|
مشاهدة النسخة كاملة : ايه حكاية ال 2000 ج دي الدولي 2010 20-09-2008, 02:17 PM سمعت ان الشهادات المعادلة السنادي لازم يدفعوا 2000 ج عند التسجيل بالكلية اللي اتقبل فيها 2000 للكليات العملية 1000 للكليات النظرية هل الكلام ده صحيح ولا غلط؟؟؟؟؟؟؟؟ ياريت حد يعرفنا عشان نعمل حسابنا واحنا رايحين بكره بإذن الله الدولي 2010:d صمت الغروب 20-09-2008, 02:24 PM والله أنا حصل معايا كده الدولي 2010 20-09-2008, 02:27 PM والله أنا حصل معايا كده يعني انت رحت بالفعل كليتك وقالوا لك كده على جميع الكليات ولا كليات معينة؟؟؟؟ صمت الغروب 20-09-2008, 02:30 PM أيوه أنا رحت كلية طب سوهاج ببطاقة الترشيح ودفعت 2000 جنيه وكده الدولي 2010 20-09-2008, 02:35 PM اوكي شكرا ليك عشان نعمل حسابنا قبل مانروح على الفاضي night-knight 20-09-2008, 02:37 PM صمت الغروب يعني انت كنت عامل حسابك قبلما تروح وجبت الفلوس معاك ؟ وهل انت دفعت الفلوس خلاااص ؟؟ وخدت وصل بالفلوس ولا لأ ؟؟ صمت الغروب 20-09-2008, 02:45 PM أه عشان المصاريف وكده وأخذت ايصال على كده صمت الغروب 20-09-2008, 02:49 PM بس بيقولك2000 جنيه ده من غير اي مصاريف لازم تدفعهم رمانه 20-09-2008, 03:32 PM أيه الظلم ده 2000 جنيه من غير المصاريف هي الفلوس بتجلنا من السما هههههههههههههههه احمد التونسي 20-09-2008, 03:55 PM احنا جينا البلد دي نتبهدل يودونا كليات ظلم ويدفعونا فلوس الضعف صحيح حميها خربها ربنا على كل ظالم ومفترى حسبنا الله ونعم الوكيل البلد دي مش بلدنا وكلمة مصري دي كلمة في جواز سفر وبس love_queen_emy 20-09-2008, 04:42 PM يلا خليهم يستنزفونا ما إحنا بقي المفروض جايين من الخليج يعني براميل البترول بتجيلنا كل يوم الصبح علي الباب وبنبيعها ونحوش علي قلبنا دولارات دولارات يعني في اليوم مش أقل من 2000 دورلار يعني عيل قلبنا قد كده تصدقوا أنا بدأت احس بشعور عدواني تجاه البلد دي عماله تبهدلنا ظلم في التنسيق وإستبذاذ في فلوسنا هو في إيه يا جماعه هو إحنا مصريين ولا يهود مش فاهمه حسبنا الله ونعم الوكيل بجد أنا نفسي أرجع السعودية بلدي التاني لأنه يستحق إني أعيش فيه وأحبه وأخلصله معاملنيش المعامله المستفذة بتاع بلدي ربنا يسامحك يا مصر بس قلبي غضبان عليكي احمد التونسي 20-09-2008, 04:52 PM على فكرة انا مش ههزر انا هتكلم بجد والله غلط مصطفى كامل لما قال لو لم اكن مصريا لوددت ان اكون مصريا مصطفى كامل قالها زمان ساعة ما كان المصري مصري ومصر للمصريين كلهم للي مسافرين وكل الناس المصريين انا عاوز ارجع الامارات دي الامارات مش بلدي بس المعاملة احسن ربنا على كل ظالم ومفتري حسبنا الله ونعم الوكيل (تعالا يا عم مصطفى كامل شوف مصر بيقت ازاي مصر مش للشعب المصري مصر للحكومة المصرية اللي وكلنها ولعة)ربنا ينتقم منهم رمانه 20-09-2008, 04:59 PM معلش يا جماعه أصبروا شويه ,, يمكن هي في البدايه كده بس وفي النهايه دي بلدنا وملناش إلا غيرها وأحنا دلوقتي زعلانين من شخص واحد مش من مصر كلها ,, معلش أستحملوا احمد التونسي 20-09-2008, 05:16 PM احنا مش زعلانين من شخص واحد احنا زعلانين من حكومة بتعاملنا على اننا اجانب مش مصريين حتى الحكومة بتعامل الاجانب احسن مننا معلش انتي مش حاسة ولا ايه يا رمانة احنا للاسف الانسان المصري ارخص انسان ربنا يسامح حكومتنا الرشيدة في اللي عملتوا فينا حسبنا الله ونعم الوكيل jeme.89 20-09-2008, 05:33 PM انا مستني اي حاجة بيسطه كمان وان شاء الله هسبلهم الجمل بما حمل دي السعودية بمليون بلد زي مصر ومعلش احنا بنتعامل معامله غلط بقولك قرار وزراره تدفع الفين جنيه هدفعهم مفيش مشكله بس اعرف احنا ندفعهم ليه اصلا عشان احنا مخالفين للقانون ولا عشان احنا مغتربين ولا ايه الحكايه عمالين يشدوا مننا فلوس وبس فكرنا ليقنا الفلوس في الشارع ولا سرقنها ده افراء وظلم فاحش احمد التونسي 20-09-2008, 05:36 PM الناس دي فكرنا بنبيع البترول هناك بدل حكومات البلدان اللي بنروحها وفكرين ان احنا بنلاقي الفلوس في الشارع والله العظيم في ظلم كبير وكمان في حقد فظيعة على الناس اللي جايين من بره jeme.89 20-09-2008, 05:42 PM نصب عيني عينك وسرقه بالعقل يخدوا الي هما عايزينوا ويدونا الي هما عايزينواااااااا سزاجه ورخامه وقلة زوق ................... الله يهدهم يا رب احمد التونسي 20-09-2008, 05:42 PM والله انا زهقت من مصر بس هنعمل ايه الحمد لله على كل حال وربنا يوفقكم في كلياتكم وشدوا حيلكم ربنا معاكم احمد التونسي 20-09-2008, 05:52 PM في مثل معروف بيقول:لو ليك حاجة عند الكلب قولله يا سيدي ومثل تاني:ديل الكلب عمره ما يتعدل احمد التونسي 20-09-2008, 05:54 PM انا كلمة اقولها لاول مرة في حياتي وربنا يشهد انا طول عمري بقول اني بفتخر اني مصري وسعيد جدا اني بحمل جنسيتها بس للاسف حاليا انا لاافتخر كوني مصري انا افضل اني اكون من اي بلد تانية conan_egypt 20-09-2008, 07:10 PM لو لم أكن مصريا كان يبقى قشطـة أوي سيرة الحب 20-09-2008, 07:29 PM لو لم اكن مصريا لدخلت هندسة love_queen_emy 20-09-2008, 08:17 PM والله يا جماعه المشكله مش مشكله 2000جنيه المشكله مشكله إحنا هندفعهم ليه هو إحنا مش من البلد دي وولادها يبقي نتعامل زي إللي إتعلم فيها بصوا انا كمان كنت بقتخر أوي إني مصرية ودايما رافعه راسي في السعودية وبحاول أرفع راس بلدي وأذاكر وأتفوق وأدخل مسابقات وأكسب وكل ده علشان أرفع إسم مصر وأعامل الناس كويس وبطريقة فوق ما تتخيوا علشان أحسن صورة المصريين المتشوهه هناك من زمان وأرفع إسم بلدي وقولت إمتي بقي أرجع مصر نهائي علشان أعيش في حضنها وأعمل أي حاجه علشان أرفع شأنها وكنت بقول دا أنا مستعدة أروي ترابها بدمي ده كل حياتي ملك ليها ولما حد يغلط في مصر من بعيد او من قريب أتجنن ووشي يحمر وأحس إن في نار جوايا وأتخانق وأدافع عن بلدي إللي كنت فاكرة نفسي حته منها لكن خسارة بجد كل شعور حلو حسيته ناحيتها لأن بلدي للأسف طمعانه فيا بدل ما تخدني في أحضانها بعد غياب بتديني بالألم وانا بقي بقولها إنتي الخسرانه يا بلدي لأنك بتخسري شباب وبنات زي الورد كان كل أملهم يتروموا في أحضانك ويحسوا بالأمان كانوا نفسهم يعلوكي لفوق بس مديتهمش فرصه يا بلدي خسرتي ورد والله وإنتي الخسرانه إحنا بلدنا التاني يتمني إننا نرجعله تاني خليكي كده من تخلف لتخلف وربنا يهديكي بس بجد أنا مبقتش حاسه نحيتك بأي حاجه لا حب ولا كره حاسه بس بظلم وحاسه إنك دفنتي أحلامي بالحيا كيلوبترا 20-09-2008, 08:42 PM على فكرة يا جماعة بلادنا حلوة بس الناس اللي فيها هما اللي خلوها وحشة كده ..هما اللي خلونا نكرهها..وخلونا بنتمنى اليوم اللي نرجع فيه للسعودية ..لو لاحظتم الفرقات الرهيبة في الدفع كمان حتندهشوا..الطالب اللي عايش في مصر يدفع في المظروف 40 احنا بندفع 300...الطالب اللفي مصر بيحول ب 100 احنا بندفع 500..الطالب اللي في مصر بيدفع مصاريف جامعة لا تزيد عن 1000 جنيه شامله كل حاجه ..لكن احنا بندفع 2000 ومش شامله كل حاجة ؟... يعني بصريح العبارة احنا مش مصريين احنا اجانب في بلدنا روميو العاطفي@الشرقاوي 20-09-2008, 08:47 PM هوه ايه اللي الفين جنيه هوه ظلم ودفع كمان ايه ده حراااااااااام لو مثلا دخلنا كليات احنا حبينها كان اوك لكن ظلومين وندفع ليه ان شاء الله امال تعليم حكومي ازاي؟؟؟؟؟؟؟؟ حسبي الله ونعم الوكيل love_queen_emy 20-09-2008, 08:52 PM نقول إيه خلاص يا جماعه مفيش حاجه نقولها واصلين لدرجة ظلم محدش في الدنيا وصلها مظاليم وهنفضل طول عمرنا مظاليم آه بالعافيه هههههههههههههه هم يضحك وهم يبكي ah2009noor2008elislam 20-09-2008, 09:50 PM يا جماعة هو حد بكرة رايح علشان التحويل .... و هو فعلا مصاريف التحويل 500 جنية .. علشان نعمل حسابنا .. بس أفرض أنا مش عاوز أكتب خمس رغبات ... أنا بس عاوز أخحول من مكان لآخر .. لاني خايف أكتب واحدة مش عاوزها يعني سد خانة و لقيهم جيبنهالي .. ساعتها يبقى جيت تكحلها عمتها ... فمش عارف أروح بكرة و لا استنى شووية ... فيريت الي رايح بكرة للتحويل يبقى يجي يقول عمل ايه ... لو سمحتم ولكم كل الشكر jeme.89 20-09-2008, 11:23 PM ايه الي بيحصل دخ اسنتزاف بطريقه مجرمة معاملة زفت حق ضايع تعليم بايز رشاوي ...... بالعربي ليك ظهر في البلد دي هتمشي غير كده مسمعش نفسك وفي الاخر يقولك مصر لسا بخير مصر لسا بخراب كيلوبترا 21-09-2008, 01:51 AM يا جماعة هو حد بكرة رايح علشان التحويل .... و هو فعلا مصاريف التحويل 500 جنية .. علشان نعمل حسابنا .. بس أفرض أنا مش عاوز أكتب خمس رغبات ... أنا بس عاوز أخحول من مكان لآخر .. لاني خايف أكتب واحدة مش عاوزها يعني سد خانة و لقيهم جيبنهالي .. ساعتها يبقى جيت تكحلها عمتها ... فمش عارف أروح بكرة و لا استنى شووية ... فيريت الي رايح بكرة للتحويل يبقى يجي يقول عمل ايه ... لو سمحتم ولكم كل الشكر هو على فكرة موضوع ال 500 جنيه ده شبه أكيد لأن أكتر من واحد قاله وإحنا سألنا في مكتب التنسيق المرة اللي فاتت ..أما موضوع ال 5 رغبات ده أنا ماعرفش عنه حاجه بصراحه بس يارب يكون موضوع غير صحيح عشان مش ناقصين بهدله تاني كفايه ..وأنا بكرة ان شاء الله رايحه يمكن يفلح ويرضوا يحولوني أهي محاوله والسلام. dr.mimo 21-09-2008, 02:01 AM انا سالت بس قالولي 500جنيه فعلا بس قالولي 3 رغبات مش 5 مش عارفه هما بياخدو كل واحد على قد عقله ولا ايه عماني مصري 21-09-2008, 11:06 AM ماتنسوش ان هم دفعونا 300 جنيه لاستلام الورق وكانوا زمان 30 جنيه يعني اي حاجة كانت بتندفع زمان اضربها في10 وبالنسبة للجماعة اللي عاوزين يرحعوا البلد اللي جايين منها تاني اولا مفيش حد بيحب البلد الي جاي منها زي ما انا بحب عمان بس اذا كنت عاوز اروح تاني يبقى زيارة وارجع على طول ارجع لمصر أم الدنيا واذا كان في ناس مش كويسين قائمين على بعض شؤونها فالناس دي لازم هما اللي يسبوا مصر واحنا اللي نفضل نصلح بلدنا ونعيد امجادنا .......... ولا انتم ايه رأيكم....؟؟ mido1230 22-09-2008, 01:51 AM حسبي الله ونعم الوكيل المفاعل النووي 22-09-2008, 02:09 AM يا اخواني انا مسقط راسي في مصر وجلسة شهر واحد ورجعت السعوديه وتربية فيها ودرسة من الابتدائيه لغاية الثانوية وكان صحابي يقولولي انت مش مصري وانا اقول انا مصري اصلي ولكن انا دلوقتي باقول انا سعودي حتى صحابي في مصر هنا بيقلولي يا سعودي وكنت نازل مصر وانا فرحان وبقول انا نازل بلدي لكن طلع بلدي السعوديه لان اهل السعوديه طيبين وبنسبه للي بيقول اني الحكومه هي الظالمه حتى بعض المصريين نصبين واولهم خالي وخالتي وخالي الثاني نصبوا علينا في 100 ألف وعلى فكره المصريين بيفكروا اني الذين في خارج مصر جالسين على بنك فلوس لكن هتفهم مين وحسبيى الله ونعم الوكيل يالي في بالي ربنا يخدك اليوم قبل بكره:mad::mad::mad: thefirst 27-09-2008, 11:17 PM والله حرام قطرات ندى 30-09-2008, 08:01 PM أنا لسه ورقي موصلش الكلية واول مرة اسمع عن الموضوع ده invisble_girl 30-09-2008, 08:13 PM يا جماعه انا لما روحت اسال فى شئون الطلبه لقيت الموظفين لسه ميعرفوش حاجه قالولى الورق وصل بس المصاريف بقت 2000 جنيه واحنا لسه مجلناش تفاصيل مش هنعمل ورق غير بعد العيد بس كل ماقول لحد على الموضوع ده يقولى ان الكلام ده لسه علينا احنا بس السنه دى وكتير من الكليه اللى هيه الاسر دى بيقولوى متخلوش الموضوع ده يعدى لازم تحتجوا على المصاريف دى وبيقولولى هاتى مجموعه وروحوا لوكيل الكليه بس للاسف انا مش عارفه اوصل لحد فياريت لو حد هنا علوم عين شمس ومعندوش استعداد انه يضحك عليه اكتر من كده وعنده استعداد يجى لوكيل الكليه با ريت نتفق ونروح مع بعض يمكن نعمل حاجه روميو العاطفي@الشرقاوي 01-10-2008, 02:19 PM هتننا نتكلم كتير ليه انا كنت بتكلم زيكم كده لحد مخلاص تعبت زهقت وبصراحه لو قالولي اي حاجه هعملها خلاص مفيش فايده كوسه كوسه كوسه وكوسه كمان واللي ليه دهر ميضربش على شاشته على راي المثل وانسوا كل ده خلاص احنا فعيد كل سنه وانتوا طيبين noureal-islam@hotmail.com المحب لله 01-10-2008, 05:44 PM عمرك ما حتنضفى يا مصر طول مافيكى ..... يله مش مهم . hanoooooooda 01-10-2008, 07:23 PM هنقول ايه غير لاحول ولا قوه الا بالله |