المساعد الشخصي الرقمي

مشاهدة النسخة كاملة : محتار ادخل قسم ايه في علوم ومحتاج مساعده عاجله

usama_mustafa
22-09-2008, 08:46 AM
انا طالب في كلية علوم اسكندريه

وحاليا في قسم علوم طبيعيه:huh::confused:

وبفكر احول لقسم الجلوجيا علشان سمعت عن قسم جيوفيزياء ان القسم ده زي هندسة تعدين وان قسم كويس ولي شغل كويس في مجال البترول بس انا كنت عايز اعرف ايه اقسام الجيلوجيا علشان انا عرفت ان قسم الجيو فيزياء من اعلي التقديرات في الكليه فكنت عايز اعرف اقسام قسم الجيلوجيا التانيه علشان لو لا قدر الله وده امر وارد مجبتش تقدير عالي انا ممكن ادخل ايه غير الجيوفيزياء وعايز اعرف هو قسم الكيمياء في الجيلوجيا يحتوي علي قسم كيمياء سبشيال زي اللي في قسم علوم طبيعيهوهل اقسام الجيلوجيا كويسه ولها شغل ولا العلو الطبيعيه ومين القسم اللي درسته اسهل وعايز اعرف تقديرات الأقسام اللي في قسم الجيلوجياوايه شغلها وارجوكم الرد بسرعه علشان انا محتار جداا وعايز واحد يكون بيفهم في علوم كتير يكلمني اكتر عن الأقسام المهمه وشغلها وتقديره وهي في انهي قسم جيلوجيا ولا علوم طبيعيه وعلي فكره انا علم رياضه بالله عليكم ارجو منكم ردود كتيره ومفيده وتقولولي اختار انهي قسم افضل وارجو من كل اللي يعرفو اي معلومه يفيدوني وشكراااااا لكم جميعا :)
usama_mustafa
22-09-2008, 08:48 AM
بالله عليكم كل من يقرأ الموضوع يعطيني رد مفيد وسريع وشكرااااااااااااااا
usama_mustafa
22-09-2008, 05:25 PM
ارجوكم انا محتاج منكم ردود سريعه ومفيده
شموخ مسلمة
22-09-2008, 05:41 PM
اه احنا انبارح كان عندنا اجتماع و الدكتور ورانا ورق التعيين بتاع التعدين و قال ان مستقبله حلو اوى

بص هو اللىانا فهمته من الكلام بس الاول احتما لكبير النظام عندنا يكون مختلف عن اسكندرية
قسم الجولوجيا و الجيوفيزيا دول بتوع التعدين و الدكتور ماقالش انه محتاج تقدير او كده

بس صراحة رئيس قسم النبات لما قام و اتكلم
قالنا كل رؤساء الاقسام كلموكم عن كل قسم عشان تدخلوه بس انا بقولكم نصيحة احسن قسمين للشغل كيميا و ميكرو بيولوجى
بس ده اللى انا اعرفه
يارب اكون افدتك
بالتوفيق
احمد زايد
23-09-2008, 12:31 AM
معلش انا هاصدمك براىى بس فكر فيه انا علوم كيمياء انا كنت محتار زيك كدا الاول وجيت ماسك ورقه وقلم وقعدت افاضل بين الكيمياء والجيلوجيا فى كل حاجه انا عايزه لمستقبلى وفازت الكيمياء باكتساح ودخلت كيمياء بص ياعم انت عايز ايه وقرر والله يوفقك
usama_mustafa
23-09-2008, 06:49 AM
ربنا يكرمكم كلكم بس انا عايز حد يكلمني عن المميزات والعيوب والتقديرات والشفل علشان اعرف اختار شكرا لكل من يساعدني
Y U N A
23-09-2008, 01:37 PM
ربنا يكرمكم كلكم بس انا عايز حد يكلمني عن المميزات والعيوب والتقديرات والشفل علشان اعرف اختار شكرا لكل من يساعدني


بص من الافضل تختار اللى انت حابه اكتر

اصل احنا كلنا اولى علوم فمش عارفين ايه المميزات والعيوب يعنى غير اللى بنسمعه من كلام الناس والله اعلم بمدى صحته

ومفيش حاجه سهله وحاجه صعبه فعلا كله محتاج مزاكره وشوية مجهود :)

وشغل كيميا موجود وجيولوجيا موجود وكلها ارزاق من عند ربنا

فشوف ميولك لايه اكتر عشان تقدر تجتهد وتجيب تقدير كويس باذن الله يساعدك على انك تلاقى شغل كويس

حاسه انى ردى مش هيضيف جديد

بس بجد فى ناس دخلت حاجه مش حباها بس عشان مستقبلها كذا وكذا

ومش نفعت على عكس الناس اللى دخلت حاجه حباها واتفوقت فيها وربنا كرمها

عموما ربنا يهديك للى فيه الخير ليك باذن الله :)
احمد زايد
23-09-2008, 02:01 PM
بص ياعم اسامه ضع 50% للبتحبه و10%لامكانية العمل الحر و10%لضمان سرعة العمل وطبعا الارزاق بيدى الله بس دى نسب لينا احنا يا بشر علشان احنا بنحكم بالعقلو10%لاراء كل اللى حواليك و20% لاطمئنان قلبك بعد صلاة الاستخاره وانا ها سعدك فى حاجه انا خالى شغل فى التعدين وسالته قبل ما اختار القسم اللى ادخله وقال ليا بلاش جيولوجيا للاسباب الاتيه
1:مفيش شغل الا بوسطه
2:بتبقى تحت رحمة المقاول يمشيك يخليك لانك مش بتتثبت
usama_mustafa
24-09-2008, 07:23 AM
حاسه انى ردى مش هيضيف جديد



رأيك اضاف طبعا واثر فيا ويا رب يهديني لأحسن حاجه ليه وربنا يكرم يا رب وشكراا ليكي كتير
usama_mustafa
24-09-2008, 11:18 PM
اخر يوم ممكن احول فيه بكره بأذن الله تعالي فأرجو اكتر كمية ردود مفيده بالله عليكم وشكراااااااااااااااا
tamer2004
24-09-2008, 11:39 PM
اسامة لو عندك ميل ابعتهولى و انا هتكلم معاك ع المسنجر ..بس فى الانجاز
tamer2004
27-09-2008, 12:54 PM
شوف يا اسامه..القسم اللى دخلته ..اجتهد فيه و حط ادامك هدف ...من اول يوم ف الجامعة ...انك تكون اول دفعتك كل سنة ان شاء الله..و تبقى معيد ف الجامعة ..ربنا يوفقك