صراع الاجيال [الأرشيف] - بوابة الثانوية العامة المصرية

مشاهدة النسخة كاملة : صراع الاجيال

marwa.m

20-09-2008, 12:40 PM

السلام عليكم ورحمة الله وبركاتة

طبعا حال الدنيا معروف وهو ان كل شوية بيظهر جيل
والجيل دة بيختلف مع الجيل الى قبلة والى بعدة فى حاجات كتير زى التفكير والاهداف والطموحات

يعنى مثلا فى البيت اكيد باباك بيجى يقدملك شوية نصايح او بيفهمك حاجة

ممكن فى حاجات هتقول عليها حاضر وفى حاجات هتقول عليها

يابابا حضرتك من جيل وانا من جيل تانى

وهو دة الموضوع الى انا بكلم فية وعايزة اسأل كام سؤال كدة
1- هل تؤمن بمصطلح اسمة اختلاف الاجيال فى الفكر والثقافة؟

2- ياترى الجيل الاحسن جيلنا ولا جيل الى قبلينا * مع التعليل حلوة مع التعليل دى :d ؟

3-اية اكتر حاجة بتختلف فيها مع باباك؟

4- لية الجيل القديم مبيحولش يتواصل مع الجيل الجديد والعكس بردة؟

5- اهم مميزات الجيل الجديد واهم عيوبة؟

6- اهم مميزات الجيل القديم واهم عيوبة؟

7- كان نفسك تبقى من جيل باباك ولية ؟

8- هل والدك قدر يتواصل مع الجيل بتاعك ؟

كفاية كدة ولو الموضوع عجبكوا هكمل اسئلة ان شاء الله :rolleyes:

MohammeD el_SadaT

20-09-2008, 12:54 PM

إحنا دائماً فى صراع مع الأجيال كل جيل بيحاول يثبت إن هو الجيل الأصح فى التفكير وإن بأفكاره دى ممكن يعدل الكون بس مش واخد فرصته زى الجيل اللى قابله

مع العلم إن ده تفكير كل جيل بيجى
يعنى لما بتقول لباباك جيلنا غير جيلك تأكد إن بردو قال لوالد جيلنا غير جيلك وهكذااااا ......... إلى الأبد

لكن
سؤال هل هم صح ولا إحنا اللى صح
زمان بيختلف كلياً وجزئياً عن اليوم واليوم عن الغد اللى إمبارح كان مستحيل فاليوم ممكن
يعنى ال tv الموبيل زمان كان حلم دلوقتى بقو حقيقى

العلوم كل يوم بتطور كل يوم فيه جديد الثقافات إختلفت لذلك لازم التصرفات تختلف من جيل لجيل فى بعض الأمور وده اللى بيحصل جدااااً
وسبب الخلاف بين الأب والإبن إن الأب حياته تختلف عن حياه الإبن فبيخاف من كل ما هو جديد وبيحاول يبعد عن لكن لما بيعرف مميزاته مبيمنعش والأب عمره ما هيكره الخير ليك

لكن عارفين المشكله بتكمن فى إيه مش فى صراع الأجيال ولا فرق الثقافات
إننا
من جيل لجيل ثقافتنا الدينيه بتقل لحد ما هيجى عليها يوم وتختفى
دلوقتى بقينا بنهتم باللغه والموضه والشغل والكليه وحاجات كتير
ونسينا دينا وعدنا عن تعاليمه إنشغلنا بأفكار الغرب وخلعنا توب الإسلام ومشينا فى طريق الضلال
مع العلم
إن رسولنا الكيرم قال
" تركت فيكم ما إن تمسكتم به لن تضلو بعدى أبداً كتاب الله وسنتى "
وللأسف لحفظنا كتاب الله ولا مشينا على سنته

وحظرنا أيضاً من
هذا الزمن
" يأتى زمن على أمتى الماسك فيه على دينه كالقابض على الجمر "

لذلك نسأل الله المغفره والهدايا
" قل ياعبادى الذين أسرفوا على أنفسهم لا تقنطوا من رحمه الله إن الله يغفر الذنوب جميعاً إنه هو غفور رحيم "

آسف جداااً إن كنت خرجت من الهدف الرئيسى للموضوع

marwa.m

20-09-2008, 02:12 PM

احمد رضا

20-09-2008, 02:27 PM

غريبة !!!!!!!!!!!!!
:d
---
السلام عليكم ورحمة الله وبركاته
بصي يامروه
الحكايه مش حكايه صراع أجيال
هو المشكلة هيا مشكلة الحياه بالكامل
ومش مشكلة مثلا الآباء لوحدهم
او الأبناء لوحدهم

يعني مثلا
كنت بتكلم مع اختي الصغيره بتقولي انت ليه كل ما اكلمك ف حاجة تعرف ترد عليها
وانت لما تكلمني ف حاجة معرفش ارد عليها
فجاوبتها قولتلها
انا مريت بكل اللي انتي مريتي بيه
لكن انتي ممرتيش بكل اللي انا مريت بيه
لان لسه مرحلتك متجاوزتش المرحله اللي انا فيها
هي الحكايه كدا بالظبط
--
مش مفروض ان احنا اللي نرجع ونتقلم علي تفكيرهم
لان بالنسبه لينا الحكايه غايه في الصعوبة
لان العقليات كانت بردو مش اوي لسه - بخلاف والدي ووالدتي - الحمدلله :)
اللي مفروض يعرفوه هما
انهم هما اللي لازم يتعلموا لغتنا
لازم يفهمونا عشان يبدؤا يوجهونا
لكن احنا بناخد تفكيرهم وتوجيهاتكم كلغه قديمه اندثرت مرادفاتها وابجديتها
فابالتالي
الكلام بيدخل من هنا ويطلع من هنا
وهما بردو لما نيجي نكلمهم
في اعتقادهم ان لغتنا لغه معدومه الابجديه
بالرغم من ان بحكمتهم
وفطنتهم
يقدروا يوصلونا لنفس النتيجه
بس باللغه اللي نفهمها
--
علي فكرة انا كدا مش بقول العيب علي أولياء الأمور
هو العيب فينا احنا الاتنين بصراحه
ولا احنا عايزين نتنازل ونسمع الكلام
ولا هما عايزين يتنازلوا ويفهمونا
لازم يكون فيه حب
عشان يحصل تفاهم
ومن ثم صداقه
ومن ثم فهم بكل الاشكال
عشان كدا تلاقي معظم اللي مصادقين اولادهم
أولادهم بيبقوا غالبا كويسين جدا ومحترمين
لان اي كلام حكيم بيخرج
بيخرج اه
ولكن بيخرج بحب
بيخرج بفهم
وانا بردو بسمع بحب
وبسمع واناعايز افهم
هيا الحكايه كدا بس
--
خلاصه القول
المشكلة في طبيعه البشر أصلا
وحتي لو احنا في زمن واحد
ونفس الخبرات
هنلاقي اختلاف بردو ده شئ طبيعي
كل إنسان بيشوف الموضوع من وجهه نظره
زي ما انا شايفه كدا من وجهه نظري
شكرا لموضوعك الجميل
واسف علي الإطاله

hiat elrooh

20-09-2008, 02:32 PM

- هل تؤمن بمصطلح اسمة اختلاف الاجيال فى الفكر والثقافة؟
ايوة

2- ياترى الجيل الاحسن جيلنا ولا جيل الى قبلينا * مع التعليل حلوة مع التعليل دى :d ؟
الجيل اللي قبلنا طبعا لانه الزمن الجميل في كل شئ

3-اية اكتر حاجة بتختلف فيها مع باباك؟

الحمدلله ولا حاجه
4- لية الجيل القديم مبيحولش يتواصل مع الجيل الجديد والعكس بردة؟

ده طبيعي بسبب اختلاف الفكر والثقافه والتعليم الحالي البايظ
5- اهم مميزات الجيل الجديد واهم عيوبة؟

مفيش مميزات بس عيوبه كتير منها اللا مسؤوليه والراحه والكسل اعتمادا علي الجيل الفائت
6- اهم مميزات الجيل القديم واهم عيوبة؟
مميزاته انه كان جد وتعب وبيحاولوا يوصلوا للهدف بالعرق

7- كان نفسك تبقى من جيل باباك ولية ؟

لا والله من جيل جدي لان الحيا ه بسيطه ومفيش زحمه

8- هل والدك قدر يتواصل مع الجيل بتاعك ؟

الي حد ما بس اقولك حاجه الاخلاق ملهاش جيل محدد

marwa.m

20-09-2008, 02:37 PM

غريبة !!!!!!!!!!!!!

:d
---
السلام عليكم ورحمة الله وبركاته
بصي يامروه
الحكايه مش حكايه صراع أجيال
هو المشكلة هيا مشكلة الحياه بالكامل
ومش مشكلة مثلا الآباء لوحدهم
او الأبناء لوحدهم

يعني مثلا
كنت بتكلم مع اختي الصغيره بتقولي انت ليه كل ما اكلمك ف حاجة تعرف ترد عليها
وانت لما تكلمني ف حاجة معرفش ارد عليها
فجاوبتها قولتلها
انا مريت بكل اللي انتي مريتي بيه
لكن انتي ممرتيش بكل اللي انا مريت بيه
لان لسه مرحلتك متجاوزتش المرحله اللي انا فيها
هي الحكايه كدا بالظبط
--
مش مفروض ان احنا اللي نرجع ونتقلم علي تفكيرهم
لان بالنسبه لينا الحكايه غايه في الصعوبة
لان العقليات كانت بردو مش اوي لسه - بخلاف والدي ووالدتي - الحمدلله :)
اللي مفروض يعرفوه هما
انهم هما اللي لازم يتعلموا لغتنا
لازم يفهمونا عشان يبدؤا يوجهونا
لكن احنا بناخد تفكيرهم وتوجيهاتكم كلغه قديمه اندثرت مرادفاتها وابجديتها
فابالتالي
الكلام بيدخل من هنا ويطلع من هنا
وهما بردو لما نيجي نكلمهم
في اعتقادهم ان لغتنا لغه معدومه الابجديه
بالرغم من ان بحكمتهم
وفطنتهم
يقدروا يوصلونا لنفس النتيجه
بس باللغه اللي نفهمها
--
علي فكرة انا كدا مش بقول العيب علي أولياء الأمور
هو العيب فينا احنا الاتنين بصراحه
ولا احنا عايزين نتنازل ونسمع الكلام
ولا هما عايزين يتنازلوا ويفهمونا
لازم يكون فيه حب
عشان يحصل تفاهم
ومن ثم صداقه
ومن ثم فهم بكل الاشكال
عشان كدا تلاقي معظم اللي مصادقين اولادهم
أولادهم بيبقوا غالبا كويسين جدا ومحترمين
لان اي كلام حكيم بيخرج
بيخرج اه
ولكن بيخرج بحب
بيخرج بفهم
وانا بردو بسمع بحب
وبسمع واناعايز افهم
هيا الحكايه كدا بس
--
خلاصه القول
المشكلة في طبيعه البشر أصلا
وحتي لو احنا في زمن واحد
ونفس الخبرات
هنلاقي اختلاف بردو ده شئ طبيعي
كل إنسان بيشوف الموضوع من وجهه نظره
زي ما انا شايفه كدا من وجهه نظري
شكرا لموضوعك الجميل

واسف علي الإطاله

شكرا لمرورك
لكن عايزة اعرف اية الى غريبة :lol::lol::lol:
وعايزة اعقب على حاجة
اولا حضرتك قولت ان هما لازم يفهموا لغتنا وبعدين قولت انهم مش هيتازلوا ويفهمونا

هل دة يعنى ان مفيش حل ابدا لان اكيد هيجيى اليوم الى حد هيتنازل فية

وميرسى على ردك الواقعى

marwa.m

20-09-2008, 02:40 PM

dr mahmoud

20-09-2008, 04:03 PM

مشكور على الموضوع الجميل دة

marwa.m

20-09-2008, 06:08 PM

مشكور على الموضوع الجميل دة

العفو لكن فين رأى حضرتك

marwa.m

20-09-2008, 07:50 PM

1- هل تؤمن بمصطلح اسمة اختلاف الاجيال فى الفكر والثقافة؟ اة
2- ياترى الجيل الاحسن جيلنا ولا جيل الى قبلينا * مع التعليل حلوة مع التعليل دى
من دة على دة لان كل جيل ولية مميزاتة وعيوبة
3-اية اكتر حاجة بتختلف فيها مع باباك؟
ربنا ميجيب خناق بس ساعات بنختلف على موضوع المذاكرة لانى شايفة ان اهم حاجة الكيف وبابا شايف الكم والكيف
4- لية الجيل القديم مبيحولش يتواصل مع الجيل الجديد والعكس بردة؟

لانة صعب فجأة الواحد يغير تفكيرة عايزة مراحل

5- اهم مميزات الجيل الجديد واهم عيوبة؟

مميزات مش عارفة عيوب معندوش صبر

6- اهم مميزات الجيل القديم واهم عيوبة؟
مميزات كتير منها التدين والاخلاص والطيبة عيوب بردة مش عارفة بس ممكن يكون بيزهق بسرعة

7- كان نفسك تبقى من جيل باباك ولية ؟
اة عشان الدنيا دلوقتى بقت وحشة قوى
8- هل والدك قدر يتواصل مع الجيل بتاعك ؟
الى حد ما يعنى فية حاجات وحاجات

Eng. A'laa Salah

20-09-2008, 08:06 PM

1- هل تؤمن بمصطلح اسمة اختلاف الاجيال فى الفكر والثقافة؟
طبعا

2- ياترى الجيل الاحسن جيلنا ولا جيل الى قبلينا * مع التعليل حلوة مع التعليل دى :d ؟
كل جيل فيه حاجه كويسه وبتختلف عن الجيل التاني

3-اية اكتر حاجة بتختلف فيها مع باباك؟
باختلف معاه في كل حاجه جديده لانه مش بيقتنع بسهوله

4- لية الجيل القديم مبيحولش يتواصل مع الجيل الجديد والعكس بردة؟
كل جيل بيعتقد ان تفكيره هو اللي صح وتفكير الجيل التاني قديم او غلط

5- اهم مميزات الجيل الجديد واهم عيوبة؟
انا اعتقد ان من مميزاته انه عايز يعيش عصره
بس انا شايفه ان من عيوبه انفتاحه الزياده

6- اهم مميزات الجيل القديم واهم عيوبة؟
لما اعيشه ابقي اقولك هههههه

7- كان نفسك تبقى من جيل باباك ولية ؟
لا انا عجبني جيلي

8- هل والدك قدر يتواصل مع الجيل بتاعك ؟
بابا ماعتقدش بس ماما في بعض الحاجات

marwa.m

20-09-2008, 08:12 PM

_safa_

20-09-2008, 08:13 PM

- هل تؤمن بمصطلح اسمة اختلاف الاجيال فى الفكر والثقافة؟
طبعا
2- ياترى الجيل الاحسن جيلنا ولا جيل الى قبلينا * مع التعليل حلوة مع التعليل دى :d ?انا رأى جيلنا اما ليه فانا معيشتش جيل غير جيلنا ده
3-اية اكتر حاجة بتختلف فيها مع باباك؟
الحمد لله مفيش يمكن علشان بابا فاهم جيلنا
4- لية الجيل القديم مبيحولش يتواصل مع الجيل الجديد والعكس بردة؟
لان الحياه بتتغير بس مش معنى كده انهم مبيعرفوشيتوصلو معانا أ العكس
5- اهم مميزات الجيل الجديد واهم عيوبة؟
بصى اهم مميزاته بصراحه وبواقعيه ان التدين زاد مقرنه باجيلهم اما العيوب فهيا الانفتاح الزايد الى احنا بنشوفه
6- اهم مميزات الجيل القديم واهم عيوبة؟
انا معرفش معشتش معاهم
7- كان نفسك تبقى من جيل باباك ولية ؟
لأ انا بحمد ربنا الى انا عيشه فى الجيل ده
8- هل والدك قدر يتواصل مع الجيل بتاعك ؟
جدااااااااااااااااااااااااااااااااااااااااااا

وجزاكم الله كل خير ع الوضوع

marwa.m

20-09-2008, 08:31 PM

marwa.m

21-09-2008, 12:36 AM

وات هبيند :mad:

محدش عندة صراع مع الاجيال تانى :confused::confused:

Prof.Dr/A.T.M

21-09-2008, 12:43 AM

السلام عليكم ورحمة الله وبركاتة

طبعا حال الدنيا معروف وهو ان كل شوية بيظهر جيل
والجيل دة بيختلف مع الجيل الى قبلة والى بعدة فى حاجات كتير زى التفكير والاهداف والطموحات

يعنى مثلا فى البيت اكيد باباك بيجى يقدملك شوية نصايح او بيفهمك حاجة

ممكن فى حاجات هتقول عليها حاضر وفى حاجات هتقول عليها

يابابا حضرتك من جيل وانا من جيل تانى

وهو دة الموضوع الى انا بكلم فية وعايزة اسأل كام سؤال كدة
1- هل تؤمن بمصطلح اسمة اختلاف الاجيال فى الفكر والثقافة؟
اه
2- ياترى الجيل الاحسن جيلنا ولا جيل الى قبلينا * مع التعليل حلوة مع التعليل دى :d ؟
كل جيل ليه مميزاته التعليل لانهم كان عندهم حاجات حلوة واحنا برضو عندنا حاجات حلوة ووحشة
3-اية اكتر حاجة بتختلف فيها مع باباك؟
بعض الاراء
4- لية الجيل القديم مبيحولش يتواصل مع الجيل الجديد والعكس بردة؟
احيانا بيحصل
بس ممكن يكون كل واحد حاسس انه الاحسن
5- اهم مميزات الجيل الجديد واهم عيوبة؟
التطور والتقدم والتكنولوجيا وسرعة الاتصال
العيوب ممكن الطيش
6- اهم مميزات الجيل القديم واهم عيوبة؟
مميزاته حاسة ان الدنيا كانت امان شوية
عيوبه التشدد
7- كان نفسك تبقى من جيل باباك ولية ؟
لا
8- هل والدك قدر يتواصل مع الجيل بتاعك ؟
اه
كفاية كدة ولو الموضوع عجبكوا هكمل اسئلة ان شاء الله :rolleyes:
موضوع حلو وياريت تكملى

marwa.m

21-09-2008, 11:31 AM

موضوع حلو وياريت تكملى

ميرسى على ردك

ان شاء الله هكمل

تابعى معانا

dr mahmoud

22-09-2008, 04:15 PM

انا شايف ان المشكلة دى هى مشكلة العصر

ومشكلة كل عصر

لان السبب الرئيسى فى المشكلة دى هو التطور التكنولجى المذهل الى عمل فجوة كبيرة

ومنع ان يبقى فية تواصل بين الاجيال

شكرا على طرح هذا الموضوع

marwa.m

23-09-2008, 02:38 AM

marwa.m

23-09-2008, 02:46 AM

ان شاء اللة نكمل بكرة وشكرا للى رد والى مردش

alesandro

23-09-2008, 07:18 PM

1- هل تؤمن بمصطلح اسمة اختلاف الاجيال فى الفكر والثقافة؟

اكيد .. مثلا نقول
ايام زمان كان اكبر هدف ليهم الحريه والاستقلال
دلوقتى التكنولوجيا .. والاغانى الجديده :d

2- ياترى الجيل الاحسن جيلنا ولا جيل الى قبلينا * مع التعليل حلوة مع التعليل دى :d ؟

كل جيل شايف نفسه احسن

3-اية اكتر حاجة بتختلف فيها مع باباك؟

انا اوقات بحب اكون لوحدى .. برتاح كده
هو مش عاجبه ده

4- لية الجيل القديم مبيحولش يتواصل مع الجيل الجديد والعكس بردة؟

احنا اللى مش حاولنا نتقرب ليهم

5- اهم مميزات الجيل الجديد واهم عيوبة؟

السرعه .. واهم عيوبه ( احيانا ) التسرع

6- اهم مميزات الجيل القديم واهم عيوبة؟

كل حاجه بتتعمل بعقل قوى وبتتوزن صح جدا .. واهم عيوبهم الملل

7- كان نفسك تبقى من جيل باباك ولية ؟

لا .. مع انه كان اسهل كتير من دلوقتى ... كان فى افكار غريبه قوى وحاجات كتير .. باختصار ( زحمة ) على الفاضى .. اقصد زحمة فكرية

8- هل والدك قدر يتواصل مع الجيل بتاعك ؟

جدا

-------------
thxxx 4 u r topic
and waiting 4 more

marwa.m

23-09-2008, 10:07 PM

شكرا على المرور وتابع الموضوع

كــارمن

19-10-2008, 11:47 AM

صراع الاجيال موجود فعلا ومش دلوقتى بس دة بين كل جيل وجيل

marwa.m

21-10-2008, 12:44 PM

صراع الاجيال موجود فعلا ومش دلوقتى بس دة بين كل جيل وجيل

اكيد لان كل جيل والتانى بيختلفوا عن بعض فى كل حاجة ودة بيعمل صراع

نورتى ياميسون