مشاهدة النسخة كاملة : ارفعوا بنطلوناتكم يا شباب وعيب كده!!؟
المحب لله 24-09-2008, 01:51 PM السلام عليكم
اولا انا بكتب الموضوع ده من فرط دهشتى وحرقتى من الى بيحصل فى شارعنا طول منا ماشى الاقى واحد منزل البنطلون بطريقه مستفذه معرفش ليه (لو حد يعرف يقولنا ) ولابس تحتيه مايسمى بالبوكسر !
يعنى والله من كام يوم انا ماشى لاقيت واحد لابس البنطلون على حرف التيشيرت بالمقاس وكمان ملابسه الداخليه باينه بيبقى نفسى اروح اقوله عنك ارفعلك بنطلونك ضهرك باين وانت ماشى امال لما توطى حيحصل ايه؟
واحد تانى بقى بصراحه كان لابس تيشيرت اخوه . والله والله والله قيمه 2 سنتيمتر من ملابسه الداخليه باينه والتيشرت معرفش مدخله ازااااى وماشى عادى ؟
ناهيك عن البوكسرت الى طالعه بالون الاحمر والى عليه قلوب وجماجم وحاجه فعلا راحت تقرف ؟
ليه كده مش عارف نفسى اعرف ليه وبعدين انا مش بقول تطلع البنطلون لحد رقبتك ولا تنزله عند ركبتك لحد ما تبقى مش عارف تمشى. لا خير الامور الوسط
سؤالى هل الشباب هنا بيعمل كده برضو ولا رافضين الموضو دى ولو بيعملوها ليييييييييييييييييييييييييييه؟
the black rose 24-09-2008, 01:55 PM اسيب الرد للشباب
لان الحكاية دى فعلا بقت مقرفة
ربنا يهديهم
هما مش عارفين اصل الحكاية دى ولا ايه
MoSTaFa NoUR 24-09-2008, 01:58 PM والله الراجل ده بقول كلام زى الفل
CoMMaNdo 24-09-2008, 02:07 PM معلش هاقولك كلمه
الشاب الى تلاقيه عامل كدا
المفروض ميتقالش عليه راجل
ولا تعليق غير كدا
طـفـلـة الامـس 24-09-2008, 02:16 PM احنا هانتكلم على الشباب ولا البنات
انا خلاص زهقت من المناظر اللى بشوفها فى الكلية من يومين بس ومش عارفة هاعمل ايه بعد كده
المصيبة ان الدكاترة وفى كليات العلمى بيعملوا كده
امال الادبى يعملوا ايه ؟!!!!
المحب لله 24-09-2008, 02:52 PM شكرا للردود وفعلا الذكوره غير الرجوله وكلام طفله الامس مظبوط البنات دخلت فى الزمره وربنا يهدى ويشفى
andrih 24-09-2008, 03:04 PM الى كاتب الموضوع شكرا على اثاره هذه النقطه الهاااااااااااااااااااااااااااامه
اولا انت عليك المسؤليه لانك تظهر ترددا منذالبدايه لمخاطبه هذه الفئه الضاله من الشباب .بدون تعميم
andrih 24-09-2008, 03:06 PM فخاطبه بالحسنى وستجد ان شاء الله حلا يرضيك
وشكرا وتقبل الرأى بصدر رحب
المحب لله 24-09-2008, 03:07 PM الى كاتب الموضوع شكرا على اثاره هذه النقطه الهاااااااااااااااااااااااااااامه
اولا انت عليك المسؤليه لانك تظهر ترددا منذالبدايه لمخاطبه هذه الفئه الضاله من الشباب .بدون تعميم
ممكن توضحا لى اكتر وشكرا ليك
mido125 24-09-2008, 03:13 PM مش راجل اللى يعمل كده
الراجل بيبقى محتشم و ملابسه بتدل على رجولته
طيب ماهم بيبلبسوا انسيال فى ايديهم مش بتتكلم على دى ليه
هو فيه راجل بيلبس انسيال
على فكرة انا سمعت زمان مرة كده موقف لسيدنا عمر بن الخطاب رضى الله عنه قابل مرة ولد بردو ماشى مشية مش مشية راجل بس مش فاكر بقى الباقى
ياريت يا جماعة اللى يعرفها يقولها
المحب لله 24-09-2008, 03:19 PM [quote=mido125;792793]
طيب ماهم بيبلبسوا انسيال فى ايديهم مش بتتكلم على دى ليه
هو فيه راجل بيلبس انسيال
رغم ان كلامك ان واخده مهاجمه وانا عارف ان مش قصدك انا طبعا متحفظ على النقط دى لكن انا كلامى واضح وفى نقطه معينه وانا مقلتش انو يلبس انسيال وحظاظه وسلسه!!!!!!!!!!!!!!!!!!!1
..Just Stop 24-09-2008, 09:26 PM ههههههههه
الحكاية دى قديمة اوى
بس مش عارف ايه الغرض من الحركة دى
بيورونا هدومهم الداخلية شكلها ايه
نقدر نقول طيش شباب
وتقليد اعمى لدول الغرب
وكل واحد يخلى باله من بنطلونه انا مش مسئول
ربنا يهدينا جميعا
فوزي الحديدي 24-09-2008, 10:25 PM ربنا يهدي
ومشكور أخي
BRAIN 010 24-09-2008, 10:43 PM شكرا.......................... و جزاكم الله خيرا .
SmSm Basha 24-09-2008, 11:01 PM فعلا بقت حاجة وحشة اوي ومقرفة و كمان لما بتزيد عن الحد بتبقى مقززة لاعلى درجة .... شكرا لحضرتك على طرح النقطة الهامة دي
النوبة 24-09-2008, 11:03 PM والله انا زعلانة جدا على الشباب الى بتعمل كدة لانهم للاسف بيقلدوا تقليد اعمىوبس ومن هذا المنبر انادى على الاباء والامهات واقول ربوا اولادكم على منهج النبى صلى الله عليه وسلم وجزاك الله خير لانك تكلمت فى هذا الموضوع لانه انتشر للاسف
الشفق الباكي 24-09-2008, 11:08 PM لااااااااااا تعليق
!!!دمعة حزن!!! 25-09-2008, 01:43 AM اللى بيعملوا كدا بيبقوا شباب عبيييييييييييييط
وخساره فيهم كلمه راجل
عشان دول مش رجاله اساسا
دول حاجه تانى
يلا ربنا يهدى
ساره العراقيه 25-09-2008, 02:02 AM السلام عليكم ورحمته الله وبركاته
اول شي اشكرك اخويه على الموضوع الرائع واللي يثير الانتباه اكييد
اما بالنسبه لرأي فأني اول مدخلت مصر
لاحضت هذه الظاهره الغريبه وكنت اضن انه
هاي الضاهره كانت على كم شاب بس بعدين لاحضت
انه منتشره على اغلب الشباب والبنات
لكن ماهو الغرض من هذه الضاهره !!!!!
هل يعتقد هذا الشاب ان الثقافه والتقدم والتطور
بأنه ينزل البنطرون ويلبس الاسوار والقلاده
واكيد هذا كله تقليد للغرب الذين يتشبهون بالنساء
والرجوله تكون بالقوه واللبس المحترم والاخلاق
وليس بالصياعه مثل ما تقولون
وطبعا احنا العرب نقلد الغرب بالشئ السئ
ولا نأخذ منهم الافكار والعلم منهم ولا نصل الى تطورهم
الذين ينجحون وينشطون بيه ويصلون الى اعالي القمم
على العموم اسفه على اطالتي
ولكن هذه الضاهره اغضبتني جدااا
لانه لاسف من هيج شباب عرب !!!
تحيتي ساره العراقيه
welcomeeee 25-09-2008, 02:46 AM الظاهره دى منتشره بطريقه مستفزه
ربنا يهديهم
المحب لله 25-09-2008, 12:40 PM الف شكر لكل الى رد والى دخل قرا الموضوع وطلع ومردش وربنا يهدينا جميعا
king mo7amed 25-09-2008, 01:05 PM شكرا علي الموضوع
شباب مصر اليوم ضيااااااااااااااااااااااااااااع وقله ادب
روميو 25-09-2008, 01:06 PM بجد دى اصبحت ظاهرة غريبة جدا انا شفت واحد لابس بوكسر مكتوب عليه اسمه ومنزل البنطلون اوى وباين البوكسر وايمه عليه مش عارف هو بيعلن عن نفسه ولا ايه ومناظر تشوفها بجد تخلى الواحد عاوز يروح يخنق العيال دى وقال ايه دى الموضة واللى مش يعمل كده يبقى متخلف بجد شباب مصر تلت ارباعهم فى الضياع والربع الباقى لو ملحقش نفسه حيضيع هو كمان يارب ارحمنا من اللى احنا فيه يارب وكفاية تقليد اعمى للغرب احنا بنقلد الحاجة الهابطة والمقززة ومش نقلدهم فى الفكر والشغل والصناعة بجد
شعب ماشى بضهره
mido125 25-09-2008, 01:58 PM [quote=mido125;792793]
طيب ماهم بيبلبسوا انسيال فى ايديهم مش بتتكلم على دى ليه
هو فيه راجل بيلبس انسيال
رغم ان كلامك ان واخده مهاجمه وانا عارف ان مش قصدك انا طبعا متحفظ على النقط دى لكن انا كلامى واضح وفى نقطه معينه وانا مقلتش انو يلبس انسيال وحظاظه وسلسه!!!!!!!!!!!!!!!!!!!1
انا مش بهاجمك ولا حاجة احنا بنتناقش
بس الانسيال بردو بقى متلازم مع موضة تنزيل البنطلون
المحب لله 25-09-2008, 02:38 PM اكيديا ميدو انسيال وحظاظه وكل واحد جايب شويه سلوك وحطتها فى ايده والله لسه امباراح شايف واحد لابس بوكسر
عليه ورود
بنت ازهريه 25-09-2008, 03:11 PM مقدرش اقول غير ربنا يهدى الجميع
فى امان الله
المحب لله 26-09-2008, 01:50 PM مقدرش اقول غير ربنا يهدى الجميع
فى امان الله
اه ربنا يهدينا كلنا وشكرا لمرورك الطيب
born to love allah 27-09-2008, 05:10 AM بجد موضوعك جميل اوى
بس الناس اللى بتعمل كده تقريبا مش بيفكرو
يلا بقى ربنا يهديهم
toka_nwara 27-09-2008, 05:19 PM انا مع الموضة بس بالملابس الراقية مش البنطلون الواقعة اصلا دى مناظر تقرف
Empty Heart 27-09-2008, 05:49 PM اولا أصل الحكاية دي هما قوم سيدنا لوط
ثانيا دي حاجة تقرف فعلا
لا ده غير لبس البنات اللي بقي بجح قوووووي وبايخ
و ربنا يهدي
ganash 27-09-2008, 08:15 PM فعلا دى بقت حاجه منتشره جداااااااا وربنا يهدى الجميع ده تقليد أعمى طيب يقلدم فى حاجه حلوه انما أحنا مبنخدش غير الحاجه السيئه جدااااااا وغير الانسيال والحظاظات دى معرفش والله اى الحكايه دى وربنا يهدى
احمد التونسي 27-09-2008, 08:17 PM احنا للاسف في ناس بيستغلوا عقولنا بتفهات الموضةومش عارف ايه الكلام اللي لايودي ولا يجيب وشبابنا بكل سذاجة استسلم للافكار ديه من غير ما يفكر يقول ده صح ولا غلط كل واحد بينزل البنطلون معلش في الكلام ةده فاكر نفسه ان البنات هتيجي تمشي معاها ليه لأنه ببساطة فاكر نفسه شاب مفيش زيه مع ان الواحد لما يظهر بمظهر مناسب للمجتمع اللي عايش فيه احنا في مجتمع شرقي لينا عادات وتقاليد الغرب دخلوا لينا عن طريق الموضة احنا سبب اللي احنا فيه اننا اتخلينا عن ديننا لازم كل واحد فينا يقعد مع نفسه ويراجع نفسه ويقول انا فين من الدنيا انا رايح فين انا عاوز ايه وفي الاخر احب اقول حاجة مفيش واحد فينا عارف نفسه انا مش عارف نفسي احنا الانسان طبعنا متغير الانسان مرة تلاقيه بطاش و مرة شهواني ومرة لوام بيرجع لربنا لذلك محدش يعرف نفسه ايه هي وفي الاخر اتمنى للجميع حظ سعيد في الدنيا واتمنى التوفيق للجميع ويا ربنا يهدي شبابنا
المحب لله 27-09-2008, 09:40 PM اشكركم جميعا على ردودكم وربنا يرحمنا برحمته
totylove 28-09-2008, 01:11 AM :d
جميل اوى الموضوع دا
بس انا احب اقول حاجه يا جماعه
بجد البس عمرو ما كان شى اساسى فى شخصيه الانسان
انا شايفه ان مساله البس ازواق
وانا يمكن ما بضايقش لما بلاقى الشباب لابسين البناطيل دى
وفى النهايه
ربنا يهدينا جميعا
أيمن الوزير 28-09-2008, 04:20 PM بصراحة فيه تقاليع في شارعنا أصبحت مقرفة كتقاليع الشباب الذين تتكلم عنهم
فجر الإسلام 28-09-2008, 04:30 PM بصراحه مش عارفه أتكلم عن الولاد واللا البنات
لابنا يهدينا ويهديهم جميعا
Messenger of Peace 28-09-2008, 04:35 PM انت في مصر
مش في حاجة اسمها اي حاجة في البلد ديه:d
انا مش هقولك اثر من عمرو حبيبي
مستغرب لية:p
rose 2010 28-09-2008, 07:38 PM انا مكنتش هارد بس بجد حاجه تقرف اللهم اهدى شباب المسلمين
بورسعيدى 28-09-2008, 07:56 PM ايوه يا جماعة هو ده الاستايل الجديد
واللبس الرسمى للتصدى لاعداء الاسلام والعرب
اللبس الرسمى هو البنطلون الساقط
والسلاح النووى هو الانسيال والجيل وفرد الشعر وبعض الشباب يضع مكياج كمان
امال ايه
هو ده التطور امال هنواكب العالم ازاى؟
وندافع عن ديننا ازاى؟
ماهو مافيش طريقة تانية للدفاع عن الدين والوطن ضد غزو اليهود غير كده
والى شايف حاجه تانية يقولها
شكرا ...
اضافة الرد السريع
bosy .. mostafa 28-09-2008, 08:34 PM بسم الله الرحمن الرحيم
الحكايه دي بتستفزني اوي اوي :mad:
كنت في محاضره دينيه للشيخ مصطفى حسني مره ..
و سمعته بيتكلم عن الحكايه دي ..
و بيحذر الشباب .. لإن في ده تشبه بقوم (لوط)
دلوقتي الشباب اللي بيعملوا كده ياترى يرضوا انهم يبقوا زي قوم (لوط) ؟!
هما متبعين الموضه و صارفين نظر عن ان كان ده بيخالف ديننا ولا لأ
انا مش كنت هرد .. بس حبيت اعرفكم ان الحكايه دي تشبه بقوم لوط
و شكراً للموضوع
بوسي مصطفى
|