سلام عليكم ورحمة الله وبركاته
اقتباسا من مواضيع التوقعات لامتحانات 2006
فى مادتى الفيزياء والكيمياء

فحبيت افتح موضوع يكون خاص بالرياضه للمرحله الاولى فى جميع الفروع
يعنى اللى عنده مساله صعبه يحطها فى الموضوع ده ونتناقش فيها

فارجو اشوف مجهودكم معايا
وياريت مفيش حد يبخل على اخواته واخوانه الطلبه باى معلومه

وهبدا الانتظار
وربنا يوفقنا جميعا

والله انا كنت حاطط كام مسألة فى موضوع كده <_<
بس محدش عبرنى باى حاجة :angry:

المهم انا لا هتفزلك ولا حاجة :lol:
وان هجيب مسائل شايف فكرتها حلوة :rolleyes:

وانتظرونى
بس طبعا الرياضة مفيهاش توقع :lol:

يمكن مش فيها توقع
لكن بالحل الكتير
تلاحظ ان افكار المسائل متقاربه
يعنى الفكره واحده والباقى بيدور حولها

طب كويس يا تويتى انك بدأتى فى الرياضة برضه ..

مش عارف بقى هانحط على كل باب أهم المسائل ولا خلطبيطه زى الكيميا ؟؟


<_< <_<


يا ريت ماتكونش خلطبيطه ..

ومحدش يطنش زى ما عمل اخينا بتاع الكيمياء :rolleyes: :unsure:

حط الموضوع وسافر وطنشنا :angry: <_<


:unsure: :(





اعذرونى ياشباب .. :)


أحمد ..

مش حضرتك باين اللى عملت موضوع الكيميا ولا انا ذاكرتى ضعيفة :lol:
على العموم انا ان شاء الله هشارك معاكوا

صحيح مش انت برده اللى حاطط الموضوع يا احمد
عموما احنا نحدد مثلا نذاكر باب فى الرياضه
ونحل كل المسائل اللى مرتبطه بيه
واللى يقف عليه سؤال معين
يجيبه هنا وان شاء الله نحله مع بعض
ولو حد عايز يضيف او يحذف او يقول حل تانى
طبعا مرحب بيه
ويللا شدوا حيلكم وورونى اسئلتكم

وياريت نبدا بالتفاضل
بصفته الاسهل :rolleyes:

فعلا ارشح التفاضل انا كمان ودة معناه النهايات انا عندى كام مسألة حلوين
ان شاء الله هبقى اضيفهم بس المشكلة انى مش بعرف اكتب رياضة على الكمبيوتر بس هحاول :unsure:
اقولوا يارب :rolleyes:

اوكى يا حبيبتى
ومنتظرين

انا هبدأ بمسألة خفيفة عليكو

حساب مثلثات
اثبت ان ظا س ظا ص+ ظاص ظاع+ظا س طا ع = 1
اذا كان س+ص+ع= ط/2

ويا مسهل

ونعم النشاط :P

مش معنى ان مش فى حد جاوب ان الموضوع نام
لكن الحكايه انك لو قرات المشاركات اللى فاتت هتلاقى ان احنا متفقين على الباب الاول فى التفاضل
يعنى النهايات
وده مثلثات
فياريت نبقى مع بعض ونلتزم بحاجه معينه نذاكرها علشان نخلص
ونراجع
وللا ايه؟؟؟

طب ياا جماعة ..

المثال ده جديد فى كتاب المدرسة .

فى الطبعة الجديدة ..
فى أول درس ..



أوجد : نها س^3 + 2س-3 / س^4 - س^3 + س -1

س---1


وده برضه جديد ..


: نها س^2 +27 / س^2+س-6

س--- -3


مش عارف بقى نظام الحل ايه ..

اللى يحط الأسئلة يحلها ولا اللى يرد بعديه ؟؟

ويا جماااااااااعة يا ريت الأسئلة اللى تتحط تتحل قبل ما نحط أى سؤال تانى ..




بالإنتظار ...

أحمد .. :)

اولا معلش انى محطتش الاسئلة لان مكنت بدخل على النت عشان النور كان متذبذب وخفنا على الكمبيوتر :rolleyes: :lol:
ثانيا احل انااولواحدة واسيب التانية لحد تانى عشان نشارك كلنا

احنا نقسم المقام والبسط كل واحد على س-1
هتبقى المسألة كدة
نها س-1 * س^2+س+3 / س-1*س^3+1
=نهاس^2+س+3 / س^3+1
=1+1+3 / 1+1
=5/2 :rolleyes:

وعلى العموم التانية هتطلع مالانهاية :ph34r:



وانا عندى طريقة عشان تتأكد ان اجابتك فى النهايات صح ولا غلط بس متحلش بييها انك تجيب مشتقة المقام على مشتقة البسط وتعوض بقيمة نها هتطلع الاجابة بس لما يكون التعويض المباشرللمسألةكان0/0 :unsure:

السؤال الأول انتى حلتيه صح ..





أوجد : نها س^3 + 2س-3 / س^4 - س^3 + س -1

س---1


وحلوه عملية القسمة وماجاتش فى بالى ..


بس انا جاوبتها زى الكتاب ما جاوب ..

قسم -3 إلى -2 , -1

وجمع -1 مع س^3 و-2 مع 2س .. ( فى البسط )

وتحت برضه جمع س^4 مع س^3 وأخذ عامل مشترك اللى هو س^3 ..

أصبحت كده يعنى :

(س^3 -1 ) + ( 2س -2 ) / س^3( س - 1) + (س-1 )


بعد كده حلل (س^3 -1 ) وخد 2 عامل مشترك من ( 2س -2 ) ..
وبعد كده خد ( س- 1) عامل مشترك من البسط والمقام ..


يعنى طول شوية .. <_<

وانا كمان ;)

أما المسألة التانية فأنا كتبتها غلط :unsure: :(



الصح ::* : نها س^3 +27 / س^2+س-6
(( تكعيب مش تربيع ))
س--- -3


والحل بعد كده هيبقى سهل جدا .

والناتج فى الاخر هيبقى -27/5


ماشى يا جماعة ؟؟



شوفوا المسألة دى كمان ..


نها : س جا 2س / جا س ظا 3س


س---- صفر



النوع من المسائل دى سهلة ..

بس اهو حاجة تحرك الموضوع .. وتعيد الذاكرة للنوع ده ..

ودعواتكم ..




بالإنتظار ...


أحمد :)

الله يطمنك يا احمد
ده انا انهرت والله انى مش عرفت احل التانيه وقعدت افكر فيها كتير
عموما شكرا ليك

نها : س جا 2س / جا س ظا 3س


س---- صفر

نقول بقسمة البسط والمقام على س تربيع

نها س جا 2س / (س×س)
س--> . ـــــــــــــــــــــــــــــــــ
حاس طا 3 س/(س×س)
المهم فى البسط السين هتاخد السين وتهرب

هتبقى

نها حاس/س
س-->. ـــــــــــــــــــــــــــــ
(حاس/س)(طا 3س/س)

= 1/(1×3)
=1/3
وطبعا مش عارفه اكتب خالص :rolleyes:
وشكرا عليها :)

المسألة مش مستهلة انهيار ولا حاجة ..

كل اللى فيها ان الواحد اكتشف قبل الامتحان انه مش بيعرف يحل مسألة سهلة زى دى :D


مش محتاجة خالص :P

معلش يا ستى على الخضة ..
بس عينيا اصلها ما شاء الله عليها .. تمام التمام B)

-------------------------

بالنسبة للمسألة واضح انك مش واخده بالك من الاتنين ..

لان الناتج هايكون 2/3

فعلا هنقسم على س تربيع ..

وفوق هيبقى 1 × 2

والمقام 1 × 3

يظهر إن مش عينى لوحدى اللى بيحصلها كده :P :lol:


والعفو يا ستى ..

وربنا يوفقنا جميعا يا رب ..

وعلى العموم نوع المسائل دى سهلة جدا يعنى ..

ولما بتيجى مش بيعرف يلف ويدور كتير ..
آخره حاجة زى دى ..

إلا لو جاب مسألة زى بتاعة السنة اللى قبل اللى فاتت :ph34r:

ربنا يستر :unsure:



يلا بقى عاوزين أسئلة تانية ..

اللى يدخل يحل يحط سؤال ..

علشان نمشى باستمرار ..

ويا ريت تكون اسئلة مهمة وممكن تيجى ..

مش عاوزين حاجة تعقد والسلام <_<

سلام ;)




أحمد .. :)

:D معلش ياهند بس بعد كدة متخليش حاجة تخضك قبل الامتحان لان اساسا الواحد مش بيبقى ناقص :ph34r:

كدة المسائل اللى اتحطت اتحلت ولا اية اكتب انا بأة كام واحدة بسيطة وعلى فكرة كنت عاوزة افكركوا بحاجة مهمة لازم الاول تعوضوا
بقيمة نها عشان ممكن يطلع مقدار من غير ما يحتاج اختصارات(انا عارفة انكوا عارفين حبيت افكركوا بس) :blink: ;)

نها س^2-3س+2/س^2-2س+1
س--->1

نها جاس/جاس-6

نها س^2-(أ-1)س-أ/س+1 =4
س--->-1
عاوز طبعا أ

كام مسألة كدة لتنشيط الذاكرة :lol:


سلاحف :lol: ;)

بسم الله ...


شكرا على التنبيه يا .... ( مش هاقول انا حره ;) )
بس انا سمعت ان التعويض كمان عليه درجات ..
يعنى مش علشان كده وبس :unsure:

الله أعلم ..

عموما ..
هاحل اول واحدة دلوقتى

نها س^2-3س+2/س^2-2س+1
س--->1

بالتعويض المباشر :

1-3+2 / 1-2+1
= صفر/ صفر
كمية غير معينة ..
( وادى التعويض ;) )

هنحلل البسط والمقام ..


هاتبقى نها : ( س-2 ) (س-1 )/ (س-1 ) ( س-1 )

تروح (س-1)

ونعوض هيبقى الناتج : -1 / صفر :huh:

ليس لها معنى ( غير معرف )
الدالة ليس لها نهاية :unsure:


مظبوط كده ؟؟ :blink:



بالإنتظار ..


أحمد :)

ايوه والله فعلا الواحد مش عد بيشوف خالص
دى ساعات بتوصل انى بشبه على صوابعى بس يللا :P
المهم كنت عايزه اشكركم على المجهود الجميل ده
واهو برده الحاجات دى تخلينا دايما مع المنهج
مع ان احنا معاه اساسا يعنى :)
بس برده بتعمل ******* للذاكره

ازيكو يا جماعة

معلش والله عندى والله
المهمانا عايز انبهكم على حاجة ان الاثبات بتاع القوانين
زى قاعدة الجيب او جيب التمام
مش كاتبين انه مش مقرر
وممكنالراجل يجيبه
وخلو بالكو
وآسف على الفترة اللى كنت غايب فيها وهرجعلكو فى اقرب وقت

يا ريت يا جماعه لو حد عنده اسئله تانى فى النهايات يحطها
علشان ننقل على غيره :rolleyes: :rolleyes:

طبعا التعويض عليه درجات كل خطوة محسوبة ولازم كل حاجة بنفكر فيها نكتبها لانننها عاوزين الخمسين فى جيبنا :)
وطبعا الاجابة لا غبار عليها يااحمد B)
وشوفوا لو عاوزين تتدخلوا على حاجة تانية :ph34r:

ايه رايكم ندخل على ضعف الزاويه؟؟؟ :rolleyes:

فكرة كويسة
واسف انه لم تسنح لى الفرصة بالمشاركة معاكو فى التفاضل :(
وعايز اعرف هو ضعف الزوية ولا اى حاجة فى حساب المثلثات :rolleyes:

طيب يا جماعة ..

ندخل على ضعف الزاوية ..

اللى يجى بعدى يحط سؤال يلا ..

أوكى ؟؟



بالإنتظار :)

خلاص ممكن تبقى حساب المثلثات كله
على اعتبار ان المنهج خلص مذاكره من زمان
انتوا معايا؟؟ B)

سؤال حلو اهو :rolleyes:
ومنتظر لاجابة :blink:

اذا كان جاس -جتا س= 1/جذر 7
حيث س تنتمى ] 0 لغاية 90[
اوجد جا 2 س
حتا 2س
ظا 2س

ومعلش على الكتابة دى
ومنتظركم :rolleyes:

خالد

Originally posted by خالدالجن@Apr 28 2006, 11:41 AM
سؤال حلو اهو :rolleyes:
ومنتظر لاجابة :blink:

اذا كان جاس -جتا س= 1/جذر 7
* حيث س تنتمى ] 0* لغاية 90[
اوجد* جا 2 س
* حتا 2س
ظا 2س

ومعلش على الكتابة دى
ومنتظركم :rolleyes:

خالد
101349


حاس - حتا س = 1 /جذر 7 (((بتربيع الطرفين)))
=(حاس)2 - 2 حاس حتا س + (حتا س)2 =1/7
(حاس)2 + (حتا س)2 - 2 حاس حتا س = 1/7
1 - 2 حاس حتا س = 1/7
2حاس حتاس = 6/7
حا 2س= 7/6 (وده المطلوب الاول)

دى الجزئيه الاولى
واكتفيت علشان كلنا نشارك فى حلها
ولو اتاخرتم فهتبقى بتاعتى ;)

:blink: :angry: ابتديتوا من غيرى
ماشى B)

انا اجيب جتا2س

جتا تربيع 2س +جا تربيع 2س =1
جتا تربيع 2س+6/7 تربيع =1
جتا تربيع 2س+36/49 =1
جتا تربيع 2س=13/49
جتا2س= جذر13/7 و -جذر13/7

ولكن س تنتمى للربع الاول
اذن جتا2س = جذر13/7

وممكن نرسم مثلث على جنب فى الربع الاول ونعمل بطريقة الرسمة وتكون الزاوية 2س وعندنا جا2س اللى هو المقابل على الوتر ونجيب الضلع التالت ونجيب بأة جتا2س وظا2س

ايوه كدة :rolleyes:
يالللا بقى
عايزين مسائل :lol:
انا جاهز B)

وطبعا الحل صح مفيش كلام

خالد

كده كويس خالص

ياريت نفضل كده على طول

انا عندى سؤال جميل واكيد حليتوه :rolleyes:

أ،ب قياس زاويتان بحيث ظا ب = 3/4 ، ب +2أ = 180 درجه
بدون استخدام الآله الحاسبه برهن على ان ظاب = -24/7

ودى واحده خفيفه كمان

اذا كان ص = جاس جتاس فاوجد المعامل التفاضلى الاول عند س = ط/2

يللا ورونى شطارتكم :)

المفروض ان طا أ هى اللى =3/4 :angry:
الحل بقى هيكون :lol:
ب = 180 - 2ا
طاب = طا( 180- 2أ) = - طا 2أ ( الربع التانى)
طا 2أ = 2 طا أ / 1 - طا^2 ا
= (3/2) / 1 - ( 9/16)
=(3/2)/ ( 7/ 16)
= 3 / 7 / 8
= 24/7
اذن - طا 2أ = -24/7 :lol:


المشتقة :D :rolleyes: B)
ص ّ = (جتا س)( جتاس) + (حا س)(-حاس)
= جتا ^2 س - حا ^2 س
= حتا2 س
عند س= 90
جتا 180 = 1 :lol:



وادى بقى مسالة من عندى :P
س ص ع مثلث فيه طا س= 1
طتاص= 1/2
اوجد : طا ع
طا 2ع

----------------------------------------
واحدة كمان اهه
اثبت ان
حا 3 ص= 3 جا ص -4 جا ^3 ص

2( 2 جتا^2 (ص/2) - 1) ( 1 - 2 حا^2 (ص/2))= 1 + جتا 2 ص


وبلاش يا جماعة مسائل الامتحانات ;)

ايوه فعلا
غلطه تودى فى داهيه لكن اعذرونى بقى

ليس على طالب الثانويه العامه حرج

وحلولك لا غبار عليها طبعا
شطور والله :P

وانا بس جبت المساله دى علشان بس اقول ان دى مسائل الامتحانات

المساله لو اخدت تلت دقايق على بعض تبقى مش مذاكر
مش انت يعنى بصفه عامه

تصدقى ان انا بكتب فيها بتاع ربع ساعة B)

وعلى فكره يا خالد
توقيعك جميل اوى

اقوللك انا بصراحة :rolleyes:
توقيعك اللى فات كان احسن B)
معرفش لية ;)
وده الامانة يعنى مش اكتر

طيب يا اخ خالد
احييك على صراحتك

وان



شاء




الله



مش هغير التوقيع


ليه يعنى؟؟؟
ههههههه

ان مطلبتش انك تغيريييييييه :rolleyes:
ومقولتش انو وحش ولا حاجة :rolleyes:
وبعدين احنا بنتخانق فى موضوع الرياضة :angry:


لو حد دخل هيضحك علينا والله :lol:
وياريت حد يحل المسائل بتاعتى
ولا هو حظى انا كل اما اكتب حاجة
تروح فى الرجلين <_<

منتظركم :rolleyes:

انا اساسا بضحك كل مادخل لأن الموضوع اتقلب

عموما نرجع لموضوعنا

س ص ع مثلث فيه طا س= 1
طتاص= 1/2
اوجد : طا ع
طا 2ع


متلخبطه فيها بطريقه وحشه :(

انا عارفها :rolleyes:
لو عايزة الحل اكتبه
بس هسيبك فيها شوية ;)
وبعدين الاعضاء اختفوا ليييييه :angry:

يعنى اروح درس اجى الاقى زيطة وحليتوا مسائل وحطيتوا مسائل :blink: <_< وساعات يكون الموضوع مهجور وعليه عناكب ;)


Originally posted by خالدالجن@Apr 29 2006, 05:14 AM

وادى بقى مسالة من عندى :P
س ص ع مثلث فيه طا س= 1
طتاص= 1/2
اوجد : طا ع
* * * طا 2ع


وبلاش يا جماعة مسائل الامتحانات ;)
101936


<_< <_< يعنى اية بلاش مسائل امتحانات :blink:

احنا عندنا ظا س=1
ظتاص=1/2 يعنى ظا ص=2

هنقول بما ان س ص ع مثلث
اذن قياس س+ قياس ص+ قياس ع=180
س+ص=180-ع
ظا(س+ص)= -ظاع
ظاس+ظاص/1-ظاس ظاص= -ظاع
1+2/1-(1*2) = -ظاع
3/-1 = -ظاع
3=ظاع دة المطلوب الاول

ظا2ع = 2ظاع/1-ظا^2 ع
= 6 /1-9
= -6/8
= -3/4

اجابة صح 100% :rolleyes:

يعنى اية بلاش مسائل امتحانات*

قصدى عايزين افكار جديدة لان الامتحانات ف متناول الجميع على ما اعتقد

Originally posted by خالدالجن@Apr 29 2006, 08:33 PM
اجابة صح 100% :rolleyes:

يعنى اية بلاش مسائل امتحانات*

قصدى عايزين افكار جديدة لان الامتحانات ف متناول الجميع على ما اعتقد
102243


مممم :rolleyes: فهمت قصدى افتكرت مثلا حاجات التعقيد وهذا القبيل لانى لا حبذا هذا النوع من المسائل :angry: :lol:

طب انا حليت مسائل الاثبات الاولى الصراحة اخدت فيها وقت شوية لكن التانية كنت حلتها الحمد لله اول ما قرتها احلهم ولا استنى الباقى يدخل يشارك :unsure:

لو جت الساعة 12 ودقيقة هحلهم انا ;) :ph34r:

واحدة كمان اهه
اثبت ان
حا 3 ص= 3 جا ص -4 جا ^3 ص

2( 2 جتا^2 (ص/2) - 1) ( 1 - 2 حا^2 (ص/2))= 1 + جتا 2 ص


وبلاش يا جماعة مسائل الامتحانات*
والمسالتين اهم عشان الكل يبقى شايفهم :rolleyes:

Originally posted by خالدالجن@Apr 29 2006, 08:56 PM
واحدة كمان اهه
اثبت ان
حا 3 ص= 3 جا ص -4 جا ^3 ص

2( 2 جتا^2 (ص/2) - 1) ( 1 - 2 حا^2 (ص/2))= 1 + جتا 2 ص


وبلاش يا جماعة مسائل الامتحانات*

102275

طب احلهم انا بأة

الاولى جا3ص = 3جاص -4جا^3ص
الطرف الايمن =جا3ص
=جا(2ص+ص)
=جا2ص جتاص + جتا2ص جاص
=2جاص جتا ص جتا ص +(1-2جا^2 ص)جاص
=2جاص جتا^2 ص +جاص -2 جا^3 ص
=2 جاص (1-جا^2 ص)+جاص -2 جا^3 ص
=2 جاص-2جا^3ص +جاص -2 جا^3 ص
=3 جاص -4 جا^3 ص = الطرف الايسر

الثانية
2( 2 جتا^2 (ص/2) - 1) ( 1 - 2 حا^2 (ص/2))= 1 + جتا 2 ص
الطرف الايمن = 2 جتاص جتاص
=2 جتا^2 ص

الطرف الايسر
1+جتا 2ص=1 +2 جتا^2 ص-1
= 2جتا^2 ص
اذن الطرف الايمن = الطرف الايسر

ومسألة من عندى
اثبت ان 1-جتاس+جاس/1+جتاس +جاس =ظا س/2

ومسألة من عندى
اثبت ان 1-جتاس+جاس/1+جتاس +جاس =ظا س/2

هو مفيش حد تانى بيحل المسائل ولا ايييييييييه <_<
المهم
الحل فى السريع كده عشان نلحق نلم اى حاجة من المنهج
وياريت العالم اللى نايمة دى تصحى شوية :lol:

الحل على طول :P
-------------
1- (1+ 2 جا^2 (س/2)) + ( 2 حا س/2 جتا س/2)/ 1+( 2 جتا^2(س/2) - 1) +2حا س/2 جتاس/2
حاولوا تفهموها كدة
عشان لو جزأتها محدش هيفهم حاجة :lol:

= 2 جا^2 ( س/2) + ( 2 حا س/2 جتا س/2) /( 2 جتا^2(س/2)+ 2حا س/2 جتاس/2
ناخد 2 جا س/2 عامل مشترك فى البسط وناخد 2جتا س/2 عامل مشترك فى المقام
هتبقى كده
2 جا س/2( جا س/2+ جتا س/2) / 2جتا س/2(حتا س/2 +جا س/2)
نختصر = 2جتا س/2 / 2جتا س/2
= ظا س/ 2 وهو المطلوب


وآ دى مسالة كمان منى :rolleyes:
مسألة سهلة اهه
اذا كان 4 جتا س = قتا س حيث 0 < س< 90
اوجد قيمة س

والمسألة اللى جاية رخمة وتنحة :blink:
واللى يحلها يحلها فى البيت مع نفسه عشان طويلة حبتين :ph34r:

اثبت ان : 4 حا س حا ( 60+س) حا (60 - س) = حا 3س

وربنا معاكو
وعايزين نشوف اى حاجة :rolleyes:

كويس ان انتم جاوبتم
كنت شايله هم الكتابه
بس عموما بجد جازاكم الله خيرا

فعلا والله يا تويتى ..


جزاكم الله كل خير ..


معلش يا ( ثباب :P ) على التأخير ..


:rolleyes:

وشكرا قوى يا خالد للمتابعة ..


مسألتك بقى ..

اذا كان 4 جتا س = قتا س حيث 0 < س< 90
اوجد قيمة س

من الآخر كده هاتتطلع 15 ولا حاجة تانية ؟؟ :unsure:


لو آه قول ولو لا ماتقولش علشان ما انتحرش :blink:


يا مسهل ..

وبالنسبة لسؤال مش هاقول انا حرة ده جديدة السنة دى ..

يعنى فى كتاب المدرسة الجديد ..

يعنى ..... :ph34r:

ربنا يسهل ..


أحمد..

يا سلام عليك
اسيبك انت بقى
تستلم النباطشية

بالنسبة للمسألة
ليها حلين 15 و 75
وللا تكونش عملتها على الالة

ولو عايز الخطوات اقولهالك بس انت قول

آله ايه يابنى بس ؟؟؟

انت هاتركبنى جريمة ؟؟ :angry:


بص يا سيدى انا هاقولك انا عملت ايه :unsure:

بس والله العظيم انا برئ يا باشا .. :o


:D


4جتاس = قتاس
يبقى : 4جتاس = 1/جاس

بضرب الطرفين فى الوسطين

يبقى : 4 جتاس جاس = 1
إذن 2( 2 جاس جتاس ) = 1
بالقسمة على 2

2جاس جتاس = 1/2

اذن : جا2س = 1/2

جا30 = 1/2
اذن س = 15
:ph34r: :ph34r: :(


مش عارف ايه بقى 75 دى ..

ربنا يستر

الحل بتاع 75 :)
لان ال حا موجبة فى الربعين الاول والتانى يا فاشل :P
وبالتعويض
يبقى حا150 = 1/2 برضو

وعايزين مسائل يا بشر <_<

لو كنتو مش فاضيين
خلاص :rolleyes:
نقلل المسائل شوية

احل انا بأة اللى فضلت

المسألة اثبت 4 حا س حا ( 60+س) حا (60 - س) = حا 3س

الحل
الطرف الايسر
4 حا س حا ( 60+س) حا (60 - س)
=4 جا س (جا60 جتاس + جتا 60 جاس)(جا60 جتا س -جتا 60 جا س)
=4 جا س (جذر3 /2 جتا س +1/2 جا س )(جذر3 /2 جتاس -1/2 جاس)

القوسين تحليل فرق بين مربعين يعنى هتبقى كدة

=4 جا س (3/4 جتا^2 س- 1/4 جا^2 س)
ناخد 1/4 عامل مشترك فلما تخرج هضيع مع 4 هتبقى كدة

جا س (3 جتا^2 س -جا^2س)============> 1)

الطرف الايسر
جا 3س
=جا (2س +س)
=جا2س جتا س +جتا 2س جاس)
=2جاس جتاس جتا س + (جتا^2 س - جا^2 س)جاس
=2جاس جتا^2 س +جتا^2 س جا س - جا^3 س
=جاس (2 جتا^2 س +جتا^2 س -جا2 س)
=جاس(3جتا2 س - جا2 س)==============> 2)

بما ان 1) = 2)
اذن الطرف الايمن = الطرف الايسر

وانا لسة معنديش مسائل دلوقتى لما الاقى حاجات فكرتها مهمة او حلوة هحطها

اييييييييييييه الحل ده :huh:

اناحلتها غير كده خالص :rolleyes:
وعلى العموم
كويس ان فى اكتر من حل
وكفاية حل واحد :rolleyes:

والحل بتاعى نفس الفكرة برضو :huh:

يا جماعه احب انبهكم لمسالتين
وهم :
حا 54 - حا 18 = 1/2
واللى هى اللى زيها
حا 54 حا 18 = 1/4

الاتنين هتبقى التقسيمه بتاعتهم
حا ( 36 + 18 ) - حا ( 36 - 18 )
وتمشوا عادى مع القانون

وبعدين لما توصلوا عند
2 حا 36 حا 18
نضرب فى حتا 18 / حتا 18
وهيبقى الناتج بعد الاختصار 1/2

والتانيه نفس الحكايه

انا حبيت اجيبهم علشان لاحظت انهم اتكرروا اكتر من اربع مرات فى مواضيع منفصله

يااااااااااااااااااااااااه :D
الواحد بقاله كتير مدخلش الموضوع
اولا شكرا يا tweety على التنبية

ثانيا انا جايب لكو سؤال حلو وسهل جدا
بتاع الاشتقاق
ومحدش يقوللى ده مش حساب مثلثات
يبقى مش هنحله <_<
المهم

اوجد المشتقة الاولى لكل من:-
--------------------------
ص= ظاس B)

ص= ظا ( 5س+2) B)

ياللللا حاجات خفيفةاهه :P
عشان متقلش عليكو :rolleyes:

ص= ظاس

ص= حا س / جتا س

دص/دس= (جتا س × جتا س + حا س × جاس) ÷ حتا^2 س
جتا ^2 س + حا ^2 س ÷ جتا ^2 س
=1÷ جتا ^2س
=قا^2 س

التانيه نفس الموضوع
بس مش هلحق اكتبها
هنقسمها جا / جتا
ونمشى مع المساله

اهو ده الخطا اللى انا كنت مستنيه :lol:
هو النتيجة النهائية صح طبعا لكن

الحل الاسهل
موجود فى الكتاب المدرسى ص54و 55
وانا قصدى الفكرة طبعا

وتبقى الاولى
صّ = - قا ^2 س

التانية
صّ =5 قا^2 ( 5س+2)

واى خدمة :rolleyes:

هو ده اللى انا متوقعاه
لازم تمسك لى اى حاجه

ايه يا خالد متفوت بقي
يعني لازم تدقق علي كل حاجه
مبتعديش ابدا
ارحم
المهم حلوه المسأله دي
وشكرا ليكو

يا جماعة محدش يفتكرنى مستقصد حد ولا حاجة

انا كان قصدى طبعا انبهكم للمسالة

واللحمد لله الفكرة وصلت

وسلام بقى عشان دى
آخر مشاركاتى ان شاء الله :rolleyes:


اشوفكم على خير بعد الامتحانات :rolleyes:

ان شاء الله

انتو راحتوا فين
اوجد بدون استخدام الحاسبة :
1- ظا 75
2-جا 75
3-جتا 75
يلا سلام :)

متتابعة هندسية غير منتهية اى حد فيها يساوى م من المرات مجموع الحدود التالية الها مباشرة اثبت ان اساس المننابعة يساوى 1/1+م وذا كانت م=5 و الحد الرابع=1 فاكتب الحدود الاربعة الاولى

متتابعة هندسية غير منتهية اى حد فيها يساوى م من المرات مجموع الحدود التالية الها مباشرة اثبت ان اساس المننابعة يساوى 1/1+م وذا كانت م=5 و الحد الرابع=1 فاكتب الحدود الاربعة الاولى

متتابعة هندسية غير منتهية اى حد فيها يساوى م من المرات مجموع الحدود التالية الها مباشرة اثبت ان اساس المننابعة يساوى 1/1+م وذا كانت م=5 و الحد الرابع=1 فاكتب الحدود الاربعة الاولى انتو مش عارفين

Originally posted by بنت الإسلام@May 25 2006, 09:49 PM
انتو راحتوا فين
اوجد بدون استخدام الحاسبة :
1- ظا 75
2-جا 75
3-جتا 75
يلا سلام :)
115590

بصراحة سهلة جدا جدا يا بنت الاسلام انا عايزك ترجعى القوانين

ولو مش حصل انك حلتيهم يبقى بحق

تحياتى لك
اخوكى فى الله

اسلام محمود

Originally posted by karim_elmagraby@May 26 2006, 10:32 PM
متتابعة هندسية غير منتهية اى حد فيها يساوى م من المرات مجموع الحدود التالية الها مباشرة اثبت ان اساس المننابعة يساوى 1/1+م وذا كانت م=5 و الحد الرابع=1 فاكتب الحدود الاربعة الاولى* انتو مش عارفين
116221


يا عم انت عمال تلف وعامل نفسك فنان

يا عم احنا مش عايزين نغلط ماشى

اتحلت قبل كدة فى موضوع تانى ماشى

شوف بقى حاجة تانية جدد يا عم

تحياتى لك

islam koko

لا حلتهم وعرفهم طبعا بس قولتهم للافادة مش اكتر

شوفوا يا جماعه دى بقى مساله الموسم اللى يعرف يحلها يبقى فعلا زى ما بيقولوا محيييييييييييييييييط اتفضلوا استلمواا

[FONT=Arial][SIZE=14]

اوجــــــــــــــــــــــد:::؟؟؟

(2+ت)5 - (2-ت)5

الاقواس دى كلها اس 5 اوك يا جماعه

بسم الله الرحمن الرحيم
بدايتا انا عضو جديد فى المنتى ومعجب بالمنتدى جدا وبالمشتركين وأود ان تقبلونى كصديق لكم
......المهم انا كنت عايز افكركم بمسالة نسيتوا تحلوها ...........وحلها كأتى ...........
المسألة هى : اذا كان نها س^2-(أ-1)س-أ / س+1 =4 اوجد قيمة أ
الحـــــــــــــــــــــــــــــــــــــــــــــــ ـــــــــــــل
اولا نفك القوس فى البسط.............وتكون

نهـــــــــــــــا س^2-أس+س-أ/ س+1=4 ثم نرتب

نهـــــــــــــــا س^2+س-أس-ا/س+1=4

نهــــــــــــــــا س(س+1)-أ(س+1)/س+1=4 بأخذ العامل المشترك

نهـــــــــــــأ(س+1)(س-أ)/(س+1)=4 بالاختصار

نهــــــــــــاس-أ=4
بالتعويض عن س=1
تكون 1-أ=4 ومنها أ= -3
شكرا لكم وسامحونى لو فى اخطاء "جل من لا يسهوا"
والله الموفق"

اهلا بيك يا استاذ بس يا ريت تقوللى انت منين بالظبط B)

الله ينور عليكم
ممكن السنة دي يكون من الاول مع بعض المدرسين الي في المنتدي

ربنا يوفقك باذن الله
واستاذ جمعه اعتقد انه نظم الموضوع مع مدرس رياضه باذن الله من بدايه السنه

ان اراد الله سوف يكون قسم الرياضيات هذا العام لة شكل جديد
فارجو المساعدة لي في ذلك

باذن الله نحن مع حضرتك استاذ محمود
وجزاك الله خيرا لما تقدمه لنا ولاخوانى الطلبه

ان شاء الله سوف نيدا معا في موضوع جديد للعام 2006 / 2006
اية رايكم
فية كل المسائل الهامة
اوكي

باذن الله

بعض النهايات
علي الرابطة الاتية
http://www.thanwya.com/forums/index.php?showtopic=15525

جزاك الله خيرا مستر محمود