احسن قسم فى كليات الهندسه [الأرشيف] - بوابة الثانوية العامة المصرية

مشاهدة النسخة كاملة : احسن قسم فى كليات الهندسه

lottery

19-09-2008, 08:47 PM

السلام علكم ورحمه الله وبركاته
انا كتبت الموضوع ده لكل اللى فى كليه هندسه بالاخض اعدادى او اللى لسه ح يتخصصوا ومحتارين زى حالاتى
انا على فكره لسه اعدادىبس الموضوع شاغلنا كلنا اكيد
وياريت كمان اللى دخلو تخصصات يفيدونا ويقولولنا ايه احسن قسم بالنسبه ليهم او بالنسبه لسوق العمل
عايزين الخبرات تبان بقه
وجزاكم الله كل خير.................
وكل عام وانتم بخير

FUNNYBABY

19-09-2008, 09:02 PM

متهيالى انك مش هتلاقى نتيجه من الموضوع ده
لان كل واحد دخل قسم هوه ده بلنسبه له احسن قسم فى هندسه
بس فى موضوع الكنز المفقود موجود لينك لموقع "ساعه هندسه "
فيه كل المعلومات عن كل الاقسام والعمل بعد كده

"ربنا معانا"

Venix

19-09-2008, 11:35 PM

بص يا معلم ، مالآخر كده لو عايز تشتغل في مصر يبقى عندك إتصالات - معماري - ميكانيكا .. لو عايز تشتغل برة مصر إدخل هندسة حاسبات ونظم ، جامدة جداً وبيتخرج منها في السنة مش أكتر من 90 طالب ... ده بالنسبة لهندسة الإسكندرية .

أحمد بلما

20-09-2008, 12:20 AM

وانا برده مع فينيكس ،اتصالات وميكانيكا ومعماري بالإضافة لمدني هية احسن اقسام
خصوصا اتصالات
لأنه قسم بيطور باستمرار ويقدر يشتغل في مجالات كثيرة اولها الالكترونيات او الحاسبات او الكهرباء او حتي الاجهزة الطبية
وعليه اقبال جااامد عندنا في هندسة القاهرة
لكن في اقسام ليها مستقبل ممتاز بس بره مصر زي طبية او نووي او طيران
وفي النهاية
القسم اللي تحبه هو افضل قسم

lottery

20-09-2008, 12:47 AM

شكرا على المرور وعلى اراكم
انا الحقيقه كان نفسى ف معمارى واللى يكتبه ربنا طبعا فوق اللى نفسى فيه
ربنا يوفقنا كلنا

lottery

20-09-2008, 12:49 AM

شكرا على المرور وعلى ارائكم
انا الحقيقه كان نفسى ف معمارى واللى يكتبه ربنا طبعا فوق اللى نفسى فيه
ربنا يوفقنا كلنا

Ahmad™

21-09-2008, 04:33 AM

بص يا معلم عايز تشتغل في اي حته في مصر او بره عندك مدني قسم كويس جدا هوه ومعماري بس مدني احسن من معماري بالنسبه للولاد والبنات معماري احسنلهم
وعندك اتصالات صعب دلوقتي تشتغل إلا بره مصر ممكن وميكانيكا ليها شغلها جوه وبره مصر
الكترونيات شغلها صعب تلاقي

بس هوه اضمن حاجه مدني انا عمتا مدني لو عايز اي سؤال في مدني قولي

lottery

21-09-2008, 08:26 AM

شكرا على مرورك الكريم وعلى المساعده

قاموس الحياة

22-09-2008, 10:06 PM

الكلام اللى بتقولوة صح فعلا بس فى مشكلة بسيطة إن قسم الكهرباء والطيران والميكانيكا وغيرها من الاقسام الجامدة فقيرة جدا جدا فى مصر وموش فى اى سبيل اللى انت مثلا تتوفرك موارد لاختراع شئ او ماشابة وموش فى امكانيات ولما بتقدم شغل فى الخليج مثلا موش بيوافقوا الا بعد انترفيو وامتحانات عشان يستوعبوا مدى قدراتكم لكن الاقسام دى طبعا ممتازة لو كانت فى دول الغرب يعنى احنا القسم الوحيد اللى متوفرة امكانياتة وكل مواردة هوة معمارى ومدنى
دا من رايى

EnG.BeLaL

24-09-2008, 12:48 AM

طب محدش قال ايه رأيه في قسم البترول في القاهرة

lottery

24-09-2008, 01:28 AM

اكيد له مستقبل بس للبنات لا طبعا

**Dina**

17-10-2008, 07:59 AM

عايزة اعرف المعمارى افضل من مدنى للبنات من ناحية ايه عشان انا محتارة اوى مش عارفة اختار ايه

محمدعماد

25-10-2008, 03:40 AM

بالنسة للمدنى شغله اكتريته فى الموقع واقله شغل تصميمى يعنى شقاء فى الشمس والحر والحاجات دى بالنسبة للبناى وطبعا مش هتستحملى الحاجات دى مع ان فيه مهندسات ماشاء الله رجالة بجد فى الموقع والعمال ولا كلمة بس اهو الصفة الغالبة على البنات بقى .

بالنسبة للمعمارى مجرد انك بتشغلى دماغك وانتى قاعدة كده وجنبك كوباية الشاى ودمغك رايقة وقاعدة تصممى وجهات مبانى وفى اشكال معمارية وتزينى فى وجهات وحاجات كده مزاج بعد كده مهندس المدنى ياخدها منك ويبتدى بقى فى شقاء التصميم للكمرة اللى انتى رسمتيها او العمود اوكده ويبتدى بقى فى الطحن سواء فى التسليح وكده او فى الاشراف على الموقع اثناء التنفيذ غير كمان ان مهندس المعمارى ليس له اى مسؤوليه لو حصل لاقدر الله العمارة وقعت او كده اللى هيتسجن هما المدنى والمقاول لكن المعمارى برا المسؤولية خالص وطبعا البنات مش حمل مسؤولية او كده.

وتمنياتى لك بالتوفيق ولو محتاجة اى توضيح اكثر.... ايميلاتى فى الملف الشخصى وانا تحت امرك.

**Dina**

25-10-2008, 01:13 PM