رثاء جنود كنيسة ماريمينا بحلوان

https://scontent-mrs1-1.xx.fbcdn.net/v/t1.0-9/26047237_2054709311414970_3594833589258638537_n.pn g?oh=a60ccfad98b3cab27c13af0f5a49e957&oe=5AFAD165

مايكل أنور

مكنتش أعرف أنكم

قديسين فـ وسطنا

وان بكرا يجى يوم

فوق تصلوا عننا

انتوا اصلاً مننا

ليكوا صوره فـ كل بيت

وذكرى حلوه فـ ذهننا

مين خدمنا كلنا ..

وعمره ما فـ يوم أشتكى

كنتوا مصدر إبتسامة

وبالجميل عنكوا أتحكى

من فلان ..

ومن فلان ..

كل مدى عمال أصغر ..

لما بعرفكم كمان ..

لما بتأمل أيديا ..

انى سلمت فـ حياتكم ..

وانى ياما سمعت صوتكم ..

وانى مره خدمت بنكم ..

وانى و انى حاجات كتير

هو صح إزاى قدرتوا

تملوا كل الدنيا خير

حتى أخر لحظة برضو

اللى ضحت للبنيــة

وصدت الطلقة الخسيسة

واللى فارقت ويا جوزها

فصل خدمه فـ الكنيسة

جدو اللى نال شهدته

رغم انه كان وحيد

بس شوف الحكمة عنده

الزحام اللى فـ جنازتـه

كان شديد ..

صوت "أمين" كان جنب نعشه

شبــه رعد ..

زفوا أخت ويا أخوها

رفضوا يومها يسيبوا بعض

الوسام اللى فـ صدورنا

أن بكرا هنحكى عنكم

من كبيرنا للصغير

وعد منا هنفتكركم

رغم أن الحادثة يمكن

حاصلة قبل فـ كام مديـنة

بس تفرق لما تبقى

الجنود من مارمينا