HITMAN 3
22-09-2008, 06:11 AM
السلام عليكم
أنا عايز أحول لتجارة عين شمس , قسم إنجليزي .
بس خايف انه يكون صعب أو ممل
فأنا متردد بين معهد عالي علوم حاسب أكاديمية الشروق و لا تجارة عين شمس قسم إنجليزي؟؟؟
انصحوني ضروري أنا زهقت ومش قادر أقرر
أنا خايف ان تجارة انجليش تكون مملة أو مجالات عملها بعدالتخرج تكون منخفضة
أنا درجاتي تجبها بس مش عارف اذا حولت للتجارة هل اقدر احول قسم انجليزي ولا لأه خاصة ان هما قالوا ان التحويل نتجته هتظهر بعد أسبوعين أرجوكم انصحوني أعمل ايه؟؟؟؟؟؟؟؟؟؟؟؟
HITMAN 3
22-09-2008, 08:24 AM
مفيش حد يعرف أي حاجة ؟؟؟؟؟؟؟؟؟؟؟
ماهينور 2
22-09-2008, 08:32 AM
بصراحه لو ينفع تحول لتجاره انجلش فعلا حول الاول اسال
وعلي فكره الدكتور قالنا امبارح انه اي كليه حكومه افضل ميت مره من اي جامعه خاصه
حتي لو مش هاتقدر تحول تجاره انجلش رايي انك برضو تحول تجاره وان شاء الله هايكون ليك مستقبل حلو
elbahzy
22-09-2008, 08:33 AM
انا شايف ان تجاره انجلش احسن طبعا
مجالات عملها منخفضه ازاى؟؟؟؟؟!!!!!!! دى تعتبر من كليات القمه وبيشتغلوا على طول لأن عددهم قليل
انا فضلت تجاره عن مودرن اكايمى هندسه او العاشربس انا عربى
wanda
22-09-2008, 09:48 PM
نصيحى منى
الجامعات الخاصة مبتخرجش ناس ناجحة
وزى ما قالت ريناد اى جامعه حكومة احسن من مليون واحدة خاصه
وتجارة انجلش زى مقال اللى قبلى كلية قمة دلوقتى
ومجلات عملها كتير
دول بيتخطفوا خطف
فرسان الحق
22-09-2008, 10:26 PM
على فكره يا برنس نصيحه منى متدخلش جامعه خاصه و لكن انا عاوز انبه على شئ مهم قوى ان فيه نظام عملوه السنه دى انك لو حولت لكليه فيها انتساب حتى لو كان مجموعك كبير هتبقى انتساب و ساعتها مش هتقدر تدخل تجاره انجليش و لكن راى و انا شايف انه للاسف احسن حل تحول تجاره و هتبقى انتساب و لكن استحمل سنه يا سيدى و قدر و هتبقى انتظام و بعد التخرج خدلك كام قرص لغه و حاسب و ربك هو الرزاق و استعن بالله و اعرف ان ربنا سيرزقك الرزق المقرر و لكن بعدما تقرر صلى صلاه استخاره و بعدها توكل على الله توكل تام و ربنا يوفقك يا مان
!!!دمعة حزن!!!
22-09-2008, 11:19 PM
بص اول حاجه استخير ربنا وصلى صلاه استخاره
وتجاره انجلش ليها مميزات حلوه اووووووووووى وخصوصا لو طلعت من عين شمس
مع شويه كورسات وحاجات كدا لزوم التظبيط
وبالنسبه لاكاديميه الشروق
بص هى كويسه جدااااااااااا ومعتمدا من وزاره التعليم العالى ولو تفوقت فيها هتاخد منح مجانه
حاجه كدا خارج الموضوع
انا هقولك نصيحه لوجه الله بالنسبه لاكاديميه الشروق
الاكاديميه دى الشباب اللى فيها صنفين يااما متدين لحيه وكدا
يااما شباب باااااااااااااااااااااااااااااايظ اوووووووووووووووووووووى
اوحش حاجه فى ااكاديميه انها مفهاش وسط
لو هتعرف تحمى نفسك ومش هتتاثر باللى حولك ادخلها وهتتفوف ان شاء الله
لو بتتاثر بسرعه باللى حوليك تاكد انت هتبقى من الصنفين اللى زكرتهم
ربنا يوفقك فى المكان اللى هتختاره
Hanoda
22-09-2008, 11:26 PM
فيه نظام عملوه السنه دى انك لو حولت لكليه فيها انتساب حتى لو كان مجموعك كبير هتبقى انتساب و ساعتها مش هتقدر تدخل تجاره انجليش و لكن راى و انا شايف انه للاسف احسن حل تحول تجاره و هتبقى انتساب و لكن استحمل سنه يا سيدى
علي فكرة انا صحبتي حولت من اداب لتجارة انتظام عادي يعني دفعت 100 جنيه وحولت عادي في مكتب التنسيق
فرسان الحق
23-09-2008, 12:12 AM
علي فكرة انا صحبتي حولت من اداب لتجارة انتظام عادي يعني دفعت 100 جنيه وحولت عادي في مكتب التنسيق
طب انا كنت حولت و من على الانترنت و ودونى تجاره انتساب هل ينفع ادفهع 100 جنيه و يحلونى على تجاره انتظام و لا خلاص راحت عليا و اكمل انتساب و امرى لله
king2008
25-09-2008, 09:56 AM
لو انت متمكن فى اللغه وقادر على انك تمشى فى تجاره انجليش
يبقى تحول احسن لك