السلام عليكم

انا اسمي محمود عندي 15 سنة في ثانية ثانوي انا مكنتش عايش في مصر كنت عايش في بلد خليجية و هي قطر كنت في ابتدائي في مدرسة اسمها الفرير قسم انجليزي و بعدين في 5 ابتدائي روحت مدارس لغات و كنت ما بين لغات و نظام امريكي في قطر لحد اولي ثانوي دخلت مدارس قطري المهم يا جماعة ان انا مخدتش سنة 6 النظام الي اطبق جديد لاني سافرت قبل ما يتطبق يعني انا سابق صحابي المهم دلوقتي انا رجعت و حبدا مدرسة بكرة انا روحت سألت علي مدرسة ل2ثانوي قالولي اني مينفعش اخش لغات لاني جاي من مدارس عربي و دي معلومة انا عاوز اتاكد منها و مظطر اني اروح مدرسة عربي اسمها امير الشعراء انا بواجه دلوقتي شوية مشاكل و محتاج مساعدتكم في اي طريقة اني اخد مادة الرياضيات بالانجليزي و انا منتسب لمدرسة عربي لاني فعلا مش بفهمه بالعربي و دي مشكلة كبيرة جدا بالنسبالي ليثما اني مطلوب مني اجيب مجموع و انا محتاج وقت طويل عشان اتعود علي الرياضيات بالعربي و تاني نقطة دلوقتي الفرنساوي انا عمري ما اخدت فرنساوي في تاريخ حياتي و حصيلة كلاماتي في الفرنساوي 0 تفتكروا اني لو ركزت في 2 ثانوي و اخدت دروس مع ناس كويسة دا يبقي كافي اني اقفل الفرنساوي ولا مستحيل بما اني مكنتش موجود في فرنساوي 1 ثانوي طب انا اخد منهج 1 ثانوي و بعدين اخش علي منهج 2 ثانوي بس انا كدة حتأخر جامد في المذاكرة و حكون مضظر اني اضيع نص جهدي علي الفرنساوي و بالتالي مش حركز في المواد التانية فيا ريت نصيحة في الحوار دا و اخر سؤال دلوقتي انتوا عارفين ان السنة دي فاضية لان لما طبقوا سنة 6 طلاب 5 ابتدائي راح 6 و طلاب اولي اعدادي راح ثانية اعدادي فبقت اولي اعدادي فاضية و فضلت السنة دي تكبر تكبر لحد ما بقت 2 ثانوي و حتكون 3 ثانوي السنة الي جاية فدلوقتي هي السنة دي حتكون يعني زي كل سنة بالنسبة للتنسيق مثلا و بالنسبة للنتائج حتطلع علي النت مثلا و بالنسبة للاهتمام الاعلامي و كل الحاجات الي موجودة في السنين التانية يعني ولا دي سنة كدة الناس تعديها و خلاص و هل هي حتأثر عليا في دخول الكلية ؟؟ نظام دخول الجامعات في السنة الفاضية دي حيكون ازاي ؟؟؟ يعني العدد قليل المفروض طب كدة تاخد من 70 و 80 % يعني حنشوف انهيار في المجاميع , انا اسف للاطالة واتمني افادة في موضوع الرياضيات بالانجليزي و موضوع الفرنساوي لاني مرعوب بجد و حاسس اني مش حعرف افهمه لاني معنديش اي خلفية فيه و حوار المجاميع و دخول الجامعات و الاهتمام الاعلامي بالسنة دي , شكرا يا جماعة بجد و اتمني اجابة

معتقدش ان فيه فرق بين الرياضة سواء عربى او انجلش وبالنسبة للتنسيق اتوقع نزوله الى حد كبير جدا اما الفرنساوى فده اسهل مادة عندك ومن السهل جدا انك تجيب 50 فيها انا كنت باخد درس فيها بس مكنتش بذاكر وبدأت اذاكرها اخر اسبوعين وجبت 47 يعنى اطمن وان شاء الله ربنا يوفقك

:dممكن تدخل لغات

أفضل انك تدخل لغات

أفضل انك تدخل لغات
وانا كمان راى كدة اما الفرنساوىسهل جدا انا بنتى جابت فيه 49 وربنا يوفقك وياريت لو مدرس يرد عليك ويرشدك للطريق الصح

يا جماعة مش حينفع اخش لغات لان قالولي في الادارة التعليمية مينفعش لان اخر مدرسة كنت فيها في قطر قطرية و بالتالي مش حينفع اني اخش لغات و هو كدة كدة مستحيل الاقي مدرسة لغات محترمة اخشها حتكون مدارس تعبانة لان السنة دي مش موجودة .

شوف كدا المدارس الخاصه واسال
انما بالنسبة للفرنساوي او الالماني فاانت كدا ولا كدا ليك الاختيار لاما تاخدها لاما تاخد اعفاء منها عشان انت محضرتهاش من اولى ثانوي

للاسف يا جماعة حوار اعفاء دا مش حقدر اعمله لاني لازم اخش كلية حقوق و مشترط عشان اخش كلية حقوق لازم يكون معايا فرنساوي و لو مخدتش فرنساوي دا حيضيع عليا فرص دخول جامعات كتير غير حقوق