منتدى طلاب جامعه الازهر [الأرشيف] - بوابة الثانوية العامة المصرية

مشاهدة النسخة كاملة : منتدى طلاب جامعه الازهر

بنت ازهريه

21-09-2008, 09:26 PM

السلام عليكم ورحمه الله وبركاته
ده اولا
ثانيا احب اهنى كل واحد على كليته اللى دخلها
ثالثا وده الاهم انا عندى فكره كده ويارب تعجبكم
انا ان شاء الله داخله علوم القاهره ده طبعا لان الهندسه سابتنى على نص درجه
بس ده مش المهم المهم دلوقتى ايه راى طلبه العلوم الازهريين الموجودين فى منتدانا الجميل ده يشاركونى التعارف واهى منها نساعد بعض لما ندخل الجامعه
طبعا هو الموضوع غريب شويه بس انا فكرت فيه لان شايفه القسم ده نايم جدااااااااااااااااااا
فده موضوع ممكن يديله روح شويه فيلريت تشتركوا معايا فى تكوين الرابطه دى
عايزه تفاعل
فى رعايه الله

احمد فاروق1991

21-09-2008, 11:27 PM

احب اكون اول من يتفاعل مع موضوع الشيق

انا الحمد لله دخلت كلية علوم القاهرة
والحمد لله روحت الكلية ومش لاقيت اى حاجة ممكن اعملها _ موظف فى شئون الطلبة قالى ورق المستجدين لسة مجاش الكلية
وقالى تعالى يوم الاربعاء ومش عارف انا هعمل اية لو روحت يوم الابعاء وملقيتش الورق جة _ المشوار لجامعة الازهر من الاسماعيلية والزحمة اللى ف القاهرة مشوار ما يعلم بية الا ربنا

ebrahem salim

22-09-2008, 12:58 AM

وانا كمان انشاء الله اريد ان اشارك معاكي اختي وانا اتظلمت في تعليم الاوراق والتنسيق كمان ومنهم لله واحتمال مش هكمل في الازهر حالص بس هشارك معاكي انشاء الله

بنت ازهريه

24-09-2008, 10:31 AM

اوكى بس ياريت يكون فيه تفاعل من باقى الطلبه
فى رعايه الله

النباتي

27-09-2008, 01:45 PM

السلام عليم ورحمة اللة وبركاتة
اخوكم محمد سنه رابعه علوم الازهر قسم نبات خاص
احب ان افيد اخوتي الجدد في الكلية بقدر استطاعتي فباذن اللى اي استفسار عن الكلية عموما او عن شعبه بيولوجي (علم الاخياء)خاصة او عن قسم النبات بوجه اخص فانا باذن اللة في خدمة الاسلام والمسلمين وتحت امركم سواء في المنتدي اوعلي الاميل بتاعي اللى في بياناتي وانهي كما بدءت بالسلام

السلام عليكم ورحمه الله وبركاته.......http://www.thanwya.com/vb/life/icons/icon114.gif

النباتي

27-09-2008, 01:59 PM

السلام عليكم ورحمة اللة وبركاتة
اخوكم في اللة محمد رابعه علوم الازهر قسم نبات خاص ارجو انكم تقبلوني اكون صديق لكم واتمنى ان ربنا يفيدكم بي ويفيدني بكم
باذن اللة اي استفسار منكم عن الكلية بوجه عام او عن قسم بيولوجى (علم الاحياء) بوجه خاص اوعن قسم نبات بوجه اخص فاني باذن اللة في خدمه الاسلام والمسلمين بحسب استطاعتي وانا معاكم سواء في المنتدى او علي الاميل بتاعي اللى مسجل في بياناتي....
وانهي كما بدءت بالسلام
السلام عليكم ورحمه اللة وبركاتة......................http://www.thanwya.com/vb/life/icons/icon114.gif

بنت ازهريه

27-09-2008, 07:26 PM

اولا احب اشكر حضرتك بجد لانضمامك لينا
وانا ملاحظه ان معظم الازهريين هنا فى المنتدى داخلين علوم ان شاء الله
واكيد هنحتاج حضرتك فى حاجت كتير
ولتانى مره بشكر حضرتك جداااااااا
فى رعايه الله

عاشقة النبى

27-09-2008, 08:42 PM

السلام عليكم ورحمة الله وبركاته
انا برده ان شاء الله داخلة علوم معاكم

بنت ازهريه

27-09-2008, 10:12 PM

السلام عليكم ورحمة الله وبركاته
انا برده ان شاء الله داخلة علوم معاكم
اهلا بيكى معان ياجميل وياريت يكون فيه تواصل بيننا
فى رعايه الله

احمد زايد

28-09-2008, 11:24 AM

السلام عليكم ورحمة الله وبركاته وانا كمان علوم ازهر وممكن اشترك معاكم

بنت ازهريه

29-09-2008, 09:58 PM

ايه ده هو احنا كلنا علوم
بسم الله ماشاء الله
انا كده هحسدكم
يلا يارب يوفقنا كلنا يارب
فى رعايه الله

mohamed sleam

29-09-2008, 11:08 PM

السلام عليكم

أخوكم محمد سليم

علوم القاهره أزهر

الفرقه الرابعه

شعبه علوم البحار والأسماك قسم علم الحيوان

Marine Biologist

أنا صديق أخوكم محمد النباتى

ويسعدنى أنى أكون معاكم

وانا و النباتى تحت أمركم فى أى أستفسارات

بنت ازهريه

01-10-2008, 10:18 PM

شرفتنا استاذ محمد انت واستاذ النباتى واكيد هنحتاج نصايحكم
فى رعايه الله

elsayed.111

10-10-2008, 02:51 PM

السلام عليكم ورحمه الله وبركاته

ده اولا
ثانيا احب اهنى كل واحد على كليته اللى دخلها
ثالثا وده الاهم انا عندى فكره كده ويارب تعجبكم
انا ان شاء الله داخله علوم القاهره ده طبعا لان الهندسه سابتنى على نص درجه
بس ده مش المهم المهم دلوقتى ايه راى طلبه العلوم الازهريين الموجودين فى منتدانا الجميل ده يشاركونى التعارف واهى منها نساعد بعض لما ندخل الجامعه
طبعا هو الموضوع غريب شويه بس انا فكرت فيه لان شايفه القسم ده نايم جدااااااااااااااااااا
فده موضوع ممكن يديله روح شويه فيلريت تشتركوا معايا فى تكوين الرابطه دى
عايزه تفاعل

فى رعايه الله

يا نهار ابيض :o
واقفه على ايه ... نص درجه

طب لما التنسيق ظهر ماروحتيش ليه تعملى استثناء لإعاده التصحيح ( التظلم )

ده أنا عملته عشان واقف فلى درجتين
وانتى واقفه على نصف درجه وساكته

لا حول ولا قوة الا بالله

ربنا يكون فى عونك

هانى الشرقاوى

10-10-2008, 03:00 PM

يا نهار ابيض :o
واقفه على ايه ... نص درجه

طب لما التنسيق ظهر ماروحتيش ليه تعملى استثناء لإعاده التصحيح ( التظلم )

ده أنا عملته عشان واقف فلى درجتين
وانتى واقفه على نصف درجه وساكته

لا حول ولا قوة الا بالله

ربنا يكون فى عونك

ايه ده فهمنى بالراحة كده
أنا كمان متنيل وراحت منى هندسة على نصف درجة قولى بقا أعمل ايه ولسه ينفع ولا ما ينفعش الا انت بقول عليه ده
ربنا ينتقم من الازهر وأهل الازهر كمان اااااااااااااااااااااااااااااااااااااااااااااااااا مين

elsayed.111

10-10-2008, 03:05 PM

وايوه عندك حق المنتدى ده فى سابع نومه .. لا مش المنتدى ده بس ده منتديات الأزهر كلها كده \

ده انا حتى دخلت استفسر عن حاجه فى منتدى خاص بكليات العام (بصراحه نشيط جدا ) قالولى انته ايه اللى جايبك هنا ما تروح منتدى جامعات الازهر

وطبعا احرجت وما عرفتش اقول ايه

elsayed.111

10-10-2008, 04:06 PM

ايه ده فهمنى بالراحة كده
أنا كمان متنيل وراحت منى هندسة على نصف درجة قولى بقا أعمل ايه ولسه ينفع ولا ما ينفعش الا انت بقول عليه ده
ربنا ينتقم من الازهر وأهل الازهر كمان اااااااااااااااااااااااااااااااااااااااااااااااااا مين

انتوا يا أزهريه والله نايمين على نفسكوا خالص
ده المشوار ده انا خلصته فى 23\9 يعنى الله أعلم لسه فيها ولا راحت عليكوا

على العموم انا هقولكو برضه على اللى انا عملته
بصوا يا شباب أنا لما التنسيق ظهر ولقيت نفسى محتاج درجتين عشان اخش الكليه اللى انا عاوزها
عيطلى طبعا يومين ولما فقت قولت الا مش انا ليه درجات كتير ضاعت وسط التصحيح بوحدة الشبر سنتيمتر
طب ما أورح أعمل إعاده تصحيح مع بتوع الدور التانى لقيت ميعادهم هم كمان خلص واتحسرت أكتر لما عرفت إن المعياد خلص فى اليومين اللى أعدت اعيط فيهم شوفو العياط ممنوش فايده ازاى
المهم قولت لازم اعمل حاجه ودخلت قطاع المعاهد الأزهريه وسألت كتير
لحد ما موظف ابن حلال قاللى روح المشيخه وقدم طلب بالإستثتاء من ميعاد إعاده التصحيح
طوالى قمت رايح مشيخه الأزهر اللى هيه فى حدائق القبه بالدراسه
ولما دخلت جواها حسيت انى دخلت مكان غلط .. مكان ايه جميل جدا ولا الناس اخر احترام
وسألت على الشئون القانونيه قالولى فى الدور السادس على ما افتكر .. ركبت الأسنسير وطلعت السادس
وموظف هناك خدنى وجابلى ورقه وقلم وقاللى اكتب وملانى نص بالطلب

وقاللى انزل تحت (مش فاكر انهى دور ) لوكيل شيخ الأزهر ونزلت واحد خد منى الورقة وقاللى اسنى فى قاعة المؤتمرات على ما الوكيل يجى ... وبعدين جه وطلعلى ورقه بالموافقه
وبعتنى للشئون القانونيه وكام ختم على كام امضه وخلصت الحكايه
وسالتهم يعد كده هروح فين قالولى روح قطاع المعاهد ادفع الرسوم ودفعت 300 جنيه لتلت مواد
ولما سألت هروح فين بعد كده
قالولى روح الكنترول فى معهد فتيات العباسيه عشان تتعرف على الورق

وأنا رايح الكنترول قابلتنى واحده كانت بتعمل نفس الحوار وقالتلى انها لسه جايه من هناك ( من العباسيه ) وقالولها روحى لجنه فض المازعات عشان بقيت الإجراءات القانونيه تكمل .. وثقت فى كلامها ورحنا لجنه فض النازعات اللى فى المبنى بتاع مجمع البحوث اللى جمب قطاع المعاهد
وهناك موظف عملنا ملف وحددلنا جلسه يوم 23\10 بعديها نروح تنعرف على الورق

وادينى مستنى 23\10

وليد يحيى

11-10-2008, 01:46 AM

اهلا يطلاب الازهر انا دكتور بجامعة الازهر اسيوط متابع تواصلكم مع بعض من حوالى شهر وحقيقى فرحان بمساعدكم لبعض ونشاطكم وغيرتكم على الازهر عشان كده حسيت انه واجب على اسعدكم فى منتداكم قدر الاستطاعة اسئلوا عن كل الى متعرفهوش وسأساعدكم ان شاء الله د\وليد

وليد يحيى

11-10-2008, 01:48 AM

اهلا بطلاب الازهر انا دكتور بجامعة الازهر اسيوط متابع تواصلكم مع بعض من حوالى شهر وحقيقى فرحان بمساعدكم لبعض ونشاطكم وغيرتكم على الازهر عشان كده حسيت انه واجب على اسعدكم فى منتداكم قدر الاستطاعة اسئلوا عن كل الى متعرفهوش وسأساعدكم ان شاء الله د\وليد

elsayed.111

11-10-2008, 12:31 PM

بنت ازهريه

15-10-2008, 08:20 PM

قدر الله وماشاء فعل

وليد يحيى

16-10-2008, 02:49 AM

قدر الله وماشاء فعل
مالك زعلانه ليه

بنت ازهريه

18-10-2008, 12:03 PM

والله يادكتور انا اول اما دخلت الكليه بجد كنت حباها بالرغم من ان الكل كان بيقولى العلوم صعبه وانا صممت انى ادخلها
بس بجدكل يوم نفسيتى بتتدهور عن اليوم اللى قبله
من الكليه ومن مستوى التدريس فيها انا لحد دلوقتى معرفش انا شعبه ايه هل ده شى يعقل
سكاشن كل اما ادخل يستكفوا العدد لان طبعا السكاشن لسه متقسمتش وبما انى مجموعى 622 فانا دخلت كيمياء وطلعت من سكشن فيزياء واقوللها يادكتور انا مجموعى كذا وفى ناس 607 واقل من كده قاعدين
تقوللى احنا كده استكفينا
يلا الحمد لله
انا اللى اخترت ولازم اكمل
فى رعايه الله

elsayed.111

18-10-2008, 07:34 PM

وليد يحيى

20-10-2008, 05:18 PM

بنت الازهر السلام عليكم انا عارف مرحلة التخبط الى بتعشيها الان انت وزملائك الى داخلين اولى وده شيئ طبيعى لانكم بتنتقلوا من مرحلة كان الاهل فى البيت وادارة المعهد الازهرى بيرتبولكم لكل شيئ اما الان ومن غير مقدمات اصبح مفروض عليكم تقوموا باعباء كبيرة ناهيك عن مشكلة السكن للمغتربين والتحويل للى غير رغبته واشياء كثيرة اخرى لكن صدقينى بمجرد بداية المحاضرات والسكاشن واستقرار الجدول كل ده هيصبح فى خبر كان وتنسيه لانى انا ايضا مريت بكل ده والله واكثر واصبح بالنسبة لى دافع للامام واحب اقولك انت وكل القراء ان اى دكتور من الزملاء بيراعى تاخر بداية الدراسة وكل هذه التخبطات الادارية اثناء وضع الاسئلة واثناء التصحيح وهذا ما افعله انا ايضا لانكى مطالبة بالى شرحه الدكتور مش كل الموجود فى الكتاب وانا متاكد مع بداية الترم الثانى هقرأ خطاباتكم وقد تغير الحال السلام عليكم جميعا