ملتقى طلاب صيدلة الاسكندرية [الأرشيف] - الصفحة 3 - بوابة الثانوية العامة المصرية

Dr.ahmed91

23-10-2008, 03:50 PM

انا بقي احكيلكم على اللي حصل

الضفدعة بتاعتي طلعت يا عيني ست كبيرة بس فيها قوة ولسه بتتنطط

المهم امبارح قاعد ادور على برطمان لغاية ما لقيت واحد بس كان طويل شويه
وعملت فيه فتحتين....

روحت الكلية....وبعد ماخلصت المحاضرات طلعت جبت واحده(ب3 جنيه) حتى دي فيها نصب

مليونير ياعم حوده

والمهم بقي قعدت تتنطط في البرطمان وانا خايف يتفتح وتطلع في الكيس ولا حاجه
وماشي في الشارع زي العبيط او الاهبل بمعنى اصح.....

ماسك الرطمان بايديا الاتنين ومددهم قدام(اوعى القنبلة حتنفجر )

وكله عمال يبصلي باستغراب

............

روحت للراجل عشان اشتري سبرتو...مع ان فيه في البيت.انما مفيش حاجة مضمونه في الزمن ده

واخدين بالكم:):):)

وخدرتها بالسبرتو وبدأ اشرح

المهم الضفدعة دي يا اما مش عندها وريد يا اما مش عندها دم

وكمان ما شوفتش الكلواكا.ماعلينا
ورميت القلب والكبد..........المهم رميت كله تقريبا:av4056bb7jp3::av4056bb7jp3:و رميتها هيا اساسا في الاخر

...........

بس بصراحة الحكاية مش سهلة ومش صعبة انما محتاجة تدريب وخبرة ومهاره وصبر
وشوية تعاون من المعيدين في السكشن

Dr.ahmed91

23-10-2008, 03:55 PM

:(:(:(:(:(:(:(

مانا قلت هاجيب وانا جايه ملقتش حاجه

هى ممكن تفضل عايشه عالوضع اللى هى فيه ده اد ايه ؟؟

يعني انا بقول تتصرفي بسرعة وتحاولي تجيبي من اي حتة

سبرتو احمر يعني مش حكاية .موجود في كل المحلات

(عندي ازازتين في البيت زيادة..تحبي احطهم في المرفقات) (غلسة صح:angry2:) :):)
وما اعتقدش انتي تحبي تسيبيها كتير في البيت يعني:romarioxp6::romarioxp6:وتعيشي في قلق
انما على العيشة فامدام انتي فاتحلها مكان تتنفس منه خلاص حتفضل عايشه

انا اول ماجيت.تيك تاك.روحت مخلص.مع انها اول مرة:(

طـفـلـة الامـس

23-10-2008, 04:25 PM

سبحان الله
الموضوع مضلم بشكل
بس اول لما نزلت المشاركة دى رجع نور من تانى :av4056bb7jp3:
عشان تعرفوا اهميتى بس غايبة عنكم من قرون
بعد اللى حصلى يوم الاتنين وامبارح مروحة الساعة ستة والنهاردة تلاتة ونص
يعنى الكلية جابت اجلى ولسة ياما
ربنا يستر ونبقى على قيد الحياة عبال مانخلص الخمس سنين

انا بقى والحمد لله لا اخدت ضفدعة ولا هاخد لانى هاموت بدالها لو حصل كده
هو كفاية عليا امتحان العملى والسكاشن اوى اوى انما اكتر من كده فمش هاينفع خالص

المهم بقى
انا مش هاحضر معاكم حيوان تانى خالص
لانى حضرت مع جمال النهاردة وفعلا ده احسن دكتور فى الكلية كلها
ماشاء الله ربنا يحفظه هو ودكتور سلامة
وحضرت فيزياء مع ج برده عشان مو حضرتها معاكم بس دكتور احمد ده اول مقابلة ليا معاه كانت النهاردة ولما عرف انى جيت سابنا فى اخر المحاضرة ومارضاش يكمل شرح وقالنا ابقوا دوروا عليها والكلام بتاعهم ده:(

بس مو فى اى مشكلة
هاحضر مع جيم برده عشان زهقت منكم بصراحة:049gc0::mad:

نور الهدى*

23-10-2008, 05:16 PM

طـفـلـة الامـس

23-10-2008, 05:18 PM

شكرا يانور على المعلومات القيمة دى
بجد انا خلاص مش عارفة اعمل ايه فى الفيزياء ولا فسيولوجى النبات ولا ولا
كفاية خلاص

نور الهدى*

23-10-2008, 05:31 PM

شكرا يانور على المعلومات القيمة دى
بجد انا خلاص مش عارفة اعمل ايه فى الفيزياء ولا فسيولوجى النبات ولا ولا
كفاية خلاص

لاشكر على واجب
بالنسبة لل plant physiology انا الحمد لله فهمت المحاضرة بتاعة دكتور محمد حتاتة لو مش فاهمة اى حاجة انا تحت امرك مش هتأخر
وبالنسبة للفيزياء ايه اللى مضايقك بالظبط الحرارة ولا خواص المادة ولا البصريات ولا 0000التلات فروع !!؟؟ :)
بجد لو مش عارفة حاجة وفى مقدرتى انى اقول هالك فأنا تحت امرك
سلام
:078111rg3:

هدير جهاد

23-10-2008, 06:13 PM

السلام عليكم ياجماعة انا كنت عايزة اطلب منكم طلب صغير ياري لو حد حضر المحاضرة الاولي فيproperties of matter يبقي ينزلهالي علشان محتجاها ضروي

بالتوفيق للجميع ان شاء الله

فراق

23-10-2008, 06:50 PM

السلام عليكم
عاملين ايه
انا رجعتلكو تانى وهمشي بعد بكرة
بس بالنسبة للضفدعة فانا شرحتها حلو اوى وسلكت الفين تمام بس المشكلة بعد ما ربطت الخيط وبدأت اشتغل راح الخيط طالع وسايب الفين وبقت حوسة
بس ع فكرة مرة واحدة اللى رحت فيها ومنغير demonstration لان الدكتورة بيداء على ما تبدأ نكون احنا شرحنا وتفضل تشرح لحد الساعة اتنين فاحنا بنشرح الاول منسيتش غير حاجة واحدة ف الاول بس صلحتها بعد كده

Dr.ahmed91

23-10-2008, 07:22 PM

السلام عليكم
عاملين ايه
انا رجعتلكو تانى وهمشي بعد بكرة

مش حقدر اقول دلوقتي الا حمدلله على السلامة وعود حميد

نورتي كفرالشيخ واسكندرية (اتمنى تكون عجباكي المحافظة والكلية):(

والموضوع كان مضلم(مش مضلم قوي يعني):):) اللي موجود بيسد

وطبعا مننساش ان الموضوع ده كان فكرتك في الاساس وانتي اللي كاتباه

منورة المنتدى من تاني يا دكتور

تحياتي

:078111rg3::078111rg3::078111rg3:

فراق

23-10-2008, 07:27 PM

انا متغاظة ونفسي اقعد هنا بقى
سؤااااااااااااااااااااال هو عملى الكيميا ده لحد الـacidic radicals بس ف الترم الاول ولا ف الميد ترم
اصل المعيد لما خلص قال للطلبة ف سكاشن تانية احنا كده خلصنا
وكمان حاجة هى نتيجة الميدترم بتظهر بعده ولا كله مع الترم
وفيه شفوى وعملى والغم ده كله الاسبوع اللى بعد الجاى؟؟؟

Dr.ahmed91

23-10-2008, 07:30 PM

على فكرة امتحان عملى الكيميا احتمال يتأجل ومايكونش الاسبوع اللى جاى لأننا سألنا المعيد بتاعنا قال لنا انهم لسة ماحددوش الامتحان امتى ده حتى كان فى جزء هو المفروض يقوله لنا فى ال scheme لكن أجلناه للأسبوع اللى جاى
وبالنسبة لرفع الكفاءة هيبدأ الحجز أول الاسبوع اللى جاى 25/10
وان شاء الله كتب الفيزياء آخر كلام هتنزل يوم الاحد

هو مش المفروض الامتحان الاسبوع بعد الجاي والاسبوع الجاي اللي هو من يوم الاحد يبقى تدريب عليه
ولا هما حياجلوها لبعد الاسبوع اللي بعد الجاي

على العموم مش فارقه
i am ready in any time
:078111rg3::078111rg3:

شكرا يانور على المعلومات القيمة دى
بجد انا خلاص مش عارفة اعمل ايه فى الفيزياء ولا فسيولوجى النبات ولا ولا
كفاية خلاص

انا لغاية دلوقتي ما فتحتش الفيزياء والفسيولوجي الا طشاش كده
بس الباقي معايا تمام
سواء كيمياء او حيوان او اناتومي نبات
ولما الكتب تنزل طبعا الوضع حيتعدل وكله حيتعدل

السلام عليكم ياجماعة انا كنت عايزة اطلب منكم طلب صغير ياري لو حد حضر المحاضرة الاولي فيproperties of matter يبقي ينزلهالي علشان محتجاها ضروي

بالتوفيق للجميع ان شاء الله

ححاول ان شاء الله انزلها بكره الجمعه:):) (بس تقصدي اللي هيا الاولى خالص بتاعت الوحدات وكده .)
ولا بتاعت النهارده

وسلكت الفين تمام بس المشكلة بعد ما ربطت الخيط وبدأت اشتغل راح الخيط طالع وسايب الفين وبقت حوسة
بس ع فكرة مرة واحدة اللى رحت فيها ومنغير demonstration لان الدكتورة بيداء على ما تبدأ نكون احنا شرحنا وتفضل تشرح لحد الساعة اتنين فاحنا بنشرح الاول منسيتش غير حاجة واحدة ف الاول بس صلحتها بعد كده

انا لحد دلوقتي مشرح 3 ضفادع ونفسي مرة اشوف الوريد اللي بيقولوا عليه ده

النهارده مثلا بشرح في البيت وروحت شايله كله لانزل دم ولا حاجه

يبقى يا اما مفيش دم يا اما مفيش وريد:(:(

وبالنسبة للسكشن عندي في 1 بيبقى عبارة عن ساعة كلام على السبورة ورسم
ونص ساعة شرح من المعيدة على الضفدعة نفسها و20 دقيقة تشريح بس
و10 دقائق عشان الحق اروح الكيمياء وبالتالي مفيش خااااااااالص:(

وتاني مرة حمد لله على السلامة و جزاك الله خيرا

Dr.ahmed91

23-10-2008, 07:36 PM

انا متغاظة ونفسي اقعد هنا بقى

ليه هيا اسكندرية وحشة ولا الكلية هيا اللي وحشة؟؟؟؟؟؟؟؟؟
:(:(:(

سؤااااااااااااااااااااال هو عملى الكيميا ده لحد الـacidic radicals بس ف الترم الاول ولا ف الميد ترم
اصل المعيد لما خلص قال للطلبة ف سكاشن تانية احنا كده خلصنا
وكمان حاجة هى نتيجة الميدترم بتظهر بعده ولا كله مع الترم
وفيه شفوى وعملى والغم ده كله الاسبوع اللى بعد الجاى؟؟؟

هو المفروض الترم الاول يبقى الملح كله

اسيديك وبعد كده باسيك وبعد كده نتعرف على الملح كله

ومش عارف التقسيمة بالظبط

ومش عارف نتيجة الميد ترم بتظهر امتى بس امتحان الكيميا ده مش حيبقى ميد ترم

وبالنسبة ليه ده حيبقى عملي ونظري العملي ونزلهم مذكرات في الكتبة لدكتور سامح ود/امير

فراق

23-10-2008, 07:37 PM

ايه يا جماعة ؟ هما الاسئلة اللى فاتو دول مهمين ؟عليهم درجات يعنى؟
اصلى حليتهم ونسيت الورقة ف المدينة لان كان فيه فرق اسبوعين والدكتور درويش ده نسى الواحد اسمه واما جيت احله تانى ف اول المحاضرة لقيته قاعد يقول بطلو تنقلو بقى روحت رامية الورقة والقلم وخلاص لانى كنت بحله لوحدى والله مش ناقلاه
المهم دلوقتى احله واوديه مع المسائل بتاعة النهارده ولا مش مهم؟

فراق

23-10-2008, 07:41 PM

ليه هيا اسكندرية وحشة ولا الكلية هيا اللي وحشة؟؟؟؟؟؟؟؟؟
:(:(:(

لا البعد عن الاهل هو اللى وحش اوىىىىىىىىىىىىىىىىىىىىىى
وكمان اسكندرية دى معرفش فيها حاجة لحد دلوقتى ولا حتى اعرف اروح الكلية لوحدى
وتهت كمان مرتين

هو المفروض الترم الاول يبقى الملح كله

اسيديك وبعد كده باسيك وبعد كده نتعرف على الملح كله

ومش عارف التقسيمة بالظبط

ومش عارف نتيجة الميد ترم بتظهر امتى بس امتحان الكيميا ده مش حيبقى ميد ترم

وبالنسبة ليه ده حيبقى عملي ونظري العملي ونزلهم مذكرات في الكتبة لدكتور سامح ود/امير
اها جبت الورق بتاع سامح

ع فكرة المادة الوحيدة اللى حاسة انى مجمعة فيها هى الان اورجانيك بجد مهجة دى احسن حد بيشرح (في نظرى)

فراق

23-10-2008, 07:43 PM

لو كنت يا دكتور احمد قطعت الفين فعلا ومطلعش دم يبقى اكيد هى كانت ميتة

فراق

23-10-2008, 08:06 PM

بالنسبة للضفدعة هو يعنى لو حد قرف من منظرها ف الامتحان ونفسه غمت عليه ايه هيكون موقفه؟
اصلى من ساعت ما شرحتها وانا كل اما اجى اكل اشم ريحة ضفادع ف ايديا قرفت بقى من كل حاجة مش كفاية غربة وكمان ضفادع

Dr.diamond

23-10-2008, 09:52 PM

اااااااااااااه

يا جماعه تمت العمليه بنجاح

قضيت عالضفدعه الحمد لله

وكمان ما شوفتش الكلواكا.ماعلينا
ورميت القلب والكبد..........المهم رميت كله تقريبا:av4056bb7jp3::av4056bb7jp3:و رميتها هيا اساسا في الاخر

...........

بس بصراحة الحكاية مش سهلة ومش صعبة انما محتاجة تدريب وخبرة ومهاره وصبر
وشوية تعاون من المعيدين في السكشن

وانا كمان حصل معايا كده

الراجل ده شكله بيبيع ضفادع مضروبه:stickjo4::stickjo4:

انا بتاعتى بعد ما جبت السبرتو دليفرى عشان الحق اشرحها قبل ما تموت من الخنقه

حطيت السبرتو فى العلبه ورحت جايبه قطنه ومليتها سبرتو وحطيتا هى كمان عشان مفكرش تصحى

المهم

طلعتها من العلبه

لقيتها يعينى كده مزرقه ومسبهله كده:redface::redface:

قلت دى ماتت بقى

زعلت اوى انها ماتت قبل ما اشرحها كان نفسى تموت على ايدى:049gc0:

المهم شرحتها وانا فاقده الامل على اساس انها ميته بقى

وسلكت الفين برضه

مع انه مكنش فيه دم بس كان احمر من الاخر شويه

بعد ما ربطته وقطعت

لقيت المفأجاه

قلبها بينبض:av4056bb7jp3::av4056bb7jp3::av4056bb7jp3:

فرحت اوى اوى اكنى كنت بعملها عمليه قلب مفتوح ونجحت:av4056bb7jp3:

س برضه رميت كل اللى جواها بس مكنتش عارفها اقطع الحاجات دى ازاى فكنت بقطعهم عادى كده فى اى اتجاه

بس عايزه اجيب واحده تانيه ابقى واثقه فيها انها صاحيه من الاول واكون عرفت الحاجات دى بتتقطع ازاى:078111rg3::078111rg3:

Dr.diamond

23-10-2008, 09:55 PM

Dr.diamond

23-10-2008, 09:58 PM

بقولكم ايه

انا جبت ورق بتاع سامح اللى هو اسئله عالاساديك راديكل هو ورق كتير كده

حد جابه ولا لا؟؟؟

وهل لازم اجيب ورق امير اللى بتقولوا عليه؟؟؟

اصل امير مش بيدينى بس حضرتله اول سكشن عشان الراجل توهنى وقاللى ان هو ده سكشنى واكتشفت بعد نص السكشن بس كملت معاهم غلاسه

Dr.ahmed91

23-10-2008, 10:45 PM

اها جبت الورق بتاع سامح

ع فكرة المادة الوحيدة اللى حاسة انى مجمعة فيها هى الان اورجانيك بجد مهجة دى احسن حد بيشرح (في نظرى)

يمكن انا التلات حاجات اللي بذاكرهم كويس ومجمعهم الان اورجانيك والفيزيكال و الاناتومي
وبجد د/مهجة دي دكتورة كويسة بجد وكل حاجة في الكتاب بتقولها:)

لو كنت يا دكتور احمد قطعت الفين فعلا ومطلعش دم يبقى اكيد هى كانت ميتة

طب وهي المفروض تكون صاحيه ولا ايه؟؟؟؟؟؟؟ هيا مش المفروض تبقى ميتة من الاول:(

بالنسبة للضفدعة هو يعنى لو حد قرف من منظرها ف الامتحان ونفسه غمت عليه ايه هيكون موقفه؟
اصلى من ساعت ما شرحتها وانا كل اما اجى اكل اشم ريحة ضفادع ف ايديا قرفت بقى من كل حاجة مش كفاية غربة وكمان ضفادع

وانا كمان... انا بشرب بس واكل حاجات بسيطة كده..وكويس قوي اني مش بحب الفراخ:(

بقولكم ايه

انا جبت ورق بتاع سامح اللى هو اسئله عالاساديك راديكل هو ورق كتير كده

حد جابه ولا لا؟؟؟

وهل لازم اجيب ورق امير اللى بتقولوا عليه؟؟؟

انا بصراحة كنت رايح اجيب ورق د/امير النهارده بس كسلت اروح لحد دار الطالب

ولقيت ورق د/سامح عند مكتبة ايمان روحت جبته اقرب:)

وعمالي اذاكر اهو فيهم عشان الحق اخلصهم على الاسبوع الجاي كده
:romarioxp6::romarioxp6::romarioxp6:

اصلهم كتير قوي

واحلى حاجة ابص في الكتاب الاقي غلطات والصح في المذكرة
وغلطة في المذكرة والصح بتاعها في الكتاب

وحته في الكتاب مش موجودة العكس

وقاعد اعمل توافيق واسماعيل وشغال معادلات:stickjo4::stickjo4:

ربنا يكرم

Dr.ahmed91

23-10-2008, 11:10 PM

انا بتاعتى بعد ما جبت السبرتو دليفرى عشان الحق اشرحها قبل ما تموت من الخنقه

حطيت السبرتو فى العلبه ورحت جايبه قطنه ومليتها سبرتو وحطيتا هى كمان عشان مفكرش تصحى

هو انا عشان اول مرة فسألت واحد صديق خبرة قالي انت الضفدعة وهي في البرطمان تحط عليها السبرتو وترج البرطمان بالراحة شوية كده لحد ما تتخدر....هو كده صح ولا ايه؟؟؟طب وايه هيا الطريقة الصح.....

المهم شرحتها وانا فاقده الامل على اساس انها ميته بقى

هو حتفرق ايه اذا كنا بنشرحها وهيا حية او ميتة؟؟؟!!!
لو فيه فرق حد يقولي برضه

لقيت المفأجاه

قلبها بينبض:av4056bb7jp3::av4056bb7jp3::av4056bb7jp3:

ازاي.... شلتي غشاء التامور ولا كنتي سايباه...ربنا بقى ليه حكمته

س برضه رميت كل اللى جواها بس مكنتش عارفها اقطع الحاجات دى ازاى فكنت بقطعهم عادى كده فى اى اتجاه

انا اعتقد اني رميت نصها..الكبد والقلب والمرارة وقصين من عند المرئ وسلكت اللفائفي ورميته وحاجات كده كتير بس كنت بقطعهم عادي من اي اتجاه :(:(

بس عايزه اجيب واحده تانيه ابقى واثقه فيها انها صاحيه من الاول واكون عرفت الحاجات دى بتتقطع ازاى:078111rg3::078111rg3:

انا برضه ناوي اجيب واحدة تانية عشان اتدرب اكتر واكون ذاكرت الطريقة والاسامي احسن

بس ما تنسيش تجيبي سبرتو:romarioxp6::romarioxp6::romarioxp6:

oxstreet

23-10-2008, 11:26 PM

Dr.ahmed91

23-10-2008, 11:33 PM

ده اول مشاركه في القسم ده انا اعدادي صيدله مجموعه ج

و انا بصراحه مدايئ :angry2: جدا من اللي حصل في المدرج 3 النهرده الخميس

الدكتور سلامه و الخطيب سابوا المحضره علشان في ناس ****** بيحاولوا يبوظو المحاضره علينا و بصراحه الدكاتره كانوا مشيين كويس دلوقتي انا مش عارف ازاكر منين و خصوصا ان الكتب الهبله اللي عندنا مش هتنفع

حد يرد

انا اتقالي النهارده فعلا ان د/سلامه ود/الخطيب سابوا المحاضرة

مشكلة ج هيا العدد الكتير والخلطبيطة في الطلبة

يعني كل المحولين والمعادلات وكده حاطينهم في ج

والمفروض حد يشتكي للدكاترة لو فيه حد فعلا قاصد يضايقهم عشان مش الكل ينضر

وبالنسبة للمذاكرة عندك دكاترة تذاكرلهم من المحاضرة بتاعتهم

زي د/جمال بتاعكم ود/سلامه

وناس من المذكرات اللي بتنزل مع المحاضرة والكتاب

زي الفيزيكال والاناورجانيك واورجانيك

وعندك الفيزياء يا اما من المحاضرة او تستنى الكتاب
الفسيولوجي نبات ... معندكش غير الكتاب لحد ما ربنا يفرجها

........

نسيت ارحب بيك في البداية....اهلا بيك معانا في القسم

احمد

Dr.diamond

24-10-2008, 12:31 AM

على فكره الضفدعه لازم تبقى حيه مش ميته واحنا بنشرحها

ولازم قلبها يفضل ينبض

هى بس بتتخدر

عشان لازم يبقى الدم ماشى فى جسمها والدورى الدمويه شغاله

يعنى دايما لو تلاحظ المعيده وهى بتشرح بيبقى قلب الضفدعه بينبض لغايه ما تشيله طبعا بتموت

وكل الضفادع اللى فى السكشن بتبقى عايشه الا لو قطعنا الوريد بتموت

عشان كده لازم نربطه عشان الدم يفضل فى القلب

وعالعموم فى الامتحان بتبقى متخدره بس عايشه اصلا

انا بتاعتى كنت خايفه تمون من من الخنقه او عشان حطيتها سبرتو كتير اوى

بس كان بينبض حتى بعد ما شلت غشاء التامور ولو انه كان ضعيف جدا يعنى بينبض برااااااااااحه

نور الهدى*

24-10-2008, 03:02 AM

أظن إنه مش معنى ان قلب الضفدعة لسة بيدق معنى كده انها حية لأننا كنا واخدين فى الاحياء فى الثانوية العامة ان القلب يستمر فى النبض حتى بعد انفصاله عن الجسم بس مش عارفة الكلام ده ينطبق على الضفدعة بردو ولا لأ
انا كمان جبت ضفدعة فى البيت كانت قلبوظة حبتين وكان القلب بيدق وشوفت ال cloacaوشوفت كل حاجة اللى قلقنى انى بعد ما خضرتها ولسه هشرحها واذ فجاة لقيتها اتحركت ؟؟!!!:(:(حطيت علبة السبرتو كلها خليتها تعوم بس الحمد لله تمت عملية التشريح بسلام :)

فراق

24-10-2008, 06:48 AM

ايه يا جماعة ده؟
غرقتوها سبرتو ؟ ازاى ؟ هى بس تشمه
الضفدعة يا دكتور احمد لازم تكون حية طبعا عشان مثلا لما ندرس الجهاز الدورى او كده نبقى شايفين ازاى القلب بيبنبض وكده
بالنسبة للنبات فسيولوجى فى ورق نزل ف طريق الحرية ch1وch2 بصراحة هو سهل تقريبا ومفهوم ولو انه ملوش علاقة بالكلام اللى الدكتور عادل كان بيشرحه
المهم ذاكرت الورق كويس جدا جدا جدا وبعدين لقيت تلات اربع ورقات اسئلة ف الاخر بدأت احل لقيت كلام ليس له علاقة بالورق اصلا كان فيه 19 جمله تشويس حليت منهم حوالى ستة سبعة ورحت رامية المذكرة ونايمة

نور الهدى*

24-10-2008, 09:56 AM

بالنسبة للنبات فسيولوجى فى ورق نزل ف طريق الحرية ch1وch2 بصراحة هو سهل تقريبا ومفهوم ولو انه ملوش علاقة بالكلام اللى الدكتور عادل كان بيشرحه

المهم ذاكرت الورق كويس جدا جدا جدا وبعدين لقيت تلات اربع ورقات اسئلة ف الاخر بدأت احل لقيت كلام ليس له علاقة بالورق اصلا كان فيه 19 جمله تشويس حليت منهم حوالى ستة سبعة ورحت رامية المذكرة ونايمة

هو الورق اللى نزل فى طريق الحرية للفسيولوجى لدكتور مين؟
وهو احنا أخدنا لحد ch2 ?:(

Dr.ahmed91

24-10-2008, 10:30 AM

خلاص حية حية........المرة الجاية حبقى احطلها perfum

وهو مش احنا في المعمل بيدوهلنا متخدرة...ربنا يحلها ساعتها

مش عارف انا كان مالي ومال الضفادع بس

دي لسه طالعلي في الحلم النهارده بعد ماشرحتها.مش عارف فيه ايه يعني
وانا صاحي وانا نايم

اوعدكم المرة الجاية حخدرها بس.مش اقتلها.....:(:(

يا جماعة ده؟
غرقتوها سبرتو ؟ ازاى ؟ هى بس تشمه
الضفدعة يا دكتور احمد لازم تكون حية طبعا عشان مثلا لما ندرس الجهاز الدورى او كده نبقى شايفين ازاى القلب بيبنبض وكده

طب ممكن تقوليلي الطريقة؟؟؟

هيا دلوقتي كانت محطوطة في برطمان..... اعمل ايه بعد كده...

؟؟؟؟

Dr.ahmed91

24-10-2008, 10:38 AM

:078111rg3::078111rg3:هو الورق اللى نزل فى طريق الحرية للفسيولوجى لدكتور مين؟
وهو احنا أخدنا لحد ch2 ?:(

وهما على اي اساس ينزلوا مذكرات

حد يعرف احنا خدنا ايه ولا كنا بناخد ايه مع د/عادل؟؟؟؟؟

ولا دكتور حتاته ناوي يدينا ايه؟؟؟ولا نظامه حيبقى ايه؟؟؟؟

ادينا مستنيين الفرج.......ربنا يكرم
:078111rg3::078111rg3::078111rg3:

Dr.diamond

24-10-2008, 10:48 AM

Dr.diamond

24-10-2008, 10:55 AM

على فكره انا جبت كتب عملى الاناتومى والفسيولوجى ونظرى الفسيولوجى

نظرى الفسيولوجى حلو مش وحش بس لقيت الانزايمز بعد حاجات كتير كده

وتقريبا مش هاجيب الاناتومى

فراق

24-10-2008, 11:59 AM

بالنسبة للضفدعة انا مجربتش اخدرها بنفسي بس واحدة صحبتى ف تانيةصيدلة قالتلى حطيها ف كيس ومعاها نقطتين سبرتو وسبيها خمس دقليق هتلاقيها ف سلبع تخديره وبعدين اشتغلى
بالنسبة لفسيولوجى النبات هو الكلام اللى اخدناه مع دكتور عادل كنت بلقط كل شوية كلمة ده تقريبا CH2 وهو كلام سهل اوى وCH1 اسهل منه كتير على فكرة وكمان هو يجو الاتنين على بعض 15 ورقة وطبعا الورق نصه فاضى.........
الكلام اللى الدكتور حتاتة شرحه اللى هو تقسيم الانزيمات يعنى ده كان اخر ورقتين ف CH2 بس مش كل اللى قاله موجود وفيه كمان شوية كلام مش باينين ف الورق لانهم مكتوبين بخط صغير اوى ووحش وهما دول المهمين تقريبا اللى الاسئلة جاية منهم
ع فكرة الدكتور عادل كان احسن ناس كتير اكبر منى قالولى كده هتسألونى ليه؟
هقولكم (زى ما قالولى)
امتحاناته بتيجى اختيارى سهل جدا جدا جدا وصح وغلط وحاجات هايفة كده تجيبلهم ورقتين قبل الامتحان وتدخلر تجيب الامتياز وخلاص
اما حتاتة ده عمال يشرح كلام مكلكع ومش فاهمين ولا عارفين امتحاناته شكلها ايه:confused:

هدير جهاد

24-10-2008, 02:03 PM

لو حد يعرف ورق اورجانيك نزل في المكتبة يقول علشان الراجل اللي بيدي ج ده غريب اوى ومش فاهمة منه حاجة

هدير جهاد

24-10-2008, 02:10 PM

انا اقصد يا احمد الاولى بتاعت الوحدات وجزاك الله كل خير على المجهود الرائع ده :078111rg3::078111rg3::078111rg3::078111rg3:

هدير جهاد

24-10-2008, 02:13 PM

يا ريت يا جما عة اي حد من مجموعة ج يقولي حنعمل ايه في البحث بتاع د/ سلامة
عايزين نشوف حنعمل ايه فيه؟

Dr.ahmed91

24-10-2008, 03:40 PM

انا اقصد يا احمد الاولى بتاعت الوحدات وجزاك الله كل خير على المجهود الرائع ده :078111rg3::078111rg3::078111rg3::078111rg3:

تمام يا فندم:078111rg3::078111rg3::078111rg3:

هيا دي المحاضرة الاولى مكونة من 7 ورقات

ودول اول خمس ورقات منهم

Dr.ahmed91

24-10-2008, 03:42 PM

:078111rg3::078111rg3:ودول اخر ورقتين:078111rg3::078111rg3:
:av4056bb7jp3:

:giljotiiniug3:

Dr.ahmed91

24-10-2008, 03:48 PM

على فكره انا جبت كتب عملى الاناتومى والفسيولوجى ونظرى الفسيولوجى

نظرى الفسيولوجى حلو مش وحش بس لقيت الانزايمز بعد حاجات كتير كده

وتقريبا مش هاجيب الاناتومى

هو ينفع اجيب العملي بس

اصل انا مش عايز اجيب نظري الاناتومي

يكفي نظري الفسيولوجي والاتنين العملي

يطلعوا بكام؟؟؟

اصل انا قولت لو مجبتش الكتب يمكن الحاجة (بوتاني) تزعل ولا حاجة

لو حد يعرف ورق اورجانيك نزل في المكتبة يقول علشان الراجل اللي بيدي ج ده غريب اوى ومش فاهمة منه حاجة

لا......لسه مفيش ورق اورجانيك نزل في المكتبة لحد دلوقتي ومش عارف ليه

يا ريت يا جما عة اي حد من مجموعة ج يقولي حنعمل ايه في البحث بتاع د/ سلامة
عايزين نشوف حنعمل ايه فيه؟

ايه ده؟؟؟؟؟؟؟؟؟؟؟؟؟؟؟بحث ايه بالظبط

محدش قالنا عليه؟؟؟؟؟

Dr.diamond

24-10-2008, 04:27 PM

هو ينفع اجيب العملي بس

اصل انا مش عايز اجيب نظري الاناتومي

يكفي نظري الفسيولوجي والاتنين العملي

يطلعوا بكام؟؟؟

اصل انا قولت لو مجبتش الكتب يمكن الحاجة (بوتاني) تزعل ولا حاجة

اصل انا اما رحت اجيب كان الكتاب الصغير مش موجود

قام مدينى التلاته دول ب 90 وقالى تعالى خدى اللى فاضل بكره ب 30

انا طبعا مرحتش

مش عارفه ينفع انت تقوله انك مش عايزه ولا مش هيوافق

ممكن مثلا تاخد معاك 90 وتقريبا هيضطر يديك الكتب دى

لان الكتاب العملى الاناتومى ب 50 وتقريبا كده الاتنيين التانيين ب 40

لكن لو اخدت معاك 80 هيديك واحد عملى ونظرى الاناتومى

لو اتدبست بقى فى الكتاب وانت مش عايزه خالص ابقى بيعه لاى حد لسه مجابوش هتلاقى كتيير عايزينه

وبعدين متزعل الحاجه بوتانى دى اشمعنا احنا نخاف على زعلها وهى تضحك علينا

Dr.ahmed91

24-10-2008, 05:16 PM

وبعدين متزعل الحاجه بوتانى دى اشمعنا احنا نخاف على زعلها وهى تضحك علينا

معلش برضه...ست كبيرة ومش لازم تاخد على خاطرها مننا وتضيع الامتياز(:av4056bb7jp3::av4056bb7jp3:)

خلاص ما فرقتش كتير ...اجيب 4 كتب ولا 3 حجيبهم وخلاص واهو تبقى حاجه للذكرى (الجميلة طبعا:angry2:)

ويبقى اسمي جبت كل الكتب :slap1qk6::slap1qk6::slap1qk6:

يالا.....هو انا دافع حاجة من جيبي....على قلبهم زي العسل ..........(الأسود)

خد ياحبيبي ال160 جنيه هات كتب النبات(معلش فيه فرق 40 جنيه ليا;):o:022yb4::p:blush::rolleyes::blink::wacko:

محدش يجيب سيرة
:giljotiiniug3:

:078111rg3::078111rg3::078111rg3:

Dr.diamond

24-10-2008, 05:24 PM

خد ياحبيبي ال160 جنيه هات كتب النبات(معلش فيه فرق 40 جنيه ليا;):o:022yb4::p:blush::rolleyes::blink::wacko:

محدش يجيب سيرة
:giljotiiniug3:

:078111rg3::078111rg3::078111rg3:

ماشى ماشى بتضرب على فلوس الكتب وبتروح السيبر بيهم

فيها لاخفيها :stickjo4::stickjo4::stickjo4:

احنا اصلا هنخلص فلوسنا ضفادع السنه دى

Dr.ahmed91

24-10-2008, 05:34 PM

ماشى ماشى بتضرب على فلوس الكتب وبتروح السيبر بيهم

فيها لاخفيها :stickjo4::stickjo4::stickjo4:

احنا اصلا هنخلص فلوسنا ضفادع السنه دى

ههههههههههههههههههههه

قال سايبر قال.هو انا بتاع كده برضه..الفلوس دي لحاجة اسمى....

عايزين الصدق ولا الحق...... لو عايزين الصراحة..انا ممكن اقول الصراحة
:romarioxp6::romarioxp6:
بلعب بيهم بلاي ستيشن (هههه.... ولا اعرف امسك الذراع حتى:))

بجيب بيهم مراجع علمية عشان اتثقف (العلم لا يقاس بالكيلوجرام)

لابعمل حاجة احسن..بحوش تمن الصيدلية والعربية والشقة والعفش والتلاجة والغسالة ومصاريف مدارس
الولاد من دلوقتي:(:(

ايه رأيكم بقى؟؟؟؟؟؟

انا فضحت نفسي ولا ايه؟؟؟؟؟؟؟؟؟؟؟؟؟؟:(:(:(

........

:078111rg3::078111rg3:

Dr.diamond

24-10-2008, 07:28 PM

كنت عايزه اسال هو احنا المفروض نرسم ايه فى كتاب الاناتومى

يعنى نرسم الرسومات اللى بتبقى عالسبوره ولا ايه

dr.rony20082013

24-10-2008, 09:44 PM

ازيكم يا جماعة عاملين اية؟؟؟؟
انا عارفة انا غبت عليكم كتير وطبعا المنتدى كان مضلم من غيرى:):)

كنت عايزه اسال هو احنا المفروض نرسم ايه فى كتاب الاناتومى

يعنى نرسم الرسومات اللى بتبقى عالسبوره ولا ايه
بصى هو محدش من اللى دخلنا قالنا اى حاجة عن الرسم اوالكتابةفى كتاب العملى سواء عملى كيمياءاو حيوان او نبات

Dr.ahmed91

24-10-2008, 09:57 PM

كنت عايزه اسال هو احنا المفروض نرسم ايه فى كتاب الاناتومى

يعنى نرسم الرسومات اللى بتبقى عالسبوره ولا ايه

بصي يا دكتور

احنا السكشن اللي فات كنا عمالين نهرج في السكشن والبلوتوث شغال
والمعيدة مش فاضية عماله تظبط الميكروسكوبات وتزعق لنا شوية

راح دخل معيد(:stickjo4::stickjo4:)

وقال...

فين الكتاب...وفين الرسومات اللي فيه

كتاب ... احم احم.كتاب ايه سعادتك..؟؟؟؟؟؟

كتاب العملي لازم تبقى كل الرسومات موجودة فيه جاهزة ومرسومة

وتيك تاك.....ترااااااااخ وراح ماشي ولا كأن فيه حاجة

فانا عن نفسي لمااجيب الكتاب حبقى ارسم فيه الرسومات اللي بناخده

وفيه مذكرتين في المكتبة نازلين للنبات العملي حلوين خصوصا الفسيولوجي

وكمان الحيوان لازم تكملي الرسومات اللي في الكتاب

والفيزياء كمان..تكون التجارب جاهزة.

عشان بعد كده مفيش حاجة تتراكم عليكي لما حد يقولك هاتي الكتاب
يعني لاتؤجل عمل بكره لامبارح:(:(

بس غير كده محدش بيقول ارسم ولاحاجة ولا اعملوا حاجة
حيبقوا يعملوهلنا مفاجأة:(:(

تحياتي

:078111rg3::078111rg3:

dr.rony20082013

24-10-2008, 09:58 PM

وعلى فكرة انا لسه شايفهم دلوقتي صدفة وانا بدور في موقع انجلش

power J/s kg m2 s-3 Watt

pressure N/m2 kg m-1 s-2 Pascal

J = kg. m2 .s^-2 work
تعبنا نفسنة وندور فى النت ونسال بعض ونفتكر اللى فات
وفى الاخر شكل د.احمد حيرمى الورق اللى اخذةمننا فى الباسكيت اللى فى مكتبة...
علشان معظم الناس نقلت الاجابات وهو شاف كدة؟؟؟:040vk0::040vk0::040vk0:
حاجة تخنق الواحد بجد اتخنق مش عارف يلم اى حاجة من المواد اللى علية معدا[الحيوان:angry2::angry2::angry2:]
وحاسس انة فاشل وكان دخل تجارة احسن من اللى احنا فية........
بجد انا مش عارفة اعمل اية فى الكلية دى ؟؟؟؟؟؟؟؟؟؟؟:confused::confused:
بجد انا محتاجة حد يساعدنى بنصايح مفيدة كدة....
علشان لو استمرات على كدة ممكن احول اى كلية تانية؟؟؟؟

طـفـلـة الامـس

24-10-2008, 10:00 PM

طبعا كان مضلم من غيرك يادكتورة
بس للاسف مافيش حد بيقدر :(:(

حلو والله روقان وهدوء الاعصاب اللى انتم فيه ده
قاعدين تهزروا يا حلوين
والواحد قاعد يشد فى شعره
ااه منكم

شكرا جزيلا يادكتور على المحاضرة لانى ماحضرتهاش
فى رعاية الله

Dr.ahmed91

24-10-2008, 10:15 PM

تعبنا نفسنة وندور فى النت ونسال بعض ونفتكر اللى فات
وفى الاخر شكل د.احمد حيرمى الورق اللى اخذةمننا فى الباسكيت اللى فى مكتبة...
علشان معظم الناس نقلت الاجابات وهو شاف كدة؟؟؟:040vk0::040vk0::040vk0:
حاجة تخنق الواحد بجد اتخنق مش عارف يلم اى حاجة من المواد اللى علية معدا[الحيوان:angry2::angry2::angry2:]
وحاسس انة فاشل وكان دخل تجارة احسن من اللى احنا فية........
بجد انا مش عارفة اعمل اية فى الكلية دى ؟؟؟؟؟؟؟؟؟؟؟:confused::confused:
بجد انا محتاجة حد يساعدنى بنصايح مفيدة كدة....
علشان لو استمرات على كدة ممكن احول اى كلية تانية؟؟؟؟

اول كلامي سلامي.......

انتي مضايقة ليه ان د/الخطيب ممكن يرمي الورق......مايرميه......مش احنا عملنا اللي علينا
وخلاص....واللي دور وشغل دماغه هو اللي استفاد واللي نقل هو حر

والتلات مسائل اللي هو اداهم.حنحلهم برضه و نديها له واللي عايز ينقلهم برضه براحته

..........

انتوا مالكم كلم مخنوقين ليه كده؟؟؟؟؟؟؟؟؟؟(وكأني انا مش مخنوق بس انا مش مخنوق من الدراسة ....من حاجات تانية)

الوضع عادي والامن مستتب:stickjo4:

انتي قدامك في حاجات المفروض تكون مصادر المذاكرة وضحت منها

زي الان اورجانيك والفيزيكال مذكرات والكتاب والمحاضرة
والاناتومي من المحاضرة و الشيخ سلامه مش متأخر
والحيوان قدامك المحاضرة واجزاء من الكتاب لغاية د/اسماعيل يظبط الوضع

والعملي زي الفيزياء قدامك الكتاب مجرد تحفظي التجارب
الكيمياء تذاكري الحاجات اللي بناخدها وعندك الكتاب والمذكرات (خلي بالك من الغلطات فيهم)
والنبات والحيوان دول كلامهم واسع انما ملحوقين.شوية حفظ على فهم

فيه الفسيولوجي وده نزل الكتاب بتاعه ونزله محاضرات زي ما د/نبض الامة قالت وممكن تبدأي واحدة واحدة
من اول الانزيمات تذاكري لحد ما وصلنا

الاورجانيك.حاولي تفهمي على قد ما تقدري المحاضرة لحد ما ينزل الكتاب ومذكراتها

مش فاضل حاجة تقريبا

ولو حاسة ان فيه حاجة خلاص في الضياع.عندك رفع الكفاءة
...............
ودايما حاولي يبقى فيه ثقة في النفس وايمان بالله وقدرة ربنا على كل شئ
وافتكري الثانوي لما كنتي بتحلمي تدخلي الكلية دي وتلبسي البالطو:):)

واسالي نفسك دايما انا لو مذاكرتش ايه اللي حيحصل؟؟؟؟؟ يبقى لازم اذاكر واحضر واركز وافهم
وحطي قدامك هدف دايما لازم تحققيه(امتياز مثلا) وانك تعدي من السنة دي وتروحي اولى صيدلة
وانك مش كده لوحدك اللي تايهة كله تايه......(مش كله قوي يعني)

انا كنت بقول لواحد صاحبي ...احنا بقينا نوعين

نوع مش معاه ولا درجة من الالف وبيبدأ من دلوقتي يجمع فيهم
ونوع معاه الالف كلهم في جيبه بس ياخسارة عمال يوقعهم منه

فانتي من انهي نوعين؟؟؟؟؟؟؟ احب انك تبدأي تجمعي في الالف

تحياتي

:078111rg3::078111rg3::078111rg3:

Dr.ahmed91

24-10-2008, 10:20 PM

طبعا كان مضلم من غيرك يادكتورة

بس للاسف مافيش حد بيقدر :(:(

ليه بس كده.....بنقدر والله..كلنا اخوات
بس مادام انا موجود ..النور ميقدرش يروح بعيد
:):)

حلو والله روقان وهدوء الاعصاب اللى انتم فيه ده
قاعدين تهزروا يا حلوين
والواحد قاعد يشد فى شعره
ااه منكم

الحمدلله.....شعري قصير مينفعش يتشد
:o:o:o

شكرا جزيلا يادكتور على المحاضرة لانى ماحضرتهاش

فى رعاية الله

الشكر لله وحده

اتمنى انك تكوني استفدتي وخطي وطريقتي عجبتك

ممكن تنقليها في كراستك وحتبقى اوضح..

وهو الكلام معظمه سهل وبسيط

:078111rg3::078111rg3::078111rg3:

dr.rony20082013

24-10-2008, 10:33 PM

اول كلامي سلامي.......

انتي مضايقة ليه ان د/الخطيب ممكن يرمي الورق......مايرميه......مش احنا عملنا اللي علينا
وخلاص....واللي دور وشغل دماغه هو اللي استفاد واللي نقل هو حر

والتلات مسائل اللي هو اداهم.حنحلهم برضه و نديها له واللي عايز ينقلهم برضه براحته

..........

انتوا مالكم كلم مخنوقين ليه كده؟؟؟؟؟؟؟؟؟؟(وكأني انا مش مخنوق بس انا مش مخنوق من الدراسة ....من حاجات تانية)

الوضع عادي والامن مستتب:stickjo4:

انتي قدامك في حاجات المفروض تكون مصادر المذاكرة وضحت منها

زي الان اورجانيك والفيزيكال مذكرات والكتاب والمحاضرة
والاناتومي من المحاضرة و الشيخ سلامه مش متأخر
والحيوان قدامك المحاضرة واجزاء من الكتاب لغاية د/اسماعيل يظبط الوضع

والعملي زي الفيزياء قدامك الكتاب مجرد تحفظي التجارب
الكيمياء تذاكري الحاجات اللي بناخدها وعندك الكتاب والمذكرات (خلي بالك من الغلطات فيهم)
والنبات والحيوان دول كلامهم واسع انما ملحوقين.شوية حفظ على فهم

فيه الفسيولوجي وده نزل الكتاب بتاعه ونزله محاضرات زي ما د/نبض الامة قالت وممكن تبدأي واحدة واحدة
من اول الانزيمات تذاكري لحد ما وصلنا

الاورجانيك.حاولي تفهمي على قد ما تقدري المحاضرة لحد ما ينزل الكتاب ومذكراتها

مش فاضل حاجة تقريبا

ولو حاسة ان فيه حاجة خلاص في الضياع.عندك رفع الكفاءة
...............
ودايما حاولي يبقى فيه ثقة في النفس وايمان بالله وقدرة ربنا على كل شئ
وافتكري الثانوي لما كنتي بتحلمي تدخلي الكلية دي وتلبسي البالطو:):)

واسالي نفسك دايما انا لو مذاكرتش ايه اللي حيحصل؟؟؟؟؟ يبقى لازم اذاكر واحضر واركز وافهم
وحطي قدامك هدف دايما لازم تحققيه(امتياز مثلا) وانك تعدي من السنة دي وتروحي اولى صيدلة
وانك مش كده لوحدك اللي تايهة كله تايه......(مش كله قوي يعني)

انا كنت بقول لواحد صاحبي ...احنا بقينا نوعين

نوع مش معاه ولا درجة من الالف وبيبدأ من دلوقتي يجمع فيهم
ونوع معاه الالف كلهم في جيبه بس ياخسارة عمال يوقعهم منه

فانتي من انهي نوعين؟؟؟؟؟؟؟ احب انك تبدأي تجمعي في الالف

تحياتي

:078111rg3::078111rg3::078111rg3:

بجد شكرا يا د.احمد على سرعة الرد ...وبجد كلامك منطقى
لكن اصلا فى عوامل اكيد هى اللى مخليانى مش بقدر الم المواد
ذى مثلا البنات اللى بتقعد تكلم طول المحاضرات...
البنات اصلا مبيرضوش يخلم حد ياخذ مثلا محاضرتهم يصورها او ينقل منها...
الدكاترة سعات مبفهمس منهم حجات .....
الانجليزى عامل معايا احلى شغل فمبفهمش اوى....
بشترى ورق وكتب وخلاص فلوس بتندفع كتير دة الواحد لو حوش الفلوس دى على خمس سنين كان فتح صيدلية.....
يلا مش مشكلة.....
الواحد بيتعب اكيد كدة فى الاول وبعدين يارب يرتاح....
:):):)
:078111rg3::078111rg3:

طـفـلـة الامـس

24-10-2008, 10:33 PM

الشكر لله وحده

اتمنى انك تكوني استفدتي وخطي وطريقتي عجبتك

لا بجد انا قاعدة بنقلها فى الاسكتش دلوقتى
الطريقة جميلة جدا بجد
بس بلاش الخط دى
خلينا ساكتين احسن عشان ماتحصلش مشاكل:)

مفيش احلى من خطى طبعا

ممكن تنقليها في كراستك وحتبقى اوضح..

وهو الكلام معظمه سهل وبسيط

:078111rg3::078111rg3::078111rg3:

جزاكم الله خيرا يادكتور

Dr.ahmed91

24-10-2008, 10:47 PM

بجد شكرا يا د.احمد على سرعة الرد ...وبجد كلامك منطقى
لكن اصلا فى عوامل اكيد هى اللى مخليانى مش بقدر الم المواد
ذى مثلا البنات اللى بتقعد تكلم طول المحاضرات...
البنات اصلا مبيرضوش يخلم حد ياخذ مثلا محاضرتهم يصورها او ينقل منها...
الدكاترة سعات مبفهمس منهم حجات .....
الانجليزى عامل معايا احلى شغل فمبفهمش اوى....
بشترى ورق وكتب وخلاص فلوس بتندفع كتير دة الواحد لو حوش الفلوس دى على خمس سنين كان فتح صيدلية.....
يلا مش مشكلة.....
الواحد بيتعب اكيد كدة فى الاول وبعدين يارب يرتاح....
:):):)
:078111rg3::078111rg3:

اولا : لازم تقعدي في مكان كويس وهادي وجنب ناس هادية عشان تعرفي تركزي

يعني انا مثلا دايما اقعد قدام وما تلاقيش حد يتكلم جانبي لاني عارف مش حرد عليه
ولوحد حاول يهبل مصيره معروف:slap1qk6::slap1qk6:

ثانيا: حاول تفهمي على قد ماتقدري من الدكاترة وتكتبي كل حاجة والانجليزي على الاقل حاول تفسريه واي كلمة غريبة اسالي عليها

الورق اللي تجيبيه والكتب حاولي تقريهم وتستفيدي منهم
وانا شايف من ردودك واجاباتك ان دماغك شغالة وبتفهمي بسرعة

:078111rg3::078111rg3:

........

Dr.ahmed91

24-10-2008, 10:52 PM

لا بجد انا قاعدة بنقلها فى الاسكتش دلوقتى
الطريقة جميلة جدا بجد
بس بلاش الخط دى
خلينا ساكتين احسن عشان ماتحصلش مشاكل:)

طب كويس ان الطريقة عجبتك

وبلاش فعلا حكاية الخط دي:(:(
مش عارف ليه بيطلع وحش لما ابقى عايزه يبقى حلو

وعموما خطي العربي احلى بكتير

:078111rg3::078111rg3::078111rg3:

طـفـلـة الامـس

24-10-2008, 10:56 PM

طب كويس ان الطريقة عجبتك

وبلاش فعلا حكاية الخط دي:(:(
مش عارف ليه بيطلع وحش لما ابقى عايزه يبقى حلو

وعموما خطي العربي احلى بكتير

:078111rg3::078111rg3::078111rg3:

معلش عادى بحاول افهم الخط المهم انه يكون واضح مش مهم شكله
بس كما ذكرت مفيش احلى من خطى:angry2:
هاتشوفوه ماتقلقوش بس لما اخلص كل اللى بخططله

dr.rony20082013

24-10-2008, 11:23 PM

dr.rony20082013

24-10-2008, 11:43 PM

Dr.ahmed91

25-10-2008, 10:49 AM

بص فى حاجتين تعليقا على المحاضرة اللى انت منزلها ...
المسالةالاخيرة المعادلة اصلاv2=Vo2+2ax
نربع 22.22
يعنى الناتج النهائى حيطلع0.839m
مش 0.0378m
على فكرة انا كنت بحسب نفسى غلطانة لكن اما حللت الناتج يعنى مش تصادم ذى دة وتكون المسافة فية3.78cm
83.9cm مقبولة شوية
ثانيةفى صفحة5 الحتة بتاعت العربية
هو تعليق بس غبى شوية؟؟؟وكمان ممكن معلوماتى تكون غلط....
هو انت عامل الموجب والسالب دول لية؟؟؟
لو كان قصدك على القوة فبتهيقلى ملهمش لازمة هنا لان +.-بتخص a بتكون مع اوضد الجاذبية???
تكملة الى كلامى العربية اصلا علشان تمشى حتمشى بالتغير فى السرعتينf=F1-F2
f1هى قوى المحرك اللى بيحرك العربية للامام
f2 هى قوى الاحتكاك بالعربية التى تعوقها عن الحركة....
فالعربية حتمشى بدلتا

الحتة اللي في ص5 بتاعت العربية دي الدكتور هو اللي عاملها كده

بس الموجب يعني انه مع اتجاه سير العربية والسالب القوة التي بتعاكس العربية يعني اتجاه بس

وكلامك مظبوط:)

الحتة بتاعت المسألة

هو المفروض القانو ن يبقى ال vo فيها تربيع

انا نسيت اكتبها وانا بنقل وبالتالي نسيت اربع وبالتالي الناتج طلع غلط

شكرا على التصحيح وياريت الأخت سارة تصلحها برضه:(:(

والناتج زي ماحضرتك قولتي

. مش بقولك باين ان دماغك شغالة يبقى بلاش القلق والخوف:):)

تحياتي

:078111rg3::078111rg3:

Dr.ahmed91

25-10-2008, 10:52 AM

هو اساسا المفروض كل اللي د/الخطيب او معظم اللي بناخده اخدناه في اولى ثانوي

زي معادلات الحركة وقوانين نيوتن ونصف قطر الارض وثابت الجذب العام

بس اللي فاكر بقى.......

:(:(

انا عن نفسي بدأت ارجع للحاجات دي واقراها تاني
زي البصريات بشوفها من كتاب فيزيا تالته
عشان اوضح واسهل
:):)

Dr.diamond

25-10-2008, 11:20 AM

الحتة اللي في ص5 بتاعت العربية دي الدكتور هو اللي عاملها كده

بس الموجب يعني انه مع اتجاه سير العربية والسالب القوة التي بتعاكس العربية يعني اتجاه بس

وكلامك مظبوط:)

الحتة بتاعت المسألة

هو المفروض القانو ن يبقى ال vo فيها تربيع

انا نسيت اكتبها وانا بنقل وبالتالي نسيت اربع وبالتالي الناتج طلع غلط

شكرا على التصحيح وياريت الأخت سارة تصلحها برضه:(:(

والناتج زي ماحضرتك قولتي

. مش بقولك باين ان دماغك شغالة يبقى بلاش القلق والخوف:):)

تحياتي

:078111rg3::078111rg3:

يا جماعه هى الحاجات دى فين ؟؟

اصلى عماله ادور مش لاقيه حاجه:(:(:(:(

Dr.ahmed91

25-10-2008, 11:23 AM

يا جماعه هى الحاجات دى فين ؟؟

اصلى عماله ادور مش لاقيه حاجه:(:(:(:(

الحاجات دي موجودة في محاضرة د/الخطيب الاولى

اللي انا لسه رفعها امبارح على الموقع

تلاقيها قبلنا بصفحة او اتنين

:078111rg3::078111rg3:

Dr.Nejar

25-10-2008, 01:51 PM

Dr.ahmed91

25-10-2008, 01:57 PM

لو سمحتوا يا جماعة عايزة اسأل سؤالين:confused:؟
اولا..امتحان ال chemistry الي هو الاسبوع الجاي هيكون عملي ولا نظري ولا الاتنين مع بعض ولا ايه؟:confused::confused::confused:
ثانيا..حد عرف يلاقي حاجة عن البحث بتاع الدكتور سلامة ده ؟:mad::mad::mad:
وشكراااااااااااااااااااااا

امتحان الكيمياء حيكون عملي ونظري العملي

نظري العملي ده شوية صح وغلط على اكمل على الحاجات اللي احنا بناخدها وكمان اللي مبنعملهاش عملي

.......

بالنسبة ل د/سلامة

هو طالب بحث في ايه بالظبط؟؟؟؟؟؟

اصل عندنا في أ مطلبش حاجه

لحسن يكون طلب وانا جالي زهمير ولا حاجه:(:(:( ونسيت (هو انا مين؟؟؟؟)

لو تقوليلي هو طالب ايه يمكن اقدر اساعدكم

:078111rg3::078111rg3:

Dr.diamond

25-10-2008, 02:03 PM

و البحث ده هيطلبه مننا ولا منكم انتوا بس ؟؟؟

هدير جهاد

25-10-2008, 02:25 PM

البحث بتاع د/سلامة كان مش اكتر من عقاب ومن الوارد ان يرجع في كلامه بس الله اعلم والبحث كان في:
*Mucilages
*laex
*Alkaloids
*poly phenols
*phinolic
واي حد يعرف معلومات جديدة عن قصة البحث دي ياريت يقولي . ويقولي هو احنا المفروض نعمل في واحد بس ولا كله .
وهل كل واحد لواحده.

هدير جهاد

25-10-2008, 02:28 PM

Dr/ Ahmad

Thanks very much

Dr/Hadeer

Dr.ahmed91

25-10-2008, 02:31 PM

Dr/ Ahmad

Thanks very much

Dr/Hadeer

العفو......... على ايه؟؟....

دي حاجة بسيطة

المهم تكوني استفدتي وصلحتي الغلطة اللي في اخر مسألة

:):)

:078111rg3::078111rg3::078111rg3::078111rg3:

Dr.Nejar

25-10-2008, 02:33 PM

والله في واحد سأل دكتور سلامة هانعمل في واحد ولا في كله وايه النظام وكده مردش عليه الدكتور واخد بعضه ومشي...حسبي الله ونعم الوكيل ...في الدكاترة كلهم.:mad::mad::angry2:
وشكرااا للدكتور احمد علي سرعة الاستجابة:078111rg3:

Dr.diamond

25-10-2008, 02:39 PM

يا جماعه فى محاضره د/ مهجه

فى جزء قبل الاجهزه الاخيره دى مشرحتهوش

اللى هو بتاع ال فارادى والكولمب

هى مش هترجعله تانى لا ايه؟؟؟

اصل انا بحاول افهمه بس اتلخبطت

ياريت اللى يشوفه فى الكتاب يبقى يفهمنى المثال بتاع الالومنيوم والكلورين

Dr.ahmed91

25-10-2008, 02:55 PM

:(يا جماعه فى محاضره د/ مهجه

فى جزء قبل الاجهزه الاخيره دى مشرحتهوش

اللى هو بتاع ال فارادى والكولمب

هى مش هترجعله تانى لا ايه؟؟؟

اصل انا بحاول افهمه بس اتلخبطت

ياريت اللى يشوفه فى الكتاب يبقى يفهمنى المثال بتاع الالومنيوم والكلورين

بداية يا دكتور

الدكتور مشرحتش الجزء اللي هو من ص45 الى ص47 فوق بتاع قوانين فاراداي والتحليل الكهربي

اصل كنت ببيض المحاضرة وفتحت الكتاب .... وقعدت اقرا الجزء ده وكنت ناوي اروحلها اقولها
حضرتك مشرحتيش الجزء ده ليه؟؟؟؟؟؟؟؟:slap1qk6::slap1qk6:

المهم خلينا في المثال...

بصراحة انا لما بشوف طرق الحل بتاعت الكتب دي بيجيلي غثيان:(

عندنا مثال واحد..نرجع بضهرنا ورا سنتين.الباب بتاع الكهربية التامن

حنجيب للالومنيوم حاجة اسمها الكتلة المكافئة اللي هيا = الكتلة الذرية /التكافؤ

يعني 26.982/3 حتطلع 8.994 جرام

وحسب قانون فاراداي

8.994 جم دول محتاجين 96489 كولوم عشان يتفصلوا او يذوبوا

يبقى ال 1.0000 جرام محتاجين كام؟؟؟؟؟؟

نعمل مقص

حتطلع 10729 كولوم اللي هما شحنة بتشيلها

وبالنسبة للمثال التاني (سيبك برضه من الحل المقرف ده)

عندنا كلور وعندنا الومنيوم

نجيب الكتلة المكافئة للكلور تطلع ب35.45 بالقانون برضه

والالومنيوم 8.994 زي المثال اللي فات

نطبق في قانون فاراداي

اه.نسيت ان واحد فاراداي يعمل 96489 يعني 96500 كولوم تقريبا

القانون بيقول ان كتلة المادة اللي حتنفصل او تترسب
تساوي.كميةالتيار بالكولوم * الكتلة المكافئة وكل ده على 96500 اللي متقربة يعني

تحسبي الالومنيوم حتلاقي 96489*8.994 /96489 تطلع 8.994

ونفس الكلام على الكلور وهيا هيا نفس النواتج

انما نقول ايه......لازم نلعبك الكلام

:078111rg3::078111rg3:

Dr.diamond

25-10-2008, 03:46 PM

:(

بداية يا دكتور

الدكتور مشرحتش الجزء اللي هو من ص45 الى ص47 فوق بتاع قوانين فاراداي والتحليل الكهربي

اصل كنت ببيض المحاضرة وفتحت الكتاب .... وقعدت اقرا الجزء ده وكنت ناوي اروحلها اقولها
حضرتك مشرحتيش الجزء ده ليه؟؟؟؟؟؟؟؟:slap1qk6::slap1qk6:

المهم خلينا في المثال...

بصراحة انا لما بشوف طرق الحل بتاعت الكتب دي بيجيلي غثيان:(

وانا كمان:(المفروض ان الحل يفهمنى لا ده بيلغبطنى بعد ما بكون فهمت

عندنا مثال واحد..نرجع بضهرنا ورا سنتين.الباب بتاع الكهربية التامن

حنجيب للالومنيوم حاجة اسمها الكتلة المكافئة اللي هيا = الكتلة الذرية /التكافؤ

يعني 26.982/3 حتطلع 8.994 جرام

وحسب قانون فاراداي

8.994 جم دول محتاجين 96489 كولوم عشان يتفصلوا او يذوبوا
معنى كده ان الكتله المكافئه للعنصر او المركب هى اللى بتحتاج96489 مش كده ؟؟

يبقى ال 1.0000 جرام محتاجين كام؟؟؟؟؟؟

نعمل مقص

حتطلع 10729 كولوم اللي هما شحنة بتشيلها
تمام كده:)

وبالنسبة للمثال التاني (سيبك برضه من الحل المقرف ده)

عندنا كلور وعندنا الومنيوم

نجيب الكتلة المكافئة للكلور تطلع ب35.45 بالقانون برضه

والالومنيوم 8.994 زي المثال اللي فات

نطبق في قانون فاراداي

اه.نسيت ان واحد فاراداي يعمل 96489 يعني 96500 كولوم تقريبا

القانون بيقول ان كتلة المادة اللي حتنفصل او تترسب
تساوي.كميةالتيار بالكولوم * الكتلة المكافئة وكل ده على 96500 اللي متقربة يعني
هما ليه مش كاتبين لنا الكلام ده فى الكتاب؟؟

تحسبي الالومنيوم حتلاقي 96489*8.994 /96489 تطلع 8.994

ونفس الكلام على الكلور وهيا هيا نفس النواتج

انما نقول ايه......لازم نلعبك الكلام

:078111rg3::078111rg3:

الكلام ده كان عندى فى مذكرات الكيميا زى الفل بس للأسف راحوا لحال سبيلهم:040vk0:

شكرا بجديا دكتور أفدتنى بسرعه كالعاده:)

ربنا يرزقك بامتياز كده فى كل المواد:rolleyes::rolleyes:

dr.rony20082013

25-10-2008, 04:30 PM

Dr.ahmed91

25-10-2008, 05:11 PM

معنى كده ان الكتله المكافئه للعنصر او المركب هى اللى بتحتاج96489 مش كده ؟؟

تمام كده وهو ده قانون فارادي العام انه لما نمرر 96500 كولوم ده بيؤدي لذوبان او فصل او تصاعد كتلة مكافئة جرامية من المادة

هما ليه مش كاتبين لنا الكلام ده فى الكتاب؟؟

مش عارف على اساس ان احنا مش بندرس كهربية وانه بس بيدلل ان دالتون غلط وعلى اساس
انك تستنبطي الكلام من القوانين او تفهميه وكمان هو حالل بطريقة غريبة مولات وحاجات كده مش فاهمه
بس انا لازم اسال الدكتور على الجزئية دي:slap1qk6:

الكلام ده كان عندى فى مذكرات الكيميا زى الفل بس للأسف راحوا لحال سبيلهم:040vk0:

انا برضه المذكرات راحت لحالها بس لسه عندي كتاب المدرسة....
خلتيني افتكر استاذ الكيمياء بتاعي ايمن هلال لما كان بيشرح الجزء ده.كان اسلوبه جميل قوي (ربنا يمسيه بالخير:078111rg3::078111rg3:)

شكرا بجد يا دكتور أفدتنى بسرعه كالعاده:)

انا تحت امرك

ربنا يرزقك بامتياز كده فى كل المواد:rolleyes::rolleyes:

رزقنا الله واياكم
وانا متأكد انها من قلبك
مش زي بعض الولاد اللي معايا(:slap1qk6:)
اللي شغالين قر قر
:av4056bb7jp3:5555555555555:av4056bb7jp3:

Dr.ahmed91

25-10-2008, 05:15 PM

يا جماعة امتحان الكيمياء الاسبوع اللى بعد اللى جى....
علشان الدكتور قالنا ذاكروا كويس والمرة اللى جاية نطبق الكلام ونسال فى اللى احنا مش عارفينة...
والاسبوع اللى بعدية حنمتحن عملى ونظرى العملى ....
صح ولا اية؟؟؟؟؟

تمام كده

انا عندي يوم الاتنين اللي هو بعد بكره نطبق ونسأل

والاتنين اللي بعده هو الامتحان

وعمال اذاكر من دلوقتي واحفظ في معادلات واوزان ورواسب بيضا وحمرا وصفرا

ويارب ارزقني الكربونات :):)

نور الهدى*

25-10-2008, 06:26 PM

dr.rony20082013

25-10-2008, 07:19 PM

بصو ياجماعة هو حد اخذ فى الكمياءnitrite وnitrate
اصل الدكتور بتعنا مدهمش خالص ولا جاب سيرة عنهم؟؟؟؟
وهم موجودين فى الكتاب والمذكرات مش عارفة هم علينا ولا؟؟؟؟؟
وحد خدهم ولا؟؟؟؟؟؟

dr.rony20082013

25-10-2008, 07:25 PM

دلوقتى انا electricity وطبعا عندنا تجارب ودوائر كهربية وكده
التجربة الاولى عندنا بتاع 6صفحات حاجات معقدة
لما جينا سألنا المعيد نذاكرها ازاى قال لنا احفظوا كل اللى مكتوب من اوله لآخره يعنى مافيش تلخيص فطبعا صعب اوى اللى بيحصل ده فأنا عايزة اسال اى واحد electricity عمل ايه فى المشكلة دى ؟وعايزة اعرف فى ورق عملى فيزيا نزل ولا لأ؟ وياريت اى حد يجاوبنى سواء optics & heat عايزة اعرف النظام عندهم ايه ؟:confused:
بصى انا كهربة برضة ...
واما سالنا الدكتور قالنا نفس الكلام اللى انتى قولتية ....
بس اما سالت قالو ان بينزل مذكرات عملى قبل الامتحان بنحفظ التجربة وانتى تشوفى طلعتى النواتج منها ازاى من خلال اللى انتى كتبتية فى كتاب العملى والدكتور شرحة
وبعدين تدخلى الامتحان وفى دماغك الحفظ بتاع التجربة وكمان الشكل النهائى اللى حيطلع بية مثلا الرسم البيانى او الناتج النهائى للتجارب ....

dr.rony20082013

25-10-2008, 07:39 PM

بالنسبة ياجماعة لموضوع الضفدعة....:mad::angry2:
على فكرة انا عكسكم خالص مبخفش منها ...:):)
بالنسبة للتخدير انا عن نفسى بعمل كدة والعملية دى مضمونة 100%:049gc0::049gc0:
جيبوا برطمان والغطاء بتاعة اثقبوة علشان دة حنستخدمة فى كل مرة نجيب فيها اللى متسماش
والبرطمان دة ناخذة معانة ونجيب فية الضفدعة وبعدين اما نيجى نشرحها علشان نخدرها بنسكب عليها سبرتو احمر من الثقوب [للى بيخافو ] يعنى مش الزجاجة كلها لا حبة كدة مثلا25سم
ونسبها شوية .....وكمان شوية...
وبعدين نرج البرطمان مش جامد اوى براحة ونبص للضفدعة على عنيها لو لقينها مغمضة يبقى خلاص كدة....
وبعد كدة نبدا التشريح......
وبعدين نغسل البرطمان علشان دة حنجيب فية ضفادع طول السنة ويجب ان يكون رحتة مش سبرتو علشان متتخدرش فى البرطمان قبل منوصل البيت ونشرحها....
:078111rg3::078111rg3:

Dr.diamond

25-10-2008, 07:53 PM

Dr.ahmed91

25-10-2008, 07:57 PM

بصو ياجماعة هو حد اخذ فى الكمياءnitrite وnitrate
اصل الدكتور بتعنا مدهمش خالص ولا جاب سيرة عنهم؟؟؟؟
وهم موجودين فى الكتاب والمذكرات مش عارفة هم علينا ولا؟؟؟؟؟
وحد خدهم ولا؟؟؟؟؟؟

المفروض دول نظري فقط. مش بناخدهم في العملي ..عشان مينفعش يتعملوا بيطلعوا ادخنه وسموم
زي النيتريت والبروميد والايودين وh2s والحاجات دي بنذاكرها وتيجي في امتحان نظري العملي وحتلاقيهم موجودين في المذكرة بتاعت د/سامح
وانا بيديني د/امير ومش بناخد الا الحاجات اللي بتتعمل عملي بس

بالنسبة ياجماعة لموضوع الضفدعة....:mad::angry2:
على فكرة انا عكسكم خالص مبخفش منها ...:):)
بالنسبة للتخدير انا عن نفسى بعمل كدة والعملية دى مضمونة 100%:049gc0::049gc0:
جيبوا برطمان والغطاء بتاعة اثقبوة علشان دة حنستخدمة فى كل مرة نجيب فيها اللى متسماش
والبرطمان دة ناخذة معانة ونجيب فية الضفدعة وبعدين اما نيجى نشرحها علشان نخدرها بنسكب عليها سبرتو احمر من الثقوب [للى بيخافو ] يعنى مش الزجاجة كلها لا حبة كدة مثلا25سم
ونسبها شوية .....وكمان شوية...
وبعدين نرج البرطمان مش جامد اوى براحة ونبص للضفدعة على عنيها لو لقينها مغمضة يبقى خلاص كدة....
وبعد كدة نبدا التشريح......
وبعدين نغسل البرطمان علشان دة حنجيب فية ضفادع طول السنة ويجب ان يكون رحتة مش سبرتو علشان متتخدرش فى البرطمان قبل منوصل البيت ونشرحها....
:078111rg3::078111rg3:

انا برضه عملت كل ده ماعدا حكاية ال25 سم والرج بالراحة
اما السبرتو فازازة كاملة 200 مل قد ازازة البيبيسي والرج جامد
(ايه العنف ده)؟؟؟:angry2::angry2:

على فكرة السبرتو الاحمر ده المفروض بتضاف ليه مواد سامة بتسبب العمى وتشنج عصبي و شلل
وحاجات تانيه كتير وده عند الانسان فما بالك بالضفدعة

بس استفدت فعلا من تجربتك مع الضفدعة...خطواتك كويسة:)

Dr.ahmed91

25-10-2008, 08:05 PM

يا جماعه مش عارفه اعمل ايه فى عملى الكيميا

دلوقتى انا بيدينى واحد اسمه محمد

دلوقتى فى اختلاف بين الكلام اللى فى ورق سامح والكلام اللى انا بكتبه وطبعا اختلاف مع الكتاب:(:(:(

وانا دلوقتى مش عارفه احفظ المعادلات من اللخبطه دى

وكنت عايزه اعرف هو الامتحان بيبقى ليه علاقه بالمعيد ؟؟

يعنى امتحان كل سكشن بيختلف عن التانى ؟؟

يعنى انا لو مثلا زاكرت من ورق سامح:av4056bb7jp3: وامتحنت امتحان محمد :av4056bb7jp3:هيبقى فيه مشكله :slap1qk6:؟؟

يمكن دي مش المشكلة عندي قوي

المشكلة عندي الغلطات في الاوزان والصيغ والتكافؤات سواء في الكتاب او المذكرة

انا عندي كام حاجة كده دول الموجودين عندي للعملي

المذكرة الاولانية خالص بتاعت د/سامح ودي لازم تبقى فاهماها وحفظاها كويس

وبعد كده فيه 3 مذكرات لسامح

واحدة اسئلة على الاسيديك راديكال وواحدة طريقة الحل (مكتوب فيها كل ملح وطريقة الحل بتاعته)

وواحدة ملا حظات عملي ودي فيها طريقة السكيم (اعمل كذا وحط كذا لو طلع كذا يبقى كذ ولو عمل راسب يبقى كذا)

وطبعا عندي الكتاب.....

وانا كنت عامل حسابي ان الكلام ده كتير فانا مخلص مذاكرة الكتاب والمذكرة القديمة والسكيم
ولسه عندي طريقة الحل والاسئلة وربنا يسهل ..قدامي اسبوع كامل على الامتحان..الاتنين بعد الجاي..انما انا بحاول اروح الاتنبن ده وكاني حمتحن بجد

انما بصراحة عندك حق.حاجة تلغبط وتغم لما تحطي كل ده قدامك وتسالي نفسك ابدأمنين واروح فين؟؟

وانا اعتقد ان الامتحان ملوش علاقة بالمعيد لان اكيد فيه دكتور هو اللي بيحط الامتحان عشان يبقى فيه رقابة واكيد كمان كل سكشن امتحانه يختلف عن التاني بل كل طالب في السكشن الملح بتاعه
هو ونصيبه وقسمته

:):)

اتمنى لكي التوفيق :078111rg3::078111rg3::078111rg3:

dr.rony20082013

25-10-2008, 08:07 PM

نور الهدى*

25-10-2008, 09:27 PM

Dr.Nejar

25-10-2008, 09:40 PM

انتوا متأكدين ان امتحان عملي الكيمياء الاسبوع الي بعد الجاي مش الي جاي؟؟:confused:اصل المعيد بتاعنا قالنا انه الاسبوع الجااي بس؟؟:confused::angry2:

Dr.diamond

25-10-2008, 10:20 PM

بصى انا برضة بيدينى دكتور محمد صلاح ومثلك بالظبط
بس انا حذاكر من الكتاب وورق سامح وطبعا اللى د.محمد ادهلنا يعنى بيكملوا بعض....

انتى فى سكشن كام ؟؟

Dr.diamond

25-10-2008, 10:21 PM

انتوا متأكدين ان امتحان عملي الكيمياء الاسبوع الي بعد الجاي مش الي جاي؟؟:confused:اصل المعيد بتاعنا قالنا انه الاسبوع الجااي بس؟؟:confused::angry2:

اها الاسبوع اللى بعد اللى جاى

د/محمد صلاح قالنا كده

dr.rony20082013

25-10-2008, 10:27 PM

على فكرة يا dr.Rony لو انتى بيديكى دكتور محمد صلاح يبقى انتى اكيد اخذتى المقارنة اللى بين ال nitrite &nitrate لأنه كان بيدينا واخدنا المقارنة دى
مشكلتى اننا كل سكشن بيدخلنا معيد مختلف ويقول انه هيكمل معانا بس السكشن اللى جاى نلاقيه اتغير وجاء واحد اسوأمن اللى قبله
كان بيدينا الاول دكتور سامح وقال انه هيكمل معانا
اتغير ودخلنا دكتور محمد صلاح اللى مش بيكتب ولا معادلة بس ميزته انه كان بيدينا النظرى والعملى :av4056bb7jp3:
اتغير ودخل لنا دكتور حسام حسن (طبعا مش لاعب الكورة:))
ده بقى مش بيكتب معادلات خالص ولا بيدى نظرى!!:mad:
يعنى ربنا يرحمنا

:stickjo4:

على فكرة انا بيدينى د.محمد صلاح بس بجد مدناش المقارنة بين nitrite &nitrate
ممكن علشان احنا يوم الاثنين ومتاخرين عن بقيت السكاشن علشان يوم الاجازة اللى احنا اخذناةبتاع 6اكتوبر
وادانا سيكشنين فى سكشن واحد فنسى يدينا المقارنة دى ....
بس على العموم خلاص انا عرفت منكم انهم علينا وانشاء اللة سوف اذاكرهم .....

فراق

26-10-2008, 04:41 AM

يا حلاوتى يا حلاوتى الحمد لله انا لسة ابيض يا ورد ذاكرت الكربونات والبيكربونات والسلفايت وبس وكمان مجبتش الكتاب يله الله المستعان قلت اذاكرهم ف الاجازة دى لكن الحمد لله انا جيه اقعد مع امى ولا اذاكر وطبعا هسافر المدينة انهارده وكالعادة الموبايلات فى كل الاوض اللى جنبى شغالة والاغانى والزغاريد وخلافه فهنام
حاجة تفرح ادعولى

oxstreet

26-10-2008, 09:10 PM

يا جماعه حد عندو موقع اقدر انزل منو مواضيع علميه للدكاتره ؟؟؟

وشكرا

pharma girl

27-10-2008, 01:49 AM

اولا ازيكم كلكم
المنتدى كان واحشنى اوى
ثانيا فين طلبة مجموعة ج
قوللى عملتوا ايه فى البحث بتاع دزسلامة او اللغة
انا مش عرفة اطلع اى حاجة من النت و محتاسة بجد
و بالنسبة للعضوية انا جبت ورق كان ممتاز جدا من مكتبة دار الطالب
و بجد جزاكم الله خيرا على الموضوع و خاصة دكتور احمد ما شاء الله عليه

pharma girl

27-10-2008, 01:51 AM

و نسيت اسالكم معلش النبات حد عرف يصور اى حاجة من السكشن لان بجد العينات كلها شبه بعض

هدير جهاد

27-10-2008, 03:45 PM

اختنا العزيزةpharma girl
انا المجموعة ج بالنسبة للبحث بتاع اللغة افتحي google واكتبي scientific languageوحيطلع لك موضوعات اختاري واحد ومتزوديش عن صفحة ومتشغليش نفسك بموضوع اللغة دة .
بالنسبة للدكتور سلامة فبنفس الطريقة بحثت في الانترنت وجمعت كام موضوع كدة بس والله لسة تحت التجهيز
وان شاء الله تتحل من عند ربنا ونرتاح من اللي احنا فيه ده وانا تحت امرك انا برضه معاكي في مجموعة ج ومتفكريش كتير احسن عقلنا يخف من اولها ونبقى:av4056bb7jp3::av4056bb7jp3::av4056bb7jp3:
والله الموفق

هدير جهاد

27-10-2008, 03:58 PM

يا جماعه حد عندو موقع اقدر انزل منو مواضيع علميه للدكاتره ؟؟؟

وشكرا:confused::confused::confused::confused:

انا مش فاهمة انت تقصد ايه؟ اي دكاترة تقصد؟ وطلبوا موضوعات علمية عن ايه؟ ياريت تقوللي يمكن اقدر اساعدك.
ولو قصدك على بحث اللغة و د/سلامة فانا لسة قايلة ازاي pharma girl

هدير جهاد

27-10-2008, 04:02 PM

اييييييييييييييييييه يادكتور/احمد فينك والمذاكرة شغالة على ودنها ومش قادر تتحرك يلا

الله يسهله

pharma girl

27-10-2008, 05:26 PM

جزاك الله خيرا يا هدير على الرد
بس انا اللى مزعلنى ان ده مش وقت اى بحث
يعنى الاسبوع اللى جى امتحان كيمياء و فيزياء و يا عالم فى ايه تانى
ربنا يستر السنة دى و تعدى على خير و ربنا يعينا

محبة الرحمن

27-10-2008, 07:45 PM

بالنسبة لبحث دكتر سلامة انا بافكر لو هوا مش هياخده..ممكن نجيب شرح الجزئية دى من مجموعتى أ و ب

لكن لو هياخد البحث فاحنا مضطرين

انا جبت البحث من المكتبة من كتابين plant anatomy و plant physiology لان كله هيسحب من النت من ويكيبديا

فابالتالى الابحاث هتبقى كلها متشابهة .. لذلك جبته من المكتبة:)

pop creed

28-10-2008, 01:35 AM

نور الهدى*

28-10-2008, 05:57 AM

:giljotiiniug3:السلام عليكم يا جماعة.........كنت بسال اى حد مج (ب) عامل اية فى الحيوان عشان كلنا رايحيين خالص مع بلتاجى.......فلو حد عرف يحل المشكلة دى ياريت يقولنا..................Yr Bro M.S

وعليكم السلام ورحمة الله وبركاته
أظن انه فى 3 حلول إما انك تحضر مع بسيونى بس تكون حريص على انك تكتب الكلام اللى فى الورق على اد ماتقدر
او تحضر لدكتور جمال فى (ج) الصراحة هو ممتاز انا عن نفسى بعمل كده
او تاخد رفع كفاءة فى ال zoology
بس طبعا الحل الاولانى صعب
فحاول تظبط مواعيدك علشان تحضر لدكتور جمال انا عارفة انه بيبقى فى عندنا فى (ب) organic & physical بس انا بحضر ال physical مع (ج) دكتورة ماجدة بردو ممتازة بس مشكلتى هى ال organic فهضطر آخذ رفع كفاءة فيها
وادينا بنحاول
:)

محبة الرحمن

28-10-2008, 04:18 PM

وكمان ما شوفتش الكلواكا.ماعلينا

انا مش لاقياها خالص مش عارفة هيا مهمة ولا لأ

pop creed :giljotiiniug3:السلام عليكم يا جماعة.........كنت بسال اى حد مج (ب) عامل اية فى الحيوان عشان كلنا رايحيين خالص مع بلتاجى.......فلو حد عرف يحل المشكلة دى ياريت يقولنا..................

د\جمال ثم د\جمال ثم د\جمال :)

د حنين

28-10-2008, 11:55 PM

نداء الى اصحاب القلوب الرحيمة فى مجموعة ج
من فضلكوا حد ينزل صورة رسم البلاستيدات بتاعة د/سلامة لانه يومها غضب وخرج ومكملش الرسم فى مجموعة ا

طـفـلـة الامـس

29-10-2008, 02:59 PM

اييييييييييييييييييه يادكتور/احمد فينك والمذاكرة شغالة على ودنها ومش قادر تتحرك يلا

الله يسهله

اصل دكتور احمد بيبقى عنده تلات سكاشن يوم الاتنين
فتلاقيه جاى تعبان ولا حاجة
بس مش عارفة هو فين من كام يوم

Dr.ahmed91

29-10-2008, 04:34 PM

السلام عليكم ورحمة الله وبركاته

الأخوة والأخوات الأعزاء

رجعت تاني بعد غياب حد واتنين وتلاتاء ونص الاربعاء

هو يمكن فترة الغياب دي ماكنتش للمذاكرة ولاحاجة;)وربنا يسهل للجميع;);)

انما كانت فترة تقييم او نقاهة كأني دوست على زر pause مش هنا في المنتدى ولكن في حياتي كلها

بحاول اعدل حاجات في شخصيتي واسلوب حياتي وتأقلمي مع الكلية(تأقلم الكلية معايا مش تأقلمي انا معاها..تفرق)
توقيعي
واديني رجعت تاني للمنتدى واللي عنده اي سؤال في اي حاجة يتفضل يسأل؟

وان شاء الله النهارده او بكره ... فيه مفاجأة حصرية (مع ابو الأحاميد مش حتقدر تغمض عينيك:blink::wacko::unsure:..)

حقولكم وخلاص...

قامت القوات الاحمدية بالهجوم على زميل(:friendsxs3::friendsxs3:) وخطف جهازه المحمول عنوة:stickjo4: وبالتفتيش تم العثور على عدد ؟؟ سليدز نبات بصورة واضحة شبيهة الدي في دي
:p:p
بس فيه مشكلة حلها مش مشكلة؟؟

انا مش عارف اسامي معظمهم:(نحاول مع بعض نعرفهم

شوية ملخوظات صوغنططة

د/جوليت

شكرا على الموقع الرائع وانا بالفعل مشترك فيه ود/رهف المشرفة ياما ساعدتني بنصائحها وتقدري تحطي لينك
الرئيسية بتاع الموقع هنا لو عايزه(من النهارده مفيش حكومه..انا الحكومة.:stickjo4:) ومادام الكل حيستفاد مفيش مانع

وتاني ملاحظة لحضرتك انا سألت د/مهجة على فاراداي (قالتلي كويس وجاله عقد عمل في السعودية)
:av4056bb7jp3::av4056bb7jp3:

هيا قالت كلام فيما معناه ان اللي بتقوله بس هو اللي علينا والحاجات اللي بتسيبها مش علينا وحتبقى بعد كده تورينا في الكتاب الحاجات دي
:022yb4::022yb4:
وملاحظة تالته: اللون البينك غطى على الموقع وبيوقع على المنتديات التانيه والجيران بيشتكوا:av4056bb7jp3:

ملاحظة اخيرة ل د/سارة : اتمنى حضرتك تكوني صلحتي الغلطة اللي في اخر مسالة في المحاضرة وانا اسف على الخطا والسهو الغير مقصود:(

Dr.ahmed91

29-10-2008, 04:49 PM

اييييييييييييييييييه يادكتور/احمد فينك والمذاكرة شغالة على ودنها ومش قادر تتحرك يلا

الله يسهله

والله انا زي زيكم...بذاكر شوية شوية على ما تفرج ونتفاجئ بالامتحانات في وشنا:(:(
وربنا يسهل للجميع:):)

بالتوفيق يا دكتور وجزاك الله خير وياريت لو كنتي خدتي محاضرة المادة تصلحي الغلطة في اخر مسالة

يعنى الاسبوع اللى جى امتحان كيمياء و فيزياء و يا عالم فى ايه تانى
ربنا يستر السنة دى و تعدى على خير و ربنا يعينا

امتحان فيزياء ايه؟؟؟؟؟؟؟؟؟محدش قالنا حاجة انا اوبتكس والمرة الجاية اخر تجربتين ..هما قالوا كده
حد بصريات هنا يأكدلي المعلومة دي

:giljotiiniug3:السلام عليكم يا جماعة.........كنت بسال اى حد مج (ب) عامل اية فى الحيوان عشان كلنا رايحيين خالص مع بلتاجى.......فلو حد عرف يحل المشكلة دى ياريت يقولنا..................Yr Bro M.S

سبق وجاوبتك يا محمد ومشكلتك ملهاش الا التلات حلول اللي الدكتورة قالتهم تحت ردك بالظبط
وانا حاولت اساعدك بس هيا مقفلة:(:(..شوف صاحبك حيعمل ايه;)

[

اصل دكتور احمد بيبقى عنده تلات سكاشن يوم الاتنين

فتلاقيه جاى تعبان ولا حاجة

عندك حق يا دكتور يوم الاتنين ده بيتعبني جداااااااااا
نبات وحيوان وكيمياء
اوله عادي ونصفه غم واخره رائع

بس مش عارفة هو فين من كام يوم

انا موجود في الدنيا...اهيم على وجهي..واحاول التقاط اشلائي المتبعثرة

انا واحد من الف واحد بتشوفوهم كل يوم

:078111rg3::078111rg3:

نور الهدى*

29-10-2008, 05:15 PM

Dr.diamond

29-10-2008, 05:27 PM

د/جوليت

شكرا على الموقع الرائع وانا بالفعل مشترك فيه ود/رهف المشرفة ياما ساعدتني بنصائحها وتقدري تحطي لينك
الرئيسية بتاع الموقع هنا لو عايزه(من النهارده مفيش حكومه..انا الحكومة.:stickjo4:) ومادام الكل حيستفاد مفيش مانع
اوك باذن الله هبقى احط اللينك هنا عشان الكل يشوفه ولو انى بعته لناس كتير ومدخلتوش من ساعتها

وتاني ملاحظة لحضرتك انا سألت د/مهجة على فاراداي (قالتلي كويس وجاله عقد عمل في السعودية)
:av4056bb7jp3::av4056bb7jp3:

هيا قالت كلام فيما معناه ان اللي بتقوله بس هو اللي علينا والحاجات اللي بتسيبها مش علينا وحتبقى بعد كده تورينا في الكتاب الحاجات دي
:022yb4::022yb4:
كويس اوى كده يعنى مسألهاش بقى عالقانون المريب اللى طنشته فى اول صفحه 59 ؟؟؟:slap1qk6:
وملاحظة تالته: اللون البينك غطى على الموقع وبيوقع على المنتديات التانيه والجيران بيشتكوا:av4056bb7jp3:
لاااااااااا الا اللون البينك بتاعى خدوا كل فلوسى وثروتى وحتى موبايلى لو عايزينه اوى بس سيبولى اللون البينك
ده بقى جزء من شخصيتى لو غيرته يبقى حاجه ضاعت منى:(:(

وعلى فكره يا دكتور انا اوبتكس برضه

وعندى امتحان الاسبوع الجاى

هو امتحان شفوى

يعنى هيسالنا مثلا على قانون معين او وحده قياس بتاعه حاجه معينه

او على رسم بيانى شكله كان ازاى

يعنى مناقشه على اللى اخدناه

مش هنسمع التجارب يعنى

هو بيقول ان داخل فيه التجربتين الجداد بس اعتقد انه بيقول كده عشان نحضرهم

بس هقراهم يعنى

بس مادام مقالوش خالص عندكم يبقى لو فكروا يسالوا اكييد الناس هتعترض

بس برضه خليك فى الامان

وعودا حميداا:)

محبة الرحمن

29-10-2008, 06:03 PM

انا مش عارف اسامي معظمهم:(نحاول مع بعض نعرفهم

انا ممكن اقولكم الاسامى بعد ما حضرتك تنزلهم لانهم عندى

انا كنت قلت انى هنزلهم بعد ما اعرف الموبايل بس للأسف الcd-rom مش شغال عشان اعرف الموبايل على الجهاز

انا متأسفة جدا

بالتوفيق..

Taleba Me7tasa

29-10-2008, 06:28 PM

Dr.diamond

29-10-2008, 07:06 PM

سلام عليكم يا احلى منتدى ويا احلى ناس

دول حوالي 9 سلايدز كنت صورتهم لل practical plant anatomy
واحدة منهم بس مش واضحة

وكل سلايد مكتوبة باسمها اللي كان جنب الميكروسكوب
عشان محدش يتلخبط
مش فاكرة عنوانهم بالظبط بس هو تاني سكشن علاطول
(شفتو مش فاكرة دي :blush:)
ما علينا

للتحميل من هنــــــا (http://www.zshare.net/download/50622614ceb3a013/)

يارب تفيدكم
ومتنسوش تدعولى

بالتوفيق للجميع

ايه ده ميييييييييييييين ؟؟؟

عاش من شافك يا شيخه

اخييرا رضيتى عن المنتدى:av4056bb7jp3::av4056bb7jp3:

وبعدين مانا فى وشك طول النهار ازاى متديهمش ليا:slap1qk6:

بس اما اشوفك:stickjo4::stickjo4:

Dr.ahmed91

29-10-2008, 07:21 PM

كويس اوى كده يعنى مسألهاش بقى عالقانون المريب اللى طنشته فى اول صفحه 59 ؟؟؟:slap1qk6:

فعلا..القانون ده غريب ومري بو هيا سابته فعلا..بس خلينا ماشيين وراها لحد ما ؟؟؟؟؟؟

لاااااااااا الا اللون البينك بتاعى خدوا كل فلوسى وثروتى وحتى موبايلى لو عايزينه اوى بس سيبولى اللون البينك
ده بقى جزء من شخصيتى لو غيرته يبقى حاجه ضاعت منى:(:(

خلاص ...خلاص ... حنطلع قرار احمدي في الموضوع ده
خلاص سيبنا اللون البينك وحنتفاهم مع الجيران

بس ازاي تفرطي في فلوسك وثروتك كده بالساهل؟؟وكمان موبايلك.. ليه كده هو مش بينك هو الاخر:(:(!!

شوفتوا اخرة اللي يكتب باللون البينك

وعلى فكره يا دكتور انا اوبتكس برضه

وعندى امتحان الاسبوع الجاى

هو امتحان شفوى

يعنى هيسالنا مثلا على قانون معين او وحده قياس بتاعه حاجه معينه

او على رسم بيانى شكله كان ازاى

يعنى مناقشه على اللى اخدناه

مش هنسمع التجارب يعنى

هو بيقول ان داخل فيه التجربتين الجداد بس اعتقد انه بيقول كده عشان نحضرهم

طب هو مين اللي قال على الامتحان ده؟ومين اللي حيمتحنا اساسا..انا على العموم مذاكرهم كويس وفاضلي تجربة 1 a ,b واحنا اساسا كل مرة بنحضر بس محدش بيسألنا:(

بس مادام مقالوش خالص عندكم يبقى لو فكروا يسالوا اكييد الناس هتعترض

بس برضه خليك فى الامان

ان شاء الله ابقى في الامان..بس لازم الثورة تقوم برضه وناخد بتارنا منهم ..كل اسبوع يطلعوني السادس لغاية ما خلاص خسيت 40 كيلو...والمعيدة اللي:angry2: والتيم اللي:slap1qk6:

وعودا حميداا:)

شكرا جزيلا
:078111rg3::078111rg3:

طـفـلـة الامـس

29-10-2008, 07:22 PM

والله انا زي زيكم...بذاكر شوية شوية على ما تفرج ونتفاجئ بالامتحانات في وشنا:(:(

وربنا يسهل للجميع:):)

بالتوفيق يا دكتور وجزاك الله خير وياريت لو كنتي خدتي محاضرة المادة تصلحي الغلطة في اخر مسالة

امتحان فيزياء ايه؟؟؟؟؟؟؟؟؟محدش قالنا حاجة انا اوبتكس والمرة الجاية اخر تجربتين ..هما قالوا كده
حد بصريات هنا يأكدلي المعلومة دي

سبق وجاوبتك يا محمد ومشكلتك ملهاش الا التلات حلول اللي الدكتورة قالتهم تحت ردك بالظبط
وانا حاولت اساعدك بس هيا مقفلة:(:(..شوف صاحبك حيعمل ايه;)

[

عندك حق يا دكتور يوم الاتنين ده بيتعبني جداااااااااا
نبات وحيوان وكيمياء
اوله عادي ونصفه غم واخره رائع

انا موجود في الدنيا...اهيم على وجهي..واحاول التقاط اشلائي المتبعثرة

انا واحد من الف واحد بتشوفوهم كل يوم

:078111rg3::078111rg3:

مانا عارفة يادكتور
معلش بقى
وعموما
حمدا لله على السلامة

Dr.ahmed91

29-10-2008, 07:39 PM

كتاب ال organic نزل انهارده فى طريق الحرية :)

وعايزة اعرف هل نزل اى ورق لل practical physics؟

وكمان عايزة اعرف امتى امتحان عملى الفيزياء

انا سمعت ان الميد ترم الاسبوع اللى بعد الجاى تقريبا ياريت اى حد يتأكد

:(:confused:

طب كويس ان كتاب الاورجانيك نزل..ربنا بيفرجها من عنده..حجيبه بكره ان شاء الله

وناوي كمان اجيب ضفدعة:(:(

ولسه مفيش ورق نزل لعملي الفيزياء دلوقتي

هو تقريبا الميد ترم.. يعني احنا خلاص داخلين على اول 11 وعلى الاسبوع اللي بعد الجاي
حتبدأ تهل الاخبار السارة:(:(

د حنين

29-10-2008, 07:40 PM

شكرا بجد على الشرايح يا دكتور وربنا يوفقك وتجيب امتياز فى كل المواد

Dr.diamond

29-10-2008, 07:44 PM

طب هو مين اللي قال على الامتحان ده؟ومين اللي حيمتحنا اساسا..انا على العموم مذاكرهم كويس وفاضلي تجربة 1 a ,b واحنا اساسا كل مرة بنحضر بس محدش بيسألنا:(

[/center]

واحد صوته عالى هو اللى قالنا على الامتحان بس ممكن يكون مختلف عنكوا عشان انا باخد فى الدور الرابع تقريبا

Dr.ahmed91

29-10-2008, 07:52 PM

هدير جهاد

29-10-2008, 08:06 PM

شكرا يا احمد بجد مش عارفة اققولك اية
ربنا يكرمك

Dr.ahmed91

29-10-2008, 08:16 PM

واحد صوته عالى هو اللى قالنا على الامتحان بس ممكن يكون مختلف عنكوا عشان انا باخد فى الدور الرابع تقريبا

يعني ده معيد ولا دكتور ؟؟؟؟؟؟؟؟؟؟؟؟؟

...........
حاجة تانية
خليكي فاكره انتي اللي اخترتي * le_soleil * يعني مفيش دخول للمنتدى بعد المغرب :rolleyes::rolleyes:

وخليكي فاكره الاسم بالنجمة وكده عشان لما يتغير فجأة تعرفي تدخلي تاني

:078111rg3::078111rg3::078111rg3:

احمد

Dr.diamond

29-10-2008, 08:16 PM

سلام عليكم يا احلى منتدى ويا احلى ناس

دول حوالي 9 سلايدز كنت صورتهم لل practical plant anatomy
واحدة منهم بس مش واضحة

وكل سلايد مكتوبة باسمها اللي كان جنب الميكروسكوب
عشان محدش يتلخبط
مش فاكرة عنوانهم بالظبط بس هو تاني سكشن علاطول
(شفتو مش فاكرة دي :blush:)
ما علينا

للتحميل من هنــــــا (http://www.zshare.net/download/50622614ceb3a013/)

يارب تفيدكم
ومتنسوش تدعولى

بالتوفيق للجميع

شكرا لكى مره تانيه يا جميل

ربنا يوفقق يارب وتجيبى امتياز فى كل المواد

جزاكى الله خيرا وجعله فى ميزان حسانتك و أثابك الجنه

Dr.diamond

29-10-2008, 08:23 PM

شرائح النبات عبارة عن 18 شريحة وهما دول اللي خدناهم من اول السنة سواء في الاناتومي او الفسيولوجي

وهما مرقمين من 1-18 وياريت اللي يعرف كل واحدة بتعبر عن ايه يقول :( عشان انا نسيت:(:( ودول بالاضافة للي الدكتورة نزلتهم ممكن تختاروا اللي الصورة فيها احسن بالنسبة للمتكررين

من هنا

http://rapidshare.com/files/158738154/__1588___1585___1575___1574___1581____1606___1576_ __1575___1578_.rar.html (http://rapidshare.com/files/158738154/__1588___1585___1575___1574___1581____1606___1576_ __1575___1578_.rar.html)

شكرا عالسلايدز جزاك الله خيرا
يعني ده معيد ولا دكتور ؟؟؟؟؟؟؟؟؟؟؟؟؟

...........
حاجة تانية
خليكي فاكره انتي اللي اخترتي * le_soleil * يعني مفيش دخول للمنتدى بعد المغرب :rolleyes::rolleyes:

وخليكي فاكره الاسم بالنجمة وكده عشان لما يتغير فجأة تعرفي تدخلي تاني

:078111rg3::078111rg3::078111rg3:

احمد

يا ساتر

هو انا معرفش اتخفى شويه فى المنتدى ده عشان اتجول بحريتى

يارب يطلع موجود عشان اغيره تانى

كل ما اكلم حد يطلع المانى او ايطالى وافضل افهم فيه

Dr.diamond

29-10-2008, 09:16 PM

نسيت اقولكم

اللى هيحصر بكره فى أ من الصبح

متبقوش تتكلموا ود/علاء داخل عشان يقدر يشرح وموده مظبوط

Dr.ahmed91

29-10-2008, 09:53 PM

نسيت اقولكم

اللى هيحصر بكره فى أ من الصبح

متبقوش تتكلموا ود/علاء داخل عشان يقدر يشرح وموده مظبوط

د/علاء دخل اول محاضرة كان صايم وتعبان وزهقان وقال بعد رمضان نبقى نبدأ شغل

وبعد كده دخل تاني محاضرة راح عمل الفيلم الكوميدي الهابط ده (

شكله بيتلكك..:stickjo4::stickjo4::stickjo4:

اهم حاجة فعلا نحافظ على موووووووووووووده ... دكتور مودي

بس المهم العوامل الخارجية متتدخلش

زي المدام والولاد والاسانسير والبواب والعربية :romarioxp6:والمرور:romarioxp6: و الاشارات والراجل بتاع عربية الفول اللي على اول الشارع..... و,,,....لو كل ده عدى على خير

يبقى ان شاء الله سليمة :av4056bb7jp3::av4056bb7jp3::av4056bb7jp3:

د حنين

29-10-2008, 11:59 PM

ياريت يا جماعة لو حد حل المسائل الموجودة فىص5فى الجزء بتاع خواص المادة يقول على الحل

Dr.ahmed91

30-10-2008, 06:37 AM

ياريت يا جماعة لو حد حل المسائل الموجودة فىص5فى الجزء بتاع خواص المادة يقول على الحل

لسه محلتهمش بصراحة لأني لسه مذكرتش بس لما شوفتهم متفائلتش

انا اعشق الفيزياء بجنووووووووووووون:av4056bb7jp3::av4056bb7jp3:

حاجة كده سهلة وبسيطااااااااااااااااااااا وامتحاناتها سهلة واقل واحد كان بجيب 54:(:(:(

على العموم اول ما احلهم حبقى اقولك الحل:078111rg3::078111rg3:

Dr.ahmed91

30-10-2008, 07:06 AM

ده لينك تاني للسليدز ممكن تحملوا
منه

http://rapidshare.com/files/158893172/__1588___1585___1575___1574___1581____1606___1576_ __1575___1578_.rar.html

Dr.Nejar

30-10-2008, 04:12 PM

شكراااااااااااا علي الشرايح..........بس فين الاسماء بتاعتهم؟؟

Dr.ahmed91

30-10-2008, 04:42 PM

شكراااااااااااا علي الشرايح..........بس فين الاسماء بتاعتهم؟؟

انا للاسف مش فاكر اسامي معظمهم لانهم دول بتوع ال3 سكاشن اللي خدتهم

فياريت اللي يعرف اسم اي واحدة يقول ونتعرف عليهم مع بعض

هما مترقمين من 1-18

نور الهدى*

30-10-2008, 05:10 PM

بجد شكرا يا دكتور احمد على مجهودك ده ربنا يكرمك بالامتياز ويكرم كل واحد بيساعدنا ويكرمنا كلنا
دكتور الخطيب قال لنا ان امتحان الميد ترم فيزياء يوم الجمعة 28/11
ربنا يقوينا
:)

Dr.Nejar

30-10-2008, 05:25 PM

هو فيه امتحان يوم الجمعة؟؟؟اكيد قصده السبت؟؟

Dr.ahmed91

30-10-2008, 05:33 PM

بجد شكرا يا دكتور احمد على مجهودك ده ربنا يكرمك بالامتياز ويكرم كل واحد بيساعدنا ويكرمنا كلنا
دكتور الخطيب قال لنا ان امتحان الميد ترم فيزياء يوم الجمعة 28/11

ربنا يقوينا

:)

الشكر لله وحده وربنا يوفقنا جميعا

فعلا دكتور علاء بشرنا ان امتحان الفيزياء الميد ترم حيبقى يوم 28 /11

ربنا يسهل..ابدأ اذاكر فيزياء بقى:(:(

هو فيه امتحان يوم الجمعة؟؟؟اكيد قصده السبت؟؟

لا هو يقصد الجمعة عشان امتحانات الميد ترم بتبقى الجمعه عشان المدرجات تبقى فاضية ومفيش محاضرات

:078111rg3::078111rg3::078111rg3:

جامعة بقى

Dr.Nejar

30-10-2008, 06:26 PM

لا هو يقصد الجمعة عشان امتحانات الميد ترم بتبقى الجمعه عشان المدرجات تبقى فاضية ومفيش محاضرات

:078111rg3::078111rg3::078111rg3:

جامعة بقى[/quote]
يادي الارف :angry2:حتي يوم الجمعة الي الواحد بيستريح فيه يبقي امتحانات كمان:angry2:

dr.rony20082013

30-10-2008, 08:39 PM

السهم الشافى

30-10-2008, 08:44 PM

شكررا ليك جدا يا د/احمد انا عضوة جديدة تقبلو مرورى وخاصة D:Nejar
:friendsxs3:

هدير جهاد

30-10-2008, 10:25 PM

اهلا بيكي اختنا الحبيبة السهم الشافي وياريت لو احتاجتي حاجة اطلبي كلنا هنا اخوات وبالتوفيق لنا ولكي وان شاء الله نكون اصحاب:039uw8:

نور الهدى*

31-10-2008, 12:47 AM

هو فيه امتحان يوم الجمعة؟؟؟اكيد قصده السبت؟؟

لأ هو قصده الجمعة لأن لازم الامتحان يكون يوم اجازة علشان يناسب كل المجاميع وطبعا فروع الفيزياء فى ورقة واحدة
عايزة اعرف هل فى حد ناوى هنا على رفع كفاءة ولا لأ ؟؟واللى هياخد رفع كفاءة هياخد فى انهى مادة:stickjo4:

نور الهدى*

31-10-2008, 12:56 AM

شكررا ليك جدا يا د/احمد انا عضوة جديدة تقبلو مرورى وخاصة D:Nejar
:friendsxs3:
اهلا وسهلا بيكى معانا فى المنتدى -نورتينا -:av4056bb7jp3::av4056bb7jp3::av4056bb7jp3:ويارب تستفادى مننا

Dr.ahmed91

31-10-2008, 08:47 AM

السلام عليكم
عملين اية؟؟؟؟؟؟؟؟؟
انا غيبت كتير عن المنتدى ولكن اول مفتحتة اتفجأت بوجود السليدز......
بس كل اماجى احملها بيكتب ارور ويجيب من اول تانى .....:angry2::angry2:
يعنى انا مش عارفة احملها خالص.....
ياريت حد يقولى بتتحمل ازاى.....؟؟؟؟؟؟؟
وشكر جدا ل <<د.احمد>>>

هو الرابط الأولاني مش شغال بس التاني شغال عشان الاول اتحمل 10 مرات وقفل (جديدة دي:angry2::angry2:)

فعندك التاني

http://rapidshare.com/files/158893172/__1588___1585___1575___1574___1581____1606___1576_ __1575___1578_.rar.html

وبعده كده تختاري فري يوزر وتستني عداد الثواني لما يخلص في الصفحة اللي بعدها وبعد كده داونلوووووووود

:078111rg3::078111rg3::078111rg3:

شكررا ليك جدا يا د/احمد انا عضوة جديدة تقبلو مرورى وخاصة D:Nejar
:friendsxs3:

اهلا بيكي اختي السهم الشافي

تقبلي تحياتي وتحيات ادارة المنتدى

:078111rg3::078111rg3:

عايزة اعرف هل فى حد ناوى هنا على رفع كفاءة ولا لأ ؟؟واللى هياخد رفع كفاءة هياخد فى انهى مادة:stickjo4:

انا واحد صاحبي قالي ان رفع كفاءة الكيمياء حتبدأ النهارده ... انا عن نفسي مش ناوي اخد رفع كفاءة

حفضل معتمد على نفسي لحد ما شوف حعمل ايه في امتحانات الميد ترم وبعد كده اشوف

انما انا لو حبيت اخد رفع كفاءة دلوقتي مش حلاقي الا الفيزياء اخد فيها:angry2::angry2::angry2:

هدير جهاد

31-10-2008, 11:04 AM

السلام عليكم
لو حد حل الورق بتاع (in organic (qestions& answers ياريت يقولنا الاجابة بتاعته ونراجعها مع بعض.:049gc0::049gc0::049gc0:
وكمان الاجابة بتاعت summary of chapter : gases

Dr.diamond

31-10-2008, 11:40 AM

لا هو يقصد الجمعة عشان امتحانات الميد ترم بتبقى الجمعه عشان المدرجات تبقى فاضية ومفيش محاضرات

:078111rg3::078111rg3::078111rg3:

جامعة بقى
يادي الارف :angry2:حتي يوم الجمعة الي الواحد بيستريح فيه يبقي امتحانات كمان:angry2:[/quote]

احم

على فكره يوم امتحان الفيزيا الجمعه الموافق 28/11

هيبقى

عيد ميلادى:(:(:(

طـفـلـة الامـس

31-10-2008, 11:53 AM

يادى النحس
طول عمرك يارودى

Dr.diamond

31-10-2008, 02:13 PM

يادى النحس
طول عمرك يارودى

بارده من يومك !!!:slap1qk6::slap1qk6:

محدس يقول على عيد ميلادى نحث:(:(:(:(

Dr.ahmed91

31-10-2008, 02:40 PM

احم

على فكره يوم امتحان الفيزيا الجمعه الموافق 28/11

هيبقى

عيد ميلادى:(:(:(

ولا يهمك عادي عادي

انا عيد ميلادي في شهر 6 :angry2::angry2:

بس ايه ده 1990 !!!! ده انتي كده اكبر واحدة فينا بقى واكبر مني انا شخصيا ب7 شهور و4 ايام

ياااالا .. اكبر منك بيوم تفهم عنه بسنة :p:p

كل سنة وانتي طيبة وبألف خير وسلامة

http://bp1.blogger.com/_RF3kBklSLL8/RsoUTFktI2I/AAAAAAAAAAg/jkCAhxgk4Bs/s320/butterfly_hb.gif (http://bp1.blogger.com/_RF3kBklSLL8/RsoUTFktI2I/AAAAAAAAAAg/jkCAhxgk4Bs/s1600-h/butterfly_hb.gif)

http://www.365covers.com/images/5300-Crystal-0003_01.jpg

http://www.365covers.com/images/5300-Crystal-0003_02.jpg

ودلوقتي بقى انا مش عارف اجيب الهدية دلوقتي ولا يوم 28

اعتقد دلوقتي احسن وابقى اول واحد:av4056bb7jp3::av4056bb7jp3:
هديتي غير عادية.....غير تقليدية

تورتات....جاتوهات.....مجوهرات....دهب.....ياقوت ...مرجان

لا.....لا....لا

هديتي

كتاب

physics for scientists and engineers
for
R.serway and J.jewett
thmson book

6th edition

http://images.amazon.com/images/P/0534408427.01._SCLZZZZZZZ_.jpg

رابط التحميل

http://mihd.net/hd897z
اضغط request ticket

وفيه ملفين بعد فك الضغط ملف للكتاب وملف للحلول
واكيد حيعجبك خصوصا جزء البصريات
كوبي وبست شغال على ودنه
:078111rg3::078111rg3::078111rg3:

نور الهدى*

31-10-2008, 03:18 PM

يادي الارف :angry2:حتي يوم الجمعة الي الواحد بيستريح فيه يبقي امتحانات كمان:angry2:

احم

على فكره يوم امتحان الفيزيا الجمعه الموافق 28/11

هيبقى

عيد ميلادى:(:(:(
[/quote]
كل سنة وانتى بالف خير وعقبال مليون سنة :):av4056bb7jp3:

بس اقولك على حاجة ؟؟:blush:
واحد صاحبتى قالت لى بعد مانزل جدول امتحانات الثانوية العامة ان عيد ميلادها هو يوم الفيزياء 18/6 وطبعا انتى اكيد فاكرة اليوم ده كان عامل ازاى!!!!!!!!!!:bosyht9::bosyht9:
ربنا يستر علينا يوم 28/11
:bosyht9:

Dr.diamond

31-10-2008, 03:45 PM

ولا يهمك عادي عادي

انا عيد ميلادي في شهر 6 :angry2::angry2:

بس ايه ده 1990 !!!! ده انتي كده اكبر واحدة فينا بقى واكبر مني انا شخصيا ب7 شهور و4 ايام

هييييييييييييييه

لقيت حد اعمل كبيره عليه:av4056bb7jp3:

اصل اصحابى كلهم كملوا 18 من زماااااان:(

وانا الصغيره اللى فيهم:(

انتوا بعد كده تنادونى بسعاده حضره الدكتوره:slap1qk6:

واحتمال مردش عليكم
:p:p

ياااالا .. اكبر منك بيوم تفهم عنه بسنة :p:p

:cool::cool::cool:

كل سنة وانتي طيبة وبألف خير وسلامة

http://bp1.blogger.com/_RF3kBklSLL8/RsoUTFktI2I/AAAAAAAAAAg/jkCAhxgk4Bs/s320/butterfly_hb.gif (http://bp1.blogger.com/_RF3kBklSLL8/RsoUTFktI2I/AAAAAAAAAAg/jkCAhxgk4Bs/s1600-h/butterfly_hb.gif)

http://www.365covers.com/images/5300-Crystal-0003_01.jpg

http://www.365covers.com/images/5300-Crystal-0003_02.jpg

الله

بجد حلو اوى

انا مكنتش اعرف ان فيه منه بينك:av4056bb7jp3::av4056bb7jp3:

ودلوقتي بقى انا مش عارف اجيب الهدية دلوقتي ولا يوم 28

اعتقد دلوقتي احسن وابقى اول واحد:av4056bb7jp3::av4056bb7jp3:
هديتي غير عادية.....غير تقليدية

تورتات....جاتوهات.....مجوهرات....دهب.....ياقوت ...مرجان

لا.....لا....لا

هديتي

كتاب

physics for scientists and engineers
for
R.serway and J.jewett
thmson book

6th edition

http://images.amazon.com/images/P/0534408427.01._SCLZZZZZZZ_.jpg

رابط التحميل

http://mihd.net/hd897z
اضغط request ticket

وفيه ملفين بعد فك الضغط ملف للكتاب وملف للحلول
واكيد حيعجبك خصوصا جزء البصريات
كوبي وبست شغال على ودنه

:078111rg3::078111rg3::078111rg3:

الف الف الف شكر وجاااااااارى التحميل:078111rg3::078111rg3:

احم

على فكره يوم امتحان الفيزيا الجمعه الموافق 28/11

هيبقى

عيد ميلادى:(:(:(

كل سنة وانتى بالف خير وعقبال مليون سنة :):av4056bb7jp3:

بس اقولك على حاجة ؟؟:blush:
واحد صاحبتى قالت لى بعد مانزل جدول امتحانات الثانوية العامة ان عيد ميلادها هو يوم الفيزياء 18/6 وطبعا انتى اكيد فاكرة اليوم ده كان عامل ازاى!!!!!!!!!!:bosyht9::bosyht9:

ربنا يستر علينا يوم 28/11

:bosyht9:
[/quote]

هههههههههههههههه

ربنا يستر عليكم فعلا

ذاكروا كويس بقى ومتعملوش حجتى:romarioxp6:

Dr.ahmed91

31-10-2008, 04:20 PM

السلام عليكم
لو حد حل الورق بتاع (in organic (qestions& answers ياريت يقولنا الاجابة بتاعته ونراجعها مع بعض.:049gc0::049gc0::049gc0:
وكمان الاجابة بتاعت summary of chapter : Gases

لو ينفع تستني ليوم التلاتاء اكون حلتهم...يبقى تمام

عشان انا مزنوق في العملي بتاع الكيمياء عندي يوم الاتنين وكمان الفيزياء يوم الاحد

ده غير الخطة التكتيكية لامتحان الفيزيكس يوم 28:(:(

Dr.ahmed91

31-10-2008, 04:27 PM

:006et4:
هههههههههههههههه

ربنا يستر عليكم فعلا

ذاكروا كويس بقى ومتعملوش حجتى:romarioxp6:

اكيد لازم نذاكر...ده احنا نعتبر في مرحلة المراجعة النهائية
حلو قوي الكلام ده يا علؤة وانت وبيبو و اوس اوس :stickjo4::stickjo4:
خلوا بالكم بقى وذاكروا انا عاوز امتيازات

الله

بجد حلو اوى

انا مكنتش اعرف ان فيه منه بينك:av4056bb7jp3::av4056bb7jp3:

ده فيه منه الوان كتير غير الاحمر المشهور ومنهم البينك :av4056bb7jp3::av4056bb7jp3: وعلى فكرة موجود مع بنات كتييييييييير

هييييييييييييييه

لقيت حد اعمل كبيره عليه:av4056bb7jp3:

اصل اصحابى كلهم كملوا 18 من زماااااان:(

وانا الصغيره اللى فيهم:(

انتوا بعد كده تنادونى بسعاده حضره الدكتوره:slap1qk6:

واحتمال مردش عليكم

ماشي ماشي... اللي كبر كبر واللي علي علي

ابقي شوفي مين يرد على اسئلتك:o:o:p

انا:romarioxp6::romarioxp6::romarioxp6:

شكلي انا اصغر واحد هنا:006et4::006et4::006et4:

د حنين

31-10-2008, 05:35 PM

انا فى سكشن 1 وعندى امتحان كمياء يوم الاثنين ياريت حد يقولى نذاكر المعدلات مين

د حنين

31-10-2008, 05:43 PM

اقصد من الكتاب ولا من ورق سامح

Dr.Nejar

31-10-2008, 06:21 PM

شكررا ليك جدا يا د/احمد انا عضوة جديدة تقبلو مرورى وخاصة D:Nejar
:friendsxs3:
اهلا وسهلا بيكي ويارب يعجبك المنتدي وتستفادي:romarioxp6::av4056bb7jp3:

Dr.Nejar

31-10-2008, 06:25 PM

لأ هو قصده الجمعة لأن لازم الامتحان يكون يوم اجازة علشان يناسب كل المجاميع وطبعا فروع الفيزياء فى ورقة واحدة
عايزة اعرف هل فى حد ناوى هنا على رفع كفاءة ولا لأ ؟؟واللى هياخد رفع كفاءة هياخد فى انهى مادة:stickjo4:
اه انا ان شاء الله ناوية اخد بس مش عارفة امتي لسه؟؟؟:(لو اخدت هاخد فيزياء وorganic و physiology:mad:

dr.rony20082013

31-10-2008, 07:22 PM

هو الرابط الأولاني مش شغال بس التاني شغال عشان الاول اتحمل 10 مرات وقفل (جديدة دي:angry2::angry2:)

فعندك التاني

http://rapidshare.com/files/158893172/__1588___1585___1575___1574___1581____1606___1576_ __1575___1578_.rar.html

وبعده كده تختاري فري يوزر وتستني عداد الثواني لما يخلص في الصفحة اللي بعدها وبعد كده داونلوووووووود

:078111rg3::078111rg3::078111rg3:

شكرا انا الحمد لله حملتها....
بس بجد انا ام جيت اشوف السليدز واحاول اتعرف عليها معرفتش الا10بس وشكة فى معظمهم ....

:angry2::angry2::angry2:

انا واحد صاحبي قالي ان رفع كفاءة الكيمياء حتبدأ النهارده ... انا عن نفسي مش ناوي اخد رفع كفاءة

حفضل معتمد على نفسي لحد ما شوف حعمل ايه في امتحانات الميد ترم وبعد كده اشوف

انما انا لو حبيت اخد رفع كفاءة دلوقتي مش حلاقي الا الفيزياء اخد فيها:angry2::angry2::angry2:
انا برضة حعتمد على نفسى الترم الاول وبعدين احدد اخد فى اية....
علشان الترم الاول اسهل بكتير من الترم التانى .....<على حسب اللى عرفتة من اللى كانو فى صيدلة السنين اللى فاتت>

dr.rony20082013

31-10-2008, 07:51 PM

يادي الارف :angry2:حتي يوم الجمعة الي الواحد بيستريح فيه يبقي امتحانات كمان:angry2:

احم

على فكره يوم امتحان الفيزيا الجمعه الموافق 28/11

هيبقى

عيد ميلادى:(:(:(
[/quote]
file:///C:/Documents%20and%20Settings/y/My%20Documents/My%20Pictures/3766.gif
كل سنة وانت طيبة....

وهديتك حتوصلك يوم السبت22/11 الساعة10.5<ههههههه>
....يبختك ياستى حينفع تطلعى رخصة قيادة يلا اللى على على

د حنين

31-10-2008, 08:09 PM

مليون شكرا على كتاب الفيزياء بجد الكتاب تحفه و فى الجون

Dr.ahmed91

31-10-2008, 08:32 PM

انا فى سكشن 1 وعندى امتحان كمياء يوم الاثنين ياريت حد يقولى نذاكر المعدلات مين

انا برضه في سكشن 1 وعندي يوم الاتنين... بصي انت عندك كذا مصدر

الكتاب (لو مفتحتهوش قبل كده يبقى سيبيه خالص ولو فتحتيه ومش مصلحة الغلطات يبقى سيبيه خالص
لو مصلحة الغلطات يبقى بصي فيه)

مذكرة سامح القديمة اول واحدة دي ذاكري منها الاملاح بتفاعلاتها وراجعي الملخص الاخراني والرموز يعني كلها

عايزك كمان تفرقي بين العملي العملي ونظري العملي

عملي العملي ده امره سهل من ورق السكيم بتاع الكلية اللي حنمتحن بيه وممكن لو عندك اضافات من ورق سامح ممكن تكتبيها وهما 8 او 9 املاح

نظري العملي عندك سؤال الرموز وده سهل احفظي الرموز واهتمي بالحاجات الغريبة صوديوم تيتراثيونات وصوديوم موليبيدات والحاجات دي

وسؤال التعرف على الغازات عندك حوالي 10 غازات احفظيهم سهلة

سؤال معادلات سواء اكمل صح وغلط وده حله حفظ المعادلات وشوية تركيز في النواتج والوزن

سؤال تفريق ديفرنتشن تقدري تشوفيه من مذكرة سامح الاخيرة ومش لازم تبقي حفظاه بالنص لا خدي اي تجربة من عندك المهم يفرقوا بين الملحين (تشوفي راسب او تشمي رائحة) او يجدي مع واحد ونيجاتف مع التاني

وان شاء الله الامتحان يبقى سهل وبسيط:):)

فيه مذكرتين بتوع سامح طريقة الحل وملاحظات عملي دول للعملي العملي ابقي شوفيهم

ومذكرة الاسئلة ذاكريها كلها:)

نقطة عابرة.. لو عندك مذكرة د/امير حجازي ممكن لو عايزه تشوفي شكل الامتحان بيبقى ازاي..هو حاطط بعض الامتحانت القديمة.. ولو مش حتلحقي مش حتفرق كتير .. هو هو الكلام اللي انتي حتذاكريه

مليون شكرا على كتاب الفيزياء بجد الكتاب تحفه و فى الجون

شكرا.. ربنا يخليكي..يارب يكون عجبك

قد ايه الكتاب ده رائع وجميل ؟؟؟ والدكاترة ناقلين منه كتير ود/علاء كتبه في اخر جزء الحرارة ود/اسامة ناقل منه بالنص والرسومات كمان

ويارب تكون سليدز النبات عجبتك برضه:):)

Dr.ahmed91

31-10-2008, 08:46 PM

وهديتك حتوصلك يوم السبت22/11 الساعة10.5<ههههههه>

ليه فكرتوني بالمحاضرة دي :angry2::angry2:

انا ماصدقت فوقت من اثارها والشلل والانهيار العصبي اللي بيجيني

اصل انا كنت قاعد في اول بنش (بعد ماكنت في البنش اللي في النص اللي ماسابوش برضه:angry2:)
والراجل مش مبطل كلام وبص علينا

يخرب بيتك يا شيخ

سان مارك ومش سان مارك وحمار حمار حمار حمار وكوباية شاي :romarioxp6:

وانا مطالب اني اضحك زي ما الكل بيضحك ..فانا طبعا بمثل اني بضحك

راح واحد صاحبي مايل عليا وقالي ... بطلوا نفاق بقى بتضحك على ايه؟؟ قولتله بضحك على الهبل

(ميلودي تتحدى الملل :slap1qk6::slap1qk6::slap1qk6::slap1qk6:)

وواحد تاني كان قاعد جنبي برضه اللي ساله معملتش انت ليه قانون نيوتن للتبريد
روحت انا قايل لصحبي ما كنت تقوله وسيادتك معملتوش ليه؟؟؟ انا كنت مستنيك تعمله حضرتك:angry2:

وابن اخته ومش ابن اخته والمثال اللي بيتحل في ربع ساعة

وابقوا قابلوني يوم 22 الساعة 10.30 :slap1qk6::slap1qk6::slap1qk6:

ايه اللك ده؟؟ ده انا اتعديت ولا ايه؟؟؟؟؟؟؟:giljotiiniug3::giljotiiniug3:

طـفـلـة الامـس

31-10-2008, 09:07 PM

Dr.ahmed91

31-10-2008, 09:14 PM

ياجماعة دلوقتى انا بحضر حيوان مع جمال فى ج

وبحضر معاهم الفيزياء من12 الى 2 بدل اللى بتروح عليا معاكم فى ميعاد دكتور جمال

فالمهم حصل حاجة ماكنتش اعرفها
ان دكتور احمد الخطيب ودكتور اسامة هما اللى بيبدلوا كل اسبوع واسبوع
انما احنا عندنا علاء واحمد هما اللى بيبدلوا

وعندنا بيدخل اسامة كل اسبوع ساعة انما هما عندهم علاء هو اللى بيدخل كل اسبوع ساعة
يارب تكونوا فهمتوا حاجة من شرحى
فانا كده محاضرة الحرارة بتاعة الاسبوع ده واللى قبله فاتتنى
كنت عايزة اعرف وصلتم لحد فين؟

قولت قبل كده كل واحد يحضر في مجموعته احسن:angry2::angry2:
ما علينا

المهم دكتور علاء وصل لحد ص17

ولو عايزه حاجه في الشرح مش فاهماها احنا موجودين

:078111rg3::078111rg3:

وامتحان عملى النبات هايبقى امتة ؟

ومش عارفة ليه السلايدز اللى شفتها هنا مش زى اللى شفتها فى الكلية نهائى
مختلفة كليا

ايه سر الموضوع ده؟!!!!!!

انا معرفش امتحان عملي النبات امتى ولاحتى سمعت عنه

وانا برضه السليدز شاكك فيها رغم انهم متصورين قدامي
بس هو حد بيفتكر حاجة بعد مايشيل عينه من الميكروسكوب:(:(

المهم حنبقى نشوفهم تاني اكيد في سكشن ملراجعة قبل الامتحان

طـفـلـة الامـس

31-10-2008, 09:26 PM

كويس والله
انا كنت هاذاكر الشابتر كله بس كده فاضلى تلات صفحات لحد ما انتم وقفتم
بس عامة انا هاحضر زى مانا مع ج برده
واستعدوا للمفاجاة فى المشاركة القادمة

على فكرة انا فاكرة السلايدز بتاعة اخر سكشن اشكالها والوانها كويس
انما الاول مش فاكرة اى حاجة بصراحة

طـفـلـة الامـس

31-10-2008, 09:33 PM

دى صور مرسومة للضفدعة بالالوان
صاحبتى رسمتهم واخدت الكتاب منها نقلتهم وصورتهم ويارب تعجبكم

Dr.ahmed91

31-10-2008, 09:43 PM

دى صور مرسومة للضفدعة بالالوان

صاحبتى رسمتهم واخدت الكتاب منها نقلتهم وصورتهم ويارب تعجبكم

ايه الحلاوة دي!!!!!!!!

يا ليتني كنت ضفدعة عشان اترسم بالجمال ده

الوان خشب واصفر واحمر وروقان وشغل برفكت ودماغ عالية

انا بشكرك على مجهودك وكمان احب انك تشكري صاحبتك على الرسم ده
وجعله الله في ميزان حسناتكما

ومنتظرين المزيد من الحاجات الجميلة دي هنا منك:):)

وادعولي ربنا يوفقني مع الضفادع

:078111rg3::078111rg3::078111rg3:

Dr.ahmed91

31-10-2008, 09:44 PM

بس هما مرسومين كده في الكتاب بتاع العملي ولا بره لوحدهم

طـفـلـة الامـس

31-10-2008, 09:46 PM

ايه الحلاوة دي!!!!!!!!

يا ليتني كنت ضفدعة عشان اترسم بالجمال ده

الوان خشب واصفر واحمر وروقان وشغل برفكت ودماغ عالية

انا بشكرك على مجهودك وكمان احب انك تشكري صاحبتك على الرسم ده
وجعله الله في ميزان حسناتكما

ومنتظرين المزيد من الحاجات الجميلة دي هنا منك:):)

وادعولي ربنا يوفقني مع الضفادع

:078111rg3::078111rg3::078111rg3:

مرمورة صاحبتى طبعا مش اى حد
وانا بقى متخصصة خط بصراحة مش رسم
بس بعرف اقلد شوية
الحمد لله انها عجبتكم

Dr.diamond

31-10-2008, 09:48 PM

وهديتك حتوصلك يوم السبت22/11 الساعة10.5<ههههههه>
....يبختك ياستى حينفع تطلعى رخصة قيادة يلا اللى على على

ههههههههههههههه

ممكن اروح اغلس عليه فعلا

فاكرين لما قفل الباب وقالنا اللى مش قادر يجيب الكتاب يجيلى

اهو انا بقى واصحابى كنا هنعمل مؤامره عليه ونجمع ناس كتيره ونروحله نقوله مش قادرين نجيب الكتاب

عشان يبطل يتفلحس علينا:slap1qk6:

دى صور مرسومة للضفدعة بالالوان

صاحبتى رسمتهم واخدت الكتاب منها نقلتهم وصورتهم ويارب تعجبكم

حلوين اوى يا عسل

ابقى ابعتيهم بلوتوث:p:p:p

Dr.diamond

31-10-2008, 09:51 PM

بما انكوا جبتوا سيره الضفادع

انا ما خدت الضفدعه معايا عشان اشوف الاورده الرفيعه دى

شفتهم كلهم الحمد لله

بس مكنتش قادره احدد كل واحد اسمه ايه

كانوا رفيعيين اوى

ومش عارفه اعمل ايه ؟؟

طـفـلـة الامـس

31-10-2008, 10:00 PM

بس هما مرسومين كده في الكتاب بتاع العملي ولا بره لوحدهم

كتاب العملى مفيش حاجة فيه واضحة اصلا
كلها سودة ومش باينة خالص
بس هى كانت بتنقل ورا المعيدة بس بتاعتى رسمها مش حلو

Dr.diamond

01-11-2008, 12:53 AM

بقولوكوا ايه

انا سمعت كده الله اعلم

ان الكتب دى بتاعه الترم الاول بس

يلا حد يفرحنى ويقولى ايوه:slap1qk6::slap1qk6:

Dr.ahmed91

01-11-2008, 07:22 AM

بما انكوا جبتوا سيره الضفادع

انا ما خدت الضفدعه معايا عشان اشوف الاورده الرفيعه دى

شفتهم كلهم الحمد لله

بس مكنتش قادره احدد كل واحد اسمه ايه

كانوا رفيعيين اوى

ومش عارفه اعمل ايه ؟؟

انا بقى لما خدت الضفدعة معايا قطعت كل وريد شوفته وقطعت القلب نفسه(كان شغال وبيلعب)
والدنيا اتبهدلت ورميتها في الاخر بس انا فاكر اماكنهم

اصل انا الضفدعة دي نظري تمام حفظ اسامي ورسومات وخطوات تشريح انما عملي بغلط غلطات فظيعة ولازم كل ضفدعة ابوظها
ده انا لحد دلوقتي عمري ماسلكت الوريد البدنجاني ده صح ابدا (واااااااااااء) ومش عارف ليه ضفادع البيت غير ضفادع السكشن:romarioxp6::romarioxp6:

بس انا بحاول على قد ما اقدر مع التدريب والمراجعة

وربنا يسهل ويفرجها من عنده

المشاركة مكتوبة الساعة سبعة وربع وانا بقالي ساعتين صاحي
صليت الفجر وبذااااااااااااااااااكررررررررر وكل الناس ناااااااايمين:angry2::angry2:

صحيح العلم يستحق التضحية من اجله فهو.........خخخخخخخخخخخخخخخ -_--_--_-

بقولوكوا ايه

انا سمعت كده الله اعلم

ان الكتب دى بتاعه الترم الاول بس

يلا حد يفرحنى ويقولى ايوه:slap1qk6::slap1qk6:
انا افرحك وازعلك

فيه كتب الترم الأول بس زي الفيزياء لاننا طبعا مش حناخد الفروع دي في الترم التاني:angry2::angry2:

بس كتب الكيمياء حسب ما شوفت السنة كلها:av4056bb7jp3::av4056bb7jp3:

النبات والحيوان بقى مش عارف:(:( بس باين انهم الترم الاول بس على الاقل معظمهم

Dr.ahmed91

01-11-2008, 07:24 AM

كتاب العملى مفيش حاجة فيه واضحة اصلا

كلها سودة ومش باينة خالص

بس هى كانت بتنقل ورا المعيدة بس بتاعتى رسمها مش حلو

انا عارف ان الكتاب كانوا رسمينه ومصورينه قبل صلاة الفجر بساعة عشان البوليس لما يكبس
وفعلا انا مش بكمل الرسومات منه

بس انا قصدي هل (صاحبتك او صديقتك او زميلتك) رسماهم كده في الكتاب ولا رسماهم بره عندها:)

jilly

01-11-2008, 02:39 PM

دى صور مرسومة للضفدعة بالالوان

صاحبتى رسمتهم واخدت الكتاب منها نقلتهم وصورتهم ويارب تعجبكم

حلوين اوى بجد
هى مروة على هى اللى رسماهم؟؟؟

نور الهدى*

01-11-2008, 03:58 PM

Dr.ahmed91

01-11-2008, 04:26 PM

بمناسبة الضفاديع انا مافيش ضفدعة شرحتها لحد دلوقتى الا واكون قطعت الوريد عامل لى ازمة لازم اقطعه مش عارفة ما اقطعهوش :(
وكمان الجهاز الدورى اللى احنا اخدناه ما شوفتش الاوردة كويس من المعيدة ولا حتى عارفة اساميهم يعنى بايظة بايظة :wacko:
وكمان المفروض ان فى ورق بينزل لتشريح الضفدعة الورق اللى معايا فيه خطوات التشريح لحد الجهاز الهضمى بس
فى حد معاه ورق ما بعد الجهاز الهضمى ولا لسة مانزلش ؟؟!!:stickjo4:

انا برضه زيك عمري ما عرفت اسلك الوريد (5 ضفادع لحد دلوقتي)

وعملي الحيوان ده بينرفزني وبيضايقني:(:(:(اكتر حاجة في الكلية:angry2::angry2:

بس بالنسبة للورق لو انتي معاكي ورق صوفار يبقى كمليه من المكتبة

بعد الاحشاء العامة نزل البولي والتناسلي والوريدي الاصيل وواحد تاني بعدهم

طـفـلـة الامـس

01-11-2008, 04:30 PM

انا عارف ان الكتاب كانوا رسمينه ومصورينه قبل صلاة الفجر بساعة عشان البوليس لما يكبس
وفعلا انا مش بكمل الرسومات منه

بس انا قصدي هل (صاحبتك او صديقتك او زميلتك) رسماهم كده في الكتاب ولا رسماهم بره عندها:)

ايوة هى رسماهم فى الكتاب العملى بتاعها وانا اخدت الكتاب منها ورسنتهم فى كتابى عشان الدرجات اللى على الرسم

Dr.ahmed91

01-11-2008, 05:03 PM

ياريت يا جماعة حد من اللي بياخدوا بصريات في عملي الفيزياء

يقولي التجربتين بتوع الكونفكس لنس والكونكاف لنس

بتاعت الكونفكس ص74 الناتج طلع كام؟؟؟

وبتاعت الكونكاف ص78 الناتج برضه طلع كام

والقسم السالبة اللي على الرسم حتيجي منين؟؟

والقانون اللي في اول ص80 جه منين

طـفـلـة الامـس

01-11-2008, 05:08 PM

الحمد لله
انا بعيدة عن الموضوع ده لانى حرارة

Dr.ahmed91

01-11-2008, 05:08 PM

ايوة هى رسماهم فى الكتاب العملى بتاعها وانا اخدت الكتاب منها ورسمتهم فى كتابى عشان الدرجات اللى على الرسم

تمام

ربنا يوفقك ويوفقها

:078111rg3::078111rg3:

Dr.ahmed91

01-11-2008, 05:11 PM

الحمد لله
انا بعيدة عن الموضوع ده لانى حرارة

طب كويس.. الترم التاني بقى تبقى انتي اللي تقوليلي على كل تجارب الحرارة

طـفـلـة الامـس

01-11-2008, 05:11 PM

ايه الحلاوة دي!!!!!!!!

يا ليتني كنت ضفدعة عشان اترسم بالجمال ده

حتى لو كنت ضفدعة او مش ضفدعة
انصح حضرتك بالا تحاول ابدا فى مثل هذا الموضوع

الوان خشب واصفر واحمر وروقان وشغل برفكت ودماغ عالية
ماتنساش ان ده شغل بنات ودى اهم حاجة

انا بشكرك على مجهودك وكمان احب انك تشكري صاحبتك على الرسم ده
وجعله الله في ميزان حسناتكما

امييين
انا شكرتها وقلتلها انى نزلتهم

ومنتظرين المزيد من الحاجات الجميلة دي هنا منك:):)
باذن الله
الله المستعان

:078111rg3::078111rg3:

طـفـلـة الامـس

01-11-2008, 05:13 PM

طب كويس.. الترم التاني بقى تبقى انتي اللي تقوليلي على كل تجارب الحرارة

اوك
بس حضرتك هاتدفع كام؟!!!!!!!!!

jilly

01-11-2008, 05:20 PM

Dr.ahmed91

01-11-2008, 06:19 PM

يا جماعة عايزة اسأل سؤال وياريت تجاوبونى عليه بسرعة
فى الاسكيم بتاع الكيميا هو لازم احفظ التجارب التأكيدية بتاعة كل اسيديك راديكال

حاول تحفظي على قد ما تقدري الحاجات السهلة اللي فيها تبديل وبعد كده احفظي الصعب واللي فيها رموز
كبيرة...عندنا في السكشن د/امير قالنا احفظوا كله

والماين تست كله يتحفظ والرموز والغازات اللي بتطلع

وكمان فى حاجة تانية
الورق اللى مكتوب عليه اسئلة على الاسيديك راديكال هو مجاوب على سؤال الاختلافات دة بالتجارب التأكيدية فى معظمهم وانا لما اجى اجاوب لوحدى بجاوب حاجات تانية غير اللى مكتوب بس متهيألى بتبقى صح

اه..عادي..مش لازم الحل يبقى زي المذكرة..المهم يبقى فيه تفريق
ازاي؟؟
تشوفي راسب او لون او تشمي رائحة وتصاعد ابخرة

يعني تعملي نفس التجربة للملحين واحده يطلع حاجة والتانيه نيجاتيف
او واحدة اسود والتانيه ابيض

او تجربتين مختلفين بس بيطلعوا نتيجة مميزة للملح زي الكركم والكاناري الاصفر

ومعلش فى حاجة كمان
HI=I2 ؟؟؟؟
(2 دى فوق)
HBr=Br2????
Hcl=cl2؟؟؟؟؟؟؟؟
ولو مش بيساوى ازاى نكشف عن الCl2 ,Br2 ؟؟؟؟
معلش طولت عليكو

مش فاهم بالظبط حضرتك تقصدي ايه
بس لو تقصدي في سؤال الديفرنتشيشن
لو السؤالHBR , HCL
هيا هياcl ,Br

زي لما ييجي سؤال فرق بين الNA2 SO3 وال NA2 CO3
يبقى افرق بين السلفيت والكربونات

وHI تفاعلاته مش حتبقى زي اليود نفسه
انما اليود شق فيه.. فليه خواص اليود لما يطلع منه ويتفاعل

:078111rg3::078111rg3:

Dr.ahmed91

01-11-2008, 06:26 PM

حتى لو كنت ضفدعة او مش ضفدعة
انصح حضرتك بالا تحاول ابدا فى مثل هذا الموضوع

مش فاهم:confused::confused::confused:احاول في ايه بالظبط :confused::confused:

ماتنساش ان ده شغل بنات ودى اهم حاجة

ما انا كنت عاوز اقول كده الاول بس كنت خايف تزعلوا وتقيموا عليا الحد

عارفه لو ولد اقصاها اقصاها قوي يعمل زي
يرسمهم بالرصاص في الكتاب ويحط عليهم البيانات
!!!
هما فاضيين
الا هو ماتش الاهلي الساعة كام بكره؟؟:049gc0::049gc0:

اوك
بس حضرتك هاتدفع كام؟!!!!!!!!!

ايه ده؟؟ كده برضه

طب ايدك بقى على 500-600 جنيه حق كتاب سيراوي
وزيهم حق كتاب الحلول والاجابات
ده انا جايب الطبعة الممتازة مش الشعبية:(:(
وكمان سليدز النبات دي
ومحاضرة خواص المادة
و....و....و
ماشي...ماشي
:(:(

pharma girl

01-11-2008, 06:47 PM

jilly

01-11-2008, 07:04 PM

شكرا يا د/ احمد على الرد

Dr.ahmed91

01-11-2008, 07:08 PM

جزاك الله خيرا دكتور احمد على النبات
كنت عايزة اعرف هو انتوا اخدوا كل المعادلات فى السكشن و لا قالوا تحفظوها لوحدكوا
تخيلوا انى ما اخدتش و لا معادلة و كنت كل لما اسال يقولوا مش مشكلة معادلات
واللهى انا لسة عرفة حكاية الحفظ دى
بس بجد بنسى
ارجزكم قولولى اعمل ايه

شوفي ردي السابق على الموضوع ده
وحاولي كده تلمي حاجات على قد ماتقدري

يعني احفظي سؤال الرموز والتعرف على الغازات والتفريق بين الاملاح
وبعد كده شوفي الماين تست بتاع كل ملح وبعد كده شوفي التأكيدي بتاعهم

شكرا يا د/ احمد على الرد

العفو...جزاك الله خيرا

dr.rony20082013

01-11-2008, 07:18 PM

يا جماعة عايزة اسأل سؤال وياريت تجاوبونى عليه بسرعة
فى الاسكيم بتاع الكيميا هو لازم احفظ التجارب التأكيدية بتاعة كل اسيديك راديكال
وكمان فى حاجة تانية
الورق اللى مكتوب عليه اسئلة على الاسيديك راديكال هو مجاوب على سؤال الاختلافات دة بالتجارب التأكيدية فى معظمهم وانا لما اجى اجاوب لوحدى بجاوب حاجات تانية غير اللى مكتوب بس متهيألى بتبقى صح
ومعلش فى حاجة كمان
HI=I2 ؟؟؟؟
(2 دى فوق)
HBr=Br2????
Hcl=cl2؟؟؟؟؟؟؟؟
ولو مش بيساوى ازاى نكشف عن الCl2 ,Br2 ؟؟؟؟
معلش طولت عليكو
بصى انتى لو قصدك ازاى نفرق بينHCl,HBr
يبقى ملناش دعوة خالص بالCl,Brلان دة شق حمضى من ملح
انما HBr,HClدول غازات اواحماض
ولو نكشف عنهم يبقى بحجات مختلفة مثلا لوقربنا ساق من الامونيا لو طلع سحب بيضاء يبقى Hcl
وكدة ....
ولو عاوزة نفرق ونكشف عن Cl2,Br2,I2
يبقى بالالوان يعنى
Cl2:اخضر مصفر وبيبيض ورقة litmus
Br2:بنى ويجعل ورقة من النشاالمبللة بمحلول يوديد البوتاسيوم blueوورقة من النشا reddish orange
I2:بنفسجى وبيجعل ورقة النشا زرقاء
<مش متاكدة من معلوماتى دى صح ولا خطا ممكن دكتور احمد يشفها ويقول صح ولا خطا>

هدير جهاد

01-11-2008, 07:36 PM

ياجماعة لو في حد منكم خواص مادة ويعرف ازاي حيكون المتحان يقولي اصل المعيد:abdoog8: بعد ما 3/4 السكشن مشي قالنا بقولكوا ايه المرة اللي جاية امتحان وابقوا بلغوا اصحابكوا ومقلناش حنمتحن في ايه

هل في نص النظرية ؟ ولا التجربة نفسها ؟ ولا الرسومات ؟ ولا القوانين ؟ ولا الامتحان حيكون

شفوي ولا تحريري؟ ولا ايه ؟:confused: يلا ادينا عايشين ....اقصد ادينا محتاسين
:giljotiiniug3:

محبة الرحمن

01-11-2008, 07:51 PM

محبة الرحمن

01-11-2008, 08:02 PM

Dr.ahmed91

01-11-2008, 08:33 PM

بصى انتى لو قصدك ازاى نفرق بينHCl,HBr
يبقى ملناش دعوة خالص بالCl,Brلان دة شق حمضى من ملح
انما HBr,HClدول غازات اواحماض
ولو نكشف عنهم يبقى بحجات مختلفة مثلا لوقربنا ساق من الامونيا لو طلع سحب بيضاء يبقى Hcl
وكدة ....
ولو عاوزة نفرق ونكشف عن Cl2,Br2,I2
يبقى بالالوان يعنى
Cl2:اخضر مصفر وبيبيض ورقة litmus
Br2:بنى ويجعل ورقة من النشاالمبللة بمحلول يوديد البوتاسيوم reddish orange
I2:بنفسجى وبيجعل ورقة النشا زرقاء
<مش متاكدة من معلوماتى دى صح ولا خطا ممكن دكتور احمد يشفها ويقول صح ولا خطا>

لا .. تمام

بس ال Br2 بيخلي ورقة النشا تبقى اورانج وورقة النشا المبللة بيوديد البوتانسبومki تبقى ازرق

ونفرق بين غاز Cl2 , HCL

بس كده

Dr.ahmed91

01-11-2008, 08:35 PM

عندى اقتراح ارجو أن يحوز رضاكم

لما لا نجعل الموضوع باكمله باللغة الانجليزية ؟؟ او على قول دكتر اميرة بتاعة اللغة scientific language؟؟

سوف يكون نوعا من التدريب لنا وفي نفس الوقت اسهل من الأرابو انجلش الذي نتحدث به !!:)

اقتراح جميل ولكن صعب التنفيذ في معظم الاحيان
عشان معظمنا عربي

بس لو فيه شرح او حاجة علمية يبقى بالانجليزي موافق

:078111rg3::078111rg3:

طـفـلـة الامـس

01-11-2008, 08:46 PM

مش حضرتك بتقول ياليتنى كنت ضفدعة عشان اترسم بالجمال ده

فانا بقول ماتحاوليش خالص عشان مهما عملت مش هاتترسم بالجمال ده
بس كده

اولا انا اصلا مانزلتش الكتاب ده لانى مش فاضية اقعد اقراه
ورايا حاجات اهم من كده
ثانيا سلايدز النبات مش شكل اللى شفتها خالص
من الاخر(مقلب)
ثالثا:انا مش طلبت محاضرة الفيزياء حضرتك اللى نزلتها وانا نقلتها

بس عامة هاقولكم لسبب وحيد
انى هاحتاجلكم الترم الجاى :(
انا تحت امركم ولو عايز الكتاب من دلوقتى ماعنديش اى مشكلة يادكتور

dr.rony20082013

01-11-2008, 10:27 PM

لا .. تمام

بس ال Br2 بيخلي ورقة النشا تبقى اورانج وورقة النشا المبللة بيوديد البوتانسبومki تبقى ازرق

ونفرق بين غاز Cl2 , HCL

بس كده
كويس اللى حضرتك صلحتلى المعلومة دى.....
د.امير الله يسامحة فى المذكرة بتاعت الامتحانات كان فى سوال بيقول:
#the starch paper test is used to distinguish between the iodide and the bromide radicals<false>>
وكاتب التصحيح:KI starch........Bromide
starch............Iodide
فانا اخذتها على اساس كدة.....
ولكن انا بقول التصحيح يبقى بدلradicals يبقى gas
علشان اللى حضرتك قولتة وانا اصلا كنت مقتنعة بيه........
وبالنسبة للسليدز انا عرفت منهم 10 ومعظمهم شكة فية....

Dr.diamond

02-11-2008, 12:21 AM

مش حضرتك بتقول ياليتنى كنت ضفدعة عشان اترسم بالجمال ده

فانا بقول ماتحاوليش خالص عشان مهما عملت مش هاتترسم بالجمال ده
بس كده

اولا انا اصلا مانزلتش الكتاب ده لانى مش فاضية اقعد اقراه
ورايا حاجات اهم من كده
ثانيا سلايدز النبات مش شكل اللى شفتها خالص
من الاخر(مقلب)
ثالثا:انا مش طلبت محاضرة الفيزياء حضرتك اللى نزلتها وانا نقلتها

بس عامة هاقولكم لسبب وحيد
انى هاحتاجلكم الترم الجاى :(

انا تحت امركم ولو عايز الكتاب من دلوقتى ماعنديش اى مشكلة يادكتور

ايه البنت دى:abdoog8:

Dr.ahmed91

02-11-2008, 06:31 AM

ايه البنت دى:abdoog8:

انتي ادرى بقى !!! انا بقول كده برضه :(:(:(

:wacko::wacko::wacko::wacko:

عموما.... نلتقي على خير هنا يوم الثلاثاء

انا اجازة النهارده وبكره عشان عندي النهارده لحد الساعة 2 ده غير مذاكرة الكيميا وغير ماتش الأهلي
اللي حيتفرض عليا اتفرج عليه:angry2::angry2::angry2: والاتنين عندي لحد الساعة 5 ومش بلحق اعمل حاجة يومها

:078111rg3::078111rg3::078111rg3:

هدير جهاد

02-11-2008, 04:54 PM

انا النهاردة سمعت اشاعة بتقول ان امتحان الفيزياء اتلغي واتاجل للاسبوع اللي جاي
ودي اشاعة سمعتها كتير في الكلية النهاردة.
والله اعلم :049gc0::049gc0:

نور الهدى*

02-11-2008, 05:53 PM

على فكرة يا جماعة ماتنسوش تحجزوا الورق اللى عمله قسم ال zoologyاللى هو فيه جزء مش موجود فى الكتاب آخر معاد لحجزه بكرة يوم الاتنين الساعة 10 ب 5 جنيه فقط لا غير
وانهارده نزل بقية (in organic Ch(2 ونزل ال organic لدكتور محمد زكريا ونزل Heat وكمان نزل امتحانات الميد ترم
سارعو بالشراء
:av4056bb7jp3::av4056bb7jp3:

طـفـلـة الامـس

03-11-2008, 12:01 AM

ايه البنت دى:abdoog8:

انتي ادرى بقى !!! انا بقول كده برضه :(:(:(

:wacko::wacko::wacko::wacko:

احم....احم
اه اسفة نسيت اعرفكم بنفسى
الاسم:سارة
السن:16سنة و10 شهور
الوظيفة:للاسف فى اعدادى صيدلة الاسكندرية

كده عرفتونى اكتر صح؟!!!:)

انتم متفقين عليا:stickjo4::angry2::040vk0:
طب اعمل ايه ،،.. اعمل ايه؟!!
خلاص هاسامحكم
وليكم عندى عصير وشوكولاتة
اى طلبات تانى

نور الهدى*

03-11-2008, 04:25 PM

د حنين

03-11-2008, 05:34 PM

انا النهاردة امتحنت نظرى عملى كميا فى سكشن 1والامتحان كان حلو وكان عبارة عن 10اختيارات بس كان محتاج حد مذاكر وامتحان عملى عملى كان كويس وكان حظى فى
bo2
ممكن تقولى الورق بتاع الحيوان نزل فى اى مكتبة وعملى ولا نظرى ؟؟؟؟؟؟؟؟؟؟

jilly

03-11-2008, 05:47 PM

هاى يا جماعة
ازيكو
انا انهاردة امتحنت الكيميا
وبصراحة انا عكيت فى العملى لكن النظرى حلو

Dr.ahmed91

03-11-2008, 06:05 PM

انهارده كان عندنا دكتور سلامة فى (ب) وقال لنا انه بعد كده هو مش هيدخل وهتدخل بداله دكتور ايمانAnatomy هى اللى هتكمل معانا مش عارفة حصل معاكو ده ولا لأ؟؟
:av4056bb7jp3:Ch3 inorganic نزل والورق بتاع ال Zoology نزل --
لو فى حد هنا امتحن عملى ونظرى الكيمياء يطمنا عمل ايه فى الامتحان
لحسن انا قلقانة خاااالص----سلام**:)

هو الامتحان حسب المجموعو وانتي ونصيبك يعني في أ كان حلو و4 حلو

و3 بيقولوا مليان

اما د/سلامه فهو عندنا بكره وبصراحة انا لا اتمنى انه يسيبنا خااااااالص

لأنه لو حصل كده يبقى باي باي بوتاني (بتكلم بجد)

وبكره اقولكم ليه

بس ايه اعلانات الورق دي... انتي بتاخدي نسبة ولا ايه:022yb4::022yb4::022yb4:

انا النهاردة امتحنت نظرى عملى كميا فى سكشن 1والامتحان كان حلو وكان عبارة عن 10اختيارات بس كان محتاج حد مذاكر وامتحان عملى عملى كان كويس وكان حظى فى
bo2
ممكن تقولى الورق بتاع الحيوان نزل فى اى مكتبة وعملى ولا نظرى ؟؟؟؟؟؟؟؟؟؟

انا امتحنت النهارده برضه وعندك حق امتحان النظري بتاعنا كان سهل جدااااااا

والعمل جالي كلور وطبعا سهل

بس بصراحة د/امير خنقني وخلاني احفظ كل المعادلات بوزنها ورواسبها وفي الاخر اختيارات بس :angry2::angry2:

الحمدلله...... ربنا يوفقنا جميعا

هاى يا جماعة
ازيكو
انا انهاردة امتحنت الكيميا
وبصراحة انا عكيت فى العملى لكن النظرى حلو

ليه كده بس..... العملي كان حلو جدا

كفاية ان احنا معانا السكيم... بس تتعوض وربنا يوفقك ان شاء الله

:078111rg3::078111rg3::078111rg3:

Dr.ahmed91

03-11-2008, 06:20 PM

احم....احم
اه اسفة نسيت اعرفكم بنفسى
الاسم:سارة
السن:16سنة و10 شهور
الوظيفة:للاسف فى اعدادى صيدلة الاسكندرية

كده عرفتونى اكتر صح؟!!!:)

كل ده عارفينه

:p:p

بس فيه حاجة لفتت نظري
2/1/1992
صح كده؟؟؟

هو حضرتك دخلتي حضانة بدري ولا ايه؟؟؟

انتم متفقين عليا:stickjo4::angry2::040vk0:
طب اعمل ايه ،،.. اعمل ايه؟!!
خلاص هاسامحكم
وليكم عندى عصير وشوكولاتة
اى طلبات تانى

ولا ليا دعوة بالموضوع يا سعادة الباشا...برئ

هما اللي جرجروا رجلي

مفيش ميرندا تفاح اخضر:(:(:(
......................
اه حاجة تانيه

الايه اللي في التوقيع حضرتك بجد مؤثرة
واحب اضيف عليها هذه الايه

(ومن اعرض عن ذكري فان له معيشة ضنكا ونحشره يوم القيامة اعمى قال رب لما حشرتني اعمى وقد كنت بصيرا قال كذلك اتتك اياتنا فنسيتها وكذلك اليوم تنسى)... صدق الله العظيم

..................

في امان الله

Dr.diamond

03-11-2008, 07:20 PM

كل ده عارفينه

:p:p

بس فيه حاجة لفتت نظري
2/1/1992
صح كده؟؟؟

هو حضرتك دخلتي حضانة بدري ولا ايه؟؟؟

في امان الله

يااااااااااه

انتى اكييد جايه معانا غلط

انتى بعد كده لازم تقوليلى حضرتك وانتى بتكلمينى:stickjo4::stickjo4:

دانتى فى مقام بنتى يا شيخه:romarioxp6::romarioxp6::romarioxp6:

Dr.ahmed91

03-11-2008, 07:27 PM

يااااااااااه

انتى اكييد جايه معانا غلط

انتى بعد كده لازم تقوليلى حضرتك وانتى بتكلمينى:stickjo4::stickjo4:

دانتى فى مقام بنتى يا شيخه:romarioxp6::romarioxp6::romarioxp6:

وانتي برضه يا دكتورة

المفروض متبقيش معانا:(:(:(

انا ليا واحد صاحبي في هندسة اكبر منك بشهر و نص

وفي اولى هندسة (خلص اعدادي)

هو مكنش فيه شاي بالياسمين ايامها :):):)

ياااااااالا..... ماعلينا

ربنا كتبلكم انكم تبقوا في دفعتي

عشان بعد كده تتفشخروا لما تشوفوني في التلفزيون والجورنال

وتقولو ده احنا كنا دفعته .. وتقعدوا تحلفوا نص ساعة عشان حد يصدقكم :(:(:(

ههههه... مين عارف؟؟؟؟ يمكن

طـفـلـة الامـس

03-11-2008, 09:57 PM

كل ده عارفينه

:p:p

بس فيه حاجة لفتت نظري
2/1/1992
صح كده؟؟؟

هو حضرتك دخلتي حضانة بدري ولا ايه؟؟؟

احم...،،احم
خليتوا صوتى يروح من الاحمات دى
ما علينا
اولا: 3_1_1992

هو فعلا انا المفروض انى كنت اتاخر سنة عشان كام شهر بس
فدخلت متقدمة
جت كده يعنى

مفيش ميرندا تفاح اخضر:(:(:(

نوووووووووو
هو عصير بست وشوكولاتة كورونا بتاعة زمان دى وانتم الاتنين تتقاسموها فيما بينكم

الايه اللي في التوقيع حضرتك بجد مؤثرة

مش فى توقيعى
:av4056bb7jp3:لازم تبقى مميزة طبعا

واحب اضيف عليها هذه الايه

(ومن اعرض عن ذكري فان له معيشة ضنكا ونحشره يوم القيامة اعمى قال رب لما حشرتني اعمى وقد كنت بصيرا قال كذلك اتتك اياتنا فنسيتها وكذلك اليوم تنسى)... صدق الله العظيم

كنت ماسكة المصحف كده فقعدت اطلع ايات لها معانى جميلة ومؤثرة زى دى وكتبتها فى ورقة وقلت كل فترة ابقى اكتب اية كده يعنى

فى رعاية الله

طـفـلـة الامـس

03-11-2008, 09:58 PM

يااااااااااه

انتى اكييد جايه معانا غلط

انتى بعد كده لازم تقوليلى حضرتك وانتى بتكلمينى:stickjo4::stickjo4:

دانتى فى مقام بنتى يا شيخه:romarioxp6::romarioxp6::romarioxp6:

انا اللى جاية غلط برده
حضرتك مين يا حاجة
انتى اخرك معايا ( ....
اكمل الفراغ

نور الهدى*

03-11-2008, 10:00 PM

وانتي برضه يا دكتورة

المفروض متبقيش معانا:(:(:(

انا ليا واحد صاحبي في هندسة اكبر منك بشهر و نص

وفي اولى هندسة (خلص اعدادي)

هو مكنش فيه شاي بالياسمين ايامها :):):)

ياااااااالا..... ماعلينا

ربنا كتبلكم انكم تبقوا في دفعتي

عشان بعد كده تتفشخروا لما تشوفوني في التلفزيون والجورنال

وتقولو ده احنا كنا دفعته .. وتقعدوا تحلفوا نص ساعة عشان حد يصدقكم :(:(:(

ههههه... مين عارف؟؟؟؟ يمكن

ومين عارف يمكن يحصل العكس!!:p:p:p:p:p
وبعدين بالنسبة للورق بتاع ال Zoology انا لا بآخذ نسبة ولا حاجة انا بس حبيت افكركوا
غلطت انا لما حبيت افكركوا؟؟؟؟!!!:(

طـفـلـة الامـس

03-11-2008, 10:11 PM

غلطت انا لما حبيت افكركوا؟؟؟؟!!!:(

احنا بنهزر يانور
واحنا نقدر نستغنى عنك برده:):av4056bb7jp3::078111rg3:

Dr.ahmed91

03-11-2008, 10:25 PM

ومين عارف يمكن يحصل العكس!!:p:p:p:p:p

يمكن ....مين عارف برضه..كله في علم الله

بس ايه العكس بتاعها؟؟؟؟؟اني اتجوز واقعد في البيت

:(:(

وبعدين بالنسبة للورق بتاع ال Zoology انا لا بآخذ نسبة ولا حاجة انا بس حبيت افكركوا
غلطت انا لما حبيت افكركوا؟؟؟؟!!!:(

لا نسبة ولاحاجة:):)... انا كنت بهزر معاكي

ربنا يوفقك ويوفقنا جميعا

:078111rg3::078111rg3:

طـفـلـة الامـس

03-11-2008, 10:51 PM

انا جالى ملح الكربونات اللى بيدوب
عملته بسرعة ومشيت الساعة 1

كان فيه حاجة
دكتور علاء غضبان علينا وماشرحش الامثلة المحاضرة اللى فاتت وقال مش هايشرحها لاخر السنة
و اصلا هو شرح فى تلت ساعة من الساعة يعنى ماشاء الله
هاروح انتحر قريب شكلى كده

Dr.ahmed91

03-11-2008, 11:01 PM

انا جالى ملح الكربونات اللى بيدوب

عملته بسرعة ومشيت الساعة 1

انا جالي كلور والحمد لله عرفته من قبل ما احط ايدي فيه

كان فيه حاجة
دكتور علاء غضبان علينا وماشرحش الامثلة المحاضرة اللى فاتت وقال مش هايشرحها لاخر السنة
و اصلا هو شرح فى تلت ساعة من الساعة يعنى ماشاء الله

هاروح انتحر قريب شكلى كده

د/علاء من الناس اللي تخنق بجد:slap1qk6:
واحنا عندنا الساعتين بيصفصفوا على نص ساعة
في مجموعة أ :):):)

بس مش عارف الجزء اللي بتقولي عليه ده وصلنا له ولا لأ؟؟

وانا من رأي متنتحريش عشان الانتحار حرام..انتي شوفي حد عاوز ينتحر هو كمان واقتلوا بعض واخلصوا (حلوة يا ابو الافاكير)
:giljotiiniug3::giljotiiniug3::giljotiiniug3:(ما اسم الجهاز المستعمل؟)

طـفـلـة الامـس

03-11-2008, 11:04 PM

وانا من رأي متنتحريش عشان الانتحار حرام..انتي شوفي حد عاوز ينتحر هو كمان واقتلوا بعض واخلصوا (حلوة يا ابو الافاكير)
:giljotiiniug3::giljotiiniug3::giljotiiniug3:(ما اسم الجهاز المستعمل؟)

ايوة فكرة صح
ازاى ماجتش على بالى حاجة زى كده
الحمد لله انى كتبت هنا عشان تدينى الفكرة دى يادكتور
مفيش غير اختى عشان هى كمان عايزة تخلص

بس ماتنساش تعملنا موضوع فى خبر وتعليق :av4056bb7jp3:

نور الهدى*

04-11-2008, 03:27 AM

احنا بنهزر يانور

واحنا نقدر نستغنى عنك برده:):av4056bb7jp3::078111rg3:

وانا ياستى قابلة هزاركو انا اللى ما اقدرش استغنى عنكم خالص:)

[quote=Dr.ahmed91;870728]

يمكن ....مين عارف برضه..كله في علم الله

بس ايه العكس بتاعها؟؟؟؟؟اني اتجوز واقعد في البيت

:(:(

لااااااا العكس بتاعها ان انت اللى تقعد تحلف نص ساعة عشان حد يصدقك انك كنت فى دفعتنا وتفتخر بينا كمان_حاجة مبالغ فيها!!!!! مش كده؟_:bosyht9:

لا نسبة ولاحاجة:):)... انا كنت بهزر معاكي

ربنا يوفقك ويوفقنا جميعا

اللهم آمين

Dr.ahmed91

04-11-2008, 07:51 PM

خبر حلو اوي اوي

امتحان العملي بتاع الحيوان (تشريح الضفدعة) وال quiz

حيبدا من يوم الاتنين 17 بدل يوم الاتنين 24

وفيه رفع كفاءة حيبقى يوم الجمعة والسبت اللي قبلها

واللي فهمته كده ان احنا حنخلص اخر جهاز الاسبوع الجاي واللي بعديه امتحان

يعني قلة ادب

و الورق بتاع الحيوان للي تلاقوه في الدور الرابع

انا لسه مجبتوش وحجيبه بكره وحتلاقوا الاعلانات دي كلها مكتوبه ومتعلقة

وممهورة بتوقيع دكتورنا الارستقراطي سمعه

هدير جهاد

04-11-2008, 07:59 PM

:friendsxs3:يا جماعة انا عندي الامتحان بتاع الكيمياء بكرة ان شاء الله الساعة 2 ادعولي ربنا يستر معايا احسن انا خايفة جدا
انا مذاكرة كويس بس خايفة مجبش درجة كويسة اوي علشان الواحد بيرسم على حاجة كدة عايزاها تبقى مفاجاة :049gc0:
ولا اققولكوا ... اقولها احسن: الواحد نفسه يبقى من اللى حيطلعوا في التليفزيون دول وتتفشخروا بيهم

هدير جهاد

04-11-2008, 08:01 PM

هو الquize ده في العملي بس ولا ايه

Dr.ahmed91

04-11-2008, 08:14 PM

هو الquize ده في العملي بس ولا ايه

ال quiz ده حيبقى عبارة عن 3 اسئلة ب3 درجات على النظري النظري

والعملي حيبقى عليه 7 درجات تشريح واسئلة عليه

Dr.diamond

04-11-2008, 10:45 PM

هو مفيش سكشن مراجعه للضفدعه زى بتاع الكيميا كده ؟؟

وهل حد هيحضر رفع الكفاءه دى ؟؟

وبالنسبه للنبات

فيه حد سال عالرسومات اللى المفروض نرسمها فى الكتاب

اصل انا لحد دلوقتى مش عارفه ارسم فيه ايه

الرسومات اللى كانت عالسبوره اصلا موجوده بنفس الشكل فى الكتاب ده غير انى فاكره انه قال ارسموا اللى شفتوه تحت الميكروسكوب , نرسمهما ازاى دى معرفش ؟؟

نور الهدى*

04-11-2008, 11:24 PM

هو من ناحية ان فى حد هيحضر رفع كفاءةzoology اكيد فى هيحضروا بسبب دكتور بسيونى الله يسامحه :angry2:
بس انا اتصدمت لما عرفت ان امتحان الضفدعة يوم 17 احنا لسة فاضل لنا الجهاز بتاع الشرايين تقريبا ونخلص
بس انا عايزة اعرف امتحان عملى ال physicsامتى ؟؟؟ :confused:
المشكلة ان الورق اللى بينزل بينزل بالقطارة مافيش ورق كتير نزل
وبالنسبة لموضوع دكتور سلامة هو هيمشى فعلا ؟؟!!:(:(
Salam

Dr.ahmed91

05-11-2008, 11:18 AM

هو مفيش سكشن مراجعه للضفدعه زى بتاع الكيميا كده ؟؟

وهل حد هيحضر رفع الكفاءه دى ؟؟

هو المفروض مثلا انك النهارده حتاخدي الوريدي البورتال التي بتشيلي فيه الvastus internus والاسبوع اللي بعده يبقى الشرياني وكان المفروض اللي بعده مراجعة وبعد كده امتحان

انما بالميعاد ده حيبقى ناخد اخر جهاز واللي بعديها الامتحان

واللي عايز يراجع ياخد رفع كفاءه واهي دورة راس المال تمشي برضه:(:(

انا كواحد مش بعرف اشرح ولاجهاز ناوي اخدها وهيا حتبقى حصة واحدة يوم الجمعة 14 او السبت 15

ومتنسوش الجزء النظري النظري...ذاكروه كويس :angry2::angry2:(مفتحتوش من اول السنة والورق لسه جايبه النهارده)
وكمان نظري الضفدعة والاسامي والاماكن

و عم محمود على فكرة اجازة اربع وخميس (يعني مفيش ضفادع الاسبوع ده :angry2::):( (شعور متباين)

وبالنسبه للنبات

فيه حد سال عالرسومات اللى المفروض نرسمها فى الكتاب

اصل انا لحد دلوقتى مش عارفه ارسم فيه ايه

الرسومات اللى كانت عالسبوره اصلا موجوده بنفس الشكل فى الكتاب ده غير انى فاكره انه قال ارسموا اللى شفتوه تحت الميكروسكوب , نرسمهما ازاى دى معرفش ؟؟

انا سالت الدكتورة عن كتب النبات

قالتلي بالنسبة للاناتومي انت ترسم الرسومات في الصفحة الفاضية
سواء اللي انا برسمها على السبورة المبسطة او اللي في الكتاب

اما الفسيولوجي فقالتلي تنقل الرسمة بتاعت التجربة وتكمل الملاحظة والكومنت باسلوبك

Dr.ahmed91

05-11-2008, 11:25 AM

هو من ناحية ان فى حد هيحضر رفع كفاءةzoology اكيد فى هيحضروا بسبب دكتور بسيونى الله يسامحه :angry2:

لا..احنا نقصد رفع الكفاءة اللي حتتعمل للتشريح مش للنظري

بس انا اتصدمت لما عرفت ان امتحان الضفدعة يوم 17 احنا لسة فاضل لنا الجهاز بتاع الشرايين تقريبا ونخلص

ده انا لما كان يوم 24 كنت متضايق .. حبوا يصالحوني خلوه 17:angry2:
المشكلة اني اول مجموعة حتمتحن في الاسبوع كله

بس انا عايزة اعرف امتحان عملى ال physicsامتى ؟؟؟ :confused:
المشكلة ان الورق اللى بينزل بينزل بالقطارة مافيش ورق كتير نزل

فيه امتحان عندي في الاوبتكس شفوي على التجارب الاسبوع الجاي

وبعد كده حندخل على الكهربية ..اما امتحان العملي ده مش عارف حيبقى امتى بس احتمال يبقى في الاخر

وبالنسبة لموضوع دكتور سلامة هو هيمشى فعلا ؟؟!!:(:(

هو الدكتور قال ان د/ايمان حتدخلنا تكمل الجزء اللي جاي معانا

مش عارف ده مترتب من الاول ولا فجأة كده

حد عارف حيبقى ايه النظام؟؟

د حنين

05-11-2008, 11:39 AM

بالنسبة لموضوع د"سلامة ده بيحصل كل سنة هو يشرح نصف المنهج وهى النصف الاخر وعلى فكرة هى من محبين التخطيط فى الكتاب على طول بعنى لا كتابة على السبورة ولاdatashow

Dr.ahmed91

05-11-2008, 02:43 PM

بالنسبة لموضوع د"سلامة ده بيحصل كل سنة هو يشرح نصف المنهج وهى النصف الاخر وعلى فكرة هى من محبين التخطيط فى الكتاب على طول بعنى لا كتابة على السبورة ولاdatashow

والشيخ سلامه حيسيبنا.. وحيحرمنا من وصفاته الذهبية (المحاضرة كلمتين ووصفة) واتصل على 2323:(

6 ورقات زيتون و قشر البطيخ وورق الجوافة

المهم بقى مين حيحط الامتحان وحيعرف منين الجزء اللي الدكتور التاني شرحه؟؟

يعني د/سلامه مكنش بيلتزم بالكتاب خالص

ود/ايمان دي مش عارفين حتعمل ايه؟؟

بس المهم ان احنا في رحمة

اصل السنة اللي فاتت كان بيديهم اناتومي د/دولا ..... الله يمسيه بالخير مكان ما هو؟؟؟

pharma girl

05-11-2008, 04:40 PM

اصل السنة اللي فاتت كان بيديهم اناتومي د/دولا ..... الله يمسيه بالخير مكان ما هو؟؟؟

واللهى دكتور دولا احسن من اللى بيدينا دلوقتى
و لا اقولك هما الاتنين زى بعض
بجد حد يقولى حل لمزاكلرة الفسيولوجى
اصل المشكلة انه بيسمع اللى فى الكتاب مش بيشرح خااااااااالص
تعرفوا كان مين اللى حاطط امتحان العملى بتاع الكيمياء لينا النهاردة
دكتورة مهجة
بس يا رب يكون امتحان النظرى زيه
و بالنبة يا دكتور احمد لرفع الكفاءة فى الزؤلوجى
متعرفش المواعيد او بكام او اى حاجة تانيه
و على فكرة يا جماعة انا بجد مش عرفة هو دكتور علاء بيتحجج بحكاية المود و لا ايه
ده بيقلب المود بتاعنا احنا
معلش طولت عليكم بس حد يقوللى حل فى الفسيولوجى

Dr.diamond

05-11-2008, 05:05 PM

هو المفروض مثلا انك النهارده حتاخدي الوريدي البورتال التي بتشيلي فيه الvastus internus والاسبوع اللي بعده يبقى الشرياني وكان المفروض اللي بعده مراجعة وبعد كده امتحان

انما بالميعاد ده حيبقى ناخد اخر جهاز واللي بعديها الامتحان

واللي عايز يراجع ياخد رفع كفاءه واهي دورة راس المال تمشي برضه:(:(

انا كواحد مش بعرف اشرح ولاجهاز ناوي اخدها وهيا حتبقى حصة واحدة يوم الجمعة 14 او السبت 15

اه وانا كمان تقريباا هاخدها

لان انهارده بالذات معرفتش اعمل حاجه لان الراجل بتاع الضفادع منه لله اداهالنا صاحيه تقريبا وكل الضفادع تقريبا صحت وخاصه ضفدعتى عملت عرض مزهل اظهرت فيه مهاراتها كلها وانا قعدت اعيط جنبها واخ من اللى موجودين راح مدينى بتاعته لانى حلفت انى مش هلمس بتاعتى وطبعا اعصابى باظت خالص وقطعت كل حاجه لقيتها ادامى

ومتنسوش الجزء النظري النظري...ذاكروه كويس :angry2::angry2:(مفتحتوش من اول السنة والورق لسه جايبه النهارده)
وكمان نظري الضفدعة والاسامي والاماكن

و عم محمود على فكرة اجازة اربع وخميس (يعني مفيش ضفادع الاسبوع ده :angry2::):( (شعور متباين)

اجااااااااااازه ليه:(

وقته ده:angry2:

انا كنت عايزه اخد واحده معايا بكره:(:(

ربنا يعدى امتحان الضفدعه ده على خير

مش عارفه لو صحت فى الامتحان هاعمل ايه ؟؟:(

محبة الرحمن

05-11-2008, 05:59 PM

بس لو فيه شرح او حاجة علمية يبقى بالانجليزي موافق

:huh:
وأليس هدف الموضوع عمليا بالأساس؟

Dr.ahmed91

05-11-2008, 06:47 PM

بجد حد يقولى حل لمزاكلرة الفسيولوجى

اصل المشكلة انه بيسمع اللى فى الكتاب مش بيشرح خااااااااالص

هو فعلا بيسمع من الكتاب بس خلي بالك بيعمل حاجتين مهمين قوي

اول حاجة بيسيب حاجات في النص ودي مش علينا زي ما قالنا وتاني حاجة بيدي ميكانيكيزم التفاعل
واللي هيا الحاجات اللي بيخطط عليها وبيدورها ودي تفهمك التفاعلات كويس

انتي تقسمي الفسيولوجي لجزئين جزء بتاع د/عادل ودي سهل شويه وعاوز حفظ ذاكريه واحدة واحدة وجزء
بتاع حتاته ده ذاكريه واحفظي الرموز والمعادلات واسامي الانزيمات والميكانيكيزم ده بيسهل الحفظ بيخليك
تعرفي ايه اللي حيتفصل وايه اللي حينتج
وعلى قد ما تقدري خديها حته حته
القديم تاتا تاتا
والجديد طازة بطازة

تعرفوا كان مين اللى حاطط امتحان العملى بتاع الكيمياء لينا النهاردة
دكتورة مهجة
بس يا رب يكون امتحان النظرى زيه

طب يارب يكون الامتحان كان سهل عشان خاطر حتووووما مكنش مذاكر:(:(
وهو في الغالب كان سهل لمعظم المجموعات

و بالنبة يا دكتور احمد لرفع الكفاءة فى الزؤلوجى
متعرفش المواعيد او بكام او اى حاجة تانيه

عندك يا ستي يوم الجمعه 14 من الساعة 9-12 ومن 1-4

ويوم السبت من 2-5 ومش عارف بكام بصراحة

والحجز في السكرتارية

و على فكرة يا جماعة انا بجد مش عرفة هو دكتور علاء بيتحجج بحكاية المود و لا ايه
ده بيقلب المود بتاعنا احنا

اساسا الراجل ده من اول ماشوفته .. محبته لم تزرع في قلبي

وانا اعتقد انه فعلا بيتلكك و بيتحجج ومش بيبقى عايز يشرح

وكمان فيه دكاترة اكثر منه علما سنا واحتراما ومش بيعملوا كده لما نتكلم

وانا باين كده والله اعلم حاخد رفع كفاءة في الفيزياء.. مش ناقصه..بس هيا بتبقى في فرع واحد ولا كله؟؟

كفاية خواص المادة اللي مش فاهم حاجة منها :(:(:angry2::angry2:

Dr.ahmed91

05-11-2008, 06:52 PM

اجااااااااااازه ليه:(

وقته ده:angry2:

انا كنت عايزه اخد واحده معايا بكره:(:(

مش عارف .. واحد صاحبي كان بيشتري امبارح وكذا واحد كده
راح قايل خلاص.. انتوا اخر ناس الاسبوع ده ... تومورو وبعد تومورو اجازه

بس اتاكدي برضه...اكل العيش ينسي الواحد كلامه

ربنا يعدى امتحان الضفدعه ده على خير

امين يارب

انا برضه قلقان جدا

ده انا اول مرة اسلك وريد صح كانت اول امبارح :(:(

Dr.ahmed91

05-11-2008, 06:54 PM

:huh:
وأليس هدف الموضوع عمليا بالأساس؟

طبعا... بس انا مش حقدر اجبر حد انه يكتب بالانجليزي

فانا شايف اللغتين متوفرين وممكن نستعملهم مع بعض

واللي تشوفوه حضراتكم

:078111rg3::078111rg3:

محبة الرحمن

05-11-2008, 07:28 PM

واللي تشوفوه حضراتكم

بالضبط.. الى تشوفوه حضراتكم!

dr.rony20082013

05-11-2008, 09:12 PM

اية ياجماعة انتم نسيتم ان بكرة ان شاء اللة عندنا د.احمد الخطيب
والمسائل اللى عطيها لنا علشان نحلها .....<انتم نسيتم ولا اية؟؟؟؟؟>
يلا نراجع الحلول مع بعض.....

mido203

05-11-2008, 09:23 PM

يا جماعة لو حد مجموعة ب ممكن يقولى اية حوار الاسامى اللى دكتور بسيونى كان بينادى عليها لانى سمعت انة كان بيسال شفوى وحاجات كدة انا شايف ان كفاية علية البحث اللى احنا عملناة كمان هنحضرلة

Dr.ahmed91

05-11-2008, 09:31 PM

اية ياجماعة انتم نسيتم ان بكرة ان شاء اللة عندنا د.احمد الخطيب
والمسائل اللى عطيها لنا علشان نحلها .....<انتم نسيتم ولا اية؟؟؟؟؟>
يلا نراجع الحلول مع بعض.....

انا لسه فاكر دلوقتي

كويس انك فكرتيني

قولي حلولك وانا بحلهم دلوقتي

ونراجعهم

dr.rony20082013

05-11-2008, 09:33 PM

وكمان فى حاجة هو الكتلة بتاعت رائد الفضاء فى اخر مسالة كام؟؟؟
اصل انا مش كتباها وطلعت الناتج بالرموز....
ياريت حد يجاوبنى بسرعة...:(:(

mido203

05-11-2008, 09:38 PM

اية يا دكتور احمد ياعم ولا تزعل ولا حاجة ان شاء الله يعملوا محطة اسمها الدكتور احمد قشطة كدة يابا

Dr.ahmed91

05-11-2008, 09:43 PM

وكمان فى حاجة هو الكتلة بتاعت رائد الفضاء فى اخر مسالة كام؟؟؟
اصل انا مش كتباها وطلعت الناتج بالرموز....
ياريت حد يجاوبنى بسرعة...:(:(

لا دي هيا المسألة كده وموجودة في ص15 في الكتاب رقم 12 وكمان رقم 10

انا عملت تاني واحدة

طلع ان الوزن حيزيد 8 مرات

صح ولا؟؟؟

ahmedeco2010

05-11-2008, 09:46 PM

السلام عليكم صح يااحمد تاني مساله
والكتله في المساله 3 هنحطها زي مهيا m

Dr.ahmed91

05-11-2008, 10:01 PM

يعني في المسألة التالته

حيبقى القانون بتاع w=m(g+a)0
وبعدين حنعمل ايه في الحالتين

والمسألة الاولى.. حيبقى القانون f=ma مرة بالسالب ومرة بالموجب

ولا انا بهيس.. اصلي مذاكرتهاش ومبحبهاش :angry2::angry2::angry2:

ahmedeco2010

05-11-2008, 10:11 PM

بص ياالحمد انا جبت اول وزن 20m وبعدين عملت We1\We2 وجبت تاني وزن 5m بس مش متأكد
تعليق:ماده بارده اوي والله كنا احياء مش رياضه 2

dr.rony20082013

05-11-2008, 10:26 PM

على فكرة انا مش متاكدة من الحل دة؟؟؟؟
المسالة الاولى:
1- A- 1.18N
B- 0.78N
المسالة التانية:
2- 8F1=F2
المسالة التالتة والاخيرة:
3- We=19.6M N
We=12.25M N

ahmedeco2010

05-11-2008, 10:32 PM

اه بس هو قال نعوض عن gفي effective weight ب10 وبعدين الناتج التاني طلع معايا 5 M N

Dr.ahmed91

05-11-2008, 10:59 PM

على فكرة انا مش متاكدة من الحل دة؟؟؟؟
المسالة الاولى:
1- A- 1.18N
B- 0.78N
المسالة التانية:
2- 8F1=F2
المسالة التالتة والاخيرة:
3- We=19.6M N
We=12.25M N

على فكرة ده نفس حلي بالظبط

بس التانية دي وزن مش قوة

w مش f

dr.rony20082013

05-11-2008, 11:04 PM

اه بس هو قال نعوض عن gفي effective weight ب10 وبعدين الناتج التاني طلع معايا 5 M N
ماشى المسالة الاخيرة:
الاولى ماشى طلعت 20M
التانى طلع ازاى5m
على فكرة طريقة الحل بتعتى هى :
اما يبعد عن الارض بمسافة نصف قطر الارض يبقى السرعة سوف تختلف
4a2=a1
4a2=10
a2=2.5
We=m(a+g
We=m(2.5+10
We=12.5m
وحضرتك طريقة حلك ازاى ؟؟؟؟
يعنى ازاى بقت ب5

Dr.ahmed91

05-11-2008, 11:12 PM

ماشى المسالة الاخيرة:
الاولى ماشى طلعت 20m
التانى طلع ازاى5m
على فكرة طريقة الحل بتعتى هى :
اما يبعد عن الارض بمسافة نصف قطر الارض يبقى السرعة سوف تختلف
4a2=a1
4a2=10
a2=2.5
we=m(a+g
we=m(2.5+10
we=12.5m
وحضرتك طريقة حلك ازاى ؟؟؟؟
يعنى ازاى بقت ب5

خلاص يا دكتور.. حماده زمانه نام..لما اشوفه بكره

بس انا مش فاهم الحتة بتاعت السرعة اللي بتختلف

يعني دي في اي قانون

اصل انا طلعتها برضه كده بس بطريقة تانية

؟؟؟:(:(

Dr.ahmed91

05-11-2008, 11:15 PM

اه فهمت

هو لما جاب اول واحدة ب 20

قسمه على 4 اللي هيا في العلاقة عند حضرتك

بس كده يبقى استدلال فاسد

وعلى فكرة ب9.8 مش 10 هيا مكتوبة كده

ابقى انقل مني صح يا واد

dr.rony20082013

05-11-2008, 11:15 PM

على فكرة ده نفس حلي بالظبط

بس التانية دي وزن مش قوة

w مش f
الحمد لله
طيب المسالة التالتة حضرتك حللها شبة الحل بتاعى اللى انا كتباة اخر مشاركة؟؟؟
ومتاكد منة؟؟؟

dr.rony20082013

05-11-2008, 11:20 PM

خلاص يا دكتور.. حماده زمانه نام..لما اشوفه بكره

بس انا مش فاهم الحتة بتاعت السرعة اللي بتختلف

يعني دي في اي قانون

اصل انا طلعتها برضه كده بس بطريقة تانية

؟؟؟:(:(
انا صلا استنتجتها من القانون بتاع
f=GMMe/r2
وقارنت بين الوزنين عند سطح الارض وفى الفضاء...
بس مكتبتهمش علشان الرموز صعب تتكتب هنا.....

dr.rony20082013

05-11-2008, 11:21 PM

اه فهمت

هو لما جاب اول واحدة ب 20

قسمه على 4 اللي هيا في العلاقة عند حضرتك

بس كده يبقى استدلال فاسد

وعلى فكرة ب9.8 مش 10 هيا مكتوبة كده

ابقى انقل مني صح يا واد
خلاص اوك حرجعها تانى9.8
بس يارب تتطلع صح فى الاخر؟؟؟؟

Dr.ahmed91

05-11-2008, 11:35 PM

خلاص اوك حرجعها تانى9.8
بس يارب تتطلع صح فى الاخر؟؟؟؟

انا عملتها كذا مرة وبطرق مختلفة

وكل مرة تطلع 12.25

فانا حثبتها على كده

:078111rg3::078111rg3:

طـفـلـة الامـس

05-11-2008, 11:41 PM

قعدت اكتب رد طويل عريض عن فسيولوجى النبات عشان اتكلمنا مع الدكتور النهاردة
وفى الاخر البتاع علق وكل اللى كتبته طار
فاستحالة طبعا هاكتب الكلام تانى

Dr.diamond

06-11-2008, 12:03 AM

على فكرة انا مش متاكدة من الحل دة؟؟؟؟
المسالة الاولى:
1- A- 1.18N
B- 0.78N
المسالة التانية:
2- 8F1=F2
المسالة التالتة والاخيرة:
3- We=19.6M N
We=12.25M N

تمام تمام

حليتهم وراجعتهم

نفس الحل

شاطرين:av4056bb7jp3:

pharma girl

06-11-2008, 12:41 AM

جزاك الله خيرا د.احمد على الرد
و جزاكى الله خيرا طفلة الامس على اهتمامك بس لما تفضى ارجزكى اكتبيلى عملتوا ايه مع الدكتور
انا نفسى اخد رفع رفع كفاءة فى مواد بصرحة قلقانة منها زى الفيزياء
دكتور اسامة من ساعة الداتا شو و هو بقى خلاص و كل شوية معلش اصل الحتة دى مش باينة
و دكتور علاء على اد ما كنت معجبة بشرحه و كنت بحب محاضرته و بستناها على اد..................انتوا عرفين
و الخواص مش حباها اوى
بس يا ترى رفع الكفاءة دى هتضيع وقت جامد و لا لأ مش عرفة
و بالنسبة لدكتور احمد فى ناس بتاخد فى فرع و احد
يعنى مثلا فى الكيمياء ناس بتختار الان اورجانك اعرفهم يعنى
و ربنا معانا نروح كليتنا بتقدير كويس