازم تمشى قبل ما تيجى
احمد:ايه يا ندا يعنى ايه تديها معاد و انا معاكى و لا خلاص مش عايزانى
ندا:اخس عليك يا احمد كل الموضوع ان انا عايزة اخليها هى و محمد يتجوزوا باين عليها طيبة قوى
احمد:و انا؟
ندا:اوعدك بخروجة تانية
احمد:امتى
ندا:بكره
احمد:هنقضى نص اليوم مع بعض
ندا:ماشى
احمد:طب هسستنا معاكى لحد ما تيجى
ندا:لا امشى انت
احمد:طب اوصلك
ندا:ماشى
نزلوا احمد و ندا و هما فى سكتهم للعربية لان ما كانش فى مكان يركن فيه كان فى ولدين ماشيين و طبعا ندا اتعاكست تعالوا نشوف ايه اللى حصل
الولد الاول:ايه الجمال ده يا قمر
الولد التانى:الللى اداك يدينا يا سيدى
احمد و كانت الدماء فارت لديه و لكنه لم يستطيع ان يكتم غضبه و قال باعلى صوت و هو يتجه للولدين http://forum.amrkhaled.net/images/smilies/marsa173.gif:جرا ايه يا حيوان انت و هو
الولدين:ايه يا عم
احمد:كمان بجحين طب
اوووووووووووووووه احمد عصبى ضرب الولد الاولنى و الناس اتلمت و ندا مش قادرة تعمل حاجة غير انها بتحاول تمسك احمد اللى ضرب الولدين و اضرب فى وشه باللكومية يا عينى
و بعد ما الناس حجزت احمد خد ندا و فى العربية
احمد:اه يقولها و ندا تشاهد الجرح
ندا:لزومه ايه الضرب يعنى
احمد:ايه مش شايفهم و هما بيعكسوكى و لا ايه
ندا:طب ما الموضوع ده عادى طنش ما يا اما
بتحصل امشى و سيبهم
احمد:ده لما تكونى لوحدك لكن انا دلوقتى معاكى
وقع تأثير هذه الكلمة على ندا جامد جدا كلمة جامدة احست بيها بكيانها و اهميتها و حب احمد لها اشعرتها هذه الكلمة بانها فوق السحاب و اعلى فلقد اصبح لها كيان و اهمية اصبح لها من يفرح لفرحها و يحزن لحزنها و يضرب لمعاكستها
ندا:ربنا يخليك ليا يا حبيبى بس من غير ضرب اسوق انا و لا انت
احمد:لا انا هاسوق
ندا:طب احود عندنا على البيت اعملك الجرح ده شفتك بتنزل دم
احمد:و معادك مع نور
ندا:حبيبى احمد احسن من اى معاد
ذهبوا على البيت و قامت بالاسعافات المطلوبة التى جعلت احمد اسعد انسان فقد شعر بان هناك من تقف بجانبه و تداوى جرحه احس بانها امرأته فعلا التى ملآت عليه الكون
و بعدها نزلوا و راحت لنور دار حوار بينهم طويل قوى ما نعرفوش بس هتظهر نتايجه فيما بعد
لان نور اصبحت صديقة حميمة جدا لندا لانهم فتحوا قلوبهم نور حكتلها ان اصحابها مش بتحب تتكلم معاهم اوى فى الحاجات دى لكنها ارتاحت لندا حكتلها عن استبداد مامتها و اثر وفاة باباها و ندا ايضا تذكرت وفاة باباها و جلسوا يبكون ثم تماسكوا
لكن فى اخر الحوار حصلت حاجة مهمة قوى
نور:انا عندى استعداد اعمل اى حاجة عشان اسافر و ابعد عنها
ندا:طب ما تتجوزى و لا انتى فى حد فى حياتك
نور:لا مفيش حد فى حياتى بس انا مش لاقيه الانسان اللى يفهمنى و يحبنى
ندا:و اذا قلتلك انه موجود و بيموت فيكى و عايز يتجوزك
نور:ده بجد
ندا:اه و الله
نور:مين
ندا:لا اسمع الرد
نور:مش لما اعرف مين
ندا:محمد الللى معاكوا فى المكتب
COoL HEaRT 03-10-2008, 07:34 PM بجد بجد من اكتر المواضيع اللى هفتقدها ندا واحمد .. ياريت تحطى كام حلقه النهارده بجد اقراهم قبل ممشي ولو مش هيحصل ابقى اجى اشوف الموكوع ده الينه الجايه بئا
hanoooooooda 03-10-2008, 07:58 PM يييييييييييييييي وقفتي عند حته جااااااامده اوووووووووووووووووووووووووي
كملي بسرعه يلاااااااااااااااااااااا بلييييييز
msamido 03-10-2008, 11:21 PM كويس موضوع حلقتين بحلقتين ده
بس لما تلاقى الموضوع شد كده مش توقفى ممكن تجيبى لقطات من الحلقة الجاية ولا أى حاجه يعنى lol
شكراااا ليكى يا beautiful
beautiful pearl 04-10-2008, 01:09 AM بجد بجد من اكتر المواضيع اللى هفتقدها ندا واحمد .. ياريت تحطى كام حلقه النهارده بجد اقراهم قبل ممشي ولو مش هيحصل ابقى اجى اشوف الموكوع ده الينه الجايه بئا
والله يا بنوته انا بحاول احط كتييير مخصوص عشان الناس اللي هتمشي دي:(
وربنا معاكي ياقمر ويوفقك :)
كويس موضوع حلقتين بحلقتين ده
بس لما تلاقى الموضوع شد كده مش توقفى ممكن تجيبى لقطات من الحلقة الجاية ولا أى حاجه يعنى lol
شكراااا ليكى يا beautiful
لا اصل انا بحب التشوييييييييق :d
العفو والحمد لله انها عجبتكو
يييييييييييييييي وقفتي عند حته جااااااامده اوووووووووووووووووووووووووي
كملي بسرعه يلاااااااااااااااااااااا بلييييييز
حاااااااااااااااااضر هكمل يا هنوده :rolleyes:
وانا سعيده بمرورك في موضوعي
! MedOo 04-10-2008, 01:11 AM عايزين بقيت الحلقات بقى انا كل اللى مضايقينى الست ام نور دى شكلها هتبوظ جوازة محمد ونور .. استر يارببسرعة وحياتك لأننا على ناار ييلا احنا مستيينك
لو سامحتى كملى بدل مجيلك :) انتى حره بقى اصلك فيها حاجة منى ندا بس انجزى بليز بليز بليز تسلم ايدك
! MedOo 04-10-2008, 04:51 PM انا مش فاهمة ليه صورة عفركوش اللي انت حاططها دي:huh:
سوري علي تدخلي بس هي خوفتني شويتين:unsure:
هههههههههه
ده مش عفركوش .. ده الجوكر .. بتاع فيلم بات مان الجديد
والجوكر ده حياتى
عالعموم .. اوعى تخافى .. انا اصلا بفكر اغيرها .. يلا
بس نزلى الحلقة بسررررعة
moamen811 04-10-2008, 08:11 PM di begad a7la kessa ana aret-ha 3la el net abl keda.....ana 3omry mkan leya 5ol2 a2ara 7aga bel7gm da 3la el net bs di begad gamda gedaaaaaan
yallaaa mestanny el ba2y
بجد قصه جامدة مووووووووت
بس يا ريت تكملى بقى
عايزين نعرف النهاية قبل ما نتوغل ف الدراسة
beautiful pearl 04-10-2008, 09:40 PM ميرسي ليكو علي المرور والحمد لله انها عجبتكو
وعقبالكو يابنانيت يارب :)
انا هنزل كمان حلقتين دلوقتي ان شاء الله
beautiful pearl 04-10-2008, 10:01 PM الفصل الرابع و العشرون
بعد ما ندا قالت لنور ان محمد عايز يتقدم لها نور اتفاجأت و قعدت تفكر لحظة و بعدين قالت
نور:و انتى عرفتى منين
ندا:ما هو قال لاحمد يقولى اقولك المهم المعلومة توصلك يعنى
نور:قال لاحمد( تقولها طبعا بداخلها و تكتم انفاسها)
ندا:ها ايه رأيك
نور:هافكر و ارد عليكى يلا بقى نمشى عشان انا عطلتك عن مذاكرتك
ندا:و لا يهمك
مشيوا ندا و نور من المطعم و نور محطمة بداخلها مشاعر نعجز عن وصفها نظرا للاخبار محمد يتقدم لها و احمد هو اللى يقول لندا تقولها تاهت مش عارفة تفكر ازاى محتاجو وقفة مع نفسها تعيد حساباتها و تفكر خاصة ان محمد يستحق تفكير طويل منهاhttp://forum.amrkhaled.net/images/smilies/biggrin.gif فهو شاب على خلق و متدين و جاد فى حياته الخ
على الجانب التانى من القصة
احمد رجع المكتب بخيبة الامل خرجته مع ندا ضاعت و ملحقش حتى يشوف الطقم الاحمر
و كمان رجع متعور:040vk0:
دخل المكتب مش عايز محمد يشوفه لاحسن لو شافه هيمسكه تريقة لكن ازاى و مكتبه بيعدى على جنب مكتب محمد بالظبط و كمان محمد مش هيسيب فرصة زى دى:049gc0:
احمد توكل على الله و دخل و كله امل و منى من جواه ان محمد ما يشوفوش
لكن محمد كان بالمرصاد احمد دخل و محمد اترسمت على وشه علامة من التعجب و الخضة http://forum.amrkhaled.net/images/smilies/marsa150.gif
و دار حوار بينهم فى مكتب احمد
محمد:ايه اللى شلفطك كده يا بنى انت كنت فى خناقة و لا ايه؟
احمد:اه
محمد و هو بيضحك:يا سلام
احمد:انت فاكرنى بهزر اه و الله
محمد:طب ليه
احمد:عشان و فجأة سكت انت مالك انت ايه اللى حشرك انت ايه اللى جابك هنا اصلا
محمد:بس بس اهدى اهدى شوية انت هتتخانق معايا انا و لا ايه و لا عشان تعوض اللى فى وشك انا عارف:cool:
احمد:يا ناصح ايه بقى
محمد و هو يقعد فوق المكتب :استنى احللك المسألة على طريقتى
احمد:طب اطلع بره يا حبيبى و عقبال ما تحلل المسألة فى المعمل و تيجى اكون انا خلصت حاجات عايزة اعملها
محمد و هو يميل على احمد اللى واقف جنبه و يضربه فى كتفه قائلا:هتتصل بندا صح
احمد:انت مش ملاحظ انك بقيت تتحشر كتير فى اللى مالكش فيه
محمد و هو يعلى صوته:عقبالى يا رب عشان ابقى زى ناس
احمد:تصدق نقك و كلامك كتير ده هو اللى ودانى فى داهية
محمدو هو يكاد ينفجر من الضحك:http://forum.amrkhaled.net/images/smilies/C_laugh.gifhttp://forum.amrkhaled.net/images/smilies/C_laugh.gif:اياك تكون اتخنقت مع ندا و ضربتك بس انا اعرف انها رقيقة ما تعملش كل ده
احمد:بره يا ولا بره
محمد:خلاص يا عم انا اسف انا كنت عايز اضحكك و اهون عليك الم الضرب اللى انت اضربته
احمد:الم الضرب طب غور من وشى عشان ما تبقاش زي بتعانى من الالم
محمد:طب على الاقل عندك واحدة تقولك معلش انا من يقولى بقى
احمد :الله اكبر الله اكبر انا لازم اطمن على ندا لتكون حصلتلها حاجة من نقك ده
محمد:لا اطمن انا حسدى لا يجدى اى ناتيج وحشة
احمد:يا راجل
محمد:طبعا يا بنى امال فاكرنى زيك
احمد:زي ده اللى هو انا
محمد:مش تبطل نق و حسد على الناس يا احمد كده الناس مش هتتجوز
احمد:يا بنى اقعد ساكت قرفتنى كله منك منك لله ربنا يورينى فيك يوم
محمد:يا رب امين ربنا يوريك يوم فرحى على نور يا احمد
احمد:طول ما انت قارفنى كده مش هاخلى ندا تقولها
محمد:لا خلاص و اهو المثل بيقول لو ليك عند احمد حاجة قوله يا سيدى
احمد:كده
محمد:اعملك ايه ما انت اللى مش راضى تقولى سبب الخناقة
احمد:بس ما تطولش فى الكلام و لا تضحك و لا تتريق و لا تيجى فى يوم تفكرنى و لا
محمد:و لا اسمع صح ايه يا بنى مش هاعمل حاجة هاقعد مؤدب ها ايه اللى حصل
احمد:انا و ندا خرجنا من المطعم و كنا ركنين بعيد و مشينا لحد العربية اتنين عكسوها و افتكرونى ماشى معها كده و قالوا كم كلمة من اللى انت كنت بتقولهم زمان قمت ضربتهم و قامت خناقة
محمد:انا كنت باقولهم يا كداب بطل كدب بقى انا ما كنتش باعاكس بنات اصلا
احمد:طبعا كنت بتعاكسهم لما يمشوا مع الولاد صح
محمد:هى مرة و كنت معايا و بعدها توبنا الى الله
احمد:يا كداب مرة و تقولى توبنا الى الله
محمد:سيبك انت من موضوع المعاكسات ده لاحسن نور تدخل دلوقتى تسمع كلام وحش عنى بس تصدق واضح ان انت اللى ضربتهم اذا كنت انت اللى ضربتهم كده امال هم اللى اضربوا ايه
محمد يضحك و احمد يتريق و يعلق عليه
تليفون يضرب وسط القاعدة نغمة ندا احمد يطير على التليفون و كان هيقع هو و رايح يجيبه و محمد يضحك و يتحسر على نفسه نفسه هو كمان يضرب و يقع حتى بس يبقى فى حد يكلمه فى التليفون
احمد يشاور لمحمد بعلامة الخروج محمد المرة دى يخرج بذوق عشان ليه يوم مش بس كده لكن عشان يشوف نور و احمد فضى للمكالمة طبعا المهم ندا كانت بتتطمن عليه و هو يسأله عملت ايه مع نور قالتله انها قالتلها و هى بتفكر و ينهوا المكالمة عشان احمد يسيبها تذاكر شوية
احمد خرج يبشر محمد لكن طبعا الباشا مش فاضى كان عند نور احمد راح هناك لقاه بيتكلم معاها فى ايه ما اعرفش و لا احمد يعرف حتى المهم قطع عليهم حديثهم و راح ينده محمد اللى كان عايز يولع فيه ساعتها
ودار بينهم حوار
احمد:جيلك بخبر انما ايه
محمد:بلا خبر بلا نبأ انت ليك معايا كلام تانى يا عديم الدم شايفنى قاعد اتكلم معاها خلاص الخبر لو اتأجل هتموت مش قادر تستنى
احمد:شفت عشان تعرف اللى كنت بتعمله فيا لما اكلم ندا
محمد:اه ده تخليص حقوق بقى عموما يا سيدى ربنا يسامحك و انا اسف مكن تسبينى بقى عشان انا اللى مامتش
احمد:انت اصلا لو معرفتوش هتموت
محمد:لا ما تقولش الخبر اللى فى دماغى
احمد:هو
محمد:بجد لا و الله طب تعال نتكلم فى المكتب
احمد:ايه يا راجل مش عايز تكمل كلامك؟:d
beautiful pearl 04-10-2008, 10:18 PM الفصل اللي قبل الاخير
بعد ما احمد قال لمحمد ان ندا قالت لنور دخلوا المكتب و قالوا
محمد:ها احكيلى بقى
احمد:احكيلك ايه كل الموضوع ان انا و باكلم ندا قالتلى انها قالت لنور
محمد:و نور قالت ايه
احمد:لسه هتفكر استنى بقى لحد ما تفكر
محمد:هاستنى تانى ايه ده انا زهقت بقى
احمد:اصبر ان الله مع الصابرين
محمد:ما انا هاصبر لان مش قدامى غيره
احمد:شاطر ايوة كده صحيح انتو كنتو بتقولوا ايه
محمد:و انت مالك
احمد: كده طب الحق عليا انى قلتلك
محمد:احمد ما تتدخلش فى اللى ما لكش فيه دى نصيحة منى انتى مالك و هو انا جيت يوم سألتك ندا قالتلك ايه فى التليفون
احمد:ما هو ده اللى ناقص
محمد:شفت بقى
احمد:خلاص خلاص يا اخويا مش عايز اعرف هو انت هتقول ايه يعنى اهو حجة من حجج الشغل تلاقيك كلمتها فيها
محمد:اهم حاجة انى اكلمها
احمد:طب يالا بقى
محمد:يالا فين معاد الشغل خلص
احمد:ما انا عارف هو انا ما قلتلكش
محمد:لا تقولى ايه
احمد:عبد الله و مصطفى عازمنا النهارده على الغدا
محمد:ياااااااااااااااااه فين ايامك يا شلة الانس و المسخرة
احمد:اهى رجعت يا اخويا
محمد:عاملين ايه هما
احمد:الحمد لله و اديك هتشوفهم النهارده
محمد:و الواد خالد مش هاييجى
احمد:قال حسب ظروفه
محمد:يا رب ييجى يا رب
احمد:طب يالا بينا و ادعى فى السكة
خرج احمد و محمد متوجهين للنادى ايام زمان رجعت شلة الاصحاب تانى تتجمع الشلة اللى ندا و اصحابها كانوا بيقعدوا ساكتين و يسمعوا بيقولوا ايه و يضحكوا عليهم
طبعا الوضع مختلف للشلتين
شلة احمد دلوقتى كلهم بيشتغلوا و هيخرجوا يتكلموا زى زمان
و شلة ندا كلهم معكوكين فى الامتحانات و بيذاكروا
فى الوقت اللى احمد و محمد فيه راحوا للنادى تعالوا نشوف الباقى كان بيعمل ايه
فى اوضة ندا
الكتب مرمية على السرير و الدفاتر مفتوحة و الورق اللى فيه بعض النقط المهمة اهو فى اخر السرير و هى ماسكة قلم و بتكتب فى الدفاتر شوية حاجات احنا ما نفهمهاش طبعا
و مامتها داخلة عليها بكوباية شاى مظبوطة
يدور حوار بينها و بين مامتها على المذاكرة و الامتحانات و احوالها مع احمد و بعدين مامتها تخرج و تسيبها فى القرف اللى هى فيها
اما فى اوضة نور الوضع مختلف كليا
نور جات من الشغل تعبانة جدا راحت على السرير بعد ما غيرت هدومها لكن ما نمتش رغم تعب الجسد قعدت تسترجع يومها الحافل بالمفاجأت كلامها مع ندا ارتاحت جدا لها بتشبها فى حاجات قعدوا يتكلموا فى حاجات كتير قوى و هما الاتنين لاحظوا حاجة متشابهة انهم ما عندهمش ثقة فى اللى حوليهم و تعبهم بيبقى جواهم و شافت فى ندا صديقة المستقبل ارتاحوا فى الكلام خرجوا الاحزان حاكوا عن احوالهم فى البيت
و بعدين افتكرت و هى اصلا ما كنتش ناسية المفاجأة اللى ندا قالتهالها بخصوص محمد اخرجت زفرة حارة من صدرها لم تخفف عن ما بداخله كثير رغم شدة الحرارة التى خرجت بها و كأنها خارجة من نار و كان التشبيه ملائما فقد كان ما بداخلها نار ثورة كبيرة
و لكن نظرت للامور بشكل جادى محمد شاب جيد جدا اخلاق و تدين و بيحبها و لكن قالت و احمد اللى محمد كلمه يقولها
فكرت ازاى تتجوز واحد و هى بتحب غيره كده هتخون محمد اللى ما يستحقش منها خيانة و قبله هتخون نفسها .
فكرت سرحت اتقلبت على الجانبين كأنها قاعدة بين نارين المفروض تفكر بجد
استعادت تاريخ حياتها و مواقفها مع احمد ايام الثانوى ايام الدراسة استراجاع الماضى التنافس على اللى يحل الاول و فكرت فى ندا و حبها ليها من اول مقابلة و فكرت فى محمد اللى بيحاول يقرب منها بأى طريقة عشان يتكلم معاها و فكرت فى حبها لاحمد و قالت انه ما كانش حب 5 سنين ما بيشوفوش بعض و مفيش مرة اشتاقت انها تشوفوه فيها يبقى مش حب ده كان لعب عيال فى نفس الوقت عايزة تدى نفسها وقت تتأكد انه كان طيش و تقرب من محمد و تعرف شخصيته اكتر قبل ما يحصل اى ارتباط و لم تستطيع ان تغمض جفنها الابعد ان توصلت لهذا القرار:av4056bb7jp3:
وانتظرونا مع الحلقه الاخيييييييرة
يعنى مش عارفه تقولى القرار دلوقتى
حرام عليكى
ما علينا
مستنين الحلقه الاخيرة ان شاء الله
!!!دمعة حزن!!! 05-10-2008, 05:08 PM الحلقه الاخيره
الحلقه الاخيره
الحلقه الاخيره
الحلقه الاخيره
الحلقه الاخيره
انا علقت ولا ايه؟؟؟؟؟؟؟؟؟؟؟
beautiful pearl 05-10-2008, 07:28 PM الفصل الاخير
بعد ما نور فكرت و استرجعت اللى فات :bosyht9:وصلت لقرار بعد ما اكتشفت انها ما كنتش بتحب احمد لان طول الخمس سنين ما اشتقتش ليه كان عادى لكن كان بس واحد بتفكر فيه اما تسمع اغنية او لما اصحابها يحكولها عن قصصهم يعنى كانت بتقضى بيه غرض لان الحب مش كده مش ده الحب و قررت انها توافق على محمد و فى فترة الخطوبة لو اتكيفت معاه و لقت نفسها و اتأكدت من حبه هتوافق و تكمل :028ja7:
و قالت لمامتها على الموافقة علطول
و قالت مش هتقول لندا على الموافقة غير لما تشعر ان ده قرار فعلا و بالليل قبل ما تنام صلت صلاة استخارة و نامت
اليوم التانى
ندا عندها امتحان اليوم ده مادة ايه ما اعرفش:huh: المهم تعالوا نستعرض
الساعة 7
نور نايمة
محمد نايم برضه
ندا بتراجع و تدى بصة اخيرة:unsure:
و احمد نايم برضه
بعد مرور 3 ساعات
الساعة 10 صباحا
نور و محمد و احمد فى المكتب
و ندا فى اللجنة ربنا معاها دعواتكم بقى:wacko:
المهم
بعد ما خلص الامتحانات ندا خرجت مطمنة شوية محلتش وحش و لا حلت حلو يعنى اهو حلت و احمد اتصل بيها يطمن عملت ايه فى الامتحان طمنته و قفلت و بعدين نور اتصلت بيها و اطمنت عليها و عرضت عليها تعدى عليها فى الكلية يخرجوا يتكلموا شوية ندا وافقت و اهو تغيير بعد جو الامتحان خرجوا و قعدوا يتكلموا
نور:امتحانك الجاى امتى
ندا:كمان 3 ايام
نور:ربنا معاكى انتى عامله ايه مع احمد
ندا:الحمد لله احمد طيب اه صحيح ما تقوليش انك خرجتى معايا النهارده
نور:ليه؟
ندا:اصله بعد الامتحان اتصل و قلتله هاروح و قفل و بعدين اتصل تانى بعدك قالى نخرج قلتله لا
نور:معلش لو كنت ازعجتك معايا و تعبتك
ندا:لا انا اصلا ما كنتش هاخرج معاه انا خارجة من الامتحان و مش مجاوبة كويس و مش عايزة اعكنن عليه او اقلقه صحيح انتى عملت ايه مع محمد
نور:ما عملتش حاجة
ندا:ازاى
نور:ابدا ادينى بافكر و صليت صلاة استخارة و مستنية حبة كده اشوف لو ارتحت و لا لا
ندا:باذن الله خير
نور:خير ان شاء الله طب تعالى نروح لانك اكيد ميتة نوم
ندا:على رأيك و اهو نكمل كلامنا فى السكة
و صلت ندا البيت ميتة نوم
و نور روحت
و بعد 3 ايام نور وافقت و محمد جه اتقدم و نور كانت مفهمة مامتها انها لو ما اتجوزتوش مش هتتجوز تانى و مامتها رضيت :040vk0:
و جرت مراسم الخطوبة و فى فترة الخطوبة لقت شخصية رائعة هتبقى من نصيبها و كملت و كتبوا الكتاب
و بيجهزوا الشقة
و ندا خلصت امتحانات و مامتها وفقت انها تكمل دراستها هى و متجوزة
و هما كمان بيفرشوا الشقة
و احمد و محمد اتفقوا يعملوا فرحهم فى يوم واحد
و كان فرح خرافى و راحوا يقضوا شهر العسل مع بعض :039uw8:
و هما اصحاب جامدين قوى :cool:
لكن ندا بعد ما اتجوزت مع الدراسة تعبت شوية لكن احمد شايل عنها حاجات كتير:wub: و قاعدين مبسطوين و مية مية
و نور حامل و محمد طاير من الفرحة و منتظرين البيبى:wub:
و احمد كمان نفسه بس على مين :stickjo4:ندا بتدرس و هما اتفقوا انهم يأجلوا الموضوع ده^_^
تمت بحمد الله:078111rg3:
يا جماعة انا بشكركم بجد علي متابعتكو للحلقات
ويارب تكون عجبتكو:)
msamido 05-10-2008, 07:46 PM ايه ده الحلقة الأخيرة جات بسرعه أوى كده ليه ؟؟؟
يلا ما علينا فى انتظار الحلقة الأخيرة
.
..
msamido 05-10-2008, 07:59 PM ردى اللى فات ده كان قبل ما اشوف الحلقة الاخيرة
بجد القصة جميلة جدا جدا
وشكرا ليكى يا beautiful على نقلها لينا
! MedOo 05-10-2008, 10:37 PM يااااااااه
والله الواحد مابين الزعل والفرح
الفرح انها خلصت على خير
والزعل انها خلصت .. بس الحلقة الاخيرة اكروتت بسررعة ... حاسس كده
المهم
تسلم ايدك يا بيوتيفل
تمام
moamen811 06-10-2008, 12:21 AM shoukran gedan 3la el kessa w mestanyeen 7agat gamda zy di tany
جامدة اووووى قصة ديه جاااااامدة
beautiful pearl 07-10-2008, 10:06 PM ردى اللى فات ده كان قبل ما اشوف الحلقة الاخيرة
بجد القصة جميلة جدا جدا
وشكرا ليكى يا beautiful على نقلها لينا
الاجمل هو متابعت حضرتك للحلقات
ميرسي ليك:)
يااااااااه
والله الواحد مابين الزعل والفرح
الفرح انها خلصت على خير
والزعل انها خلصت .. بس الحلقة الاخيرة اكروتت بسررعة ... حاسس كده
لا متكروتتش بسرعة ولا حاجه:d
المهم المضمون^_^
المهم
تسلم ايدك يا بيوتيفل
شكرا لمتابعتك الحلقات والحمد لله انها عجبتك:)
تمام
shoukran gedan 3la el kessa w mestanyeen 7agat gamda zy di tany
العفو و ميرسي لمتابعتك الحلقات:)
جامدة اووووى قصة ديه جاااااامدة
ميرسي لمرورك والحمد لله انها عجبتك:)
hema_maf 07-10-2008, 10:56 PM يااااااااه
والله الواحد مابين الزعل والفرح
الفرح انها خلصت على خير
والزعل انها خلصت .. بس الحلقة الاخيرة اكروتت بسررعة ... حاسس كده
المهم
تسلم ايدك يا بيوتيفل
تمام
أنا رأيي كده بردو
معلش مكنتش بضيف ردود لإنى كنت بخطف الحلقة و امشى على طول .
بس بجد حلقة حلوة أوى و اللى عاملها فناااان ما شاء الله عليه .
نديله جايزة نوبل :av4056bb7jp3: , أول مرة اقرأ كمية زى دى على النت , على فكرة دى معجزة بالنسبة لى .:078111rg3:
مستنييين حاجات زى دى كتير يا بيوتيفل , اسم على مسمى :)
beautiful pearl 09-10-2008, 03:20 PM أنا رأيي كده بردو
معلش مكنتش بضيف ردود لإنى كنت بخطف الحلقة و امشى على طول .
لا عادي ولا يهمك
باتهيالي اغلبيه الاعضاء كانو بيعملو كده:d
بس بجد حلقة حلوة أوى و اللى عاملها فناااان ما شاء الله عليه .
نديله جايزة نوبل :av4056bb7jp3: , أول مرة اقرأ كمية زى دى على النت , على فكرة دى معجزة بالنسبة لى .:078111rg3:
مستنييين حاجات زى دى كتير يا بيوتيفل , اسم على مسمى :)
ماشي ان شاء الله
بس الاجازة الجاية بقي:078111rg3:
ميرسي علي المرور والحمد لله انها نالت اعجابك:)
COoL HEaRT 10-10-2008, 09:00 PM تالت حاجه بصيت عليها بعد الجروب اللى راح وموضوع احمد اللى راح بردو .. والله انا مبتسمه حاليا بعد متنكدت من الحاجتين اللى قبل كده بس يلا بالرفاء والبنين
hadeer20 16-01-2009, 09:44 PM بجد قصة تخفففففففففففففففففة وبتضحك جداا كلامهم مع بعض يموت من الضحك قصة بسيطة زى كلامنا مش بيتكلموا بتكلف بجد جميلة اوووووى تسلم ايديكى انا كان عندى امتحان وكل شوية حد يطفيلى الجهاز بس ارجع وافتحه واكمل القصة لحد مخلصتها دعواتك معايا فى الامتحان ده بقى
hadeer20 16-01-2009, 09:46 PM على فكرة الموضوعين قصة حب غريبة ونفسى اعرف ليييه الاتنين مش عارفة ادخل واقراهم وبتظهر رسالة انى مملكش الصلاحية للدخول للصفحة دى انا عاوزة اعرف بس هو فى ايه
ahmednabeh2008 16-01-2009, 10:25 PM الله ينور عليك
hend ere 21-02-2009, 03:21 PM حلقات خرافه
انا بقالى ساعتين بشوف الحلقات لانى للاسف مش شفتها من الاول
لكن بجد تحفه
مرسى كثير ليك على القصه الجامده دى
وفى انتظار المزيد من مواضيعك المميزه
فى رعاية الله
thechampion 19-03-2011, 06:40 AM انا لسه قارى الموضوع فعلا الموضوع المتميز لا يموت حتى لو اختفى لعامين
|