يوميات تجاري مطحون [الأرشيف] - بوابة الثانوية العامة المصرية

vampire1188

20-09-2008, 09:32 PM

هابدأ انا بالمبادرة واقول انا عملت ايه النهارده

طبعا زي ماتنتوا عارفين انا في الفرقة التانية مجموعة (ز) " جامعة القاهرة "

انا عن نفسي ماكانش عندي محاضرات النهارده .. بس نزلت اتفسح مش اكتر

النهارده اليوم كان نصه حلو ونصه وحش ..

روحت في امان الله .. الاقي امم واقفة على الباب ..

وطبعا تلات اربعهم اولات .. قولت مش مهم .. الكارنيه يترزع في اتخن سكيوريتي .. وخشيت

روحت قعدت شوية معا صحابي ..

بعد كدا جابني الحنين لإني اشوف المدرجات بعد انفصال عن الجامعة مدته وصلت ل 3 شهور

روحت حضرت معا الناس بتوع سنة اولي مجموعة (ز) ..

لسه داخل المبني .. الاقي المعاون بيقولي المحاضرة بابها اتقفل ودكتور هشام البحيري قفل الباب

كدا اعرفوا ان الراجل سياسته ماشية على اساس ان طالما دخل يبقي مافيش حد يخش ورايا

المهم .. روحت قعدتكملت معا صحابي عادي تاني .. وجت الساعة 2 .. روحت عشان احضر مادة السلوكية

لميييين ؟؟ .. دكتور هشام سيد .. ماكدبش عليكوا انا ماكنتش اعرفه اوي ..

بس باين عليه كويس .. على الاقل كشخصية ..

طبعا دخلت المدرج وكما توقعت .. مافيش خرم ابرة الواحد يقعد فيه .. فضلت ادور على اي مكان . لغاية مالاقيت مكان ورا كدا فاضي روحت قعدت فيه ..

قاعد في امان الله .. الدكتور دخل .. رحب بالناس والموضوع شغال كويس

شوية .. والاقيلكوا مجموعة ناس من احقر مايمكن .. مشغلين موبايلاتهم .. ومشوشين علي الواحد ومش عارف يسمع

قولتلهم يا جماعة بعد اذنكوا الموبايلات .. مافيش ..

يا جماعة اهدوا شوية .. برده مافيش ..

مسكتهم واحد واحد هزقته بالادب .. والدكتور شغال وصوتي كان هايعلي وربنا .. وكان لو عليت صوتي شوية كمان كان ممكن صوتي يوصل للدكتور ..

المهم شوية .. وبرده رجعوا تاني .. قولت دول شوية ناس عيال اساسا لسه ماتخلصوش من داء ثانوي بتاعهم .. ومامنهومش فايدة ..

طبعا للي حضروا المحاضرة بتاعة دكتور هشام سيد بتوع اولي (ز) .. في مدرج د ..

هايعرف كويس اوي .. ان كل كلمة بقولها هنا في المنتدي صح .. ومافيهاش نسبة خطأ ..

لإنه اثناء المحاضرة تتطرق للكلام عن المجموعة المميزة وقسم اكتواري والحاجات دي ..

المهم انا خلصت المحاضرة .. وكان فيه شوية اسألة كنت عايز اسألها عل حكاية الاكتواري دي ..

نزلت وجريت وراه .. سألته الكام سؤال اللي انا عايزهم ..

ومشيت .. المفروض كنت رايح اروح ..

روحت عند باب مترو .. عشان انا ساعات بروح من هناك ..

شدني اعلان عن كورس ال cma .. قعدت اقرا فيه شوية

اتلاقيت واحد ظابط .. مش سكيوريتي .. لا ظابط .. جاي وبيقول يالا يا جماعة عشان تمشوا

راجل زوق عادي في كلامه .. اثناء مانا واقف .. كان فيه واحد واقف تاني معا واحده .. وشغالين رغي

فالظابط جاي بيقوله لو سمحت يالا عشان المواعيد ..

عمركوا شوفتوا ظابط بيقول لو سمحت ؟!!!!

اهو المهم ..الواد حب يعمل فيها فونط على اللي معاه .. وقاله طب بالراحة هوا انا واقف على رجلك ؟

الظابط سمع الكلمة دي من هنا .. وقام قال البنت اللي معاه اتفضلي انتي .. الواد لسه هايمشي معاها ...

قام الظابط ماسكة من صدرة .. وبزقة واحده نطرة خطوتين ورا !!

وهات كارنيهك يا معلم !! .. الواد طبعا قعد يقاوح شمال يمين .. برده مافيش

اتسحب الكارنيه من الواد .. وانا خرجت من الباب .. والكآبة على وشي !!

وياعالم هايبقي فيه ايه بكره تاني ..

وان غدا لناظرة لقريب !!!!

minerva

20-09-2008, 09:56 PM

انا بقى فعلا اطحنت النهارده انا م (د) وطبعا اول ما روحت كانت الدنيا زحمه جدا والناس رخمه اوى

المهم دخلت فضلت اعده ساعه الا ربع ومحدش عبرنا خالص وكان فى شويه ناس (استغفر الله العظيم )

اعدين يغنوا اغانى بيئه اوى كرهونى فى الكليه من اولها

وطبعا الامر مسلمش من رخامه شويه عيال تافهه طفشونى من

المدرج فخرجت اسأل ف اتحاد الطلبه

اذا كنا هناخد حاجه ولا لا بس يا جماعه بجد الناس دى جدعه اوى افادونى كتير

وكان عندى محاضره تانيه روحت بصيت من بره اذا كان فى حد دخل ولا لا وطبعا ملقتش حد عبرنا خالص

فمشيت بس يعنى مخدناش حاجه خالص :mad:

wanda

20-09-2008, 10:30 PM

هو انت حضرت معايا وانا معرفش :d

انا حضرت اول محاضرة ليا فى الجامعه

لدكتور هشام البحيرى بجد بجد انا رايحة مخصوص علشان احضرله هو ودكتور هشام سيد

بيعجبنى تحمسه وحرصه علينا ومعملتنا على اننا ولاده او زى ما قال فى المحاضرة عياله :d

فى المحاضرة الاولى قعدت فى البنش الاولنى وجه واحد نط جمبى غتت وقعد تقريبا انا اعرفه

او بشبه عليه بس انا بتخنق ممن ناس كتير واكتر واحد لو كان جة كونت هموته مجاش الحمد لله

مفيش عدت المحاضرة هوا ... انا روحت بقى الحمام اغسل وشى لانى كونت هفطس

مفيش تكييف جوة كونت هموت بجد مفيش دقيقه وجيت ادخل المحاضرة لقيت الباب اتقفل :(

بس كان لازم احضر فالمعاون قلنا جمعوا نفسيكوا لو كتار هيدخلكوا وبعد كده متتاخروش

دخلت على طول ومدوتش على مكان فاضى قعدت على السلم اللى هناك وربعت بقى وركزت جامد جداا

وهو عمل زى هشام البحيرى فى الاول وبعدين شرح وانا كتبت اول مرة اعرف انى كتبت كل حاجة كده

مخرجتش بقى وخليتنى فى مكانى... وقومت غيرت المكان ورحت قعدت فى الصف التالت
كونت قاعده جمب ناس كده :d

يلا مش مشكلى المهم فوجئت ان الدكتور اتغير بواحد تانى :d

ولقيته اتعصب من اول مدخل وفجاة لقيت المدرج بيفضلى كلة بيخرج

انا كونت هقوم بس شكلة هيشرح حاجة وفعلا شرح وانا كتبت حوالى 4.5 صفحات وخط متوسط ومش صغير

احسن حاجة بجد انهم بيشرحوا وبيكتبوا على اساس يسهلوا الكتابه علينا

اخر المحضرة كونت عايزة حد يشيلنى يودينى البيت :(

كونت هموت وكمان وانا مروحة اتخبطت فى شجرة وانا دخلة بيتنا رجلى اتخبطت جامد :(

ام هند

روحت باب المترو لسه سنه اولى ومعرفش اننا اخر ناس فى الجامعة بيروحوا :(

لقيته مقفول رجعت لحد باب تجارة وبعدين خرجت ومشيت حته صغيرة اووى لحد المترو مكونتش اصلا قادرة اطلع فوق :d

طلعت بالعافيه ودخلت اول منزلت تحت لقيت على طول المترو جة دخلت على طول عربية السيدات

بصراحة حظى انها وقعت قدمى على طول :d

قعدت على الارض كان زحمة اووى وانا رجلى مش شيلانى بجد

روحت بيتنا على الساعه 5.30 بالظبط..

اترميت على الكنبه اللى فى الصاله.. وبعدين حولت افوق شويه دخلت اتوضيت وصليت...

مفيش ثانيه المدفع ضرب والاذان اذن

جريت على طول خلصت المية الساقعه اللى فى التلاجة وارتحت :d

شوفتوا يومى مرهق ازاى ربنا كان فى عونى وروحت بيتنا سليمة نوعا ما :P

hoky70

20-09-2008, 11:04 PM

بالتوفيق للجميع باذن الله

انا بس كنت عايز اعرف حاجة انا في اولى تجارة حلوان والجداول بتاعتنا نزلت بس مكتوب عندي يوم الاحد والاتنين في الجدول

( برامج الرخصة الدولية لقيادة الحاسب الالي icdl ) ودة لطلاب انتظام بس فكنت عايز اعرف اذا كان اي حد يعرف اي معلومات عنها

وشكرا.....

dr.zomba

20-09-2008, 11:12 PM

انا هوريكوا شكل المدرجات بس عشان الناس اللي مشافتش :d

[/URL]

[URL="http://www.g9g4up.com/"] (http://www.g9g4up.com/)

دي زاويتين بس معرفتش اجيب الباقي

دا مدرج (د)

وفي الاخر الدكتور ضربنا بومبا:d

تم حذف الصور ياعادل باشا
:rolleyes:

wanda

20-09-2008, 11:19 PM

دية منحة اخدت ورقه زيها النهاردة وبيقولوا مهمة جداا لبتوع تجارة

وهتبقى من ضمن كورسات اللى لازم تاخدها فى شغلك

ده اللى فهمته من البنى ادم اللى كان ماسكها وبيوزعها علينا

ومفهمتش حاجة تانى منة خالص

الدويدار الصغير

20-09-2008, 11:38 PM

انا محمود الجندى مش ده مدرج الدكتور عبد اللطيف فين صورتى يا جماعاه انا شوفت الناس دى كله هناك

mostafa_music

20-09-2008, 11:48 PM

انا بقى يومى كان يشبه لافامبير
وانا كمان ادياقت من الناس الى كانو مشغالين الموبيلات
فلما ادايقت اوى قومت كتبت ورقه للدكتور وبعتهالو
حظهم الحلو ان الدكتور خلص المحاضره قبل ما الورقه ما توصلو

بس انا من رأى ان دكتور هشام سيد بيتكلم كتير شويه
بس شويه الكلام الى قالو فى الاول دا المفرض بتوع سنه اولى يلتزمو بيه(مش كل الكلام اوى)

واناعايز اقول للناس الى عايزه تلتزم ومتبقاش قاعده مضايقه من الشباب الى شايفين نفسهم يقعدو قدام على الاقل مايقعدوش ورا الطرقه الى فى النص
وشكرا

minerva

21-09-2008, 12:02 AM

يا جماعه حد هنا مجموعه (د)

wanda

21-09-2008, 12:03 AM

انا فى الصورة .....

اية ده يا زومبا من ورايا

مش هقول انا فين بقى :d

حضرت معاكوا وانتوا مش واخدين بالك مع ناس صحابى :d

minerva

21-09-2008, 12:04 AM

حد هنا مجموعه ( د ) ;)

MohammeD el_SadaT

21-09-2008, 12:08 AM

لسه مش روحت عشان كده مفيش يوميات أوعدك إن شاء الله أول يوم ليا أبقى أجيبه بالصور

wanda

21-09-2008, 12:17 AM

هو انت يا مصطفى اللى بعت الورقه اللى متقرتش :d

ههههههههههه اتارية دكتور هشام جت ورقه كده بعد ماكان ماشى:d

الاسلوب اللى كانوا بيعملوه دهون مش اسلوب ناس عقلها كبير

ده اسلوب عيال صغيرة

يعنى ايه كل شويه يستظروفوا ويسقفوا

وتعليق وصوت عالى

انا مش هقبل اشيل مادة فى يوم من الايام علشان لعب عيال

والله كونت هقوم فى المحاضرة الفاضيه اللى هى كانت قبل ما مجموعتى تبدأ

وامسك الميك واقولهم يمكن يحسوا شويه

بس للاسف محدش هيسمعلى فسكت ...

يا ريت بجد يكون فى حل لده..

ودكتور هشام سيد على فكرة حزرهم

وقال هيخرج صف وراى صف لحد محد يقر ويقول مين اللى عمل الصوت لو حصل حاجة فى محضرته

و لو محدش قال على اللى هيعمل شغب يبقى الدفعه كلها هتشيل المادة وخلى الجدعنه تنفعكوا والشهمة تشدكوا

عاوزة حل وبعتله زنبنا ايه بس شكلة مقراش السؤال اصلا عادى بقى المهم

عاوزين نتفق على حل ...

wanda

21-09-2008, 12:30 AM

شوفت الخناقه دية هههههههه

بس مكونتش فاهمة ايه اللى بيحصل اصلا

ام هند

مش فاهمة بجد ايه لزمتها شغل العيال ده

اصل احنا فى ثانوى كونا بنشوط فى اى مدرس

وكانوا فاكرنها جدعنه هتمشى معاهم فى الجامعه

يا ريت انا صوتى اتنبح من قولت ده

انا مش مستعده اشيل اى مادة علشان شويه ناس مش همهم حاجة

بجد انا خايفه من كده موووت وحولت ابعت ورقه لدكتور هشام البحيرى فى الاول

بس الوقت خلص واتردديت كتير وقولت هو هيقول الكلام ده اكيد

بس هنعمل ايه فيهم ودن من طين وودن من عجين

dr.zomba

21-09-2008, 01:32 AM

انا فى الصورة .....

اية ده يا زومبا من ورايا

مش هقول انا فين بقى :d

حضرت معاكوا وانتوا مش واخدين بالك مع ناس صحابى :d

ههههههههههههههه

اي خدمه دليل ادانتك معايا:d

دا انا اصلا دخلت مدرج (هـ) مع واحد صاحبي في تانيه الصبح لقيت المدرج فاضي والناس كويسه قولت طب دي حاجه حلوه خالص لو هنفضل كدا علي طول

بس حصلتلي فجأه بقي :d

ايه الللي حصل صحيح مع الدكتور بتاعكوا دا؟

elbahzy

21-09-2008, 01:43 AM

انا متهيألى انى مش هستفاد حاجه من المحاضرات دى العدد كتير اوى والطلبه مستهتره واللى واقف واللى قاعد على الارض

يـــــــــــــــــــابخت بتوع الانجليزى والمجموعه المتميزه

wanda

21-09-2008, 01:50 AM

Hanoda

21-09-2008, 01:58 AM

هااااااااااي ياجماعة ازيكو
انا النهارده كان يوم زي الزفت وحش جدا بس ماكانش في حاجة حلوة غير اصحابي اللي قابلتهم هناك
اليوم ده بدا الساعة 6:30 صباحا صحيت من النوم واتوضيت وصليت ونزلت حوالي الساعة 7
ووصلت الجامعة الساعة 7:30
علي اساس ان انا عندي محاضرة الساعة 8 زي مامكتوب في الجدول (وحصل اللي حصل) لقيت ان المحاضرة الاولي الساعة 11 اعدت الف في الجامعة كتيييييييييييييييييير جدا واصحابي ماكنوش لسة وصلوا يعني انا كنت في الجامعة وهما كانوا في البيت استنيتهم

واقعدت الف في الجامعة لحد مادخت وتعبت جدا (انا روحت من باب مترو واقعدت امشي لحد حقوق) وبعدين اصحابي وصلوا وكل واحد اقعد يدور علي المدرج بتاعه والحمد لله انا عارفة اني هاخد في مبني انجليش لاني شعبة مميزة المهم اقعدت ادور معاهم واخيرا لقينا المدرجات بتاعتهم وهما في مدرج (ج) و (د)دخلت مدرج د اتصدمت بجد انا عمري ماتخيلت المنظر ده (المنظر ده انا ماشفتوش غير في الاستاد) اكتر من 5 الاف طالب وطالبة بجد مشهد مرعب

(http://www.g9g4up.com/upfiles/fms49803.jpg)

(http://www.g9g4up.com/upfiles/X7L49803.jpg)

(http://www.g9g4up.com/upfiles/9gf49804.jpg)

(http://www.g9g4up.com/upfiles/Qgk49804.jpg)

(http://www.g9g4up.com/upfiles/sUM49805.jpg)
تم حذف الصور ياهنوده
:)

ده كان في مدرج (ج)

وبعدين سبتهم وروحت المحاضرة بتاعتي فضلت مستنية من الساعة 11 الي الساعة 12:15 طبعا انا تعبت جدا وماتتخيلوش العطش والحر والمشي عملو فيا ايه
وكمان المحاضرة كانت الساعة 11
المهم اني اتصلت بماما وقولتلها وقالتلي اسال لومش هناخد حاجة اروح (بينى وبينكم انا مسئلتش اي حد عن اي حاجة وكمان كان عندي 3 محاضرات ولما لقيت اننا ماخدناش حاجة في اول محاضرة قلت امشي احسن)
وكمان انا محبش استني حد كتيييييير
روحت البيت وانا متعددة الاشكال :o وكده:mad: وكده :( وكده :huh: وكده :mellow:
واول ماوصلت للسرير بقيت كده -_-

ونمت من الساعة 1:30 للساعة 5:50 صحيت وملحقتش اغسل وشي حتي واذان المغرب اذن فطرت وبعدين نزلنا نشتري حاجات ونتمشي شوية المهم انا تعبت جدا في اليوم ده( انا في الثانوية الغامة كنت باخد درسين وتلاتة في اليوم ومكنتش بتعب كده انا والله كان يوم السبت في الثانوية كنت بخرج من الساعة 9الصبح وبرجع الساعة 5 العصر وماكنتش بتعب كدا)
والحمد الله انتهي اليوم وخلاص

بس انا مش عارفة اروح بكرة ولا لأ انا بفكر اروح بعد العيد ياريت حد يقولي ايه الافضل

elbahzy

21-09-2008, 02:00 AM

هات تقدير وانت تبقى زي المميزة

مش صعبه بس انت تجتهد

لاء محصلش حاجة
هو بس فى اول محاضرة بيقولنا ميكونش فى موبيلات شغاله
وكده

وبردك الناس مش سامعه الكلام:mad:
وفامبير كان قاعد وره وشاف كل حاجة بنفسة

انا كونت قاعده قدام فى حتة مستخبيه كده وشايفه اللى بيحصل ورى:p
اه الموبيلات شغاله على طول والدنيا حر اوووى يعنى مافيش فرصه ان الواحد يجتهد زى مابتقولى
انا كنت حاطت املى انى اجيب جيد جدا لكن بعد اللى شوفته النهارده يبقى لو طلعت بمادتين يبقى فل اوى

كريسبو

21-09-2008, 02:06 AM

بالتوفيق ليكم

wanda

21-09-2008, 02:07 AM

تقريبا الدكتور قال كلمة

هشام سيد طبعا قال انه هيطلع اللى بيعملوا شغب برة

يا عم انت اعمل اللى عليك ولما هيشوف نشاطك هيعرفك وهيخد باله ان فى ناس شغاله

وربنا مش بيظلم حد

فتكوة لو انتى فى مجموعه واو فتقريبا هيبقى فى محاضرات بكرة ليكوا

لو فى ز انا حضرت وكل الدكتره جم وهبيداوا بكرة التعارف على المادة انتهى خلاص

وانت حرة بقى انا معاكى الجو حر وانا بقولك لانى جرب انا كونت هموت بجد عطشانه
بس الحمد لله اتلحقت بالاذان بياذن خلصت المية وحتى اول مرة اشرب كده مية كتير كتير

انا جبتلك المفيد وانتى حرة بقى

!!!دمعة حزن!!!

21-09-2008, 05:08 AM

ياعينى صعبتوا عليا:p
هو الجو حر اووووووووى يعنى

اصل انا مروحتش
ومش هروح الا بعد العيد

بس بجد نفسى اروح عشان اشوف ايه النظام

! MedOo

21-09-2008, 05:52 AM

هههههههه

بداية مشرقة بالتفاؤل ^_^

انا قايم البس كمااان ساااااااااعة علشان اروح الكلية

احلى حاجة انى انجليزى ودفعتى 150 طاااالب

كتيييييير اووى مش كده ؟

^_^

الدويدار الصغير

21-09-2008, 01:31 PM

هااااااااااي ياجماعة ازيكو
انا النهارده كان يوم زي الزفت وحش جدا بس ماكانش في حاجة حلوة غير اصحابي اللي قابلتهم هناك
اليوم ده بدا الساعة 6:30 صباحا صحيت من النوم واتوضيت وصليت ونزلت حوالي الساعة 7
ووصلت الجامعة الساعة 7:30
علي اساس ان انا عندي محاضرة الساعة 8 زي مامكتوب في الجدول (وحصل اللي حصل) لقيت ان المحاضرة الاولي الساعة 11 اعدت الف في الجامعة كتيييييييييييييييييير جدا واصحابي ماكنوش لسة وصلوا يعني انا كنت في الجامعة وهما كانوا في البيت استنيتهم

واقعدت الف في الجامعة لحد مادخت وتعبت جدا (انا روحت من باب مترو واقعدت امشي لحد حقوق) وبعدين اصحابي وصلوا وكل واحد اقعد يدور علي المدرج بتاعه والحمد لله انا عارفة اني هاخد في مبني انجليش لاني شعبة مميزة المهم اقعدت ادور معاهم واخيرا لقينا المدرجات بتاعتهم وهما في مدرج (ج) و (د)دخلت مدرج د اتصدمت بجد انا عمري ماتخيلت المنظر ده (المنظر ده انا ماشفتوش غير في الاستاد) اكتر من 5 الاف طالب وطالبة بجد مشهد مرعب

ده كان في مدرج (ج)

وبعدين سبتهم وروحت المحاضرة بتاعتي فضلت مستنية من الساعة 11 الي الساعة 12:15 طبعا انا تعبت جدا وماتتخيلوش العطش والحر والمشي عملو فيا ايه
وكمان المحاضرة كانت الساعة 11
المهم اني اتصلت بماما وقولتلها وقالتلي اسال لومش هناخد حاجة اروح (بينى وبينكم انا مسئلتش اي حد عن اي حاجة وكمان كان عندي 3 محاضرات ولما لقيت اننا ماخدناش حاجة في اول محاضرة قلت امشي احسن)
وكمان انا محبش استني حد كتيييييير
روحت البيت وانا متعددة الاشكال :o وكده:mad: وكده :( وكده :huh: وكده :mellow:
واول ماوصلت للسرير بقيت كده -_-

ونمت من الساعة 1:30 للساعة 5:50 صحيت وملحقتش اغسل وشي حتي واذان المغرب اذن فطرت وبعدين نزلنا نشتري حاجات ونتمشي شوية المهم انا تعبت جدا في اليوم ده( انا في الثانوية الغامة كنت باخد درسين وتلاتة في اليوم ومكنتش بتعب كده انا والله كان يوم السبت في الثانوية كنت بخرج من الساعة 9الصبح وبرجع الساعة 5 العصر وماكنتش بتعب كدا)
والحمد الله انتهي اليوم وخلاص

بس انا مش عارفة اروح بكرة ولا لأ انا بفكر اروح بعد العيد ياريت حد يقولي ايه الافضل

انتى تعبتى اوى يافتوكه الله يكون فى عونك دا انا تعبت على ما قرات الرد انا محمود الجندى داخل اولى

:)

رونالدينهوو

21-09-2008, 03:47 PM

انا انهارده كان يوم متعب جدااااااااا (امبارح كان اجازة عامة على الكلية)
بسى مش هحكى على معظمه انا صحيت الساعة 5الصبح وصليت الصبح وقعدت العب بلايستيشن 2شوية على الجهاز :p:p:p:p علشان دماغى كانت تعبانى جدااااااا
وطلعت من البيت الساعة 8.45 ولما ركبت الميكروباص علشان اروح الزقازيق كانت 9.10وركبت ووصلت الساعة 10قعدت الف هناك شوية ولما رجعت لقيت المحاضرة فاتتنى محضرتش اول محاضرة وحضرت التانية وبصراحة مفهمتش حاجة لان الجو كان حر وعطشان جدااااااااا وكمان براده الشباب اللى قاعدين ورة ومشغلين الموبايلات على اغانى تامر وكمان اغنيه سيدى لى لى لى لى :o:o:o:oومعرفتش اركز خالص دة غير ان كان فى بنات وولاد بيتكلموا فى اخر المدرج قام الدكتور قوم اتنين وخلاهم وقفوا طول المحاضرة جنب السبورة:d:d:d:dواللى يتخنق من المحاضرة ويمشى والمحاضرة اللى بعديها الحمد لله الدكتور اعتذروروحت البيت 2.30 موووت والله
بس احسن حاجة فى اليوم ده انى قابلت خالد كلكوا طبعا عارفينهAco.khaled فى تجارة زقازيق (معانا فى المنتدى)وكانت اول مرة اققابله وبعدين قضيتها مواصلات فى وسط الشمسة دى والحر وروحت البيت
وانا كده عاوز انام
ومن ساعتها قاعد على النت
بسسسسسسسسسسسسس

mostafa_music

21-09-2008, 07:09 PM

mostafa_music

21-09-2008, 07:10 PM

! MedOo

21-09-2008, 08:04 PM

انا بجد يومى النهااردة كان زفت جداا بطريقةمريعة

اول حاجة انا اتسحرت وصليت الفجر وفضلت صاحى لحد ماروحت الكلية ... نزلت الساعة 8 كده وقلت بقى انا هارووح بدرى

صوباااااااااع الغير ( صباح الخير ^_^ )

لاقيتلك جمااهير واقفة قدام المجمع بتاعنا المجمع عندنا فيه ( تجارة وحاسبات وعلوم واداب وحقوق ومعهد طيبة حاسب الى )

وطبعا الدخول ببطاقة الترشيح ..!

وانا مش معااياااااااااا

قدعت للساعة 10ونص الف عالسيبرات انى الاقى حد يطبع اتارى موقع التنسيق المحترم قفل الخاصية دى لمدة ساعتين

وعلى ماجبتها ودخلت لاقيت محاضر دكتور / سهير ( اكيد سمعتو عنها ) فاتتنى وطلعت ادت لعيال شوية كلام بالنجليزى من غير ماتترجمه

بس احلى حاجة بجد انى دفعتى صغيرة بالنسبة لدفعاتكم يعنى دفعتى تقريبا من 150 الى 200 طااالب وطالبة

والمدرج بتاعنا ايه .. عسل

3 تكييفات جديدة و3 مراوح بتدور ومروحة سقف

انا دخت كنت هنام من القعة

طبعا عيال كتير معانا صبيا مش ولابد تحس انهم شوذ كده لازم يعملو اى حاجة يلفتو بيها الانظار

بيصيعوا

طبعا صورت المدرج بس الكابل بايظ استنو شوية واحنا نوريكم مدرج ق11 تجارة انجليززى الفرقة الاولى بشبين الكوم ^_^

وطبعا بقى مقلكوش عالبنات دفعتى .. صيااااااااااااعة

انا اعيال اصحابى اللى معايا فى بقيت الكليات جبتهم علشان يشوفو وكمان عيال اصحابى من هندسة ( اصل هندسة جنب المجمع بشوية ) المهم العيال ريلو ...!

وقعدوا يحسدوا فيا ساعة عالنعمة اللى هاكون فيها .. ويشتموا فى البنات اللى معااهم ههههههههه

بلاش بقى اكلم اكتر من كده ..لأتفهم غلط

^_^

vampire1188

21-09-2008, 09:45 PM

انا بقي النهارده .. يومي كان من اغبي ما يمكنننننننننن

نايم امبارح الساعة 4 وربع .. صليت الفجر ونمت يعني ..

صحيت الساعة 6 ونص الصبح .. وكنت مش شايف قدامي ..

نزلت طبعا معا اخويا في العربية .. تقدروا تقولوا توفير مواصلات ! .. بس اهو جت فوق دماغي .. كنت واصل الكلية الساعة 7 وربع الصبح .. تقريبا كنت معا الناس اللي بتمسح المدرجات !!!!!

اني واي .. فضلت قاعد مستني المحاضرة لغاية ماواحد صاحبي جيه كنت متفق معاه .. والمهم اني قابلته صدفة كمان ! .. طلعنا مدرج (و) .. وذهلت من المشهد ! :eek: .. مافيش ولا بني ادم في المدرج .. انا وصاحبي كدا كنا اول ناس نخشه ..

اول مرة تحصلي في حياتي الجامعية .. اني اخش محاضرة .. عدد الناس فيها لا يزيد عن 40 واحد .. تخيلوا ؟!!!!

ماعلينا .. المهم حضرت اول محاضرة كانت نقود وبنوك .. راجل كان كويس ومحترم .. بس بعد المحاضرة طلعت اقاوح معاه في حكاية الفرق مابين الفيزا والكريدت كارد :cool: .. كملت للمحاضرة اللي بعديها .. كان علينا تسويق.. وكانت دكتورة اللي بتدينا

بارده برووووود ماقولكوش عليه .. ومملة جداااا .. كنت قاعد في المحاضرة بنام .. طبعا مش من كلامها .. عشان مانمتش الا الساعة 4 وربع وصحيت 6 ونص :o .. واثناء المحاضرة كمان .. واحد ربنا يكرمه رن عليا اثناء ما المحاضرة شغاله واعتقد ان الدكتورة سمعت .. بس نفضت ..

جيت على المحاضرة التالته .. كنت جايب اخري .. قولت وربنا مانا قاعد فيها .. روحت طلعت قعدت عند الشبابيك .. اشكو اياما واسابيع وشهور لشباك الماضي الاليم بتاعي :rolleyes: .. اوعوا تفهموا غلط .. هاااااااا ؟

اثناء مانا قاعد قعدت اراجع الورقتين اللي كتبتهم في المحاضرتين اليتميتين اللي حضرتهم .. شوية وصحابي جم

قعدت معاهم شوية .. وبعد كدا .. نويت احضر معا مجموعة ز بتوع اولي ..

روحت لمدرج د اللي انتوا كلكوا مخنوقين منه دا :rolleyes: .. الاقي المعاون بيقول ان المحاضرة اتنقلت لمدرج العيوطي

قولت خير وبركة . جت من عندك يارب .. روحت للعيوطي .. فضلت واقف جنب السلم بتاع الاستيدج بتاع المدرج اللي تحت دا معا صحابي .. عدت حوالي ساعة كاملة وعم ناشد ماجاش .. ناشد دا دكتور الرياضة ها ؟؟ .. ركزوا معايا :d

انا كدا كدا مش فارقة معايا اصلا .. انا حاضر المحاضرة تفاريحي يعني ..

شوية والدكتور جيه اخيرا .. قعد يدش في شوية كلام مالوش اي لازمة .. وشوية نصايح ولا ليها لازمة برده ..

والله العظيم كلامي اللي قولته هنا .. افيدلكوا :p !

خلصت المحاضرة وخلعت .. روحت قعدت على نفس الشباك بتاع ذكري الالام الحزينة !!

هيست شوية .. واتلاقيت نفسي خلاص جيبت اخري وهنام على نفسي .. قولت لأ مابدهاش بقي .. انا اقوم اروح

وروحت .. كنت واصل البيت على الساعة 4 .. وكل دا بسبب ان المواصلات زي الزفتتتتتتتتتتتت

دخلت من باب الشقة قتيل .. اتوضيت وصليت واتخمدت .. ولغاية دلوقتي برده نايم على نفسي :o

bondok fady

21-09-2008, 09:49 PM

يله ياشباب ربنا معاكم ومعانا ونخلص السنه قبل ما تبتدى ههههه

قولو امين

bondok fady

21-09-2008, 09:53 PM

هلالالالالالالالالالالالالالالالالالالالالالالالال الالالالالالا

! MedOo

21-09-2008, 09:58 PM

ايه الجمال ده يافامبير

انا بقى روحت المحاضرة الساعة 11 والا قيلك المدرج قاعد يلعب كله فى بعضه والليلة هيصة

والتكييفات شغالة وايه .. بجد كنت هناام

اشطوط

!!!دمعة حزن!!!

21-09-2008, 11:51 PM

تكيف فى المدرج :o

mostafa_music

22-09-2008, 12:15 AM

تكيف فى المدرج :o
!!!!!!!!!!!!!!!!!!!!!!!!!
انت متعرفش ان فى تكيفااااااااااات فى المدرج

wanda

22-09-2008, 12:22 AM

انا عكسك خالص يا فامبير

بجد كان يوم عثل

واللى مش نزلى من زور مدخلش وشرح حاجة

ودكتور ناشد كان سكررررررررررررررررة

ومش هقول اكتر من كده اللى حضر عارف

والمواصلات ايزى خالص
ودخلت من الباب بسهولة مش زى اول يوم بالعافيه :d

احلى واجمد حاجة بقى اتنقلنا للعيوطى

يا فرحتى بجد كفايا كده بقى :d

!!!دمعة حزن!!!

22-09-2008, 12:31 AM

!!!!!!!!!!!!!!!!!!!!!!!!!
انت متعرفش ان فى تكيفااااااااااات فى المدرج
مممممممممممممممم
لآ معرفش:d

Hanoda

22-09-2008, 01:01 AM

عدت حوالي ساعة كاملة وعم ناشد ماجاش .. ناشد دا دكتور الرياضة ها ؟؟ .. ركزوا معايا :d

انا كدا كدا مش فارقة معايا اصلا .. انا حاضر المحاضرة تفاريحي يعني ..

شوية والدكتور جيه اخيرا .. قعد يدش في شوية كلام مالوش اي لازمة .. وشوية نصايح ولا ليها لازمة برده ..

والله العظيم كلامي اللي قولته هنا .. افيدلكوا :p !

فعلا يافامبير والله الدكتور ناشد ده قعد يرغي ويقول كلام ملناش علاقة بيه قعد يتكلم عن نفسه وايام زمان وانه دخل كلية الهندسة جامعة اسيوط وبعدين عاند والده وحول لتجارة
وقال كمان ان عميد الكلية وكل المعيدين اللي فيها من تلاميذه
وقال انه سافر لامريكا وابنه في كلية الطب وابنه قاله هاتلي شوز بمواصفات خاصةوفيه غاز هيليوم في الشوز واول ماراح بيه الجامعة الشوز اتسرق من عند المسجد
وقال كلام كتيييييييييييييير اوي بس بجد انا مش عارفة ايه علاقتنا بالكلام ده
انا كان عجبني كلامه في الاول علي اساس انه هيعرفنا بنفسه في الاول وبعدين يعرفنا بالمادة
لكن دخل في كل المواضيع
المهم اني شايفة انه مغرور شويه

بس كان عندي المحاضره اللي قبله كانت د\امال شاور بجد هي انسانة محترمة ولذيذة جدا شرحها حلو وبتدينا فرصة نكتب وراها

بس بجد اليوم النهاردة كان احلي من امبارح بكتييييييييييييييييير اوي

wanda

22-09-2008, 01:06 AM

قال ده كلة يا فتوكة

انا كونت نمت :d

انا كونت قومت بالظبط على بداية الشرح :d

]التكييف نيمنى خالص وانا كونت نايمة خلقه اصلا :d

Hanoda

22-09-2008, 01:22 AM

انتى تعبتى اوى يافتوكه الله يكون فى عونك دا انا تعبت على ما قرات الرد انا محمود الجندى داخل اولى معرفش حد لسه ممكن نكون اصحاب ولو مشعوزه انا معنديش مانعhttp://www.thanwya.com/vb/life/icons/icon114.gif

هاااااااااااي يا محمود ازيك
انا هند اولي تجارة (الشعبة المميزة)
انا موافقة نكون اصدقاء
بس انا عاوزة اعرف انتا عربي ولا انجليش:cool::)

الدويدار الصغير

22-09-2008, 01:28 AM

انا فى تجاره انتساب المنصوره ممكن حد يا جماعه نشوفه بكره على العموم انا هناك بكره ولو حد عاوز نتعرف على بعضانا موافق ولابس تشرت مووووووف وبنطلون كراش وكتش اسودمااااااااااااااااااااااااااااشى

الدويدار الصغير

22-09-2008, 01:36 AM

انا يا هند فى عربى وممكن نكون شله لو انتى فى انجلش موووووووووووووووووووووووووت

dr.zomba

22-09-2008, 01:47 AM

يوسف الشوري

22-09-2008, 02:16 AM

أنا بقي مش في تجاره خالص بس كان نفسي ابقي مع أصحابي فيها بس أنا قضيت هناك امبارح ودخلت حضرت محاضره في مدرج الدكتور عبداللطيف يا بختكم انكم في تجاره كليه فيها ناس كتير وقريبه من كل الكليات مش زيي تربيه رياضيه مرمي في أخر الدنيا ومفيش معايا أي حد أعرفه ربنا يوفقكم:d:d

يوسف الشوري

22-09-2008, 02:21 AM

أزيك ياعبس حظ بيسلم عليك أوي وh كمان بيسلم عليك ممكن تبقي تصاحبهم في الكليه

يوسف الشوري

22-09-2008, 02:28 AM

أنا بقي مقضيها في كل الكليات أي حد في المنصوره يقولي في كليه ايه وأقابله

يوسف الشوري

22-09-2008, 02:30 AM

انا محمود الجندى

حلوه محمود الجندي دي يا أبو الفرج :d

هنلعب أمتي في الدوره الرمضانيه ياااااااااااد:p

يوسف الشوري

22-09-2008, 02:33 AM

ماهينور 2

22-09-2008, 08:12 AM

السلام عليكم
انا بقي امبارح اللي هو اول يوم في الجامعه كان زباله خالص الاول مفيش دكتور اتكرم ودخل فضلنا قاعدين وخلاص ان حد يعبرنا مفيش
وكان يوم حر فعلا والحمد لله روحنا بس الواحد كان تعبان مووووووووووووووت عشان الواحد راح الجامعه وهو مش نايم خااااااااالص يعني انا كنت مطبقه
نقلب بقي علي اليوم التاني النهرده كان يوم كويس انا صحيت الساعه 5 ونزلت من البيت الساعه 6.5 ويوب وصلت الجامعه الساعه 6.40 كنت تقريبا انا اللي فتحت الباب عشان كان عليه محاضره الساعه 8
الحمد لله قعدت في البنش الاولاني ودخل علينا اول دكتور الدكتور علي الديب انسان محترم فعلا وكويس جدا المهم شرحلنا نظام الجامعه وكده وخلصت المحاضره
ودخل الدكتور التاني دكتور محمد عنتر برضو انسان محترم جدا وشرحه شرح كويس جدا واحسن حاجه فيه انه كان بيكتب علي البروجيكتور ويعيد اللي كتبه تاني في صوره شرح بجد الواحد فهم كويس جدا والفضل للدكتور طبعا والحمد لله نقلت كل حاجه تقريبا
نيجي بقي علي التقيل
دكتور عبد الغني عبد العزيز دكتور خنيييييييييييييييييييق فوق ماي حد يتصور هو شرح بس مفهمتش حاجه خالص ولا لحقت اكتب اي حاجه لانه قال مش عاوز بني ادم يكتب اي حاجه ورايا
بس اللي فاكراه كويس في المحاضره اشتروا الكتاب عاوز الاقي حجز كتييييييييير علي الكتاب ولو ملقيتش انتوا احرار
لان ببساطه هو تقريبا مقالش حاجه غير كده في المحاضره
اه نسيت اقولكوا حاجه مهمه قالنا اي حد هايجي وسالني علي اي حاجه في المنهج هالغيها
هو ده دكتور ولا جاي يسوق الكتاب بتاعه وخلاص
بس والحمد لله اليومين خلصوا وعده علي خير
وتصبحوا علي خير

! MedOo

22-09-2008, 08:57 AM

انا النهاردى لسة هاروح اهه

عندى محاضرة واحدة

مش عارف هناخد حاجة ولا زى امبارح كده

ربنا يستر

احمد التونسي

22-09-2008, 06:30 PM

السلام عليكم
انا احمد اولى تجارة مجموعة أ انا رحت اول يومين السبت والحد الصراحة انا متعرفتش على حد يا ريت اتعرف عليكم واكون زميلكم في الكلية وانا معايا واحد جاري في نفس الكلية والمجموعة واعرف ناس صحابي في اداب وحقوق ويا رب نكون اسرة واحدة
مع اطيب امنياتي للجميع بالتوفيق والتقدم

عماد العمدة

22-09-2008, 07:27 PM

هااااااااى انا اسماء مجموعة (ا) ولسه متعرفتش على حد وان شاءالله تكون مجموعة جامدة ونكون كلنا اخوات:)

احمد التونسي

22-09-2008, 07:31 PM

منورة اسماء انا احمد مجموعة ا زيك باذن الله تكون سنة حلوة وربنا يوفقك ويوفق الجميع

wanda

22-09-2008, 07:33 PM

ربنا يوفقكوا

احكولنا بقى عن تجربة اول وتانى يوم

ومين من الدكاترة استريحتلهم ودرسلكوا

ولا محدش دخلكوا خالص ؟؟!!

احمد التونسي

22-09-2008, 07:41 PM

انا رحت اول يوم والحمد لله متعرفتش على حد وانا حاسس ان كل الناس بتفهمني غلط مش عارف ليه بس في دكاترة كويسين زي دكتورحمدي معاذ وعادل زايد وتاني يوم برضه انا متعرفتش على حد انا معايا اصحابي من المنطقة اللي انا ساكن فيها كان يوم كويس ودخلنا فيه دكتور ابراهيم مرجان ودكتورة امل عبدالرحمن وفي محاضرة الموارد مكنتش موجود لأني كنت في الشوؤن لأني لسه مقدمتش وفي الاخر اتمنى للجميع حظ سعيد ودوام التوفيق وربنا معاكم

الدويدار الصغير

22-09-2008, 07:41 PM

ازيك يا احمد يا تونسى انا فى تجارة المنصورة انتساب وممكن نبقى اصحاب رد عليا انا مستنيك

عماد العمدة

22-09-2008, 07:54 PM

هاااااااااى احمد احنا ممكن نكون اصدقاء انا لسة متعرفتش على حد ومضايقة اوى من كدة

احمد التونسي

22-09-2008, 07:57 PM

وانا اتشرف اسماء ان يكون ليا صديقة واخت زيك واهلا بيكي في اي وقت

عماد العمدة

22-09-2008, 07:57 PM

انا اول يوم محضرتش محضرات لكن حضرت تانى يوم التلات محاضرات لكن كنت زهقانة اوى فى اخر محاضرة بتاع دكتور مرجان وبيقولوا ان امتحاناته صعبة ربنا يستر

عماد العمدة

22-09-2008, 07:58 PM

انت رايح بكرة يا احمد

احمد التونسي

22-09-2008, 07:59 PM

انا حضرت اليومين وكنت زهقان جدا لدرجة اني كنت هنام في محاضرة دكتور مرجان وانا مش عارف اي حد هناك انا اللي اعرفه واحد صحبي ساكن معايا في نفس المنطقة

احمد التونسي

22-09-2008, 08:00 PM

باذن الله رايح بكره بس ممكن امشي قبل المحاضرة التانية علشان والدتي مسافرة وانتي رايحة بكره باذن الله

عماد العمدة

22-09-2008, 08:03 PM

ان شاء الله رايحة بكرة ويارب مامتك تروح وتيجى بالسلامة

عماد العمدة

22-09-2008, 08:05 PM

انت ممكن تجيب المحاضرات اللى فى المكاتب ولا انت اية رايك لانى بجد مش عارفة هى كويسة ولا اية

احمد التونسي

22-09-2008, 08:08 PM

انا ليا اخو واحد صحبي كان بيجيب ملازم عادي بس كان بيذاكر وهو بيقولي لو عايز تجيب جيب عادي

wanda

22-09-2008, 08:34 PM

الموضوع اتقلب شات :d

معلش على التدخل

بصوا اى كلام تعارف او كده

فى المجموعه التجارية او على الرسائل الخاصه

ومبتتكتبش فى موضوع كده

ومبروك يا احمد انك لقيت حد معاك

انا كونت زيك اول يوم بس تانى يوم بالصدفة لقيت زميلى فى المترو

طلعوا معا فى نفس المجموعه وكمان اعرفهم من زمان

مش بتجيلى الجرأة انى اتعرف على حد جديد فقولت خلينا معاهم وخلاص

بالتوفيق يا جماعه

اسامه مندور

22-09-2008, 11:29 PM

مفيش معلومات عن تجارة الإسماعيلية

vampire1188

23-09-2008, 12:26 AM

اه فعلا .. عندك حق يا واندا ..

بليز يا جماعة .. اللي عايز يشيت ويقضيها .. ممكن تبقوا معا بعض كدا تتبادلوا الايميلات في رسايل خاصة وتعيشوا حياتكوا لكن اننا نقلبها شات ؟ .. اعتقد ان دا منتدي وليه ستايله .. وياريت نلتزم بموضوعنا

نرجع بقي لموضوعنا .. طبعا بما اني تانية زي مانتوا عارفين .. وبما اني فاقد الحياة من سنة اولي اصلا !! .. فعادي مابقتش فارقة معايا حكاية الحضور اوي .. او تقدروا تقولوا عارف انا احضر ايه وماحضرش ايه ..

وبالتالي .. من المفترض ان كان ورايا محاضرتين النهارده (شركات و انتاج ) .. والله كان صعبان عليا اني ماحضرتش النهارده .. فاتتني محاضرة البشبيشي :( .. بس مش مشكلة .. اكيد هاتبقي مقدمة مالهاش لازمة .. مانا عارفه .. بيحب يهزر دايما في اول محاضرة !! .. بس بناقص هزارة اللي يخليني انزل في عز الحر وارجع قبل الفطار بساعة :mad:

وكمان ماعتقدش اني نازل بكره .. يالا فشل بفشل بقي .. وكدا كدا اصلا في رمضان كله بيبقي نايم على نفسه .. الدكاترة قبل الطلبة .. وكل دكتور بيعمل نفسه فايق .. وهوا اساسا طالع روحه من مدرج لمدرج ..

المهم بقي .. وانا بقلب في الموضوع كدا شدني رد عضوين ( دكتور زومبا و عماد العمدة ) لما سألوا على حكاية الملازم

بص انا هاقولك على المفيد .. وكلامي اللي جاي دا موجه لجميع طلبة تجارة القاهرة

دلوقتي النظام بيمشي كالاتي :

اول اسبوع انتا بتحضر عادي جدا .. بعد بداية السنة باسبوع غالبا .. بتبدأ تتلاقي ناس غريبة كدا داخلة المحاضرة وات ايفر بقي كنت مجموعة ايه .. المهم بتتلاقيهم داخلين وبيوزعوا في اعلانات للمكتبة بتاعتهم ..

وعشان تبقوا عارفين .. لكل مجموعة في تجارة .. ليها مكتبة متخصصة في ملازمها لجميع المواد بتاعتها

يعني مثلا : مكتبة بينجو كانت السنة اللي فاتت لمجموعة و .. والسنهدي بعد التعديل بتاع المجموعات غالبا هاتتلاقيها بتدي لمجموعة ز .. برده فيه مكتبة صقر .. دي كانت بتاعة مجموعة هـ السنة اللي فاتت وغالبا هاتدي لمجموعة و السنة دي

نظام المكتبات في الملازم دا بيعتمد على اساس حاجتين ..

> محاضرات يومية بتتكتب على هيئة كلام مكتوب لكل اللي قاله الدكتور بالحرف في المحاضرة ودي بتبقي شغاله طول السنة لغاية مالمحاضرات تنتهي ..

> ملازم جانبية تتمثل في :

-- ورق الدروس : ودا غالبا مابيبقي معمول للمواد العملية زي المحاسبة والرياضة .. وبيبقي فيها شرح مكثف للمادة ككل بدون التطرق الى عدد ابواب ..

-- سين وجيم (سؤال وإجابة) : ودا برده غالبا بيبقي معمول لتلخيص المواد النظرية زي السلوكية والموارد والتنظيم في صورة فصول معدودة .. على حسب ما الدكتور بيقول وبيحدد في كتابه بتاع المادة بتاعته ..

-- مراجعة نهائية : ودا غالبا بيطلع في نهاية الترم .. قبل الامتحان بييجي اسبوعين او 3 اسابيع كدا .. وبيبقي فيه تلخيص عام للمادة سواء كانت عملية او نظرية .. بس بتبقي مكثفة جدا ..

-- ليلة الامتحان : ودي اول ملزمة منها بتطلع قبل الامتحان باسبوع .. اما باقي الملازم فابيطلع بعد نهاية كل امتحان انتا بتمتحنه .. يعني بتخلص الامتحان بتاعك .. وتطلع لمكتبتك وتشوف ايه اللي نازل .. وتروح تجيبه .. ودي بتبقي برده مكثفة وملخصة تلخيص شديد .. يعني اللي مش متابع طول السنة .. هايذاكر دي بس .. هايسقط سقوط مزري !!

تنبيه عام بقي احب اقوله ..

1- الملازم دي معمولة لغرض انها تكمل مذاكرتك .. ممكن لو جالك ظرف وماحضرتش المحاضرة .. تروح تشتريها من بره .. وماتخافوش مابتبقاش ملخصة .. كل كلمة بيقولها الدكتور بتبقي مكتوبة من اول ازيكوا لغاااااااية غوروا مش عايز اشوف وشكوا !!

2- المكتبات دي حرامية جدا جدا جدا جدا .. خاصة بتاعة سنة اولي .. هاتقولولي لييييييييييييييه ؟؟؟

هاقولكوا لإنها بتستغل جهلكوا بعدم الدراية والمعرفة بأمور الحياة في الجامعة .. هاتقولولي ازاااااااااااي ؟؟؟

هاقولكوا اطلعوا بالماوس فوق شوية وشوفوا انا كاتب ايه .. محاضرات وسين وجيم ومراجعة نهائية وليلة امتحان ..

كل فترة يقوموا منزلين حاجة .. وانتوا طبعا ماتعرفوش حاجة .. فاتقوموا مشتريين على اساس انكوا بتشوفوها تلاقوها حلوة ونظامها حلو .. فاتقوموا جايبنها على عماكوا ..

تيجوا قبل الامتحان تشتروا المراجعة النهائية .. وتكتشفوا انها عبارة عن كوبي بيست لملازم السين وجيم بتاعة قبل كدا .. بس بطريقة ملخصة ..

تيجوا بعد كدا تشتروا ملزمة ليلة الامتحان .. هاتتلاقوها ملخصة تلخيص غبي .. بطريقة غبية .. بسرد اغبي .. والملزمة فيهم تلاقيها ب 15 جنيه ولا حاجة .. يعني سرقة علني .. وكمان الكلام اللي فيها برده كوبي بيست من المراجعة النهائية بس بطريقة تانية !!

فانصيحتي ليكوا ..

(أ) ماتستعجلوش في حكاية الملازم دي .. في اول مرة هاتتلاقوا المكتبة دي بتخش المحاضرة عندكوا وهاتوزع عينات من المحاضرات بتاعتها وغالبا هاتبقي في المواد العملية عشان تشدكوا ليها .. فاتروحوا وتشتروا ..

(ب) للتوفير في الكاشات اللي بتدفعوها .. ماحدش يجيب اي ملازم في اي هبل وخلاص .. شوف الملزمة قبل ماتشتريها .. عجبتك واتلاقيت ان انتا هاتستفيد منها .. اشتري .. مش عجبتك .. اعتذر للبياع .. واخلع بالزوق .. عشان الملازم دي لوحدها ميزانية خاصة ..

(جـ) .. ياريت ماحدش يتشد لجمال وتنسيق الملازم بتاعة المكتبات .. ماتنسوش ان فيه اختراع اسمه كتاب .. الكتاب دا اللي عامله الدكتور اللي هايحطلك الامتحان .. فانتوا تابعوا اول بأول في الكتاب .. عشان ماتوهوش في اخر السنة .. وحاول تعلم على الحاجات المهمة اللي بيقولها الدكتور في الكتاب .. لو عملت كدا .. كدا انتا تبقي دحيح وراجل محترم وربنا هايجازيك خير ان شاء الله .. لو ماعملتش كدا وعيشت في دور سلام يا صاحبي وقضيتها ملازم .. هاتنجح .. بس تقدير ؟ .. ماعتقدش !!

(د) بالنسبة للناس بتوع انتظام ( أ،ب،جـ،د) .. فيه اختراع اسمه سكاشن .. دي بتنزل قبل الامتحانات بشهر او شهر ونص .. مفيدة وظريفة .. واللي بيشرح فيها معيدين .. بمعني انك لو مافهمتش من المحاضرة العادية ممكن تفهمها من المعيد والمادة الواحده ممكن يكون ليها اكتر من معيد .. دور على المعيد اللي حلو فين .. واحضرله .. والسكاشن دي بتبقي بجدول مسبق زي جداول المحاضرات كدا اللي شوفتوها دي بس لإنتظام فقط .. وغالبا اماكن السكاشن بتبقي في مبني الامتحانات

طبعا هاتقولولي كدا انتساب اتظلمت .. هاقولكوا لأ .. انتساب (هـ،و،ز) .. ليها برده .. بس في صورة مجموعات دراسية بفلوس .. 90 جنية للمادة الواحده .. طبعا ماتبقاش ساذج وتروح تدفع ال 90 جنيه على طول .. لأ شوف انتا مين اللي المعيد اللي بيديك واسأل عنه كويس شوفه حلو ولا وحش .. وبعد كدا احجز وادفع ..

(هـ) ارجع للملازم تاني .. للي مابيحضرش ومقضيها .. يبقي اشتري محاضرات .. للي بيحضر وسايح على بعضه .. اشتري ملازم سين وجيم .. بتبقي ملخصة في صورة سؤال واجابة .. وبتبقي ظريفة ووافية في الاجابة .. للي بيدح من كل حتة .. ماتعييش في الدور اوي ابوس ايدك .. عشان بطريقتك دي .. هاتتشتت وسكتك هاتبقي تبع المبلطين في الارض !! .. خليك ايزي وامشي تبع المعادلة دي ..

حضور محاضرات (العملية قبل النظرية) + ملازم (انتا شايف انها هاتفيدك) + كتابة ورا الدكتور (عملي قبل نظري) + فهم المحاسبة المالية (لإنها اساس المحاسبات اللي هاتمر عليك بعد كدا) = نجاح بتقدير كويس

طبعا انتوا لسه ماستلمتوش الكتب .. استنوا عليها كدا لغاية بعد العيد .. او اما الدكتور يقول الكتاب الفلاني نزل .. وروحوا هاتوه ..

الكتب كلها بتنزل باكيدج على بعض بـ 90 جنيه .. وماعتقدش انها تكون غليت .. نصيحة .. لو غليت اعملوا اضراب عشان السنة اللي فاتت كانت ب 90 جنيه .. وانا هابقي معاكوا في الاضراب دا !!!! :p

وطبعا لكل مجموعة ليها كتبها .. يعني بتروح تدفع الفلوس بدون الاحتياج لإذن من الشئون .. وتروح لشباك تسليم الكتب هاتتلاقوه جنب الخزنة بتاعة دفع المصاريف .. تقوله انا عايز اولي مجموعة كذا .. وهوا هايديك الكتب بتاعتك .. لو كتاب ناقص هايقولك ان فيه كتاب ناقص .. وهايديك وصل بكدا .. بس اما تستلم الكتب اتأكد من انهم 5 كتب في المواد بتاعتك .. وان مافيش كتاب مكرر

لو فيه اي حاجة واقفة معاكوا .. معلومة دراسية في المنهج .. سؤال تبع الكلية .. انا الحمدلله موجود مش هاطير يعني :)

يارب اكون قولت المفيد ..

وزي ماقولتلكوا قبل كدا .. اسألوا الطالب المطحون (المجرب سابقاً) ;)

alaaoeldin1

23-09-2008, 12:40 AM

يالنسبة لتجارة انجليش فية ملازم ايضا

vampire1188

23-09-2008, 12:44 AM

مممممم .. تجارة انجليش اظن اه ليها برده

بس مش فاكر كانت تبع مكتبة ايه ..

بس اظن السنة اللي فاتت كانت تبع مكتبة اسمها افندينا على مافتكر ..

عموما انتوا كدا كدا عندكوا سكاشن وبارتيسيبيشن ومحاضرات .. يعني مظبطين نفسكوا

دا غير ان الكتب عندكوا تفتح النفس .. اي نعم هيا كبيرة وتقيله .. بس تفتح النفس

مش زي عندنا :mad: .. نصيبنا بقي

فرسان الحق

23-09-2008, 12:53 AM

انا من تجاره انتساب المنصوره نزلت تانى يوم الصبح و رح محاضرة رياضه اعمال للدكتور ابراهيم فوده هو بصراحه شكله كده كويس يعنى لو حصل اى هرج فى المحاضره بيعديها ما بيقفلش يعنى و جه قال مقدمه كلميتين و خلص و رحت تانى يوم شرح كلام اخدته فى ثانوى عام و لكن كان شرحه مبسط و حلو و كان بعد المحاضره دى محاضرة حاسب انتظرتها اندهشت لما لاقيت دكتوره و بقيت سعيد لما شفت الهمه اللى عندها اول ما دخلت لكن كانت الصدمه انها دخلت دخله غريبه شويه فى الكلام بدات تقول كل الانتظام يمشى و قعدت تشتم فى كل اللى قاعدين و طلبت الكرنيهات و احنا فرقه اولى فطبيعى ان محدش عمل الكرنيه وفكلنا قلنلها معناش فقالت بتلقائيه يبقى مفيش محاضره امت قايم و كذا بينت و ولد نستسمحها و نقولها يهديكى يرضيكى و هى اصلا بتسمع و مبتتكلمش عملا طناش يعنى و امت خلرجت من المدرج فكلمنا الفراشين قللنا هنهديه فرجعت بعد ربع ساعه كده فطلعت و فطلعت قاعده من غير كلام و كل شويه بنت تطلع تسسمحها و لا كانها هنا فى الاخر قالت الفصل الاول اتشرح من منهج اربع فصول ده غير انها طلعت واحد قال ايه كان قاعد يشوح باديه و هو فى مكانه و قالته ممكن البطاقه هههههههه شكلها كان نفسها تطلع شاويش و هى صغير
الخلاصه كان يوم كويس اللى بوظه الدكتوره دى ياريت يا جماعه تقول لى فى الحلات دى الامتحان هيجيى ازاى اصل حرام يبقى لسه بادئ مستقبلى الجامعى و الاقى كل ده يحصل منها لله ده لسه كنت طالع من صدمات السنه اللى فاتت علمى رياضه لكن اتعرفت على ناس كتير و قابت شويه قليين قوى من اصدقاء الثانوى

vampire1188

23-09-2008, 01:01 AM

ههههههههههههههه .. ياراجل خليك ايزي خالص !!

عادي عادي .. خد من دا كتير .. فيه دكاترة بيبقوا نازل عليهم غضب ربنا

حظكوا انكوا وقعتوا فيهم من الاول .. بس عادي خليك ايزي وخد الحياة ببساطة ..

انتا تشوف الدكتورة دي اديتك مادة ايه .. وتشوف اللي حذفته .. وتستني لما تستلم الكتب

وتفتح الكتاب .. شوف اللي حذفته ايه وامسكه اتسلي فيه واحده واحده كدا وحاول تفهمه كويس

لإن 80 % .. ممكن تجيب منه في الامتحان .. الا اذا نسيت بقي .. ادعي انها تنسي :d

sunsero2000

23-09-2008, 01:03 AM

انا برده تجاره انتساب وحضرت البتاعه اللى انت بتقول عليها دى بس مش كنت واخد بالى من حاجه عشان كنت نايم ورا

فرسان الحق

23-09-2008, 01:12 AM

انا برده تجاره انتساب وحضرت البتاعه اللى انت بتقول عليها دى بس مش كنت واخد بالى من حاجه عشان كنت نايم ورا
احلى حاجه فيك دماغك العاليه

dr.zomba

23-09-2008, 02:37 AM

طب معلش يا عم فمبير هخنق عليك اكتر :d

دلوقتي الكتب هتنزل امتي ان شاء الله عشان انا حاسس اني منغير الكتب تايه او هتوه بمعني اصح:(

والف مبروك علي الاشراف:)

vampire1188

23-09-2008, 02:48 AM

ربنا يخليك يا زومبا .. انتم السابقون ونحن اللاحقون بقي :d

المهم .. طبعا ميه في الميه لازم لازم لازم تحس انك تايه

لإنك واحد لسه داخل .. مش عارف يعني ايه دكتور .. مش عارف يعني ايه محاضرة

مش عارف تكتب ولا ماتكتبش .. مش عارف فين الحاجة اللي هاتذاكر فيها ..

داخل سخن ومولع وعايز اي حاجة تدوس فيها والحماس واخدك بقي وعايز تبقي معيد ..

كل داااااااااا .. شئ طبيعي .. ودي اللي بنسميها اعراض اولي جامعة !!!!!

بص ياعمونا .. الكتب غالبا بتنزل بعد بداية الدراسة بإسبوعين ..

يعني ان شاء الله هاتتلاقيها نازلالكوا بعد العيد .. وانا اظن عرفتك نظام الدفع وازاي تجيبها

تتابع فيها ازاي بقي ؟ .. دا بقي شغلك انتا .. فيه ناس بتعتمد على الكتاب وفيه ناس بتعتمد على الملازم

على حسب قدرة تركيزك وتحصيلك للمادة دي ..

وانتا معا الوقت هاتاخد على الوضع وعلى الجو .. وهاتعيش حياتك بيس اوي

ربنا معاك .. ومعانا .. قولوا آميييييييييييين ;)

dr.zomba

23-09-2008, 03:23 AM

بقولك يا فامبير دلوقتي مهم اني احضر الاسبوع بتاع رمضان دا ؟

يعني لو محضرتهوش هيقصر معايا ولا عادي؟

vampire1188

23-09-2008, 03:42 AM

مممممممم .. مش عايز اخليك تفشل كدا من اولها ..

بس بيني وبينك وماتقولش لحد .. رمضان اسبوع الفستكة !!

بمعني انك اساسا مش هاتاخد فيه كلمة مفيدة من اي دكتور

كل اللي انتا سمعته من الدكاترة دا مجرد نبذة عامة .. كلام قهاوي .. حاجة قشريات من شوية كلام على على هامش المنهج !!

لكن انا بس بقول احضر .. عشان تاخد على الجو مش اكتر

لكن البداية الفعلية للمحاضرات بقي .. هاتبقي بعد العيد ان شاء الله

لإن المحاضرة هاتبقي ساعة ونص .. والدكتور بقي هايدوس براحته فيها اوي ..

احمد رضا

23-09-2008, 03:57 AM

طب عايز اسالك سؤال بس لما تصحي بقي:d

بالنسبه للورق اللي بيتباع برا دا ايه نظامه الدكاتره عاملين يحذرونا منه

وبالنسبه للمحضرات اللي بتتباع برا يعني لو واحد محضرش محاضره ممكن يشتريها من برا؟

ياباشا اي حاجة اي حد متعرفهوش يحذرك منها
اعرف انها حاجة مفيييييييييده
اسمع الكلام
:d
--
صحيح ياشباب
اهمممممممممممممممممممممم حاجة ف الحووووووووووووووار
صور البنات

محدش يحط صور بنات واضحه عشان نبقي اصحاب تمام
:)

!!!دمعة حزن!!!

23-09-2008, 04:15 AM

مبروك فامبير على الاشراف

عالعاده بدخل الموضوع دا عشان اشوف اخبار الكليه
:d

اصلى هروح بعد العيد

vampire1188

23-09-2008, 04:32 AM

ربنا يخليكي يا دمعة .. ومبروك لتحويلك انتي كمان لكليتنا العزيزة

وبعدين وحياتك ماهي فارقة .. قبل عيد او بعد العيد

كله بيقضيها .. كله بيمتحن .. كله بيعدي .. كله بينجح .. كله بيتخرج .. كله بيشتغل .. كله بيعيش

الله خد .. الله جاب .. الله عليه العوض !!!!!!!!!!1

Queen_dona

23-09-2008, 05:35 AM

Shams AlhaQ

23-09-2008, 08:13 AM

بسم الله الرحمن الرحيم

نفتتح الجلسه:d

انا اول حاجه روحتها كانت صيدله مع واحده صحبتي وكده مش عارفه كان مالها دي كانت حتعيط

المهم قولتلها يالا سلام باه عشان اروح كليتي انا كمان نشوف ايه النظام

كان معايا واحده صحبتي تانيه بس زي ما تقول جايه تتفسح وكده;)ربنا يستر ومتدخلش ع الموضوع ده:d

المهم اول ما روحنا كده دخلين الكليه بقلب جامد باه ع اساس اننا داخلين

مرضوش يدخلونا عشان مكنش معانا اي حاجه المهم صحبتي قعدت تتحايل عليه عشان يدخلنا

وكان حيدخلنا قالها المصاريف كام راحت سألني عشان هي اصلا متعرفش جايه فسحه زي ما قلتلكو:d

قلتلها 450 قالتله 451 يا بنتي 450 بردو قالتله 451 وهي مصممه ع 451 المهم قالها لا عشان قفشها

قالها روحي اطبعي بطاقه ترشيح

روحنا نشوف اي حد يطبع وكده والحمدلله لقينا واحد قريب

شوفوا بأه الخطه دي;)

روحنا طبعنا نسختين هي نسخه وانا نسخه ونعمل ايه عشان ندخل

كان اراجل بتاع الامن ده حيمسكنا

راحت هي داخله من باب وانا من باب واتقابلنا جوه الكليه:d

دخلنا الكليه منعرفش اي حاجه ف اي حاجه

المهم كان معايا نمره بنت متعرفه عليها من النت^_^والله النت بينفع بردو:p

كلمتها وكده ولقيت انها في المحاضره

استنيت للمحاضره التانيه ودخلت ويارتني ما دخلت

خير اللهم اجعله خير لاقتني بدخل المدرج بقوه الدفع

المهم دخلت الحمدلله وشوفت البنت وكده

ورجعت قعدت ورا انا وصحبتي الي هي مش في تجاره اصلا

والدكتور بيشرح ولا احنا فاهمين حاجه

وقعدنا نلعب اكس واوه ونلعب في الموبايلات

المهم في نص المحاضره كده لاقينا شويه شباب رايحين للدكتور وخرجوا بره

ولقينا كل الناس الي كانت ورا تقريبا طلعوا معاهم

وكنا عايزين نقوم احنا كمان بس اتكسفنا صراحه:d

كملنا لعب وكده لحد الدكتور مخلص

وكان في محاضره تالته كمان

محضرنهاش كنا خلاص باه حنموت ونزلنا روحنا باه ع خير والحمد لله

وكل سنه وانتوا طيبين

!!!دمعة حزن!!!

23-09-2008, 08:23 AM

ههههههههههههههههه

دا انتم دماااااااااااغ

رايحين الكليه تلعبوا اكس واوى

ممكن اللعب معاكم دور:p

CoMMaNdo

23-09-2008, 09:05 AM

الف مبروك يا فامبير على الاشراف ونشوفك كدا ادارى يارب :p
بس جامدا اليوميات دى
بفكر اعمل يوميات محامى مطحون
هههههههههه

فرسان الحق

23-09-2008, 03:47 PM

الف مبروط يا فامبير على الاشراف و شكرا على ردك و بصراحه انت تستحق المنصب ده لان اسلوبك جميل و شيق

عماد العمدة

23-09-2008, 06:45 PM

هاااااااااااااى بليز يا جماعة عندى سؤال ممكن تجوبوا علية انتوا اية رايكو فى دكتور ابراهيم مرجان (رياضة) عايز اعرف اية نظامه

احمد التونسي

23-09-2008, 08:50 PM

معلش يا جماعة ايه هي اصعب مادة في اولى وبليز يا ريت اصحاب الخبرة اللي في الكلية يجوبوا
مع اطيب امنياتي للجميع بالتوفيق والتقدم

minerva

23-09-2008, 09:35 PM

الاول احب اباركلك يا فامبير ع الاشراف

وانا طبعا ما بركتلكش لله كده :p

انا بركتلك علشان تبركلى انت كمان برده :d

انا الحمد لله حولت الشعبه المميزه وطبعا ده كان احلى يوم ليا فى الجماعه

وبجد مرسى ليك يا فامبير و لعلا لان انتوا اللى عرفتونى بيها

يعنى بجد خدمه جامده موووووووووت

وعايزه اسأل الناس اللى فى الشعبه دى هما بدأو فى المنهج و لا كل ده كان تعارف يعنى

بالمناسبه انا مجموعه ( ب ) وبكره ان شاء الله اول محاضره ليا هناك فكنت عايزه اتاكد ان اول محاضره الساعه 10

ولا ايه ؟

وايه رايكوا فى الناس بتاعه الاتحاد ( اتحاد الطلاب )

انا حاسه انهم ناس محترمين اوى وبجد ناس خدومه ولا ايه رايكو ؟

وبرده ايه رايكو فى الانشطه اللى عملنها الطلاب ديه ؟

وكمان كنت عايزه اعرف ايه الاسر دى وبتعمل ايه بالظبط ؟

u4me

23-09-2008, 09:56 PM

السلام عليكم ورحمه الله وبركاته
انا عايزه اعرف هى المكاتب دى فين
وبرضه مكتبه الكليه فين
وبرضه انا مش عارفه هذاكر ازاى
(ملازم -كتب -حضور -محاضرات) بجد انا فى محتاره ومش عارفه اعمل ايه
وانا حضرت محاضره لغايه دلوقتى محاضره ومعرفتش انقل ورا الدكتور خالص

بصى انتى اطلعى من باب تجارة

وعدى الشارع العمومى

هتلاقى ممر ضيق اوى

جنب محل اسمه صبرى

بس وهتلاقى نفسك ف وسط المكتبات كلها

واستنى كام اسبوع كدا

على الملازم ما تنزل

واشترى ملازم س و ج للنظرى

وورق الدروس للعملى

وهتلاقيهم حلوين اوى

Hanoda

23-09-2008, 10:01 PM

الف الف مبروك يافامبير
بجد انتا انسان مناسب انك تكون مشرف

الف مبروك يا minerva لانك حولتي للمجموعة المميزة انا هند في المجموعة المميزة معاكي في مجموعة (ب)

وعايزه اسأل الناس اللى فى الشعبه دى هما بدأو فى المنهج و لا كل ده كان تعارف يعنى

*بصي اول يوم كان فيه 3 محاضرات بس مفيش حد دخل
*وتاني يوم خدنا محاضرة موارد د\امال شاور في البداية عرفتنا بنفسها وبعدين اديتنا مفاهيم بسيطة للمادة
ودخل د\ ناشد عبد السلام (رياضة) واقعد يرغي ويتكلم عن نفسه وخدناش حاجة
*تالت يوم انا مروحتش
*اما بقي رابع يوم كان اجازة

بس انا رايحة بكرة انشاء الله ممكن نتعرف علي بعض هناك

وبجد مرسى ليك يا فامبير و لعلا لان انتوا اللى عرفتونى بيها

يعنى بجد خدمه جامده موووووووووت

فعلا ميرسي جدا لفامبير وعلا لاني مكنتش هعرف عنها حاجة من غيرهم

بس انا عاوزة اعرف انتي حولتي امتي وازاي عشان اعرف ناس عاوزين يحولو

u4me

23-09-2008, 10:08 PM

هاااااااااااااى بليز يا جماعة عندى سؤال ممكن تجوبوا علية انتوا اية رايكو فى دكتور ابراهيم مرجان (رياضة) عايز اعرف اية نظامه

بصى هو كان المفروض هيدينى دكتورين السنة اللى فاتت

من ضمنهم الدكتور ده

بس اعتذر ومبقاش يدينا

بس شفت امتحاناته ومعلش متتخضيش بقى

بس امتحاناته بجد زباله اوى يعنى

ونظامها مختلف ومتخلف كمان

ربنا معاكى بجد

حاولى تركزى بقى معاه

vampire1188

23-09-2008, 10:10 PM

السلام عليكم ورحمه الله وبركاته
انا عايزه اعرف هى المكاتب دى فين
وبرضه مكتبه الكليه فين
وبرضه انا مش عارفه هذاكر ازاى
(ملازم -كتب -حضور -محاضرات) بجد انا فى محتاره ومش عارفه اعمل ايه
وانا حضرت محاضره لغايه دلوقتى محاضره ومعرفتش انقل ورا الدكتور خالص

بصي يا كوين .. استهدي بالله كدا وركزي معايا

طبعا انتي قريتي ردي اللي كان فيه السرد بتاع موضوع الملازم دا ..

> دلوقتي .. المكتبات دي .. هاتتلاقيها زي ما علا قاللتك كدا .. تطلعي لباب تجارة .. وتدي ضهرك ليه .. هاتتلاقي في وشك مطعم اسمه مطعم صبري .. جنبيه زقاق ضيق اوي .. خشي فيه هاتتلاقي مكتبات كتيرة جداااااااا .. شوفي المكتبة الخاصة باصدار ملازم مجموعتك فين .. وروحيلها وتعاملي بقي هناك .. بس الاول اعرفي انتي مجموعة ايه .. وايه هيا المكتبة اللي بتعمل الملازم بتاعتكوا عشان زي ماقولت قبل كدا .. لكل مجموعة من تجارة ليها مكتبة خاصة بيها .. والكلام دا كان اول تطبيق ليه من السنة اللي فاتت ..

> حكاية تذاكري ازاي دي بقي .. سيبيها على ربنا .. انتي في الاول (قبل استلام الكتب) .. هاتقضيها وتعيشي الحياة .. ماتقلقيش انتي مش في ثانوية عامة :rolleyes: .. اانتي في جامعة يعني عندك مقرر وهايخلص يعني هايخلص .. والله لو في اخر شهر !! .. انتي بعد ما الكتب تنزل ان شاء الله .. تبدأي بقي تشوفي ايه اللي ليكي واللي عليكي .. وتشوفي الدكاترة ادوا ايه في المحاضرات .. وتراجعيه كويس ..

واعملي حسابك ان المادة تتراجع اكتر من مرة .. عشان التكرار يعلم الشطار .. هااااا ؟؟؟

> بالنسبة بقي كمان لمكتبة الكلية .. بصي يا ستي

انتي عندك مكتبتبين .. والاتنين مش هاتستفيدي منهم اصلا ! ..

1- مكتبة كلية التجارة .. ودي مقرها عند سلم مدرج هـ اللي ورا (قدام كافيتريا الجلاب الجديدة) .. ودي مكتبة فقرية مافيهاش حاجة اصلا ..

2- المكتبة المركزية .. ودي طبعا صرح عظيم .. وفيها كل حاجة .. بس برده صعب انك تلاقي حاجة مفيدة فيها .. لإنها كبيرة جدا وبتاعة الناس اللي بيعملوا ماجيستير ودكتوراه ودبلومات .. وعشان برده الناس اللي مش عارفه انها مش مقتصرة على جامعة القاهرة بس .. لأ ممكن كمان اي حد من بره ييجي .. بس بتصريح طبعا ..

وللناس اللي كانت بتسأل على كيفية دخولها .. بتدخل بالكارنيه عادي .. اما الوافدين فابتدخل بالتصريح والبطاقة ..

> حكاية بقي انك تحضري ورا الدكتور وماتفهميش وماتعرفيش تنقلي .. دا شئ طبيعي في اول محاضرات لإنك لسه ماخدتيش على الجو .. معا الوقت حالك هايتظبط وهاتبقي ميه ميه ..

يالا وربنا معاكي ومعا الكل بقي ... :rolleyes:

u4me

23-09-2008, 10:11 PM

معلش يا جماعة ايه هي اصعب مادة في اولى وبليز يا ريت اصحاب الخبرة اللي في الكلية يجوبوا
مع اطيب امنياتي للجميع بالتوفيق والتقدم

متهيألى انا مشفتش اصعب م المحاسبة ف حياتى كلها

بس بعد ما خلصت اول ترم

لقيتها عبيطة اوى

وبعد كدا خدتها ف الترم التانى

ترجمتها بالانجليش كانت هبله برده

بس محاسبة الشركات ف الترم التانى

رخمة اوى فوق ما تتصور

بس انت حاول تحب محاسبة الترم الاولانى

هتحس انها رخمة بس لو فهمتها هتحبها

vampire1188

23-09-2008, 10:17 PM

معلش يا جماعة ايه هي اصعب مادة في اولى وبليز يا ريت اصحاب الخبرة اللي في الكلية يجوبوا

اها .. اسأل استشير !! .. طبعا انا مش هاقول اني خبرة .. بس من حكم قعدتي في الكلية ..

اقدر اقولك .. ان داهية سنة اولي في الترم الاول .. المحاسبة المالية

معا انها من اتفه مايمكن .. بس للاسف .. عشان اولي لسه داخلين .. فابتبقي صعبة عليهم ..

ركز على المادة دي جامد جدااااااااااا يا احمد .. وحل تطبيقاتها واكتب ورا الدكتور .. وحل كتير

وافهم .. اوعي تحفظ .. كل حاجة بالحفظ الا المحاسبة بالفهم !!

وربنا معاك

minerva

23-09-2008, 10:24 PM

مرسى ليكى يا فتوكه والحمد لله ان انتى معايا فى مجموعه ( ب )

وانا حولت النهارده

وان شاء الله نتعرف ع بعض بكره واحكيلك ازاى

وفعلا يا فامبير هما اختاروا الانسان المناسب فى المكان المناسب

وعايزه اعرف اذا كانت اول محاضره الساعه 10 ولا الساعه كام

احمد التونسي

23-09-2008, 10:26 PM

شكرا علا وشكرا فامبير شكرا على الرد واتمنى اني اكون اخوكم في الكلية وربنا معاكم ويوفقكم

احمد التونسي

23-09-2008, 10:27 PM

اه معلش نسيت مبروك فامبير على الاشراف ودايما في تقدم

vampire1188

23-09-2008, 10:37 PM

ربنا يخليك يا احمد .. دا من زوقك ..

ومرحبا بيك في قسم تجارة .. ومستنيين تفاعل اكتر ليك معانا ان شاء الله

وعايزه اعرف اذا كانت اول محاضره الساعه 10 ولا الساعه كام

والله يا منيرفا .. لو قولتلك اني عارف .. هابقي بكدب عليكي ..

بس انا لسه شايف الجدول دلوقتي بتاعكوا .. لاقيته الساعة 11 وعندكوا البشبيشي كمان تقريباً

خلي بالك من الدكتور دا كويس جدا .. عشان دا من عمالقة المحاسبة في الكلية

ومن اشهر دكاترة المحاسبة على مستوي جامعة القاهرة .. ان مكانش على مستوي مصر كلها ..

ووالله بجد مش بهزر ..الراجل دا جامد جدااااااااا .. وشرحه جميل جدا ..

بيجيب المفيد ومن الاخر ..

فعيشي حياتك معاه .. واكتبي وراه وافهمي قبل ماتكتبي ..

Hanoda

23-09-2008, 10:37 PM

اه يا minerva اول محاضرة بكرة الساعة 10 وفيه 4محاضرات
وانشاء الله نتعرف علي بعض بكرة

عماد العمدة

23-09-2008, 10:41 PM

مبروك فامبير على الاشراف معلش جت متاخرة

vampire1188

23-09-2008, 10:48 PM

مبروك فامبير على الاشراف معلش جت متاخرة

الله يبارك فيك يا عماد .. :d

>ملحوظة .. (اعذريني لعدم تقبل تأنيث كلمة "فيك" معا اني عارف انك بنت) والسبب .. عدم ملائمة الاسم لتأنيث اسم الاشارة التابع ليها ..

minerva

23-09-2008, 10:52 PM

وايه رايكوا فى الناس بتاعه الاتحاد ( اتحاد الطلاب ) ؟انا حاسه انهم ناس محترمين اوى وبجد ناس خدومه ولا ايه رايكو

وكمان كنت عايزه اعرف ايه الاسر دى وبتعمل ايه بالظبط ؟

يا ريت يا جماعه تردوا ع الاسئله دى لان فى ناس عايزانى اشترك معاهم بس طبعا انا معرفش

حاجه عنهم ولا عن نشاطهم

wanda

23-09-2008, 10:58 PM

dr.zomba

23-09-2008, 11:47 PM

سؤال يا فامبير باشا:rolleyes:

بالنسبه للمجموعة المميزه عايز معلومات عنها بعد اذنك

وعايز اعرف انا اقدر ادخلها ولا ايه الظروف مع العلم اني انتساب

وربنا انا عارف اني تعبك معايا بس معلش بقي الجهل وحش:d

vampire1188

24-09-2008, 12:08 AM

اهلين دكتور زومبا .. منور الموضوع بأسئلتك

وبعدين ايه تاعبك معايا دي ؟ .. مانتا لو تاعبني مكانتش وصلت للي انا فيه دلوقتي!!

اهوا المهم .. بص يا مان .. الكلام اللي هاقولهولك دا انا سائل فيه دكتور هشام سيد بنفسي وجها لوجه ..

> المجموعة المميزة تقدر تحولها السنة الجايه او اللي بعدها لغاية سنة تالته اذا جيبت تقدير جيد جدا وصافي ..

اما السنة دي فمش هاينفع .. لإن مجموعك اعتقد انه لا يسمح بالالتحاق بيها ..

> بالنسبة للمعلومات اللي عنها بقي ..

1- المجموعة غالبا ما بتتشكل من 200 طالب .. بيدرسولهم دكاترة من احسن مايمكن .. (شوف جدولهم واحكم)

2- اماكن محاضراتهم بتبقي في مبني الشعبة الانجليزية ( fces ) ..

3- بيبقي ليهم الاولوية دائما في التدريبات في كبري الشركات خلال الاجازة الصيفية ..

4- شرط الاستمرار فيها انك تفضل تجيب جيد جدا كل سنة .. لو فضلت على هذا المنوال كل سنة لغاية سنة رابعة .. هايتكتبلك في شهادة التخرج (مجموعة مميزة) .. ودي طبعا شرف ليك في اي حتة تقدم فيها شغل ..

dr.zomba

24-09-2008, 12:41 AM

طب ومصاريفها اعلي من انتساب ولا اقل ولا ايه نظامها؟

Queen_dona

24-09-2008, 12:57 AM

ميرسي ليكم يا علا وفامبير وربنا يكرمكم زى ما بتساعدونا

vampire1188

24-09-2008, 12:59 AM

طب ومصاريفها اعلي من انتساب ولا اقل ولا ايه نظامها؟

لأ هيا المجموعة اساسا تعتبر تندرج تحت المجموعات النظامية ..

بالتالي اعتقد ان مصاريفها هاتبقي زيها زي انتظام ..

بس انا سمعت طراطيش كلام قبل كدا انهم بيم اعفائهم من دفع حاجة من دول (المصاريف الدراسية او الكتب)

على العموم هابقي اسألك في الشئون واتأكدلك واجيبلك الخبر اليقين ..

وبرده احنا معانا هنا في القسم هند ومنيرفا في المجموعة المميزة .. يقدروا يسدوا معاك في الحكاية دي اوي

وربنا يوفقنا جميعا

minerva

24-09-2008, 04:52 PM

هو انا مش عارفه بصراحه:mellow: محدش قالنا حاجه زى كده

بس انا دفعت المصاريف بتاعت الكليه عادى يعنى وهى مصروفات النظامى مش اكتر و لاحاجه

بس الكتب قالولنا بعد العيد ان شاء الله

ويا فامبير عايزه اسألك على حكايه اتحاد الطلاب ده هما ايه نظامهم ؟

وهى الجمعيه العلميه ديه تبعهم ولا لأ

وهل اشترك معاهم ولا تعطيل على الفاضى

dr.zomba

24-09-2008, 04:59 PM

لأ هيا المجموعة اساسا تعتبر تندرج تحت المجموعات النظامية ..

بالتالي اعتقد ان مصاريفها هاتبقي زيها زي انتظام ..

بس انا سمعت طراطيش كلام قبل كدا انهم بيم اعفائهم من دفع حاجة من دول (المصاريف الدراسية او الكتب)

على العموم هابقي اسألك في الشئون واتأكدلك واجيبلك الخبر اليقين ..

وبرده احنا معانا هنا في القسم هند ومنيرفا في المجموعة المميزة .. يقدروا يسدوا معاك في الحكاية دي اوي

وربنا يوفقنا جميعا

شكرا يا باشا جزاك الله كل خير وربنا يوفقك :)

هو انا مش عارفه بصراحه:mellow: محدش قالنا حاجه زى كده

بس انا دفعت المصاريف بتاعت الكليه عادى يعنى وهى مصروفات النظامى مش اكتر و لاحاجه

بس الكتب قالولنا بعد العيد ان شاء الله

ويا فامبير عايزه اسألك على حكايه اتحاد الطلاب ده هما ايه نظامهم ؟

وهى الجمعيه العلميه ديه تبعهم ولا لأ

وهل اشترك معاهم ولا تعطيل على الفاضى

شكرا يا منيرفا وربنا يوفقك ان شاء الله

فرسان الحق

24-09-2008, 05:52 PM

انا عايزة اسئل عن الجمعيه العلمية

ايه لزمتها واية نشاطهاااااااااااااااااااااااااااااااااا

اصل اخويا كان مش مشترك فيها بس كان بيستفاد منها

فانهى احسن ... لو مش ليها لزمة مش هشترك فى اى حاجة تانيه

ولا حتى الجواله طلعت بايخة :d
حاسبى يا واندا ده الجواله دى رائعه كفايه انك هتعملى معسكرات و رحلات شبابيه كشافه و هتطلى رحله للاقصر و اسوان فى الشتاء و هتتعرفى على صديقات كتير اوى هناك و هتغنوا فى الجواله و هيقلوا لكم اغانى جميله قوى زى الفار السندق و اغانى حلوه كتير زيه تغنوها و تعملوا حفلات يعنى من اخرها الجوالعه دى جامده
انا بائذن الله هشترك فى الصحافه و الجواله و التايكوندو و هشترك فى الجيم
هى ايه الجمعيه العلميه دى ؟

احمد التونسي

24-09-2008, 07:44 PM

يا جماعة بليز بعد اذنكم لو حد يعرف ملفات الشهادة المعادلة هتوصل امتى للكلية انا كل يوم بروح اسأل شوية يقولي بكره وشوية يقولي الاسبوع اللي جاي بليز لوحد ممكن يعرفلي يا ريت يرد عليا

vampire1188

24-09-2008, 09:29 PM

ويا فامبير عايزه اسألك على حكايه اتحاد الطلاب ده هما ايه نظامهم ؟

وهى الجمعيه العلميه ديه تبعهم ولا لأ

وهل اشترك معاهم ولا تعطيل على الفاضى

والله يا منيرفا .. اتحاد الطلبة دا معمول للناس الفاضية بتاعة الانشطة اللي عايزين يعملولهم منظر في الكلية

> اتحاد الطلبة عبارة عن .. ان شوية ناس بتبقي تبع الاتحاد دا .. ليهم انشطة في مجالات معينة ادارة الكلية بتكون سامحالهم بالانشطة دي ..

دا الشكل الخارجي للاتحاد .. اما حقيقة الاتحاد بقي .. فهوا ان كل واحد بيوصل التاني .. خاصة في قيادة الاتحاد ذات نفسه .. بمعني مثلا ان انا لو كنت ماسك الاشراف الرياضي .. واخويا او ابن خالتي كان حظه انه دخل السنة دي في اولي .. اقوم انا مدخله الاتحاد .. وشوية همبكة على شوية حوارات فاشلة .. اقوم موصلة لفوق .. وهكذااااااااااا

عشان كدا انا نفسي مابعترفش باتحاد الطلبة دا .. لإنه شايف انه مالوش لازمة في الكلية عندنا .. مجرد حاجة كدا شكلية

انتوا لسه في اولي .. فا معميين بشوية الحاجات اللي بيعرضوهالكوا وشوية الانشطة العادية اللي بيقدموها

غير انكوا لسه داخلين الدراسة حاميين اوي .. وعايزين بقي تعيشوا في دور الشباب المكافح اللي ليه انشطة في كل حتة وكل واحد عايز يحصل على لقب الطالب الاكثر شعبية !!

كله كلام في الهوا .. وعلى فكرة بسبب اتحاد الطلبة دا بتحصل مشاكل كتيرة جدا

بسبب ان ادارة الكلية بتبقي معترفة بالاتحاد .. اما جماعة منشقة زي بتاعة الاخوان معا نفسها كدا .. ماتعترفش بيه

وتقوم خناقات بقي واعتصامات وبلاوي منيلة من الحاجات دي .. وفي الاخر يقرروا انهم يعمولوا اتحاد طلبة موازي !!

طب والنبي انا امشي تبع مين كطالب ؟! .. اخوان موازي نوعا ما صح ؟ .. ولا اتحاد طلبة قانوني اهبل ؟!!!!

عشان كدا انا عن نفسي بنفض لدا كله .. انا اخليني في مذاكرتي وخلاص ..

انا كل همي اني اجيب تقدير وانجح واعدي .. لإني قدامي لسه مستقبل الله اعلم بيه !

ولاحظي ان اللي كتبته دا كله .. رأي شخصي .. يقبل النقاش ..

> اما بالنسبة بقي للجمعية العلمية .. فدي انتي ممكن تشتركي فيها وممكن لأ ..

بس زي ماقولتلك قبل كدا .. انتي همك تحافظي على تقدير الجيد جدا بتاعك عشان تفضلي في المميزة اللي انتي فيها

فا صعب انك توازي مابين نشاط في الكلية .. ونشاط في المذاكرة .. (صاحب البالين كداب) ..

بس انتي ممكن تستفيدي بخدمات الجمعية العلمية .. والخدمات دي بتبقي متاحة للكل .. ودي ميزة الجمعية بقي

وبعدين من المتعارف عليه .. ان اهم حاجة الجمعية بتقدمها هيا حكاية شهادة الـ icdl دي ..

اما باقي الانشطة بقي فابتتلخص في شوية كورسات لغات عادية جدا .. يعني لاتفيد ولا تغني ..

انتي عايزالك قعدة على فكرة !! .. لإن المشكلة اني هابدأ الخبط في الرد واخرج من حاجات وادخلك من حاجات ..

بس انا جاوبت على سؤالك .. ويارب اكون افدتك

vampire1188

24-09-2008, 09:33 PM

يا جماعة بليز بعد اذنكم لو حد يعرف ملفات الشهادة المعادلة هتوصل امتى للكلية انا كل يوم بروح اسأل شوية يقولي بكره وشوية يقولي الاسبوع اللي جاي بليز لوحد ممكن يعرفلي يا ريت يرد عليا

على فكرة يا احمد ..

انا فعلا روحت النهارده وسألت في شئون الطلبة .. وعملوا معايا زي ماعملوا معاك بالظبط !!

عشان كدا مشيت ونفضت .. بس تنفيضي كان بسبب الزحمة مش اكتر

اما الزحمة تهدي شوية هابقي اروح واسأل تاني ان شاء الله ..

وعلى الله الاقي جواب مفيد بقي :rolleyes:

wanda

24-09-2008, 11:15 PM

حاسبى يا واندا ده الجواله دى رائعه كفايه انك هتعملى معسكرات و رحلات شبابيه كشافه و هتطلى رحله للاقصر و اسوان فى الشتاء و هتتعرفى على صديقات كتير اوى هناك و هتغنوا فى الجواله و هيقلوا لكم اغانى جميله قوى زى الفار السندق و اغانى حلوه كتير زيه تغنوها و تعملوا حفلات يعنى من اخرها الجوالعه دى جامده
انا بائذن الله هشترك فى الصحافه و الجواله و التايكوندو و هشترك فى الجيم
هى ايه الجمعيه العلميه دى ؟

ما انا عارفه الحوارات الفاشله دية كونت فيها اصلا بس منفردة كشافة لوحدها
ومعسكرات لوحدها والاغانى الـ... بتاعتهم ديه فمش طلبها لانى تعبت فيها جامد
وهتاخد كل وقتى انا كونت عايزة اشترك فى رياضة اى رياضة بس تكون بالمضرب
او فيها كورة وخلاص بس المضرب الاول:d اشترك ازاى وعن طريق ايه ؟؟!!

والصحافه كونت هتاخد امن دولة فبلاش اتكتم انا احسن اصحى القى نفسى مش فى بيتنا فى المعتقل:eek:

منتظرة اجابتك يا فامبير:rolleyes:

vampire1188

24-09-2008, 11:17 PM

اجابة ايه يا واندا ؟! ..

هوا انتي بعد الشر بعد الشر بعد الشر يعني .. سألتي وانا ماجاوبتش ؟!!!

the_guilty

24-09-2008, 11:24 PM

بقوللك ايه يا فامبير لو سمحت تقولى اذاكر منين فى تجارة انجليزى اصل الصراحة الكتب مليانة اوى واول مشوفتها اترعبت وهل

لما اخد درس هيساعدنى كويس مستنى ردك يا باشا

vampire1188

24-09-2008, 11:29 PM

لا انتوا الكتب عندكوا فعلا حاجة لا تطاق ..

بس بص .. انتوا غالبا بيبقي ليكوا مكتبة بره .. حاول تعرف انتا مكتبك ايه واتطقس كدا وشوف

تذاكر منين .. من المحاضرة يا معلم ..

لإن انتا حاليا .. الكتاب عندك هايسببلك مشكلة .. بسبب انك لسه ماتعرفش التعاريف بالانجلش

خاصة في المحاسبة .. ماتعرفش ال revenues من ال assets من ال journal entries

اي نعم انتا هاتاخد على الحاجات دي بس بعد مايطلع روحك ..

والكل على فكرة بيطلع روحه .. مش انتا لوحدك اللي هايطلع روحك يعني

وبعدين دي ضريبة تجارة انجلش .. خليك معا الدكتور والمحاضرة والكتاب ..

وانتا ان شاء الله هاتبقي بيس .. ولو مثلا فيه توبيك معين انتا مش فاهمة او مش واضح

انزل للدكتور واسأله .. ولو زنقت معاك روح لمكتبه .. عادي يعني

بالنسبة للدروس بقي .. اه هاتساعدك طبعا .. لإنها بتبقي مركزة ومكثفة

وبيمرنك على الامتحان على طول .. مش بيقعد يرغي زي الدكتور

بس مشكلتكوا انها عندكوا هاتبقي غالية .. فانتا ونصيبك بقي

wanda

24-09-2008, 11:42 PM

انا كونت عايزة اشترك فى رياضة اى رياضة بس تكون بالمضرب
او فيها كورة وخلاص بس المضرب الاول:d اشترك ازاى وعن طريق ايه ؟؟!!

على فكرة انا سئلت وانت ماخدتش بالك جاوب بقى

فرسان الحق

25-09-2008, 01:12 AM

ما انا عارفه الحوارات الفاشله دية كونت فيها اصلا بس منفردة كشافة لوحدها
ومعسكرات لوحدها والاغانى الـ... بتاعتهم ديه فمش طلبها لانى تعبت فيها جامد
وهتاخد كل وقتى انا كونت عايزة اشترك فى رياضة اى رياضة بس تكون بالمضرب
او فيها كورة وخلاص بس المضرب الاول:d اشترك ازاى وعن طريق ايه ؟؟!!

والصحافه كونت هتاخد امن دولة فبلاش اتكتم انا احسن اصحى القى نفسى مش فى بيتنا فى المعتقل:eek:

منتظرة اجابتك يا فامبير:rolleyes:
الجواله غير الكشافه بتاعت المدارس دى خالص و الصحافه هيخدوكى امن دوله ليه يعنى هو انتى تبع اى تيار علشان تروحى امن الدول الصحافه بتحسن الشخصيه و بتعرفك ازاى تعبرى عن رايك بحريه و من غير ما تتعرضى لحد

فرسان الحق

25-09-2008, 01:15 AM

انا كونت عايزة اشترك فى رياضة اى رياضة بس تكون بالمضرب
او فيها كورة وخلاص بس المضرب الاول:d اشترك ازاى وعن طريق ايه ؟؟!!

على فكرة انا سئلت وانت ماخدتش بالك جاوب بقى
رو حى شؤن الطلبه

!!!دمعة حزن!!!

25-09-2008, 01:55 AM

هتطلى رحله للاقصر و اسوان فى الشتاء

:rolleyes:
معلش اصل لاقيت اسم بلدى

قولت اخليه ينور الصفحه مرتين:p

على فكره اسوان تحفه فى الشتاء

فرسان الحق

25-09-2008, 06:32 PM

:rolleyes:

معلش اصل لاقيت اسم بلدى

قولت اخليه ينور الصفحه مرتين:p

على فكره اسوان تحفه فى الشتاء

الاقصر و اسوان فى الشتاء الناس بتجيلها من انحاء العالم لوعتها و دفئ طقسها فى الشتاء و منظر النيل هناك رائع ده غير معابدها

vampire1188

25-09-2008, 09:52 PM

انا كونت عايزة اشترك فى رياضة اى رياضة بس تكون بالمضرب
او فيها كورة وخلاص بس المضرب الاول:d اشترك ازاى وعن طريق ايه ؟؟!!

على فكرة انا سئلت وانت ماخدتش بالك جاوب بقى

ياااااااااه فكرتيني باللذي مضى .. الواحد كان بيبدع في التنس وربنا

بس يالا بقي .. رجلي جت قضت على كل الاحلام :(

عموما سوري بقي لو ماكونتش خدت بالي

مانتي عارفه مشاغل اليومين دول ;)

اهو المهم .. بصي يا ستي

انتي فيه عندك الجوالة .. واتحاد الطلبة .. دول المصدرين الاساسيين في الانشطة في الكلية عندنا

> اتحاد الطلبة هاتتلاقيه في الكشك الملون اللي قدام مدرج جـ و د ..

> الجوالة .. هاتتلاقيها في المبني بتاع مدرج جـ و د برده .. انتي بس هاتطلعي السلم في الدور التاني وتسألي عليهم .. وتعيشي حياتك هناك

تشتركي ازاي ؟ .. هاتروحي الاول تسألي عن الانشطة اللي بيقدموها .. عشان ساعات بيحطوا قيود ممكن ماتعجبكيش .. زي حكاية مواعيد المسابقات .. بتبقي غصب واقتدار :mad: ..

لو عجبتك بقي حكاية الجوالة او الاتحاد دا .. بتقوليلهم انا عايزة اشترك .. وهما هايتعاملوا بقي

بس نصيحة لوجه الله .. فكك من الكلام دا كله ..

انا مش بحبطك والله .. بس انا كان قدامي الكلام دا .. ونفضتله

عشان عارف ان ورايا هم تاني وهوا المذاكرة والمحاضرات ..

واعرفي .. ان هدفك الاسمي والاول في الكلية .. التقدير ثم التقدير ثم التقدير

الانشطة الجانبية دي ماهي الا مضيعة للوقت بس مضيعة مفيدة

لو هاتعرفي توفقي مابين نشاطك و مذاكرتك ومحاضراتك .. اشتركي

مش هاتعرفي .. خليكي معا صحابك ومحاضراتك وبس :)

wanda

25-09-2008, 10:24 PM

هو انا مش عايزة انشطة

ومش عايزة ارجع للنادى اللى كونت بلعب فية تنس ارضى تانى

لانه بعيد وبصراحة بقيت كل اما اطلع السلم بنهج

فقولت ارجع تانى بقالى حوالى 6 سنين مش بلعب :d

هو تقريبا مفيش فخلاص بقى

وشكررا على التوضيح

vampire1188

25-09-2008, 10:27 PM

لا نصيحة اخوية بقي ..

عايزة ترجعي للعب تاني .. انتي ترجعي للنادي اللي كنتي بتلعبي فيه

عشان يعملك اعداد لياقة تااااني من اول وجديد ..

لكن كإشتراك في انشطة الكلية .. اعتقد انه صعب .. لإنهم عايزين ناس جاهزة

وربنا معا الكل ،،،،

vampire1188

25-09-2008, 10:44 PM

المهم بقي يا جماعة .. نرجع ليومياتنا تاني :d

النهارده كنت واصل الجامعة على الساعة 10 وربع كدا

المفروض ان كان عندي محاضرة في سنة اولي .. على الساعة 11

روحت المدرج لاقيته مفتوح .. الاقي الناس بتقولي المحاضرة الاولانية الدكتور مجاش

قولت خير وبركة .. روحت الشئون عشان ادفع المصاريف الاقيهم يقوليلي لأ دايوم البنات

قولت مش خير ومش بركه :( ..

شوية ودخلت مدرج د .. طبعا مافيهوش خرم ابرة الواحد يقعد فيه ..

بعد كدا دكتور العطار دخل (بتاع محاسبة) .. ولحسن حظي .. لمحت ناس صحابي حاضرين .. بس وقعوا السنة اللي فاتت بمعني اصح عادوا السنة يعني ..

طبعا بما ان مافيش مكان اقعد فيه .. وبما ان الدكتور كان بيقول شوية كلام نظري ولا ليه اي قيمة ولا ليه لازمة

لإن انا المحاسبة عندي بتبدأ من اول التسويات الجردية .. وبما ان معظم الناس اللي هاتقرا كلامي دا من سنة اولي ومش عارفه ايه هيا التسويات الجردية .. فهاسيبني من الحكاية دي .. واقلب على اللي بعده !! ;)

المهم روحت قعدت معا صحابي ورا .. مقضينها موبايلات وحركات .. طبعا لإن المحاضرة بالنسبالي ولا ليها لازمة

ولعلمكوا .. كل الكلام اللي في الاول دا هجس .. ومابيجيش في الامتحان

شوية بقي .. والمحاضرة خلصت .. استنيت شوية لغاية ماميعاد محاضراتي الاساسي جيه .. اللي هوا معا تانية يعني

حضرت اول محاضرة .. دكتورة بارده برود الدنيا والاخرة .. فقعت مرارتي .. اسمها هناء .. مش فاكر هناء ايه كمان !!

وبعد كدا دكتور شركات المساهمة دخلنا .. بس كان راجل برنس .. ميه ميه .. يفهم اللي مايفهمش !

خلصت المحاضرة .. وطلعت برا .. غسلت وشي .. وروحت عشان اسأل على رعاية الشباب في حاجة كدا .. لاقيته مقفول لإن ساعتها كانت الساعة حوالي 3 .. فقولت لأ انا اروح بقي ..

وبكد انتهي اليوم .. بس مش عارف حاسس اني ماستفدتش بحاجة في اليوم دا ليه :rolleyes: !!

wanda

25-09-2008, 11:13 PM

نرجع ليوميتنا

انا النهارده صحيت متاخر واساسا مكونتش جاية بس افتكرت انى

عندى رياضة ومحاسبه فلازم انزل جبت هدمى من الشمعة مفيش وقت اكوى حاجة

ولبست على طول ونزلت وطبعا نسيت مليون حاجة الشبابيك مفتوحة

والباب فية المفتاح يووووووووووة كتيرر ..

المهم نزلت من بيتنا ورحت علشان اركب المترو القى تانى حاجة رخمة

ادخل التذكرة ومعرفش اعدى ال ايه المكنه عطلانه وعليها علامة صح

اتنيلت اتاخرت زيادة كانت بالظبط 10 الا ربع

المهم بعد كل البهدلة ديه روحت ملقتش فية محاضرة اصلا

الدكتور مجاش ومفيش مكان الواحد يقعد فيه المهم لقيت اتنين ولاد حلال قاعدين وجمبهم مكان فاضى

تعبتهم معايا اووى قولتله بعد ازنك ممكن بس تعدينى اقعد فى المكان الفاضى ده دخلت وقعدت فى بنات قاموا صحابى جم قعدوا مكانهم

والدوشة بقى والموبيلات شغاله على ودنه دماغى صدعت وتعبت ..

المه ابتديت المحاضرة التانيه ودخل الدكتور وكانت محاسبة مفهمتش ببصله اى حاجة

وكل شويه يقول الاصول ويكلمنا انجلش بطريقه غيربه كده ال ايه بيعدنا للترم التانى

ما علينا قعدت اركز معاه انى افهم لا يمكن مفهمتش كتبت وراة اللى تقريبا مقلش حاجة منه

وتقريبا فى ولد فى اخر المدرج عمل حاجة ايه هى اللى اعلم مركزتش

سحب منه بطاقة التشريح وشكلة هيشيل المادة

ربنا يستر علينا .. خلصت المحاضرة والقيلك الزحمة ايه امم استاذ القاهرة الدولى :d

المهم خفت الزحمة شويه ونزلت روحت اداب اى لواحدة صحبتى حاجة وبعديها على طول اروح

وفى الطريق كل شوية اتكعبل فى ناس تجارة يمكن ناس لزقة متعرفوش

الشعب كلة تجارة بردو...

بخصوصك بقا يا فامبير فالمواعيد مكتوبة عند الشئون

السبت والاتنين والاربعاء للبنين

الاحد والثلاثاء والخميس بنات :d

vampire1188

25-09-2008, 11:23 PM

والله العظيم ماشوفتها يا واندا !! انا اي نعم كنت عارف الحوار دا من السنة اللي فاتت لإنهم كانوا مطبقينه حكاية الفصل مابين الولاد والبنات دي .. بس ماجاتش في بالي ساعتها .. عموما كدا كدا هوا قالي تعالي يوم السبت .. بس طبعا هاروح بعد العيد بقي ان شاء الله :rolleyes: !!

رونالدينهوو

25-09-2008, 11:39 PM

هوا كل كليات التجارة على مستوى الجمهورية ولا الدكتور ايجى ولا لقينا محضرات انا كان عندى نفس الحكاية انهارده روحت وزى ما روحت رجعت ومخدتش حاجة وملقيتش فى محاضرات لان كان مكتوب فى الجدول من3الى5ومين اللى هيروح 3 ويرجع 5 روحت 9الصبح وريحت نفسى بس اليوم كان متعب شوية

minerva

26-09-2008, 01:54 AM

انا بقى النهارده الحمد لله كنت اجازه :d

وصحيت من النوم الساعه 12 :p

وقعدنا نعمل كحك العيد بقى طول اليوم بالنهار :p

وباليل اعدت ارغى فى التليفون مع اصحابى بتوع ثانوى وحكينا لبعض ايه اللى حصل من يوم السبت لحد النهارده

ومن شويه كده قمت علشان انقل المحاضرات بخط حلو شويه بدل الهليغوريفى اللى كنت كتبه بيه ده

بس وقررت اقضى بقيت الليل هنا :d

u4me

26-09-2008, 02:05 AM

يا عينى عليكوا كلكوا

انتوا لسه بتروحوا الجامعه

انا بقى مريحه ع الاخر

رحتلى يومين كدا بالعدد

عرفت ايه نظام الدكاترة

ويعتبر اغمى عليا لما روحت البيت

وحلفت انى مش نازلة تانى قبل العيد

ابقى انزل على رواقه بقى بعد كدا

vampire1188

26-09-2008, 02:11 AM

ايه دا مييييييين ؟

علا هنا ؟! .. يا مرحبا يا مرحبا

منورة القسم يا علا .. ومنورة الجامعة برده اللي مابتروحيهاش اصلا

شكلك هاتشيلي الليلة باذن الله

اه على فكرة .. انا سمعت ان احمد الصباغ دخلكوا في المساهمة وشرح جامد

ابقي شوفي ايه نظامه دا .. عشان احنا برده على فهمي مظبطنا جامد فيها

u4me

26-09-2008, 02:53 AM

ايه ده يا فامباير يا بن فمبرارا باشا

انا سايباك تنور المنتدى كله

ومردتش اغطى على نورك

المهم انت سمعت من مين

انه شرح جامد عندنا

ومتأكد من كدا ولا لأ؟؟؟؟

يا خراشى انا مبفهمش محاسبة

وكمان مش هكون حضرت اولها

وحرام عليك يا فامباير

يعنى انا عايزة اعرفك بس

انى عمرى ما حضرت محاضرة السنة اللى فاتت

ومع ذلك مشلتش الليله ولا حاجة

ولما شلت القانون كان بمزاجى

عشان كان ليا هدف ف انى اشيل مادة

ونقيت اهبل مادة يعنى

عشان اعرف اطلع منها

تقوم بعد كل ده تقولى هشيل الليله

حرااااااااااام عليك

vampire1188

26-09-2008, 02:57 AM

خلاص خلاص احنا هانسيح لبعض قدام الناس؟! ..

عموما فيه ناس اعرفهم عندك في المجموعة .. قالولي انه دخلكوا

ووصل للاسهم العادية والممتازة .. وتأثير الاسهم على الميزانية

بدأ يخش جوا المنهج تقريبا ..

بس عادي .. ماحنا على فهمي نفس النظام برده .. ماشي معاه يعتبر

u4me

26-09-2008, 03:09 AM

طب ما فى كدا مشكلة برده

ان عندى الحد محاسبة

وانا مش هقدر انزل تانى الجامعه

الا اذا فطرت بقى

ده انا كنت ناوية انتظم السنادى واحضر المحاسبة

تقوم تضيع منى كدا

وانا مش بفهم حاجة من ملازم برا

غير ورق الدروس ولسه بدرى عليه

قولى انت بقى افهمها منين دى؟؟؟؟؟؟

vampire1188

26-09-2008, 03:12 AM

عيب عليكي .. انا اللي هاقولك برده .. داحنا ولاد سنة واحده !!

عموما .. انا عن نفسي بذاكرها من ورق الدروس والمحاضرات

غير كدا .. مابعرفش اذاكر .. الكتاب ساعات بقلب فيه

بس عشان اعرف ايه اللي ملغي والمقرر ..

وبرده عشان احل الكام مسألة اللي الدكتور بيحل فيهم اثناء المحاضرة

براجع على المسائل بمعني اصح

باجي على الاخر بقي .. بمسك التطبيقات اطحنها حل

لغاية مالياقة المحاسبة ترجعلي تاني ..

انا اصلا حاليا بحاول استرجع لياقة المحاسبة المالية والشركات بتاعة اولي

عشان اما اخش على المساهمة .. اكلها اكل كدا !!

معلش اصلي جعان بقي ...

u4me

26-09-2008, 03:20 AM

ما انا فاهمه يا ابنى

حتى قلتلك كمان

انى مش بعرف اذاكر غير من ورق الدروس

ولسه بدرى عليه

يعنى مش هعرف اركز فيها خالص

لحد ما الورق ده ينزل

ما تشرحهالى يا ابنى

لو انت حضرتها وفهمتها

هو احنا مش دفعة وحدة ولا ايه؟؟؟؟؟؟؟؟

خليك جنتل يعنى

vampire1188

26-09-2008, 04:11 AM

ياستي بسيطة وسهلة يعني هيا جت في جمل؟! .. بصي ياستي

الدكتور دخل وقال يا جماعة ان فيه حاجة اسمها اسهم .. الاسهم دي بتمثل حصة كل شريك في الشركة المساهمة دي ..

اقعد بقي يقسملنا الاسهم دي .. لحوالي 4 اقسام ..

1- من حيث مدى الحقوق المرتبطة بالسهم : ودي نوعين :

> السهم العادي : بيبقي له حق التصويت ، المشاركة في الارباح ، حق المتبقي من اصول التصفية

> السهم الممتاز : هوا هوا السهم العادي بس بيبقاله افضلية عند توزيع الارباح والتصفية في الاخر خالص ..

2- من حيث القيمة الاسمية : ودي نوعين هيا كمان :

> ذات قيمة اسمية : ودي بتحدد قيمتها بمبلغ معين بيبقي مطبوع على شهاجة السهم نفسه (وبيقولك القانون حدد حد ادني 5 جنيه للسهم وحد اقصي 1000جنيه للسهم)

> بدون قيمة اسميه : ودي بتصدرها الشركات بدون قيمة ..

3- من حيث ملكيتها وطريقة تداولها : ودي نوعين :

> اسهم اسمية : يسجل اسم صاحبها عليها (غير واقعية ومابقتش تحصل اصلا)

> اسهم لحاملها فقط : ودي لا يسجل اسم المساهم عليها ولكن بتنتقل ملكيتها بالتسليم فقط ..

4- من حيث طبيعة الحصة المقابلة للسهم : نوعين :

> نقدية : يعني راس مال نقدي .. فلوس من الاخر ..

> عينية : ودي في صورة اصول .. مش فلوس .. زي اراضي مباني كدا يعني ..

بس كدا .. كلام بسيط وسهل وحلو .. الله اعلم بقي اللي جاي هيابقي شكله ايه ؟!!!

u4me

26-09-2008, 05:05 PM

لأ خير ان شاء الله يا فامباير

انا قربت افهمها الحمد لله

معلش تعباك معايا كدا

استحملنى بقى

المهم

هو انت خدته ف انتساب

هو برده اللى اتشرح عندنا ف انتظام

ولو هتقل عليك شويتين يعنى

ممكن تبقى تقولى المحاضرة الجاية

زى دى كدا

لو هى هى اللى الدكتور هيشرحهالنا

vampire1188

26-09-2008, 09:59 PM

والله انا مش عارف .. هوا اكيد وشئ طبيعي ان المنهج واحد

بس الشرح والمقرر اللي بيديه الدكتور هوا اللي بيختلف زي مانتي عارفه

ربنا معانا بقي في المادة الخنيقة دي ..

احمد التونسي

27-09-2008, 01:42 PM

ربنا معاكم يا فامبير بس انا خلاص اتخنقت من الكلية والجامعة كل يوم اجي تعبان ونام لحد الفطار ومش عارف اي حد هناك يعني بروح احضر واجي اروح البيت على هذا المنوال نفسي اعمل حاجة مفيدة غير كل ده

mostafa_music

27-09-2008, 03:18 PM

النهارده بقى كان يوم التذنيب لسنه اولى (ز)
فضلنا واقفين على باب مدرج ج و د والراجل الى هناك بتاع الحرس واقف على الباب ومش عايز يدخل حد
ليه؟؟
علشان فى مجموعه جوه بتحضر لغايه الساعه واحده
المفروض كان الدكتور يخلص واحد الا عشره.. الا خمسه دا لو طول
لا دا حنا فضلنا واقفين من الساعه 12:30 لغايه 1:10 علشان يدخلونا
حاجه تقرف

ahmedovich

27-09-2008, 06:13 PM

:)المهم بقي يا جماعة .. نرجع ليومياتنا تاني :d

النهارده كنت واصل الجامعة على الساعة 10 وربع كدا

المفروض ان كان عندي محاضرة في سنة اولي .. على الساعة 11

روحت المدرج لاقيته مفتوح .. الاقي الناس بتقولي المحاضرة الاولانية الدكتور مجاش

قولت خير وبركة .. روحت الشئون عشان ادفع المصاريف الاقيهم يقوليلي لأ دايوم البنات

قولت مش خير ومش بركه :( ..

شوية ودخلت مدرج د .. طبعا مافيهوش خرم ابرة الواحد يقعد فيه ..

بعد كدا دكتور العطار دخل (بتاع محاسبة) .. ولحسن حظي .. لمحت ناس صحابي حاضرين .. بس وقعوا السنة اللي فاتت بمعني اصح عادوا السنة يعني ..

طبعا بما ان مافيش مكان اقعد فيه .. وبما ان الدكتور كان بيقول شوية كلام نظري ولا ليه اي قيمة ولا ليه لازمة

لإن انا المحاسبة عندي بتبدأ من اول التسويات الجردية .. وبما ان معظم الناس اللي هاتقرا كلامي دا من سنة اولي ومش عارفه ايه هيا التسويات الجردية .. فهاسيبني من الحكاية دي .. واقلب على اللي بعده !! ;)

المهم روحت قعدت معا صحابي ورا .. مقضينها موبايلات وحركات .. طبعا لإن المحاضرة بالنسبالي ولا ليها لازمة

ولعلمكوا .. كل الكلام اللي في الاول دا هجس .. ومابيجيش في الامتحان

شوية بقي .. والمحاضرة خلصت .. استنيت شوية لغاية ماميعاد محاضراتي الاساسي جيه .. اللي هوا معا تانية يعني

حضرت اول محاضرة .. دكتورة بارده برود الدنيا والاخرة .. فقعت مرارتي .. اسمها هناء .. مش فاكر هناء ايه كمان !!

وبعد كدا دكتور شركات المساهمة دخلنا .. بس كان راجل برنس .. ميه ميه .. يفهم اللي مايفهمش !

خلصت المحاضرة .. وطلعت برا .. غسلت وشي .. وروحت عشان اسأل على رعاية الشباب في حاجة كدا .. لاقيته مقفول لإن ساعتها كانت الساعة حوالي 3 .. فقولت لأ انا اروح بقي ..

وبكد انتهي اليوم .. بس مش عارف حاسس اني ماستفدتش بحاجة في اليوم دا ليه :rolleyes: !!
مافيش على لسانك غير الامتياز والجيد جدا والمجموعه المتميزه والنصائح وانت شايل مواد من سنه اولى !!!!

u4me

27-09-2008, 07:22 PM

والله انا مش عارف .. هوا اكيد وشئ طبيعي ان المنهج واحد

بس الشرح والمقرر اللي بيديه الدكتور هوا اللي بيختلف زي مانتي عارفه

ربنا معانا بقي في المادة الخنيقة دي ..

ما انا فاهمه ان المنهج واحد

بس ممكن الدكتور يشرح حاجة عندك

والدكتور بتاعى يشرحلنا حاجة تانية

طب بص

هو انت ممكن تكتبلى هنا المحاضرة

اللى انت هتحضرها المرة الجاية

vampire1188

27-09-2008, 09:26 PM

اكتبهالك ؟ .. مش اكتبها انا الاول ؟!

هابقي احاول .. لو عرفت هابقي اكتبها

عموما .. يومياتي النهارده .. تنحصر في اني كنت قاعد في البيت .. لإني ماعنديش محاضرات النهارده

بس بكرة ان شاء الله نازل طبعا .. عندي تسويق وبنوك وكمبيوتر ..

طبعا اخر محاضرة دي مش هاحضرها .. هاتقولولي ليه ؟ .. هاقولكوا مش ناقصة خنقة !!

بس ومن هنا لبكره بقي ربنا يسهل ..

u4me

28-09-2008, 12:54 AM

معلش يا فامباير وحياتك تكتبهالى

وتنزلها هنا عشان ايديا شكلها كدا اتكسرت

وهقضى العيد ف الجبس

يعنى كدا كدا مفيش امل انى انزل الجامعه

wanda

28-09-2008, 01:02 AM

سلامتك يا علا

وان شاء الله تنزلى الجامعه يعنى مش هنشوفك فى الجامعه بعد العيد

ياااااااااااه ليه كده بس

لاء ان شاء الله هتبقى قردة وهتنطتى هنا وهنا

اما عن يومياتى فانا مروحتش النهارده نفضت بمزاجى بمعنى اصح

ورايحه بكرة احضر محاضرة واحدة واسلم على صحابى وارجع لما اجى هحكيلكوا اللى حصل

wanda

28-09-2008, 01:13 AM

نسيت اقول حاجة

ربنا بيحبنى انى منزلتش النهارده اصلى مش بحب التذنيب

شكرا يا مصطفى على تقرير اليوم بتاع مجموعتى

لانى بجد لو كونت روحت وكان فيها تذنيب بسيطة خالص هتنرفز واتعصب

واروح بيتنا ومش هحضر المحاضرة مش بحب استنى

يلا مش مشكلة مش بقولك ربنا بيحبنى :d

احمد رضا

28-09-2008, 01:37 AM

انا شايف لو فضلت احذف مش هيفضل غير بتاع 30 مشاركه اللي ممكن يبقي فيهم فايده
اوكي من الأفضل انكم تبعدوا عن الشاتنج اللي ملهوش لزمه وملهوش اي قيمه

احمد رضا

28-09-2008, 01:37 AM

انا شايف لو فضلت احذف مش هيفضل غير بتاع 30 مشاركه اللي ممكن يبقي فيهم فايده
اوكي من الأفضل انكم تبعدوا عن الشاتنج اللي ملهوش لزمه وملهوش اي قيمه
:d

u4me

28-09-2008, 01:39 AM

الله يسلمك يا نور

بس كانت حادثة رخمة اوى كدا

حصلتلى ف البيت

ويا رب ابقى انزل الجامعه بعد العيد

وانا سليمة بدل الحالة المهببة اللى انا فيها دى

u4me

28-09-2008, 01:44 AM

انا شايف لو فضلت احذف مش هيفضل غير بتاع 30 مشاركه اللي ممكن يبقي فيهم فايده

اوكي من الأفضل انكم تبعدوا عن الشاتنج اللي ملهوش لزمه وملهوش اي قيمه

:d

خلاص يا احمد باشا

هنبعد عن الشاتنج

ونقضيها يوميات

حلو كدا؟؟؟؟؟؟؟؟

! MedOo

28-09-2008, 03:00 AM

ههههه

احمدباشا

انا عارف الناس الحلوة اللى هنا رغاايين اووى

معلش .. عندى انا دى

u4me

28-09-2008, 03:33 AM

طبعا يا ميدو

وبكل فخر

انا اول الرغايين

هو فى حد يقدر يعيش من غير رغى؟؟؟؟؟؟؟؟؟

minerva

28-09-2008, 11:25 AM

سلامتك يا علا ان شاء الله تخفى بسرعه وتنزلى تحضرى المحاضرات :)

انا بقى قررت انى هقعد فى البيت لحد بعد العيد اصلى تعبت اوى :d

بس فى حاجه غريبه نفسى اعرف د البشبيشى ده مدناش ولا محاضره ليه وكل مره يقول مش قادر اطلع :mad:

وسألت عليه قالولى هوه كده بيدخل اخر محضرتين يدى المفيد ;)

بس احنا نفهم محاسبه ازاى يا ريت اللى يعرف يقولى ؟ لان اكيد مش هو اللى هيدينا كل السنين

والمحاسبه زى مانتوا عارفين اساس التجاره

TAREK KEWAN

28-09-2008, 12:59 PM

انا بروح اتمشى فى الجامعه وبرجع تانى ده اللى بعمله وسعات مبرحش اصلا بلا جامعه بلا وجع دماغ والله ايام الثانوى احسن

احمد التونسي

28-09-2008, 04:49 PM

يا عم فامبير انا بقا هعمل يوميات تجاري مخنوق انا اتخنقت من شوؤن الطلبة والكلية ايه رايك مع تحياتي اخي فامبير

wanda

28-09-2008, 07:37 PM

بالنسبه للمحاسبة معرفش عنها كتير انا اساسا العطار اللى دخلنا ربنا يكرمة

مفهمتش منه حاجة لحد دلوقتى واحدة واحدة ركزى وهتفهمى لانه مفيش غير هيديك فى الترم الاولانى

ممكن يتغير فى الترم التانى وكمان محاسبة الترم التانى اسهل بكتير من الاولانى فمتقلقيش

اما بالنسبة لشئون الطلبة هما مقسمنها اصلا ايام اولاد وايام بنات علشان الزحمة واللغبطة اللى بتحصل

فانت تكون عامل حسابك فى الاوراق..

مثلا الكارنيه وصل المصاريف وصورتين هما بيخدوا صورة بس خلى معاك واحدة احتياطى

اشتراك المترو بتاخد ورقة من المترو بحوالى جنيه وتملى بيناتك بيها وبعدين تروح الشئون
ومعاك صورتين بيملو هما بيانات مطلوبة من عندهم وبعدينتروح اخر شباك تختمهم وتجيب دمغات بحوالى 3 جنيه
وبعدين تروح تدفع فى شباك المترو اللى فى الجامعه..
الشئون لحد دلوقتى ده كان استخدامى ليها لو فى حاجة تانية خنقاق قول عليهاا

اما بالنسبة لاحمد مهو كلام جانبى بقى هنعمل ايه خليك انت الكبير

نرجع ليومياتى النهارده...

روحت الجامعه وحضرت اول محاضرة كانت رياضة بس ايه محاضرة حلوة مكتبتش حاجة فهمت وركزت الاول معاه
ونقلت فى الاخر من اللى جمبى.. اهم حاجة فى الرياضه والمحاسبه انك تفهم مش تكتب
ومحاضرة الموارد ملحقتهاش بس لقيت حد من صحابى مسجلها قعدت سمعتها ونقلت المحاضرة من صحبتى

وبعدين ....

وركبت المترو وروحت :d

بس ارخم حاجة االنهاردة اننا رجعنا تانى لمدرج د

يعنى مجموعه ز كل محاضراتها فى د

مفيش العيوطى تانى :(

! MedOo

28-09-2008, 08:59 PM

اهم حاجة فى الرياضه والمحاسبه انك تفهم مش تكتب

ياعينى عليكى ياواندا

هوه ده الكلام

انا الهنهاردة بردو كان غعندى محاسبة .. وبجد دكتور جامد والله .. كان يشرح ويسألنا ويحل معنا .. مخلينا مصحصين

وخدنا محاضرة اقتصاد صغيورة

واصحابى الادبى خدو رياضة بحتة .. انا بقى علمى رياضة .. فمش هاخد الا رياضة تطبيقية ..

وتقريبا اللى بنعمله فى الكلية هوه كل يوم

يعنى بنخلص المحاضرات ونصيع

لغاية اما حفظت المجمع بتاعنا مع انى مروحتش غير 4 مرات ولا 5

امال ازاى هاقدى فيه 4 سنين ..!

ههههههههه

يلا .. اى خودمة .. واتمسو بالخير

vampire1188

28-09-2008, 09:59 PM

نفسى اعرف د البشبيشى ده مدناش ولا محاضره ليه وكل مره يقول مش قادر اطلع

ههههههههه .. يابنتي انا مش قولتلك قبل كدا ميت مرة ان البشبيشي بيدي المفيد ..

عشان كدا قولتلك اما يخش ركزي معاه جدا .. وانا قولتها قبل كدا برده بس ممكن تكوني انتي ماتابعتيش

المحاسبة من المفترض انها بتتاخد في حوالي 48 ساعة .. هوا ممكن يديها كلها على بعض في 15 ساعة بس !!

وهاتفهموا كمان !!! .. ماتستغربيش .. هوا الدكتور دا معروف انه كدا .. وبعدين احمدي ربنا انه اداكوا دا راجل ميه ميه .. وبعدين كفاية انهمن اشهر الدكاترة . كفاية سمعته .. كفاية اني سمعت قبل كدا انه كان ماسك مدير حسابات لبعض الشركات الكبيرة .. عشان كدا مابيبقاش فاضي .. فايدوبك يخش يدي المحاضرة ويخلع .. كمان اللي اعرفه انه كان ماسك رئيس قسم المحاسبة في جامعة القاهرة وقبل كدا كان وكيل الكلية .. بس على الديب مسكها بداله ..

اهو المهم .. زي ماقولتلك كدا .. هيا دي سياسة الدكتور .. فماتقلقيش .. هاتفهمي يعني هاتفهمي .. بس المحاضرة اللي يخشها .. ركزي فيها موت .. عشان دي بتبقي تحصيل ل 4 او 5 محاضرات قبل كدا ..

اهو المهم .. ارجع بقي لليوميات الرمضانية تاااااني !

بدأ اليوم بإني صحيت الصبح بدري .. وكالعادة .. خناقة معا اخويا عشان نازل متأخر !!

وصلت الجامعة على الساعة 7 وربع كدا .. حضرت اول محاضرة كانت بنوك .. ونفضت للتانيين طبعااااااااا

روحت قعدت عند الشبابيك شوية .. لغاية ماصحابي جم .. شوية وطلعنا على مدرج د

وما ادراك ما مدرج د .. يعني احسن ناس .. يعني ازوق ناس !!

طبعا ماحضرتش المحاضرة بتاعة ناشد .. وروحت قعدت عند الشبابيك شوية تاني

وبعد كدا روحت .. من الاخر يوم ممل جدااااااا .. ومالوش لازمة

ومش رايح تاني الا بعد العيد .. عشان انا اتخنقت اصلا !!

doody2

29-09-2008, 01:10 AM

انا بقي ماشوفتش يوم عدل في الجامعه كل لما اروح تحصل حاجه تضايقني مرة استظرافات ومرة دكاترة رخمه زي بتاع الموارد ربنا ينتقم منه مش فاهمه منه ولا حرف كل اللي بيقوله عناوين وارقام الاراضي ومساحتها شرح لا بس عادي بفضل قاعدة وهو يخلص المحاضرة والحمد لله دايما بتبقي اخر محاضرة بس انهاردة حصلت حاجه ضايقتني جدااااااا تحس ان البنات والصبيان مش جايين يدرسوا لا دول جايين يحبوا في بعض كان في بنت قاعدة جامبي جه واحد ظريف وقعد يحب فيها وانا وصاحبتي كنا فاعدين جمبها والواد اللي معاها دة معندهوش ولا نقطه دم قاعد كل شويه يخبطنا وساند علي كشكول المحاضرات بتاعي روحت اديتله كلمتين كدة وهو ولا هو هنا وش قولتلكم معندهوش نقطه دم روحت سايبالهم البنش كله وقمت قعدت في حته تانيه
يعني يوم ممل جداااا

minerva

29-09-2008, 01:23 AM

مرسى ليك يا فامبير الله يطمنك :d

وانا كمان بيدينى د ناشد بس قالولى عليه غلس وامتحناته صعبه اوى :huh: ولا ايه رايك يا فامبير

بس د هشام السيد بتاع الاداره شرحه تحفه واسلوبه فى التعامل لذيذ جدا بس الله اعلم بامتحناته !

يا ريت اللى يعرف اسلوبه فى الامتحانات ايه يقولى علشان اعمل حسابى برده ;)

vampire1188

29-09-2008, 01:27 AM

ناشد ؟ .. لا هوا دكتور ناشد تحسي انه مغرور شويتين ..

بس كويس .. شرحه شغال يعني .. اهم حاجة اكتبي وراه اول بأول .. ولو مش فاهمة حاجة انزلي واساليه ولا يهمك ..

بالنسبة لدكتور هشام .. دا بقي برنس !! .. على رأي عمرو اديب .. راجل موز موز موز موز ..

طبعا اكيد اداكوا موشح النصايح اللي في اول محاضرة ! .. شئ طبيعي ..

وانا فيه محاضرة من المحاضرات نزلت وكلمته وجها لوجه .. لاقيته راجل متجاوب ومحترم يعني ..

اما بالنسبة لامتحاناته .. طالما انتي بتحضري ومتابعة المادة يبقي ماتقلقيش من الامتحانات

والكلام دا مطبق على جميع المواد .. يمكن اقدر استثني المواد العملية من التصنيف دا

بس المواد النظري كلها اسطامبه واحده ..

بس هوا بجد فعلا دكتور هشام راجل محترم جدا يعني .. ومش اوفر زي دكاترة تانيين لا في الهزار ولا في الخنقة

ووشه دايما بيبقي بشوش كدا .. احب انا الدكاترة اللي من النوعية دي

يالا ربنا معاكوا في مادته بقي ..

u4me

29-09-2008, 01:28 AM

بقولك ايه يا فمبرارا

انت خدت محاضرة محاسبة غير اللى انت كتبتها هنا ولا لأ؟؟؟؟؟؟؟؟

معلش تعباك معايا

vampire1188

29-09-2008, 01:44 AM

بقولك ايه يا فمبرارا

انت خدت محاضرة محاسبة غير اللى انت كتبتها هنا ولا لأ؟؟؟؟؟؟؟؟

معلش تعباك معايا

لا ماخدتش .. وكدا كدا اصلا انا مش رايح تاني الا بعد العيد بقي وعليكي خير

وبعدين انتوا كان عندكوا محاضرة النهارده للصباغ الصبح تقريبا

حتي انا كنت قاعد في مدرج و والعيال صحابي اللي في د كانوا قاعدين في المدرج اللي قدامي .. وبيقولولي عندنا محاسبة دلوقتي

عددكوا كان قليل اوي .. بس ماعلينا بقي ..

u4me

29-09-2008, 01:58 PM

طب معلش متعرفش احنا خدنا حاجة مهمة ولا لأ؟؟؟؟؟؟؟

vampire1188

29-09-2008, 09:18 PM

مافتكرش انكوا خدتوا حاجة مهمة اوي .. هاتتلاقيه كله نظري زي اللي احنا خدناه

عادي مستعجلة على ايه .. الطحن بعد العيد ان شاء الله !!

u4me

29-09-2008, 09:36 PM

لأ مش مستعجلة ولا حاجة

بس مسترخمة انى اكون ناوية احضر السنادى

والمحاسبة تفوفتنى من اولها كدا

يعنى مش هفهم حاجة

بس ما علينا

كويس انه نظرى بس

واللى انت كتبته هنا

انا خلاص ذاكرته

وهبقى انزل بعد العيد بقى

اشوف المحاسبة دى

وميرسى ليك اوى يا فمبرارا

تعباك معايا دايما كدا

نردهالك ان شاء الله

ahmedovich

30-09-2008, 02:33 AM

لا ماخدتش .. وكدا كدا اصلا انا مش رايح تاني الا بعد العيد بقي وعليكي خير

وبعدين انتوا كان عندكوا محاضرة النهارده للصباغ الصبح تقريبا

حتي انا كنت قاعد في مدرج و والعيال صحابي اللي في د كانوا قاعدين في المدرج اللي قدامي .. وبيقولولي عندنا محاسبة دلوقتي

عددكوا كان قليل اوي .. بس ماعلينا بقي ..
مش رايح تانى الابعد العيد؟؟؟؟؟ على أساس ان فيه بكره محاضرات!!!!!!!!!!!! ياريت تظبط كلامك وبطل هرتله

u4me

30-09-2008, 02:39 AM

خلاص يا عم احمد

هو بس بيوصلى انه مش رايح تانى

عشان مسألهوش تانى واقوله اكتبلى هنا المحاضرات

عشان انا بصراحه زهقته

wanda

30-09-2008, 03:03 AM

هو احنا مش خلصنا من موضوعك يا عم احمد انت

جاى تعمل مشاكل تانى..

نفسى اعرف مالك بتعلق على اى حد كده ليه

ارحم نفسك مش كده ..

وكل سنه وانت طيب عيد سعيد علينا ويا ريت يكون عليك كمان :d

u4me

30-09-2008, 03:08 AM

يا حبيبتى اسكتى

احسن ده ما بيصدق

حد يكتب اى حاجة ويحاول ينرفزه بأى طريقة

ويبقى قاصد يدخل مواضيعه او مشاركاته عشان يضايقه

وكلمة انت جاى تعمل مشاكل تانى ليه

دى هيفتكرها شتيمة

ويمكن يجى يزعق تانى

وهتشوفى انه هيدخل تانى وهيرد رد مش كويس

ما علينا

انتى رحتى انهاردة ولا لأ

عشان مشفتش يومياتك انهاردة

wanda

30-09-2008, 03:13 AM

مروحتش اجازة اصلا وبعدين هو بعد العيد هروح

وهو لو عايز يقول كلام يتفضل هو حر بس مش حر يتعدى على

حرية الغير.. ده منتدى وله قوانينه

وانتى شكلك مروحتيش مشوفتلكيش يومية واحدة :d

vampire1188

30-09-2008, 03:16 AM

قاعدين شغالين رغي انتوا الاتنين وناسيين ان فيه بني ادم في النص قاعد عمال يتفرج

هاااااااا ؟؟؟

كلامي مفهوم ولا تحبوا اوضح ؟!

u4me

30-09-2008, 03:17 AM

كان نفسى انزل بس مقدرتش

وكل يوم امى تتحايل عليا انزل

وانا ابدا حالفه ما انزل تانى قبل العيد

صحتى اهم

هما يومين وتعبت ومستحملتش انزل تانى قبل الفطار

لكن بعد العيد ان شاء الله انزل ومش هفوت يوم

دى ايام الجامعه اصلا مبتتعوضش

wanda

30-09-2008, 03:22 AM

حذف مستنى ايه اللى فية شات ده احذفه

اقولك احسن حاجة انك تعمل حاجة حلوة خالص

تقفل الموضوع لحد بعد العيد ابقى افتحة تانى

واحذف الكام مشاركة بتوع الرغى دول :d

u4me

30-09-2008, 03:22 AM

على فكرة يا فمبرارا انا واخدة بالى

بس كنت ناوية اعمل حاجة

بس مش عارفه اعملها ولا لأ

شكلى كدا مش هعملها

يا عم خليه يتفرج

ده لو دخل هيتقطع

انت وراك رجالة

ولو انه دلوقتى انا حاسة انه هيدخل يرد

وينتهز الفرصة ويقولك

انت سايب البنات تتكلم

وانت مش عارف ترد

يلا انا هسبقه واقوله

انك انت يا فامباير

بتعرف ترد

بس احنا معاك برده

اى خدمة

القسم كله معاك يا فمبرارا

ماهينور 2

30-09-2008, 11:56 AM

kellma

30-09-2008, 05:04 PM

wanda

30-09-2008, 10:01 PM

wanda

30-09-2008, 10:08 PM

انا تجاره المنوفيه نزلت الجامعه يومين بس كرهت نفسى فى اليومين دول بسبب السفر والصيام بس ناوى باذن الله انزل بعد العيد كمان عشان تحن علينا الدكاتره ويجوا الجامعه عشان بيلطعونا كتير فى الجامعه ود عيب

وانا والله زيك بالظبط تعبت تعب

وللاسف مش كل الدكاترة دخلولنا بتاع السلوكية جة سلم علينا ومورناش وشة تانى

وبتاع المحاسبة ماخدناش لسه حاجة جامدة اووى

والرياضة شرحوة

والموراد شرح بصراحة من اول يوم دخل فيه

بس اوحش حاجة اننا كونا صايمين ومش قادرين مع الحر علشان كده الواحد تعب بس

بعد العيد كل حاجة هتبقى احلى

وكل سنه وانتم طيبين

vampire1188

30-09-2008, 10:51 PM

قشطة عليكي يا واندا !! ..

طب كويس يا جماعة .. واندا بقت خليفتي في المنتدي ..

مابقتش قلقان عليكوا الحمدلله .. ورايا ناس بترد اهي !!!!!!!!

ماهينور 2

30-09-2008, 11:39 PM

معروف الدكتور بتاع مجموعه و

ده دكتور بيدخل اخر محاضرتين يدى المفيد وخلاص يعنى ربنا بيحبكوا والله

شكلكوا هتتحسدوا ان ربنا وقعكوا فى دكتور زى ده

وفامبير رد قبل كده فى صفحات فاتت:)

المحاسبه مش صعبه سيبك من الكلام بتاع برة ده

اهم حاجة لما يدخل ويشرح ركزى وافهمى منه متحوليش تكتبى وتنفضى للشرح

افهمى الاول ولو مقدرتيش تكتبى كله فى مكتبات بتبيع المحاضرات كاملة وانا شوفتها بنفسى:d

ومينفعش تحضرى مع اى دكتور تانى لان رغم ان المنهج واحد بس كل دكتور بيحذ ويلغى حاجات من المقرر

غير التانى وكل مجموعة ليها امتحان مختلف عن المجموعات التانيه

خدى الكتاب بعد العيد واقرى فيه لحد ميدخلكوا ومتقلقيش خالص:)
شكرا ليكي يا نور

wanda

30-09-2008, 11:48 PM

تلميذتك يا اونكل فامبير

وولا يعنى انا كونت اعرف ده منين ..؟؟!!

! MedOo

01-10-2008, 04:37 AM

يا ردااالة ويا بنات

عيد سعيد عليكم

وكل سنة وانتم طيبين

وان شاء الله تبدأو بقى بعد العيد فى المذاكرة

عيزين حراااااااايق .. عايزين الكل يرتب عالدفعة

يااااااااارب اطلع الاول على دفعتى .. والتانى يبقى بعدى كده بعشرين تلاتين فى المية ...^_^

يارب

قولو امين ...^_^

كوكو الشقى

02-10-2008, 01:54 AM

واللة انا حضرت اول اسبوع وكان اسبوع مش قد كدة يعنى ومهونش عليا الخنقة هناك الا صحبى زيكاس ومشعارف كل اما اخش على النت احاول اتعرف على ناس من مدرج ج ملاقيش حد واقلاقى ناس كتير اوى فى مدرج د اكن الدنيا كلها اتجمعت فى مدرج د اون مدرج ج دة مافيهوش حد خالص

رونالدينهوو

02-10-2008, 03:39 PM

انا بقة حضرت كل الايام ما عدا يومين طلع عينى فيهم وبرده فى الاخر ان الايام اللى روحتها مكملتش المحاضرات لحد الاخر
اقصى حاجة محاضرتين او محاضرة من 3 محاضرات
انما ان شاء الله بعد العيد ناوى انتظم
يلا ربنا يسهل للكل

dr.zomba

05-10-2008, 12:49 AM

انا عاوزه اسال سؤال بسيط هو ليه دكتور المحاسبه مش بيدخل ويشرح المفروض انه كان يدخل 3 محاضرات لكن ولا محاضره دخل وشرح وانا خايفه قوي عشان بتقولوا المحاسبه صعبه وكده وهو لو مدخلش ممكن نضيع فيها طيب نعمل ايه هل عادي اني احضر مع مجموعات تانيه لاي دكتور ولا ايه فيها حاجه ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

دا الدكتور البشبيشي

علي فكره انا كنت زيك وخايف مفهمش المحاسبه عشان الوقت هيبقي قليل

بس عرفت ان البشبيشي شرحه جميل جدا وهيفهم وربنا يستر من بتاع الموارد والسلوك والاداره

دول اللي يتخاف منهم بجد مع ان شكلهم طيبين بس مش متطمن

النهارده بقي انا صدقت وامنت ان الكلية كانت في رحمة في رمضان من اللي شوفته النهارده :giljotiiniug3:

اكيد اللي شفتهم النهارده دول مجوش في رمضان عشان انا في رمضان لما كنت بنزل الكلية كنت بعرف اصوم بالعافية :av4056bb7jp3:

انما دلوقتي انا نفسي اصوم السته البيض بس للاسف مش هقدر اخلصهم ورا بعض لاني هضطر اصومهم في ايام الاجازه :(

ربونا يستر

صحيح يا فامبير باشا احنا دخلنا الدكتور محمد المحمدي يوم التلات اللي قبل اللي فات وكان عندنا محضرتين سلوكيه واداره والغريبه انه كان معانا المحضرتين

يا ترا دا عادي ولا ايه ؟

وعلي كدا بقي ايه نظامه؟

وفي دكتور تاني اسمه عبد العزيز عبد الغني الراجل بصراحه داخل معانا دغري ومعرفنا انه هو اللي بايده انه يسقطنا وينجحنا وقالها لينا : انا اللي في ايدي نجاحكوا وسقوطكوا بعد ربنا :stickjo4:

بس بردو بيقولنا لو كنا كويسين مع بعض هنيجي في الاخر ممكن احذفلك الكاتب كله وادخلك الامتحان بفصل واحد او اقل

سمعت عنه حاجه دا ؟

سؤال اخير انت اسمك ايه ؟ اصلي مش هينفع افضل اقولك يا فامبير يا فامبير حاسس ان لساني متكتف:slap1qk6:

egycool

05-10-2008, 08:09 AM

هااااااااااااااااااااااااااااااااااااااااااااااااا ااااااااااااااااااااااااااااااااي

Queen_dona

06-10-2008, 08:54 AM

احنا دخلنا الدكتور محمد المحمدي يوم التلات اللي قبل اللي فات وكان عندنا محضرتين سلوكيه واداره والغريبه انه كان معانا المحضرتين

يا ترا دا عادي ولا ايه ؟

وعلي كدا بقي ايه نظامه؟

على فكره دكتور محمد المحمدى بيدى اداره وسلوكيه

هو بيدى لمجموعتنا (ب) اداره وقالنا انه بيدى سلوكيه لمجموعه(و)

بس هو دكتور كويس بجد

Queen_dona

06-10-2008, 08:58 AM

طب ايه رايكم فى دكتور عوض سالم

هو بيدلنا موارد انا حضرت مره ونويت محضرش تانى والحمد لله

لانى بجد مااستفدتش حاجه خااااااااالص

بس ولغايه دلوقتى مش عارفه هتصرف ازاى فى الماده دى

vampire1188

07-10-2008, 01:40 AM

صحيح يا فامبير باشا احنا دخلنا الدكتور محمد المحمدي يوم التلات اللي قبل اللي فات وكان عندنا محضرتين سلوكيه واداره والغريبه انه كان معانا المحضرتين

يا ترا دا عادي ولا ايه ؟

وعلي كدا بقي ايه نظامه؟

منور يا دولة .. من ساعة ماسيبت الاشراف وانا شايفك منورنا يعني !!

انتا بتتكلم عن المحمدي تقريبا .. بص انا اتكلمت عنه قبل كدا .. هوا من الاخر راجل كويس .. بس رغاي جدا .. واللي عمله معاكوا دا عااااااادي جدا هوا من النوع اللي بيحب مادته جدا لدرجة انه بيسرح ومابيبصش للوقت بتاع المحاضرة .. ياراجل دا في مرة دخلنا السنة الي فاتت ووالله العظيم قعد حوالي ساعتين وربع . اما كنا على اخرنا وانا واحد من الناس سيبته ونمت !! .. وزي ماقولتلك هوا دايما رغاي وبيشرد كتير في المواضيع الجانبية .. ربنا يقدركوا على مابتلاكوا بيه بقي ..

النهارده بقي انا صدقت وامنت ان الكلية كانت في رحمة في رمضان من اللي شوفته النهارده

هههههههههههههه ولسه هاتشوف ياما .. حبيب قلبي لسه اللي عايدين السنة هاييجوا ينوروا معاكوا !!

بس بردو بيقولنا لو كنا كويسين مع بعض هنيجي في الاخر ممكن احذفلك الكاتب كله وادخلك الامتحان بفصل واحد او اقل سمعت عنه حاجه دا ؟

صراحة ماكدبش عليك .. ولا اعرف شكله حتى .. بس عموما انتا خليك ماشي معاه زيه زي اي دكتور بيديك انتا ماتعرفوش .. وبعدين انا مش كل دكاترة الكلية ادوني يعني عشان اقولك دا وحش ودا حلو !! .. انا يدوبك بقول اللي عارفه عن الدكاترة اللي ادوني واللي حضرتلهم في مجموعات تانية ..

سؤال اخير انت اسمك ايه ؟

ممممممم .. اللي يسأل مايتوهش .. وانتا شكلك تايه !!

اما بالنسبالك يا Queen_dona

انا مش عارف هوا اداكوا كل محاضرة لوحدها ولا ضم المحاضرتين في محاضرة واحدة تحت مسمي مادة واحده .. هوا لو اداكوا المحاضرتين بس في كل محاضرة مادة مختلفة ممكن يبقي عادي .. لكن لو محاضرتين في مادة واحده ماعتقدش .. دا غلط اصلا .. بس مش بعيد عليه .. اذا ذكر المحمدي ذكر الملل والوقت الطويل !!!

طب ايه رايكم فى دكتور عوض سالمهو بيدلنا موارد انا حضرت مره ونويت محضرش تانى والحمد لله لانى بجد مااستفدتش حاجه خااااااااالص بس ولغايه دلوقتى مش عارفه هتصرف ازاى فى الماده دى

بصي .. انا ماعرفش الدكتور بتاعكوا ايه .. بس عموما لو ماعرفتيش تفهمي حاجة من الدكتور نفضي وقضيها ملازم من برا .. بس تابعي من برا واعرفي هوا لغي ايه وشرح ايه ..

بصي من الاخر .. احلي حاجة في كليتنا دي ان الفيصل النهائي في التقديرات .. ورقة الاجابة .. غير كدا سوري في اللفظ (طز) وات ايفر بقي كان مين .. طلبة / دكاترة / عميد كلية .. ان شالله رئيس الجامعة نفسه .. فهمتي ؟ فانتي عيشي حياتك بس المهم تعرفي الدكتور لغي ايه وشرح ايه وبعد كدا بقي ذاكري من اي حتة تعجبك ..

vampire1188

07-10-2008, 01:47 AM

قضيتوها انتوا اسألة وسيبتوا يومياتنا ..

انا كل اللي حصل اني روحت بدري .. كان ورايا 3 محاضرات .. بنوك وتسويق وكمبيوتر .. حضرت اول واحده ونفضت للباقي طبعااااااااااااا .. طلعت قضيتها برا شوية .. فطرت وظبطت نفسي .. وولاد اللذينة بتوع العمدة خلوا ساندوتيتش البطاطس الفرنساوي ب 2.5 جنيه .. وكوباية البيبسي ب 2.5 برده !! .. يعني اللي عايز يفطر يدفع 5 جنيه .. انتوا تعترفوا انا بفكر اروح افطر من عند كنتاكي .. والله اوفرلي !!!!!!!!!

اهو المهم .. شوية واتلاقيت صحابي جايين .. قضينا اليوم كالعادة .. منهم اللي روح ومنهم اللي قعد .. اللي قعدوا كانوا عايدين سنة اولي للاسف .. وخلوني احضر معاهم بالعافية .. روحت وحضرت وياريتني ماحضرت ! .. امة لا اله الا الله كانت هناك في المدرج .. والدكتور اصلا سئيل والطلبةو يخنقوا وحاجة نيلة خالص ..

خلصت المحاضرة وقضيتها بره تاني .. وروحت .. نمت وصحيت تاني يوم الصبح !!!

metab9

07-10-2008, 02:03 AM

طمطومة

07-10-2008, 02:33 AM

السلام عليكم ورحمة الله وبركاته
انا نزلت يوم السبت وصحابى ماحدش رضى ينزل
عملت انا بقى ست المجتهدة وروحت كان فيه ناس يعنى مش قليلين
كان عندى 3 محاضرات طلعت كشكولى واحدة نقلت منه حاجات المهم اول دكتور اعتزر هو اصلا شكله بيبى خالص كدا ومش فاضى
قعدت استنين ساعة ونص فى مكانى وكنت عطشانة وجعانة كسلت انزل اشترى مش مهم الساعة ونص فاتوا طلعت كشكولى عشان انقل قولت الدكتور التانى هيجى ولا عبرنا
قعنا ساعة ونص كمان راح المعاون دخل قالنا التالت مش جى

شكلنا هنستنى ساعات ونص كتير السنة ادى
قومت عشان اروح ماكنتش لاقيه مواصلات بس بعد عذاب لاقيت يعنى اتبهدلت بدون داعى حسبى الله ونعم الوكيل

MIRO200898

07-10-2008, 04:58 AM

هاى يا جماعه ازيكو انا سنه اوله انتساب جامعه القاهره اول يوم ليه مكانش حلو خالص حسيت انى مخنوقه و معرفش حد هناك بس فى نفس الوقت حسيت ان الحياه تبقى احلى لو اتعرفت على اصدقاء و بقوا صحابى فى الكليه ياريت يا جماعه لو حد معايا فى جامعه القاهره سنه اولى يقولىو انا فى مجموعه ز مدرج د :)

MIRO200898

07-10-2008, 05:02 AM

احنا لسه سته اوله ادامنا مشوار طويل و عايزين نكون صداقات و لا ايه رأيكم

MIRO200898

07-10-2008, 05:06 AM

انا ان شاء الله هنزل الجامعه بوكره عيزه بقى حد يبشرنى كده و يطلع معايا يلا ردوا بسرعه بسرعه بسرعه مستنياااااااااااااااااااااااااكووووووووووووو:rolle yes:

metab9

07-10-2008, 05:29 AM

هاي ميرو انا يوسف بس انا في حلوان بس ما تقلقيش بأذن الله هتصاحبي ناس كتير من القاهره المعز هههههههههههههههههه

Queen_dona

07-10-2008, 12:27 PM

منور يا دولة .. من ساعة ماسيبت الاشراف وانا شايفك منورنا يعني !!

انتا بتتكلم عن المحمدي تقريبا .. بص انا اتكلمت عنه قبل كدا .. هوا من الاخر راجل كويس .. بس رغاي جدا .. واللي عمله معاكوا دا عااااااادي جدا هوا من النوع اللي بيحب مادته جدا لدرجة انه بيسرح ومابيبصش للوقت بتاع المحاضرة .. ياراجل دا في مرة دخلنا السنة الي فاتت ووالله العظيم قعد حوالي ساعتين وربع . اما كنا على اخرنا وانا واحد من الناس سيبته ونمت !! .. وزي ماقولتلك هوا دايما رغاي وبيشرد كتير في المواضيع الجانبية .. ربنا يقدركوا على مابتلاكوا بيه بقي ..

هههههههههههههه ولسه هاتشوف ياما .. حبيب قلبي لسه اللي عايدين السنة هاييجوا ينوروا معاكوا !!

صراحة ماكدبش عليك .. ولا اعرف شكله حتى .. بس عموما انتا خليك ماشي معاه زيه زي اي دكتور بيديك انتا ماتعرفوش .. وبعدين انا مش كل دكاترة الكلية ادوني يعني عشان اقولك دا وحش ودا حلو !! .. انا يدوبك بقول اللي عارفه عن الدكاترة اللي ادوني واللي حضرتلهم في مجموعات تانية ..

ممممممم .. اللي يسأل مايتوهش .. وانتا شكلك تايه !!

اما بالنسبالك يا queen_dona

انا مش عارف هوا اداكوا كل محاضرة لوحدها ولا ضم المحاضرتين في محاضرة واحدة تحت مسمي مادة واحده .. هوا لو اداكوا المحاضرتين بس في كل محاضرة مادة مختلفة ممكن يبقي عادي .. لكن لو محاضرتين في مادة واحده ماعتقدش .. دا غلط اصلا .. بس مش بعيد عليه .. اذا ذكر المحمدي ذكر الملل والوقت الطويل !!!

بصي .. انا ماعرفش الدكتور بتاعكوا ايه .. بس عموما لو ماعرفتيش تفهمي حاجة من الدكتور نفضي وقضيها ملازم من برا .. بس تابعي من برا واعرفي هوا لغي ايه وشرح ايه ..

بصي من الاخر .. احلي حاجة في كليتنا دي ان الفيصل النهائي في التقديرات .. ورقة الاجابة .. غير كدا سوري في اللفظ (طز) وات ايفر بقي كان مين .. طلبة / دكاترة / عميد كلية .. ان شالله رئيس الجامعة نفسه .. فهمتي ؟ فانتي عيشي حياتك بس المهم تعرفي الدكتور لغي ايه وشرح ايه وبعد كدا بقي ذاكري من اي حتة تعجبك ..
لا هو ادالنا اداره فى مجموعه (ب) وقالنا انه بيدى سلوكيه لمجموعه (و) تقريبا

بس مش بيدخلهم فى بعض يعنى

وان كان على الرغى فهو فظيع يعنى تلات تربع المحاضره رغى والباقى شرح

بس بصراحه هو شرحه كويس وشخصيته حلوه

رونالدينهوو

07-10-2008, 12:58 PM

احسن حاجة انى معنديش محاضرة انهاردة
يوم الخميس ان شاء الله

vampire1188

07-10-2008, 05:25 PM

لا هو ادالنا اداره فى مجموعه (ب) وقالنا انه بيدى سلوكيه لمجموعه (و) تقريبا

بس مش بيدخلهم فى بعض يعنى

وان كان على الرغى فهو فظيع يعنى تلات تربع المحاضره رغى والباقى شرح

بس بصراحه هو شرحه كويس وشخصيته حلوه

هوا من ناحية الرغي اديكي قولتي بنفسك :) .. استني انتي عليه شويتين وهاتتلاقيه مشغلكوا توم وجيري وفيلم modern times بتاع تشارل شابلن !! اما من ناحية شرحة كويس .. فانا بأمانة ربنا ماكنت بفهم منه حاجة :( .. بس عادي بحمد ربنا اني عديت من مادته وخلاص .. اصلا تلات تربع المجموعة بتاعتي السنة اللي فاتت كانت شايلاها تقريبا :mad: ! .. عايزة تتأكدي .. اطلعي على سنة تانية مجموعة (ز) واسألي اي حد فيهم انتا شايل ايه .. هايقولك سلوكية !!!!

رونالدينهوو

07-10-2008, 05:37 PM

الحمد لله السلوكية عندنا مووووووووووووووووووز
ماده ممتعة

doody2

07-10-2008, 09:23 PM

ماهينور 2

07-10-2008, 09:37 PM

اه والله يادودي انا معاكي في مجموعه و والمحاضره النهرده بتاعه السلوكيه روعه بجد كانت جميله بشكل
هو اليوم كله بصراحه كان حلو عقبال بقيت الايام يارب
وانا كمان نفسي اشوف البشبيشي بتاع المحاسبه ده

doody2

07-10-2008, 09:52 PM

والله انتي معايا ؟ اهلا بيكي ياقمر وعلي فكرة اسمك حلو قوي بس بقولك ايه انتي عرفتي تكتبي حاجه علي بعضها من المحاضرة علشان انا حاسه اني كاتبه عناوين وكلام مش مترتب كدة

ماهينور 2

07-10-2008, 10:01 PM

اهلا بيكي انتي ياعسل والحمد لله بكتب تقريبا كل حاجه اصلي قاعده في البيش الاولاني ولو عاوزه اي حاجه في اي محاضره انا تحت امرك
ماعادا الموارد مش بعرف اكتب حاجه خالص اما السلوكيه لحد دلوقتي تمام والاداره برضك لذيذه والرياضه حلوه
وطبعا متسالينيش علي المحاسبه

dr.zomba

07-10-2008, 10:10 PM

ههههههههه يا كوين انا في مجموعه و وفعلا دكتور المحمدي هو اللي بيدينا في السلوكيه بس انا بحترمه جدااااااااا والله
صحيح يافامبير ههههههه هو شغلنا النهاردة شارل شابلن وفيلم كدة عن جوجل بس ايه كانت محاضرة ممتعه مكانش ناقص غير اننا نجيب فشار ونقزقز لب انا مستنيه لما اشوف توم اند جيري هههههههههه
بس والله انا بفهم منه كويس بس انا هامووووووووووت واشوف البشبيشي دة اللي مش ناوي يدخلنا في ليلته دي انا لغايه دلوقتي لا افقه شئ في المحاسبه

ههههههههههههههههههه

بصراحه كانت محاضره جامده بس بدأت علي الاخر تبقي ممله والعيال كانت عماله تخرج كنت لما بلاقي واحد خارج امسكه واقوله ممنوع تخرج في وسط العرض يا كابتن:stickjo4:

لا بصراحه محاضره جامده ومفهمتش منها اي حاجه خالص:romarioxp6:

dr.zomba

07-10-2008, 10:21 PM

منور يا دولة .. من ساعة ماسيبت الاشراف وانا شايفك منورنا يعني !!

انا قولت اسيب الاشراف عشان افضالك بقي :049gc0:

انتا بتتكلم عن المحمدي تقريبا .. بص انا اتكلمت عنه قبل كدا .. هوا من الاخر راجل كويس .. بس رغاي جدا .. واللي عمله معاكوا دا عااااااادي جدا هوا من النوع اللي بيحب مادته جدا لدرجة انه بيسرح ومابيبصش للوقت بتاع المحاضرة .. ياراجل دا في مرة دخلنا السنة الي فاتت ووالله العظيم قعد حوالي ساعتين وربع . اما كنا على اخرنا وانا واحد من الناس سيبته ونمت !! .. وزي ماقولتلك هوا دايما رغاي وبيشرد كتير في المواضيع الجانبية .. ربنا يقدركوا على مابتلاكوا بيه بقي ..

انا بفهم منه بصعوبه اوي:(

هههههههههههههه ولسه هاتشوف ياما .. حبيب قلبي لسه اللي عايدين السنة هاييجوا ينوروا معاكوا !!

صراحة ماكدبش عليك .. ولا اعرف شكله حتى .. بس عموما انتا خليك ماشي معاه زيه زي اي دكتور بيديك انتا ماتعرفوش .. وبعدين انا مش كل دكاترة الكلية ادوني يعني عشان اقولك دا وحش ودا حلو !! .. انا يدوبك بقول اللي عارفه عن الدكاترة اللي ادوني واللي حضرتلهم في مجموعات تانية ..

والله هو شكله مش مؤذي اوي يعني بس ربنا يستر :giljotiiniug3:

ممممممم .. اللي يسأل مايتوهش .. وانتا شكلك تايه !!

انا سالت اهو :p

Queen_dona

08-10-2008, 05:58 AM

[quote=vampire1188;819701]هوا من ناحية الرغي اديكي قولتي بنفسك :) .. استني انتي عليه شويتين وهاتتلاقيه مشغلكوا توم وجيري وفيلم modern times بتاع تشارل شابلن !! اما من ناحية شرحة كويس .. فانا بأمانة ربنا ماكنت بفهم منه حاجة :( .. بس عادي بحمد ربنا اني عديت من مادته وخلاص .. اصلا تلات تربع المجموعة بتاعتي السنة اللي فاتت كانت شايلاها تقريبا :mad: ! .. عايزة تتأكدي .. اطلعي على سنة تانية مجموعة (ز) واسألي اي حد فيهم انتا شايل ايه .. هايقولك سلوكية !!!![/qu
ايه ده كله توم وجيري وكمان moderntimes ده احنا هندلع على كده
بس بجد بيشرح حلو انا فهمت منه بس حاسه اننا مش هنلحق نخلص المنهج وده طبعا بسبب رغيه

!!!دمعة حزن!!!

08-10-2008, 06:41 AM

انا مسافره النهارده

وهروح الجامعه

وهبقى اجى احكيلكم عن الكليه:039uw8:

والغربه والقرف:abdoog8:

doody2

08-10-2008, 09:31 AM

[quote=ماهينور اسمي الحقيقي;820099]اهلا بيكي انتي ياعسل والحمد لله بكتب تقريبا كل حاجه اصلي قاعده في البيش الاولاني ولو عاوزه اي حاجه في اي محاضره انا تحت امرك
ماعادا الموارد مش بعرف اكتب حاجه خالص اما السلوكيه لحد دلوقتي تمام والاداره برضك لذيذه والرياضه حلوه
وطبعا متسالينيش علي المحاسبه[/quot

اولا ميرسي ليكي ياقمر علي ذوقك
ثانيا بما انك كتبتي كل حاجه في لسلوكيه انا عايزة المحاضرة منك وانا ببقي قاعدة في البنش التاني او التالت
بس انا حاسه اني لخبطت كدة في اخر محاضرة في السلوكيه:( بصي احنا هانتقابل يوم الخميس في العيوطي
بس المشكله انا هاعرفك ازاي افضل انادي واقول ياماهينور ولا ايه؟:)

ماهينور 2

08-10-2008, 11:24 AM

ههههههههههههههههه لا انا اسمي الحقيقي مش ماهينور اصلا وانا بقعد علي طول في البنش الاولاني اللي في النصف
يعني انتي ان شاء الله مش بعيده عني
ومعلش اتاخرت في الرد عليكي عشان النت فصل
وهابقي اقولك في الرسائل الخاصه نتقابل ازاي

doody2

08-10-2008, 03:03 PM

اوك ياقمر
بس انتي ليه كاتبه ان اسمك الحقيقي ماهينور؟
المهم بصي ابعتيلي في الخاص هانتقابل ازاي وابعتيلي ايميلك بس انا مش هاعرف ارد عليكي لان مشاركاتي لسه ماتسمحش اني ابعت رسايل علي الخاص

Hanoda

08-10-2008, 09:43 PM

النهارده كان يوم مش حلو خالص

انا كان عندي محاضرة الساعة 11 صحيت من النوم الساعة 9 فطرت ونزلت الساعة 10,15
دخلت المحاضرة وقعدت جنب بنوتة وشوفت كشكول المحاضرات بتاعها عشان عاوزة اصوره لاني مروحتش كتير ولو رحت مش بكتب اوي

المهم البنت دي كان شكلها تعبانة ومكتبتش المحاضرة وفتحت شنطتها اخدت منها علاج وبعد شوية سندت راسها علي كتفي قلت يمكن بترتاح شوية (كنا في محاضرة موارد د\امال شاور وانا كنت منتبهة للمحاضرة وكنا في class22)وبعد المحاضرة ماخلصت المفروض نروح class 19 وهي شكلها نامت قلت اصحيها حاولت اصحيها اكتشفت انها اغمي عليها فوقناها وبعدين قالت يلا نروح المحاضرة التانية قولتلها ماشي وسندتها وماشين ومجرد ماخرجنا لقيتها وقعت واغمي عليها تاني وانا اعصابي باظت وكل اللي كان في ايدي وقع وضغطي انخفض واغمي عليا جنبيها بس انا فوقت علي طول الحمد لله وبعد مافاقت هي كمان دخلنا نحضر محاضرة انجليش قالولنا ندخل عشان نقعد في التكيف شوية ونفوق
وبعد ماالمحاضرة ما خلصت روحنا روحت حضرت محاضرة ادارة في class 22 وبصراحة بيدينا دكتور هشام السيد زي العسل بيخفف من المحاضرة واقعدنا نضحك وبعدين واحدة بتقوله كفاية كده وقالها ماشي بس بعد ما قال كده مفاتيح الكهرباء اللي في الكلاس فرقعت وعملت بمممممم:040vk0:

شوفتو بقي يومي كان رخم وممل ازاي وكل يوم من ده لازم حاجة تحصلي:slap1qk6:

metab9

09-10-2008, 12:24 AM

[quote=Hanoda;821597]النهارده كان يوم مش حلو خالص

انا كان عندي محاضرة الساعة 11 صحيت من النوم الساعة 9 فطرت ونزلت الساعة 10,15
دخلت المحاضرة وقعدت جنب بنوتة وشوفت كشكول المحاضرات بتاعها عشان عاوزة اصوره لاني مروحتش كتير ولو رحت مش بكتب اوي

المهم البنت دي كان شكلها تعبانة ومكتبتش المحاضرة وفتحت شنطتها اخدت منها علاج وبعد شوية سندت راسها علي كتفي قلت يمكن بترتاح شوية (كنا في محاضرة موارد د\امال شاور وانا كنت منتبهة للمحاضرة وكنا في class22)وبعد المحاضرة ماخلصت المفروض نروح class 19 وهي شكلها نامت قلت اصحيها حاولت اصحيها اكتشفت انها اغمي عليها فوقناها وبعدين قالت يلا نروح المحاضرة التانية قولتلها ماشي وسندتها وماشين ومجرد ماخرجنا لقيتها وقعت واغمي عليها تاني وانا اعصابي باظت وكل اللي كان في ايدي وقع وضغطي انخفض واغمي عليا جنبيها بس انا فوقت علي طول الحمد لله وبعد مافاقت هي كمان دخلنا نحضر محاضرة انجليش قالولنا ندخل عشان نقعد في التكيف شوية ونفوق
وبعد ماالمحاضرة ما خلصت روحنا روحت حضرت محاضرة ادارة في class 22 وبصراحة بيدينا دكتور هشام السيد زي العسل بيخفف من المحاضرة واقعدنا نضحك وبعدين واحدة بتقوله كفاية كده وقالها ماشي بس بعد ما قال كده مفاتيح الكهرباء اللي في الكلاس فرقعت وعملت بمممممم:040vk0:

شوفتو بقي يومي كان رخم وممل ازاي وكل يوم من ده لازم حاجة تحصلي:slap1qk6:[/quote
ههههههههههههههههههههههههههههههههههههههههههه دا انتي نحس ههههههههههه

vampire1188

09-10-2008, 12:39 AM

انا بقي يومي كان غريب اوي النهارده

نزلت النهارده الصبح عشان احضر محاضرة المحاسبة .. المهم دخلت المدرج لاقيت شوية اماكن فاضية الحمدلله .. نطيت في البينش قبل الاخير .. ربنا رزقني بشوية ناس تحف ورايا وقدامي ..

وواحده ماشاء الله قاعدة قدامي .. كل شوية تبص وتضحك اما قولت عليها مجنونة وربنا .. وجاي في اخر المحاضرة انا كنت بكلم واحده زميلتي قاعدة جنبيا .. الاقيلك دي داخلة في النص وتبدي رأيها !! .. ربنا يشفيها !

اهو المهم المحاضرة خلصت .. طلعنا اتمشينا انا وصحابي شوية في ربوع الجامعة العريقة .. وروحت طبعا عشان ادفع المصاريف .. الاقي امة لا اله الا الله واقفة على شباك سنة تانية .. بس اكيد طبعا عمره ماهيبقي زي شباك سنة اولي !! .. لحقت اخلع باذن دفع المصروفات .. روحت عشان ادفع في الخزينة الاقي امم تانية هناك .. قولت وربنا مانا دافع .. وابقي ادفع في يوم تاني !

بس شوية وروحت فطرت .. وقعدنا كالعادة انا وصحابي نهيس على بعض .. بس كان يوم كوول يعني .. بكره ان شاء الله بقي عندي محاسبتين .. واحده مالية وواحده مساهمة .. مش عارف بقي حاسس اني هاتطحن .. بس ماعلينا بقي .. انا اصلا بتحدي نفسي السنة دي .. وان شاء الله هاعدي يعني هاعدي .. واللي عاجبه !

Hanoda

09-10-2008, 12:45 AM

ههههههههههههههههههههههههههههههههههههههههههه دا انتي نحس ههههههههههه

ميرسي جدا يا metab9 علي ردك الظريف وذوقك ده كله

لكن انا شايفة ان فيه كلام افضل من كده

! MedOo

09-10-2008, 12:58 AM

انا النهادة يومى كان لذيذ

كان عندى محاضرة applied maths

وطلعت زى العسل حبتين .. لانى كنت علمى رياضة وعارف المحددات والمصفوفات

وقعدت افهملكم كام واحد كده من ادبى وكان صياعة

المهم المحاضرة خلصت على 10 وربع كه .. قعدنا لوحدة ونص فى المدرج .. الدفعة كلها قاعدة

واتكييف والمرااااوح .. ياه عالجمال

بكرة بقى عندى قانون ومش ناوى احضرها .. وان شاء الله عندى ادارة اعمال .. واول مرة هناخدها لسة .. ربنا يستر

محمد يسري خالد

09-10-2008, 03:28 PM

اما حصل موقف النهاردة الدكتور كان بيشرح عادي نبص نلاقي حاجة بووووووووووم اتاري العيال بيفرقوا صواريخ في المحاضرة واحنا قاعدين المهم الدكتور طنش في الاول وبعدين العيال استحلوها راحو عملنها تاني راح الكتور منادي للراجل بتاع المدرج وشاور عليهم ووقفهم جنبة ونادي علي الامن والعيال وقفة ميتين على نفسهم من الضحك ........................بذمتكم دول عندهم دم ........ لا وسة اول سنة في الكلية:::::::

metab9

09-10-2008, 03:54 PM

ميرسي جدا يا metab9 علي ردك الظريف وذوقك ده كله

لكن انا شايفة ان فيه كلام افضل من كده

انا اسف يا هند والله بس الكلام طلع مني بتلقائيه انا اسف مره تانيه

mostafa_music

10-10-2008, 12:05 AM

انا بقى مش سنه اولى ز هاتكتر لغايه فين
انا اول مره حضرت معاها قعد فى البنجات الى فى الاول
تانى مره قعدت ورا
تالت مره محضرتش :d
رابع مره بقى كانت النهارده جيت علشان ادخل المدرج تخيلو وقفت انا وصحابى ورا خالص بالعافيه
المدرج كان مافيهوش خرم ابره
السلالم كلها قاعدين عليها ناس
وقدام الدكتور ناس كتير قاعدين بالكراسى المتأجره!!!!
وورا بقى ناس كتيييييييييييييييييير
الغريب بقى .......رغم كتر العدد ومافيش خرم ابره كان فى شويه شباب ورا كانو بيلعبو ثبت صنم:slap1qk6:والمحاضره شغاله
يوميات غرييييييييييييبه

رونالدينهوو

10-10-2008, 01:01 AM

انا روحت المحاضرة متأخر المفروض انى مش متأخر انا روحت المهم دخلت لقيت ناس عمالة تضحك كده ولقيت زحمه جامدة
ابتسمت وانا داخل على المناظر اللى كانت موجودة
المدرج كان هيتفجر من اللى فيه
كان فيه طلاب على البنشات واللى قاعدين واللى على السلالم اللى فى النص واللى واقفين فى اخر المدرج دخلت
كان المدرج كومبليت
خدت ركن مع نفسى مع الواقفين ووقفت معاهم
وانا واقف بظرفها
الاقى بنت ماسكة القلم وعمالة تلعب فى البنش اللى قدامها
ابص كده الاقيها بتكتب تليفونها واسمها وبلدها وكده
اققول البنت دى اتهبلت والا ايه والله انا بستغرب ليه هيه بتعمل كده افرض حد لقطعها يعنى انا عارف انها هتكوت مبسوطة بس الحمد لله مفكرتش حتى انى اكتب نمرتها
لان نمرتها مش مهمة بالنسبة ليا
اجى بقى بعد ما دخلت المحاضرة بربع ساعة الاقى الدكتور خلص مش عارف ليه ده كله وانا واقف
وبعدين خرجت من المدرج
وانا مروح ركبت mcv
والله فضلت واقف طول المشوار لانه بيبقى فيه زحمه جامده
وبس اليوم خلص

ماهينور 2

10-10-2008, 12:51 PM

vampire1188

10-10-2008, 02:09 PM

الغريب بقى .......رغم كتر العدد ومافيش خرم ابره كان فى شويه شباب ورا كانو بيلعبو ثبت صنم:slap1qk6:والمحاضره شغاله

ههههههههههههههههههههههههه .. عندك حق والله يا مصطفي .. اي هبل في اي هبل وخلاص !!

المجموعة اصلا السنه دي حاسس انها مش هاتجيبها لبر مش عارف ليه ؟!

vampire1188

10-10-2008, 02:16 PM

انا بقي امبارح كان يوم حلو بشكل فظيع
طبعا انا كل مره بقعد في البنش الاولاني لكن امبارح كان في العيوطي اللي مكانش بيحضر طبعا هايحضر ده العيوطي
وطبعا كان في واقف علي المدرج قبل مايتفتح امه لااله الا الله
وانا واقفه ورا خالص عبال مافكرت ادخل كان المدرج امتلا بالناس في كل حته ملقيتش غير مكان ورا خالص تقريبا اخر بنش

ايه دا هوا انتوا اللي كنتوا ماليين المنطقة عند العمدة امبارح ؟!!!

يالهوي .. انا فعلا شوفتكوا .. بس دانتوا كنتوا لاتطاقوا امبارح .. دانا كنت رايح اجيب اكل .. عديت منكوا بالعافية وسألت ناس واقفة قالولي تلاقيهم سنة اولي :blush: !

المهم قعدت انا واصحابي والاقي ورايا تقريبا في غرسه اتفتحت شباب عمال يشرب يشرب ايه الله اعلم

ان برده حضرت في اولي (ز) امبارح وكانوا مليانيين بغباوة .. والناس اللي ورا كانوا قاعدين على الارض .. فاتحينها مركز شباب الشيشة !! .. لا والمهم ان الدكتور بتاع المحاسبة (محمد العطار) شرح دفتر الاستاذ قبل مايشرح قيود اليومية !!!! .. عشان كدا انا اكاد اجزم ان مافيش ولا بني ادم فهم اي كلمة من اللي قالها الدكتور ..

ربنا معاكوا يا بتوع اولي (ز) في اللي ابتلاكوا ربنا بيه :(!

dr.zomba

10-10-2008, 02:51 PM

انا بقي امبارح كان يوم حلو بشكل فظيع
طبعا انا كل مره بقعد في البنش الاولاني لكن امبارح كان في العيوطي اللي مكانش بيحضر طبعا هايحضر ده العيوطي
وطبعا كان في واقف علي المدرج قبل مايتفتح امه لااله الا الله
وانا واقفه ورا خالص عبال مافكرت ادخل كان المدرج امتلا بالناس في كل حته ملقيتش غير مكان ورا خالص تقريبا اخر بنش
المهم قعدت انا واصحابي والاقي ورايا تقريبا في غرسه اتفتحت شباب عمال يشرب يشرب ايه الله اعلم
وقدامي مناظر استغفر الله لبنات وصبيان وجبني بقي ناس مشغلين مبايلات ونازلين رغي
طيب في ظل الجو اللذيذ ده طبعا معرفتش انقل كلمه ولا حتي حرف
كان يوم مقرف اوي الحمد لله عدي علي خير

انا مشيت بعد الدكتور محمد عنتر

هو في حد دخل بعده ؟:huh:

ايه دا هوا انتوا اللي كنتوا ماليين المنطقة عند العمدة امبارح ؟!!!

يالهوي .. انا فعلا شوفتكوا .. بس دانتوا كنتوا لاتطاقوا امبارح .. دانا كنت رايح اجيب اكل .. عديت منكوا بالعافية وسألت ناس واقفة قالولي تلاقيهم سنة اولي :blush: !

ااااااااااااااااااه مالهم بقي سنه اولي يا حج فامبير؟:stickjo4:

وبعدين انت تعدي من عند منطقتنا ومعترض علي العدد كمان !

وبعدين ايه اللي يوديك للعمده من اصله:stickjo4:

vampire1188

10-10-2008, 02:56 PM

ااااااااااااااااااه مالهم بقي سنه اولي يا حج فامبير؟:stickjo4:

احسن ناس طبعا .. حد يقدر يقول غير كدا :blush:

وبعدين انت تعدي من عند منطقتنا ومعترض علي العدد كمان !

ايوا يابني عددكوا كان كبير جداااااااا .. دا سد المنطقة .. والله العظيم انا اول مرة اشوف المنطقة مزحومة بالطريقة الفظيعة دي .. انا قولت فيه حاجة حصلت ولا خناقة ولا اي حاجة !

وبعدين ايه اللي يوديك للعمده من اصله:stickjo4:

كنت رايح اجيب اكل .. ايييييييه ماكلش ؟ .. وبعدين دانا كنت بسابق الزمن عشان الحق اروح وارجع لمدرج د عشان كان عندي محاضرة محاسبة ..

doody2

10-10-2008, 08:22 PM

انا بقي امبارح كان يوم حلو بشكل فظيع
طبعا انا كل مره بقعد في البنش الاولاني لكن امبارح كان في العيوطي اللي مكانش بيحضر طبعا هايحضر ده العيوطي
وطبعا كان في واقف علي المدرج قبل مايتفتح امه لااله الا الله
وانا واقفه ورا خالص عبال مافكرت ادخل كان المدرج امتلا بالناس في كل حته ملقيتش غير مكان ورا خالص تقريبا اخر بنش
المهم قعدت انا واصحابي والاقي ورايا تقريبا في غرسه اتفتحت شباب عمال يشرب يشرب ايه الله اعلم
وقدامي مناظر استغفر الله لبنات وصبيان وجبني بقي ناس مشغلين مبايلات ونازلين رغي
طيب في ظل الجو اللذيذ ده طبعا معرفتش انقل كلمه ولا حتي حرف
كان يوم مقرف اوي الحمد لله عدي علي خير

ههههههههههههه حظك ايه؟ جميل قوي انا بردة كنت واقفه ورا بس الحمد لله يعد ما دخلت لاقيت حته فاضيه صغنونه بس اتصرفت وقعدت انا وصاحبتي بس انا اللي كان مفرحني اني اخدت محاسبه الحمد لله بصي بقي ياقمر لو عوزتي المحاضرة بتاعت الادارة ابقي خديها مني انا كتبتها كلها
بس بجد اليوم كان عاجبني جدااا والله:)[

doody2

10-10-2008, 08:25 PM

[quote=dr.zomba;824149]انا مشيت بعد الدكتور محمد عنتر

هو في حد دخل بعده ؟:huh:

اه اخدنا محاسبه بس مش دكتور البشبيشي هو اللي ادهالنا واحد تاني بس البشبيشي هايدينا من اول المحاضرة اللي جايه ودكتور علي الديب اعتزر عن المحاضرة ومخادنهاش

metab9

10-10-2008, 08:27 PM

الحمد لله انا معليش الا الاحد والاثنين والثلاثاء اما اروح يوم الحد هاقولكم

dr.zomba

11-10-2008, 11:24 AM

doody2

11-10-2008, 07:51 PM

العفو يا دكتور زومبا لا شكر علي واجب
انا بقي رحت النهاردة وبصراحه كان يوم يارتني ماروحته كان غلط من اوله رحت متاخرة جدااااااااا ومالاقتش مكان اقعد فيه طبعا قعدت علي الارض ودخل دكتور الموارد وكالعاده مافهمتش حاجه بس معرفش بقي دكتور المحاسبه دخل ولا لا؟ لاني مشيت ماكنتش قادرة روحت علشان انام بس انا نفسي حد يشوف موضوع الناس اللي بتشرب ورا اخر بنش بجد انا النهاردة دخت من ريحه الهباب اللي بيشربوة دة ياللا حسبي الله ونعم الوكيل

jeme.89

11-10-2008, 09:22 PM

موضوع جامد جدا يا vampire1188 المفروض ده مش موضوع المفروض يكون ليه قسم في النتدى

dr.zomba

12-10-2008, 12:42 AM

بيقولوا ان الدكتور حلمي البشبيشي دخل النهارده وقال محاضرة مهمه

الكلام دا صحيح ولا ؟

طمطومة

12-10-2008, 04:48 AM

السلام عليكم ورحمة الله وبركاته

بداية كويسة المواصلات الحمدلله لاقتها على طول....:d
بس كنت نازلة بدرى شوية كنت هنتقابل انا وصاحبتى قبل المحاضرات وروحت الجامعة دخلت من باب تجارة كان هيجيلى شلل من المنظر اول مرة اشوف كمية بشر كدا ناس كتير جدا :angry2:
المهم استنين صاحبتى طلعنا المحضارة قالولنا من الباب الخلفى روحنا طلع لا من الباب الامامى مش مشكلة رجعنا
المهم دخلنا المحاضرة برضه اول مرة اشوف العدد ده مش عارفة الناس زادت كدا ليه
كنت هاقعد ورا لاقينا صاحبتنا حاجزلنا قعدنا دخل دكتور الحاسب الدكتور كويس بس الناس هتشله عاوزين كل كلمة تترجم وكل كلمة يكتبها لما الراجل قرف:angry2:
وخلصت المحاضرة وقعدنا شوية جه دكتور التسويق مافهمتش منه شئ مع انه شكله فى اول محاضرة اللى كانت تعارف يديك انه احمد زويل:(
خلص دخل بقى المفاجاة دكتور النقود هو محسس نفسه انه مذيع ويقعد يتكلم لغة عربية ويكتب ابيات شعر :d اهو تضييع وقت وبعد كدا انتهى اليوم وروحت وكانت الدنيا ليل والمواصلات كانت رخمة

doody2

12-10-2008, 05:16 PM

بيقولوا ان الدكتور حلمي البشبيشي دخل النهارده وقال محاضرة مهمه

الكلام دا صحيح ولا ؟

ههههههههههههه اه الكلام دة صح فعلا لا وانا زي الهبله رحت ماشيه قبل مايجي ب5 دقايق باظبط يعني خلاص مش قادرة استني؟ :)بس والله ماكنتش اعرف انه جاي بس هو ماشرحش حاجه مهمه غير انه قال حاجتين هايجي منهم الامتحان بس لسه ماشرحهمش هو شرح بدائيات المحاسبه كدة علشان هي تراكميه لكن مش جايه في الامتحان بس علي فكرة احنا كلنا لازم نواظب علي محاضراته بعد كدة احنا مش ناقصين يفوتنا حاجه:angry2:

doody2

12-10-2008, 05:26 PM

اما بقي عن يومي انهاردة فهو كان حلو شويه بس في حاجه بوظته مش عارفه ليه قدري دايما اقعد والاقي ورايا شويه شباب في منتهي الغلاسه يقعدوا يغنوا ومرة واحدة يقوم واحد كدة منهم يصوت ويفضلوا يعلقوا علي كل الدكاترة حاجه مقرفه يعني :angry2:المشكله بقي ان حظي فقري اني كل ماقعد في حته مختلفه الحظ يجيبهم ورايا مش عارفه اعمل ايه ؟:) بس باقي اليوم كان يعني حلو الي حد ما فهمت الرياضه بس عندي تعليق علي دكتور علي الديب الراجل دة طول ماهو بيتكلم يفضل يهزق فينا مش عارفه ليه؟ والحمد لله باقي اليوم كان حلو

vampire1188

12-10-2008, 09:56 PM

اه قبل اي حاجة .. على فكرة يا doody2 .. انا اكتشفت ان المكتبة بتاعتكوا تقريبا والله اعلم هيا مكتبة بينجو .. ودي اصلا اللي كانت بتدينا السنة اللي فاتت .. بيني وبينك هيا حرامية وبنت ستين في سبعين .. بس محترمة .. بمعني ان ملازمها نضيفة جدا مقارنة بالمكتبات التحف الجديدة اللي نازلة السنة دي !!

اجي بقي ليوميات اليوم الظريف بتاع النهارده ..

استيقظت من النوم باكرا .. وغسلت وجهي بالماء والصابون .. والجيل خلص :redface: عشان كدا لبست كاب .. نزلت من البيت على الساعة 7 الا ربع .. تقولولي ليه اقولكوا مش عارف !! .. اصل تقريبا والله اعلم عندي محاضرة الساعة 8 فلازم انزلها بدري ! .. عموما الحمدلله وصلت بالسلامة للجامعة بعد عناء قفلة الشارع دا غير ان عجلة العربية عملتها في الطريق وفرقعت وكانت شورة سودا ان الواحد يروح الجامعة بعربية !!!! ..

المهم اخش الجامعة .. الاقي سكون رهييييييب .. فاستغربت .. المهم دخلت كان فيه واحد صحابي مستنيني قعدت معاه شوية لغاية مالمدرج بتاع (و) فتح (وربنا مانا فاكر و ولا هـ .. الله يرحم السطلان!!) .. حضرت اول محاضرة كان نقود وبنوك .. والدكتور اصلا بتاعها عجيب بجد .. بيدي المادة بالانجليش وبيشرح بالعربي ;) .. بس ماعلينا اهو بنستفاد وخلاص .. بعد ماخلصت المحاضرة طلعت قضيتها عند شباك الحبايب يا حبيبة !! .. فطرنا وشربنا وظبطنا نفسنا .. وقعدت اراقب الناس بتوع الاخوان وهما بيرصوا الاستيدج بتاع الويلكم بارتي بتاع سنة اولي ..

وتمر الدقائق والساعات .. على 12 وربع كدا بدأ الدي جي يشتغل .. وبدأت الحفلة .. روحت عشان اتفرج عليها لاقيتهم بيعملوا حاجات عادية .. شوية اسألة على شوية هدايا على شوية هزار .. بس بعد كدا بقي الحفلة احلوت اما المسرحية بدأت .. حتى كان اسمها( تايه في الجامعة ) .. بس كانت جامدة جدا بجد .. خاصة الواد رامي (اللي كان قايم بدور الشاب الكوول) .. كان واد تحفة بجد.. بس يمكن اللي يعيب عليهم في المسرحية انهم احبطوا بتوع سنة اولي بطريقة غريبة جداً .. يمكن الناس اللي حضرت هيا اللي تحس بكدا .. عموما هيا الحفلة كانت كويسة وظريفة .. ووزعوا الاي بود والا ميت في الاخر خالص .. وواحد اسمه محمد تقريبا هوا اللي خد الاي بود ..

بعد كدا بقي روحت عند اعلام اقضيها معا صحابي هناك .. دخلت لفيت في ارجاء المبني شوية .. بس جامد من جوا .. كدا بقي مش بقيلي غير مبني سياسة واقتصاد وابقي كدا دخلت جميع مباني الجامعة !!

doody2

12-10-2008, 10:11 PM

[qu
ote=vampire1188;827732]اه قبل اي حاجة .. على فكرة يا doody2 .. انا اكتشفت ان المكتبة بتاعتكوا تقريبا والله اعلم هيا مكتبة بينجو .. ودي اصلا اللي كانت بتدينا السنة اللي فاتت .. بيني وبينك هيا حرامية وبنت ستين في سبعين .. بس محترمة .. بمعني ان ملازمها نضيفة جدا مقارنة بالمكتبات التحف الجديدة اللي نازلة السنة دي !!

وتمر الدقائق والساعات .. على 12 وربع كدا بدأ الدي جي يشتغل .. وبدأت الحفلة .. روحت عشان اتفرج عليها لاقيتهم بيعملوا حاجات عادية .. شوية اسألة على شوية هدايا على شوية هزار .. بس بعد كدا بقي الحفلة احلوت اما المسرحية بدأت .. حتى كان اسمها( تايه في الجامعة ) .. بس كانت جامدة جدا بجد .. خاصة الواد رامي (اللي كان قايم بدور الشاب الكوول) .. كان واد تحفة بجد.. بس يمكن اللي يعيب عليهم في المسرحية انهم احبطوا بتوع سنة اولي بطريقة غريبة جداً .. يمكن الناس اللي حضرت هيا اللي تحس بكدا .. عموما هيا الحفلة كانت كويسة وظريفة .. ووزعوا الاي بود والا ميت في الاخر خالص .. وواحد اسمه محمد تقريبا هوا اللي خد الاي بود ..

اولا ميرسي جدااااااااا يافامبير علي متابعتك وبجد انا حاسه اني تعباك معايا جدااااااااا
ثانيا بقي بالنسبه للحفله انا زعلانه جدااااااااااا علشان محضرتهاش بس اعمل ايه كان نفسي انام جدااااااااااااااا ياللا امري لله تتعوض
وبجد ميرسي ليك مليون مرة كمان يافامبير

فنكوشه المنكوشه

12-10-2008, 10:40 PM

ياراجل صلي عالنبي
طحن ايه
دا فرم
انا لو يوم ليا النهارده
وكرهت الجامعه بمحاضرتها بسلطاتها بباغنوجها:angry2:
حاجه تشل
وكل دا عشان مدفعتش المصاريف في معادها
طبعا شالو اسمي من تجاره انجلش
وانا بئا اتجننت
وعملت مشكله لحد ما ادوني فرصه لاخر اليوم ادفع المصاريف مع اني عارفه انهم بيستهبلوا
ورحت دفعتها وبقيت في تجاره انجليزي
ةالمفروض اروح بكره ومليش نفس حتي اعدي من علي البوابه
بدايه زي الفل:giljotiiniug3:

vampire1188

12-10-2008, 10:54 PM

بدايه زي الفل

احب التفاؤل اللي فيكي!! .. اهلا ومرحبا بيكي في كليتنا العزيزة :blush:

وبجد انا حاسه اني تعباك معايا جدااااااااا

لا والله يادودي لا تعب ولا حاجة .. دانا كنت واقف معا صحابي بالصدفة فجات سيرة المكتبات فعرفت ان اللي بتديكوا بينجو .. بصي انتي نفضي للمحاضرات .. وركزي على ورق الدروس في المحاسبة والرياضة .. وملازم س و ج في المواد النظري .. وعيشي حياتك

doody2

13-10-2008, 12:05 AM

[

لا والله يادودي لا تعب ولا حاجة .. دانا كنت واقف معا صحابي بالصدفة فجات سيرة المكتبات فعرفت ان اللي بتديكوا بينجو .. بصي انتي نفضي للمحاضرات .. وركزي على ورق الدروس في المحاسبة والرياضة .. وملازم س و ج في المواد النظري .. وعيشي حياتك[/quote]

اوك ميرسي 2 مليار مرة يافامبير وربنا يوفقنا كلنا يااااااارب علشان انا اساسا مرعوبه بس في حاجه
انا اساسا بحب الرياضه جدااااا وفهماها كويس من الدكتور وبطبق كمان مع نفسي واوريله يبقي اشتري بردة ملازم ولا لا؟والمحاسبه اساسا اول مرة يدخل فيها الدكتور كانت امبارح وقال انه هايدي الامتحان هي المادة اللي انا ضايعه فيها فعلا هي الموارد

vampire1188

13-10-2008, 12:15 AM

اوك ميرسي 2 مليار مرة يافامبير

خليهم تلاته مليار والنبي عشان خاطري :078111rg3:!

انا اساسا بحب الرياضه جدااااا وفهماها كويس من الدكتور وبطبق كمان مع نفسي واوريله يبقي اشتري بردة ملازم ولا

نصيحة .. اه اشتري .. على الاقل هاتبقي مرجع ليكي لو فيه نقطة مش واضحة ولا حاجة .. خاصة مثلا لو فيه حاجة وقفت معاكي في الاخر خالص في الفترة بتاعة اخر اسبوعين دي .. ودي بنسميها الفترة الحرجة ! .. وساعتها مافيش حد هايشرحلك .. فالملزمة تبقي مرجع ليكي .. احتياطي يعني مش اكتر

لا؟والمحاسبه اساسا اول مرة يدخل فيها الدكتور كانت امبارح وقال انه هايدي الامتحان

مين البشبيشي ؟! .. البشبيشي مابيقولش انا هادي الامتحان .. بس انتي بتستنتجي دا من كلامه .. غير كدا اصلا هوا مش محتاج انه يقول.. الناس كلها عارفه بكدا .. بس عايز اقولك حاجة .. لو قرفتوه في المحاضرات هايقرفكوا في الامتحان ..

هي المادة اللي انا ضايعه فيها فعلا هي الموارد

ملازم س و ج تظبط التظابيط .. هوا المنهج كله كام باب ؟ .. حوالي 8 تقريباً.. غالبا ممكن يطير منهم باب .. يبقوا 7 .. غير شوية الحاجات اللي في النص دي .. يعني هايصفصفوا ممكن على 6 ابواب .. فانتي امشي بنظرية ملزمتين في الايد وكل عيد وانتا سعيد :cool: وخليكي كوول ..

doody2

13-10-2008, 12:21 AM

خليهم تلاته مليار والنبي عشان خاطري :078111rg3:!

هههههههههههههه ماشي ياعم 100 مليار كمان

نصيحة .. اه اشتري .. على الاقل هاتبقي مرجع ليكي لو فيه نقطة مش واضحة ولا حاجة .. خاصة مثلا لو فيه حاجة وقفت معاكي في الاخر خالص في الفترة بتاعة اخر اسبوعين دي .. ودي بنسميها الفترة الحرجة ! .. وساعتها مافيش حد هايشرحلك .. فالملزمة تبقي مرجع ليكي .. احتياطي يعني مش اكتر

اوك وانا هامشي بنصيحتك

مين البشبيشي ؟! .. البشبيشي مابيقولش انا هادي الامتحان .. بس انتي بتستنتجي دا من كلامه .. غير كدا اصلا هوا مش محتاج انه يقول.. الناس كلها عارفه بكدا .. بس عايز اقولك حاجة .. لو قرفتوه في المحاضرات هايقرفكوا في الامتحان ..

بص هو نا ماحضرتش المحاضرة لاني مشيت قبلها بس كان في بنت هي اللي قالتلي كدة :(

ملازم س و ج تظبط التظابيط .. هوا المنهج كله كام باب ؟ .. حوالي 8 تقريباً.. غالبا ممكن يطير منهم باب .. يبقوا 7 .. غير شوية الحاجات اللي في النص دي .. يعني هايصفصفوا ممكن على 6 ابواب .. فانتي امشي بنظرية ملزمتين في الايد وكل عيد وانتا سعيد :cool: وخليكي كوول ..
ههههههههههههه ماشي هاخليني كووول وهاشتري الملازم وكمان الدكتور بتاع الموارد لو اي حد عايز يظبطه يجبله الكتاب انا كنت قاعده في المحاضرة وقلنا لو جبتوا الكتاب هادخلكم الامتحان بفصل واحد بس اللي هو الفصل الاول يارب بس يكون صادق في كلامه

vampire1188

13-10-2008, 12:36 AM

وقلنا لو جبتوا الكتاب هادخلكم الامتحان بفصل واحد بس اللي هو الفصل الاول يارب بس يكون صادق في كلامه

كداب في اصل وشه .. مافيش اصلا دكتور يعملها .. والا هايتفضح على مستوي الكلية !! .. قولي يدخلكوا ب 4 فصول ماشي .. 5 فصول ماشي .. لكن فصل واحد ؟! .. لييييييييييييه ؟ .. بيبيع بالجملة هوا ؟! .. دكاترة غريبة وربنا .. وبعدين على فكرة حكاية ان دكتور يقلكوا هاتوا الكتاب ويقعد يركز عليها اوي دي .. سوري يعني .. هوا بيضحك عليكوا عشان انتوا اولي .. لكن اطلعي شوفي تانيات وتالتات ورابعات .. مابيشتروش اصلا الكتب.. ولا اصلا بيعرفوا منظر الدكتور دا شكله ايه وبيجيبوا تقديرات ! .. فشئ عادي يعني .. اصل شئ غير معقول ان الدكتور هايعرف مين اللي جاب كتابه ومين اللي ماجابش في ظل عددكوا الرهيب دا (2000 واحد على اقل تقدير) .. فحرام بجد .. هوا ممكن يعملها في التطبيقات.. لكن الكتاب الاساسي لأ .. مايقدرش اصلا ومش مسموحله لإن دا كدا يبقي هوا بيستغل الطلبة ودا شئ مرفوض طبعاً .. عشان كدا لو انتي متابعة اخبار الكلية .. هاتتلاقي خبر يقولك ان رئيس الجامعة راصد مبلغ 3 مليون على الاقل عشان يشتري حقوق الملكية بتاعة الكتب الدراسية .. عشان مايبقاش فيه حد يتحكم فيها .. وتبقي نزول الكتب دا مش صادر من الدكتور .. لأ دا يبقي صادر من ادارة الجامعة ذات نفسها ..

doody2

13-10-2008, 12:40 AM

كداب في اصل وشه .. مافيش اصلا دكتور يعملها .. والا هايتفضح على مستوي الكلية !! .. قولي يدخلكوا ب 4 فصول ماشي .. 5 فصول ماشي .. لكن فصل واحد ؟! .. لييييييييييييه ؟ .. بيبيع بالجملة هوا ؟! .. دكاترة غريبة وربنا .. وبعدين على فكرة حكاية ان دكتور يقلكوا هاتوا الكتاب ويقعد يركز عليها اوي دي .. سوري يعني .. هوا بيضحك عليكوا عشان انتوا اولي .. لكن اطلعي شوفي تانيات وتالتات ورابعات .. مابيشتروش اصلا الكتب.. ولا اصلا بيعرفوا منظر الدكتور دا شكله ايه وبيجيبوا تقديرات ! .. فشئ عادي يعني .. اصل شئ غير معقول ان الدكتور هايعرف مين اللي جاب كتابه ومين اللي ماجابش في ظل عددكوا الرهيب دا (2000 واحد على اقل تقدير) .. فحرام بجد .. هوا ممكن يعملها في التطبيقات.. لكن الكتاب الاساسي لأ .. مايقدرش اصلا ومش مسموحله لإن دا كدا يبقي هوا بيستغل الطلبة ودا شئ مرفوض طبعاً .. عشان كدا لو انتي متابعة اخبار الكلية .. هاتتلاقي خبر يقولك ان رئيس الجامعة راصد مبلغ 3 مليون على الاقل عشان يشتري حقوق الملكية بتاعة الكتب الدراسية .. عشان مايبقاش فيه حد يتحكم فيها .. وتبقي نزول الكتب دا مش صادر من الدكتور .. لأ دا يبقي صادر من ادارة الجامعة ذات نفسها ..

يانهارة اسود يعني بيشتغلنا؟:angry2:
طيب وانا عماله اقول لنفسي تعالي علي نفسك واحضري محاضراته يعني هو مش خايف من ربنا
اتاري النهاردة عمال يقولنا ايك حد فيكم يشتري الملازم والكلام الفارغ دة وقعد يقول انا ممكن اسقطكم
مااااااااااااااااااااااشي:angry2::stickjo4:
طيب بالعند فيه بقي هاشتري الملازم
شكرا جدااااااااااا يافامبير انك لفت نظري لحاجه زي دي