:oالسلام عليكم و رحمة الله و بركاته
عايزه اقولكم انى فعلا اتصدمت من النظام الجديد
و اللى صدمنى اكتر انكو فرحانين
لكن لو ركزتوا شويه تلاقوا المساوىء اكتر من المزايا
اقولكم ازاى
الميزه انكم هتترحموا من غلاسه الشفوى واختراعاته و الكوسه طبعا
وكمان هتتقسموا على مجاميع صغيره
و كمان هيتشال عنكم حمل كبيير فى النص التانى
:cool:
بس المشكله ان النص الاولانى قصير اوى و حاجاته كتييييييييير و اللى كان بيحصل كل سنه ان الطلبه(خاصة اولى الغلابه) بيضيعوا الترم الاولانى وبعد كده يفوقوا و تروح زهوه الثقه الزايده بالنفس اللى ادتهالهم الثانويه العامه
و يعوضوا فى اخر السنه اللى درجاتها اكبر :eek:

دلوقت يااااااااااااااااااااااا حبايبى
النص الاول درجاته هاتكتر اوىىىى
هيتضاف عليه نص الشفوى و كمان درجات الاسئله اللى كانت بتيجى فيه اخر السنه
يعنى اللى يضيع منه الترم الاول يسقطططططططططططط:wacko:
يعنى بصراحه 75%يسقطوا
و اللى ينجحوا هم من رحمهم الله ( و انتو عارفينهم كوي;)س)اللى بيخترعولهم اسامى لوظايف فى الكليه حتى لو كانو بيسقطوا ايام الدراسه
يا رب تنولنا بركاتهم

عشان كده انا راييى تعملوا التماس للعميد و هو انسان فى غاية الاحترام
تطلبوا ي اما يقللوا منهج الترم الاول او يقللوا درجاته
و يكون السبب اللى تطرحوه قصر فتره الترم الاول وان الطلبه الجداد لسه مايعرفوش حتى MEDICAL TERMINOLOGY
فمن الصعب يلحقوا حتى يترجموا اسئلة MCQ
اللى للاسف بقى 50% من الامتحان.................... و الله مهزله
و كمان بالمره اطلبوا يزودوا لكم مدة امتحان ال MCQ
لانه قصير اوى و فيه ناس فاكره انه ممكن بالفهلوه و التنشين ييجى
وكمان ناس فاكراه بيتغش
واللى ماتعرفوهوش ان الاسئله موحده بس ترتيبها فى كل ورقه اسئله غير التانيه
يعنى لو نقلتوا من بعض الحلول بيبقى ترتيبها غلط
و كل سنه بتقعوا فى الفخ ده و مش داريين

ارجوكم تردوا عليا بارائكم و اى اسئله اخرى انا تحت امركم

أولا.........مش عارفة اذا كان من حقى انى أرد ولا لأ:confused:
بس الصراحة العنوان شدنى .......حسيت ان فى كارثة المهم
أقول بس الكلمتين اللى عندى..عشان الحق أروح المحاضرة من أولها:d:d

الميزه انكم هتترحموا من غلاسه الشفوى واختراعاته و الكوسه طبعا


مش فاهمة الصراحة
هو فى كلية طب من غير امتحان شفوى!!!!!!!!!
وبعدين على فكرة.........احنا اللى واخدين فكرة غلط عن الممتحنين;)
دول على فكرة بيبقوا طيبين فى أوقات كتيييييييييييير:d
وبالذات على بتوع سنة اولى:cool:
بس أهم حاجة لطالب سنة اولى
أنة ياخد بالة كويس من النطق..........لأن الدكتور بيضايق جدااااااا لما يلاقى طالب طب....مش عارف ينطق اسم مرض معين أو اصطلاح طبى معين:(:(:(

وكمان هتتقسموا على مجاميع صغيره


على فكرة دى ميزة هايلة جداااااااااااااااااااااا:)
ومش عندكوا بس........لأ فى عين شمس كمان;)
التقسيم دة سوف يتيح لكل طال فرصة أفضل للتواصل مع المحاضر
وأكيد كل ما كان العدد أقل كل ما كانت الجودة أفضل:cool::cool:

دلوقت يااااااااااااااااااااااا حبايبى
النص الاول درجاته هاتكتر اوىىىى
هيتضاف عليه نص الشفوى و كمان درجات الاسئله اللى كانت بتيجى فيه اخر السنه
يعنى اللى يضيع منه الترم الاول يسقطططططططططططط:wacko:


أقول لحضرتك حاجة
نبرة عدم الأمل دى مش كويسة بجد:rolleyes::)
أنتوا ناويين من دلوقتى تتبدلروا سنة أولى:eek::eek:
بصوا احنا لسة فى بداية السنة.......اعملوا اللى عليكوا
وثقوا تماما أن الله لن يضيع أجركم أبداااااااااا
والله يا جماعة كلية الطب كلية راااااااااااااائعة وسهلة جدااااااا
واللى بيعقد الطلبة منها تصورهم انها صعبة
فعقلهم الباطن بيرتب نفسة ع انها كلية صعبة^_^^_^

عشان كده انا راييى تعملوا التماس للعميد و هو انسان فى غاية الاحترام
تطلبوا ي اما يقللوا منهج الترم الاول او يقللوا درجاته


ما شاء الله عليك بجد
تفكير ايجابى وممتاز:):)
وطالما أنتوا شايفين النظام غير مناسب...يبقى خدوا خطوة ايجابية
بس لو لاقدر الله والموضوع مش نجح أوى مش تخلوها نهاية الدنيا
شدوا حيلكوا واتوكلوا على الله:):)
وربنا معاكوا

الطلبه الجداد لسه مايعرفوش حتى MEDICAL TERMINOLOGY


على فكرة المصطلاحات الطبية هى اللى مبنى عليها الدراسة تقريبا
وهى علطوووووووووول بتتكرر معاك
يعنى ان شاء الله هتحفظها زى اسمك وغصب عنك كمان:d:d
دة غير ان فى بعض المصطلحات بتحس ان فى بينها نوع من التناغم
يعنى سهلة بأذن الله;);)

فمن الصعب يلحقوا حتى يترجموا اسئلة MCQ
حضرتك الكلية بتنزل كتب فيها كمية رهيبة جداااااااا من اسئلة الإختيارى:)
وغالبا هى دى اللى بتيجى فى الإمتحان لأن الدكاترة مش بتحب تألف:lol:
ولو ألفت بيبقى سؤالين تلاتة مش أكتر
يعنى بالتدريب هتحفظ الأسئلة بالشبة:d:cool:
اللى للاسف بقى 50% من الامتحان.................... و الله مهزله
و كمان بالمره اطلبوا يزودوا لكم مدة امتحان ال MCQ
لانه قصير اوى و فيه ناس فاكره انه ممكن بالفهلوه و التنشين ييجى

حضرتك,, قصر مدة امتحان الMCQ فى مصلحة طالب الطب:)
هتقولى ازااااااااى يعنى؟؟؟؟؟؟؟؟؟؟
الكلام دة مش كلامى دة كلام واحدة أكبر منى فى الكلية
بتقول......ان قصر مدة الإمتحان يخدم الطالب فى المستقبل كطبيب
ببمعنى أنت مثلا ممكن تكون فى الطوارئ وتجيلك حالة.. الحالة دى حياتها تتوقف(بعد الله تعالى طبعا) على قرار منك أيها الطبيب
القرار دة لازم تاخدة فى ثانية وإلا ممكن تفقد المريض:(:(
وعلى هذا امتحان الMCQ ليس إلا تدريب لك على سرعة الإستجابة للمواقف الطارئة
ليعدك طبيبا ماهرا وبارعا :):)
وبعدين مهما كانت مدة امتحان الMCQ بتاعكوا مش هتبقى أقصر من عندنا فى عين شمس,,, يعنى كلنا فى الهوا سوا:d:d
دة غير ان احنا عندنا......ممكن تلاقى الدكتور كدة واحنا فى امان الله يقولك
طلع ورقة يا بنى امتحان MCQ
فاحمدوا ربنا:)

وكمان ناس فاكراه بيتغش
واللى ماتعرفوهوش ان الاسئله موحده بس ترتيبها فى كل ورقه اسئله غير التانيه
يعنى لو نقلتوا من بعض الحلول بيبقى ترتيبها غلط


ميرسى ع التنبية:d:d

ارجوكم تردوا عليا بارائكم و اى اسئله اخرى انا تحت امركم

معلش مرة تانية أنا رديت رغم أنى مش معاكوا:(
بس ربنا يوفقكوا ويعينكوا للى فية الخير ليكوا وللناس جميعا
آمين
تقبل مرورى
فى رعاية الله

[quote=د/ ماجدولين;786712]أولا.........مش عارفة اذا كان من حقى انى أرد ولا لأ:confused:



دانتى نورتينا بجد و اتمنى تشاركى على طوووووووووول
لان ارائك عجبانى جدا




احنا اللى واخدين فكرة غلط عن الممتحنين;)
دول على فكرة بيبقوا طيبين فى أوقات كتيييييييييييير:d
وبالذات على بتوع سنة اولى:cool:

بس معلش دى واسعه حبتين
يمكن قصدك عندكو فى عين شمس مش اسكندريه
و اللى يقدر يقولك الطلبه اللى راحوا تانيه عندنا
فيه قالولى كانو بيتشتمو

:(

على فكرة دى ميزة هايلة جداااااااااااااااااااااا:)
ومش عندكوا بس........لأ فى عين شمس كمان;)
التقسيم دة سوف يتيح لكل طال فرصة أفضل للتواصل مع المحاضر
وأكيد كل ما كان العدد أقل كل ما كانت الجودة أفضل:cool::cool:


دى احنا ماختلفناش فيها



حضرتك,, قصر مدة امتحان الMCQ فى مصلحة طالب الطب:)
صح كلامك يا مجدولين بس ينطبق على سنه تالته و طالع مش اللى كانوا ثانويه عامه و بيراجعوا الورقه ست سبع مرات قبل ما يسلموا اجاباتهم
بس حكايه طلعوا ورقه و امتحان فجائى عندكم فى عين شمس ارد عليكى و اقوللك

الحمد لله ميت مره اننا فى طب اسكندريه

يعنى بصراحه 75%يسقطوابس :d
ماهي دي المشكله فعلا
النص الاول صغير
داغير اللي بيضيع ف اوله عبال ما ننتظم ف المحاضرات وموضوع العيد والاجازه يعدي
وخصوصا طلبه اولي عشان اللغه :(
بس اهم حاجه فعلا ان الدفعه اتقسمت ع عدد سكاشن اكبر فالموضوع دا حيريح اوي
والمشكله ف موضوع التقسيم دا ع النص الاول والتاني
ان الدرجات اللي بتسقط او بتروح حتزيد اوي وبدل ما كان معظمها ف امتحان واحد حيكون حاليا ف امتحانين
يعني حتي اللي ناوي ع تقدير مؤكد حيقل شوية
يالا مش مشكله
مااحنا طول عمرنا فيران تجارب :d

بس لو بصينا للجانب المشرق ف الموضوع دا
امتحانات الشفوي الحمد لله اتلغت :d
بجد فعلا كان فيه دكاتره معاملتهم وحشه بتخلي الطالب اللي قدامه يكون عايز ينتحر :lol:
غير انها كانت بتطول فتره الامتحانات اوي كنا احنا ابتدينا امتحانات ف نص اربعه خلصنا ف اول سبعه
دا غير ان المدرج اتغير بقي مدرجنا جميل اوي للاسف ميشجعش ع النوم :)
بس بجد يا دكتوره لو الطلبة قدموا التماس للعميد ممكن يتقبل لان بجد منهج النص الاولاني تقيل اوي
ف اولي بياخدوا ف الفسيولوجي اربع سيستمات و الاناتومي عندهم كبير اوي
واحنا برضه ف تانية نفس الوضع

شكرا على رايك السليم ده
بس نفسى اعرف لحد امتى حكايه فران التجارب دى
هم بيعاندوا فى مين؟؟
فى الطالب ولا فى الدكاتره و لافى الدكاتره اللى بتدى كورسات؟؟
كل سنه حاجات تتشال ويتحط بدلها فى الكتب
مع العلم ان الجديد اللى اتزود كله بيرجعوا يلغوه فى المحاضرات على فكره
و فيه سنه من السنين
بتاعه اللى فى دفعه رابعه السنه دى
لما كانوا فى اولى و الله كان كل طالب بيستلم كتاب bio
غير زمايله
لدرجه انى فى الكورس كنت بحدد مثلا المعلومه دى فى الكتاب الجديد و اتغيرت فى الكتاب اللى نص نص و كانت مكتوبه كده فى القديم

قولولى ايه علاقه ده بالعلم و ان يبقى عندنا دكاتره فاهمين؟
و فى الشفوى (اللى اتلغى الحمد لله) كان بيدخلكم دكاتره 70 سنه
معندهمش علم اصلا بالمهزله اللى فى كتبكم و تلاقيهم بيسالوكوا فى حاجات مش فى الكتاب
لدرجه اللى كان بيقوللهم ماخدناش الكلام ده بيصدقوه

شكرا على رايك السليم ده
بس نفسى اعرف لحد امتى حكايه فران التجارب دى
هم بيعاندوا فى مين؟؟
فى الطالب ولا فى الدكاتره و لافى الدكاتره اللى بتدى كورسات؟؟
كل سنه حاجات تتشال ويتحط بدلها فى الكتب
مع العلم ان الجديد اللى اتزود كله بيرجعوا يلغوه فى المحاضرات على فكره
و فيه سنه من السنين
بتاعه اللى فى دفعه رابعه السنه دى
لما كانوا فى اولى و الله كان كل طالب بيستلم كتاب bio
غير زمايله
لدرجه انى فى الكورس كنت بحدد مثلا المعلومه دى فى الكتاب الجديد و اتغيرت فى الكتاب اللى نص نص و كانت مكتوبه كده فى القديم

قولولى ايه علاقه ده بالعلم و ان يبقى عندنا دكاتره فاهمين؟
و فى الشفوى (اللى اتلغى الحمد لله) كان بيدخلكم دكاتره 70 سنه
معندهمش علم اصلا بالمهزله اللى فى كتبكم و تلاقيهم بيسالوكوا فى حاجات مش فى الكتاب
لدرجه اللى كان بيقوللهم ماخدناش الكلام ده بيصدقوه